ٶمىربايان
ەحوبانىڭ حالقى زور سەنىمىمەن تامساندىردى
بۇرىندا ٴبىر دوسىممەن ايتقان اڭگىمە ٵلى كۇنگە دەيىن ەسىمنەن كەتەر ەمەس. بۇل 50 جىلداي ۋاقىت بۇرىن كەنيادا وتتىڭ باسىندا وتىرىپ ايتىلعان اڭگىمە بولاتىن. ٴبىز بىرنەشە اي ساياحاتتاپ، كۇنگە ابدەن كۇيىپ كەتكەن ەدىك. دوسىم ەكەۋمىز ٴدىن تاقىرىبىن قوزعايتىن ٴبىر ٴفيلمدى تالقىلاپ وتىردىق. سول كەزدە ول: «فيلمدە كيەلى كىتاپتى بۇرمالاپ كورسەتكەن ەكەن»،— دەدى.
سول كەزدە مەن مىرس ەتىپ: «قويشى تەگى، سەن كيەلى كىتاپ جايلى نە بىلەسىڭ ٶزى؟!»— دەپ كۇلىپ جىبەردىم، ويتكەنى ول ماعان دىنگە جاقىن بولىپ كورىنبەيتىن. ول ۇندەمەدى. ٴبىراق سالدەن سوڭ اناسىنىڭ كۋاگەر بولعانىن، كەيبىر نارسەلەردى سودان ەستىگەنىن ايتىپ بەردى. ٴسۇيتىپ، مەن قىزىعىپ كەتتىم دە: «تاعى دا ايتىپ بەرشى»،— دەدىم.
ٴبىزدىڭ اڭگىمەمىز ٴتۇننىڭ ٴبىر ۋاعىنا دەيىن جالعاستى. دوسىم: «كيەلى كىتاپتا بۇل دۇنيەنى شايتان بيلەپ وتىرعانى جازىلعان»،— دەدى (جوح. 14:30). ٴسىز بۇل شىندىقتى باياعىدان-اق بىلەتىن شىعارسىز، ال مەن ٷشىن ول ەشقاشان ەستىمەگەن جاڭا دا قىزىقتى نارسە بولدى. ويتكەنى الەمدى مەيىرىمدى جاراتۋشى بيلەپ وتىر دەگەندى عانا ەستىپ وسكەن بولاتىنمىن. ٴبىراق مەن ٷشىن بۇل قيىسپايتىنداي كورىنەتىن. سەبەبى جاسىم نەبارى 26 دا بولسا دا، ٶمىردىڭ قانشالىقتى ازاپقا تولى ەكەنىن كورىپ ۇلگەرگەن ەدىم.
اكەم اقش-تىڭ اۋە كۇشتەرىنىڭ ۇشقىشى بولىپ قىزمەت ەتتى. سودان بولسا كەرەك، كەز كەلگەن ساتتە يادرولىق سوعىس باستالىپ كەتۋى مۇمكىن ەكەنىن مەن جاقسى ٴتۇسىندىم. كاليفورنياداعى كوللەدجدە وقىپ جۇرگەن كەزىمدە ۆەتنامدا سوعىس ٴجۇرىپ جاتتى. مەن ستۋدەنتتەرگە قوسىلىپ، ەرەۋىلدەرگە شىعىپ ٴجۇردىم. ساقشىلار قىزمەتكەرلەرى دۋبينكالارىمەن قۋالاپ، جاساۋراتاتىن گاز شاشاتىن. ٴبىز تۇنشىعىپ، كوزىمىز اشىپ قاشاتىنبىز. ەلدە بۇلىك قاپتاپ، دۇربەلەڭ كەز بوپ جاتتى. بيلىك وكىلدەرىن ٶلتىرىپ كەتىپ جاتتى، جۇرت كوتەرىلىسكە شىعىپ، حاوس ورىن الدى. اركىم ٵر جاققا تارتىپ، ەلدە بىرلىك بولمادى.
