32-زەرتتەۋ ماقالاسى
سۇيىسپەنشىلىكتەرىڭىز ارتا بەرسىن
«مەن ۇنەمى دۇعا ەتىپ... سۇيىسپەنشىلىكتەرىڭ ارتا بەرسە ەكەن دەپ سۇرايمىن» (ٴفىلىپ. 1:9).
106-ٵن سۇيىسپەنشىلىك قاسيەتىن دامىتايىق
اڭداتپا *
1. فىلىپىدەگى قاۋىمدى قۇرۋعا كىمدەر كومەكتەستى؟
ەلشى پاۋىل، سيلاس، لۇقا، تىموتە تورتەۋى فىلىپىگە كەلگەندە، ول قالادا ىزگى حاباردى قىزىعا تىڭداعان ادام كوپ ەدى. بۇل تورتەۋى فىلىپىدەگى قاۋىمنىڭ ىرگەتاسىن قالادى. ەندى جاڭا شاكىرتتەر بىرگە باس قوساتىن بولدى. ولار، ٴسىرا، قوناقجايلىلىعىمەن ەرەكشەلەنگەن ٴلۇديا باۋىرلاستىڭ ۇيىندە جينالسا كەرەك (ەل. ٸس. 16:40).
2. قاۋىم كوپ ۇزاماي قانداي قيىندىققا تاپ بولدى؟
2 بۋىنى قاتپاعان بۇل قاۋىم كوپ ۇزاماي ٴبىر قيىن جاعدايعا تاپ بولادى. شايتان دا تىنىش وتىرا ما، ول شىندىقتى جەك كورەتىن ادامداردى ۋاعىزداپ جۇرگەن پاۋىل مەن سەرىكتەستەرىنە قارسى ايداپ سالادى. پاۋىل مەن سيلاستى تۇتقىنداپ، دۇرە سوعادى، سوسىن تۇرمەگە قامايدى. تۇرمەدەن بوساعاننان كەيىن ولار جاڭا شاكىرتتەرگە بارىپ، ولاردى جىگەرلەندىرەدى. سوسىن پاۋىل، سيلاس، تىموتە قالادان كەتىپ قالادى، ال لۇقا قالىپ قويسا كەرەك. جاڭادان قۇرىلعان قاۋىم ەندى قايتپەك؟ ەحوبانىڭ كيەلى رۋحىنىڭ ارقاسىندا جاڭا شاكىرتتەر قۇلشىنا قىزمەت ەتۋلەرىن جالعاستىرا بەردى (ٴفىلىپ. 2:12). پاۋىلدىڭ ولاردى ماقتان تۇتاتىنداي ٴجونى بار ەدى!
3. فىلىپىلىكتەرگە 1:9—11 تارماقتاردا پاۋىل نە تۋرالى دۇعا ايتتى؟
3 ون جىلداي ۋاقىت وتكەن سوڭ پاۋىل فىلىپىدەگى قاۋىمعا حات جازدى. سول حاتتى وقىپ وتىرىپ پاۋىلدىڭ باۋىرلاستارعا دەگەن سۇيىسپەنشىلىگىن بايقاماۋ مۇمكىن ەمەس. ول ٴبىر سوزىندە: «ٴبارىڭدى ٴماسىح يسا ىسپەتتى بار كوڭىلىممەن جاقسى كورىپ، قاتتى ساعىنىپ جۇرگەنىمە قۇداي كۋا»،— دەپ جازدى (ٴفىلىپ. 1:8). سونداي-اق ولار ٷشىن دۇعا ايتاتىنىن جازدى. پاۋىل ەحوبادان باۋىرلاستاردىڭ سۇيىسپەنشىلىكتەرىنىڭ ارتقانىن، نەنىڭ ماڭىزدىراق ەكەنىنە كوز جەتكىزگەندەرىن، كىرشىكسىز تازا بولعاندارىن، ەشكىمنىڭ سەنىمىنە نۇقسان كەلتىرمەگەنىن جانە ٵدىل ىستەردى مولىنان جاساي بەرگەندەرىن سۇرادى. پاۋىلدىڭ شىن جۇرەكتەن ايتقان سول سوزدەرى ٴبىزدىڭ دە كادەمىزگە جارايدى. ولاي بولسا، پاۋىلدىڭ فىلىپىلىكتەرگە جازعاندارىن بىرگە وقىپ كورەيىك (فىلىپىلىكتەرگە 1:9—11 وقىڭىز). سودان كەيىن ايتقان كەڭەستەرىنە توقتالىپ، ولارعا قالاي قۇلاق اسۋعا بولاتىنىن تالقىلايمىز.
