1-زەرتتەۋ ماقالاسى
بارىڭدار دا، شاكىرتتەر دايىنداڭدار
2020-جىلدىڭ تارماعى: «بارىڭدار دا،.. شاكىرتتەر دايىنداپ، ولاردى... شومىلدىرۋ راسىمىنەن وتكىزىڭدەر» (مات. 28:19).
79-ٵن ولارعا بەرىك تۇرۋدى ۇيرەتىڭدەر
اڭداتپا *
1، 2. يسا قويىلعان قابىردە پەرىشتە ايەلدەرگە نە ايتتى، ال يسانىڭ ٶزى ولارعا قانداي نۇسقاۋ بەردى؟
ب.ز. 33-جىلى، 16-نيسان، تاڭ ٴسارى. قۇدايدان قورقاتىن ٴبىر توپ ايەل قايعىدان جۇرەكتەرى قارس ايىرىلىپ، قابىرگە جاقىنداپ كەلەدى. بۇل جەرگە ەكى كۇن بۇرىن يەلەرى يسا ٴماسىحتىڭ ٴمايىتى قويىلعان. ٴيىسماي مەن جۇپار ٴيىستى زاتتار الىپ كەلگەن بۇل ايەلدەر قابىرگە كەلىپ، اڭ-تاڭ بولىپ تۇرىپ قالدى. ويتكەنى قابىردىڭ ٸشى بوس ەكەن! سوندا ٴبىر پەرىشتە ولارعا يسانىڭ تىرىلگەنىن ايتىپ: «[ول] قازىر عاليلەياعا بارا جاتىر، ونى سول جەردە كورەسىڭدەر»،— دەيدى (مات. 28:1—7؛ لۇقا 23:56؛ 24:10).
2 ايەلدەر قابىردەن شىققاننان كەيىن، يسانىڭ ٶزى ولارعا كورىنىپ، كەلەسىدەي نۇسقاۋ بەردى: «باۋىرلاستارىما بارىپ، ٴبارىن جەتكىزىڭدەر، سونداي-اق «عاليلەياعا جونەلسىن، مەنى سول جەردە كورەدى» دەپ ايتىڭدار» (مات.28:10). يسانىڭ تىرىلگەننەن كەيىنگى ىستەگەن ەڭ ٴبىرىنشى ٸسى شاكىرتتەرىمەن كەزدەسۋ ۇيىمداستىرۋ بولدى. شاكىرتتەرىمەن جۇزدەسكەندە يسا ولارعا وتە ماڭىزدى نۇسقاۋلار بەردى.
بۇل بۇيرىق كىمدەرگە بەرىلدى؟
3، 4. نەلىكتەن ماتاي 28:19، 20 داعى بۇيرىق تەك ەلشىلەرگە بەرىلمەگەن دەي الامىز؟ (مۇقاباداعى سۋرەتتى قاراڭىز.)
3 ماتاي 28:16—20 وقىڭىز. بۇل جيىندا يسا شاكىرتتەرىنىڭ ٴبىرىنشى عاسىردا ماڭىزدى ٸس اتقاراتىندارىن ايتتى. بۇل ٸستى بۇگىندە ٴبىز دە اتقارىپ ٴجۇرمىز. يسا: «بارىڭدار دا، بارلىق حالىقتاردان شاكىرتتەر دايىنداپ،.. سەندەرگە بۇيىرعانداردىڭ ٴبارىن ۇستانۋدى ۇيرەتىڭدەر»،— دەدى.
