رۋحاني ادام رەتىندە العا باسا بەرىڭىز!
«كيەلى رۋحتىڭ جەتەلەۋىمەن ٴجۇرۋدى دوعارماڭدار» (عالاتتىقتارعا 5:16).
اندەر: 136، 10
1، 2. ٴبىر باۋىرلاس ٶزى تۋرالى نەنى ٴتۇسىندى جانە مۇنى قالاي قولعا الدى؟
روبەرت جاس ٶسپىرىم كەزىندە شومىلدىرۋ راسىمىنەن وتكەن. ٴبىراق شىندىق ونىڭ ٶمىرىندە باستى ورىندا تۇرمايتىن. ول بىلاي دەيدى: «مەن ەشقانداي بۇرىس قىلىق جاساعان ەمەسپىن، ٴبىراق رۋحاني ىستەردى ادەت بويىنشا ەش ويلانباستان اتقارىپ جۇرەتىنمىن. قاۋىمنان قالماي، جىلىنا بىرنەشە رەت قوسالقى ٸزاشار بولىپ تۇراتىندىقتان، رۋحاني كۇشتى ادام بولىپ كورىنەتىن ەدىم. ٴبىراق ماعان ٴبىر نارسە جەتىسپەيتىن».
2 روبەرت ٶزىنە نەنىڭ جەتىسپەيتىنىن ۇيلەنگەننەن كەيىن عانا ٴتۇسىندى. ايەلى ەكەۋى كەيدە ويىن تۇرىندە ٴبىر-بىرىنە كيەلى كىتاپ جايلى سۇراقتار قوياتىن. ايەلى كيەلى كىتاپتى جاقسى بىلەتىندىكتەن، سۇراقتارعا قينالماي جاۋاپ بەرەتىن. ال روبەرت بولسا ٴجيى جاۋاپ بەرە الماي، ۇيالىپ قالاتىن. ول بىلاي دەيدى: «ٶزىمدى تۇك بىلمەيتىندەي سەزىندىم. سوندا ىشىمنەن «ايەلىمە رۋحاني باسشى بولعىم كەلسە، بىردەڭە ىستەۋىم كەرەك قوي» دەپ ويلادىم». سودان ول ىسكە كىرىستى. «مەن كيەلى كىتاپتى كوپ زەرتتەدىم. زەرتتەي بەردىم، زەرتتەي بەردىم. بىرتە-بىرتە ٴبارىنىڭ ٴمانىن انىعىراق ۇعا باستادىم دا، ناتيجەسىندە تۇسىنىككە يە بولدىم. ال، ەڭ باستىسى، ەحوبامەن تىعىز قارىم-قاتىناس دامىتتىم»،— دەيدى ول.
3. ا) روبەرتتىڭ جاعدايىنان قانداي ساباق الامىز؟ ٵ) قازىر قانداي ماڭىزدى ويلارعا نازار اۋدارامىز؟
3 روبەرتتىڭ جاعدايىنان ٶزىمىزگە ماڭىزدى ساباق الامىز. كيەلى كىتاپتى شامالى بىلگەنىمىز، قاۋىم كەزدەسۋلەرى مەن ۋاعىز قىزمەتىنە جۇيەلى تۇردە قاتىسقانىمىز ٴبىزدىڭ رۋحاني ادام ەكەنىمىزدى بىلدىرمەيدى. بالكىم، رۋحاني ٶسۋ ٷشىن ٴبىراز قادامدار جاساعان دا شىعارمىز. ٴبىراق ٶزىمىزدى تەكسەرە كەلە، جاقساراتىن جاقتارىمىز بار ەكەنىن تۇسىنەمىز (فىلىپىلىكتەرگە 3:16). وسى ماقالادان ٴبىز ٷش ماڭىزدى سۇراقتىڭ جاۋابىن بىلەمىز: 1) رۋحاني ادامبىز با، جوق پا — سونى قالاي تەكسەرە الامىز؟ 2) رۋحاني ٶسۋ ٷشىن نە ىستەۋ كەرەك؟ 3) رۋحاني مىقتى بولعانىمىزدىڭ كۇندەلىكتى ٶمىردە قانداي كومەگى بار؟
رۋحاني كۇيىمىزدى قالاي تەكسەرە الامىز؟
4. ەفەستىكتەرگە 4:23، 24 تەگى كەڭەس كىمدەرگە ارنالعان؟
4 قۇدايعا قىزمەت ەتە باستاعاندا، ٴبىز ٶمىرىمىزدىڭ ٵربىر سالاسىنا اسەر ەتەتىن ٶزگەرىستەر جاسادىق. شومىلدىرۋ راسىمىنەن وتكەن سوڭ دا، بۇلاي ەتۋدى دوعارمادىق. كيەلى كىتاپتا: «وي-سانالارىڭدى ارەكەتكە تالپىندىراتىن كۇشتى جاڭارتا بەرىڭدەر»،— دەلىنگەن (ەفەستىكتەرگە 4:23، 24). ٴيا، كەمەلسىز بولعاندىقتان، بىزگە ٶزگەرە بەرۋ كەرەك. ەحوباعا كوپ جىل قىزمەت ەتىپ كەلە جاتساق تا، ونىمەن قارىم-قاتىناسىمىزدى تىعىز كۇيىندە ساقتاۋ ماڭىزدى (فىلىپىلىكتەرگە 3:12، 13).