«سۇيىسپەنشىلىكتەرىڭ ارتا بەرسىن»
4. ا) جوحاننىڭ 1-حاتى 4:9، 10 عا ساي، ەحوبا ٴبىزدى جاقسى كورەتىنىن قالاي ٴبىلدىردى؟ ٵ) ەحوبانى قالاي جاقسى كورۋىمىز كەرەك؟
4 ەحوبا ٴبىزدى جاقسى كورەتىنىن ٴبىلدىرۋ ٷشىن جەرگە ٶز ۇلىن جىبەردى. ول ٴبىزدىڭ كۇنالارىمىز ٷشىن ٶلدى (جوحاننىڭ 1-حاتى 4:9، 10 وقىڭىز). قۇدايدىڭ بىزگە دەگەن ۇلى ماحابباتى ونى جاقسى كورۋگە قوزعاۋ سالادى ەمەس پە؟! (ريم. 5:8). ٴبىز قۇدايدى قالاي جاقسى كورۋىمىز كەرەك؟ بۇنىڭ جاۋابىن يسا پارىزشىلدارعا ايتقان: «ەحوبا قۇدايىڭدى بار جۇرەگىڭمەن، بۇكىل جان-تانىڭمەن، بارلىق اقىل-ويىڭمەن ٴسۇي!» (مات. 22:36، 37). ارينە، ٴبىز قۇدايدى جارتىكەش ەمەس، بار جۇرەكپەن جاقسى كورگىمىز كەلەدى. وعان دەگەن سۇيىسپەنشىلىگىمىزدىڭ كۇننەن كۇنگە ارتقانىن قالايمىز. پاۋىل فىلىپىدەگى ماسىحشىلەرگە: «سۇيىسپەنشىلىكتەرىڭ ارتا بەرسىن»،— دەپ كەڭەس بەرگەن. ولاي بولسا، قۇدايعا سۇيىسپەنشىلىگىمىزدى قالاي ارتتىرا الامىز؟
5. سۇيىسپەنشىلىگىمىز نەنىڭ ارقاسىندا ارتادى؟
5 قۇدايدى ٴسۇيۋ ٷشىن ونى تانىپ-ٴبىلۋىمىز كەرەك. كيەلى كىتاپتا: «سۇيمەيتىن ادام قۇدايدى بىلمەيدى، ويتكەنى قۇداي — سۇيىسپەنشىلىك»،— دەلىنگەن (جوح. 1-ح. 4:8). ەلشى پاۋىل قۇدايعا سۇيىسپەنشىلىگىمىزدى ارتتىرۋ ٷشىن «ٴبىلىمىمىز بەن تۇسىنىگىمىزدى تەرەڭدەتۋىمىز» قاجەت دەپ ايتقان (ٴفىلىپ. 1:9). ٴبىز كيەلى كىتاپتى زەرتتەي باستاعاندا، قۇداي تۋرالى ٴبارىن بىلمەسەك تە، ونى سۇيە باستادىق. ال ول تۋرالى كوپ بىلگەن سايىن سۇيىسپەنشىلىگىمىز دە ارتا ٴتۇستى. سوندىقتان كيەلى كىتاپتى جۇيەلى تۇردە زەرتتەۋدى جانە قۇداي ٴسوزى جايلى وي جۇگىرتۋدى ومىرىمىزدەگى ەڭ ماڭىزدى ىستەردىڭ ٴبىرى دەپ بىلەمىز (ٴفىلىپ. 2:16).
