3-زەرتتەۋ ماقالاسى
ٴسىز ەحوبا ٷشىن باعالىسىز!
«ماسقارا كۇيدە جۇرگەنىمىزدە ٴبىزدى ۇمىتپادى» (ٴزاب. 136:23).
33-ٵن ۋايىمىڭدى ەحوباعا ارت
اڭداتپا *
1، 2. ەحوبانىڭ قىزمەتشىلەرىنىڭ كوبى قانداي جاعدايلارعا كەزىگۋدە جانە بۇل ولارعا قالاي اسەر ەتىپ جاتىر؟
مىناداي ٷش جاعدايدى قاراستىرىپ كورەيىك: جاس ەر باۋىرلاس كۇش-قايراتىنان ايىراتىن اۋىر دەرتكە شالدىعادى. ورتا جاستاعى ەڭبەكقور ٴبىر باۋىرلاس جۇمىسسىز قالىپ، قانشا تىرىسسا دا، باسقا جۇمىس تابا المايدى. قارت ايەل باۋىرلاس كارىلىكتىڭ كەسىرىنەن ەحوباعا بۇرىنعىداي قىزمەت ەتە الماي قالادى.
2 وسىنداي جاعدايدىڭ بىرىمەن كەزىگىپ جۇرسەڭىز، ٶزىڭىزدى ەش كەرەكسىز سەزىنەتىن شىعارسىز. بۇنداي جاعدايلار قۋانىشىڭىزدى قاشىرىپ، وزىڭىزگە دەگەن قۇرمەتىڭىزدەن ايىرىپ، باسقالارمەن قارىم-قاتىناسىڭىزعا كەرى اسەر ەتۋى مۇمكىن.
3. شايتان مەن وعان ەلىكتەيتىندەر ادام ومىرىنە قالاي قارايدى؟
3 وسى دۇنيە شايتان ىسپەتتى، ادام ٶمىرىن باعالامايدى. شايتان ەشقاشان ادامداردى ماڭىزدى ساناعان ەمەس. ەحوباعا مويىنسۇنباسا حاۋانىڭ ولەتىنىن بىلسە دە، جاۋىز شايتان وعان «ەركىندىككە يە بولاسىڭ» دەپ ايتتى. ول وسى دۇنيەدەگى ساياسات پەن ٴدىندى، ساۋدا-ساتتىق جۇيەسىن ۋىسىندا ۇستاپ كەلەدى. سوندىقتان دا كوپتەگەن كاسىپكەرلەر، ساياساتكەرلەر مەن ٴدىنباسىلارى ادامنىڭ ٶمىرىن، قادىر-قاسيەتىن قۇرمەتتەۋدەن جۇرداي.
4. بۇل ماقالادا نەنى قاراستىرامىز؟
4 ال ەحوبا بولسا ٴبىزدى قۇندى سانايدى جانە بۇنى بىلگەنىمىزدى قالايدى. ٶزىمىزدى قۇنسىز سەزىنگەن كەزدەرى ول بىزگە كومەكتەسەدى (ٴزاب. 136:23؛ ريم. 12:3). بۇل ماقالادا 1) اۋىرعان كەزدە، 2) ەكونوميكالىق قيىندىققا ۇشىراعاندا، 3) كارىلىكتىڭ كەسىرىنەن ەحوبا ٷشىن ەش پايدامىز جوقتاي سەزىنگەندە، ونىڭ بىزگە قالاي كومەكتەسەتىنىن بىلەمىز. الدىمەن، ەحوبا ٷشىن ٵربىرىمىز باعالى ەكەنىمىزگە نەگە سەنىمدى بولا الاتىنىمىزدى قاراستىرايىق.
ەحوبا ٴبىزدى قۇندى سانايدى
5. ادامزاتتىڭ ەحوبا ٷشىن باعالى ەكەنىنە نە دالەل؟
5 ٴبىز جەردىڭ توپىراعىنان جاراتىلعان بولساق تا، ٴبىر ۋىس توپىراقتان اناعۇرلىم قۇندىمىز (مۇس. 1-ج. 2:7). قازىر ەحوبا ٷشىن باعالى ەكەنىمىزدىڭ بىرنەشە عانا سەبەبىن كورەيىك. ول ادامداردى ٶزىنىڭ قاسيەتتەرىن تانىتا الاتىنداي ەتىپ جاراتقان (مۇس. 1-ج. 1:27). وسىلايشا ول ٴبىزدى جەردەگى جاراتىلىستاردىڭ بارلىعىنان جوعارى قويدى جانە جەر مەن جانۋارلاردى بىزگە تاپسىردى (ٴزاب. 8:4—8).
