33-زەرتتەۋ ماقالاسى
«تىڭداۋشىلارىڭىزدى قۇتقاراسىز»
«وزىڭە جانە بەرىپ جاتقان تالىمىڭە ٵردايىم دەن قوي. ۇدايى وسىلاردى ىستەي بەر، سوندا ٶزىڭدى دە، تىڭداۋشىلارىڭدى دا قۇتقاراسىڭ» (ٴتىم. 1-ح. 4:16).
67-ٵن «قۇداي ٴسوزىن ۋاعىزدا»
اڭداتپا *
1. تۋىسقاندارىمىزعا قاتىستى تىلەگىمىز قانداي؟
«شىندىقتى بىلگەن كەزدە-اق مەنىڭ بار تىلەرىم بۇكىل وتباسىممەن بىرگە جۇماقتا بولۋ ەدى. شىركىن-اي، جولداسىم ٴۋالي * مەن ۇلىم مەنىمەن بىرگە ەحوباعا قىزمەت ەتسە، بۇدان ارتىق ارمان بار ما دەپ ويلايتىنمىن»،— دەيدى پەريزات باۋىرلاس. وتباسىڭىزدا ٵلى شىندىققا كەلمەگەن بىرەۋ بار ما؟ ولاي بولسا، پەريزاتتىڭ سەزىمى سىزگە تانىس شىعار.
2. بۇل ماقالادا قانداي سۇراقتاردى تالقىلايمىز؟
2 تۋعان-تۋىستارىمىزدى ماجبۇرلەپ ىزگى حاباردى قابىلداتقىزا المايمىز. ٴبىراق ولارعا كيەلى كىتاپ حابارى جايلى ويلانۋعا، ونى قابىل الۋعا كومەكتەسۋ ٴبىزدىڭ قولىمىزدان كەلەدى (ٴتىم. 2-ح. 3:14، 15). نەگە ٴبىز تۋىستارىمىزعا كۋالىك بەرۋىمىز كەرەك؟ نەگە ولاردىڭ ىشكى سەزىمدەرىنە تۇسىنىكپەن قاراۋىمىز كەرەك؟ تۋعان-تۋىستارىمىز دا ەحوبانى جاقسى كورۋ ٷشىن نە ىستەي الامىز؟ بۇل ورايدا قاۋىمداعى باۋىرلاستار بىزگە قالاي كومەكتەسە الادى؟ وسى سۇراقتاردىڭ جاۋابىن اتالمىش ماقالادان تابامىز.
نەگە تۋىستارىمىزعا كۋالىك بەرۋىمىز كەرەك؟
3. پەتىردىڭ 2-حاتى 3:9 عا سۇيەنسەك، ٴبىز نەگە تۋىستارىمىزعا كۋالىك بەرۋىمىز كەرەك؟
3 ەحوبا جاقىن ارادا وسى زۇلىم دۇنيەگە نۇكتە قويادى. تەك «ماڭگى ومىرگە ىڭعاي تانىتقاندار» عانا امان قالادى (ەل. ٸس. 13:48). بەيتانىس ادامدارعا ۋاعىزداۋ ٷشىن كوپ ۋاقىتىمىز بەن كۇشىمىزدى جۇمسايتىنىمىز سوندىقتان. جانىمىزعا جاقىن تۋعاندارىمىزعا دا ايتۋدى ۇمىتپايمىز. ويتكەنى ولاردىڭ دا بىزبەن بىرگە ەحوباعا قىزمەت ەتكەنىن قالايمىز عوي. كۇللى ادامزاتتى سۇيەتىن ەحوبا اكەمىز «بىردە-ٴبىر ادامنىڭ جويىلماي، بارىنىڭ وكىنگەنىن قالايدى» (پەتىردىڭ 2-حاتى 3:9 وقىڭىز).
4. تۋىستارىمىزعا ۋاعىزداعاندا ٴبىز نەنى دۇرىس ىستەمەۋىمىز مۇمكىن؟
4 قۇتقارىلۋ جايلى حاباردى جەتكىزۋدىڭ ەكى جولى بار: دۇرىس جولى جانە بۇرىس جولى. وسىنى ەستەن شىعارماعان جاقسى. بالكىم، بەيتانىس ادامدارمەن بارىنشا ىزەتتى شىعارمىز، ٴبىراق تۋىستارعا ۋاعىزداعاندا، ىزەتىمىزدىڭ ٸزى دە قالماي جاتادى.