6. سۇيىسپەنشىلىكتى ارتتىرۋ جايىندا جوحاننىڭ 1-حاتى 4:11، 20، 21 دە نە ايتىلعان؟
6 قۇدايدىڭ بىزگە دەگەن ۇلى ماحابباتى ٴبىزدى باۋىرلاستاردى سۇيۋگە قوزعاۋ سالادى (جوحاننىڭ 1-حاتى 4:11، 20، 21 وقىڭىز). بالكىم، باۋىرلاستاردى ٴسۇيۋ وزدىگىنەن كەلەدى دەپ ويلايتىن شىعارمىز. نە دەگەنمەن ٴبىز ەحوباعا بىرگە عيبادات ەتەمىز، وعان ۇقساۋعا تىرىسامىز. سونداي-اق ٴبىز ٷشىن جانىن اياماعان يسانىڭ سۇيىسپەنشىلىگىنە ەلىكتەيمىز. دەسە دە ٴبىر-ٴبىرىڭدى سۇيىڭدەر دەگەن وسيەتكە قۇلاق اسۋ ٵردايىم وڭاي ەمەس. فىلىپىدەگى قاۋىمدا بولعان ٴبىر وقيعانى قاراستىرايىق.
7. پاۋىلدىڭ ەۋوديا مەن سينتيحەگە بەرگەن كەڭەسىنەن نە تۇيەمىز؟
7 ەۋوديا مەن سينتيحە ەلشى پاۋىلمەن بىرگە يىق تىرەسە قىزمەت ەتكەن قۇلشىنىستى ايەل باۋىرلاستار ەدى. ٴبىراق ٶزارا كەلىسپەي قالعاندىقتان، ەكەۋىنىڭ دوستىقتارىنا سىزات تۇسكەن كورىنەدى. پاۋىل سول باۋىرلاستاردىڭ قاۋىمىنا جازعان حاتىندا ەۋوديا مەن سينتيحەنىڭ ەسىمدەرىن اتاپ، «ٴبىر ويدا بولىڭدار» دەپ كەڭەس بەردى (ٴفىلىپ. 4:2، 3). پاۋىل بۇنىمەن شەكتەلمەي، بۇكىل قاۋىمعا دا نۇسقاۋ بەرۋدى ٴجون كوردى. ول: «نە ىستەسەڭدەر دە، نارازىلىقسىز، داۋ-جانجالسىز ىستەڭدەر»،— دەدى (ٴفىلىپ. 2:14). بۇل كەڭەستەر تەك ەكى ادال ايەل باۋىرلاسقا عانا ەمەس، بۇكىل قاۋىمعا ٴبىر-ٴبىرىن جاقسى كورە تۇسۋگە كومەكتەسكەنى ٴشۇباسىز.
8. باۋىرلاستى جاقسى كورۋگە قانداي كەدەرگى بار جانە ونى قالاي جەڭۋگە بولادى؟
ٴفىلىپ. 2:1، 2).
8 كەيدە ەۋوديا مەن سينتيحە سياقتى ٴبىز دە باۋىرلاستاردىڭ قاتەلىكتەرىنە نازار اۋدارىپ، ولاردى سۇيۋگە قينالىپ جاتامىز. ٴبارىمىز دە كۇن سايىن قاتەلىكتەر جىبەرەمىز. وزگەنىڭ قاتەلىكتەرىنە قادالىپ قالساق، ولارعا دەگەن سۇيىسپەنشىلىگىمىز سۋ سەپكەندەي باسىلىپ قالادى. مىسالى، ٴبىر ەر باۋىرلاس پاتشالىق سارايىن تازالاۋعا كومەكتەسۋدى ۇمىتىپ كەتكەندە، بۇل ٴبىزدىڭ اشۋىمىزعا ٴتيۋى مۇمكىن. سول باۋىرلاستىڭ بۇكىل قاتەلىكتەرىن ەسكە تۇسىرەتىن بولساق، اشۋىمىز ودان بەتەر ٶرشيدى، ال سۇيىسپەنشىلىگىمىز كەميدى. ٴسىز دە وسىنداي جاعدايعا كۇيىپ-ٴپىسىپ جۇرگەن بولساڭىز، مىنا جايلى ويلانعانىڭىز ٴجون: