15-زەرتتەۋ ماقالاسى
يسانىڭ ىزىمەن ٴجۇرىپ، تىنىشتىق تابىڭىز
«قۇدايدىڭ ادام اقىلىنان اسقان تىنىشتىعى جۇرەكتەرىڭدى... ساقتايدى» (ٴفىلىپ. 4:7).
113-ٵن قۇداي سيلاعان تاتۋلىق
اڭداتپا *
1، 2. يسانى ۋايىمداتقان نە؟
جەردەگى ومىرىنىڭ اقىرعى كۇنى يسانىڭ ەڭسەسىن ۋايىم باستى. ول ٴبىرازدان سوڭ زۇلىم دا بەزبۇيرەك ادامداردىڭ قولىنا ٴتۇسىپ، قينالىپ ولمەك ەدى. الايدا ونى تولعاندىرعان تاعى ٴبىر ەلەۋلى ماسەلە بار ەدى. يسا اكەسىن قاتتى ٴسۇيدى، ٵرى وعان ۇنامدى بولۋدى قالادى. ول الدىنداعى اۋىر سىناقتان ادال وتسە، ەحوبانىڭ ەسىمىن اقتاۋعا ويىپ تۇرىپ ۇلەس قوسارىن ٴبىلدى. يسا ادامداردى دا ٴسۇيدى. اقتىق دەمى شىققانشا ەحوباعا ادال بولىپ قالسا، ادامزاتتىڭ ماڭگى ٶمىر ٴسۇرۋ ٷمىتىن جالعايتىنىن ول جاقسى ٴتۇسىندى.
2 ۋايىمى زىلدەي اۋىر بولسا دا، يسا تىنىشتىعىن جوعالتپادى. ول ەلشىلەرىنە: «مەن وزدەرىڭە بەرگەن تىنىشتىقتى ارالارىڭدا قالدىرامىن. ال مەنىڭ تىنىشتىعىم وسى دۇنيەنىڭ تىنىشتىعىنان وزگەشە»،— دەگەن (جوح. 14:27). يسا قۇدايدىڭ تىنىشتىعىنا يە ەدى، ياعني ەحوبامەن باعا جەتپەس قارىم-قاتىناستان تۋىندايتىن مامىراجاي، تىنىش كۇيدە ەدى. يسانىڭ وي-ساناسى مەن جۇرەگى وسىنداي تىنىشتىقتىڭ قۇشاعىندا بولدى (ٴفىلىپ. 4:6، 7).
3. بۇل ماقالادا نە تۋرالى بىلەمىز؟
3 يسانىكىندەي ازاپ ەشكىمنىڭ باسىنا تۇسە قويماس. ٴبىراق وعان ەرگەندەردىڭ ٴبارى قيىندىقتان وتەدى (مات. 16:24، 25؛ جوح. 15:20). سوندايدا يسا سياقتى ۋايىم كەشەتىن بولارمىز. الايدا ۋايىمعا قۇل بولىپ، تىنىشتىعىمىزدان ايىرىلماۋ ٷشىن نە ىستەۋگە بولادى؟ جەردە قىزمەت ەتكەن كەزىندە يساعا قانداي ٷش نارسە كومەك بولعانىن جانە ٴبىز وعان قالاي ەلىكتەي الاتىنىمىزدى كورەيىك.
يسا ۇدايى دۇعا ەتكەن
4. ومىرىنىڭ سوڭعى كۇنى يسا قانداي جاعدايلاردا دۇعا ايتتى؟ سالونيكالىقتارعا 1-حات 5:17 دە ماسىحشىلەرگە قانداي كەڭەس بەرىلگەن؟
4 سالونيكالىقتارعا 1-حات 5:17 وقىڭىز. جەردەگى ومىرىنىڭ سوڭعى كۇنى يسا ۇزبەي دۇعا ايتۋمەن بولدى. ٶلىمىن ەسكە الۋ كەشىن ەنگىزگەندە، يسا نان مەن شاراپتى قولىنا الىپ، دۇعا ايتقان (قور. 1-ح. 11:23—25). قۇتقارىلۋ مەيرامىن تويلاپ بولعان سوڭ دا، ول شاكىرتتەرىمەن بىرگە دۇعا ەتتى (جوح. 17:1—26). سول ٴتۇنى شاكىرتتەرىمەن بىرگە ٴزايتۇن تاۋىنا بارعاندا دا، يسا قايتا-قايتا دۇعا ايتۋمەن بولدى (مات. 26:36—39، 42، 44). اقتىق دەمى شىعاردا دا ايتقان سوزدەرى دۇعا بولدى (لۇقا 23:46). سول ماڭىزدى كۇنى بولعان جايتتاردىڭ ٴبارىن يسا دۇعاسىنا قوسىپ وتىردى.
