18-زەرتتەۋ ماقالاسى
ٶمىر جارىسىندا «مارەگە جەتىڭىز»!
«مەن... مارەگە جەتتىم» (ٴتىم. 2-ح. 4:7).
129-ٵن تاباندى بولامىز
اڭداتپا *
1. بارلىعىمىز نە ىستەۋىمىز كەرەك؟
قانداي دا ٴبىر جارىستىڭ قيىن بولاتىنىن بىلە تۇرا، وعان قاتىسار ما ەدىڭىز؟ ال ەگەر اۋىرىپ نە شارشاپ تۇرساڭىز شە؟ قاتىسارىڭىز ەكىتالاي. الايدا ەلشى پاۋىل بارلىق شىنايى ماسىحشىلەردىڭ جارىسقا قاتىسىپ جاتقاندارىن ايتقان (ەۆر. 12:1). ەحوبا بەرەتىن سيدى العىمىز كەلسە، ٴبارىمىز دە — جاس بولساق تا، قارت بولساق تا، كۇشىمىز تاسىپ تۇرسا دا، سارقىلسا دا — سوڭىنا دەيىن تاباندىلىقپەن جۇگىرۋىمىز كەرەك (مات. 24:13).
2. تىموتەگە 2-حات 4:7، 8 دە ايتىلعانداي، نەگە پاۋىلدىڭ ٴسوز ەركىندىگى بولعان؟
2 پاۋىلدىڭ ٶزى بۇل جارىستا «مارەگە جەتكەندىكتەن»، ونىڭ ٴسوز ەركىندىگى بولعان (تىموتەگە 2-حات 4:7، 8 وقىڭىز). ٴبىراق پاۋىل ناقتى قانداي جارىس تۋرالى ايتتى؟
بۇل قانداي جارىس؟
3. پاۋىل قانداي جارىس تۋرالى ايتقان؟
3 پاۋىل كەيدە ٴتالىم بەرۋ ٷشىن ەجەلگى گرەكيادا وتەتىن ويىنداردى مىسالعا كەلتىرەتىن (قور. 1-ح. 9:25—27؛ ٴتىم. 2-ح. 2:5). ول بىرنەشە رەت ماسىحشىلەردىڭ ٶمىرىن جارىستا جۇگىرۋمەن سالىستىرعان (قور. 1-ح. 9:24؛ عال. 5:7؛ ٴفىلىپ. 2:16). ادام ەحوباعا باعىشتالىپ، شومىلدىرۋ راسىمىنەن وتكەن كەزدە، وسى «جارىستا» جۇگىرۋىن باستايدى (پەت. 1-ح. 3:21). ال ەحوبا وعان ماڭگى ٶمىردى سيعا تارتقاندا، ول مارە سىزىعىن كەسىپ وتەدى (مات. 25:31—34، 46؛ ٴتىم. 2-ح. 4:8).
4. بۇل ماقالادا نە تالقىلايمىز؟
4 ۇزاق قاشىقتىققا جۇگىرۋ مەن ماسىحشىلەردىڭ ٶمىرىنىڭ اراسىندا ٴبىراز ۇقساستىقتار بار. سولاردىڭ ۇشەۋىن قاراستىرايىق. بىرىنشىدەن، ٴبىز دۇرىس باعىتتا جۇگىرۋىمىز كەرەك. ەكىنشىدەن، مارە سىزىعىنا كوز تىگۋىمىز كەرەك. ۇشىنشىدەن، جولدا كەزىگەتىن قيىندىقتاردى ەڭسەرۋىمىز كەرەك.