ەحوبا ٴسىزدىڭ دە، ول باۋىرلاستىڭ دا قاتەلىكتەرىن كورىپ تۇر. ٴبىراق سوعان قاراماستان ول ٴسىزدى دە، ٴسىزدى اشۋلاندىراتىن باۋىرلاستى دا جاقسى كورەدى. سول سەبەپتى ٴبىز ەحوبانىڭ سۇيىسپەنشىلىگىنە ەلىكتەۋىمىز كەرەك جانە باۋىرلاستاردىڭ جاقسى مىنەزدەرىنە نازار اۋدارۋىمىز كەرەك. باۋىرلاستاردى جاقسى كورۋگە وسىلاي كۇش سالساق، بىرلىگىمىز ٶزارا بەكي تۇسەدى (ماڭىزدىراق نارسەلەر
9. فىلىپىلىكتەرگە ارنالعان حاتىندا پاۋىل «ماڭىزدىراق» دەپ نەنى ايتتى؟
9 ەحوبا پاۋىلدى فىلىپىدەگى ماسىحشىلەرگە «نەنىڭ ماڭىزدىراق ەكەنىنە كوز جەتكىزىڭدەر» دەپ كەڭەس بەرۋگە تالپىندىردى. بۇل كەڭەستىڭ بىزگە دە قاتىسى بار (ٴفىلىپ. 1:10). بۇل ماڭىزدى نارسەلەرگە ەحوبانىڭ كيەلى ەسىمى، ونىڭ ۋادەلەرى جانە قاۋىمنىڭ تاتۋلىعى مەن بىرلىگى كىرەدى (مات. 6:9، 10؛ جوح. 13:35). وسى نارسەلەر ٴبىز ٷشىن ەڭ ماڭىزدى بولسا، وندا ٴبىز ەحوبانى جاقسى كورەتىنىمىزدى كورسەتەمىز.
10. ەحوبا ٴبىزدى «كىرشىكسىز تازا» دەپ قابىلداۋ ٷشىن نە ىستەۋىمىز كەرەك؟
10 سونىمەن قاتار پاۋىل ٴبىزدىڭ «كىرشىكسىز تازا» بولۋىمىز كەرەكتىگىن ايتقان. بۇل كەمەلدى بولۋىمىز كەرەكتىگىن بىلدىرمەيدى. ٴبىز ەحوبا سياقتى كىرشىكسىز تازا بولا المايمىز. ٴبىراق سۇيىسپەنشىلىگىمىزدىڭ تەرەڭنەن شىعۋىنا كۇش سالساق جانە نەنىڭ ماڭىزدىراق ەكەنىنە كوز جەتكىزسەك، ەحوبا ٴبىزدى «كىرشىكسىز تازا» دەپ بىلەدى. سۇيىسپەنشىلىك تانىتۋدىڭ ٴبىر جولى — وزگەلەردىڭ سەنىمدەرىنە نۇقسان كەلتىرمەۋ.
11. نەگە وزگەلەردىڭ سەنىمىنە نۇقسان كەلتىرمەۋىمىز كەرەك؟
11 وزگەلەردىڭ سەنىمىنە نۇقسان كەلتىرۋ جەڭىل-جەلپى قارايتىن ماسەلە ەمەس. ٴبىز بىرەۋدىڭ سەنىمىنە قالاي نۇقسان كەلتىرۋىمىز مۇمكىن؟ مىسالى، قالاي كوڭىل كوتەرەتىنىمىز، قانداي كيىم كيەتىنىمىز نە جۇمىسىمىز بىرەۋدىڭ ەحوبامەن دوستىعىن بۇزۋى مۇمكىن. بالكىم، ارەكەتىمىز وزدىگىنەن جامان ەمەس شىعار. ٴبىراق ول بىرەۋدىڭ ار-ۇياتىنا مازا بەرمەي جاتسا، وندا بۇل — ويلانارلىق ماسەلە. ويتكەنى يسانىڭ ايتۋىنشا، اياۋلى باۋىرلاسىمىزدىڭ ەحوبامەن قارىم-قاتىناسىن بۇزۋ موينىنا اۋىر تاس بايلاپ، تەڭىز تۇڭعيىعىنا باتىرىلعاننان جامان (مات. 18:6).
