39-زەرتتەۋ ماقالاسى
«ۇلى جاماعات» دەگەن كىمدەر؟
«سودان سوڭ قارادىم دا،... ەشبىر ادام بالاسى ساناي المايتىنداي ۇلى جاماعاتتى كوردىم. ولار تاق پەن توقتىنىڭ الدىندا تۇر ەكەن» (ايان 7:9).
60-ٵن امان قالسىن ٴبارى
اڭداتپا *
1. شامامەن ب.ز. 95-جىلى ەلشى جوحان قانداي جاعدايعا دۋشار بولدى؟
شامامەن ب.ز. 95-جىلى ەلشى جوحان وتە قيىن جاعدايعا دۋشار بولدى. جوحان سول كەزدە ەگدە تارتقان ەدى. سونداي-اق ول پاتموس ارالىندا تۇرمەدە وتىردى جانە سول ۋاقىتتا ودان باسقا ەلشىلەر قالماعانعا ۇقسايدى (ايان 1:9). جوحان جولدانتايۋشىلاردىڭ جالعان ىلىمدەر تاراتىپ، ماسىحشىلەردىڭ اراسىنا ىرىتكى سالىپ جاتقانىن بىلەتىن. سول ۋاقىتتا ماسىحشىلىكتىڭ الاۋى مىنە-مىنە سونگەلى جاتقانداي كورىنگەن شىعار (ياھد. 4؛ ايان 2:15، 20؛ 3:1، 17).
ەلشى جوحان ۇستەرىنە اق شاپان كيگەن جانە قولدارىنا پالما بۇتاقتارىن ۇستاعان «ۇلى جاماعاتتى» كوردى (2-ابزاستى قاراڭىز)
2. ايان 7:9—14 تارماقتاردا جوحاننىڭ قۇدايدان العان قانداي كەرەمەت ايان جازىلعان؟ (مۇقاباداعى سۋرەتتى قاراڭىز).
2 وسىنداي اۋىر شاعىندا قۇداي جوحانعا بولاشاق تۋرالى ٴبىر كەرەمەت ايان بەرەدى. اياندا ٴبىر پەرىشتە باسقا ٴتورت پەرىشتەگە قۇداي قۇلدارىنىڭ ٴبىر توبىنا شەشۋشى بەلگى قويىلعانعا دەيىن زور الاپاتتىڭ جويقىن جەلىن ۇستاپ تۇرۋ كەرەكتىگىن ايتتى (ايان 7:1—3). بۇل توپ يسامەن بىرگە كوكتە بيلىك ەتەتىن 144000 نان تۇرادى (لۇقا 12:32؛ ايان 7:4). سوسىن اياندا جوحان باسقا ٴبىر ۇلكەن توپتى كورىپ بىلاي دەدى: «ٵربىر ۇلتتان، رۋدان، حالىقتان جانە تىلدەن شىققان، ەشبىر ادام بالاسى ساناي المايتىنداي ۇلى جاماعاتتى كوردىم. ولار تاق پەن توقتىنىڭ الدىندا تۇر ەكەن» (ايان 7:9—14 وقىڭىز). بولاشاقتا كوپتەگەن ادامنىڭ قۇدايعا دۇرىس جولمەن عيبادات ەتەتىنىن بىلگەندە، جوحاننىڭ قالاي قۋانعانىن ەلەستەتىپ كورىڭىزشى.
