15-زەرتتەۋ ماقالاسى
اۋماعىڭىزداعى ادامدارعا كوزقاراسىڭىز قانداي؟
«باستارىڭدى كوتەرىپ، ەگىندىككە كوز سالىڭدار، ول ٴپىسىپ، جيناۋعا دايىن تۇر» (جوح. 4:35).
64-ٵن ەگىن جيناۋعا قۋانا اتسالىسۋ
اڭداتپا *
1، 2. جوحان 4:35، 36 داعى يسانىڭ سوزدەرى نەنى بىلدىرەدى؟
يسا ەندى كوكتەپ كەلە جاتقان ارپا اراسىمەن ٴجۇرىپ ٶتتى (جوح. 4:3—6). بۇل ەگىن شامامەن ٴتورت ايدان كەيىن جيناۋعا دايىن بولادى. سوندىقتان يسانىڭ: «باستارىڭدى كوتەرىپ، ەگىندىككە كوز سالىڭدار، ول ٴپىسىپ، جيناۋعا دايىن تۇر»،— دەگەنى ٴبىرتۇرلى ەستىلگەن شىعار (جوحان 4:35، 36 وقىڭىز). مۇنىمەن يسا نە ايتقىسى كەلدى؟
2 يسا تۋرا ماعىناداعى ەگىندىك جايلى ەمەس، ادامداردى جيناۋ ٸسى جايلى ايتقانى ٴسوزسىز. ٴدال وسىنىڭ الدىندا نە بولعانىن قاراستىرايىق. ياھۋديلەر ساماريالىقتارمەن ارالاسپاسا دا، يسا ساماريالىق ايەلگە ۋاعىزدايدى. ول يسانىڭ سوزدەرىنە قۇلاق اسادى. يسا ەگىندىك «ٴپىسىپ، جيناۋعا دايىن تۇر» دەپ ايتىپ تۇرعان كەزدە، ٴبىر توپ ساماريالىق ودان ٴتالىم الۋ ٷشىن كەلە جاتقان ەدى. ولار يسا جايلى الگى ايەلدەن ەستىگەن بولاتىن (جوح. 4:9، 39—42). كيەلى كىتاپقا بەرىلگەن ٴبىر تۇسىنىكتەمەدە بىلاي دەلىنگەن: «ادامداردىڭ زور ىقىلاستارى ولاردىڭ جيناۋعا دايىن تۇرعان ەگىندىككە ۇقسايتىنىن كورسەتتى».
اۋماعىمىزدىڭ «جيناۋعا دايىن تۇرعانىن» بايقاساق، نە ىستەۋىمىز كەرەك؟ (3-ابزاستى قاراڭىز)
3. ادامدارعا يسا سياقتى قاراساڭىز، ۋاعىز ىسىندە قالاي جاقسارا الاسىز؟
3 ۋاعىزدايتىن اۋماعىڭىزداعى ادامدارعا كوزقاراسىڭىز قانداي؟ ولاردى ٴپىسىپ، جيناۋعا دايىن تۇرعان ەگىندىك دەپ سانايسىز با؟ سولاي ويلاساڭىز، كەلەسى ٷش نارسەنى ىستەيتىن بولاسىز: بىرىنشىدەن، ىزگى حاباردى كەيىنگە قالدىرماي ۋاعىزدايسىز. ەگىن جيناۋ ۋاقىتى شەكتەۋلى، سوندىقتان ونى بوسقا قۇرتپاۋ كەرەك. ەكىنشىدەن، ادامداردىڭ ىزگى حابارعا قۇلاق اسىپ جاتقانىن كورىپ قۋاناسىز. كيەلى كىتاپتا ناۋقان كەزى ادامدى زور قۋانىشقا بولەيتىنى ايتىلعان (يشايا 9:3). ۇشىنشىدەن، ٵر ادامعا بولاشاق شاكىرت دەپ قارايسىز، سوندىقتان ونى قىزىقتىراتىن نارسەلەردى ويدا تۇتىپ، ۇسىنىسىڭىزدى بەيىمدەيتىن بولاسىز.
