ەسىڭىزدە مە؟
2019-جىلعى «كۇزەت مۇناراسىنا» نەگىزدەلگەن تومەندەگى سۇراقتارعا جاۋاپ بەرە الاسىز با؟
قۇدايدىڭ: «ساعان قارسى جاسالعان ەشبىر قارۋ جەڭىسكە جەتپەيدى»،— دەگەن ۋادەسى نەنى بىلدىرەدى؟ (يشايا 54:17)
قۇداي ٴبىزدى «وزبىرلاردىڭ دەمىنەن» قورعايتىنىنا سەنىمدى بولساق بولادى (يشايا 25:4، 5). ەشبىر جاۋىمىز بىزگە ماڭگىلىككە جالعاساتىن جاماندىق جاساي المايدى (كم19.01 6، 7-بەت).
قۇدايدىڭ قاناحاندىقتار مەن قىڭىر يسرايلدىكتەرگە قالاي قاراعانىنان ونىڭ ادىلدىگى جايلى نە بىلەمىز؟
قۇداي بەيباستاق جىنىستىق ارەكەتتەرگە بارعانداردى، ايەلدەر مەن بالالاردى قورلاعانداردى ۇكىمگە كەسكەن. ال وزىنە مويىنسۇناتىن، باسقالارعا ادىلدىك تانىتاتىن ادامدارعا باتاسىن توككەن (كم19.02 22، 23-بەت).
كۋاگەر ەمەس ادام دۇعا ەتسە، نە ىستەۋىمىز كەرەك؟
بۇنداي جاعدايلاردا ىزەتتىلىك ساقتاپ، ۇندەمەيمىز. «اۋمين» دەپ تە ايتپايمىز، قولىمىزدى دا جايمايمىز. ٴبىراق ىشتەي ٶز دۇعامىزدى ايتساق بولادى (كم19.03 31-بەت).
بالاعا جىنىستىق زورلىق جاساۋ قانشالىقتى اۋىر كۇنا؟
جىنىستىق زورلىق — زورلىق قۇربانىنا، قاۋىمعا، بيلىك باسىنداعىلارعا، قۇدايعا قارسى جاسالاتىن اۋىر كۇنا. بالاعا زورلىق كورسەتىلگەن جاعدايدا، جەرگىلىكتى زاڭ بۇل تۋرالى حابارلاۋدى تالاپ ەتسە، اقساقالدار سول زاڭعا مويىنسۇنادى (كم19.05 9، 10-بەت).
ىشكى بولمىسىڭىزدى قالاي جاڭارتا نە جاقسارتا الاسىز؟
مۇنىڭ ٷش جولى بار: دۇعا ەتىپ ەحوبامەن سويلەسىڭىز؛ ٶزىڭىزدى تەكسەرۋ ماقساتىمەن وي جۇگىرتىڭىز؛ كىممەن ارالاساتىنىڭىزعا ٴمان بەرىڭىز (كم19.06 11-بەت).
قۋعىن-سۇرگىنگە قازىردەن دايىن بولۋ ٷشىن نە ىستەۋىمىز كەرەك؟
ەحوبامەن دوستىعىمىزدى نىعايتۋىمىز قاجەت. ول ٴسىزدى جاقسى كورەتىنىنە ٵرى ەشقاشان تاستامايتىنىنا سەنىمدى بولىڭىز. كيەلى جازبالاردى كۇندە وقىپ، ٴجيى-ٴجيى دۇعا ەتىڭىز. قۇداي پاتشالىعى تۋرالى ۋادەلەردىڭ ورىندالاتىنىنا نىق سەنىمدى بولىڭىز. سۇيىكتى تارماقتارىڭىز بەن ەحوبانى ماداقتايتىن اندەردى جاتتاپ الىڭىز (كم19.07 2—4 بەتتەر).
تۋىستارىمىز قۇتقارىلۋ ٷشىن ولارعا قالاي كومەكتەسە الامىز؟
ولارعا كومەكتەسۋ ٷشىن سەزىمدەرىنە تۇسىنىكپەن قاراۋىمىز، شىدامدى ٵرى بىرشەشىمدى بولۋىمىز كەرەك. سونداي-اق سوزىمىزدەن گورى ٸسىمىزدىڭ سويلەگەنى ماڭىزدى (كم19.08 15—17 بەتتەر).
يسا تاپسىرعان ٸس نەلىكتەن جان سەرگىتەرلىك ٸس؟ (مات. 11:28)
ٴبىزدىڭ ەڭ ۇزدىك باعۋشىلارىمىز بار، ەڭ ادال دوستارمىز بەن ماعىنالى ٸسىمىز بار (كم19.09 23، 24-بەت).
ارەكەت ەتۋىمىز ٷشىن قۇداي قالاي ىقىلاس پەن كۇش بەرەدى؟ (ٴفىلىپ. 2:13)
قۇداي ٴسوزىن وقىپ، وي جۇرگىزگەندە، قۇداي بىزگە ٶز ەركىن ورىنداۋعا ىقىلاس وياتىپ، ارەكەت ەتۋگە كۇش بەرە الادى. ونىڭ رۋحى قابىلەتتەرىمىزدى شىڭداي الادى (كم19.10 21-بەت).
شەشىم قابىلداماس بۇرىن قانداي ماڭىزدى قادامداردى جاساۋىمىز كەرەك؟
بەس قادام: دانالىق سۇراپ دۇعا ەتىڭىز؛ تىڭعىلىقتى ىزدەنىس جاساڭىز؛ نيەتىڭىزدى تەكسەرىڭىز؛ ناقتى ماقساتتار قويىڭىز؛ شاما-شارقىڭىزدى ٴبىلىڭىز (كم19.11 27—29 بەتتەر).
«جان ولمەيدى» دەگەن ٸلىم شايتاننىڭ حاۋاعا «ولمەيسىڭ» دەگەنىنەن شىققان با؟
ولاي دەي المايمىز. شايتان حاۋاعا «ٴتانىڭ ٶلىپ، ال جانىڭ باسقا ٴبىر جەردە ٶمىر سۇرەدى» دەمەگەن، قايتا مۇلدەم ولمەيتىنىن ايتقان. توپان سۋدا بارلىق جالعان ىلىمدەر جويىلىپ كەتكەن. «جان ولمەيدى» دەگەن ٸلىم قۇداي بابىلداعى تىلدەردى شاتاستىرعانعا دەيىن پايدا بولعان كورىنەدى (كم19.12 15-بەت).