9-زەرتتەۋ ماقالاسى
75-ٵن «مەن بارمىن، مەنى جىبەر!»
ەحوباعا باعىشتالۋعا دايىنسىز با؟
«ەحوبانىڭ جاساعان بار جاقسىلىعىن قالاي وتەيمىن؟» (ٴزاب. 116:12).
نەگىزگى وي
بۇل ماقالانىڭ ماقساتى — سىزگە ەحوباعا جاقىنداۋعا كومەكتەسۋ. سوندا ٶزىڭىز-اق وعان باعىشتالىپ، شومىلدىرۋ راسىمىنەن وتكىڭىز كەلىپ كەتەدى.
1، 2. شومىلدىرۋ راسىمىنەن وتپەس بۇرىن نە ىستەۋ كەرەك؟
سوڭعى بەس جىلدا ٴبىر ميلليوننان استام ادام ەحوباعا ومىرلەرىن ارناپ، شومىلدىرۋ راسىمىنەن ٶتتى. ولاردىڭ كەيبىرى ٴى عاسىرداعى تىموتە ىسپەتتى شىندىقپەن «نارەستە كەزدەرىنەن تانىس» (ٴتىم. 2-ح. 3:14، 15). ال باسقالارى بولسا ورتا جاسقا كەلگەندە نە ٴتىپتى سامايلارىنا اق تۇسكەندە ەحوبا جايلى بىلگەن. مىسالى، كيەلى كىتاپتى زەرتتەپ جۇرگەن ٴبىر اجە 97 جاسىندا شومىلدىرۋ راسىمىنەن وتكەن!
2 ەگەر ٴسىز كيەلى كىتاپتى زەرتتەپ جۇرگەن بولساڭىز، شومىلدىرۋ راسىمىنەن ٶتۋ جايلى ويلانىپ جۇرگەن شىعارسىز. نەمەسە سەن كۋاگەرلەردىڭ وتباسىندا ٶسىپ جاتقان جاسوسپىرىم بالا بولساڭ، سەن دە وسى جايلى ويلانىپ جۇرگەن بولارسىڭ. بۇل — كەرەمەت ماقسات! دەگەنمەن شومىلدىرۋ راسىمىنەن وتپەس بۇرىن ادام ٶزىن ەحوباعا باعىشتاۋى كەرەك. وسى ماقالادا باعىشتالۋدىڭ نە ەكەنى تۇسىندىرىلەدى. سونداي-اق ٶمىرىڭىزدى ەحوباعا باعىشتاۋعا جانە شومىلدىرۋ راسىمىنەن وتۋگە دايىن بولساڭىز، بۇل قادامداردى جاساۋدان نەگە قورىقپاۋىڭىز كەرەكتىگى ايتىلادى.
باعىشتالۋ دەگەن نە؟
3. كيەلى كىتاپ زامانىندا كىمدەر ەحوباعا باعىشتالعان؟ مىسال كەلتىرىڭىز.
3 كيەلى كىتاپتا باعىشتالۋ دەگەن قانداي دا ٴبىر قاسيەتتى ماقسات ٷشىن تاڭداپ الىنۋدى بىلدىرەدى. مىسالى، يسرايلدىكتەر ەحوباعا باعىشتالعان حالىق بولعان. ٴبىراق ولاردىڭ اراسىنداعى كەيبىر ادامدار ارنايى ٴبىر قىزمەت اتقارۋ ٷشىن باعىشتالعان. ماسەلەن، حارون «قۇدايعا باعىشتالعاننىڭ كيەلى بەلگىسىن» تاعىپ جۇرگەن. بۇل سالدەنىڭ ماڭداي تۇسىنا تاعىلاتىن التىننان جاسالعان جىلتىراعان تاسپا بولعان. بۇل التىن تاسپا ونىڭ ەرەكشە قىزمەتكە تاڭدالعانىن، ياعني يسرايلدىكتەردىڭ باس ٴدىني قىزمەتكەرى بولۋ ٷشىن تاڭدالعانىن بىلدىرگەن (مۇس. 3-ج. 8:9). سونداي-اق نازيرلەر دە ەحوباعا ەرەكشە جولمەن قىزمەت ەتۋ ٷشىن باعىشتالاتىن. ەۆرەيدىڭ «نازير» دەگەن ٴسوزى «باعىشتالعان»، «ٴبولىنىپ الىنعان» دەگەندى بىلدىرەدى. نازير بولعان ادامدار مۇسا زاڭىنداعى وزدەرىنە قويىلعان تالاپتاردى قاتاڭ ۇستانۋلارى كەرەك بولعان (مۇس. 4-ج. 6:2—8).