12. ٸزاشار جۇپتان نە ۇيرەنۋگە بولادى؟
12 ٴبىر ٸزاشار جۇپتىڭ يسانىڭ سوزىنە قالاي قۇلاق اسقانىنا نازار اۋدارىڭىزشى. ولاردىڭ قاۋىمىندا بالا كەزىندە قاتال تاربيەلەنگەن جاڭادان شومىلدىرۋ راسىمىنەن وتكەن ەرلى-زايىپتىلار بار ەدى. ولار ماسىحشىلەر كينوتەاترعا بارماۋ كەرەك، ٴتىپتى جاقسى كينو بولسا دا كورۋگە بولمايدى دەپ ويلاعان. ٸزاشار جۇپتىڭ فيلم كورگەنىن بىلگەندە، سول ەرلى-زايىپتى ولارعا قاتتى رەنجيدى. ەۆر. 5:14). وسىلايشا ٸزاشار ەرلى-زايىپتى باۋىرلاستارىن جاقسى كورەتىنىن سوزبەن عانا ەمەس، ىسىمەن دە كورسەتتى (ريم. 14:19—21؛ جوح. 1-ح. 3:18).
سودان كەيىن ٸزاشار جۇپ شىندىققا جاڭا كەلگەن ەرلى-زايىپتى ار-ۇجدانىن تاربيەلەپ، دۇرىس پەن بۇرىستى اجىراتۋدى ۇيرەنگەنشە، كينوتەاترعا بارماۋدى شەشەدى (13. قالايشا وزگەلەردى كۇناعا يتەرمەلەۋىمىز مۇمكىن؟
13 وزگەلەردىڭ سەنىمىنە تاعى قالاي نۇقسان كەلتىرۋىمىز مۇمكىن؟ كۇناعا يتەرمەلەۋ ارقىلى. قالايشا؟ مىناداي جاعدايدى ەلەستەتىپ كورىڭىز. ٴبىر زەرتتەۋشى ۇزاق ۋاقىت كۇرەسىپ، اقىرىندا الكوگولدى ىشىمدىككە دەگەن تاۋەلدىلىگىن جەڭەدى. ەندى ول ەشقاشان ىشىمدىك ىشپەيمىن دەپ شەشەدى. ول تەز رۋحاني ٶسىپ، شومىلدىرۋ راسىمىنەن وتەدى. ٴبىر كۇنى قاۋىمداعى باۋىرلاس ونى قوناققا شاقىرادى. سوسىن ىشىمدىك ۇسىنىپ جاتىپ بىلاي دەيدى: «سەن ەندى ەحوبا كۋاگەرىسىڭ، سوندىقتان سەندە كيەلى رۋح بار. ال ۇستامدىلىق — كيەلى رۋحتىڭ جەمىسى. سوندىقتان ۇستامدىلىعىڭدى جەتىلدىرۋ ٷشىن ازداپ ىشە بەرسەڭ بولادى». شىندىققا جاڭادان كەلگەن ەر باۋىرلاس سول بۇرىس كەڭەسكە قۇلاق اسىپ، قايتادان ىشىمدىككە تاۋەلدى بولىپ قالسا، وكىنىشتى بولار ەدى، ارينە!
14. كەزدەسۋلەرىمىز فىلىپىلىكتەرگە 1:10 دا بەرىلگەن كەڭەستى ىسكە اسىرۋعا قالاي كومەكتەسەدى؟
14 كەزدەسۋلەرىمىز فىلىپىلىكتەرگە 1:10 دا بەرىلگەن كەڭەستى ىسكە اسىرۋدىڭ ٴتۇرلى جولدارىن ۇيرەتەدى. بىرىنشىدەن، كەزدەسۋلەردە بەرىلەتىن رۋحاني مول باعدارلاما ەحوبا ٷشىن نەنىڭ ەڭ ماڭىزدى ەكەنىن ەسىمىزگە سالادى. ەكىنشىدەن، بىلگەندەرىمىزدى جۇزەگە اسىرۋدى ۇيرەنەمىز، سونىڭ ارقاسىندا «كىرشىكسىز تازا» بولا الامىز. ۇشىنشىدەن، قاۋىمدا ٴبىزدى «سۇيىسپەنشىلىككە جانە يگى ىستەرگە تالپىندىرادى» (ەۆرەيلەرگە 10:24، 25). باۋىرلاستار ٴبىزدى تالپىندىرعان سايىن قۇدايعا جانە باۋىرلاستارعا دەگەن سۇيىسپەنشىلىگىمىز وسەدى. جۇرەگىمىز وسىنداي ەكى سۇيىسپەنشىلىككە تولعان كەزدە باۋىرلاستاردىڭ سەنىمدەرىنە نۇقسان كەلتىرۋ ويىمىزعا دا كەلمەيدى.
