52-زەرتتەۋ ماقالاسى
اتا-انالار، بالالارىڭىزعا ەحوبانى ٴسۇيۋدى ۇيرەتىڭىزدەر
«بالالار — ەحوبانىڭ بەرگەن مۇراسى» (ٴزاب. 127:3).
134-ٵن بالالار — قۇدايدىڭ اماناتى
اڭداتپا *
1. ەحوبا اتا-انالارعا نەنى سەنىپ تاپسىردى؟
ەحوبا العاشقى جۇپتى بالالى بولۋ قالاۋىمەن جاراتتى. كيەلى كىتاپتا: «بالالار — ەحوبانىڭ بەرگەن مۇراسى»،— دەپ تۋرا ايتىلعان (ٴزاب. 127:3). بۇل نەنى بىلدىرەدى؟ مىسالى، جاقىن دوسىڭىز سىزدەن قوماقتى قارجىعا قاراي تۇرۋىڭىزدى وتىنسە، نە سەزىنەر ەدىڭىز؟ دوسىڭىز سىزگە سەنىم ارتقانىنا قۋاناتىن شىعارسىز. دەسە دە سول قارجىعا قالاي باس-كوز بولامىن دەپ تە ۋايىمدايسىز. ٴبىزدىڭ ەڭ جاقىن دوسىمىز ەحوبا اتا-انالارعا اقشادان دا اناعۇرلىم قىمبات نارسەنى امانات ەتتى. ول اتا-انالارعا بالالارىن قامقورلاپ، باقىتتى ەتۋدى سەنىپ تاپسىردى.
2. قانداي سۇراقتاردى قاراستىرامىز؟
2 جۇبايلاردىڭ بالالى بولاتىن-بولمايتىنىن جانە قاشان بالالى بولاتىنىن كىم شەشۋ كەرەك؟ اتا-انالار بالالارىنا باقىتتى ٶمىر سيلاۋ ٷشىن نە ىستەسە بولادى؟ قازىر ٴماسىحشى ەرلى-زايىپتىلارعا دانا شەشىم قابىلداۋعا كومەك بولاتىن قۇداي سوزىندەگى بىرنەشە ٴپرينسيپتى قاراستىرايىق.
جۇبايلاردىڭ شەشىمىن قۇرمەتتەڭىز
3. ا) جۇبايلاردىڭ بالالى بولاتىن-بولمايتىندارىن كىم شەشۋ كەرەك؟ ٵ) ەرلى-زايىپتىلاردىڭ دوستارى مەن جاقىندارى كيەلى كىتاپتاعى قانداي پرينسيپتەردى ەستە ۇستاعاندارى دۇرىس؟
3 كەي مادەنيەتتە جاس جۇبايلار ۇيلەنە سالا بىردەن بالالى بولۋلارى كەرەك دەگەن تۇسىنىك بار. سوندىقتان دا جاس جۇبايلار وتباسىلارى مەن وزگەلەردىڭ تاراپىنان قىسىم كورۋى مۇمكىن. ازيادا تۇراتىن دجەترو ەسىمدى ەر باۋىرلاستىڭ ايتۋىنشا، قاۋىمداعى كەي اتا-انالار بالا سۇيمەگەن ەرلى-زايىپتىلارعا بالالى بولۋدى ايتىپ، قىسىم عال. 6:5 ٴسىلت.). ارينە، دوستارى مەن جاقىندارى جاس جۇبايلاردىڭ باقىتتى بولعانىن قالايدى. ٴبىراق ولار بالالى بولۋ-بولماۋدى جاس جۇبايلاردىڭ وزدەرى شەشۋى كەرەكتىگىن ۇمىتپاۋلارى قاجەت (سال. 1-ح. 4:11).
جاسايدى ەكەن. ازيادا تۇراتىن دجەفري ەسىمدى باسقا ٴبىر باۋىرلاس بالالارى جوق ەرلى-زايىپتىلارعا كەيبىرەۋلەردىڭ «قارتايعاندا سەندەرگە قارايتىن ەشكىم بولمايدى» دەپ ايتاتىندارىن بايقاپتى. الايدا بالالى بولۋ-بولماۋدى جۇبايلاردىڭ وزدەرى شەشۋى كەرەك. بۇنى شەشەتىن وزدەرى، بۇل — ولاردىڭ جاۋاپكەرشىلىكتەرى (4، 5. جۇبايلار قانداي ەكى ماسەلەنىڭ باسىن اشىپ الۋلارى كەرەك جانە بۇنى قاشان ىستەگەندەرى دۇرىس؟ ٴتۇسىندىرىڭىز.