دۇرىس باعىتتا جۇگىرىڭىز
ٴبارىمىز دە ماسىحشىلەردىڭ ٶمىر جولىمەن جۇگىرۋىمىز كەرەك (5—7 ابزاستاردى قاراڭىز) *
5. ٴبىز قانداي باعىتتا جۇگىرۋىمىز كەرەك جانە نەگە؟
5 كادىمگى جارىستا جۇلدەگە يە بولۋ ٷشىن قاتىسۋشى ۇيىمداستىرۋشىلار بەلگىلەگەن ارنايى جولمەن جۇگىرۋى ٴتيىس. ماڭگى ٶمىر سيىنا يە بولعىمىز كەلسە، ٴبىز ماسىحشىلەردىڭ جولىمەن، ياعني ٶمىر جولىمەن جۇگىرۋىمىز كەرەك (ەل. ٸس. 20:24؛ پەت. 1-ح. 2:21). الايدا شايتان مەن وعان ەرگەندەر ٴبىزدىڭ باسقا باعىتتى تاڭداعانىمىزدى، ياعني «وزدەرىمەن بىرگە» جۇگىرگەنىمىزدى قالايدى (پەت. 1-ح. 4:4). ولار ٴبىزدىڭ جولىمىزدى مازاق ەتىپ، وزدەرىنىڭ جولدارى ەركىندىككە جەتكىزەتىن جاقسى جول ەكەنىنە سەندىرگىلەرى كەلەدى. ٴبىراق ولاردىڭ بۇل ايتقاندارى وتىرىك (پەت. 2-ح. 2:19).
6. براياننىڭ مىسالىنان نە ۇيرەنەسىز؟
6 شايتان دۇنيەسىنىڭ ىقپالىنا بەرىلگەندەرمەن بىرگە جۇگىرۋدى شەشكەندەردىڭ ٴبارى كوپ ۇزاماي تاڭداعان جولدارى ەركىندىككە ەمەس، قۇلدىققا اپاراتىنىن تۇسىنەدى (ريم. 6:16). بۇعان براياننىڭ ٶمىرى مىسال. اتا-اناسى ونى ماسىحشىلەردىڭ ٶمىر جولىمەن جۇرۋگە تالپىندىرادى. ٴبىراق ٴجاسوسپىرىم كەزىندە ول بۇل جولدىڭ ٶزىن باقىتتى ەتەتىنىنە كۇماندانادى. سودان ول شايتاننىڭ نورمالارى بويىنشا ٶمىر سۇرەتىن ادامدارمەن بىرگە جۇگىرۋدى تاڭدايدى. «ٶزىم اڭساعان «ەركىندىك» مەنى قۇمارلىقتارىمنىڭ قۇلىنا اينالدىراتىنى ويىما دا كىرىپ-شىقپاپتى. ۋاقىت وتە كەلە ەسىرتكى قابىلداپ، ىشىمدىككە سالىنىپ، ازعىن ٶمىر كەشەتىن بولدىم. بىرنەشە جىل بويى ەسىرتكىنىڭ كۇشتىرەك تۇرلەرىن قابىلداپ، سولاردىڭ كوبىسىنىڭ قۇرىعىنا ىلىكتىم... اقشا تابۋ ٷشىن ەسىرتكى ساتا باستادىم»،— دەيدى برايان. ٴبىراق كەيىن ول ەحوبانىڭ نورمالارى بويىنشا ٶمىر ٴسۇرۋدى شەشەدى. ول ٶمىر جولىن وزگەرتىپ، 2001-جىلى شومىلدىرۋ راسىمىنەن ٶتتى. قازىر برايان ماسىحشىلەردىڭ ٶمىر جولىمەن جۇرەتىنىنە قاتتى قۋانادى *.
7. ماتاي 7:13، 14 كە ساي، قانداي ەكى جول بار؟
7 دۇرىس باعىتتا جۇگىرگەنىمىز وتە ماڭىزدى! شايتان ٴبىزدىڭ «ومىرگە اپاراتىن» تار جولمەن ٴجۇرۋدى دوعارىپ، وسى دۇنيەدەگى ادامداردىڭ باسىم بولىگى جۇرەتىن كەڭ جولعا تۇسكەنىمىزدى قالايدى. بۇل جول كوپكە تانىمال، ٵرى ونىمەن ٴجۇرۋ دە جەڭىل. الايدا بۇل جول «جويىلۋعا اپارادى» (ماتاي 7:13، 14 وقىڭىز). دۇرىس جولدا جۇرە بەرۋ ٷشىن جانە سول جولدان اۋىتقىپ كەتپەس ٷشىن ەحوباعا سەنىم ارتىپ، وعان قۇلاق اسۋىمىز كەرەك.