4. وسى ماقالادا ەلشى پاۋىلدان نە ۇيرەنەمىز؟
4 يسانىڭ كەيبىر ٸزباسارلارى ساماريالىقتار ەشقاشان يسانىڭ شاكىرتى بولمايدى دەپ ويلاعان شىعار. ٴبىراق يسا بۇلاي ويلامادى، قايتا، ولارعا بولاشاق شاكىرتتەرى رەتىندە قارادى. ٴبىز دە اۋماعىمىزداعى ادامدارعا ٴماسىحتىڭ بولاشاق شاكىرتى دەپ قاراۋىمىز كەرەك. وسى جاعىنان ەلشى پاۋىل تاماشا ۇلگى قالدىردى. ودان نە ۇيرەنەمىز؟ بۇل ماقالادان پاۋىل ٶزى ۋاعىزداعان ادامداردىڭ نە نارسەگە سەنەتىنىن، نە نارسەگە قىزىعاتىنىن قالاي انىقتاعانىن، سونداي-اق ولارعا يسانىڭ بولاشاق شاكىرتى دەپ قاراعانىن بىلەمىز.
ولار نە نارسەگە سەنەدى؟
5. نەلىكتەن پاۋىل ٴماجىلىسحاناداعى تىڭداۋشىلارىن تۇسىنە الدى؟
5 پاۋىل ادەتتە ياھۋديلەردىڭ ٴماجىلىسحاناسىندا ۋاعىزدايتىن. مىسالى، ول سالونيكاداعى ٴماجىلىسحانادا ياھۋديلەرمەن «ٷش دەمالىس كۇن قاتارىنان جازبالاردىڭ نەگىزىندە پىكىر الىستى» (ەل. ٸس. 17:1، 2). پاۋىل ٴماجىلىسحانادا ٶزىن ەركىن سەزىنگەنگە ۇقسايدى. ويتكەنى ول ياھۋدي وتباسىندا وسكەن (ەل. ٸس. 26:4، 5). پاۋىل ياھۋديلەردى جاقسى تۇسىنگەندىكتەن، ولارعا سەنىمدىلىكپەن ۋاعىزداي العان (ٴفىلىپ. 3:4، 5).
6. افيناداعى بازار الاڭىنداعى ادامدار پاۋىل ۋاعىزداعان ٴماجىلىسحاناداعى ادامداردان نەسىمەن ەرەكشە ەدى؟
6 قارسىلىقتىڭ كەسىرىنەن سالونيكادان، كەيىن بەرەيادان كەتۋگە تۋرا كەلگەن سوڭ پاۋىل افيناعا كەلدى. سول جەردە دە ول «ٴماجىلىسحاناداعى ياھۋديلەرمەن، قۇدايعا عيبادات ەتەتىن وزگە ادامدارمەن... پىكىر الىسىپ ٴجۇردى» (ەل. ٸس. 17:17). ال بازار الاڭىندا ۋاعىزداعان كەزدە پاۋىلدىڭ تىڭداۋشىلارى مۇلدەم باسقا ادامدار بولدى. ولاردىڭ اراسىندا ٴپالساپاشىلار مەن پاۋىلدىڭ حابارىن «جاڭا ٸلىم» دەپ قابىلداعان باسقا ۇلت ادامدارى بولدى. ولار پاۋىلعا: «ايتىپ جۇرگەنىڭىز قۇلاعىمىزعا وعاش ەستىلەدى»،— دەدى (ەل. ٸس. 17:18—20).