4 يسا بارلىق ىزباسارلارىنىڭ ۋاعىز ىسىنە قاتىسقانىن قالايدى. بۇل بۇيرىقتى ول تەك 11 ادال ەلشىسىنە بەرمەگەن. نەگە بۇلاي دەي الامىز؟ قور. 1-ح. 15:6). بۇل وقيعا قاي جەردە بولدى؟
يسا شاكىرتتەر دايىنداۋدى بۇيىرعاندا، عاليلەيا تاۋىندا تەك 11 ەلشى عانا بولدى ما؟ پەرىشتەنىڭ ايەلدەرگە نە دەگەنىنە نازار اۋدارايىقشى: «ونى سول جەردە [عاليلەيادا] كورەسىڭدەر». دەمەك، وسى ادال ايەلدەر دە سول كەزدەسۋگە بارعان. بۇعان قوسا، ەلشى پاۋىل يسانىڭ «ٴبىر مەزگىلدە 500 دەن اسا باۋىرلاسقا كورىنگەنىن» ايتقان (5. قورىنتتىقتارعا 1-حات 15:6 دان نە بىلەمىز؟
5 وسى سوزدەردى ايتقاندا پاۋىل ماتاي كىتابىنىڭ 28-تاراۋىندا ايتىلعان عاليلەياداعى كەزدەسۋدى ويدا تۇتقان دەي الامىز. بۇنىڭ ٴبىرىنشى سەبەبى: شاكىرتتەردىڭ كوبىسى عاليلەيالىقتار بولعان. سوندىقتان وسىنداي كوپ اداممەن جيىن وتكىزۋ ٷشىن يەرۋساليمدەگى ٴبىر ۇيدەن گورى، عاليلەياداعى تاۋ ىڭعايلى بولار ەدى. ال ەكىنشىدەن، تىرىلگەننەن كەيىن يسا يەرۋساليمدەگى ٴبىر ۇيدە 11 ەلشىسىمەن كەزدەسىپ قويعان ەدى. ەگەر ول ۋاعىزداۋ مەن شاكىرت دايىنداۋدى تەك ەلشىلەرىنە بۇيىرعىسى كەلگەندە، ەلشىلەردى، ايەلدەر مەن باسقا ادامداردى عاليلەياعا شاقىرماي-اق، يەرۋساليمنىڭ وزىندە ايتا سالار ەدى (لۇقا 24:33، 36).
6. شاكىرت دايىنداۋ ٸسى بۇگىنگى كۇنگە دە قاتىستى ەكەنى ماتاي 28:20 دان قالاي كورىنەدى جانە بۇل تاپسىرما قالاي ورىندالىپ جاتىر؟
6 يسانىڭ بۇيرىعى تەك 11 ادال ەلشىسىنە عانا بەرىلمەگەندىگىنىڭ تاعى ٴبىر ماڭىزدى سەبەبى بار. يسانىڭ «شاكىرتتەر دايىنداڭدار» دەگەن بۇيرىعى تەك ٴبىرىنشى عاسىردا ٶمىر سۇرگەن ماسىحشىلەرگە عانا ارنالماعان. بۇنى قايدان بىلەمىز؟ يسا ٸزباسارلارىنا ايتقان بۇيرىعىن مىنا سوزدەرمەن قورىتىندىلادى: «مەن وسى زامان اياقتالعانشا، ٵر كۇنى سەندەرمەن بىرگەمىن» (مات. 28:20). يسا ايتقانداي، قازىر شاكىرت دايىنداۋ ٸسىنىڭ ناعىز قىزعان كەزى. ويلاپ كورىڭىزشى، جىل سايىن 300000 عا جۋىق ادام يسانىڭ شاكىرتى بولىپ، شومىلدىرۋ راسىمىنەن ٶتىپ، ەحوبا كۋاگەرى بولىپ جاتىر!
7. قازىر نەنى قاراستىرامىز جانە نەگە؟
7 كيەلى كىتاپتى زەرتتەپ جۇرگەندەردىڭ كوبى رۋحاني ٶسىپ، شومىلدىرۋ راسىمىنەن وتەدى. الايدا كەيبىرەۋلەردىڭ شاكىرت بولۋعا ىقىلاستارى جوق. ولارعا كيەلى كىتاپتى زەرتتەگەن ۇنايدى، ٴبىراق شومىلدىرۋ راسىمىنەن ٶتۋ ٷشىن قادامدار جاسامايدى. ەگەر بىرەۋمەن كيەلى كىتاپتى زەرتتەپ جۇرسەڭىز، وعان بىلگەندەرىن ومىرىندە قولدانۋعا جانە ٴماسىحتىڭ شاكىرتى بولۋعا كومەكتەسكىڭىز كەلەتىنى ايتپاسا دا تۇسىنىكتى. وسى ماقالادان زەرتتەۋشىنىڭ جۇرەگىنە قالاي جول تابا الاتىنىمىزدى ٵرى وعان رۋحاني وسۋگە قالاي كومەكتەسە الاتىنىمىزدى بىلەمىز. نەگە بۇنى ٴبىلۋىمىز كەرەك؟ ويتكەنى كەيدە بىزگە زەرتتەۋدى توقتاتۋ-توقتاتپاۋدى شەشۋ كەرەك بولىپ جاتادى.