3. ا) نەگە جوحان العان ايان سەنىمىمىزدى نىعايتادى؟ ٵ) بۇل ماقالادا نەنى قاراستىرامىز؟
3 جوحاننىڭ كورگەن ايانى ونىڭ سەنىمىن نىعايتقانى ٴشۇباسىز. ايانداعى سوزدەر بۇگىنگى كۇنى ورىندالىپ جاتقاندىقتان، بۇل ٴبىزدىڭ سەنىمىمىزدى ودان بەتەر نىعايتارى ٴسوزسىز! ٴبىز زور الاپاتتان امان قالۋعا جانە جەر بەتىندە ماڭگى ٶمىر سۇرۋگە ٷمىتى بار ميلليونداعان ادامداردىڭ جينالىپ جاتقانىن كورۋدەمىز. ەحوبا ٶز حالقىنا وسى ۇلى جاماعاتقا كىمدەردىڭ كىرەتىنىن 80 جىلدان استام ۋاقىت بۇرىن اشتى. بۇل ماقالادا ول مۇنى قالاي ىستەگەنىن بىلەمىز. سوسىن وسى جاماعاتتىڭ كەلەسىدەي ەكى ەرەكشەلىگىنە نازار اۋدارامىز: 1) ونىڭ سانىنا جانە
2) ونىڭ مۇشەلەرىنىڭ جان-جاقتان جينالعاندىعىنا. مۇنى قاراستىرعانىمىز وسى توپتىڭ قۇرامىنا كىرۋگە ۇمىتتەنەتىن ادامداردىڭ سەنىمىن نىعايتادى.ۇلى جاماعات قايدا ٶمىر سۇرەدى؟
4. حريستيان الەمى كيەلى كىتاپتاعى قانداي شىندىقتى تۇسىنبەيدى، ال كيەلى كىتاپ زەرتتەۋشىلەرى ولاردان نەسىمەن ەرەكشەلەنگەن؟
4 نەگىزىندە، حريستيان الەمى مويىنسۇنعىش ادامدار جەر بەتىندەگى جۇماقتا ماڭگى ٶمىر سۇرەدى دەگەن كيەلى كىتاپتاعى شىندىقتى ۇيرەتپەيدى (قور. 2-ح. 4:3، 4). بۇگىندە حريستيان الەمىندەگى دىندەردىڭ كوبىسى جاقسى ادامداردىڭ ٴبارى ولگەننەن كەيىن كوككە بارادى دەپ ۇيرەتەدى. الايدا «كۇزەت مۇناراسى» جۋرنالىن باسىپ شىعارعان كيەلى كىتاپ زەرتتەۋشىلەرى بۇلاي ۇيرەتپەگەن. ولار قۇدايدىڭ جەر بەتىندەگى جۇماقتى قايتا قالپىنا كەلتىرەتىنىن جانە ميلليونداعان مويىنسۇنعىش ادامداردىڭ كوكتە ەمەس، جەردە ٶمىر سۇرەتىنىن تۇسىنگەن. ٴبىراق سول مويىنسۇنعىش ادامدارعا كىمدەر كىرەتىنىن انىق ٴتۇسىنۋ ٷشىن ولارعا ۋاقىت قاجەت بولدى (مات. 6:10).
5. كيەلى كىتاپ زەرتتەۋشىلەرى 144000 عا قاتىستى قانداي ويدا بولعان؟
5 ارينە، كيەلى كىتاپ زەرتتەۋشىلەرى جازبالاردان ادامداردىڭ ٴبىر توبى «جەردەن ساتىپ الىنىپ،» كوكتە يسامەن بىرگە بيلىك ەتەتىنىن دە زەرتتەپ تۇسىنگەن (ايان 14:3). بۇل توپ جەردە جۇرگەندە قۇدايعا ادالدىقپەن قىزمەت ەتكەن ٵرى ٶمىرىن باعىشتاعان قۇلشىنىستى 144000 ماسىحشىدەن تۇرۋ كەرەك ەدى. ال ۇلى جاماعات تۋرالى نە دەپ ويلاعان؟
6. كيەلى كىتاپ زەرتتەۋشىلەرى ۇلى جاماعاتقا قاتىستى نە نارسەگە سەندى؟
6 جوحان العان اياندا ۇلى جاماعاتتىڭ «تاق پەن توقتىنىڭ الدىندا» تۇرعانى سۋرەتتەلگەن (ايان 7:9). سوندىقتان كيەلى كىتاپ زەرتتەۋشىلەرى ۇلى جاماعات 144000 سياقتى كوكتە ٶمىر سۇرەدى دەگەن تۇجىرىمعا كەلدى. ەگەر 144000 دا، ۇلى جاماعات تا كوكتە ٶمىر سۇرەتىن بولسا، وندا بۇل ەكى توپ ٴبىر-بىرىنەن نەسىمەن ەرەكشەلەنبەك؟ كيەلى كىتاپ زەرتتەۋشىلەرى ۇلى جاماعاتقا جەر بەتىندە ٶمىر سۇرگەندە، قۇدايعا تولىق مويىنسۇنباعان ادامدار كىرەدى دەپ ويلاعان. ولار قانداي دا ٴبىر شامادا كيەلى كىتاپتىڭ مورالدىق نورمالارىنا ساي ٶمىر سۇرسە دە، كەيبىرى ٵلى دە حريستيان الەمىندەگى شىركەۋلەردىڭ مۇشەسى بولىپ قالۋى مۇمكىن ەدى. ٴسۇيتىپ، كيەلى كىتاپ زەرتتەۋشىلەرى ولار قۇدايعا قانداي دا ٴبىر سۇيىسپەنشىلىك تانىتتى، ٴبىراق بۇلارى يسامەن بىرگە بيلىك ەتۋگە جەتكىلىكسىز دەگەن ويعا كەلدى. قۇدايدى قاتتى جاقسى كورمەگەندىكتەن، ۇلى جاماعات كوكتەگى تاققا وتىرۋعا ەمەس، تاقتىڭ الدىندا تۇرۋعا لايىقتى دەپ ويلادى.