«ٵدىل ىستەردى مولىنان جاساي بەرىڭدەر»
15. «ٵدىل ىستەردى مولىنان جاساۋعا» نە كىرەدى؟
15 پاۋىل دۇعاسىندا فىلىپىلىكتەردىڭ «ٵدىل ىستەردى مولىنان جاساي بەرگەنىن» قايتا-قايتا سۇراعان (ٴفىلىپ. 1:11). ارينە، «ٵدىل ىستەرگە» ولاردىڭ ەحوباعا جانە باۋىرلاستارعا دەگەن سۇيىسپەنشىلىكتەرى جاتقان. سونداي-اق بۇعان يسا جايلى سەنىمدەرى مەن كەرەمەت ۇمىتتەرىن وزگەلەرگە ايتۋ دا كىرەتىن. فىلىپىلىكتەرگە 2:15 تە تاعى ٴبىر تىركەس قولدانىلعان، ول جەردە: «وسى دۇنيەدە شىراقتاي نۇر شاشىپ جۇرىڭدەر»،— دەلىنگەن. بۇل سوزدەر يسانىڭ شاكىرتتەرىنە ايتقان: «سەندەر دۇنيەنىڭ جارىعىسىڭدار»،— دەگەنىن ەسكە تۇسىرەدى (مات. 5:14—16). سونداي-اق ول ٸزباسارلارىنا «شاكىرتتەر دايىنداۋدى» تاپسىردى، ٴسۇيتىپ، ولار «جەردىڭ قيىر شەتىنە دەيىن ول جايلى كۋالىك ەتەتىنىن» ايتقان (مات. 28:18—20؛ ەل. ٸس. 1:8). وسى ماڭىزدى ىسكە بار كۇشىمىزدى سالىپ، ايانباي ەڭبەكتەنسەك، «ٵدىل ىستەر» جاسايمىز.
16. فىلىپىلىكتەرگە 1:12—14 تارماقتاعى پاۋىلدىڭ جاعدايى ٴتىپتى قيىن كەزدە «شىراقتاي نۇر شاشا الاتىنىمىزدى» قالاي كورسەتەدى؟ (مۇقاباداعى سۋرەتتى قاراڭىز).
16 ٴبىز كەز كەلگەن جاعدايدا «شىراقتاي نۇر شاشا الامىز». كەي كەزدە ۋاعىزداۋعا بوگەت بولعان فىلىپىلىكتەرگە 1:12—14 وقىڭىز؛ 4:22).
جاعدايلار ٴبىز ويلاماعان كەرەمەت مۇمكىندىككە اينالۋى مۇمكىن. مىسالى، ەلشى پاۋىل فىلىپىلىكتەرگە حات جازعان كەزدە ريمدە ٷي قاماۋىندا وتىردى. ٴبىراق قولىنداعى شىنجىرلارى وعان كۇزەتشىلەرگە جانە كەلىپ-كەتۋشىلەرگە ۋاعىزداۋعا كەدەرگى بولمادى. ول ٶز جاعدايىندا بار ىقىلاسىمەن ۋاعىزدادى. بۇنىسى باۋىرلاستارعا سەنىمدىلىك بەرىپ، «قۇداي ٴسوزىن قورىقپاي ايتۋلارىنا» باتىلدىق دارىتتى (17. قيىندىققا قاراماي ۋاعىزداپ جۇرگەن باۋىرلاستار جايلى ايتىپ بەرىڭىز.