6. ەحوبانىڭ كەمەلسىز ادامداردى باعالايتىنىنا تاعى قانداي دالەل بار؟
6 ادام اتا كۇنا جاساعاننان كەيىن دە، ەحوبا ٷشىن ادامزاتتىڭ قۇنى ەش كەمىمەدى. ٴبىزدى جوعارى باعالايتىنى سونشا، ول ٶزىنىڭ سۇيىكتى ۇلى يسانى ٴبىز ٷشىن تولەم رەتىندە بەردى (جوح. 1-ح. 4:9، 10). تولەم قۇرباندىعىنىڭ نەگىزىندە ەحوبا ادام اتانىڭ كۇناسىنىڭ سالدارىنان قايتىس بولعان ادامداردى، ياعني «ادىلدەردى دە، ادىلەتسىزدەردى دە» قايتا تىرىلتەدى (ەل. ٸس. 24:15). ونىڭ سوزىندە دەنساۋلىعىمىزعا، قالتامىزعا، جاسىمىزعا قاراماستان ەحوبا ٷشىن باعالى ەكەنىمىز ايتىلادى (ەل. ٸس. 10:34، 35).
7. قۇداي قىزمەتشىلەرى ەحوبا ولاردى باعالايتىنىنا نەگە سەنىمدى؟
7 ەحوبا ٴبىزدى قۇندى سانايتىنىنا باسقا دا سەبەپتەر بار. ول ٴبىزدى وزىنە جاقىنداتىپ تارتتى جانە ىزگى حاباردى قالاي قابىلداعانىمىزدى بايقادى (جوح. 6:44). وعان جاقىنداعان سايىن، ول دا بىزگە جاقىنداي تۇسەدى (جاق. 4:8). سونداي-اق ەحوبا بىزگە ٴتالىم بەرۋ ٷشىن ۋاقىتى مەن كۇشىن ايامايدى، وسىلايشا ٴبىزدىڭ باعالى ەكەنىمىزدى كورسەتەدى. ول ٴبىزدىڭ قانداي ەكەنىمىزدى ٵرى بولاشاقتا قانداي ادام بولاتىنىمىزدى بىلەدى. ول ٴبىزدى سۇيگەندىكتەن جونگە سالادى (ناق. س. 3:11، 12). بۇلار ەحوبانىڭ ٴبىزدى باعالايتىنىنىڭ انىق دالەلدەرى ەمەس پە؟!
8. ٴزابۇر 18:27—29 تارماقتارداعى سوزدەر قيىندىقتارىمىزعا دەگەن كوزقاراسىمىزعا قالاي اسەر ەتەدى؟
8 ٴداۋىت پاتشانى كەيبىرەۋلەر تۇككە تۇرعىسىز دەپ ساناعان. ٴبىراق ول ەحوبانىڭ ونى جاقسى كورەتىنىن ٵرى قولدايتىنىن بىلگەن. وسىنى بىلگەنى وعان ٶز جاعدايىنا وڭ كوزقاراسپەن قاراۋعا كومەكتەستى (سام. 2-ج. 16:5—7). ٶزىمىزدى قاجەتسىز سەزىنگەندە نە قيىندىققا كەزىككەندە ەحوبا جاعدايىمىزعا باسقاشا قاراۋعا جانە كەز كەلگەن كەدەرگىنى جەڭۋگە كومەكتەسەدى (ٴزابۇر 18:27—29 وقىڭىز). ەحوبا قولداسا، وعان قۋانىشپەن قىزمەت ەتۋگە ەش نارسە كەدەرگى بولا المايدى (ريم. 8:31). قازىر ەحوبانىڭ ٴبىزدى جاقسى كورىپ، باعالايتىنىن ەستە ۇستاۋ قاجەت بولاتىن ٷش جاعدايدى قاراستىرايىق.