7. كيەلى كىتاپ زەرتتەۋشىلەرىنىڭ پىكىرىنشە، مىڭجىلدىقتىڭ كەزىندە جەر بەتىندە كىمدەر ٶمىر سۇرمەك ەدى جانە ەجەلدەگى ادال ەر كىسىلەر جونىندە ولار قانداي ويدا بولادى؟
7 سوندا جەردە كىمدەر ٶمىر سۇرەر ەدى؟ كەزىندە كيەلى كىتاپ زەرتتەۋشىلەرى 144000 مەن ۇلى جاماعات كوككە جينالعاننان كەيىن، قالعان ميلليونداعان ادامعا ٴماسىحتىڭ مىڭجىلدىق بيلىگىنىڭ باتاسىن كورۋ ٷشىن جەردە ٶمىر سۇرۋگە مۇمكىندىك بەرىلەدى دەپ سەندى. ولار سول ميلليونداعان ادام ەحوباعا ٴماسىحتىڭ مىڭجىلدىق بيلىگى باستالعانعا دەيىن قىزمەت ەتەدى دەپ كۇتكەن جوق. ولاردىڭ ويىنشا، بۇل توپ ەحوبانىڭ جولدارىن مىڭجىلدىق بيلىك كەزىندە تانىپ-بىلمەك ەدى. سودان كەيىن ەحوبانىڭ نورمالارىن قابىلداعاندار جەر بەتىندە ماڭگى ٶمىر ٴسۇرۋ باتاسىنا يە بولادى دا، ال قارسى بولعاندار جويىلادى دەپ ٴبىلدى. سونداي-اق كيەلى كىتاپ زەرتتەۋشىلەرىنىڭ ويىنشا، سول ۋاقىتتارى جەر بەتىندە بەكزادا بولىپ قىزمەت ەتەتىندەر، سونداي-اق ماسىحكە دەيىن ومىردەن وزعان ادال ەر كىسىلەر مىڭجىلدىق بىتىسىمەن كوكتە ٶمىر ٴسۇرۋ سيىنا يە بولۋ كەرەك ەدى (ٴزاب. 45:16).
8. قانداي ٷش توپ قۇدايدىڭ ەركىنە ساي بولىپ كورىندى؟
*. الايدا كەيىن شىندىقتىڭ نۇرى جارقىراپ، ەحوبا ولارعا ۇلى جاماعات جايىندا انىعىراق تۇسىنۋگە كومەكتەستى (ناق. س. 4:18).