زەرتتەۋشىگە ەحوبانى ٴسۇيۋدى ۇيرەتىڭىز
8. زەرتتەۋشىلەرىمىزگە ەحوبانى ٴسۇيۋدى ۇيرەتۋ كەيدە نەگە وڭاي بولماۋى مۇمكىن؟
8 ەحوبا ادامداردىڭ وعان قىزمەت ەتۋگە سۇيىسپەنشىلىكتەرى تالپىندىرعانىن قالايدى. سوندىقتان ٴبىزدىڭ ماقساتىمىز — زەرتتەۋشىلەرگە ەحوبا ولاردى قامقورلايتىنىن، قاتتى جاقسى كورەتىنىن ۇعىنۋعا كومەكتەسۋ. ولارعا ەحوبانىڭ «جەتىمدەردىڭ اكەسى، جەسىرلەردىڭ قورعاۋشىسى» ەكەنىن تۇسىنۋگە كومەكتەسكىمىز كەلەدى (ٴزاب. 68:5). زەرتتەۋشىلەر ەحوبانىڭ سۇيىسپەنشىلىگىن سەزىنگەندە، جۇرەكتەرى جالىنداپ، ولاردىڭ دا ەحوباعا دەگەن سۇيىسپەنشىلىكتەرى لاۋلايتىن بولادى. كەيبىرەۋلەرگە ەحوباعا سۇيىسپەنشىلىگى مول اكە دەپ قاراۋ قيىن بولۋى مۇمكىن. ويتكەنى ولار ٶز اكەلەرىنەن سۇيىسپەنشىلىك پەن مەيىرىم كورمەگەن شىعار (ٴتىم. 2-ح. 3:1، 3). ەگەر زەرتتەۋ ساباعىن جۇرگىزەتىن بولساڭىز، ەحوبانىڭ تارتىمدى قاسيەتتەرىنە ەرەكشە نازار اۋدارىڭىز. زەرتتەۋشىڭىزگە سۇيىسپەنشىلىگى مول قۇدايدىڭ وعان ماڭگىلىك ٶمىردى تارتۋ ەتكىسى كەلەتىنىن ٵرى سول ومىرگە جەتكىزۋگە دايىن ەكەنىن تۇسىنۋگە كومەكتەسىڭىز. بۇدان بولەك تاعى نە ىستەسەك بولادى؟
9، 10. زەرتتەۋشىلەرمەن قاي كىتاپتاردى زەرتتەگەن دۇرىس جانە نەگە؟
9 «كيەلى جازبالاردان نە بىلەمىز؟» بەن «قۇداي سۇيىسپەنشىلىگىنە بولەنە بەرىڭىز» كىتاپتارىن قولدانىڭىز. بۇل كىتاپتار زەرتتەۋشىنىڭ جۇرەگىنە جول تابۋ ٷشىن ارنايى شىعارىلعان. مىسالى، «كيەلى جازبالاردان نە بىلەمىز؟» كىتابىنىڭ 1-تاراۋىندا «قايعى-قاسىرەت قۇدايدىڭ سىناعى ما؟ ادامدار قينالعاندا، قۇداي نە سەزىنەدى؟ قۇدايمەن دوس بولا الاسىز با؟» دەگەن سياقتى سۇراقتاردىڭ جاۋابى بار. ال «قۇداي سۇيىسپەنشىلىگىنە بولەنىڭىز» كىتابى جايلى نە دەۋگە بولادى؟ بۇل كىتاپتىڭ كومەگىمەن زەرتتەۋشىلەر كيەلى كىتاپ پرينسيپتەرىن قولدانعاندارى ومىرلەرىن جاقسارتاتىنىن تۇسىنەدى جانە ەحوباعا ودان سايىن جاقىنداي تۇسەدى. وسى كىتاپتاردى باسقا ادامدارمەن زەرتتەگەن بولساڭىز دا، ٵر زەرتتەۋشىنىڭ قاجەتتىلىگىن ەسكەرىپ، زەرتتەۋ ساباعىنا جاقسىلاپ دايىندالىڭىز.
10 ال ەگەر زەرتتەۋشى ٴتالىم بەرۋ قۇرالدارىنا جاتپايتىن ادەبيەتتەگى مالىمەتكە قىزىقسا شە؟ مۇندايدا ونىمەن «كيەلى جازبالاردان نە بىلەمىز؟» نەمەسە «قۇداي سۇيىسپەنشىلىگىنە بولەنىڭىز» كىتابىمەن زەرتتەۋدى جالعاستىرا الۋ ٷشىن، الگى باسىلىمدى ٶزى وقي الاتىنىن ايتساق بولادى.