لوندوننان ورتالىق افريكاعا تاپ بولدىم
1970-جىلى الياسكانىڭ سولتۇستىك جاعالاۋىندا جۇمىس ىستەپ، كوپ اقشا جيناپ الدىم. سودان لوندونعا بارىپ، موتوسيكل ساتىپ الدىم دا، وڭتۇستىككە قاراي ويلانباي ايداي بەردىم. بىرنەشە ايدان كەيىن افريكادان ٴبىر-اق شىقتىم. جول-جونەكەي ٶزىم سياقتى ٶمىردىڭ تاۋقىمەتىنەن ابدەن شارشاپ، بوستاندىق ىزدەگەن ادامداردى كەزدەستىردىم.
سودان، كورگەنىم بار، ەستىگەنىم بار، شىنىمەن دە كيەلى كىتاپتا ايتىلعانداي، «وسى دۇنيەنى زۇلىم ٴبىر رۋح بيلەپ وتىر» دەگەنمەن كەلىسە باستادىم. ٴبىراق «قۇداي بار ەمەس پە؟! ول قايدا قاراپ وتىر؟» دەگەن وي ماعان مازا بەرمەدى.
بىرنەشە ايدان كەيىن وسى سۇراعىما جاۋاپ تاپتىم. ۋاقىت وتە جالعىز شىنايى قۇدايعا ٴتۇرلى جاعدايدا ادالدىق ساقتاپ جۇرگەن كوپ اداممەن تانىسىپ، ولارمەن دوس بولىپ كەتتىم.
«بومبا مەن وقتىڭ مەكەنى»
لوندونعا قايتىپ بارعانىمدا دوسىمنىڭ اناسىمەن كەزدەستىم، ول ماعان كيەلى كىتاپ سيلادى. كەيىن نيدەرلاندىنىڭ امستەردام قالاسىندا بولعاندا كوشەدە جارىقتىڭ استىندا كيەلى كىتاپتى وقىپ وتىردىم. سول كەزدە مەنى ٴبىر كۋاگەر بايقاپ، ماعان تولىعىراق مالىمەت بەردى. كەيىن يرلانديانىڭ دۋبلين قالاسىنا بارعان كەزىمدە ەحوبا كۋاگەرلەرىنىڭ فيليالىن تاۋىپ الدىم. ەسىكتى قاعىپ كىرگەنىمدە، الدىمنان ٴبىر ەر باۋىرلاس شىقتى. بۇل ارتۋر مەتتيۋز دەگەن وتە اقىلدى ٵرى تاجىريبەلى باۋىرلاس بولاتىن. مەن كيەلى كىتاپتى زەرتتەگىم كەلەتىنىن ايتىپ ەدىم، ول ٶزىنىڭ كومەگىن قۋانا ۇسىندى.
مەن ىنتى-شىنتىممەن زەرتتەپ، كۋاگەرلەردىڭ توم-توم كىتاپتارىن قۇمارلانا وقي باستادىم. ارينە، كيەلى كىتاپتىڭ ٶزىن دە وقىدىم. وقىعاندا، قىزىعىنا باتىپ كەتەتىنمىن! قاۋىم كەزدەسۋلەرىندە قاراپ وتىرسام، ٴتىپتى ٴبىلىمدى ادامداردىڭ ٶزى تالاي عاسىر بويى باس قاتىرىپ جۇرگەن سۇراقتاردىڭ جاۋابىن مۇندا كىشكەنتاي بالاعا دەيىن بىلەدى ەكەن. نەگە جاماندىق كوپ ەكەنىن، قۇداي قانداي ەكەنىن جانە ولگەن سوڭ نە بولاتىنىن ولار دا ايتىپ بەرە الاتىن. مەن تەك كۋاگەرلەرمەن ارالاسىپ ٴجۇردىم، ول ەلدە ەشكىمدى تانىماعاندىقتان دا سولاي بولعان شىعار. كۋاگەرلەر ماعان ەحوبانى ٴسۇيۋدى ۇيرەتتى جانە ونىڭ ەركىن ورىنداۋعا دەگەن قالاۋىمدى وياتتى.