4 ەرلى-زايىپتىلار بالالى بولۋعا قاتىستى ەكى ماڭىزدى سۇراقتى تالقىلاپ العاندارى دۇرىس. ٴبىرىنشىسى، ولار قاشان بالالى بولعىسى كەلەدى؟ ەكىنشىسى، قانشا بالالارى بولعانىن قالايدى؟ ولار بۇل سۇراقتاردى قاشان تالقىلاعاندارى دۇرىس؟ سونداي-اق بۇل ەكى سۇراق نەگە وتە ماڭىزدى؟
5 نەگىزىنەن قالىڭدىق پەن كۇيەۋجىگىت بالالى بولۋعا قاتىستى ماسەلەنى وتاۋ قۇرماي تۇرىپ شەشىپ العاندارى دۇرىس. نەلىكتەن؟ ويتكەنى بۇل ماسەلەگە قاتىستى ەكەۋىنىڭ دە بىردەي كوزقاراستا بولعاندارى ماڭىزدى. بۇعان قوسا، ولار مۇنداي جاۋاپكەرشىلىككە قاشان دايىن بولاتىندارىن دا تالقىلاپ الۋلارى كەرەك. كەيبىرەۋلەر كەم دەگەندە ٴبىر-ەكى جىلدان كەيىن عانا بالالى بولامىز دەپ شەشۋى مۇمكىن. ويتكەنى اتا-انا بولۋعا كوپ ۋاقىت پەن كۇش قاجەت. ولار كىشكەنە كۇتە تۇرعاندارىنىڭ ارقاسىندا وتباسىلىق ومىرگە ۇيرەنىپ، ٴبىر-بىرىنە جاقىنداي تۇسۋگە ۋاقىتتارى بولادى (ەفەس. 5:33).
6. ەرەكشە قيىن ۋاقىتتا ٶمىر ٴسۇرىپ جاتقاندىقتان، كەيبىر ەرلى-زايىپتىلار نە شەشەدى؟
6 وزگە ماسىحشىلەر نۇحتىڭ ٷش بالاسى مەن ولاردىڭ ايەلدەرىنە ەلىكتەۋدى شەشكەن. بۇل ٷش جۇپ بىردەن بالالى بولماعان (مۇس. 1-ج. 6:18؛ 9:18، 19؛ 10:1؛ پەت. 2-ح. 2:5). يسا ٴبىزدىڭ كۇندەرىمىزدى «نۇح پايعامباردىڭ زامانىمەن» سالىستىرعان جانە ٴبىزدىڭ «ەرەكشە قيىن ۋاقىتتا» ٶمىر ٴسۇرىپ جاتقانىمىزعا ەش داۋ جوق (مات. 24:37؛ ٴتىم. 2-ح. 3:1). وسى سەبەپتى دە كەيبىر ەرلى-زايىپتىلار ەحوباعا كوبىرەك قىزمەت ەتە الۋلارى ٷشىن ازىرگە بالالى بولماۋدى شەشەدى.