4. ا) ەحوباعا باعىشتالعاننان كەيىن ٴسىز ٷشىن ومىرىڭىزدە نە ماڭىزدى بولادى؟ ٵ) وزىڭىزدەن «باس تارتۋ» دەگەن نەنى بىلدىرەدى؟ (سۋرەتتى دە قاراڭىز.)
4 ەحوباعا باعىشتالعاندا، ٴسىز يسا ٴماسىحتىڭ شاكىرتى بولۋدى جانە قۇدايدىڭ ەركىن ورىنداۋدى ومىرلىك ماقساتىڭىز ەتۋدى تاڭدايسىز. ال باعىشتالعاننان كەيىن نە ىستەۋىڭىز كەرەك؟ يسا: «كىم مەنىڭ سوڭىمنان ەرگىسى كەلسە، وزىنەن باس تارتسىن»،— دەگەن (مات. 16:24). «وزىنەن باس تارتۋ» دەپ اۋدارىلعان گرەك تىلىندەگى تىركەس «ٶز-وزىڭە جوق دەپ ايتۋدى» دا بىلدىرەدى. دەمەك، ەحوباعا باعىشتالعاننان كەيىن ٴسىز ونىڭ ەركىنە قايشى كەلەتىن كەز كەلگەن نارسەگە «جوق» دەپ ايتۋىڭىز كەرەك (قور. 2-ح. 5:14، 15). مىسالى، ازعىندىق سياقتى «ٴتاننىڭ ىستەرىنە» (عال. 5:19—21؛ قور. 1-ح. 6:18). مۇنداي تالاپتار ٴسىزدىڭ ەركىندىگىڭىزدى شەكتەي مە؟ ەگەر ەحوبانى جاقسى كورسەڭىز جانە زاڭ-تالاپتارى سىزگە تەك يگىلىك اكەلەتىنىن تۇسىنسەڭىز، شەكتەمەيدى (ٴزاب. 119:97؛ يشايا 48:17، 18). وسىعان قاتىستى نيكولاس دەگەن باۋىرلاس بىلاي دەدى: «ەحوبانىڭ نورمالارىنا ەكى ٴتۇرلى قاراۋعا بولادى: ەركىندىگىڭدى شەكتەيتىن تۇرمە سەكىلدى نەمەسە اقىرعان ارىستاننان قورعايتىن تەمىر قورشاۋ ىسپەتتى».
5. ا) ٶمىرىڭىزدى ەحوباعا باعىشتاۋ ٷشىن نە ىستەۋىڭىز كەرەك؟ ٵ) باعىشتالۋ مەن شومىلدىرۋ ٴراسىمىنىڭ ايىرماشىلىعى قانداي؟ (سۋرەتتى دە قاراڭىز.)