مارەگە كوز تىگىپ، ٶزىڭىز دە سۇرىنبەڭىز، وزگەلەردى دە سۇرىندىرمەڭىز
مارەگە كوز تىگىپ، وزگەلەردى سۇرىندىرمەۋىمىز كەرەك (8—12 ابزاستاردى قاراڭىز) *
8. جۇگىرۋشى قۇلاپ قالسا، نە ىستەيدى؟
8 ۇزاق قاشىقتىققا جۇگىرەتىندەر ٴسۇرىنىپ قالماس ٷشىن كوز الدارىنداعى جولعا قارايدى. ٴبىراق ولار ابايسىزدا قاسىنداعى جۇگىرۋشىلەرگە نە شۇڭقىرعا ٴسۇرىنىپ قالۋى مۇمكىن. ەگەر قۇلاپ قالسا، ولار قايتادان تۇرىپ، جۇگىرەدى. جۇگىرۋشىلەر بار نازارىن سۇرىندىرگەن نارسەلەرگە ەمەس، مارە سىزىعى مەن جۇلدەگە تىگەدى.
9. ٴسۇرىنىپ قالساق، نە ىستەۋىمىز كەرەك؟
9 ٶمىر جارىسىندا سوزىمىزبەن نە ىسىمىزبەن قاتەلىك جىبەرىپ، كوپ ٴسۇرىنۋىمىز مۇمكىن. يا بولماسا بىزبەن بىرگە جۇگىرىپ جاتقانداردىڭ قاتەلىكتەرى بىزگە اۋىر ٴتيۋى مۇمكىن. بۇعان ٴبىز تاڭعالمايمىز. ويتكەنى ٴبارىمىز كەمەلسىزبىز، ٵرى ٴبارىمىز دە تار جولدا جۇگىرىپ كەلە جاتىرمىز. سوندىقتان كەيدە ٴبىر-بىرىمىزبەن «سوقتىعىسىپ» قالامىز. پاۋىل كەي كەزدەرى ٴبىر-بىرىمىزگە «رەنجۋگە سەبەبىمىز» بولاتىنىن تۇسىنگەن (قول. 3:13). الايدا سۇرىندىرگەن نارسەلەرگە كوز تىگۋدىڭ ورنىنا، الدىمىزداعى جۇلدەگە كوز تىگەيىك. ٴسۇرىنىپ قالساق، ورنىمىزدان تۇرىپ، ٵرى قاراي جۇگىرە بەرەيىك. ال ەگەر وكپە-رەنىش ساقتاپ، قايتا تۇرۋدان باس تارتساق، مارە سىزىعىنا دا جەتپەيمىز، جۇلدەگە دە يە بولمايمىز. بۇعان قوسا، ومىرگە اپاراتىن تار جولمەن جۇگىرۋگە تىرىسىپ جۇرگەندەرگە كەدەرگى بولۋىمىز مۇمكىن.
10. قالاي وزگەلەردى «سۇرىندىرۋدەن» اۋلاق بولا الامىز؟
10 وزگەلەردى «سۇرىندىرمەۋدىڭ» ٴبىر جولى ٶز دەگەنىمىزدە تۇرىپ الماي، ولاردىڭ ويىن ەسكەرۋ (ريم. 14:13، 19—21؛ قور. 1-ح. 8:9، 13). سوندا ٴبىز كادىمگى جارىستا جۇگىرەتىن قاتىسۋشىلارعا ۇقسامايمىز. ولار ٴبىر-بىرىمەن باقتالاسىپ، ٵرقايسىسى ٶزى ٷشىن جۇلدە الۋعا ۇمتىلادى. بۇل جۇگىرۋشىلەر ەڭ الدىمەن وزدەرىن عانا ويلايدى. سوندىقتان ولار العا شىعۋ ٷشىن وزگەلەردى يتەرىپ جىبەرۋى دە مۇمكىن. ال ٴبىز ٴبىر-بىرىمىزبەن باقتالاسپايمىز (عال. 5:26؛ 6:4). قايتا، ماقساتىمىز — مۇمكىندىگىنشە كوپ ادامعا بىزبەن بىرگە مارە سىزىعىنا جەتۋگە جانە ٶمىردى سيعا الۋعا كومەكتەسۋ. سول سەبەپتى پاۋىلدىڭ: «تەك ٶز مۇددەلەرىڭدى ەمەس، باسقالاردىڭ دا مۇددەسىن ويلاڭدار»،— دەگەن كەڭەسىنە قۇلاق اسۋعا تىرىسامىز (ٴفىلىپ. 2:4).