5. تۋعاندارىمىزعا ۋاعىزداعاندا قانداي كەڭەستى ەستە ۇستاۋ كەرەك؟
5 تۋعان-تۋىستارىمىزعا ٴبىرىنشى رەت قالاي ۋاعىزداعانىمىزدى ەسكە تۇسىرسەك، ۇيالعاننان جەرگە كىرە جازدايتىنىمىز وتىرىك ەمەس. ۋاقىتتى قايتارسا عوي، ٴبارىن باسقاشا ايتار ەدىك. وسى ورايدا ەلشى پاۋىل ماسىحشىلەرگە مىناداي كەڭەس بەرگەن: «سوزدەرىڭ ٵرقاشان جاعىمدى دا ٴدامدى بولسىن. سوندا اركىمگە قالاي جاۋاپ بەرۋ كەرەكتىگىن بىلەسىڭدەر» (قول. 4:5، 6). تۋعاندارىمىزعا ۋاعىزداعاندا وسى كەڭەستى ەستە ۇستايىق. ايتپەسە شىندىققا تابەتىن اشۋدىڭ ورنىنا، قاشىرىپ جىبەرەمىز.
تۋعان-تۋىستارىمىزعا كومەكتەسۋ ٷشىن نە ىستەي الامىز؟
6، 7. كۋاگەر ەمەس كۇيەۋگە تۇسىنىكپەن قاراۋدىڭ ماڭىزدىلىعىن تۇسىندىرەتىن وقيعا ايتىپ بەرىڭىز.
6 سەزىمدەرىنە تۇسىنىكپەن قاراڭىز. الدىندا ٴسوز ەتىلگەن پەريزات باۋىرلاس بىلاي ەسكە الادى: «باسىندا كۇيەۋىمە تەك قۇداي مەن كيەلى كىتاپ جايلى عانا ايتا بەرەتىنمىن. سودان باسقا ەش نارسە جايلى سويلەسپەيتىنبىز». پەريزاتتىڭ جولداسى كيەلى كىتاپ جايلى ەستىگەنى بولماسا، ول جايلى كوپ بىلمەيتىن.
سوندىقتان ايەلىنىڭ اڭگىمەسى ول ٷشىن مۇلدەم تۇسىنىكسىز دۇنيە ەدى. پەريزات وعان دىنگە باسىمەن كىرىپ كەتكەندەي كورىنەتىن. ايەلى قاۋىپتى سەكتادا ٴجۇر مە دەپ قورقا باستادى.7 پەريزاتتىڭ ايتۋىنشا، ول ٴبىر كەزدەرى كەشكى ۋاقىتىن جانە دەمالىس كۇندەرىن كوبىنەسە باۋىرلاستارمەن وتكىزەتىن. قاۋىمعا باراتىن، قىزمەتكە شىعاتىن، ۇيلەرىنە بارىپ ارالاساتىن. «كەيدە ٴۋالي ۇيگە كەلگەندە، ٷي قاڭىراپ بوس تۇراتىن. سوندىقتان ول جالعىزسىرايتىن»،— دەيدى پەريزات. ارينە، ۇيدە جالعىز قالۋ كىمگە ۇنايدى دەيسىز؟ ٴۋالي ايەلىنىڭ قانداي ادامدارمەن جۇرگەنىن بىلمەگەندىكتەن، جاڭا دوستارى وعان الدەقايدا ماڭىزدى ەكەن عوي دەگەن ويدا قالاتىن. ٴسۇيتىپ، ٴۋالي اجىراسامعا باسىپ، پەريزاتتى قورقىتا باستادى. پەريزات كۇيەۋىنە قالاي تۇسىنىكپەن قاراسا بولار ەدى؟
8. پەتىردىڭ 1-حاتى 3:1، 2 دەن بىلگەنىمىزدەي، تۋعاندارىمىزعا نە نارسە كوبىرەك اسەر ەتەدى؟