11. قاي كەزدەن باستاپ، زەرتتەۋ ساباعىن دۇعامەن باستاپ، دۇعامەن اياقتاعان ٴجون جانە زەرتتەۋشىگە بۇنىڭ ماڭىزدىلىعىن قالاي تۇسىندىرە الامىز؟
11 زەرتتەۋ ساباعىن دۇعامەن باستاڭىز. زەرتتەۋدىڭ باسىندا جانە اياعىندا دۇعا ەتۋدى بارىنشا ەرتە باستاعان ٴجون، مىسالى، زەرتتەۋ جۇيەلى تۇردە وتە باستاعان العاشقى اپتالاردىڭ ىشىندە. زەرتتەۋشىگە قۇداي ٴسوزىن تەك قۇدايدىڭ رۋحى ارقىلى عانا تۇسىنە الاتىنىمىزدى ۇعىندىرۋىمىز كەرەك. كيەلى كىتاپ زەرتتەۋ ساباعىن وتكىزەتىن كوپ باۋىرلاس دۇعانىڭ ماڭىزدىلىعىن ٴتۇسىندىرۋ ٷشىن جاقىپ 1:5 تەگى سوزدەردى كەلتىرەدى. وندا: «قايسىبىرەۋىڭە دانالىق جەتپەي جاتسا،.. قۇدايدان سۇراي بەرسىن»،— دەلىنگەن. ٴسۇيتىپ، ولار زەرتتەۋشىدەن: «قۇدايدان دانالىقتى قالاي سۇراساق بولادى؟»،— دەپ سۇرايدى ەكەن. سوندا زەرتتەۋشى قۇدايعا دۇعا ەتۋ كەرەكتىگىمەن كەلىسەدى.
12. ٴزابۇر 139:2—4 تارماقتارداعى سوزدەردىڭ كومەگىمەن زەرتتەۋشىگە دۇعادا ەحوبامەن ەركىن سويلەسۋگە قالاي كومەكتەسە الاسىز؟
12 زەرتتەۋشىڭىزگە دۇعا ەتۋدى ۇيرەتىڭىز. ەحوبا ونىڭ جۇرەك تۇبىنەن شىققان دۇعالارىن ەستىگىسى كەلەتىنىن ٴتۇسىندىرىڭىز. جەكە دۇعامىزدا ەحوباعا ىشىمىزدەگىنى اقتارا الاتىنىمىزدى، جان بالاسىنا ايتا المايتىن سىرلارىمىزدى اشا الاتىنىمىزدى زەرتتەۋشىگە ٴتۇسىندىرىڭىز. ەحوبا كوڭىل تۇبىندە جاتقان ويلارىمىزدى بىلەدى (ٴزابۇر 139:2—4 وقىڭىز). سونىمەن قاتار بۇرىس ويلارىن وزگەرتۋ ٷشىن جانە جامان ادەتتەرىنەن ارىلۋ ٷشىن زەرتتەۋشىڭىزدى قۇدايدان كومەك سۇراۋعا تالپىندىرىڭىز. بالكىم، كيەلى كىتاپتى ٴبىراز ۋاقىتتان بەرى زەرتتەپ جۇرگەن كىسى جالعان دىنمەن بايلانىسى بار ٴبىر مەيرامدى تويلاعاندى جاقسى كورەتىن شىعار. بۇنىڭ دۇرىس ەمەس ەكەنىن بىلسە دە، سول مەيرامنىڭ كەي تۇستارىن ۇناتار. ونى بۇل جايلى ەحوباعا سەزىمدەرىن اشىق ايتۋعا جانە ول جاقسى كورەتىندى عانا جاقسى كورۋگە كومەكتەسۋىن سۇراپ جالبارىنۋعا شاقىرىڭىز (ٴزاب. 97:10).