نيگەل، دەنيس جانە مەن
1972-جىلى شومىلدىرۋ راسىمىنەن ٶتتىم. ٴبىر جىلدان كەيىن ىزاشارلىق قىزمەتتى باستاپ، سولتۇستىك يرلانديانىڭ نيۋري قالاسىنداعى كىشكەنتاي قاۋىمدا قىزمەت ەتەتىن بولدىم. تاۋدىڭ بوكتەرىندە جالعىز تۇرعان، تاستان سوعىلعان ٴبىر ٷيدى جالداپ تۇردىم. ٷيدىڭ قاسىنداعى تاناپتا سيىرلار جۇرەتىن، ولاردىڭ الدىندا باياندامامدى ايتىپ جاتتىعاتىنمىن. ولار كۇيىس قايتارىپ قويىپ، مەنى مۇقيات تىڭدايتىن. سيىرلار مەنى تۇزەتىپ، كەڭەس بەرە الماسا دا، سولاردىڭ ارقاسىندا تىڭدارماندارعا قاراپ سويلەۋدى ۇيرەندىم. ال 1974-جىلى ارنايى ٸزاشار بولىپ تاعايىندالىپ، نيگەل پيتت دەگەن باۋىرلاسقا سەرىك بولدىم. ەكەۋمىز ومىرلىك دوس بولىپ كەتتىك.
سول ۋاقىتتارى سولتۇستىك يرلانديادا قىلمىس پەن قاتىگەزدىك ٶرشىپ تۇردى. ٴتىپتى ول «بومبا مەن وقتىڭ مەكەنى» دەگەن اتپەن تانىلا باستادى. بىرەۋدى تۇتقيىلدان اتىپ كەتۋ، كولىكتەردى جارىپ كەتۋ دەگەن كادىمگى نارسە بوپ كەتتى، كوشەلەر اتىس-قاقتىعىسقا تولدى. ساياسي دا، ٴدىني دە پروبلەمالار شيەلەنىسىپ كەتتى. الايدا پروتەستانتتار جاعى دا، كاتوليكتەر جاعى دا كۋاگەرلەردىڭ بەيتاراپ حالىق
ەكەنىن تۇسىنگەندىكتەن، ٴبىز ەمىن-ەركىن ٵرى قاۋىپسىز تۇردە ۋاعىزداي بەردىك. ٷي يەلەرى قاي جەردە، قاشان قاۋىپتى ەكەنىن جاقسى بىلەتىن. سوندىقتان قىزمەتتە ٴبىزدى ەسكەرتىپ، ساقتاندىرىپ قوياتىن.ٴبىراق ٶمىرىمىز قىل ۇستىندە تۇرعان جاعدايلار دا بولدى. ٴبىر كۇنى دەنيس كارريگان دەگەن ىزاشارمەن ٴبىر قالادا ۋاعىزداپ جۇردىك. بۇل قالادا باسقا كۋاگەرلەر جوق ەدى، ٵرى ٶزىمىز دە ول جەرگە ەكىنشى رەت قانا كەلىپ تۇرعان ەدىك. ٴبىز يرلاندشا اكسەنتپەن سويلەمەگەندىكتەن بە، ٴبىر ايەل ٴبىزدى بريتانيانىڭ تىڭشىلارى دەپ ايىپتاپ شىعا كەلدى. سوندا بويىمىز ٴدىر ەتە قالدى. ويتكەنى سول ۋاقىتتارى بريتان سولداتتارىنا جاي كۇلىپ قاراعانىڭنىڭ وزىنە-اق سەنى ٶلتىرىپ يا تىزەڭنەن اتىپ كەتەتىن. ٴبىز ەكەۋمىز دالادا توڭىپ، دىردەكتەپ، اۆتوبۋس كۇتىپ تۇرعان كەزدە الگى ايەل وتىرعان كافەگە ٴبىر كولىك كەلىپ توقتادى. ايەل كافەدەن شىقتى دا، كولىكتەگى ەكى ەر ادامعا ٴبىزدى شۇقىپ كورسەتىپ، ٴبىر نارسەنى ايتىپ جاتتى. سوسىن كولىك اقىرىنداپ قاسىمىزعا كەلدى