5 ٶمىرىڭىزدى ەحوباعا باعىشتاۋ ٷشىن نە ىستەۋىڭىز كەرەك؟ بۇل ٷشىن ەحوباعا دۇعا ەتىپ، تەك وعان عانا عيبادات ەتۋدى جانە ونىڭ عانا قالاۋىن ورىنداۋدى ۋادە ەتۋىڭىز كەرەك. ٴبىر سوزبەن ايتقاندا، ەحوبانى «بار جۇرەگىڭىزبەن، بۇكىل جان-تانىڭىزبەن، بارلىق اقىل-ويىڭىزبەن جانە بار كۇش-قۋاتىڭىزبەن ٴسۇيۋدى» ۋادە ەتەسىز (مار. 12:30). باعىشتالعانىڭىز ەحوبا مەن سىزگە عانا ايان. ال شومىلدىرۋ راسىمىنەن وتكەندە، ەحوباعا باعىشتالعانىڭىزدى كوپشىلىككە پاش ەتەسىز. باعىشتالۋ — جەڭىل-جەلپى قارايتىن ماسەلە ەمەس، ول قاسيەتتى انت. سوندىقتان ەحوبا سىزدەن انتىڭىزدى بۇزبايدى دەپ كۇتەدى (ۋاع. 5:4، 5).
نەگە ٶزىمىزدى ەحوباعا باعىشتاۋىمىز كەرەك؟
6. ەحوباعا باعىشتالۋعا ٴسىزدى نە تالپىندىرۋ كەرەك؟
6 ەحوباعا باعىشتالۋعا ٴسىزدى نە تالپىندىرۋ كەرەك؟ ارينە، ونى جاقسى كورگەنىڭىز. ٴبىراق ٴسىزدىڭ سۇيىسپەنشىلىگىڭىز تەك سەزىمدەردەن تۇرماۋ كەرەك. قايتا، سۇيىسپەنشىلىگىڭىزدىڭ قازىعى ەحوبا جايلى «تۋرا ٴبىلىم» مەن «كيەلى رۋح بەرەتىن تۇسىنىك» بولۋ كەرەك. سەبەبى بۇلار ەحوباعا دەگەن سۇيىسپەنشىلىگىڭىزدى ارتتىرادى (قول. 1:9). ٴسىز كيەلى كىتاپتى زەرتتەگەندە، ەحوبانىڭ شىنايى قۇداي ەكەنىنە، كيەلى كىتاپ ونىڭ ٴسوزى ەكەنىنە جانە ەحوبا ٶزىنىڭ ەركىن ۇيىمى ارقىلى ورىندايتىنىنا كوز جەتكىزدىڭىز.
7. باعىشتالماس بۇرىن نە ىستەۋ كەرەك؟
7 ومىرلەرىن ەحوباعا باعىشتاعىسى كەلەتىندەر ونىڭ سوزىندەگى نەگىزگى شىندىقتاردى ٴبىلىپ، ونداعى نورمالاردى ۇستانۋلارى كەرەك. سونداي-اق جاعدايلارىنا قاراي باسقالارعا سەنىمدەرى جايلى ايتۋلارى كەرەك (مات. 28:19، 20). وسىلايشا ەحوباعا دەگەن سۇيىسپەنشىلىكتەرى ٶسىپ، تەك وعان عانا عيبادات ەتۋگە قۇلشىنىپ تۇرادى. سىزدە دە وسىنداي قۇلشىنىس بار ما؟ بار بولسا، باعىشتالىپ، شومىلدىرۋ راسىمىنەن وتۋگە ٴسىزدى تالىمگەرىڭىزدىڭ كوڭىلىنەن شىعۋ ەمەس، ەحوبانى شىن جاقسى كورگەنىڭىز تالپىندىرادى. سول سياقتى جاستار دا «اتا-انامدى رەنجىتپەيىن نەمەسە دوستارىمنان قالمايىن» دەپ ەمەس، ەحوبانى سۇيگەندىكتەن شومىلدىرۋ راسىمىنەن وتۋگە تالپىناتىن بولادى.