8 ۇلگىڭىز سويلەسىن. تۋعاندارىمىزعا سوزىمىزدەن گورى ٸسىمىز ٶتىمدى (پەتىردىڭ 1-حاتى 3:1، 2 وقىڭىز). پەريزات تا مۇنى ٴتۇسىندى. ول بىلاي دەيدى: «ٴۋالي شىن مانىندە اجىراسقىسى كەلمەگەن، ونىڭ ٴبىزدى جاقسى كورەتىنىن بىلەتىنمىن. ٴبىراق ول اجىراسام دەگەندە، مەن ەسىمدى جيعانداي بولدىم. ەحوبانىڭ نەكەگە قاتىستى كەڭەستەرىن ورىنداماي جۇرگەنىمدى سول كەزدە ٴتۇسىندىم. اۋىزبەن عانا ايتا بەرمەي، ىسپەن كورسەتۋىم كەرەك ەدى». كۇيەۋىن قيناپ كيەلى كىتاپ تۋرالى سويلەسۋدىڭ ورنىنا پەريزات باسقا تاقىرىپتاردا سويلەسەتىن بولدى. ٴۋالي ايەلىنىڭ سوزگە كەلمەيتىنىن، ال ۇلىنىڭ ادەپتى دە ٴتىلالعىش بولعانىن بايقادى (ناق. س. 31:18، 27، 28). كيەلى كىتاپتىڭ وتباسىنا جاقسى اسەر ەتكەنىن كورگەندە، ۋاليدىڭ قۇداي سوزىنە ىقىلاسى اۋا باستادى (قور. 1-ح. 7:12—14، 16).
9. نەگە كومەكتەسۋدەن شارشاماۋىمىز كەرەك؟
9 كومەكتەسۋدەن شارشاماڭىز. ەحوبا سونىڭ تاماشا ۇلگىسىن كورسەتتى. ٶز حالقى ىزگى حابارعا قۇلاق اسىپ، ومىرگە يە بولۋ ٷشىن ولارعا «قايتا-قايتا» مۇمكىندىك بەرىپ وتىردى (ەرم. 44:4). ەلشى پاۋىل دا تىموتەگە ۇدايى كومەكتەسە بەر دەگەن كەڭەس بەردى. نە ٷشىن دەپ ويلايسىز؟ ويتكەنى ول ٶزىن دە، تىڭداۋشىلارىن دا قۇتقارار ەدى (ٴتىم. 1-ح. 4:16). ٴبىز تۋعان-تۋىسقاندارىمىزدى جاقسى كورەمىز. سوندىقتان قۇداي سوزىندەگى شىندىقتى بىلسە ەكەن دەيمىز. پەريزاتتىڭ ٴسوزى دە، ٸسى دە ۋاقىت وتە ٶز جەمىسىن بەردى. قازىر ول كۇيەۋىمەن قول ۇستاسىپ ەحوباعا بىرگە قىزمەت ەتىپ ٴجۇر. ەكەۋى دە ٸزاشار، سونداي-اق ٴۋالي اقساقال بولىپ قىزمەت ەتەدى.
10. ٴبىز نەگە شىدامدىلىق تانىتۋىمىز قاجەت؟
10 شىدامدى بولىڭىز. قۇدايدىڭ زاڭ-تالاپتارىنا مويىنسۇنۋدى شەشكەندە، ٴبىزدىڭ نانىمدارىمىز دا، ٶمىرىمىز دە وزگەرىپ جاتادى. مۇنى كورگەن جاقىندارىمىزعا بۇعان كونۋ قيىن بولۋى مۇمكىن. ادەتتە ولاردىڭ كوزىنە ٴبىرىنشى تۇسەتىنى — ٴدىني مەيرامداردى تويلامايتىنىمىز بەن ساياساتقا ارالاسپايتىنىمىز. ٴبىرىنشى كەزدەرى كەيبىر تۋىستارىمىز ٴتىپتى بۇعان اشۋلانۋى دا مۇمكىن (مات. 10:35، 36). ٴبىراق ولاردان ەشقاشان كۇدەرىمىزدى ۇزبەيىك. ٴبىز ولارعا قول سىلتەپ، نانىمدارىمىزدى ٴتۇسىندىرۋدى قويساق، ولارعا ماڭگىلىك ومىرگە لايىق ەمەس دەپ ۇكىم شىعارعانداي بولامىز. ال سوتتاۋدى ەحوبا بىزگە ەمەس، يساعا تاپسىرعان (جوح. 5:22). شىدامدىلىعىمىزدىڭ ارقاسىندا كۇندەردىڭ كۇنىندە تۋىستارىمىز شىندىقتى بىلۋگە ىقىلاس تانىتۋى مۇمكىن (« سايتىمىز ارقىلى ۇيرەتىڭىز» دەگەن قورشاۋدى قاراڭىز).