بالالى بولا ما، جوق پا جانە قانشا بالالارى بولاتىندارىن شەشكەندە اقىلمەن ارەكەت ەتەتىن ەرلى-زايىپتىلار «شىعىندارىن ەسەپتەپ الادى» (7-ابزاستى قاراڭىز) *
7. لۇقا 14:28، 29 بەن ناقىل سوزدەر 21:5 تەگى پرينسيپتەر ەرلى-زايىپتىلارعا قالاي كومەكتەسەدى؟
لۇقا 14:28، 29 وقىڭىز). بالا تاربيەلەپ جۇرگەن اتا-انالاردىڭ ايتۋىنشا، بالا وسىرۋگە تەك قاراجات قانا ەمەس، ۋاقىت پەن كۇش تە كەرەك. سوندىقتان جۇبايلار مىنا سۇراقتار جايلى ويلانعاندارى ٴجون: وتباسىمىزدى ەڭ قاجەتتى نارسەلەرمەن قامتاماسىز ەتۋ ٷشىن ەكەۋمىزدىڭ دە جۇمىس ىستەۋىمىز كەرەك پە؟ ەڭ قاجەتتى نارسەلەرگە قاتىستى ەكەۋمىزدىڭ دە ويىمىز ٴبىر جەردەن شىعا ما؟ ەكەۋمىزگە دە جۇمىس ىستەۋگە تۋرا كەلسە، بالالارىمىزعا كىم قارايدى؟ ولاردىڭ سانا-سەزىمى مەن ٴجۇرىس-تۇرىسىنا كىم ىقپال ەتەدى؟ ەرلى-زايىپتىلار وسى سۇراقتاردى تالقىلاعاندا ناقىل سوزدەر 21:5 تەگى (وقىڭىز) سوزدەرگە قۇلاق اسادى.
7 بالالى بولا ما، جوق پا جانە قانشا بالالارى بولاتىندارىن شەشكەندە اقىلمەن ارەكەت ەتەتىن ەرلى-زايىپتىلار «شىعىندارىن ەسەپتەپ الادى» (ايەلىن سۇيەتىن وتاعاسى وعان قولداۋ كورسەتۋ ٷشىن قولىنان كەلگەننىڭ ٴبارىن ىستەيدى (8-ابزاستى قاراڭىز)
8. جۇبايلار قانداي قيىندىقتارعا كەزىگۋى مۇمكىن جانە مەيىرىمدى وتاعاسى نە ىستەيدى؟
8 اكەسى دە، اناسى دا بالاعا جەتكىلىكتى ۋاقىت پەن كۇش جۇمساۋ كەرەك. ەگەر بالالاردىڭ جاس ارالىعى جاقىن بولسا، ٵر بالاعا ٴتيىستى كوڭىل ٴبولۋ قيىن بولۋى مۇمكىن. بىرنەشە كىشكەنتاي بالالارى بار اتا-انالار نە ىستەرىن بىلمەي، ابىرجىپ قالاتىندارىن ايتادى. انا تاندىك جانە ەموسيالىق جاعىنان قاجىپ كەتۋى مۇمكىن. بۇل ونىڭ جۇيەلى تۇردە جەكە زەرتتەۋىنە، دۇعا ەتۋىنە، قىزمەتكە شىعۋىنا كەرى اسەر ەتۋى ىقتيمال. سونداي-اق جينالىستاردا مۇقيات تىڭداۋ، ٵرى ولاردىڭ پايداسىن كورۋ دە قيىنعا سوعۋى مۇمكىن. ارينە، ايەلىن جاقسى كورەتىن وتاعاسى قولىنان كەلگەنشە وعان قولداۋ كورسەتىپ، جينالىستا دا، ۇيدە دە بالالارىنا قاراۋعا كومەكتەسەدى. مىسالى، ول ايەلىنە ٷي تىرلىكتەرىن جاساۋعا قول ۇشىن بەرە الادى. ٷي ٸشىنىڭ ٴبارى جۇيەلى تۇردە وتەتىن وتباسىلىق عيباداتتىڭ پايداسىن كورۋلەرى ٷشىن وتاعاسى بارىن سالادى. سونداي-اق ول وتباسىن جۇيەلى تۇردە ۋاعىز قىزمەتىنە الىپ شىعادى.
بالالارعا ەحوبانى ٴسۇيۋدى ۇيرەتىڭىز
9، 10. بالالارىنا كومەكتەسۋ ٷشىن اتا-انالارى نە ىستەۋى ٴتيىس؟
9 بالالارىنا ەحوبانى ٴسۇيۋدى ۇيرەتۋ ٷشىن اتا-انالار نە ىستەسە بولادى؟ ولار بالالارىن ونەگەلىك جاعىنان قالاي قورعاي الادى؟ وسى ورايدا اتا-انالار جاساي الاتىن كەي قادامداردى قاراستىرايىق.