اۋرۋعا شالدىققاندا
رۋحتىڭ جەتەلەۋىمەن جازىلعان ەحوبانىڭ ٴسوزى اۋرۋدىڭ كەسىرىنەن تۋاتىن جاعىمسىز سەزىمدەرمەن كۇرەسۋگە كومەكتەسەدى (9—12 ابزاستاردى قاراڭىز)
9. اۋرۋىمىزدىڭ كەسىرىنەن ٶزىمىزدى قالاي سەزىنۋىمىز مۇمكىن؟
9 اۋرۋدىڭ كەسىرىنەن ەموسيالىق جاعىنان قاجىپ، ٶزىمىزدى ەشكىمگە كەرەكسىز سەزىنۋىمىز مۇمكىن. باسقالار ٴبىزدىڭ اۋرۋ ەكەنىمىزدى بايقاعاندا نە وزگەلەردىڭ كومەگىنە مۇقتاج بولعاندا، ىڭعايسىزداناتىن شىعارمىز. ٴتىپتى وزگەلەر ٴبىزدىڭ اۋرۋ ەكەنىمىزدى بىلمەسە دە، بۇرىن ىستەپ جۇرگەن ىستەرىمىزدى ىستەي الماي قالعانىمىزعا قىسىلۋىمىز مۇمكىن. وسىنداي قيىن شاقتاردا ەحوبا بىزگە جىگەر بەرەدى. قالاي؟
10. ناقىل سوزدەر 12:25 كە ساي، دەرتكە شالدىققاندا بىزگە نە كومەكتەسەدى؟
10 اۋىرعاندا «جاقسى سوزدەر» ەڭسەمىزدى كوتەرەدى (ناقىل سوزدەر 12:25 وقىڭىز). كيەلى كىتاپتا ناۋقاس بولساق تا، ەحوبا ٷشىن باعالى ەكەنىمىزدى ەسىمىزگە سالاتىن سوزدەر جازىلعان (ٴزاب. 31:19؛ 41:3). ەگەر رۋحتىڭ جەتەلەۋىمەن جازىلعان سول سوزدەردى وقىساق، ٴتىپتى قايتا-قايتا وقىساق، ەحوبا دەرتىمىزدىڭ كەسىرىنەن تۋىندايتىن جامان سەزىمدەرىمىزبەن كۇرەسۋگە كومەكتەسەدى.
11. ٴبىر ەر باۋىرلاس ەحوبانىڭ كومەگىن قالاي كوردى؟
11 حورحە ەسىمدى جاس جىگىتتىڭ جاعدايىن قاراستىرايىق. ول تەز ۋشىعىپ كەتەتىن دەرتكە شالدىعادى. سونىڭ كەسىرىنەن ول ٶزىن تۇككە تۇرعىسىز سەزىنەدى. «اۋرۋىمنىڭ جانىما قاتتى باتاتىنىنا دايىن بولمادىم. ادامدار مەنىڭ ناۋقاس ەكەنىمدى كورگەندە، سونداي قاتتى ۇيالامىن دەپ ويلاماپپىن. اۋرۋىم اسقىنعان سايىن، ٶمىرىم ەندى نە بولادى دەپ ۋايىمدادىم. جىگەرىم ابدەن قۇم بولىپ، ەحوبادان كومەك بەرۋىن جالبارىنا سۇرادىم»،— دەيدى حورحە. ەحوبا ونى قالاي دەمەدى؟ ول بىلاي دەيدى: «ويىمدى جيناقتاۋ قيىن بولعاندىقتان، كيەلى كىتاپتان بىرنەشە تارماق قانا وقيتىنمىن. مەن ەحوبانىڭ ٶز قىزمەتشىلەرىنىڭ قامىن ويلايتىنى تۋرالى جازىلعان ٴزابۇر جىرلارىنداعى تارماقتاردى وقىدىم. كۇن سايىن سول تارماقتاردى قايتالاپ وقىپ، ولاردى كوڭىلىمە قۋات ەتتىم. كىشكەنە ۋاقىتتان كەيىن وزگەلەر مەنىڭ كوبىرەك كۇلە باستاعانىمدى بايقاپتى. ٴتىپتى مەنىڭ وڭ كوزقاراس تانىتقانىم ولارعا جىگەر بەرگەن ەكەن. سوندا ەحوبا دۇعالارىما جاۋاپ بەرگەنىنە كوزىم جەتتى! ول ٶز-وزىمە دەگەن كوزقاراسىمدى وزگەرتۋگە كومەكتەستى. مەن نازارىمدى ونىڭ سوزىنە اۋدارا باستادىم. وندا ەحوبانىڭ ناۋقاس ەكەنىمە قاراماستان ماعان قالاي قارايتىنى جازىلعان».