11. جۇگىرۋشى نەنى ويدا تۇتادى جانە نەگە؟
11 جۇگىرۋشى الدىنداعى جولعا قاراپ قانا قويماي، مارە سىزىعىنا كوز تىگەدى. ول مارە سىزىعىن كورىپ تۇرماسا دا، ونى كەسىپ ٶتىپ جاتقانىن جانە جۇلدەنى الىپ جاتقانىن ەلەستەتەدى. جۇلدەنى ويدا تۇتقانى جۇگىرۋشىگە ٵرى قاراي جۇگىرە بەرۋگە تالپىنىس بەرەدى.
12. ەحوبا بىزگە نە ۇسىنىپ وتىر؟
12 قىزمەتشىلەرى ٶمىر جارىسىندا مارەگە جەتسە، ەحوبانىڭ ولارعا مىندەتتى تۇردە بەرەتىن سيى بار. بۇل — كوكتەگى نە جەردەگى ماڭگىلىك ٶمىر. كيەلى كىتاپتا وسى سي جايلى مالىمەتتەر بار. سونىڭ ارقاسىندا بولاشاقتاعى ٶمىرىمىزدىڭ قانداي كەرەمەت بولاتىنىن ەلەستەتە الامىز. ٷمىتىمىزدى ٵردايىم ويىمىزدا ۇستاساق، ەشتەڭەنىڭ ٴبىزدى سۇرىندىرۋىنە جول بەرمەيمىز.
قيىندىقتارعا قاراماي، جۇگىرە بەرىڭىز
قيىندىقتارىمىزعا قاراماي، ٶمىر جارىسىندا جۇگىرە بەرگىمىز كەلەدى (13—20 ابزاستاردى قاراڭىز) *
13. كادىمگى جۇگىرۋشىلەرگە قاراعاندا، قانداي ارتىقشىلىعىمىز بار؟
13 گرەكياداعى ويىنعا قاتىسقاندار قيىندىقتارعا كەزىككەن: ولار شارشاعان، دەنەلەرى اۋىرعان. ٴبىراق ولار تەك وزدەرىنىڭ كۇشى مەن جارىسقا دەيىن جاتتىعىپ-ۇيرەنگەندەرىنە عانا ارقا سۇيەگەن. ٴبىز دە ولار سياقتى ٶمىر جارىسىندا قالاي جۇگىرۋدى ۇيرەندىك. الايدا ٴبىزدىڭ ٴبىر ارتىقشىلىعىمىز — سارقىلمايتىن كۇشتىڭ قاينارىنان قۋات الا الامىز. ەگەر ەحوباعا ارقا سۇيەسەك، ول ٴبىزدى ۇيرەتۋدى عانا ەمەس، كۇش بەرۋدى دە ۋادە ەتەدى (پەت. 1-ح. 5:10).
14. قورىنتتىقتارعا 2-حات 12:9، 10 داعى سوزدەر قيىندىقتاردى ەڭسەرۋگە قالاي كومەكتەسەدى؟
14 پاۋىلعا كوپتەگەن قيىندىقتارمەن كۇرەسۋگە تۋرا كەلگەن. ونى وزگەلەر قورلاعان، قۋعىنداعان. بۇل ازداي كەيدە ول ٶزىن ٵلسىز سەزىنگەن جانە ٶزى ايتقانداي وعان «تانىنە قادالىپ تۇراتىن تىكەنمەن» كۇرەسۋگە تۋرا كەلگەن (قور. 2-ح. 12:7). دەگەنمەن ول سول قيىندىقتارعا بەرىلە سالماي، ولاردى ەحوباعا ارقا سۇيەۋدىڭ مۇمكىندىگى دەپ قاراستىردى (قورىنتتىقتارعا 2-حات 12:9، 10 وقىڭىز). پاۋىل وسىنداي كوزقاراستا بولعاندىقتان ەحوبا وعان بارلىق قيىندىقتارىن ەڭسەرۋگە كومەكتەستى.
15. ەگەر پاۋىلعا ەلىكتەسەك، نە سەزىنەتىن بولامىز؟
15 ٴبىز دە سەنىمىمىز ٷشىن قورلىق كورىپ، قۋدالانۋىمىز مۇمكىن. سونداي-اق دەنساۋلىعىمىز سىر بەرۋى نە دىڭكەمىز قۇرىپ قاجۋىمىز مۇمكىن. الايدا پاۋىلعا ەلىكتەسەك، وسى قيىندىقتاردىڭ بارلىعى ەحوبانىڭ مەيىرىممەن كورسەتەتىن قولداۋىن سەزىنۋگە مۇمكىندىك بەرەدى.