10 ەحوبادان كومەك سۇراپ، دۇعا ەتىڭىز. سامسوننىڭ اتا-اناسى مانۇح پەن ايەلىنىڭ ۇلگىسىنە كوڭىل بولەيىك. مانۇح ايەلى ەكەۋىنىڭ ۇلدى بولاتىندارىن بىلگەندە، سول بالانى
قالاي باعىپ-قاعۋ كەرەكتىگىن سۇراپ، ەحوباعا جالبارىنعان.11. بيلەر 13:8 گە ساي، اتا-انالار مانۇحتان نە ۇيرەنسە بولادى؟
11 بوسنيا جانە گەرسەگوۆينادا تۇراتىن نيحاد پەن الما ەسىمدى ەرلى-زايىپتىلار مانۇحتى ۇلگى ەتكەن. ولار بىلاي دەيدى: «مانۇح سياقتى، ٴبىز دە ەحوباعا جالبارىنىپ، جاقسى اتا-انا بولۋعا كومەكتەسۋىن سۇرادىق. ەحوبا دۇعالارىمىزعا ٵرتۇرلى جولمەن جاۋاپ بەردى: جازبالار ارقىلى، كيەلى كىتاپقا نەگىزدەلگەن ادەبيەتتەر ارقىلى، قاۋىم كەزدەسۋلەرى مەن كونگرەستەر ارقىلى» (بيلەر 13:8 وقىڭىز).
12. ٴجۇسىپ پەن ٴماريام بالالارىنا قانداي ۇلگى كورسەتكەن؟
12 ۇلگى كورسەتىڭىز. بالاڭىزعا نە ايتاتىنىڭىز ماڭىزدى، ٴبىراق ىسىڭىزبەن ۇلگى كورسەتكەنىڭىز بالاڭىزعا كوبىرەك اسەر ەتەدى. ٴجۇسىپ پەن ٴماريام يساعا جانە باسقا دا بالالارىنا جاقسى ۇلگى كورسەتكەندەرى ٴشۇباسىز. ٴجۇسىپ ٷي ٸشىن اسىراۋ ٷشىن ايانباي تەر توككەن. سونداي-اق ول وتباسىن رۋحاني نارسەلەردى باعالاۋعا دا تالپىندىرعان (مۇس. 5-ج. 4:9، 10). زاڭ تالاپ ەتپەسە دە، ٴجۇسىپ «جىل سايىن» قۇتقارىلۋ مەيرامىن تويلاۋ ٷشىن يەرۋساليمگە بۇكىل ٷي ٸشىن الىپ باراتىن (لۇقا 2:41، 42). سول زامانداعى كەيبىر وتاعاسىلار بۇكىل وتباسىمەن بىرگە يەرۋساليمگە بارۋدى قيىن، كوپ ۋاقىت كەتەتىن، قىمباتقا تۇسەتىن ساپار دەپ ەسەپتەگەن بولۋى مۇمكىن. ال ٴجۇسىپ رۋحاني ىستەردى باعالاعان، وتباسىنا دا سونى ۇيرەتكەن. ٴماريام دا جازبالاردى جاقسى بىلگەن. ونىڭ سوزىمەن دە، ىسىمەن دە بالالارىنا قۇداي ٴسوزىن ۇيرەتكەنىندە ٴسوز جوق.
13. ٴبىر ەرلى-زايىپتى ٴجۇسىپ پەن ٴماريامعا قالاي ەلىكتەگەن؟
13 جوعارىدا ايتىلعان نيحاد پەن الما ٴجۇسىپ پەن ٴماريامعا ۇقساعىلارى كەلگەن. بۇل ولارعا ۇلدارىنا قۇدايدى ٴسۇيۋدى، وعان قىزمەت ەتۋدى ۇيرەتۋگە قالاي كومەكتەستى؟ ولار بىلاي دەيدى: «ۇلىمىزعا ەحوبانىڭ پرينسيپتەرى بويىنشا ٶمىر سۇرۋدىڭ قانداي جاقسى ەكەنىن ٶز ٶمىر سالتىمىزبەن كورسەتۋگە تىرىستىق». نيحاد بىلاي دەپ قوستى: «بالاڭىزدىڭ قانداي ادام بولعانىن قالاساڭىز، ٶزىڭىز دە سونداي ادام بولىڭىز».