8 وسىلاي كيەلى كىتاپ زەرتتەۋشىلەرى ٷش توپ بار دەپ ٴتۇسىندى: 1) ماسىحپەن كوكتە بيلىك ەتەتىن 144000؛ 2) كوكتەگى تاقتىڭ جانە توقتىنىڭ الدىندا تۇراتىن، قۇدايعا اسا قۇلشىنىس تانىتپاعان ۇلى جاماعات؛ 3) ٴماسىحتىڭ مىڭجىلدىق بيلىگىنىڭ كەزىندە ەحوبانىڭ جولدارىن تانىپ-بىلەتىن ميلليونداعان ادامشىندىقتىڭ نۇرى جارقىراي تۇسۋدە
1935-جىلعى كونگرەستە جەردە ٶمىر سۇرۋگە ٷمىتى بار كوپ جاماعات شومىلدىرۋ راسىمىنەن ٶتتى (9-ابزاستى قاراڭىز)
9. ا) جەر بەتىندە ٶمىر سۇرەتىن ۇلى جاماعات قاي ماعىنادا «تاق پەن توقتىنىڭ الدىندا» تۇرا الادى؟ ٵ) نەگە ايان 7:9 عا قاتىستى بۇل تۇسىنىك قيسىندى دەۋگە بولادى؟
9 جوحاننىڭ ۇلى جاماعات تۋرالى ايانى 1935-جىلى ايقىندالا ٴتۇستى. ەحوبا كۋاگەرلەرى «تاق پەن توقتىنىڭ الدىندا» تۇرۋ ٷشىن ۇلى جاماعاتقا كوكتە بولۋدىڭ قاجەتى جوق ەكەنىن ٴتۇسىندى. ولار بەينەلى ماعىنادا تاقتىڭ الدىندا تۇرادى. ۇلى جاماعات جەردە ٶمىر سۇرسە دە، ەحوبانى الەمنىڭ بيلەۋشىسى رەتىندە مويىنداۋ ارقىلى جانە بۇكىلالەمدىك بيلىگىنە مويىنسۇنۋ ارقىلى «تاقتىڭ» الدىندا تۇرادى (يشايا 66:1). ال يسانىڭ تولەم قۇرباندىعىنا سەنىم تانىتۋ ارقىلى «توقتىنىڭ» الدىندا تۇرادى. ايان 7:9 داعى سوزدەر بەينەلى ماعىنادا ايتىلعانىن تۇسىنۋگە كومەكتەسەتىن كيەلى كىتاپتا تاعى ٴبىر جازبا ورنى بار. ماتاي 25:31، 32 دە «بارلىق حالىقتار»، ونىڭ ىشىندە زۇلىم ادامدار دا يسانىڭ سالتاناتتى تاعىنىڭ الدىنا «جينالىپ اكەلىنەتىنى» ايتىلعان. بۇل حالىقتاردىڭ كوكتە ەمەس، جەردە بولاتىنى ايدان انىق. سوندىقتان 1935-جىلى قابىلدانعان جاڭا تۇسىنىك قيسىندى ەدى. ٴيا، كيەلى كىتاپتا ۇلى جاماعاتتىڭ كوككە الىناتىنى جايلى ەشتەڭە ايتىلماعانى دا سوندىقتان. كوكتە ماڭگى ٶمىر ٴسۇرۋ ٷمىتى تەك ٴبىر توپقا ۋادە ەتىلگەن، بۇل 144000 نان تۇرادى ٵرى ولار يسامەن بىرگە جەردىڭ ۇستىنەن بيلىك ەتەدى (ايان 5:10).
10. نەگە ۇلى جاماعات ەحوبانىڭ جولدارىن ٴماسىحتىڭ مىڭجىلدىق بيلىگىنە دەيىن تانىپ-بىلۋلەرى كەرەك؟
10 1935-جىلدان بەرى ەحوبا كۋاگەرلەرى جوحاننىڭ ايانىنداعى ۇلى جاماعات جەر بەتىندە ماڭگى ٶمىر ٴسۇرۋ ۇمىتىنە يە ادال ماسىحشىلەردەن تۇراتىنىن ٴتۇسىندى. زور الاپاتتان امان ٶتۋ ٷشىن ولار ٴماسىحتىڭ مىڭجىلدىق بيلىگى باستالعانعا دەيىن ەحوبانىڭ جولدارىن تانىپ-ٴبىلىپ، وعان عيبادات ەتۋلەرى كەرەك. وسىلايشا «الدا بولاتىن وسى جايتتاردىڭ بارىنەن قاشىپ قۇتىلا الۋ ٷشىن» ولار ٴماسىحتىڭ مىڭجىلدىق بيلىگىنە دەيىن مىقتى سەنىمدەرى بار ەكەنىن كورسەتۋلەرى كەرەك (لۇقا 21:34—36).
11. نەگە كەيبىر كيەلى كىتاپ زەرتتەۋشىلەرى ٴماسىحتىڭ مىڭجىلدىق بيلىگى بىتىسىمەن كەيبىرەۋلەرى كوككە بارادى دەپ بولجاعان بولۋى مۇمكىن؟
11 ال جەردەگى ادال بولعان كەيبىر ادامدار ٴماسىحتىڭ مىڭجىلدىق بيلىگى بىتىسىمەن كوككە بارادى دەگەن پىكىر شە؟ 1913-جىلى 15-اقپاندا جارىق كورگەن «كۇزەت مۇناراسىندا» سونداي بولجام ايتىلعان ەدى. سول جۋرنالدى وقىعان ادامدا مىناداي سۇراق تۋىنداۋى مۇمكىن ەدى عوي: «نەگە ەجەلدەگى قۇدايدىڭ ادال قىزمەتشىلەرى قايتا تىرىلگەندە جەردە ٶمىر سۇرەدى دە، ال تولىقتاي ادالدىق تانىتپاعان ماسىحشىلەر كوكتە ٶمىر ٴسۇرۋ سيىنا يە بولادى؟» ارينە، اتالمىش بولجام كەلەسىدەي ەكى تەرىس پىكىردىڭ اسەرىمەن جاسالعان: 1) ۇلى جاماعات كوكتە ٶمىر سۇرەدى جانە 2) بۇل توپ اسا ادال بولماعان ماسىحشىلەردەن تۇرادى.