دە، ىشىندەگى ەر كىسىلەر اۆتوبۋستىڭ كەستەسى جايلى بىزگە ٴبىر-ەكى سۇراق قويدى. ال اۆتوبۋس كەلگەن سوڭ، ولار اۆتوبۋستىڭ جۇرگىزۋشىسىمەن سويلەستى. ولار نە ايتىپ جاتقانى بىزگە انىق ەستىلمەدى. اۆتوبۋستىڭ ىشىندە بىزدەن باسقا ەشكىم بولماعاندىقتان، مىنالار ٴبىزدى قالانىڭ سىرتىنا اكەتىپ، كوزىمىزدى قۇرتپاقشى عوي دەپ ويلادىق. ٴبىراق بىزبەن جامان ەشتەڭە بولمادى. اۆتوبۋستان ٴتۇسىپ بارا جاتقاندا جۇرگىزۋشىگە: «الگى كىسىلەر ٴبىز جايىندا نە سۇرادى؟»— دەدىم. «مەن سەندەردى جاقسى بىلەتىنىمدى ايتتىم. ەندى قورىقپاي، ەركىن جۇرە بەرىڭدەر»،— دەدى ول.
1977-جىلدىڭ ناۋرىز ايىندا ۇيلەندىك
1976-جىلى دۋبليندە وتكەن وبلىستىق كونگرەستە a انگليادان كەلگەن پاۋلين لوماكس دەگەن ٴبىر ارنايى ٸزاشار قىزبەن تانىستىم. ول وتە رۋحاني، كىشىپەيىل ٵرى سۇيكىمدى باۋىرلاس بولاتىن. ٸنىسى رەي ەكەۋى شىندىقتا تۋىپ وسكەن ەكەن. سودان ٴبىر جىلدان كەيىن پاۋلين ەكەۋمىز ۇيلەنىپ، سولتۇستىك يرلانديانىڭ بالليمەنا قالاسىندا ارنايى ىزاشارلىق قىزمەتىمىزدى جالعاستىردىق.
ٴبىز ٴبىراز ۋاقىت بەلفاست، لوندوندەرري مەن باسقا دا قاۋىپتى ايماقتاردا اۋداندىق قىزمەتتە ٴجۇرىپ، باۋىرلاستارىمىزعا قىزمەت ەتتىك. باۋىرلاستاردىڭ ەحوباعا قىزمەت ەتۋ ٷشىن قاندارىنا ٴسىڭىپ كەتكەن ٴدىني نانىم-سەنىمدەردەن، الالاۋشىلىق پەن جەككورۋشىلىكتەن قالاي ارىلعاندارىن كورىپ، سەنىمدەرىنە قايران قالدىق. ەحوبا ولارعا باتاسىن توگىپ، قاناتىمەن قالقالاپ ٴجۇردى.
مەن يرلانديادا ون جىل تۇردىم. كەيىن 1981-جىلى ٴبىزدى عالاقات مەكتەبىنىڭ 72-سىنىبىنا شاقىردى. مەكتەپتى بىتىرگەن سوڭ، باتىس افريكاداعى سەررا-لەونە ەلىنە تاعايىندالدىق.
سەررا-لەونەدەگى كەدەي بولسا دا، سەنىمى مىقتى باۋىرلاستار
ٴبىز ميسسيونەرلەر ۇيىندە 11 باۋىرلاس بوپ تۇردىق، ولار تاماشا ادامدار ەدى. ۇيدە بارىمىزگە ٴبىر اس ٷي، ٷش دارەتحانا، ەكى جۋىناتىن بولمە، ٴبىر تەلەفون، ٴبىر كىر جۋعىش ماشينا جانە ٴبىر كەپتىرگىش ماشينا بولدى. جارىق دەگەن ٴجيى ويلاماعان جەردەن ٶشىپ قالاتىن. شاتىرىمىزعا ەگەۋقۇيرىقتار، ال جەرتولەمىزگە كوبرالار كىرىپ كەتە بەرەتىن. تۇرمىستىق جاعدايىمىز اناۋ ايتقانداي كەرەمەت بولماسا دا، قىزمەتتەن كوپ قۋانىش الاتىنبىز.