7. ەلشىلەردىڭ ىستەرى 17:22، 23 كە ساي، پاۋىل وزگەلەرگە قالاي بەيىمدەلدى؟
7 ەلشىلەردىڭ ىستەرى 17:22، 23 وقىڭىز. پاۋىل افيناداعى باسقا ۇلت ادامدارىنا ٴماجىلىسحاناداعى ياھۋديلەرگە ۋاعىزداعانداي ۋاعىزدامادى. ول «افيناداعى ادامدار نە نارسەگە سەنەدى ەكەن؟» دەپ ويلاعان شىعار. پاۋىل اينالاسىن باقىلاپ، ادامداردىڭ ٴدىني راسىمدەرىنە نازار اۋدارعان. سودان كەيىن ولاردىڭ عيباداتى مەن جازبالارداعى شىندىقتاردىڭ اراسىنداعى ورتاق نارسەنى ىزدەگەن. كيەلى كىتاپقا تۇسىنىكتەمە بەرگەن ٴبىر كىسى بىلاي دەيدى: «پاۋىل ياھۋدي ۇلتىنان شىققان ٴماسىحشى بولعاندىقتان، جالعان تاڭىرلەرگە تابىناتىن گرەكتەردىڭ ياھۋديلەر مەن ماسىحشىلەردىڭ شىنايى قۇدايىنا عيبادات ەتپەيتىنىن تۇسىنگەن. ٴبىراق ول ٶزى جاريالاپ جۇرگەن قۇداي شىن مانىندە افينالىقتار ٷشىن بوتەن ەمەس ەكەنىن تۇسىندىرگىسى كەلدى». دەمەك، پاۋىل ادامدارعا بەيىمدەلۋگە دايىن بولعان. ول افينالىقتارعا وزدەرى عيبادات ەتۋگە تىرىسىپ جۇرگەن «بەلگىسىز قۇدايدان» حابار اكەلگەنىن ايتتى. باسقا ۇلت ادامدارى جازبالارمەن تانىس بولماسا دا، پاۋىل «ولار ەشقاشان ٴماسىحشى بولمايدى» دەپ ويلاماعان. كەرىسىنشە، ولارعا ٴپىسىپ، جيناۋعا دايىن تۇرعان ەگىندىك رەتىندە قاراپ، ىزگى حاباردى ولارعا بەيىمدەپ ايتقان.
پاۋىلدىڭ ۇلگىسىنە ەلىكتەپ، بايقامپاز بولىڭىز، ۇسىنىسىڭىزدى بەيىمدەڭىز، ادامدارعا بولاشاق شاكىرتتەر رەتىندە قاراڭىز (8، 12، 18-ابزاستاردى قاراڭىز) *
8. ا) اۋماعىڭىزداعى ادامدار نە نارسەگە سەنەتىنىن قالاي انىقتاي الاسىز؟ ٵ) بىرەۋ «ٶز ٴدىنىم بار دەسە»، نە دەسەڭىز بولادى؟
8 پاۋىل سياقتى بايقامپاز بولىڭىز. اۋماعىڭىزداعى ادامداردىڭ نە نارسەگە سەنەتىنىن كورسەتەتىن بەلگىلەرگە مۇقيات زەر سالىڭىز. ٷي يەسى ٷيىن نە كولىگىن قالاي ساندەپ قويعان؟ ونىڭ ەسىمىنە، كيگەن كيىمىنە، سىرت كورىنىسىنە، قالاي سويلەيتىنىنە قاراپ قانداي ٴدىندى ۇستاناتىنىن بىلۋگە بولا ما؟ مۇمكىن، قانداي ٴدىندى ۇستاناتىنىن ادام ٶزى ايتاتىن شىعار. وسىنداي جاعدايدا فليۋتۋرا ەسىمدى ارنايى ٸزاشار بىلاي دەيدى ەكەن: «مەن ٴسىزدى ٶزىم سەنەتىن نارسەلەرگە سەندىرۋ ٷشىن كەلگەن جوقپىن، جاي مىنا تاقىرىپ جايلى سويلەسكىم كەلەدى.»
9. ٴدىندار اداممەن قانداي ورتاق تاقىرىپ تابا الاسىز؟
9 ٴدىندار اداممەن قانداي تاقىرىپتا سويلەسسەڭىز بولادى؟ ورتاق تاقىرىپ تابۋعا تىرىسىڭىز. بالكىم، ول ٴبىر عانا قۇدايعا عيبادات ەتەتىن شىعار نەمەسە يسانىڭ پايعامبار ەكەنىنە سەنەتىن بولار، يا بولماسا اقىر زاماندا ٶمىر ٴسۇرىپ جاتقانىمىزعا سەنەر. وسىلاي ورتاق تاقىرىپ تاڭداپ، كيەلى كىتاپتاعى حاباردى وعان قىزىقتى ەتىپ جەتكىزىڭىز.