11—13. اليسانىڭ ارەكەتىنەن نە ۇيرەندىڭىز؟
11 مەيىرىمدى، ٴبىراق بىرشەشىمدى بولىڭىز (ناق. س. 15:2). اليسانىڭ وقيعاسى — سونىڭ ٴبىر ۇلگىسى. ول ەحوبا جايلى اتا-اناسىنان الىستا جۇرگەندە بىلەدى. ونىڭ اتا-اناسى ساياساتقا بەلسەندى ارالاسقان اتەيستەر ەدى. اليسا ٶزى بىلگەن جاقسى حاباردى تەز ارادا اتا-اناسىنا دا ايتۋ كەرەكتىگىن ٴتۇسىندى. ول بىلاي دەيدى: «جاڭا سەنىمىڭ جايلى وتباسىڭا ايتپاي سوزا بەرسەڭ، وتباسىڭا بۇنى قابىلداۋ قيىنداي تۇسەدى». اليسا اتا-اناسىنا سۇيىسپەنشىلىك سياقتى تاقىرىپ قىزىق بولادى-اۋ دەگەن ويمەن سول تۋرالى حات جازادى. سوعان قاتىستى ويلارىن سۇرايدى (قور. 1-ح. 13:1—13). باعىپ-قاعىپ وسىرگەنى ٷشىن العىسىن ايتىپ، سيلىعىن سالىپ جىبەرەدى. ال ۇيىنە بارعان سوڭ اناسىنا ٷي تىرلىگىنە كومەكتەسەدى. العاشىندا اليسا جاڭا سەنىمى تۋرالى ايتقاندا، اتا-اناسى مۇنىسىن قۇپتامادى.
12 اتا-اناسىنىڭ ۇيىندە جۇرگەندە دە اليسا كيەلى كىتاپتى كۇندەلىكتى وقي بەردى. «وسىنىڭ ارقاسىندا كيەلى كىتاپ مەن ٷشىن وتە ماڭىزدى ەكەنىن انام ٴتۇسىندى»،— دەيدى اليسا. سول ارالىقتا اليسانىڭ اكەسى قىزىنىڭ نەگە وزگەرگەنىن ٴتۇسىنۋ ٷشىن جانە كيەلى كىتاپتان ٴمىن تابۋ ٷشىن وقىپ كورگىسى كەلەدى. سول كەزدە اليسا بىلاي ىستەپتى: «مەن وعان كيەلى كىتاپتى بەردىم جانە ىشىنە جۇرەگىن قوزعايتىن ٴبىر-ەكى اۋىز ٴسوز جازىپ قويدىم». بۇنىڭ ارتى نەمەن اياقتالدى؟ اكەسى قۇداي سوزىنەن ەش ٴمىن تاپپادى. قۇداي ٴسوزى وعان قاتتى اسەر ەتتى.
13 قيىندىقتارعا كەزىكسەك تە، ٴبىز مەيىرىمدى، ٴبىراق بىرشەشىمدى بولۋىمىز كەرەك قور. 1-ح. 4:12ٵ). مىسالى، اليسا اناسىنىڭ جاعىنان قارسىلىققا تاپ بولدى. ول بىلاي دەيدى: «مەن شومىلدىرۋ راسىمىنەن وتكەندە، انام ماعان «ەندى سەن مەنىڭ قىزىم ەمەسسىڭ» دەدى». سول كەزدە اليسا نە ىستەدى؟ «مەن جاڭا ٴدىنىم تۋرالى اڭگىمەدەن قاشپايتىنمىن. اناما ەحوبا كۋاگەرى بولۋدى شەشىپ قويعانىمدى جانە بۇل شەشىمىمنىڭ وزگەرمەيتىنىن قۇرمەتپەن جەتكىزدىم. اناما جاقسى كورەتىنىمدى دە ايتتىم. ەكەۋمىز ٴبىر جىلاپ الدىق، سوسىن وعان ٴدامدى تاماق ٴپىسىرىپ بەردىم. سول كۇننەن باستاپ انام كيەلى كىتاپتىڭ ارقاسىندا جاقسى جاققا وزگەرگەنىمدى مويىندادى»،— دەيدى اليسا.