گۆينەياداعى ايماقتىق كونگرەسكە بارۋ ٷشىن وزەننەن وتتىك
ادامدار كيەلى كىتاپقا قۇرمەتپەن قاراعاندىقتان، ٴبىزدى ۇيىپ تىڭدايتىن. كوبىسى زەرتتەۋ باستاپ، شىندىققا كەلدى. ٴبىر قىزىعى، جەرگىلىكتى ادامدار مەنى «روبەرت مىرزا»، ال ايەلىمدى «روبەرت حانىم» دەپ اتايتىن. كەيىنىرەك بەتەلدە ٸسىم كوبەيىپ، ۋاعىزعا ازىراق شىعا باستاعانىمدا، ايەلىمدى «پاۋلين حانىم» دەپ اتاي باستادى دا، ال مەن «پاۋلين مىرزا» بوپ كەتتىم. پاۋلين سوعان ٴماز بولاتىن!
سەررا-لەونەدە ۋاعىزداۋ ٷشىن جولعا شىقتىق
مات. 6:33). سوعان قاتىستى ٴبىر وقيعا ايتىپ بەرەيىن. ٴبىر رەت ٴبىر ايەل باۋىرلاس بار اقشاسىن بەزگەكپەن اۋىراتىن ەر باۋىرلاستىڭ دارىسىنە بەرە سالدى. بۇل ونىڭ سول كۇنى بالا-شاعاسىنا تاماق الامىن دەپ وتىرعان سوڭعى اقشاسى ەدى. ٴبىراق سول كۇنى ول باۋىرلاسقا ويلاماعان جەردەن ٴبىر ايەل كەلىپ، شاشىن جاساتىپ، اقشا بەرىپ كەتەدى. وسىنداي تاڭعالارلىق جاعدايلار كوپ بولدى.
ول جاقتا باۋىرلاستاردىڭ كوبىسى كەدەي بولسا دا، ەحوبا ولاردىڭ قاجەتىن ۇنەمى قامتاماسىز ەتىپ وتىراتىن (نيگەريانىڭ مادەنيەتىنە ۇيرەنۋ
ٴبىز سەررا-لەونەدە توعىز جىل قىزمەت ەتتىك. كەيىن نيگەرياداعى ۇلكەن بەتەلگە تاعايىندالىپ كەتتىك. بۇل مەن ٷشىن اسا ۇلكەن وزگەرىس بولعان جوق، ويتكەنى سەررا-لەونەدە اتقارعان كەڭسەلىك جۇمىسىمدى وسى جەردە دە اتقارا بەردىم. ٴبىراق پاۋلين ٷشىن كوپ نارسە وزگەرگەندىكتەن، وعان قيىنىراق سوقتى. ول بۇرىن اي سايىن 130 ساعات ۋاعىزدايتىن، جاقسى زەرتتەۋ ساباقتارى دا بار ەدى. ال ەندى بەتەلگە تىگىن بولىمىنە تاعايىندالعاندىقتان، كۇنى بويى ۋاقىتىن كيىم جوندەۋمەن وتكىزەتىن بولدى. بۇل وزگەرىسكە ۇيرەنىسۋگە ٴبىراز ۋاقىت كەتتى، ارينە. ٴبىراق باۋىرلاستار ونىڭ ەڭبەگىن قاتتى باعالايتىنىن كورە باستادى، ٴسۇيتىپ، ٵر مۇمكىندىكتى پايدالانىپ، بەتەلدىك باۋىرلاستارىن جىگەرلەندىرۋدى ماقسات ەتتى.