10. ٴبىز نە ىستەۋىمىز كەرەك جانە نەگە؟
10 سونداي-اق ادام ٶز ٴدىنى ۇيرەتەتىن نارسەلەردىڭ بارىنە سەنە بەرمەيتىنىن ەستە ۇستاڭىز. ادامنىڭ قانداي ٴدىندى ۇستاناتىنىن بىلگەننەن كەيىن دە، ونىڭ ٶزى نە نارسەگە سەنەتىنىن انىقتاۋعا تىرىسىڭىز. «قازىر ادامدار ٴدىني نانىمدارىن فيلوسوفيامەن ارالاستىرىپ جىبەرگەن»،— دەيدى اۆستراليادا قىزمەت ەتەتىن دەيۆيد ەسىمدى ارنايى ٸزاشار. ال البانياداعى دونالتا بىلاي دەيدى: «كەيبىر ادامدار قانداي دا ٴبىر ٴدىندى ۇستاناتىنىن ايتادى، ٴبىراق كەيىن شىن مانىندە قۇدايعا سەنبەيتىنىن مويىنداپ جاتادى». ارگەنتينادا ميسسيونەر بولىپ قىزمەت ەتەتىن ٴبىر ەر باۋىرلاس كەي ادامداردىڭ ۇشتىككە سەنەمىز دەپ ايتاتىنىن، ٴبىراق شىندىعىندا اكە، ۇل جانە كيەلى رۋح ٴبىر تۇلعا دەگەنگە سەنبەيتىنىن بايقاپتى. ول: «وسىنى بىلگەن قور. 1-ح. 9:19—23).
سوڭ اداممەن ورتاق تاقىرىپتا سويلەسۋ جەڭىل بولادى»،— دەيدى. سونىمەن، ادامنىڭ شىن مانىندە نە نارسەگە سەنەتىنىن بىلۋگە تىرىسىڭىز. سوندا پاۋىل سياقتى، ٴسىز دە «ٵرتۇرلى ادامدارعا» بەيىمدەلە الاسىز (ولاردى نە قىزىقتىرادى؟
11. ەلشىلەردىڭ ىستەرى 14:14—17 تارماقتاردا جازىلعانداي، پاۋىل ليسترانىڭ تۇرعىندارىنا حابارىن قالاي تارتىمدى ەتىپ جەتكىزدى؟
11 ەلشىلەردىڭ ىستەرى 14:14—17 وقىڭىز. پاۋىل تىڭداۋشىلارىن نە قىزىقتىراتىنىن بايقاپ، ۇسىنىسىن سوعان ساي يكەمدەگەن. ماسەلەن، ليستراداعى ادامدار جازبالار تۋرالى وتە از بىلەتىن نە مۇلدەم بىلمەيتىن. سوندىقتان پاۋىل ولار تۇسىنەتىندەي ەتىپ ۋاعىزدادى. ول ٶنىم جايلى، ادامنىڭ ومىردەن راقات الۋى جايلى اڭگىمە قوزعادى. تىڭداۋشىلارى وڭاي تۇسىنەتىن سوزدەر مەن مىسالدار ايتتى.
12. ادامدى نە قىزىقتىراتىنىن قالاي بىلەمىز جانە ۇسىنىسىمىزدى قالاي بەيىمدەي الامىز؟
12 اۋماعىڭىزداعى ادامداردى نە قىزىقتىراتىنىن ٴبىلىپ، ۇسىنىسىڭىزدى بەيىمدەڭىز. ادامنىڭ وزىنە نە ۇيىنە قاراپ، ونى نە قىزىقتىراتىنىن قالاي بىلۋگە بولادى؟ تاعى دا بايقامپاز بولىڭىز. بالكىم، ول باقشاسىندا جۇمىس ىستەپ نە كىتاپ وقىپ وتىرعان شىعار، يا بولماسا باسقا نارسەمەن اينالىسىپ جاتقان بولار. ەگەر ورىندى بولسا، ونىڭ اينالىسىپ جاتقان ٸسىن نەگە اڭگىمەگە ارقاۋ ەتپەسكە؟ (جوح. 4:7). ٴتىپتى ادامنىڭ كيىمى دە ونىڭ ۇلتى، ماماندىعى نە سۇيىكتى سپورت كومانداسى جايلى ٴبىراز مالىمەت بەرۋى مۇمكىن. گۋستاۆو ەسىمدى باۋىرلاس بىلاي دەيدى: «مەن 19 جاسار جىگىتپەن اڭگىمەلەسە باستادىم. ونىڭ كيىمىندە اتاقتى ٵنشىنىڭ سۋرەتى بار ەكەن. مەن ودان سول تۋرالى سۇرادىم. سوندا الگى جىگىت سول ٵنشىنى نەگە ۇناتاتىنىن ايتىپ بەردى. اڭگىمەمىز كيەلى كىتاپ زەرتتەۋ ساباعىنا ۇلاستى. قازىر ول ٴبىزدىڭ باۋىرلاسىمىز».