12، 13. مايلانعاندار مەن ۇلى جاماعات ٶز سيلارى جايلى نەنى تۇسىنەدى؟
12 بىراق ايتىپ كەتكەنىمىزدەي، ەحوبا كۋاگەرلەرى 1935-جىلى جوحاننىڭ ايانىنداعى ۇلى ايان 7:10، 14). سونداي-اق جازبالاردا كوكتە ٶمىر ٴسۇرۋ ٷشىن قايتا تىرىلەتىندەر ەجەلدەگى ادال ەر ادامداردان گورى «الدەقايدا جاقسى» ۇمىتكە يە ەكەندەرى ايتىلعان (ەۆر. 11:40). ٴسۇيتىپ، باۋىرلاستار زور قۇلشىنىس تانىتىپ، ادامداردى ەحوباعا قىزمەت ەتۋگە، جەردە ماڭگى ٶمىر ٴسۇرۋ ۇمىتىنە يە بولۋعا شاقىرا باستادى.
جاماعاتتىڭ ارماگەددوننان امان وتەتىنىن انىق ٴتۇسىندى. ولار «زور الاپاتتان وتەدى» جانە جەر بەتىندە قالىپ، قاتتى داۋىستاپ: «قۇتقارىلعانىمىز ٷشىن ٴبىز تاقتا وتىرعان قۇدايىمىز بەن توقتىعا بورىشتىمىز»،— دەيتىن بولادى (13 ۇلى جاماعات وزدەرىنىڭ ۇمىتتەرىنە قاتتى قۋانادى. ادال قىزمەتشىلەرى كوكتە ٶمىر سۇرە مە يا جەردە مە — مۇنى ەحوبا شەشەتىنىن ولار جاقسى تۇسىنەدى. مايلانعان ماسىحشىلەر دە، ۇلى جاماعات تا الاتىن سيلارى ەڭبەك سىڭىرگەننىڭ ارقاسىندا ەمەس، ەحوبا راقىمىن تانىتىپ، يسا ٴماسىحتىڭ تولەم قۇرباندىعىن بەرگەننىڭ ارقاسىندا مۇمكىن ەكەنىن تۇسىنەدى (ريم. 3:24).
ۇلى جاماعاتتىڭ اۋقىمى
14. 1935-جىلدان كەيىن كوبىسىنىڭ ويىندا قانداي سۇراق تۇردى؟
14 1935-جىلى ۇلى جاماعات جايلى تۇسىنىك ايقىندالعان سوڭ دا كوبىسىنىڭ ويىندا «جەردە ٶمىر سۇرۋگە ۇمىتتەنەتىن ادامدار قالاي ۇلى جاماعاتقا اينالادى؟» دەگەن سۇراق تۇردى. مىسالى، ۇلى جاماعات تۋرالى تۇسىنىك ايقىندالعان كەزدە رونالد پاركين 12 جاستا بولاتىن. ول بىلاي دەپ ەسىنە الادى: «سول كەزدەرى دۇنيەجۇزى بويىنشا 56000 داي جاريالاۋشى بولدى، ال ولاردىڭ كوبىسى، ٴتىپتى باسىم بولىگى دەسەم قاتەلەسپەيتىن شىعارمىن، مايلانعاندار بولدى. سوندىقتان ۇلى جاماعات سونشالىقتى ۇلى بولىپ كورىنبەدى».
