زەرتتەۋ ٵدىسى
سۋرەت سالۋ ەستە ساقتاۋدى جاقسارتادى
كوبىمىزگە وقىعان، زەرتتەگەن نارسەلەرىمىزدى ەستە ساقتاۋ وڭاي بولا بەرمەيدى. سىزگە دە سولاي شىعار. ٴبىراق بايقادىڭىز با، يسانىڭ مىسالدارى ويىمىزعا تەز ورالادى. ويتكەنى ولاردى كوز الدىمىزعا كەلتىرۋ جەڭىل، سونىڭ ارقاسىندا ەستە ساقتاۋ دا وڭاي. ەگەر ٴسىز دە زەرتتەپ جاتقاندارىڭىزدى ەلەستەتەتىن بولساڭىز، كوبىسى ەسىڭىزدە قالادى. بۇل ٷشىن سۋرەت سالىپ كورسەڭىز بولادى.
بىلگەن جاڭا نارسەلەرىنىڭ سۋرەتىن سالاتىندار ٴجيى ولاردى جاقسىراق ەستە ساقتايدى. بۇل ٵدىس ولارعا تەك سوزدەردى عانا ەمەس، قانداي دا ٴبىر ۇعىمدار مەن باستى ويلاردى تۇسىنۋگە كومەكتەسەدى ەكەن. ولاردىڭ سۋرەتتەرى — ٴبىر ونەر تۋىندىسى ەمەس، قاراپايىم سىزبالار عانا. ٴبىر دەرەكتەرگە ساي، سۋرەت سالۋدىڭ اسىرەسە ەرەسەك ادامدارعا پايداسى زور.
كەلەسى جولى زەرتتەۋ جۇرگىزگەندە وقىپ-بىلگەندەرىڭىزدى سۋرەتكە اينالدىرىڭىز. سوندا قانشاما نارسە ەسىڭىزدە قالعانىن كورىپ تاڭدانارسىز!