13. كيەلى كىتاپ زەرتتەۋ ساباعىن قالاي تارتىمدى ەتىپ ۇسىنا الاسىز؟
13 بىرەۋگە كيەلى كىتاپتى زەرتتەۋدى ۇسىنعاندا، ونى ادامعا تارتىمدى ەتىپ كورسەتىڭىز. زەرتتەۋدىڭ وعان قانداي پايداسى بار ەكەنىن ايتىڭىز (جوح. 4:13—15). مىسالى، پوپپي ەسىمدى باۋىرلاس ٴبىر ايەلگە ۋاعىزداعاندا، ول كىسى قىزىعۋشىلىق ٴبىلدىرىپ، ۇيىنە كىرگىزەدى. پوپپي قابىرعادا الگى ايەلدىڭ ٴبىلىمدى پروفەسسور ەكەنىن كورسەتەتىن سەرتيفيكات ٸلىنىپ تۇرعانىن بايقايدى. سوندا ول ٴبىزدىڭ دە ادامدارعا كيەلى كىتاپ زەرتتەۋ باعدارلاماسى جانە قاۋىم كەزدەسۋلەرى ارقىلى ٴبىلىم بەرەتىنىمىزدى ايتادى. سوندا ايەل كيەلى كىتاپتى زەرتتەۋگە كەلىسىپ، كەلەسى كۇنى قاۋىم كەزدەسۋىنە، سوسىن كوپ ۇزاماي اۋداندىق كونگرەسكە بارادى. ال ٴبىر جىلدان كەيىن شومىلدىرۋ راسىمىنەن وتەدى. ٴسىز دە بىلاي ويلانىپ كورىڭىز: «مەن قايتا باراتىن ادامداردى نە قىزىقتىرادى؟ كيەلى كىتاپ زەرتتەۋ ساباعى قالاي وتەتىنىن ولارعا تارتىمدى ەتىپ كورسەتە الامىن با؟»
14. زەرتتەۋ ساباعىن ٵر زەرتتەۋشىگە قالاي بەيىمدەي الاسىز؟
14 كيەلى كىتاپ زەرتتەۋ ساباعىن باستاعاننان كەيىن، ٵر ساباققا جاقسىلاپ دايىندالىڭىز. زەرتتەۋشىنىڭ شىققان ورتاسىن، ونىڭ نە نارسەگە قىزىعاتىنىن جاقسىلاپ ويلانىڭىز. دايىندالۋ بارىسىندا كيەلى كىتاپ شىندىقتارىن ٴتۇسىندىرۋ ٷشىن قانداي تارماق وقيتىنىڭىزدى، قانداي بەينەروليك كورسەتەتىنىڭىزدى جانە قانداي مىسال كەلتىرەتىنىڭىزدى ويلاستىرىڭىز. «زەرتتەۋشىمنىڭ جۇرەگىنە اسىرەسە نە نارسە اسەر ەتۋى مۇمكىن؟» دەپ ويلانىپ كورىڭىز (ناق. س. 16:23). البانياداعى فلورا ەسىمدى ٸزاشاردىڭ زەرتتەۋشىسى: «ماعان قايتا تىرىلۋگە سەنۋ وتە قيىن»،— دەپ ايتىپتى. ٴبىراق فلورا ونى كۇشتەمەدى. «الدىمەن ونىڭ قايتا ٴتىرىلتۋدى ۋادە ەتەتىن قۇدايدى جاقسىلاپ تانىپ العانى ٴجون دەپ ويلادىم»،— دەيدى فلورا. سوندىقتان ٵر زەرتتەۋ ساباعىندا ول ەحوبانىڭ سۇيىسپەنشىلىگىنە، دانالىعى مەن قۇدىرەتىنە كوپ نازار اۋدارىپتى. كەيىن زەرتتەۋشىسى قايتا تىرىلۋگە سەنەتىن بولدى. قازىر ول — قۇلشىنىستى ەحوبا كۋاگەرى.