8. ٶمىرىڭىزدى ەحوباعا باعىشتاۋعا ريزاشىلىق قالاي اسەر ەتەدى؟ (ٴزابۇر 116:12—14)
8 ەحوبانىڭ سىزگە جاساعان بارلىق جاقسىلىقتارى تۋرالى ويلانساڭىز، ەرىكسىز وعان ٶمىرىڭىزدى باعىشتاعىڭىز كەلىپ كەتەدى (ٴزابۇر 116:12—14 وقىڭىز). كيەلى كىتاپتا «يگى دە كەمەلدى سيدىڭ ٴبارى» ەحوبادان كەلەدى دەپ ٴدال ايتىلعان (جاق. 1:17). سي اتاۋلىنىڭ ەڭ كەرەمەتى — ەحوبا ٶزىنىڭ ۇلى يسانى كۇنالارىمىز ٷشىن تولەم رەتىندە بەرگەنى. ٴبىر ساتكە ويلانىپ كورىڭىزشى، سول تولەمنىڭ ارقاسىندا ٴسىز ەحوبامەن دوس بولا الاسىز جانە ماڭگى ٶمىر سۇرۋگە مۇمكىندىگىڭىز بار (جوح. 1-ح. 4:9، 10، 19). ەحوبا ٴسىزدى قاتتى جاقسى كورگەندىكتەن ٶزىنىڭ ۇلىن بەردى، باسقا دا جاقسىلىعىن اياپ وتىرعان جوق. وسىنداي قۇدايعا قالاي عانا ريزا بولمايسىڭ؟! ال ريزاشىلىق ٴبىلدىرۋدىڭ تاماشا جولى — ٶمىرىمىزدى ەحوباعا ارناۋ (مۇس. 5-ج. 16:17؛ قور. 2-ح. 5:15). «ماڭگى باقي ٶمىردىڭ راقاتىن كورىڭىز!» كىتابىنىڭ 46-ساباعىنىڭ 4 تاقىرىپشاسىندا ٴدال وسى تۋرالى ايتىلادى. سونداي-اق وندا ٷش مينۋتتىق «قۇدايعا بەرەتىن سيىمىز» دەپ اتالاتىن ۆيدەو بار.
باعىشتالۋ مەن شومىلدىرۋ راسىمىنە دايىنسىز با؟
9. نەگە ادامدى باعىشتالۋعا كۇشتەمەۋ كەرەك؟
9 بالكىم، ٴسىز «باعىشتالۋعا، شومىلدىرۋ راسىمىنەن وتۋگە ٵلى دايىن ەمەسپىن» دەيتىن شىعارسىز. مۇمكىن، ەحوبانىڭ نورمالارىنا ساي كەلۋ ٷشىن ومىرىڭىزدە وزگەرىستەر جاساۋ كەرەك شىعار نەمەسە سەنىمىڭىزدى بەرىك ەتۋ ٷشىن كوبىرەك ۋاقىت كەرەك بولار (قول. 2:6، 7). ويتكەنى ٵر زەرتتەۋشىنىڭ قارقىنى ٵرتۇرلى. بالالار دا ٶز قاتارلاستارىمەن بىردەي ۋاقىتتا شومىلدىرۋ راسىمىنەن وتۋگە دايىن بولا بەرمەيدى. سوندىقتان اركىم ٶزىن باسقالارمەن سالىستىرماي، قانداي وزگەرىستەر جاساۋعا بولاتىنىن انىقتاپ، سوعان ساي ارەكەت ەتۋ كەرەك (عال. 6:4، 5).
10. باعىشتالۋعا جانە شومىلدىرۋ راسىمىنەن وتۋگە دايىن ەمەس ەكەنىڭىزدى تۇسىنسەڭىز، نە ىستەسەڭىز بولادى؟ («شىندىقتا ٶسىپ جاتقان بالالار ٷشىن» دەگەن قورشاۋدى دا قاراڭىز.)