14. نەگە اتا-انالار بالالارىنىڭ كىممەن ارالاساتىنىن بىلۋلەرى كەرەك؟
14 بالالارىڭىزعا جاقسى دوستار تابۋعا كومەكتەسىڭىز. بالالارىنىڭ كىممەن ارالاسىپ، نە ىستەپ جۇرگەنىن اكەسى دە، اناسى دا ٴبىلۋى ٴتيىس. بۇل دەگەن بالانىڭ الەۋمەتتىك جەلى ارقىلى نە تەلەفون ارقىلى كىممەن ارالاسىپ جۇرگەنىن ٴبىلۋدى بىلدىرەدى. بالانىڭ ارالاساتىن ورتاسى ونىڭ سانا-سەزىمى مەن ٸس-ارەكەتىنە ىقپال ەتەدى (قور. 1-ح. 15:33).
15. اتا-انالار دجەسيدەن قانداي ساباق السا بولادى؟
15 ەگەر اتا-انالار كومپيۋتەر مەن ٴموبيلدى قۇرىلعىلار جايلى كوپ بىلمەسە، نە ىستەسە بولادى؟ فيليپپيندە تۇراتىن دجەسي ەسىمدى اكە بىلاي دەيدى: «ٴبىز ەلەكتروندى قۇرىلعىلار جايلى كوپ بىلمەيتىنبىز. ٴبىراق بۇل بىزگە بالالارىمىزعا ەلەكتروندى قۇرىلعىلاردىڭ قاۋپى جايلى ۇيرەتۋگە كەدەرگى بولمادى». دجەسي ٶزى بىلمەگەندىكتەن عانا بالالارىنا ەلەكتروندى قۇرىلعىلاردى قولدانۋعا تيىم سالمادى. ول بىلاي دەپ ٴتۇسىندىردى: «مەن بالالارىمدى ەلەكتروندى قۇرىلعىلارىن جاڭا ٴتىل ۇيرەنۋ ٷشىن، قاۋىم كەزدەسۋلەرىنە دايىندالىپ، زەرتتەۋ جاساۋ ٷشىن، كيەلى كىتاپتى كۇندەلىكتى وقۋ ٷشىن قولدانۋعا تالپىندىردىم». ەگەر ٴسىز اتا-انا بولساڭىز، بالالارىڭىزبەن بىرگە ®jw.org تور بەكەتىنىڭ «جاستار» دەگەن ساناتىنداعى حات جازىسۋ مەن ينتەرنەتكە سۋرەت سالۋ تۋرالى اقىل-كەڭەستەردى وقىپ، تالقىلادىڭىز با؟ «كىم قوجا: سەن بە، قۇرىلعىڭ با؟» جانە «الەۋمەتتىك جەلىنى اقىلمەن قولدان» دەگەن بەينەروليكتەردى قاراستىردىڭىز با؟ * بۇلار بالالارىڭىزعا ەلەكتروندى قۇرىلعىلاردى اقىلمەن قولدانۋدى ۇيرەتۋگە كومەكتەسەتىن تاپتىرماس مالىمەتتەر (ناق. س. 13:20).
16. كوپ اتا-انالار نە ىستەگەن جانە مۇنىڭ ناتيجەسى قانداي بولعان؟
16 كوپ اتا-انالار بالالارىنىڭ قۇدايعا قىزمەت ەتۋدە جاقسى ۇلگى كورسەتىپ جۇرگەن باۋىرلاستارمەن ارالاسا الۋلارىنا جاعداي جاسايدى. ماسەلەن، كوت-د›يۆۋاردا تۇراتىن ن›دەني مەن بومەن دەگەن جۇپ اۋداندىق باقىلاۋشىنى ۇيلەرىنە توقتاۋعا ٴجيى شاقىرعان ەكەن. ن›دەني بىلاي دەيدى: «بۇل ٴبىزدىڭ ۇلىمىزعا جاقسى جاعىنان اسەر ەتتى. ول ٸزاشار بولىپ قىزمەت ەتە باستادى، ال قازىر اۋداندىق باقىلاۋشىنىڭ ورىنباسارى». ٴسىز دە بالاڭىز ٷشىن وسىلاي ىستەي الاسىز با؟
17، 18. اتا-انالار بالالارىن تاربيەلەۋدى قاشان باستاعاندارى ٴجون؟
17 بالاڭىزدى ەرتە باستان تاربيەلەڭىز. اتا-انالاردىڭ بالالارىنا نەعۇرلىم ەرتە ٴتالىم-تاربيە بەرگەندەرى سوعۇرلىم جاقسى (ناق. س. 22:6). ەر جەتكەندە پاۋىلمەن ساپار شەككەن تىموتەنىڭ مىسالىن قاراستىرايىق. اناسى اۋنيكە مەن اجەسى لويدا ونى «نارەستە كەزىنەن» تاربيەلەگەن (ٴتىم. 2-ح. 1:5؛ 3:15).