ولارعا بولاشاق شاكىرتتەر رەتىندە قاراڭىز
15. ەلشىلەردىڭ ىستەرى 17:16—18 تارماقتارعا ساي، افيناداعى قانداي جاعدايلار پاۋىلدىڭ كوڭىلىن ٴتۇسىردى، ٴبىراق ول افينالىقتارعا نەگە ۋاعىزداي بەردى؟
15 ەلشىلەردىڭ ىستەرى 17:16—18 وقىڭىز. افينا قالاسى پۇتقا تابىنۋشىلىققا، جىنىستىق ازعىندىققا جانە جالعان ٴدىننىڭ ٴپالساپالارىنا تولى بولسا دا، پاۋىل ولاردان ەش كۇدەر ۇزبەدى. سونداي-اق ونى قورلاسا دا، ۋاعىزداۋدى دوعارعان جوق. پاۋىلدىڭ ٶزى دە ٴماسىحشى بولماي تۇرىپ «ٴتىل تيگىزۋشى، قۋدالاۋشى، ارسىز بولعان» (ٴتىم. 1-ح. 1:13). يسا پاۋىلدى بولاشاق شاكىرت دەپ قاراعانى سياقتى، ول دا افينالىقتارعا بولاشاق شاكىرتتەر رەتىندە قارادى. ونىڭ بۇل ٷمىتى اقتالماي قالمادى (ەل. ٸس. 9:13—15؛ 17:34).
16، 17. ٴتۇرلى ورتادان شىققان ادامداردىڭ ٴماسىحتىڭ شاكىرتى بولا الاتىنىن قايدان بىلەمىز؟ مىسال كەلتىرىڭىز.
16 ٴبىرىنشى عاسىردا ٵرتۇرلى ورتادان شىققان ادامدار يسانىڭ شاكىرتى بولدى. گرەكيانىڭ قورىنت قالاسىندا تۇراتىن ماسىحشىلەرگە جازعان حاتىندا پاۋىل قاۋىمداعى كەيبىرەۋلەردىڭ كەزىندە قىلمىسكەر بولعانىن جانە ادام شوشيتىنداي ونەگەسىز ٶمىر سۇرگەنىن ايتقان. كەيىن ول: «كەزىندە كەيبىرەۋلەرىڭ سونداي بولدىڭدار. ٴبىراق تازاردىڭدار»،— دەپ قوسقان (قور. 1-ح. 6:9—11). ٴسىز سول ادامدارعا بولاشاق شاكىرت دەپ قارار ما ەدىڭىز؟
17 بۇگىندە كوپتەگەن ادام يسانىڭ شاكىرتى بولۋ ٷشىن زور ىقىلاسپەن وزگەرىستەر جاساۋدا. مىسالى، اۆستراليادا قىزمەت ەتەتىن يۋكينا ەسىمدى ارنايى ٸزاشار كيەلى كىتاپتاعى حابارعا ٵرتۇرلى ادامداردىڭ قۇلاق اسىپ جاتقانىن بايقاعان. بىردە ول ٴبىر كەڭسەدەن دەنەسىندە بىرنەشە تاتۋيروۆكاسى ياكي دەنە اشەكەيى بار جانە وتە كەڭ، قولپىلداعان كيىم كيىپ العان بويجەتكەندى كورەدى. «باسىندا *.