نيگەريالىقتاردىڭ مادەنيەتىنە ٴبىراز ۇيرەنىسۋىمىز كەرەك بولدى. بەتەلدە بولعان ٴبىر قىزىق جاعدايدى ايتىپ بەرەيىن. ٴبىر ەر باۋىرلاس بەتەلگە ەندى كەلگەن قىز باۋىرلاسپەن تانىستىرۋ ٷشىن كەڭسەمە كىرىپ كەلدى. قىز باۋىرلاسپەن امانداسايىن دەپ قولىمدى سوزا بەرىپ ەدىم، ول باسىن جەرگە دەيىن يە كەتتى. مەن: «مىنا باۋىرلاس نە ىستەپ جاتىر؟»— دەپ شوشىپ كەتتىم. ويىما بىردەن ەكى تارماق ساپ ەتە قالدى: ەلشىلەردىڭ ىستەرى 10:25، 26 مەن ايان 19:10. وعان «بۇلاي ىستەمە دەپ ايتايىن با» دەپ ويلانىپ قالدىم. «ٴبىراق ول بەتەلگە شاقىرىلىپ وتىرعان ادام عوي، كيەلى كىتاپتى جاقسى بىلەدى ەمەس پە» دەپ تە ويلادىم.
ٵرى قاراي اڭگىمە بارىسىندا نە ايتىپ، نە قويعانىمدى بىلمەيمىن. كەيىن وسى جايىندا ٴبىراز ىزدەنىس جاسادىم. سويتسەم، بۇل نيگەريانىڭ كەيبىر جەرلەرىندە ٵلى دە ساقتالىپ كەلە جاتقان ٴبىر سالت ەكەن. ەر كىسىلەر دە وسىلاي يىلەدى ەكەن، ٵرى بۇل — تابىنۋدىڭ ەمەس، قۇرمەت كورسەتۋدىڭ بەلگىسى. جازبالاردان دا وسىعان ۇقساس جاعدايلاردى تاپتىم (سام. 1-ج. 24:8). سول كەزدە مەن بىلمەي جاتىپ باۋىرلاسىمدى تۇزەتىپ، ونى ۇيالتپاعانىما قۋانىپ كەتتىم.
نيگەريادا ەحوباعا جىلدار بويى ادالدىق ساقتاعان b. ول شىندىقتى جاس كەزىندە ەستيدى، كەيىن الاپەس اۋرۋىنا شالدىعىپ قالادى دا، الاپەستەر ۇيىنە كوشۋگە ٴماجبۇر بولادى. ول وندا جالعىز كۋاگەر بولاتىن. قاتتى قارسىلىق كورگەنىنە قاراماي، ول 30 دان استام ناۋقاس ادامعا شىندىققا كەلۋگە كومەكتەسەدى، ٴتىپتى سول جەردە ٴبىر قاۋىم اشادى.
باۋىرلاستاردى كوپتەپ كەزدەستىردىك. سولاردىڭ ٴبىرى — ايزايا اداگبوناكەنياداعى باۋىرلاستار ماعان شىدامدى بولدى
كەنياداعى كىشكەنتاي مۇيىزتۇمسىق
1996-جىلى ٴبىز كەنياداعى فيليالعا تاعايىندالدىق. بۇل كەنياعا ەكىنشى رەت كەلۋىم ەدى، ال العاش كەلگەنىم جايىندا اڭگىمەمنىڭ باسىندا ايتىپ كەتتىم. ٴبىز بەتەلدە تۇردىق. بەتەلگە كەلەتىن قوناقتاردىڭ قاتارىندا مايمىلدار دا بولدى. ولار قولدارىنا جەمىس ۇستاپ بارا جاتقان ايەل باۋىرلاستاردى تونايتىن. ٴبىر كۇنى ٴبىر ايەل باۋىرلاسىمىز بولمەسىنىڭ تەرەزەسىن اشىق قالدىرىپ كەتسە، ۇيىنە ٴبىر توبىر مايمىل كىرىپ، بولمەدەن تاپقاندارىنىڭ ٴبارىن جەپ وتىر ەكەن. ايەل باۋىرلاسىمىز ەسىكتى اشىپ قالىپ، شىڭعىرىپ قاشىپ كەتەدى. ونىڭ شىڭعىرعانىنان مايمىلدار دا شيقىلداپ، تەرەزەدەن سەكىرىپ، تىم-تىراقاي قاشادى.