10 ەگەر ٶمىرىڭىزدى ەحوباعا باعىشتاۋعا ٵلى دايىن ەمەس ەكەنىڭىزدى تۇسىنسەڭىز، بۇل قادامدى الدىڭىزعا ماقسات ەتىپ قويىڭىز. قاجەتتى وزگەرىستەردى جاساۋ ٷشىن ەحوباعا دۇعا ەتىپ، ودان كومەك سۇراڭىز (ٴفىلىپ. 2:13؛ 3:16). ول دۇعاڭىزدى تىڭدايدى ٵرى مىندەتتى تۇردە جاۋاپ بەرەدى (جوح. 1-ح. 5:14).
كەيبىرەۋلەر نەگە تارتىنادى؟
11. ەحوبا بىزگە ادالدىق ساقتاۋعا قالاي كومەكتەسەدى؟
11 دەسە دە كەيبىرەۋلەر باعىشتالۋعا، شومىلدىرۋ راسىمىنەن وتۋگە دايىن بولسا دا، بۇل قادامدى جاساۋدان تارتىنشاقتايدى. نەگە؟ ولار بىلاي دەپ ويلاۋى مۇمكىن: «ەگەر مەن اۋىر كۇنا جاساپ قويسام، نە بولادى؟ قاۋىمنان شىعىپ كەتسەم شە؟» ەگەر سىزدە دە وسىنداي قورقىنىش بولسا، ەحوبا «[ونىڭ] ەسىمىنە لايىقتى ٶمىر ٴسۇرىپ، وعان بارلىق جاعىنان ۇنامدى» بولۋعا كومەكتەسەتىنىنە سەنىمدى بولىڭىز (قول. 1:10). سونىمەن قاتار ول سىزگە دۇرىس نارسەنى ىستەۋگە كۇش بەرەدى. بۇعان نەگە سەنىمدى بولا الاسىز؟ ويتكەنى ەحوبا وسىعان دەيىن باسقالارعا دا دۇرىس نارسەنى ىستەۋگە كومەكتەسىپ كەلە جاتىر (قور. 1-ح. 10:13). مىنە، سوندىقتان دا سالىستىرمالى تۇردە از عانا ادام قاۋىمنان شىعارىلادى. راسىندا دا، ەحوبا قىزمەتشىلەرى ادال بولىپ قالۋ ٷشىن بارلىق جاعدايدى جاساپ وتىر.
12. اۋىر كۇنا جاساۋدان قالاي اۋلاق بولا الامىز؟
12 كەمەلسىز بولعاندىقتان، جامان نارسەنى ىستەۋگە ٴبارىمىزدىڭ دە بۇيرەگىمىز بۇرىپ تۇرادى (جاق. 1:14). ٴبىراق ازعىرىلۋعا بەرىلۋ-بەرىلمەۋ — ٴسىزدىڭ تاڭداۋىڭىز. وزگەرمەيتىن ٴبىر شىندىق: قالاي ٶمىر سۇرەتىنىڭىزدى شەشەتىن ٴسىز عانا. ٴبىراق كەيبىرەۋلەر بۇنىمەن كەلىسپەيدى. ولار ادام ٶزىنىڭ قالاۋىن، ٸس-ارەكەتتەرىن قاداعالاي المايدى دەپ ويلايدى. ٴبىراق بۇل شىندىققا جاناسپايدى. ٴسىز جامان قالاۋلارىڭىزدى تىزگىندەي الاسىز. سوندىقتان جامان نارسە ىستەۋگە ازعىرىلعاندا، ونى ىستەمەۋدى تاڭداي الاسىز. بۇل ٷشىن ەحوباعا كۇندە-كۇندە دۇعا ەتىڭىز. قۇداي ٴسوزىن جەكە زەرتتەۋدى ادەتكە اينالدىرىڭىز، قاۋىم كەزدەسۋلەرىنە ۇزبەي بارىڭىز، ۋاعىزعا شىعىڭىز. وسىلاردى ۇنەمى ىستەيتىن بولساڭىز، باعىشتالعاندا بەرەتىن انتىڭىزعا ساي ٶمىر سۇرە الاسىز. وسى ورايدا ەحوبانىڭ كومەكتەسەتىنىن دە ۇمىتپاڭىز (عال. 5:16).