17 كوپتەگەن باۋىرلاس پاۋىل سياقتى باتىل قىزمەت ەتىپ جاتىر. ولار اشىق ۋاعىزداۋعا بولمايتىن نەمەسە ۇيدەن ۇيگە جۇرۋگە تيىم سالىنعان ەلدەردە ٶمىر سۇرگەندىكتەن، ىزگى حاباردى جاريا ەتۋدىڭ باسقا امالدارىن تاپقان (مات. 10:16—20). سونداي ەلدەردىڭ بىرىندە اۋداندىق باقىلاۋشى ٵر جاريالاۋشىعا تۋعان-تۋىستارىنا، كورشىلەرىنە، سىنىپتاستارىنا، ارىپتەستەرىنە، تانىستارىنا ۋاعىزداۋعا كەڭەس بەرەدى. ەكى جىلدىڭ ىشىندە سول اۋدانداعى قاۋىمدار ايتارلىقتاي ٶستى. بالكىم، ٴسىز تۇراتىن ەلدە ەركىن ۋاعىزداي الاتىن شىعارسىز. سويتسە دە وسىنداي تاپقىر باۋىرلاستاردان ماڭىزدى ساباق ۇيرەنۋگە بولادى: وزگەلەرگە ۋاعىزداۋ ٷشىن بار كۇشىمىزدى سالساق، قيىندىقتار تۋىنداعاندا، ەحوبا ۋاعىزداي بەرۋگە كومەكتەسەتىنى ٴسوزسىز (ٴفىلىپ. 2:13).
18. نە نارسەگە اسىق بولۋىمىز كەرەك؟
18 پاۋىلدىڭ فىلىپىلىكتەرگە جازعان حاتىنداعى كەڭەستەرگە اسىرەسە بۇگىن قۇلاق اسۋعا اسىق بولايىق. نەنىڭ ماڭىزدىراق ەكەنىنە كوز جەتكىزىپ، كىرشىكسىز تازا بولىپ، ەشكىمنىڭ سەنىمىنە نۇقسان كەلتىرمەي، ٵدىل ىستەردى مولىنان جاساي بەرەيىك. سوندا سۇيىسپەنشىلىگىمىز كۇننەن كۇنگە ارتىپ، ٴسۇيۋشى اكەمىز ەحوباعا ماداق اكەلەمىز.
17-ٵن «قالايمىن»
^ 5-ابزاس باۋىرلاستارعا دەگەن سۇيىسپەنشىلىگىمىزدى كەشەدەن گورى بۇگىن الدەقايدا كوبىرەك نىعايتۋىمىز كەرەك. كەيدە سۇيىسپەنشىلىك تانىتۋ قيىنعا سوعاتىنى جاسىرىن ەمەس. وسى ماقالادا فىلىپىلىكتەرگە ارنالعان حاتتاعى كەيبىر كەڭەستەر قاراستىرىلىپ، سۇيىسپەنشىلىگىمىزدى بارىنشا ارتتىرۋعا كومەكتەسەدى.
^ 54-ابزاس سۋرەتتەر سيپاتتاماسى: پاتشالىق سارايىن جيناستىرىپ جاتقان كەزدە دجوي باۋىرلاس شاڭسورعىشىن ٶشىرىپ، باۋىرلاستارمەن سويلەسە كەتتى. بۇل مايكتىڭ اشۋىنا تيەدى. ول: «اڭگىمە ايتقانشا، جۇمىسىن ىستەمەي مە؟— دەپ ويلايدى. ٴبىرازدان سوڭ مايك دجويدىڭ قارت باۋىرلاسقا كومەكتەسىپ جاتقانىن كورىپ قالادى. بۇل وعان باۋىرلاستاردىڭ جاقسى قاسيەتتەرى جايلى ويلاۋ كەرەكتىگىن ەسىنە سالادى.
^ 58-ابزاس سۋرەتتەر سيپاتتاماسى: ەمىن-ەركىن ۋاعىزداي المايتىن ەلدە ەر باۋىرلاس تانىسىنا ساقتىقپەن ۋاعىزداپ جاتىر. سوسىن جۇمىستا ٷزىلىس كەزىندە ارىپتەسىنە ۋاعىزداپ وتىر.