5. شاكىرتتەر نە ٷشىن باتىلدىق تانىتا الماي قالدى؟
5 يسانىڭ سىناققا توزە العانىنىڭ ٴبىر سەبەبى — اكەسىنە سەنىم ارتىپ دۇعا ايتقانى. ٴبىراق، وكىنىشكە قاراي، شاكىرتتەرى سول ٴتۇنى ۇدايى دۇعا ەتپەدى. سونىڭ كەسىرىنەن سىن ساعاتتا بەرىك تۇرا المادى (مات. 26:40، 41، 43، 45، 56). سىناقتا نىق تۇرىپ، ادال بولىپ قالعىمىز كەلسە، يسانىڭ ىزىمەن جۇرگەنىمىز ٵرى «ۇدايى دۇعا ەتكەنىمىز» وتە ماڭىزدى. دۇعادا ەحوبادان نە سۇراساق بولادى؟
6. تىنىشتىقتان ايىرىلماۋعا سەنىم قالاي كومەكتەسەدى؟
6 دۇعادا ەحوبادان «سەنىمىمىزدى نىعايتۋىن» سۇراعانىمىز ٴجون (لۇقا 17:5؛ جوح. 14:1). ويتكەنى شايتان يسانىڭ بارلىق ٸزباسارىن سىناقتان وتكىزەدى (لۇقا 22:31). قيىندىقتار قاباتتاسىپ كەتكەندە، تىنىشتىعىمىزدان ايىرىلماۋعا سەنىم قالاي كومەكتەسەدى؟ قيىندىقپەن كۇرەسۋ ٷشىن قولدان كەلگەننىڭ ٴبارىن ىستەگەن سوڭ، سەنىم بىزگە ماسەلەنى ەحوباعا تابىستاپ، ۋايىمداماۋعا كومەكتەسەدى. ەحوبا ماسەلەنى شەشۋدىڭ ەڭ جاقسى جولىن بىلەتىندىكتەن وعان سەنىم ارتساق، جۇرەگىمىز بەن وي-سانامىز تىنىشتىقتىڭ قۇشاعىندا بولادى (پەت. 1-ح. 5:6، 7).
7. روبەرت باۋىرلاستىڭ سوزىنەن نە ٴتۇيدىڭىز؟
7 دۇعا ەتەتىن بولساق، جانتىنىشتىعىمىزدى ەشقانداي قيىندىققا الدىرمايمىز. جاسى سەكسەندەگى روبەرت ەسىمدى اقساقال بىلاي دەيدى: «فىلىپىلىكتەرگە 4:6، 7 دەگى كەڭەس مەنى نەبىر كۇندەردەن الىپ شىقتى. اقشادان قاتتى قىسىلعان، اقساقالدىق قىزمەتىمنەن ايىرىلىپ قالعان كەزىم دە بولدى». روبەرت باۋىرلاس نەنىڭ ارقاسىندا جانتىنىشتىعىن ساقتاي الدى؟ «مازام قاشا باستاسا، بىردەن دۇعا ايتامىن. ٴجيى-ٴجيى ٵرى شىن بەرىلە دۇعا ايتقان سايىن، تىنىشتىعىم دا ەسەلەنە بەرەتىنىنە كامىل سەنەمىن»،— دەيدى ول.
يسا بار ىنتاسىمەن ۋاعىزداعان
8. جوحان 8:29 عا ساي، يسانىڭ جانتىنىشتىعىنا تاعى نە نارسە سەپ بولدى؟
8 جوحان 8:29 وقىڭىز. اكەسىن قۋانتىپ جۇرگەنىن بىلگەندىكتەن، يسا قۋعىن-سۇرگىن كەزىندە دە جانتىنىشتىعىن ساقتاي الدى. وتە قيىن جاعدايدا دا ول اكەسىنە مويىنسۇندى. ەحوبانى جاقسى كورگەندىكتەن، يسا وعان ٶمىرىن تۇتاسىمەن ارنادى. جەرگە كەلمەس بۇرىن ول اكەسىنىڭ قاسىندا «شەبەر جۇمىسشى» بولعان (ناق. س. 8:30). ال جەرگە كەلگەندە، اكەسى جايىندا بار ىنتاسىمەن ٴتالىم بەردى (مات. 6:9؛ جوح. 5:17). بۇل ٸس يسانى زور شاتتىققا بولەپ، كوڭىلىن تاسىتاتىن (جوح. 4:34—36).