13. ٴجۇسىپ قانداي ۇلگى قالدىردى؟
13 ازعىرىلۋعا كەزىككەندە قالاي ارەكەت ەتەتىنىڭىزدى الدىن الا شەشىپ الساڭىز، باعىشتالعاندا بەرەتىن ۋادەڭىزگە ساي ٶمىر ٴسۇرۋ اناعۇرلىم وڭاي بولادى. كيەلى كىتاپتا وسىلاي ەتكەن كەمەلسىز ادامداردىڭ مىسالدارى جەتكىلىكتى. سولاردىڭ ٴبىرى — ٴجۇسىپ. پوتيفاردىڭ ايەلى ونى قايتا-قايتا ازعىردى. ٴبىراق ول سول جاعدايدا قالاي ارەكەت ەتەتىنىن جاقسى بىلگەن. كيەلى كىتاپتا ٴجۇسىپتىڭ ايەلدىڭ ۇسىنىسىنان «باس تارتقانى» ايتىلعان. ول بىلاي دەگەن: «قالايشا مەن وسىنداي اۋىر قىلمىس جاساپ، قۇداي الدىندا كۇناعا باتپاقپىن؟!» (مۇس. 1-ج. 39:8—10). وسى سوزدەردەن كورىنەتىندەي، ايەل ونى ازعىرماي تۇرىپ-اق ٴجۇسىپ قالاي ارەكەت ەتەتىنىن الدىن الا شەشىپ قويعان. سونىڭ ارقاسىندا وعان دۇرىس نارسەنى ىستەۋ وڭاي بولدى.
14. جامان ىستەرگە «جوق» دەپ ايتۋدى قالاي ۇيرەنسەڭىز بولادى؟
14 ٴسىز جۇسىپكە قالاي ەلىكتەي الاسىز؟ ازعىرىلۋعا كەزىككەندە قالاي ارەكەت ەتەتىنىڭىزدى قازىر شەشىپ الىڭىز. ەحوبا جەك كورەتىن نارسەلەرگە بىردەن «جوق» دەپ ايتۋعا ۇيرەنىڭىز. جامان ويلاردى ٴتىپتى ساناڭىزعا جۋىتپاڭىز (ٴزاب. 97:10؛ 119:165). وسىلاي ەتسەڭىز، ازعىرىلعاندا كۇنا جاسامايسىز. ويتكەنى قالاي ارەكەت ەتەتىنىڭىزدى الدىن الا ويلاستىرىپ قويعانسىز.
15. ادام ەحوبانى «شىن جۇرەكتەن ىزدەيتىنىن» قالاي كورسەتە الادى؟ (ەۆرەيلەرگە 11:6)
15 سونىمەن، ٴسىز شىندىقتى تاپقانىڭىزعا سەنىمدىسىز جانە ەحوباعا بار جۇرەگىڭىزبەن قىزمەت ەتكىڭىز كەلەدى. ٴبىراق وعان باعىشتالۋدان، شومىلدىرۋ راسىمنەن وتۋدەن ٴسىزدى ٴبىر نارسە ۇستاپ تۇر. ەندى نە ىستەسەڭىز بولادى؟ ٴداۋىت پاتشا سياقتى دۇعا ەتىڭىز. ول ەحوباعا بىلاي دەپ جالىنعان: «ۋا، قۇداي، تەرەڭ ٷڭىلىپ، جۇرەگىمدە نە بار ەكەنىن كورشى. مەنى تەكسەرىپ، مازالايتىن ويلارىمدى ٴبىلشى. كوڭىلىمدە قاۋىپتى جولعا اپاراتىن ويلار جوق پا، سونى كورشى، مەنى ماڭگىلىك جولىمەن جەتەلەشى» (ٴزاب. 139:23، 24). ەحوبا «ٶزىن شىن جۇرەكتەن ىزدەيتىندەردى» جارىلقايدى. ٴسىزدىڭ باعىشتالۋعا جانە شومىلدىرۋ راسىمىنەن وتۋگە ۇمتىلىپ جاتقانىڭىز ونى شىن جۇرەكتەن ىزدەيتىنىڭىزدى كورسەتەدى (ەۆرەيلەرگە 11:6 وقىڭىز).