15. ۇلى جاماعاتتىڭ سانى قالاي ٶستى؟
15 كەيىنگى ونجىلدىقتاردا كوپ ەلدەرگە ميسسيونەرلەر جىبەرىلە باستادى جانە ەحوبا كۋاگەرلەرىنىڭ سانى وسە بەردى. سوسىن 1968-جىلى «ماڭگىلىك ومىرگە الىپ باراتىن شىندىق» دەگەن كىتاپتىڭ كومەگىمەن كيەلى كىتاپتى زەرتتەۋ باعدارلامالارى باستالىپ كەتتى. بۇل كىتاپتا كيەلى كىتاپ شىندىقتارى قاراپايىم ەتىپ تۇسىندىرىلگەننىڭ ارقاسىندا مومىن ادامدار بۇرىن-سوڭدى بولماعانداي كولەمدە ۇيىمعا اعىلا باستادى. ٴتورت جىلدىڭ ىشىندە 500000 نان استام ادام شومىلدىرۋ راسىمىنەن ٶتىپ، شاكىرتتەردىڭ قاتارىنا قوسىلدى. كاتوليك شىركەۋىنىڭ ىقپالى لاتىن امەريكاسىندا جانە باسقا دا ەلدەردە السىرەي باستاعاندىقتان، ال شىعىس ەۋروپا جانە افريكانىڭ كەيبىر ەلدەرىندە ىسىمىزگە سالىنعان شەكتەۋلەر الىنعاندىقتان تاعى ميلليونداعان ادام شومىلدىرۋ راسىمىنەن ٶتتى (يشايا 60:22). سوڭعى جىلدارى ەحوبانىڭ ۇيىمى ادامدارعا كيەلى كىتاپ شىندىقتارىن ۇيرەتۋگە ارنالعان وتە ٴتيىمدى قۇرالداردى شىعاردى. بۇگىندە سانى 8 ميلليونان اساتىن ۇلى جاماعاتتىڭ جينالىپ جاتقانىندا كۇمان جوق.
جەرجۇزىنەن جينالعان ۇلى جاماعات
16. ۇلى جاماعات قايدان جينالادى؟
16 جوحان كورگەن ايانىن جازعان كەزدە ۇلى جاماعاتتىڭ «ٵربىر ۇلتتان، رۋدان، حالىقتان جانە تىلدەن شىعاتىنىن» ايتقان. بۇعان دەيىن زاكاريا دا سوعان ۇقساس پايعامبارلىق سوزدەردى جازعان بولاتىن. ول بىلاي دەدى: «سول كۇندەرى ٵرتۇرلى تىلدە سويلەيتىن بارلىق حالىقتاردان شىققان ون ادام ياھۋديدىڭ ەتەگىنە جارماسىپ، وعان: «ٴبىز سەنىمەن بارامىز، ويتكەنى قۇداي سەنىڭ حالقىڭمەن بىرگە ەكەنىن ەستىدىك»،— دەيتىن بولادى» (زاك. 8:23).
17. بارلىق ۇلتتان، تىلدەن شىققان ادامدارعا كومەكتەسۋ ٷشىن قانداي ٸس اتقارىلىپ جاتىر؟
17 ەحوبا كۋاگەرلەرى ٵربىر تىلدەن شىققان ادامدار جينالۋ ٷشىن، الدىمەن، ىزگى حابار كوپتەگەن تىلدەردە ۋاعىزدالۋ كەرەكتىگىن تۇسىنەدى. ٴبىزدىڭ ۇيىم كيەلى كىتاپتى زەرتتەۋگە كومەكتەسەتىن مالىمەتتەردى وسىمەن 130 جىلدان استام ۋاقىتتان بەرى اۋدارىپ كەلەدى. قازىر ٴبىز تاريحتاعى ەڭ اۋقىمدى اۋدارما ٸسىن اتقارىپ، مالىمەتتەردى 900 دەن استام مات. 24:14؛ جوح. 13:35).