9. ٶزىمىزدى ۋاعىز ىسىنە تولىعىمەن ارناعانىمىز جانتىنىشتىعىن ساقتاۋعا قالاي كومەكتەسەدى؟
9 ەحوباعا مويىنسۇنساق ٵرى «يەمىزدىڭ ىسىندە ٵرقاشان كوپ ەڭبەكتەنسەك» — يسانىڭ ىزىمەن جۇرگەنىمىز (قور. 1-ح. 15:58). ٶزىمىزدى «تولىعىمەن قۇداي ٴسوزىن ۋاعىزداۋعا ارناساق»، قيىنشىلىعىمىزعا وڭ كوزبەن قارايتىن بولامىز (ەل. ٸس. 18:5). مىسالى، قىزمەتتە تاۋداي قيىندىقتارى بار ادامدار ٴجيى كەزىگىپ تۇرادى. ٴبىراق ولار ەحوبانى تانىپ-ٴبىلىپ، اقىل-كەڭەسىنە قۇلاق اسقاندا، ومىرلەرىنىڭ ٴمانى كىرىپ، باقىتقا كەنەلىپ جاتادى. وسىعان كۋا بولعان سايىن، ەحوبا ٴبىزدى دە قالدىرمايتىنىنا سەنىمىمىز ارتا تۇسەدى. بۇل سەنىمدىلىك ٶز كەزەگىندە جانتىنىشتىعىمىزدى تۇعىرىنان تايدىرماي ۇستاپ تۇرادى. ٶزىن ادام قۇرلى ساناماي، جانكۇيزەلىسىمەن ٶمىر باقي كۇرەسىپ كەلگەن ٴبىر ايەل باۋىرلاس وسىنىڭ راستىعىنا كوز جەتكىزگەن. ول بىلاي دەيدى: «قىزمەتكە بىلەك تۇرە كىرىسىپ كەتسەم، ەموسيالىق كۇيىم ٴبىر قالىپقا ٴتۇسىپ، قۋانىپ قالامىن. قىزمەتتە جۇرسەم، ەحوباعا ەتەنە جاقىن جۇرگەنىمدى سەزەمىن. قۋانىشىمنىڭ سەبەبى وسى بولار».
10. برەندانىڭ ايتقانىنان نە ۇيرەندىڭىز؟
10 برەندا ەسىمدى ايەلدىڭ مىسالىنا توقتالايىقشى. ونىڭ ٶزى دە، قىزى دا شاشىراندى سكلەروز دەرتىنە شالدىققان. برەندانىڭ ٵل-دارمەنى جوق. ول مۇگەدەكتەر ارباسىنا تاڭىلعان. شاماسى كەلگەندە ۇيمە-ٷي ۋاعىزداپ تۇرادى، ٴبىراق كوبىنە حات جازۋ ارقىلى كۋالىك بەرەدى. برەندا بىلاي دەيدى: «مەن شىندىققا تۋرا قاراپ، وسى زاماندا جاعدايىم ەش تۇزەلمەيتىنىن ٴتۇسىندىم. ٴسۇيتىپ، بار اقىل-سانامدى ۋاعىز ىسىنە جۇمىلدىردىم. قىزمەت قيىندىعىمدى ۇمىتتىرىپ، ۋايىمىمدى سەيىلتەدى. بار ويىم — قاۋىمنىڭ اۋماعىنداعى ادامدارعا كومەكتەسۋ. ولارعا ٷمىت حابارىن جەتكىزگەن سايىن ٶز ٷمىتىم دە جالىنداپ وتىرادى».
يساعا دوستارى دەمەۋ بولدى
11—13. ا) ەلشىلەر مەن باسقا دا ادامدار يسانىڭ ناعىز دوستارى ەكەنىن قالاي دالەلدەدى؟ ٵ) دوستارىنىڭ دەمەگەنى يساعا قالاي اسەر ەتتى؟
11 جەردە قىزمەت ەتكەن كەزىندە يساعا ادال ەلشىلەرى ۇلكەن دەمەۋ بولدى. «تۋعان باۋىردان دا جاقىن دوس بار» دەمەكشى، ولار ناعىز دوس ەكەندەرىن دالەلدەدى (ناق. س. 18:24). ولار يسانىڭ جانىنا قىمبات جاندار بولدى. يسانىڭ قىزمەتى كەزىندە باۋىرلارىنىڭ ىشىنەن ەشقايسىسى وعان سەنبەگەن ەدى (جوح. 7:3—5). ٴتىپتى بىردە تۋىستارى ونى اقىلىنان اداستى دەپ ويلادى (مار. 3:21). ال دوستارى تۋرالى يسا ولەر الدىنداعى ٴتۇنى: «قيىندىققا ۇشىراعان كەزدەرىمدە مەنىمەن بىرگە بولعان سەندەرسىڭدەر»،— دەپ ايتقان (لۇقا 22:28).