12. اۋرۋعا شالدىققاندا ەحوبانىڭ قولداۋىن سەزىنۋ ٷشىن نە ىستەي الاسىز؟
12 قانداي دا ٴبىر دەرت جانىڭىزعا باتىپ جۇرسە، ەحوبا ٴسىزدىڭ قانداي كۇي كەشىپ جۇرگەنىڭىزدى بىلەتىنىنە سەنىمدى بولىڭىز. ٶز جاعدايىڭىزعا دۇرىس قاراۋعا كومەكتەسۋىن سۇراپ، وعان جالبارىنىڭىز. سودان كەيىن كيەلى كىتاپقا جازدىرعان ەحوبانىڭ جانعا جىلۋ بەرەر سوزدەرىن ىزدەپ تابىڭىز. ەحوبانىڭ ٶز قىزمەتشىلەرىن اسا باعالايتىنىن كورسەتەتىن تارماقتارعا دەن قويىڭىز. سوندا ەحوبا بارلىق ادال قىزمەتشىلەرىنە وتە مەيىرىمدى ەكەنىنە كوزىڭىز جەتەدى (ٴزاب. 84:11).
ەكونوميكالىق قيىندىقتار كورگەندە
ەحوبانىڭ «قامىڭدى ويلايمىن» دەگەن ۋادەسىن ەستە ۇستاعانىمىز جۇمىسسىز قالعاندا دەمەۋ بولادى (13—15 ابزاستاردى قاراڭىز)
13. وتاعاسى جۇمىسىنان ايىرىلىپ قالسا، ٶزىن قالاي سەزىنۋى مۇمكىن؟
13 ٵربىر وتاعاسى ٶز وتباسىنىڭ قاجەتتىلىگىن قامتاماسىز ەتكىسى كەلەدى. الايدا مىنا جاعدايدى ەلەستەتىپ كورەيىك. ٴبىر ەر باۋىرلاس ەش كىناسى بولماسا دا جۇمىسىنان بوساتىلادى. ٴسۇيتىپ، قانشا تىرىسسا دا باسقا جۇمىس تابا المايدى. سونداي كەزدە ول ٶزىن پايداسىز سەزىنەتىن شىعار. وسىندايدا وعان ەحوبانىڭ ۋادەلەرىنە كوز تىككەنى قالاي كومەكتەسەدى؟
14. ەحوبانىڭ ٶز سوزىندە تۇراتىنىنا قانداي سەبەپتەر بار؟
14 ەحوبا ٵردايىم سوزىندە تۇرادى (ەشۋا 21:45؛ 23:14). ونىڭ بۇلاي ەتۋىنىڭ بىرنەشە سەبەبى بار. ٴبىر سەبەبى — بۇل ونىڭ ەسىمىنە نە ابىرويىنا اسەر ەتەدى. ەحوبا ادال قىزمەتشىلەرىنىڭ قامىن ويلايمىن دەپ ۋادە ەتكەن جانە ول وسى سوزىندە تۇرۋدى وزىنە مىندەت سانايدى (ٴزاب. 31:1—3). بۇعان قوسا، ەحوبا ٶز وتباسىنا جاتاتىنداردىڭ قامىن ويلاماسا، ولاردىڭ كوڭىلدەرى تۇسەتىنىن بىلەدى. ول بىزگە رۋحاني جانە تاندىك جاعىنان قاجەتىمىزدى بەرۋدى ۋادە ەتەدى. وعان بۇل ۋادەسىن ورىنداۋعا ەش نارسە كەدەرگى بولا المايدى! (مات. 6:30—33؛ 24:45).
