كەيبىر باۋىرلاستارىمىز تۋىستارىمەن جانە باۋىرلاستارمەن بايلانىستا بولۋ ٷشىن حات الماسۋعا ارنالعان قوسىمشالاردى (‏مەسسەندجەرلەردى)‏ قولدانادى.‏ ٴ‌بىراق بۇنداي قوسىمشالاردى قولدانعاندا،‏ تولىسقان ماسىحشىلەر مىنا ٴ‌بىر ٴ‌پرينسيپتى ەستە ۇستايدى:‏ «پاراساتتى قاتەردى كورىپ،‏ باس ساۋعالار،‏ اڭعال تىكە ٴ‌جۇرىپ،‏ جاپا شەگەر» (‏ناق.‏ س.‏ 27:‏12‏)‏.‏

ەحوبا ٴ‌بىزدى جاماندىقتان جان-‏جاقتى قورعاعىسى كەلەدى.‏ سوندىقتان ٴ‌بىز ارامىزعا ىرىتكى سالاتىندارمەن،‏ قاۋىمنان شىعارىلعاندارمەن جانە بۇرىس ىلىمدەردى ناسيحاتتايتىندارمەن ارالاسپايمىز (‏ريم.‏ 16:‏17؛‏ قور.‏ 1-‏ح.‏ 5:‏11؛‏ جوح.‏ 2-‏ح.‏ 10،‏ 11‏)‏.‏ قاۋىمدا دا قۇداي زاڭىن ۇستانعىسى كەلمەيتىن ادامدار كەزدەسۋى مۇمكىن (‏ٴ‌تىم.‏ 2-‏ح.‏ 2:‏20،‏ 21‏)‏.‏ كىممەن دوستاساتىنىمىزدى شەشكەندە،‏ ٴ‌بىز وسىنى ەسكەرۋىمىز كەرەك.‏ ال ەلەكتروندى حابارلاما ارقىلى ارالاسقان كەزدە دۇرىس ورتانى تاڭداۋ قيىن.‏

كوپ ادامنان تۇراتىن ۇلكەن چاتتىق توپتارعا كەلگەندە اسىرەسە اباي بولۋىمىز كەرەك.‏ كەيبىر باۋىرلاستار وسىنداي توپتارعا قوسىلامىن دەپ،‏ بارماق تىستەپ قالعان.‏ جۇزدەگەن نە ٴ‌تىپتى مىڭداعان ادامنان تۇراتىن توپتارعا قوسىلۋدان نە ٷشىن ساق بولۋىمىز كەرەك؟‏ ويتكەنى سونشاما ادامنىڭ ىشىندە كىمنىڭ كىم ەكەنىن،‏ رۋحاني كۇيىنىڭ قانداي ەكەنىن ٴ‌بىلىپ-‏بولجاۋ مۇمكىن ەمەس.‏ ٴ‌زابۇر 26:‏4 تە‏:‏ «وتىرىكشىلەرمەن ارالاسپايمىن،‏ ەكىجۇزدىلەردەن دە ٶزىمدى اۋلاق ۇستايمىن»،‏—‏ دەلىنگەن.‏ وسى ٴ‌پرينسيپتىڭ استارىندا تەك ٶزىمىز جاقسى تانيتىن ادامدارمەن حابارلاما الماسۋىمىز كەرەك دەگەن وي دا جاتىر.‏

ٴ‌تىپتى كىشىگىرىم توپتاردا دا قانشا ۋاقىت وتىراتىنىمىزعا جانە اڭگىمە جەلىسىنە ٴ‌مان بەرۋىمىز كەرەك.‏ وسىنداي چاتتاردا ٵربىر حابارلاماعا جاۋاپ بەرۋىم كەرەك نەمەسە سوڭىنا دەيىن وتىرۋىم كەرەك دەپ ويلاماڭىز.‏ پاۋىل كەيبىرەۋلەردىڭ «وسەك تاسىپ،‏ وزگەنىڭ ىسىنە ارالاساتىنىن» ايتقان (‏ٴ‌تىم.‏ 1-‏ح.‏ 5:‏13‏)‏.‏ بۇل چاتتاردا اڭگىمەلەسكەندە دە ورىن الۋى عاجاپ ەمەس.‏