سويلەۋگە تارتىنشاقتادىم، ٴبىراق كەيىن اڭگىمەلەسە باستادىم،— دەيدى يۋكينا.— سويتسەم، ونىڭ كيەلى كىتاپقا قىزىعاتىنى سونشا، دەنەسىندەگى تاتۋيروۆكالارىنىڭ كەيبىرى زابۇردەن الىنعان تارماقتار ەكەن». سول قىز زەرتتەۋ ساباعىنا كەلىسىپ، قاۋىمعا كەلە باستايدى18. نەگە ادامدارعا قاتىستى الدىن الا تون پىشپەۋىمىز كەرەك؟
18 يسا سوڭىنان كوپ ادام ەرەدى دەپ كۇتكەندىكتەن، ەگىندىك جيناۋعا دايىن تۇر دەپ ايتتى ما؟ جوق. ويتكەنى جازبالاردا وعان سالىستىرمالى تۇردە از ادام سەنەتىنى الدىن الا جازىلعان ەدى (جوح. 12:37، 38). سونداي-اق يسا ادامداردىڭ جۇرەگىن كورە العان (مات. 9:4). دەسە دە يسا بار نازارىن وزىنە سەنەتىن از ادامعا اۋدارىپ، ٵربىر ادامعا قۇلشىنا ۋاعىزداي بەردى. ال ٴبىز جۇرەكتى كورە المايمىز، سوندىقتان اۋماعىمىزدى نە جەكە ادامداردى سوتتاماعانىمىز ودان دا ماڭىزدى ەمەس پە؟! قايتا، ولارعا بولاشاق شاكىرت دەپ قاراۋىمىز كەرەك. بۋركينا-فاسو دەگەن ەلدە ميسسيونەر بولىپ قىزمەت ەتەتىن مارك بىلاي دەيدى: «رۋحاني قادام جاسامايدى دەپ ويلاعان ادامدار رۋحاني ٶسىپ، ال رۋحاني وسەدى-اۋ دەگەن ادامدار زەرتتەۋدى توقتاتىپ جاتادى. سوندىقتان ەڭ دۇرىسى ەحوبانىڭ كيەلى رۋحىنا سەنىم ارتۋ كەرەكتىگىن ٴتۇسىندىم».
19. اۋماعىمىزداعى ادامدارعا قالاي قاراۋىمىز كەرەك؟
19 ٴبىر قاراعاندا اۋماعىڭىزداعى ادامدار جيناۋعا دايىن ەمەس سياقتى كورىنۋى مۇمكىن. ٴبىراق يسانىڭ شاكىرتتەرىنە نە دەگەنىن ۇمىتپاڭىز. ەگىندىك ٴپىسىپ، جيناۋعا دايىن تۇر. ادام وزگەرىپ، يسانىڭ شاكىرتى بولا الادى. ەحوبا سول بولاشاق شاكىرتتەردى «باعالى قازىناداي» كورەدى (حاگ. 2:7). ٴبىز دە ادامدارعا ەحوبا مەن يسا سياقتى قاراساق، ولاردىڭ شىققان ورتاسىن، قىزىقتىراتىن نارسەلەرىن بىلۋگە تىرىسامىز. ولارعا بوتەن ادامدار دەپ ەمەس، بولاشاق باۋىرلاستارىمىز دەپ قارايمىز.
57-ٵن بارشا جانعا ۋاعىزدايىق
^ 5-ابزاس اۋماعىمىزداعى ادامدارعا دەگەن كوزقاراسىمىز قالاي ۋاعىزداپ، قالاي ٴتالىم بەرەتىنىمىزگە اسەر ەتە مە؟ بۇل ماقالادا يسا مەن پاۋىلدىڭ تىڭداۋشىلارىنا قالاي قاراعانىنا نازار اۋدارىلادى. سونداي-اق ولارعا ەلىكتەپ، تىڭداۋشىلارىمىزدىڭ نەگە سەنەتىنىن، نە نارسەگە قىزىعاتىنىن قالاي انىقتاۋعا بولاتىنىن جانە ولارعا قالاي بولاشاق شاكىرت دەپ قاراي الاتىنىمىزدى قاراستىرامىز.
^ 17-ابزاس «كيەلى كىتاپ ادام ٶمىرىن وزگەرتەدى» دەگەن ساناتتان كوبىرەك مىسالدار تابا الاسىز. بۇل ماقالالار 2017-جىلعا دەيىن «كۇزەت مۇناراسىندا» جارىق كوردى. ال قازىر ®jw.org تور بەكەتىندە شىعارىلادى. ٴبىز جونىندە > وقيعالار دەگەن جەردى قاراڭىز.
^ 57-ابزاس سۋرەت سيپاتتاماسى: ەرلى-زايىپتى ۇيمە-ٷي ۋاعىزداپ ٴجۇرىپ، 1) وتە جيناقى ٵرى گۇلدەرى جايقالىپ تۇرعان ٷيدى؛ 2) جاس وتباسى تۇراتىن ٷيدى؛ 3) ٸشى دە، سىرتى دا شاشىلىپ جاتقان ٷيدى؛ 4) ٴدىندار ادام تۇراتىن ٷيدى بايقايدى. قاي ۇيدەن بولاشاق شاكىرتتى تابامىن دەپ ويلايسىز؟