15. ا) ٴبىرىنشى عاسىرداعى ماسىحشىلەر قانداي قيىندىققا كەزىكتى؟ ٵ) ٴزابۇر 37:18، 19 داعى سوزدەر بىزگە قانداي سەنىمدىلىك بەرەدى؟
15 ەحوبانىڭ نە ٷشىن ٶز سوزىندە تۇراتىنىن ەستە ۇستاساق، قارجىلاي قيىندىقتارعا كەزىككەندە دە ونىڭ بىزگە كومەكتەسەتىنىنە سەنىمدى بولامىز. ٴبىرىنشى عاسىرداعى ماسىحشىلەردىڭ مىسالىنا دەن قويايىق. يەرۋساليمدەگى قاۋىمدار قاتتى قۋعىنعا ۇشىراعاندا، «ەلشىلەردەن باسقاسىنىڭ ٴبارى... بىتىراپ كەتتى» (ەل. ٸس. 8:1). بۇل دەگەنىمىز — ولاردا ەكونوميكالىق قيىندىق بولدى دەگەن ٴسوز. سول كەزدە ماسىحشىلەر باسپانالارىنان، جۇمىستارى مەن كاسىپتەرىنەن ايىرىلعانعا ۇقسايدى. دەسە دە ەحوبا ولاردى تاستاعان جوق، ٵرى ولار دا قۋانىشتارىن جوعالتپادى (ەل. ٸس. 8:4؛ ەۆر. 13:5، 6؛ جاق. 1:2، 3). ەحوبا سول ادال ماسىحشىلەردى قولداعانى سياقتى، ٴبىزدى دە قولدايدى (ٴزابۇر 37:18، 19 وقىڭىز).
كارىلىك تۇساۋ سالعاندا
جاسىمىز ۇلعايسا دا، قولىمىزدان كەلەتىن ىستەرگە نازار اۋدارعانىمىز ەحوبانىڭ ٴبىزدى جانە ادال قىزمەتىمىزدى باعالايتىنىنا كوزىمىزدى جەتكىزەدى (16—18 ابزاستاردى قاراڭىز)
16. قاي كەزدە ەحوبا ٴبىزدىڭ قىزمەتىمىزدى باعالامايدى دەپ ويلاۋىمىز مۇمكىن؟
16 جاسىمىز ۇلعايعان سايىن، ەحوباعا وتە از بەرىپ جاتقانداي سەزىنۋىمىز مۇمكىن. ٴداۋىت پاتشا دا قارتايعاندا وسىنداي كۇي كەشكەن بولار (ٴزاب. 71:9). مۇندايدا ەحوبا بىزگە قالاي كومەكتەسەدى؟
17. دجەري باۋىرلاستىڭ مىسالىنان نە ۇيرەنەمىز؟
17 دجەري ەسىمدى باۋىرلاستىڭ مىسالىن قاراستىرايىق. ول پاتشالىق سارايىندا وتەتىن عيماراتتاردى كۇتىپ ۇستاۋدى ۇيرەتەتىن ٴبىر باعدارلاماعا قاتىسۋعا شاقىرىلادى. سوندا دجەري باۋىرلاس: «مەن كارى اداممىن، جەسىرمىن، قولىمنان تۇك تە كەلمەيدى، ەش پايدام جوق»،— دەپ ويلاپتى. پاتشالىق سارايىنا بارۋدان ٴبىر كۇن بۇرىن ول ەحوباعا كوڭىلىندەگىسىن اقتارىپ دۇعا ەتىپتى. ەرتەسىنە سول جەرگە بارعاندا، ول ٵلى دە «بەكەر كەلدىم بە» دەپ ويلاپ تۇرادى. باعدارلاما بارىسىندا جۇرگىزۋشىلەردىڭ ٴبىرى ٴبىزدىڭ ەڭ كەرەمەت قابىلەتىمىز — ەحوبادان ۇيرەنۋگە دەگەن ىقىلاسىمىز ەكەنىن ەرەكشە ايتىپ وتەدى. سول كەزدە دجەري باۋىرلاسىمىز «مەندە مۇنداي قابىلەت بار عوي» دەپ ويلاپتى. ول بىلاي دەيدى: «ەحوبانىڭ دۇعاما جاۋاپ بەرگەنىن تۇسىنگەندە، جىلاپ جىبەردىم. ەحوبا مەندە دە وعان بەرە الاتىن قۇندى نارسە بار ەكەنىنە سەندىردى جانە ول مەنى ۇيرەتۋگە دايىن بولدى!» سول كەزدى ەسكە الىپ دجەري باۋىرلاس تاعى بىلاي دەيدى: «مەن پاتشالىق سارايىنا كوڭىلىم ٴتۇسىپ، ۋايىمداپ، ٶزىمدى ەش پايداسىز سەزىنىپ بارىپ ەدىم. ٴبىراق ول جاقتان سەنىمىم ٶسىپ، جىگەرىم تاسىپ، ٶزىمدى باعالى سەزىنىپ قايتتىم!»