(14. نەگە ٴبىز بىرشەشىمدى بولۋىمىز كەرەك؟
14 ەحوباعا قىزمەت ەتۋ ٴبىز ٷشىن ومىرلىك ٸس ەكەنىن تۋىسقاندار تۇسىنگەنشە، كوپ ۋاقىت ٶتۋى مۇمكىن. مىسالى، اليسا اتا-اناسى قالاعان ماماندىقتى قۋۋدىڭ ورنىنا ٸزاشار بولۋدى شەشكەندە، اناسى تاعى جىلادى. ٴبىراق اليسا شەشىمىنەن تايمادى. ول بىلاي دەيدى: «قانداي دا ٴبىر سالادا وتباسىڭا شەشىمىڭدى وزگەرتۋگە جول بەرسەڭ، وندا ولار باسقا دا شەشىمىڭدى وزگەرتەدى دەي بەر. ٴبىراق سەن وتباسىڭا مەيىرىمدى، سويتە تۇرا بىرشەشىمدى بولساڭ، ولاردىڭ كەيبىرى ساعان قۇلاق اسۋى مۇمكىن». بۇل سوزدەر اليسانىڭ ومىرىندە ورىندالدى. ونىڭ اتا-اناسى قازىر ٸزاشار، ال اكەسى — اقساقال.
قاۋىمداعىلار قالاي كومەكتەسە الادى؟
15. ماتاي 5:14—16 جانە پەتىردىڭ 1-حاتى 2:12 دەن وقىعانىمىزداي، باسقالاردىڭ «يگى ىستەرى» جاقىندارىمىزعا قالاي كومەكتەسەدى؟
15 قىزمەتشىلەرىنىڭ «يگى ىستەرى» ارقىلى ەحوبا ادامداردى وزىنە جاقىنداتادى (ماتاي 5:14—16؛ پەتىردىڭ 1-حاتى 2:12 وقىڭىز). ٴسىزدىڭ ەحوبا كۋاگەرى ەمەس جارىڭىز قاۋىمداعى باۋىرلاستاردى تاني ما؟ مىسالى، پەريزات كۇيەۋى قاۋىمداعى باۋىرلاستارمەن تانىس بولۋ ٷشىن ولاردى قوناققا شاقىرادى. ۋاليگە كۋاگەرلەردىڭ قانداي ادامدار ەكەنىن تۇسىنۋگە ٴبىر باۋىرلاس كومەكتەسىپتى، ول بىلاي دەپ ەسكە الادى: «ٴبىر باۋىرلاس مەنىمەن بىرگە سپورت ويىنىن كورۋ ٷشىن عانا جۇمىسىنان دەمالىس الىپ، ۇيىمە كەلدى. سوندا مەن: «ە-ە، مىنالار ٶزىمىز سياقتى كادىمگى ادامدار ەكەن عوي» دەپ ويلادىم».
16. نەگە تۋىسقاندارىمىزدى قاۋىمعا شاقىرۋىمىز كەرەك؟
16 تۋعاندارىمىزعا كومەكتەسۋدىڭ ٴبىر كەرەمەت جولى — قاۋىمعا شاقىرۋ (قور. 1-ح. 14:24، 25). ۋاليدىڭ ٴبىرىنشى بارعان كەزدەسۋى ەسكە الۋ كەشى بولاتىن، ويتكەنى جۇمىستان كەيىن بارۋعا ىڭعايلى ٵرى باعدارلاما ۇزاق ەمەس ەدى. «باياندامانى ونشا تۇسىنگەن دە جوقپىن، ٴبىراق سول جەردىڭ ادامدارى ماعان قاتتى ۇنادى. ولار مەنى جىلى قارسى الدى، قاسىما وزدەرى كەلىپ، قولىمدى الدى. نە كەرەك، جاقسى ادامدار ەكەن دەپ ويلادىم»،— دەيدى ٴۋالي. قاۋىمداعى ٴبىر وتباسى جينالىس كەزىندە دە، قىزمەتتە دە پەريزاتتىڭ ٷش جاسار ۇلىنا قاراپ جۇرۋگە كومەكتەسەتىن. ٴبىر كۇنى ٴۋالي ايەلىنىڭ سەنىمى جايلى كوبىرەك ٴبىلۋدى شەشكەندە، سول وتباسىنىڭ وتاعاسىنا بارادى. ٴسۇيتىپ، ەكەۋى كيەلى كىتاپ زەرتتەۋ ساباعىن باستايدى.