18 كوت-د›يۆۋاردا تۇراتىن جان-كلود پەن پيس ەسىمدى تاعى ٴبىر جۇپ التى بالاسىن دا ەحوبانى سۇيەتىن، وعان قىزمەت ەتەتىن ازاماتتار ەتىپ وسىرگەن. ولار نەنىڭ ارقاسىندا وسىنداي جەتىستىككە جەتتى؟ اۋنيكە مەن لويداعا ەلىكتەگەندەرىنىڭ ارقاسىندا. «ٴبىز قۇداي ٴسوزىن نارەستە كەزدەرىنەن باستاپ، ياعني تۋىلا سالا بالالارىمىزدىڭ قۇلاعىنا قۇيىپ وتىردىق»،— دەيدى ولار (مۇس. 5-ج. 6:6، 7).
19. قۇداي ٴسوزىن بالانىڭ قۇلاعىنا قۇيۋ دەگەن نەنى بىلدىرەدى؟
19 قۇداي ٴسوزىن بالانىڭ «قۇلاعىنا قۇيۋ» دەگەن نەنى بىلدىرەدى؟ بۇل قايتا-قايتا قايتالاۋ ارقىلى ەسكە سالۋدى جانە ٴتالىم بەرۋدى
بىلدىرەدى. بۇل ٷشىن اتا-انالار بالالارىمەن جۇيەلى تۇردە ۋاقىت وتكىزۋلەرى كەرەك. كەيدە ولار بالالارىنا ٴبىر نارسەنى قايتالاپ ۇيرەتە بەرۋ كەرەك بولعاندىقتان، قاتتى كوڭىلدەرى ٴتۇسۋى مۇمكىن. الايدا ولار بۇعان بالالارىنا قۇداي ٴسوزىن تۇسىندىرۋدىڭ جانە ونى قولدانۋدى ۇيرەتۋدىڭ جولى دەپ قاراۋلارى كەرەك.اتا-اناسى ٵر بالاسىن قالاي تاربيەلەيتىندەرىن شەشىپ الۋلارى كەرەك (20-ابزاستى قاراڭىز) *
20. ٴزابۇر 127:4 تەگى سوزدەردى بالا تاربيەسىندە قالاي قولدانۋعا بولاتىنىن ٴتۇسىندىرىڭىز.
20 بالاڭىزدى جاقسى ٴبىلىڭىز. ٴزابۇردىڭ 127-تاراۋىندا بالالار جەبەگە تەڭەلگەن (ٴزابۇر 127:4 وقىڭىز). جەبەلەر ٵرتۇرلى بولاتىنى سياقتى، بالالار دا ٵرتۇرلى كەلەدى. سوندىقتان اكە-شەشەسى ٵر بالاسىن قالاي تاربيەلەيتىندەرىن شەشىپ الۋلارى كەرەك. ەكى بالاسىن ەحوبانىڭ قىزمەتشىسى ەتىپ تاربيەلەگەن يزرايلدە تۇراتىن ٴبىر ەرلى-زايىپتى وزدەرىنە نە كومەك بولعانىن ايتىپ بەردى. ولار كيەلى كىتاپتى ٵر بالاسىمەن بولەك-بولەك زەرتتەگەن ەكەن. ارينە، زەرتتەۋدى وسىلاي وتكىزۋ قاجەت پە جانە بۇل مۇمكىن بە — ونى ٵر وتاعاسى ٶزى شەشەدى.