ەحوباعا جاقىنداي بەرىڭىز
16، 17. ەحوبا شىندىقتا ٶسىپ جاتقان بالالاردى قالاي جاقىنداتىپ تارتادى؟ (جوحان 6:44)
16 يسا ٶزىنىڭ شاكىرتتەرىن ەحوبا جاقىنداتىپ تارتاتىنىن ايتقان (جوحان 6:44 وقىڭىز). بۇنىڭ سىزگە قانداي قاتىسى بار ەكەنىن ويلاپ كورىڭىزشى. ەحوبا ادامنىڭ بويىنان ٴبىر جاقسىلىقتى بايقاعان سوڭ، ونى وزىنە جاقىنداتىپ تارتادى. ولاردى «ەرەكشە» نەمەسە «باعالى مەنشىگىندەي» كورەدى (مۇس. 5-ج. 7:6، ٴسىلت.). ول سىزگە دە تۋرا وسىلاي قارايدى.
17 بالكىم، سەن كۋاگەرلەردىڭ وتباسىندا ٶسىپ جاتقان جاسوسپىرىم بالا شىعارسىڭ. سوندىقتان ساعان «ەحوبا مەنى جاقىنداتىپ تارتقان جوق، اتا-انام وعان عيبادات ەتكەندىكتەن، مەن دە ٴسۇيتىپ ٴجۇرمىن» دەگەن وي كەلەر. ٴبىراق ەحوبا اتا-اناڭ كۋاگەر بولعاندىقتان ەمەس، جەكە سەنى وزىنە جاقىنداتىپ تارتادى. سەبەبى ول ادامداردى توپ رەتىندە ەمەس، جەكە-جەكە بايقايدى. وعان قوسا، كيەلى كىتاپتا: «قۇدايعا جاقىنداڭدار، سوندا ول دا سەندەرگە جاقىندايدى»،— دەلىنگەن (جاق. 4:8؛ شەج. 1-ج. 28:9). ياعني سەن دە قۇدايعا جاقىنداۋ ٷشىن ٶزىڭ ٴبىرىنشى بولىپ قادام جاساي الاسىڭ. سوندا ول دا ساعان جاقىندايدى (سالونيكالىقتارعا 2-حات 2:13 سالىستىرىڭىز).
18. كەلەسى ماقالا نە جايلى؟ (ٴزابۇر 40:8)
18 ەحوباعا ٶمىرىڭىزدى ارناپ، شومىلدىرۋ راسىمىنەن وتكەندە، ٴسىز يسانىكىندەي قۇلشىنىس تانىتاسىز. ول اكەسى نە سۇراسا دا، ٴبارىن ورىنداۋعا دايىن بولعان (ٴزابۇر 40:8 وقىڭىز؛ ەۆر. 10:7). كەلەسى ماقالادا شومىلدىرۋ راسىمىنەن وتكەننەن كەيىن ەحوباعا ادالدىقپەن قىزمەت ەتە بەرۋگە نە كومەكتەسەتىنىن قاراستىرامىز.
قالاي جاۋاپ بەرەر ەدىڭىز؟
-
ەحوباعا باعىشتالۋ دەگەن نەنى بىلدىرەدى؟
-
ەحوباعا دەگەن ريزاشىلىق وعان باعىشتالۋعا قالاي تالپىندىرادى؟
-
اۋىر كۇنا جاساۋدان قالاي اۋلاق بولا الامىز؟
38-ٵن قۇداي ساعان كۇش بەرەدى