13. ا) زەرتتەۋشىنى جينالىستارعا نەگە مۇمكىندىگىنشە و باستان شاقىرعان دۇرىس؟ ٵ) زەرتتەۋشى پاتشالىق سارايىندا ٶزىن بوتەن سەزىنبەۋى ٷشىن نە ىستەسەك بولادى؟
13 زەرتتەۋشىڭىزدى مۇمكىندىگىنشە ەرتە باستان كەزدەسۋلەرگە شاقىرىڭىز. جينالىستاردا كورىپ-ەستىگەندەرى زەرتتەۋشىگە اسەر ەتىپ، رۋحاني وسۋىنە كومەكتەسۋى مۇمكىن. «پاتشالىق سارايىندا نە ٷشىن جينالامىز؟» دەگەن بەينەروليكتى كورسەتىپ، ونى وزىڭىزبەن بىرگە قاۋىم كەزدەسۋىنە بارۋعا شاقىرىڭىز. وعان قاۋىم وتەتىن جەرگە جەتۋگە كومەكتەسىڭىز. زەرتتەۋ ساباعىنا ٵرتۇرلى باۋىرلاستاردى شاقىرعان دۇرىس. سوندا ادام باۋىرلاستاردىڭ كوبىسىمەن تانىس بولادى، ٵرى جينالىسقا كەلگەندە ٶزىن بوتەن سەزىنبەيدى.
زەرتتەۋشىگە رۋحاني وسۋگە كومەكتەسىڭىز
14. زەرتتەۋشى قاي كەزدە رۋحاني وسۋگە تالپىنادى؟
14 ٴبىزدىڭ ماقساتىمىز — زەرتتەۋشىلەرگە رۋحاني وسۋگە كومەكتەسۋ (ەفەس. 4:13). ادام كيەلى كىتاپ زەرتتەۋ ساباعىنا كەلىسكەن كەزدە، «بۇنىڭ ماعان قانداي پايداسى بار؟» دەپ ويلايتىن شىعار. ال ەحوباعا دەگەن سۇيىسپەنشىلىگى ارتقان كەزدە، ول وزگەلەرگە جانە قاۋىمداعىلارعا كومەكتەسۋ جايلى ويلاي باستاۋى مۇمكىن (مات. 22:37—39). ورايى كەلگەندە، زەرتتەۋشىگە پاتشالىق ٸسىن قارجىلاي قولداي الاتىنىمىز جايلى ايتۋدان تارتىنباڭىز.
15. پروبلەما تۋىنداعاندا زەرتتەۋشىگە ونى شەشۋگە قالاي كومەكتەسە الاسىز؟
15 پروبلەما تۋىنداعاندا، نە ىستەۋ كەرەكتىگىن ۇيرەتىڭىز. مىسالى، شومىلدىرۋ راسىمىنەن وتپەگەن جاريالاۋشى بولعان زەرتتەۋشىڭىز قاۋىمداعى بىرەۋدىڭ رەنجىتكەنىن سىزگە ايتتى دەلىك. مۇندايدا ەشكىمنىڭ جاعىنا شىقپاي، ونى جازبالاردا ايتىلعانعا ساي ارەكەت ەتۋگە تالپىندىرعان دۇرىس. ول باۋىرلاسىن كەشىرىپ، بولعان جايتتى ۇمىتا الاتىن شىعار. ال ەگەر ولاي ەتە الماسا، باۋىرلاسىن قايتارۋ ماقساتىندا ونىمەن جىلى جانە جۇمساق تۇردە سويلەسۋى كەرەك (ماتاي 18:15 سالىستىرىڭىز). وعان ايتار ٴسوزىن الدىن الا دايىنداۋعا كومەكتەسىڭىز. ®JW Library قوسىمشاسىنان، «ەحوبا كۋاگەرلەرىنىڭ ىزدەنىس قۇرالى» مەن ®jw.org تور بەكەتىنەن پروبلەمانى شەشۋدىڭ جولدارىن تابۋدى ۇيرەتىڭىز. ەگەر ول شومىلدىرۋ راسىمىنەن وتكەنگە دەيىن تۇسىنىسپەۋشىلىكتەردى شەشىپ ۇيرەنسە، شومىلدىرۋ راسىمىنەن وتكەننەن كەيىن دە ونىڭ قاۋىمداعىلارمەن قارىم-قاتىناسى جاقسى بولادى.