ەحوبا سىزگە كومەكتەسەدى
21. اتا-انالار ەحوبادان قانداي كومەك كۇتسە بولادى؟
21 كەيدە بالا تاربيەلەۋ اتا-اناعا قاتتى قيىن بولىپ كەتۋى مۇمكىن. ٴبىراق بالالار — ەحوبانىڭ سيى. ەحوبا كومەك بەرۋگە قاشان دا دايىن. ول اتا-انالاردىڭ دۇعالارىنا ٵردايىم دەن قويادى. سونداي-اق ول دۇعالارعا كيەلى كىتاپ ارقىلى، باسىلىمدار ارقىلى، قاۋىمداعى تاجىريبەلى اتا-انالاردىڭ ۇلگىسى مەن ولاردىڭ بەرگەن اقىل-كەڭەستەرى ارقىلى جاۋاپ بەرەدى.
22. اتا-انانىڭ بالالارىنا بەرە الاتىن ەڭ جاقسى نارسەلەرى قانداي؟
22 كەيبىرەۋلەر بالا تاربيەسى 20 جىلدىق جوبا دەپ ايتىپ جاتادى، ٴبىراق شىندىعىنا كەلگەندە، اتا-انا ٵرقاشان دا اتا-انا بولىپ قالا بەرەدى. ولاردىڭ بالالارىنا بەرەتىن ەڭ جاقسى نارسەلەرى: ماحابباتتارى، ۋاقىتتارى مەن كيەلى كىتاپقا نەگىزدەلگەن ٴتالىم-تاربيەلەرى. ٵر بالا ٴتالىم-تاربيەنى ٵرقالاي قابىلدايدى. الايدا ەحوبانى سۇيەتىن اتا-انالاردىڭ تاربيەسىن كورگەن بالالاردىڭ باسىم بولىگى ازيادا تۇراتىن دجواننا ما باۋىرلاس سياقتى سەزىمدە. ول بىلاي دەيدى: «اكە-شەشەمنىڭ بەرگەن تاربيەسى جايلى ويلاسام، ولاردىڭ مەنى جونگە سالعانىنا، ەحوبانى جاقسى كورۋگە ۇيرەتكەندەرىنە شەكسىز ريزا بولامىن. ولار ماعان جاي عانا ٶمىر بەرىپ قويعان جوق، ولار ماعان ٴمان-ماعىناعا تولى ٶمىر سيلادى» (ناق. س. 23:24، 25). ميلليونداعان باۋىرلاس تا وسى سوزدەرمەن كەلىسەدى.
59-ٵن ەحوبانى بىرگە ماداقتايىق!
^ 5-ابزاس ەرلى-زايىپتىلار بالالى بولۋلارى كەرەك پە؟ ەگەر ولار بالالى بولۋدى شەشسە، قانشا بالالارى بولۋ كەرەك؟ سونداي-اق ولار بالالارىن ەحوبانى سۇيۋگە، وعان قىزمەت ەتۋگە قالاي ۇيرەتە الادى؟ بۇل ماقالادا كەيبىر مىسالداردى جانە كيەلى كىتاپتاعى پرينسيپتەردى قاراستىرىپ، وسى ساۋالداردىڭ جاۋاپتارىن بىلەمىز.
^ 15-ابزاس «جاستاردىڭ ساۋالدارى. پايدالى كەڭەستەر» (حانزۇشا) كىتابىنىڭ 1-تومىنىڭ، 36-تاراۋىن جانە 2-تومىنىڭ 11-تاراۋىن قاراڭىز.
^ 60-ابزاس سۋرەت سيپاتتاماسى: ٴماسىحشى ەرلى-زايىپتى بالالى بولۋدىڭ قۋانىشى مەن جاۋاپكەرشىلىگىن سارالاپ-سالماقتاپ، بالالى بولاتىن-بولمايتىندارىن تالقىلاپ جاتىر.
^ 64-ابزاس سۋرەت سيپاتتاماسى: بالالارىنىڭ جاسى مەن قابىلەتى ٵرتۇرلى بولعاندىقتان، اتا-انالارى ولارمەن بولەك-بولەك زەرتتەۋ وتكىزىپ جاتىر.