16. دەنساۋلىعىڭىز ناشار بولسا دا، نە ىستەي الاسىز؟
16 بالكىم، ٴسىز توسەك تارتىپ نە مۇگەدەكتەر ارباسىنا تاڭىلىپ قالعان شىعارسىز. الدە اياعىڭىز اۋىرىپ نە كوزىڭىز ناشار كورەر. ەگەر سولاي بولسا، كۇش-قايراتى تاسىعان جاستارمەن بىرگە جۇگىرە الاسىز با؟ بۇعان ەش كۇماندانباڭىز! كوپتەگەن قارتتار مەن ٵلسىز جاندار ٶمىر جولىندا جۇگىرۋدە. ولار بۇنى ٶز كۇشتەرىمەن ىستەي المايدى. قايتا، ولار جينالىستاردى، قاۋىم كەزدەسۋلەرىن ۆيدەو-ستريمينگ ارقىلى كورىپ، ەحوبادان كۇش-قۋات الادى. سونداي-اق ولار دارىگەرلەرگە، مەدبيكەلەرگە جانە تۋعان-تۋىستارىنا ۋاعىزداپ، شاكىرت دايىنداۋ ىسىنە قاتىسادى.
17. مۇمكىندىگى شەكتەۋلى باۋىرلاستار جايلى ەحوبا نە سەزىنەدى؟
17 مۇمكىندىگىڭىز شەكتەۋلى بولعاندىقتان كوڭىلىڭىز ٴتۇسىپ، ٶمىر جولىندا جۇگىرۋگە تىم ٵلسىزبىن دەپ ويلاماڭىز. ەحوبا ٴسىزدى سەنىم مەن تاباندىلىق تانىتىپ جۇرگەنىڭىز ٷشىن جاقسى كورەدى. ٴسىز ونىڭ كومەگىنە بۇرىنعىدان دا كوبىرەك مۇقتاجسىز، ٵرى ول ٴسىزدى ەش ٴزاب. 9:10). قايتا، ول سىزگە جاقىن بولا تۇسەدى. ناشار دەنساۋلىقتىڭ كەسىرىنەن قيىندىق كورىپ جۇرگەن ايەل باۋىرلاسىمىزدىڭ سوزدەرىنە دەن قويايىقشى. ول بىلاي دەدى: «دەنساۋلىعىم ناشارلاعان سايىن، وزگەلەرگە ۋاعىزداۋعا مۇمكىندىگىمنىڭ ازايا باستاعانىن ٴتۇسىندىم. ٴبىراق مەنىڭ كىشكەنە كۇش سالعانىمنىڭ ٶزى دە ەحوبانى قۋانتاتىنىن بىلەمىن. سودان ٶزىمدى باقىتتى سەزىنەمىن». ۇنجىرعاڭىز تۇسكەن كەزدە، جالعىز ەمەس ەكەنىڭىزدى ۇمىتپاڭىز. پاۋىلدىڭ ۇلگىسى مەن مىنا سوزدەرى جايلى ويلاڭىز: «قيىنشىلىق كورۋدەن راقات تابامىن. سەبەبى مەن ٵلسىز كەزىمدە كۇشتىمىن» (قور. 2-ح. 12:10).
تاستامايدى (18. كەيبىرەۋلەر قانداي قيىندىقتارعا كەزىگۋى مۇمكىن؟
18 ٶمىر جولىندا جۇگىرىپ كەلە جاتقانداردىڭ كەيبىرى تاعى ٴبىر قيىندىقتى باستان كەشىرۋدە. ولار وزگەلەر بايقاي بەرمەيتىن نە تۇسىنە بەرمەيتىن قيىندىقتارعا كەزىگىپ ٴجۇر. مىسالى، ولارعا جانكۇيزەلىسىمەن نە سارىۋايىممەن كۇرەسۋگە تۋرا كەلەدى. نەلىكتەن ەحوبانىڭ وسى اياۋلى قىزمەتشىلەرىنىڭ قيىندىقتارى وتە اۋىر دەۋگە بولادى؟ ويتكەنى ەگەر ادام قولىن سىندىرىپ السا نە مۇگەدەكتەر ارباسىندا وتىرسا، بارلىعى ونىڭ قانداي قيىندىق كورىپ جۇرگەنىن كورەدى جانە كومەكتەسكىسى كەلەدى. ال ەموسيالىق نە پسيحيكالىق قيىندىعى بار ادامدى ەشكىم قيىنشىلىق كورىپ ٴجۇر دەپ ويلاماۋى مۇمكىن. ولار قولىن نە اياعىن سىندىرىپ العان ادام سياقتى جاپا شەگەدى. ٴبىراق وزگەلەر ولاردىڭ قيىندىعىن كورمەگەندىكتەن، ولارعا سۇيىسپەنشىلىك پەن قامقورلىق كورسەتە الماۋى مۇمكىن.