12 ارا-تۇرا ەلشىلەرى كوڭىلىن قالدىرسا دا، يسا ولاردىڭ قاتەلىكتەرىنە قادالىپ جاتپاي، سەنىمدەرىنە نازار اۋداردى (مات. 26:40؛ مار. 10:13، 14؛ جوح. 6:66—69). ولىمگە كەسىلەر الدىنداعى ٴتۇنى يسا سول ادال ەلشىلەرىنە بىلاي دەدى: «مەن سەندەردى دوستارىم دەپ اتايمىن، سەبەبى اكەمنەن ەستىگەندەرىمنىڭ ٴبارىن سەندەرگە ٴبىلدىردىم» (جوح. 15:15). دوستارى يسا ٷشىن ناعىز جىگەردىڭ كوزى بولعان. ولار يساعا قىزمەتىن اتقارۋعا قولداۋ كورسەتىپ، كوڭىلىنە شاتتىق ۇيالاتتى (لۇقا 10:17، 21).
13 ەلشىلەرىنەن بولەك، يسانىڭ باسقا دا ادال دوستارى بولدى. ولاردىڭ ىشىندە ەرلەر مەن ايەلدەر دە بار ەدى. ولار يساعا ۋاعىز لۇقا 10:38—42؛ جوح. 12:1، 2). باسقالارى وعان ەرىپ جۇرگەن ٵرى قولدا بارلارىمەن بولىسكەن (لۇقا 8:3). يسانىڭ ادال دوستارىنىڭ كوپ بولعانىنىڭ سەبەبى — ونىڭ ٶزى ادال دوس بولا بىلگەن. يسا ولارعا جاقسىلىق جاساعان، شامالارى كەلمەيتىن نارسەنى كۇتپەگەن. ٶزى كەمەلدى بولسا دا، كەمەلسىز دوستارىنىڭ كومەگىن قۇندى كورگەن. ٴيا، دوستارىنىڭ دەمەۋى يساعا جانتىنىشتىعىن ساقتاۋعا سەپ بولدى.
ىسىندە ٵرتۇرلى جولدارمەن كومەك كورسەتكەن. كەيبىرى ونى ۇيىنە شاقىرىپ قوناق ەتكەن (14، 15. ادال دوستاردى قالاي تاپساق بولادى جانە ولار بىزگە قالاي كومەكتەسەدى؟
14 ناعىز دوستار ەحوباعا ادال بولىپ قالۋىمىزعا كومەكتەسەدى. ادال دوستار تابۋدىڭ ەڭ جاقسى جولى — ادال دوس بولا ٴبىلۋ (مات. 7:12). كيەلى كىتاپ وزگەلەردىڭ، اسىرەسە مۇقتاج جانداردىڭ مۇددەسى ٷشىن كۇش پەن ۋاقىتىمىزدى اياماۋعا شاقىرادى (ەفەس. 4:28). قاۋىمىڭىزدا ٴسىزدىڭ كومەگىڭىزگە مۇقتاج جاندار بار ما؟ بالكىم، ۇيىنەن شىعا المايتىن جاريالاۋشىلارعا دۇكەننەن كەرەك-جاراعىن اكەپ بەرەرسىز. تارشىلىق كورىپ جاتقان وتباسىنا اس ازىرلەپ بەرە الاتىن شىعارسىز. يا بولماسا ®jw.org تور بەكەتىن، «®JW Library» قوسىمشاسىن قولدانا المايتىندارعا كومەكتەسىپ، رۋحاني قازىنانىڭ كوزىن اشىپ بەرەرسىز. وي-سانامىزدى وزگەلەرگە قول ۇشىن بەرۋگە جۇمىلدىرساق، باقىتتىڭ قۇشاعىنا ەنەرىمىز ٴسوزسىز (ەل. ٸس. 20:35).