16. زەرتتەۋ ساباعىنا باسقا جاريالاۋشىلاردى شاقىرعاننىڭ قانداي پايداسى بار؟
16 قاۋىمداعىلاردى جانە اۋداندىق باقىلاۋشىنى زەرتتەۋ ساباعىنا شاقىرىڭىز. زەرتتەۋ ساباعىنا باسقا باۋىرلاستاردى شاقىرۋدىڭ تاعى ٴبىر پايداسى: ولار زەرتتەۋشىگە ٴسىزدىڭ قولىڭىزدان كەلمەيتىن كومەكتى بەرە الادى. مىسالى، زەرتتەۋشى شىلىم شەگۋدى تاستاۋعا تىرىسىپ ٴجۇر دەلىك. ٴبىراق بىرنەشە رەت السىزدىگىنە بەرىلىپ قالادى. مۇندايدا ٴدال وسىنداي قيىندىقتى جەڭگەن ٴبىر باۋىرلاستى زەرتتەۋگە شاقىرساڭىز بولادى. ول زەرتتەۋشىگە پايدالى بولاتىن كەڭەس بەرە الادى. ەگەر تاجىريبەلى باۋىرلاستىڭ قاسىندا زەرتتەۋ ساباعىن جۇرگىزۋگە ىڭعايسىزدانساڭىز، ودان ٴبىر جولعا زەرتتەۋ ساباعىن وتكىزۋدى سۇراساڭىز بولادى. زەرتتەۋ ساباعىنا وزگەلەردى شاقىرساڭىز، زەرتتەۋشىڭىز ولاردان كوپ نارسەگە ۇيرەنە الادى. ٴبىزدىڭ ماقساتىمىز زەرتتەۋشىگە رۋحاني وسۋگە كومەكتەسۋ ەكەنىن ۇمىتپاڭىز.
زەرتتەۋ ساباعىن توقتاتۋ كەرەك پە؟
17، 18. زەرتتەۋ ساباعىن توقتاتۋ-توقتاتپاۋدى شەشكەندە قانداي جايتتاردى ەسكەرگەن ٴجون؟
17 زەرتتەۋشىڭىز ومىرىندە وزگەرىستەر جاساماسا، ونىمەن زەرتتەۋدى جالعاستىرۋ-جالعاستىرماۋدى شەشۋ كەرەك بولادى. ٴبىراق ونى شەشپەس بۇرىن زەرتتەۋشىنىڭ قابىلەتتەرىن ەسكەرۋىڭىز قاجەت. كەيبىرەۋلەرگە رۋحاني ٶسۋ ٷشىن وزگەلەرگە قاراعاندا كوبىرەك ۋاقىت كەرەك. «زەرتتەۋشىمنىڭ رۋحاني ٶسۋ قارقىنى ٶز قابىلەتتەرىنە ساي ما؟ ول بىلگەندەرىن «ۇستانا» باستادى ما؟» دەپ ويلانىپ كورىڭىز (مات. 28:20). زەرتتەۋشى رۋحاني جاعىنان باياۋ وسسە دە، ومىرىندە بىرتىندەپ وزگەرىستەر جاساۋى قاجەت.
*.
18 الايدا ٴبىراز ۋاقىتتان بەرى زەرتتەپ جۇرگەن ادام زەرتتەۋدى باعالايتىنىن كورسەتپەسە شە؟ مىسالى، ول «كيەلى جازبالاردان نە بىلەمىز؟» كىتابىن اياقتادى، ٴتىپتى «قۇداي سۇيىسپەنشىلىگىنە بولەنىڭىز» كىتابىن زەرتتەي باستادى دەلىك. ٴبىراق ول بىردە-ٴبىر رەت قاۋىمعا، ٴتىپتى ەسكە الۋ كەشىنە كەلمەگەن! بۇعان قوسا، ورىنسىز سەبەپتەرمەن زەرتتەۋدى كەيىنگە قالدىرا بەرەدى. وسىنداي جاعدايدا ونىمەن اشىق سويلەسكەن دۇرىس19. كيەلى كىتاپ زەرتتەۋ ساباعىن باعالامايتىنداي كورىنەتىن ادامعا نە دەسەڭىز بولادى جانە نە تۋرالى ويلانعان ٴجون؟
19 اڭگىمەنى «ەحوبا كۋاگەرى بولۋىڭا ساعان نە كەدەرگى؟» دەگەن سۇراقپەن باستاساڭىز بولادى. ول: «كيەلى كىتاپتى زەرتتەۋگە قارسى ەمەسپىن، ٴبىراق ەشقاشان ەحوبا كۋاگەرى بولمايمىن»،— دەيتىن شىعار. ادام ٴبىراز ۋاقىت زەرتتەپ جۇرسە دە، وسىنداي كوزقاراستا بولسا، ونىمەن ٵرى قاراي زەرتتەي بەرۋدىڭ ٴمانى بار ما؟ نەمەسە زەرتتەۋشى رۋحاني وسۋىنە نە كەدەرگى بولىپ جاتقانىن العاش رەت اشىق ايتۋى مۇمكىن. مىسالى، ول «ەشقاشان ۇيمە-ٷي ۋاعىزداي المايمىن» دەپ ويلايتىن شىعار. ەندى ونىڭ كۇيىن جاقسى تۇسىنگەندىكتەن، وعان قالاي كومەكتەسۋ كەرەك ەكەنىن بىلەسىز.