ەگەر بىرەۋ وزگە باۋىرلاستى سىناپ-‏مىنەسە نە ول جايلى قۇپيا مالىمەتتى ايتسا،‏ تولىسقان ٴ‌ماسىحشى ونى تىڭدامايدى،‏ ٶزى دە بۇنداي اڭگىمە ايتپايدى (‏ٴ‌زاب.‏ 15:‏3؛‏ ناق.‏ س.‏ 20:‏19‏)‏.‏ ول ەلەڭ ەتكىزىپ،‏ جاعا ۇستاتار اڭگىمەلەردەن دە،‏ راس-‏وتىرىگى بەلگىسىز مالىمەتتەردەن دە اۋلاق جۇرەدى (‏ەفەس.‏ 4:‏25‏)‏.‏ ال ٴ‌بىزدىڭ jw.org تور بەكەتىمىز بەن اي سايىن شىعاتىن ^®JW Broadcasting باعدارلاماسىندا رۋحاني بايىتاتىن،‏ سەنىم ارتۋعا تۇراتىن مالىمەتتەر اعىل-‏تەگىل.‏

كەيبىر باۋىرلاستار ەلەكتروندى حات الماسۋعا ارنالعان مەسسەندجەرلەردى قانداي دا ٴ‌بىر ٶنىمدى جارنامالاۋ ٷشىن،‏ الىپ-‏ساتۋ ٷشىن نە جۇمىس ۇسىنۋ ٷشىن پايدالانادى.‏ بۇلار رۋحاني ىستەرگە قاتىسى جوق ىسكەرلىك ماسەلەلەر.‏ اقشاقۇمارلىقتان قاشىق بولعىسى كەلەتىن ٴ‌ماسىحشى ەشقاشان تابىس كورۋ ماقساتىندا باۋىرلاستارىن پايدالانبايدى (‏ەۆر.‏ 13:‏5‏)‏.‏

كومەككە مۇقتاج نە تابيعي اپاتتان زارداپ شەككەن باۋىرلاستارعا اقشا جيناۋ ماقساتىندا مەسسەندجەرلەردى قولدانۋعا بولا ما؟‏ ارينە،‏ باۋىرلاستارىمىزدى جاقسى كورگەندىكتەن،‏ ولاردىڭ جاعدايىن ٴ‌بىلىپ،‏ كومەكتەسكىمىز كەلەدى (‏جاق.‏ 2:‏15،‏ 16‏)‏.‏ ٴ‌بىراق سول ٷشىن كوپ ادامدى جيناپ چات اشاتىن بولساق،‏ جەرگىلىكتى فيليالدىڭ نە قاۋىمنىڭ جاقسىلاپ ۇيىمداستىرعان كومەكتەسۋ شارالارىنا كەدەرگى بولۋىمىز مۇمكىن (‏ٴ‌تىم.‏ 1-‏ح.‏ 5:‏3،‏ 4،‏ 9،‏ 10،‏ 16‏)‏.‏ ونىڭ ۇستىنە،‏ ەشقايسىسىمىز دا باسقالاردىڭ الدىندا قۇدايدىڭ وتارىن قامقورلاۋ ٷشىن ارنايى تاعايىندالعان ادامداي كورىنىپ قالعىمىز كەلمەس ەدى.‏

ەندەشە،‏ حات الماسۋعا ارنالعان قوسىمشالاردى نە جالپى ەلەكتروندى قۇرىلعىلاردى قولدانعاندا،‏ ولاردىڭ قاۋپىن ەسكەرىپ،‏ اباي بولايىق.‏ وسىلايشا ٴ‌بىز ٵربىر ىسىمىزبەن قۇدايدى دارىپتەيمىز (‏قور.‏ 1-‏ح.‏ 10:‏31‏)‏.‏