19. مەپىبوشەتتىڭ مىسالىنان نە ۇيرەنەمىز؟
19 ەگەر مۇمكىندىگىڭىز شەكتەۋلى بولسا نە ٶزىڭىزدى باسقالار تۇسىنبەيتىندەي سەزىنسەڭىز، مەپىبوشەتتىڭ مىسالى سىزگە جىگەر بەرەر (سام. 2-ج. 4:4). ونىڭ دا مۇمكىندىگى شەكتەۋلى بولدى، ٵرى ٴداۋىت پاتشا ول تۋرالى دۇرىس ەمەس تۇجىرىم جاساپ، ادىلەتسىزدىك تانىتتى. باسىنا مۇنداي جاعدايلار تۇسكەنىنە مەپىبوشەتتىڭ ٶزى كىنالى ەمەس ەدى. ٴبىراق ول اشىنىپ كەتپەدى، كەرىسىنشە، ومىرىندەگى جاقسى جايتتار ٷشىن ريزا بولدى. ول ٴداۋىتتىڭ بۇرىن وزىنە تانىتقان مەيىرىمدىلىگىنە ريزا بولدى (سام. 2-ج. 9:6—10). سوندىقتان ٴداۋىت وعان ادىلەتسىزدىك تانىتقاندا، مەپىبوشەت جاعدايدى تولىق كورە بىلگەن. ٴداۋىتتىڭ قاتەلىگى ونى اشىندىرىپ جىبەرمەدى. سونداي-اق ٴداۋىتتىڭ ىستەگەن ٸسى ٷشىن ول ەحوبانى ايىپتامادى. قايتا، مەپىبوشەت ەحوبانىڭ مايلانعان پاتشاسىن قولداۋ ٷشىن نە ىستەي الاتىنىن ويلادى (سام. 2-ج. 16:1—4؛ 19:24—30). ەحوبا ٴبىزدىڭ يگىلىگىمىز ٷشىن مەپىبوشەتتىڭ كەرەمەت مىسالىن ٶز سوزىنە جازدىردى (ريم. 15:4).
20. ۋايىم كەيبىرەۋلەردى قانداي كۇيگە تۇسىرەدى، ٴبىراق ولار نە نارسەگە سەنىمدى بولسا بولادى؟
* (ٴفىلىپ. 4:6، 7؛ پەت. 1-ح. 5:7). فيزيكالىق نە ەموسيالىق شەكتەۋلەرىڭىزگە قاراماي، ەحوباعا قىزمەت ەتىپ جۇرسەڭىز، ونىڭ ىقىلاسىنا بولەنىپ جاتقانىڭىزعا سەنىمدى بولىڭىز.