20. ەلشىلەردىڭ ىستەرى 13:48 دى تۇسىنگەنىمىز زەرتتەۋ ساباعىن جالعاستىرۋ نە جالعاستىرماۋدى شەشۋگە قالاي كومەكتەسەدى؟
20 وكىنىشكە قاراي، كەيبىر زەرتتەۋشىلەر ەزەكيەلدىڭ كۇندەرىندەگى يسرايلدىكتەرگە ۇقسايدى. ولار تۋرالى ەحوبا ەزەكيەلگە: «مىنە، سەن ولار ٷشىن ىشەكتى اسپاپتا شەبەر وينايتىن، ادەمى داۋىسپەن ماحاببات اندەرىن ايتاتىن ٵنشى ىسپەتتىسىڭ. ولار ٴسوزىڭدى تىڭدايدى، ٴبىراق ەشكىم سوعان ساي ارەكەت ەتپەيدى»،— دەگەن (ەزەك. 33:32). ادامعا زەرتتەۋ ساباعىن توقتاتۋ جايىندا ايتۋ وڭاي بولماۋى مۇمكىن. الايدا «ۋاقىت از قالدى» (قور. 1-ح. 7:29). ناتيجەسىز زەرتتەۋ ساباعىنا ۋاقىتىمىزدى سارپ ەتۋدىڭ ورنىنا، «ماڭگى ومىرگە ىڭعاي تانىتقان» ادامداردى ىزدەپ تابۋىمىز كەرەك (ەلشىلەردىڭ ىستەرى 13:48 وقىڭىز).
21. 2020-جىلدىڭ تارماعى قانداي جانە بۇل ٴبىزدى نە ىستەۋگە تالپىندىرادى؟
21 2020-جىلدىڭ تارماعى شاكىرت دايىنداۋ ىسىندە جاقسارا تۇسۋگە كومەكتەسەدى. ەندەشە، يسانىڭ عاليلەيا تاۋىنداعى ماڭىزدى جيىندا ايتقان: «بارىڭدار دا، شاكىرتتەر دايىنداپ، ولاردى... شومىلدىرۋ راسىمىنەن وتكىزىڭدەر»،— دەگەن سوزدەرىن ەسىمىزدە ۇستايىق! (مات. 28:19).
70-ٵن لايىق ادامداردى ىزدەپ تابايىق
^ 5-ابزاس 2020-جىلدىڭ تارماعى ٴبىزدى «شاكىرتتەر دايىنداۋعا» ۇندەيدى. ەحوبانىڭ بارلىق قىزمەتشىلەرى وسى بۇيرىققا باعىنۋلارى ٴتيىس. كيەلى كىتاپتى زەرتتەپ جۇرگەندەردى ٴماسىحتىڭ شاكىرتى بولۋعا قالاي تالپىندىرساق بولادى؟ بۇل ماقالادان زەرتتەۋشىلەرىمىز ەحوباعا جاقىن بولا ٴتۇسۋى ٷشىن ولارعا قالاي كومەكتەسە الاتىنىمىزدى بىلەمىز. سونداي-اق اداممەن كيەلى كىتاپتى زەرتتەۋدى توقتاتۋ-توقتاتپاۋ جايلى دا قاراستىرامىز.
^ 18-ابزاس ®JW Broadcasting ارناسىنان «ناتيجەسىز زەرتتەۋ ساباقتارىن توقتاتۋ» دەگەن بەينەروليكتى كورىڭىز. ونى ®JW Library قوسىمشاسىنان جۇكتەپ العىڭىز كەلسە، كەزدەسۋلەرىمىز بەن قىزمەتىمىز > شەبەر ۋاعىزداۋشى بولايىق دەگەن جەرگە كىرىڭىز.