17. ٶزىمىزدى نە ٷشىن كىنالاماۋىمىز كەرەك جانە تۋىسقاندارىمىز تۋرالى نە دەپ ويلاماۋىمىز كەرەك؟
17 كۇندەردىڭ كۇنىندە بارلىق تۋعان-تۋىستارىمىز ەحوباعا قىزمەت ەتەدى دەپ ۇمىتتەنەمىز. ٴبىراق ٴبىزدىڭ كۇش سالعانىمىزعا قاراماستان ولار شىندىققا كەلمەي جاتسا شە؟ تۋىستارىڭىزدىڭ سول شەشىمى ٷشىن ٶزىڭىزدى كىنالاماڭىز. ويتكەنى ٴبىز ەشكىمدى شىندىققا كەلۋگە ماجبۇرلەي المايمىز. ٴبىراق تۋىستارىڭىز سىزدىڭ ەحوباعا قۋانا قىزمەت ەتىپ جاتقانىڭىزدى كورگەندە، بۇل ولارعا قاتتى اسەر ەتۋى مۇمكىن. تۋعاندارىڭىز ٷشىن دۇعا ەتىڭىز. قۇرمەتپەن سويلەڭىز. ولارعا كومەكتەسۋدەن ەش تالماڭىز (ەل. ٸس. 20:20). ەحوبا سىزدىڭ ٵر تالپىنىسىڭىزدى، ٵر كۇش سالعانىڭىزدى جارىلقايتىنىن ٴبىلىپ ٴجۇرىڭىز. ٴبىر كۇنى تۋعان-تۋىستارىڭىز سىزگە قۇلاق اسسا، ولار قۇتقارىلادى!
57-ٵن بارشا جانعا ۋاعىزدايىق
^ 5-ابزاس تۋعان-تۋىستارىمىز ەحوبانى تانىسا ەكەن، ونى بىلسە ەكەن دەيمىز. الايدا وعان قىزمەت ەتە مە، جوق پا — بۇنى ولار وزدەرى شەشۋ كەرەك. ولارعا ٴبىزدىڭ سوزدەرىمىزدى قابىلداۋ وڭاي بولۋ ٷشىن نە ىستەۋ كەرەك ەكەنى وسى ماقالادا تالقىلانادى.
^ 1-ابزاس كەيبىر ەسىمدەر وزگەرتىلگەن. بۇل ماقالا ەحوباعا قىزمەت ەتپەيتىن وتباسى مۇشەلەرى تۋرالى بولعانمەن، بۇل جەردەگى پرينسيپتەردىڭ بارلىق تۋىستارعا قاتىسى بار.
^ 53-ابزاس سۋرەت سيپاتتاماسى: جاس باۋىرلاس اكەسىمەن بىرگە كولىك جوندەپ جاتىر. رەتى كەلگەن سوڭ، وعان ®jw.org تور بەكەتىنەن بەينەروليك كورسەتىپ تۇر.
^ 55-ابزاس سۋرەتتەر سيپاتتاماسى: كۋاگەر ەمەس كۇيەۋى جۇمىسى جايلى ايتىپ بەرىپ جاتقاندا، ايەلى ونى مۇقيات تىڭداپ وتىر. سالدەن سوڭ ايەلى وتباسىمەن بىرگە ويىن ويناپ وتىر.
^ 57-ابزاس سۋرەتتەر سيپاتتاماسى: ايەل باۋىرلاس ۇيىنە قاۋىمداعى باۋىرلاستاردى قوناققا شاقىردى. ولار باۋىرلاستىڭ كۇيەۋىنە شىن جۇرەكتەن كوڭىل ٴبولىپ، جاقىنىراق تانىسىپ جاتىر. كەيىن كۇيەۋى ايەلىمەن بىرگە ەسكە الۋ كەشىنە كەلەدى.