20 كۇندەلىكتى ۋايىم-قايعىنىڭ كەسىرىنەن كەي باۋىرلاستار وزگەلەردەن قاتتى قىسىلىپ، وزدەرىن قويارعا جەر تاپپايدى. كوپشىلىكتىڭ اراسىندا بولۋ قيىن بولسا دا، ولار قاۋىم كەزدەسۋلەرىنە، كونگرەستەرگە كەلۋدى دوعارمايدى. بەيتانىس كىسىمەن سويلەسۋ قيىن بولسا دا، ولار ۋاعىزعا شىعىپ، ادامدارمەن سويلەسەدى. ٴسىزدىڭ دە جاعدايىڭىز وسىنداي بولسا، جالعىز ەمەسسىز. كوپ ادام ٴسىزدىڭ كۇيىڭىزدى كەشىپ ٴجۇر. الايدا ەحوبا بارىڭىزدى سالىپ تىرىسىپ جاتقانىڭىزعا قۋانادى. وسى كۇنگە دەيىن بەرىلمەي كەلە جاتقانىڭىز دا ونىڭ ٴسىزدى جارىلقاپ، كۇش بەرىپ جاتقانىنا دالەل21. ەحوبانىڭ ارقاسىندا نە ىستەي الامىز؟
21 قۋانىشقا وراي، كادىمگى جارىس پەن پاۋىل ايتقان جارىستىڭ اراسىندا وزگەشەلىكتەر بار. كيەلى كىتاپ زامانىنداعى جارىستاردا ٴبىر عانا ادام جەڭىسكە جەتەتىن. ال ماسىحشىلەردىڭ ٶمىر جارىسىندا ادالدىقپەن تاباندى بولعانداردىڭ ٴبارى دە ماڭگىلىك ٶمىردى يەلەنەدى (جوح. 3:16). كادىمگى جارىستاعى جۇگىرۋشىلەردىڭ ٴبارىنىڭ دە دەنساۋلىقتارى مىقتى بولۋ كەرەك، ايتپەسە جەڭىسكە جەتە المايدى. ال بىزگە كەلسەك، كوبىمىزدىڭ دەنساۋلىق جاعىنان قيىندىقتارىمىز بار. دەسە دە ٴبىز تاباندى بولىپ كەلەمىز (قور. 2-ح. 4:16). ەحوبانىڭ جاردەمىمەن ٶمىر جارىسىندا مارەگە جەتەمىز!
144-ٵن زور سيعا نازار تىگەيىك
^ 5-ابزاس ەحوبانىڭ قىزمەتشىلەرىنىڭ كوبىسى جاستارى ۇلعايىپ، قارتتىقتىڭ سالدارىن كورىپ ٴجۇر. ال باسقالارى بولسا اۋرۋدىڭ كەسىرىنەن وزدەرىن دارمەنسىز سەزىنەدى. ودان قالسا، بارىمىزدىڭ دە دىڭكەمىز قۇرىپ، شارشايتىن كەزىمىز بولادى. سوندىقتان ٶمىر ٷشىن جارىستا جۇگىرۋ ٴبىز ٷشىن تىم قيىن بولىپ كورىنۋى مۇمكىن. بۇل ماقالادا قالاي ٴبارىمىز تاباندىلىقپەن جۇگىرىپ، پاۋىل ايتقان ٶمىر جارىسىندا جەڭىسكە جەتە الاتىنىمىز ٴسوز ەتىلەدى.
^ 6-ابزاس 2013-جىلعى 1-قاڭتارداعى «كۇزەت مۇناراسىنىڭ» «كيەلى كىتاپ ادامنىڭ ٶمىرىن وزگەرتەدى» (حانزۇشا) دەگەن ماقالاسىن قاراڭىز.
^ 20-ابزاس سارىۋايىممەن كۇرەسۋگە قاتىستى كەڭەستەر مەن ونىمەن كۇرەسىپ جۇرگەندەردىڭ مىسالدارىن ®org.jw تور بەكەتىندەگى 2019-جىلعى مامىر ايىنداعى باعدارلامانى قاراڭىز. كىتاپحانا > ®JW BROADCASTING دەگەن جەرگە كىرىڭىز.
^ 63-ابزاس سۋرەت سيپاتتاماسى: ۋاعىز ىسىنەن قولى بوساماعاننىڭ ارقاسىندا قارت باۋىرلاس دۇرىس باعىتتا جۇگىرىپ كەلەدى.
^ 65-ابزاس سۋرەت سيپاتتاماسى: باسقالاردى سپيرتتىك ىشىمدىك ىشۋگە كوندىرسەك، نە ٶزىمىز ۇستامدىلىق تانىتپاساق، وزگەلەردى ٴسۇرىندىرۋىمىز مۇمكىن.
^ 67-ابزاس سۋرەت سيپاتتاماسى: اۋرۋحانادا توسەككە تاڭىلىپ قالسا دا، ەر باۋىرلاس وزىنە قامقورلىق كورسەتىپ جۇرگەندەرگە كۋالىك بەرىپ، ٶمىر جارىسىندا جۇگىرىپ كەلەدى.