ەسىڭىزدە مە؟
بيىل شىققان «كۇزەت مۇناراسى» جۋرنالدارىن مۇقيات وقىدىڭىز با؟ ولاي بولسا، كەلەسى سۇراقتارعا جاۋاپ بەرىپ كورىڭىز:
«وي-سانامىزدى جاڭارتۋعا» نە جاتادى؟ (ريم. 12:2)
بۇل ٷشىن يگى ىستەر جاساپ قانا قويۋ جەتكىلىكسىز. جان دۇنيەمىزگە ٷڭىلىپ، تەكسەرگەن سوڭ، ٶمىرىمىزدى ەحوبانىڭ نورمالارىنا قاراي مەيلىنشە تۋرالاۋىمىز قاجەت. (كم23.01، 8، 9-ب.).
الەمدەگى جاعدايلاردى باقىلاعاندا قالاي بايسالدى بولا الامىز؟
پايعامبارلىقتار قالاي ورىندالىپ جاتقانىن بىلگىمىز كەلەتىندىكتەن، الەمدەگى وقيعالار ٴبىزدى قىزىقتىرادى. ٴبىراق وزىمىزشە جورامالداپ، قاۋىمعا جىك سالۋدان اۋلاقپىز. قايتا، اڭگىمەمىزدى ەحوبانىڭ ۇيىمىنان كەلگەن مالىمەتكە عانا نەگىزدەيىك (قور. 1-ح. 1:10). (كم23.02، 16-ب.).
يسا وتكەن شومىلدىرۋ ٴراسىمى مەن ونىڭ ٸزباسارلارى وتەتىن شومىلدىرۋ ٴراسىمىنىڭ ايىرماشىلىعى نەدە؟
يسا قۇدايعا باعىشتالعان حالىقتان شىققاندىقتان، وعان ٴبىز سياقتى ەحوباعا باعىشتالۋدىڭ قاجەتى بولمادى. كەمەلدى، كۇنادان تازا بولعاندىقتان، وعان وكىنۋدىڭ دە كەرەگى بولمادى. (كم23.03، 5-ب.).
جينالىستا باسقالار دا تۇسىنىكتەمە بەرۋ ٷشىن نە ىستەسەك بولادى؟
قىسقا تۇسىنىكتەمە بەرسەك، باسقالار دا جاۋاپ بەرە الادى. تىم كوپ وي ايتپاعانىمىز دا دۇرىس. سوندا باسقالاردىڭ دا الىپ-قوسارى بولادى. (كم23.04، 23-ب.).
يشايا 35:8 دەگى «قاسيەتتى جول» نەنى بىلدىرەدى؟
باسىندا بۇل بەينەلى جول ەۆرەيلەردىڭ بابىلدان ٶز وتاندارىنا قايتاتىن جولىن بىلدىرگەن. ال ٴبىزدىڭ زامانىمىزدا شە؟ 1919-جىلعا دەيىن عاسىرلار بۇرىن، كيەلى كىتاپتى اۋدارىپ، باسىپ شىعارۋ سياقتى جول دايىنداۋ جۇمىستارى باستالدى. قۇداي حالقى «قاسيەتتى جولمەن» رۋحاني جۇماقتا كەلە جاتىر، ال تۇبىندە بۇل جول پاتشالىقتاعى باتالارعا اپارادى. (كم23.05، 15—19 ب.).
ناقىل سوزدەر 9-تاراۋدا قانداي بەينەلى ەكى ايەل جايلى ايتىلادى؟
ناقىل سوزدەر كىتابىندا «اقىماق ايەلگە» بارعاندار «كور تۇبىنە تۇسەتىنى»، ال «ناعىز دانالىقتى» بەينەلەيتىن ايەلگە بارعاندار «تۇسىنىك سيلايتىن جولعا» ٴتۇسىپ، ٶمىر سۇرەتىنى ايتىلادى (ناق. س. 9:1، 6، 13، 18). (كم23.06، 22—24 ب.).
لۇتپەن بولعان جاعدايدا قۇداي قالاي كىشىپەيىل دە يلىككىش بولدى؟
ەحوبا لۇتقا سودوم قالاسىنان قاشىپ، تاۋعا بار دەپ بۇيىرعان. ٴبىراق ول سيعوردى پانالايىنشى دەپ جالىنعاندا، قۇداي ونىڭ ٶتىنىشىن ورىندادى. (كم23.07، 21-ب.).
كۇيەۋى پورنوگرافيا كورەتىن بولسا، ايەلى نە ىستەۋ كەرەك؟
ايەلى بۇل ٷشىن ٶزىن كىنالاماعانى ٴجون. قايتا، بار ويىن قۇدايمەن قارىم-قاتىناسىنا اۋدارۋى جانە كيەلى كىتاپتاعى ەحوبادان جۇبانىش تاپقان ايەلدەردىڭ وقيعاسى جايلى وي جۇگىرتۋى قاجەت. ول كۇيەۋىنە پورنوگرافيا كورىپ قوياتىن جاعدايلاردان اۋلاق جۇرۋگە كومەكتەسسە بولادى. (كم23.08، 14—17 ب.).
وزگەلەر سەنىمىمىزدى سىنعا العاندا تەرەڭ تۇسىنىك جۇمساق جاۋاپ بەرۋگە قالاي كومەكتەسەدى؟
ادام سىن ايتقاندا نە سۇراق قويعاندا مۇنى سول ادام تۋرالى ٴبىلۋدىڭ مۇمكىندىگى دەپ قاراساق بولادى. وسىلاي ونىڭ وي-پىكىرىن نە ۋايىمىن بىلە الامىز. سونىڭ ارقاسىندا وعان جۇمساق جاۋاپ بەرە الامىز. (كم23.09، 17-ب.).
ٴماريامنىڭ قالاي كۇش العانىنان نە ۇيرەنەمىز؟
ٴماسىحتىڭ اناسى بولاتىنىن بىلگەندە ٴماريام وزگەلەردەن قولداۋ ىزدەدى. سوندا جابىرەيىل پەرىشتە مەن ەلىزابەت وعان جازبالاردان جىگەر بەردى. ٴبىز دە باۋىرلاستاردان كۇش الساق بولادى. (كم23.10، 15-ب.).
ەحوبا دۇعالارىمىزعا قالاي جاۋاپ بەرۋى مۇمكىن؟
ول دۇعامىزدى تىڭدايتىنىن ۋادە ەتكەن ٵرى دۇعامىزدى تىڭداعاندا ٶز نيەتىن ويدا ۇستايدى (ەرم. 29:12). ول بىردەي وتىنىشتەرگە ٵرتۇرلى جاۋاپ بەرۋى مۇمكىن، ٴبىراق ول ارقاشان دا ٴبىزدى قولداپ-دەمەيدى. (كم23.11، 21، 22-ب.).
نەگە پاۋىل ريمدىكتەرگە 5:2 دە ٷمىت جايلى ايتىپ قويسا دا، 4-تارماقتا «قۇداي ٷمىت بەرەدى» دەپ تاعى ايتقان؟
ادام جەر بەتىندە ماڭگى ٶمىر بولاتىنىن العاش بىلگەندە، ودا ٷمىت پايدا بولادى. ٴبىراق قيىندىقتارعا ۇشىراپ، وعان تاباندىلىقپەن توتەپ بەرگەندە، قۇدايدىڭ ىقىلاسىنا بولەنگەنىن سەزىنەدى. سوندا العاشقى ٷمىتى مولايا ٴتۇسىپ، ۇمىتتەنگەنى جۇزەگە اساتىنىنا سەنىمدىرەك بولادى. (كم23.12، 12، 13-ب.).