15 دوستارىمىز باسىمىزعا كۇن تۋعاندا دەمەۋ بولىپ، جانتىنىشتىعىمىزدان ايىرىلماۋعا جاردەم بەرەدى. مۇڭىن شاققان ٵيۇپتى ەليحۋ ٷنسىز ٵيۇپ 32:4). ارينە، ولار ٴبىز ٷشىن شەشىم قابىلداپ بەرەدى دەپ كۇتپەيمىز. ايتسە دە جازبالاردى ارقاۋ ەتكەن اقىل-كەڭەستەرىن ەلەۋسىز قالدىرمايىق (ناق. س. 15:22). ٴداۋىت پاتشا كىشىپەيىلدىلىكپەن دوستارىنىڭ كومەگىن قابىل العانداي، ٴبىز دە دوستارىمىزدىڭ كومەگىن قابىلداۋدان قىسىلمايىق (سام. 2-ج. 17:27—29). راسىندا دا، مۇنداي دوستار ەحوبا سيعا تارتقان ادامدار (جاق. 1:17).
تىڭداپ وتىرعانىنداي، دوستار دا ۋايىمىمىزدى ايتقاندا، شىداممەن تىڭدايدى (تىنىشتىعىمىز تۇعىرىنان تايماسىن
16. فىلىپىلىكتەرگە 4:6، 7 گە ساي، تىنىشتىقتى يەمدەنۋدىڭ جولى قانداي؟ ٴتۇسىندىرىڭىز.
16 فىلىپىلىكتەرگە 4:6، 7 وقىڭىز. نەلىكتەن ەحوبا «ٴماسىح يسا ارقىلى» تىنىشتىققا يە بولاتىنىمىزدى ايتتى؟ سەبەبى يسانىڭ قۇداي نيەتىندەگى ٴرولىن ٴتۇسىنىپ، وعان سەنگەن جاعدايدا عانا وي-سانامىز بەن جۇرەگىمىزدە باياندى تىنىشتىق ورنايدى. مىسالى، يسانىڭ تولەم قۇرباندىعىنىڭ ارقاسىندا بارلىق ٴمىن-كىناراتىمىز كەشىرىلەدى (جوح. 1-ح. 2:12). بۇل جانىمىزعا جۇبانىش بەرەدى ەمەس پە؟! قۇداي پاتشالىعىنىڭ پاتشاسى يسا شايتاننىڭ جانە ونىڭ دۇنيەسىنىڭ كەسىرىنەن بولعان بار زالالدىڭ ۋىتىن قايتارادى (يشايا 65:17؛ جوح. 1-ح. 3:8؛ ايان 21:3، 4). بولاشاعىمىزدىڭ بىزگە وسىلاي كۇلىمدەپ تۇرعانى ٷمىتىمىزدى جالىنداتادى! يسانىڭ تاپسىرعان ٸسى قيىنعا سوعىپ جاتسا دا، ۇمىتپاڭىز، ول «وسى زامان اياقتالعانشا، ٵر كۇنى» سىزبەن بىرگە (مات. 28:19، 20). بۇلاي ەكەنى قايراتىمىزدى قامشىلاي تۇسەدى، سولاي ەمەس پە؟! جۇبانىش، ٷمىت جانە قايرات — جانتىنىشتىعىمىزدىڭ ٷش تۇعىرى دەسەك، قاتە ايتپاسپىز.
17. ا) ماسىحشىلەر جانتىنىشتىعىن قالاي ساقتاي الادى؟ ٵ) جوحان 16:33 تەگى ۋادەگە ساي، نە نارسەگە سەنىمدى بولا الامىز؟
17 سونىمەن، قاتال سىناققا كەزىگىپ، ٶر ەڭسەمىز تۇسكەندە، جانتىنىشتىعىن ساقتاي الۋدىڭ سىرى نەدە ەكەن؟ يسا ىستەگەن ٷش نارسەنى ىستەۋدە. بۇلار: ۇدايى دۇعا ايتۋ؛ قيىنعا سوققان جاعدايدا دا ەحوباعا مويىنسۇنۋ ٵرى بار ىنتامىزبەن ۋاعىزداۋ؛ سونداي-اق دوستاردىڭ كومەگىنە جۇگىنۋ. سوندا قۇدايدىڭ تىنىشتىعى وي-سانامىز بەن جۇرەگىمىزدى ساقتايدى. وسىلايشا يسا سياقتى ٴبىز دە كەز كەلگەن سىناقتى جەڭە الامىز! (جوحان 16:33 وقىڭىز).
41-ٵن ەستي كور مەنى دەپ وتىنەم
^ 5-ابزاس تىنىشتىعىمىزدى قاشىراتىن قيىندىقتار كوبىمىزدە بار. ولار القىمىمىزدان الىپ جاتسا دا، جانتىنىشتىعىن ساقتاۋ — مۇمكىن نارسە. بۇعان يسانىڭ مىسالى دالەل. يساعا قانداي ٷش نارسە كومەك بولعانىنا وسى ماقالادا نازار اۋدارامىز.