18. قارتايساق تا، ەحوبا ٴبىزدىڭ عيباداتىمىزدى باعالايتىنىنا نەگە سەنىمدىمىز؟
18 جاسىمىز ۇلعايسا دا، ەحوبانىڭ بىزگە تاپسىرار ٸسى بار ەكەنىنە سەنىمدى بولساق بولادى (ٴزاب. 92:12—15). يسا ايتقانداي، ىستەپ جاتقان ىستەرىمىز وزىمىزگە ماڭىزسىز بولىپ كورىنسە دە، ەحوبا ولاردى باعالايدى (لۇقا 21:2—4). سوندىقتان بار نازارىڭىزدى قولىڭىزدان كەلەتىن ىستەرگە بۇرىڭىز. مىسالى، ٴسىز ەحوبا تۋرالى ايتا الاسىز، باۋىرلاستارىڭىز ٷشىن دۇعا ەتە الاسىز جانە وزگەلەردى ادال بولىپ قالۋعا تالپىندىرا الاسىز. ەحوبا ٴسىزدىڭ نە ىستەي الاتىنىڭىزعا ەمەس، وعان مويىنسۇنۋعا دەگەن ىقىلاسىڭىزعا قاراپ، ٴسىزدى ٶزىنىڭ قىزمەتتەسى دەپ ەسەپتەيدى (قور. 1-ح. 3:5—9).
19. ريمدىكتەرگە 8:38، 39 دا بىزگە سەنىمدىلىك بەرەتىن قانداي سوزدەر جازىلعان؟
19 قىزمەتشىلەرىن شىنىمەن باعالايتىن قۇدايىمىز ەحوباعا عيبادات ەتۋگە دان ريزامىز! ول ٴبىزدى ٶز ەركىن ورىنداۋىمىز ٷشىن جاراتتى، ال شىنايى عيبادات ٶمىرىمىزدىڭ ٴسانىن كەلتىرەدى (ايان 4:11). سونىمەن، وسى دۇنيە ٴبىزدى تۇككە تۇرعىسىز ساناسا دا، ەحوبا ٴبىز ٷشىن ۇيالمايدى (ەۆر. 11:16، 38). اۋىر دەرتتىڭ، ەكونوميكالىق قيىندىقتىڭ نە كارىلىكتىڭ كەسىرىنەن ٶزىمىزدى پايداسىز سەزىنسەك، كوكتەگى اكەمىزدىڭ سۇيىسپەنشىلىگىنەن ٴبىزدى ەشتەڭە ايىرا المايتىنىن ەستە ۇستايىق (ريمدىكتەرگە 8:38، 39 وقىڭىز).
^ 5-ابزاس ٶزىڭىزدى تۇككە تۇرعىسىز، كەرەكسىز سەزىنگەن كەزىڭىز بولعان با؟ بۇل ماقالا ەحوبانىڭ ٴسىزدى قانشالىقتى جوعارى باعالايتىنىن ەسىڭىزگە سالادى، ٵرى ومىرىڭىزدە قانداي جاعداي بولسا دا، وزىڭىزگە دەگەن قۇرمەتىڭىزدى جوعالتپاۋعا كومەكتەسەدى.
30-ٵن ەحوبا، قۇدايىمسىڭ، ادال دوسىم