پاۋلين ەكەۋمىز سۋاحيلي تىلىندەگى قاۋىمعا اۋىستىق. شامالى-اق ۋاقىت وتە مەن قاۋىمنىڭ كىتاپ زەرتتەۋ توبىن جۇرگىزۋگە تاعايىندالدىم (قازىر ول قاۋىمدا كيەلى كىتاپتى زەرتتەۋ دەپ اتالادى). ٴبىراق مەن ول كەزدە سۋاحيليشە ەكى ٴسوزدىڭ باسىن قۇراي المايتىنمىن. سوندىقتان تاراۋدى الدىن الا زەرتتەپ، سۇراقتارىن دۇرىس وقۋدى ۇيرەنەتىنمىن. ەگەر تۇسىنىكتەمە بەرىپ جاتقان باۋىرلاس ابزاستان ٴسال باسقاشا ايتا باستاسا، دىم تۇسىنبەي قاراپ تۇراتىنمىن. بۇل ٴبىر وتە ىڭعايسىز جاعداي بولاتىن! باۋىرلاستارعا جانىم اشيتىن. كەزدەسۋدى قالاي جۇرگىزگەنىمە شىداپ، كىشىپەيىلدىلىك تانىتقاندارىنا مەن ٴدان ريزامىن.
قۇراما شتاتتارداعى باۋىرلاستاردىڭ سەنىمى
كەنيادا ٴبىر جىلعا جۋىق ۋاقىت بولدىق. سوسىن، 1997-جىلى، نيۋ-يوركتىڭ برۋكلين قالاسىنداعى بەتەلگە تاعايىندالدىق. بۇل جەردە ادامداردىڭ تۇرمىستىق، الەۋمەتتىك جاعدايى وتە جاقسى بولعانمەن، وزىندىك قيىندىقتارى بولاتىن (ناق. س. 30:8، 9). ٴبىراق وسىنداي ەلدىڭ وزىندە دە باۋىرلاستار بەرىك سەنىمدەرىن پاش ەتىپ ٴجۇردى. ولار ۋاقىتتارى مەن قولدا بارلارىن بايۋ ٷشىن ەمەس، ەحوبانىڭ ۇيىمىن قولداۋ ٷشىن جۇمسايتىن.
ٴبىز سونشاما جىلدار بويى باۋىرلاستارىمىزدىڭ ٵرتۇرلى جاعدايداعى بەرىك سەنىمدەرىن كوردىك. يرلانديادا ازاماتتىق قاقتىعىسقا قاراماستان، افريكادا كەدەيلىككە جانە وقشاۋ تۇرىپ جاتقاندارىنا قاراماستان، ال اقش-تا ەلدىڭ تۇرمىس دەڭگەيى كوتەرىلىپ، وركەندەپ جاتقانىنا قاراماستان باۋىرلاستار سەنىمدەرىن ساقتاپ قالدى. قانداي جاعداي بولماسىن، ەحوبانىڭ حالقى وعان دەگەن سۇيىسپەنشىلىكتەرىن ەش سۋىتپادى. ەحوبا ولارعا كوكتەن قاراپ، ابدەن سۇيسىنگەنىندە داۋ جوق!
پاۋلين ەكەۋمىز ۋورۆيكتەگى بەتەلدە
ٴبىزدىڭ جىلدار «توقىماشىنىڭ قايىعىنان دا جىلدام زۋلادى» (ٵيۇپ 7:6). قازىر ۋورۆيكتەگى باس باسقارمادا قىزمەت ەتەمىز، ٵلى دە ٴبىر-ٴبىرىن ادال سۇيەتىن حالىقتىڭ ورتاسىندا جۇرگەنىمىزگە وتە ريزامىز. پاتشامىز يسا ٴماسىحتى بارىنشا قولداي العانىمىز بىزگە باقىت، قاناعات پەن قۋانىش سيلايدى. ول جاقىندا سانسىز كوپ ادال قىزمەتشىسىنىڭ بارىنە باتاسىن توگەدى (مات. 25:34).