تىلگە اۋدارىپ جاتىرمىز. ٴيا، بارلىق ۇلتتان ۇلى جاماعاتتىڭ جينالىپ جاتقانى ەحوبانىڭ بۇگىندە جاساپ جاتقان كەرەمەتى دەسەك قاتەلەسپەيمىز. كيەلى كىتاپ جانە وعان نەگىزدەلگەن ادەبيەتتەر كوپتەگەن تىلدەرگە اۋدارىلىپ جاتقاننىڭ ارقاسىندا جەرجۇزىنەن جينالىپ جاتقان ۇلى جاماعات ەحوباعا بىرلىكتە عيبادات ەتىپ جاتىر. ەحوبانىڭ حالقى وزدەرىنىڭ ۋاعىز ىسىندەگى قۇلشىنىستارىمەن جانە باۋىرلاستارىنا دەگەن سۇيىسپەنشىلىكتەرىمەن تانىمال. بۇل سەنىمىمىزدى نىعايتىپ جاتقانى ٴسوزسىز! (جوحان العان اياننىڭ ٴبىز ٷشىن قانداي ٴمانى بار؟
18. ا) يشايا 46:10، 11 گە ساي، ەحوبانىڭ ۇلى جاماعات تۋرالى پايعامبارلىقتى ورىنداپ جاتقانىنا نەگە تاڭعالمايمىز؟ ٵ) جەردە ٶمىر سۇرۋگە ۇمىتتەنەتىندەر نەگە وزدەرىن قۇر قالعانداي سەزىنبەيدى؟
18 ٴبىز ۇلى جاماعات تۋرالى پايعامبارلىقتى تۇسىنگەنىمىزگە قاتتى قۋانامىز! ەحوبا بۇل پايعامبارلىقتى كەرەمەت تۇردە ورىنداپ جاتقانىنا ەش تاڭعالمايمىز (يشايا 46:10، 11 وقىڭىز). ۇلى جاماعات ەحوبا بەرگەن ۇمىتتەرىنە وتە ريزا. ولار قۇدايدىڭ رۋحىمەن مايلانباعاندارىن، يسامەن بىرگە كوكتە قىزمەت ەتپەيتىندەرىن ويلاپ، وزدەرىن ٴبىر نارسەدەن قۇر قالعانداي سەزىنبەيدى. كيەلى جازبالاردا كيەلى رۋحتىڭ جەتەلەۋىمەن جۇرگەن كوپتەگەن ەرلەر مەن ايەلدەر تۋرالى جازىلعان. دەسە دە ولار 144000 قۇرامىنا كىرمەگەن. ولاردىڭ اراسىندا شومىلدىرۋ ٴراسىمىن جاساۋشى جاقيا بار (مات. 11:11). ٴداۋىت تە سولاردىڭ قاتارىندا (ەل. ٸس. 2:34). ولار دا، باسقا كوپتەگەن ادامدار دا جەردەگى جۇماقتا ٶمىر ٴسۇرۋ ٷشىن قايتا تىرىلەتىن بولادى. ولاردىڭ دا، ۇلى جاماعاتتىڭ دا ەحوباعا ادال ەكەندەرىن جانە ونىڭ بۇكىلالەمدىك بيلىگىن قولدايتىندارىن كورسەتۋگە مۇمكىندىكتەرى بولادى.
19. ۇلى جاماعات تۋرالى اياننىڭ ٴمانىن تۇسىنسەك، نە ىستەۋگە تالپىنامىز؟
19 ادامزات تاريحىندا قۇداي بارلىق حالىقتان ميلليونداعان ادامدى ەشقاشان وسىلاي جيناعان ەمەس. ٷمىتىمىز كوكتە نە جەردە ٶمىر ٴسۇرۋ بولسىن، بارلىعىمىز مۇمكىندىگىنشە كوپ ادامعا «باسقا قويلاردىڭ» ۇلى جاماعاتىنا قوسىلۋعا كومەكتەسۋىمىز كەرەك (جوح. 10:16). جاقىندا ەحوبا الدىن الا ايتىپ كەتكەن زور الاپاتقا باستاۋ بەرىپ، ادامزاتقا قايعى-قاسىرەت اكەلىپ جاتقان ۇكىمەتتەر مەن دىندەردى جويادى. ۇلى جاماعاتتىڭ ٵربىر مۇشەسىن كەرەمەت بولاشاق كۇتىپ تۇر. ولار جەر بەتىندە ەحوباعا ماڭگىلىك بويى قىزمەت ەتەتىن بولادى! (ايان 7:14).
139-ٵن جۇماقتا جۇرگەنىڭدى ەلەستەت
^ 5-ابزاس وسى ماقالادا جوحاننىڭ «ۇلى جاماعات» تۋرالى العان ايانىن قاراستىرامىز. بۇل سول جاماعاتقا كىرەتىن ادامداردىڭ سەنىمىن نىعايتارى ٴسوزسىز.
^ 8-ابزاس «ەحوبا كۋاگەرلەرى — قۇداي پاتشالىعىن جاريالاۋشىلار» (حانزۇشا) كىتابىنىڭ 159—163 بەتتەرىن قاراڭىز.