5. قانداي سۇراقتار رۋحاني كۇيىمىزدى تەكسەرۋگە كومەكتەسەدى؟
5 جاس بولايىق، ەرەسەك بولايىق، بارىمىزگە ٶزىمىزدى شىنشىلدىقپەن تەكسەرۋ قاجەت. ٶزىمىزگە مىنا سۇراقتاردى قويساق بولادى: «رۋحاني ٶسىپ جاتقانىمدى بايقايمىن با؟ ٴماسىحكە بارعان سايىن ۇقساپ كەلەمىن بە؟ قاۋىم كەزدەسۋلەرىندە تانىتاتىن كوزقاراسىم مەن ٴجۇرىس-تۇرىسىمنان نە بايقالادى؟ ايتاتىن اڭگىمەم ٶمىردە شىن مانىندە نەگە ۇمتىلاتىنىما قاتىستى نەنى ايان ەتەدى؟ جەكە زەرتتەۋ داعدىمنان، كيىمىم مەن سىرتقى كورىنىسىمنەن جانە بەرىلگەن كەڭەسكە قالاي قارايتىنىمنان ٶزىم جايلى نە بىلۋگە بولادى؟ بۇرىس قىلىققا ازعىرىلعاندا قالاي ارەكەت ەتەمىن؟ مەن تولىسقان ٴماسىحشى بولدىم با؟» (ەفەستىكتەرگە 4:13). وسى ساۋالدار ٴبىزدىڭ قانشالىقتى رۋحاني وسكەنىمىزدى انىقتاۋعا كومەكتەسەدى.
6. رۋحاني كۇيىمىزدى تەكسەرۋگە تاعى نە كومەكتەسەدى؟
6 كەيدە رۋحاني كۇيىمىزدى تەكسەرۋ ٷشىن وزگەلەردىڭ كومەگىن قاجەت ەتۋىمىز مۇمكىن. ەلشى پاۋىل تاندىك ادام ٶز ٶمىر سالتىنىڭ قۇدايعا ۇنامسىز ەكەنىن اڭعارمايتىنىن ايتقان. ال رۋحاني ادام قۇدايدىڭ بەلگىلى ٴبىر ماسەلەگە قاتىستى كوزقاراسىن تۇسىنەدى. ول ەحوبانىڭ تاندىك كوزقاراسپەن ٶمىر ٴسۇرۋدى قۇپتامايتىنىن بىلەدى (قورىنتتىقتارعا 1-حات 2:14—16؛ 3:1—3). اقساقالدار ٴماسىحتىڭ وي-ساناسىن تانىتاتىندىقتان، ولار تاندىك كوزقاراسپەن ارەكەت ەتە باستاعانداردى بىردەن بايقاپ، قول ۇشىن بەرۋگە تىرىسادى. ەگەر ولار بىزگە كومەكتەسۋگە تىرىسىپ جاتسا، ولاردىڭ كومەگىن قابىل الىپ، قاجەتتى ٶزگەرىستەردى جاسايمىز با؟ وسىلاي ەتسەك، شىنىندا دا رۋحاني وسكىمىز كەلەتىنىن كورسەتەمىز (ۋاعىزداۋشى 7:5، 9).
رۋحاني وسە بەرىڭىز
7. رۋحاني ادام دەگەن جاي عانا كيەلى كىتاپتى بىلەتىن ادام ەمەس ەكەنىن قايدان بىلەمىز؟
7 رۋحاني ادام بولۋ ٷشىن كيەلى كىتاپتان العان ٴبىلىمىمىز جەتكىلىكسىز. مىسالى، سۇلەيمەن پاتشا ەحوبا جايلى كوپ بىلگەن، ٴتىپتى ونىڭ كەيبىر دانا ٴسوزدەرى كيەلى كىتاپقا ەنگەن. ٴبىراق كەيىننەن ونىڭ ەحوبامەن قارىم-قاتىناسى قۇلدىراپ، ول سەنىمىنەن تايىپ كەتتى (پاتشالار 1-جازبا 4:29، 30؛ 11:4—6). دەمەك، كيەلى كىتاپتان العان بىلىممەن قاتار بىزگە نە كەرەك؟ سەنىمىمىزدى نىعايتا بەرۋىمىز قاجەت (قولوستىقتارعا 2:6، 7). بۇعان قالاي قول جەتكىزە الامىز؟
8، 9. ا) سەنىمىمىزدى نىعايتۋعا نە كومەكتەسەدى؟ ٵ) زەرتتەۋ جۇرگىزىپ، وي جۇگىرتكەندە، قانداي ماقساتتى كوزدەۋىمىز كەرەك؟ (ماقالانىڭ باسىنداعى سۋرەتتى قاراڭىز.)
8 پاۋىل 1-عاسىرداعى ٴماسىحشىلەردى «رۋحاني تولىسا بەرۋگە» شاقىرعان (ەۆرەيلەرگە 6:1). ال ٴبىز بۇل كەڭەستى قالاي قولدانا الامىز؟ ٴبىر ماڭىزدى جولى — «قۇدايدىڭ سۇيىسپەنشىلىگىنەن ايىرىلماڭدار» كىتابىن زەرتتەۋ. بۇل كىتاپ ٴسىزگە كيەلى كىتاپ پرينسيپتەرىن ٶمىردە قالاي قولدانۋعا بولاتىنىن تۇسىنۋگە كومەكتەسەدى. ال ەگەر ونى زەرتتەپ قويعان بولساڭىز، سەنىمىڭىزدى نىعايتۋعا كومەكتەسەتىن باسقا دا باسىلىمداردى وقىپ-زەرتتەي الاسىز (قولوستىقتارعا 1:23). بۇعان قوسا، بىلگەنىمىز جايلى وي جۇگىرتۋىمىز جانە ەحوبادان ونى ٶمىردە قولدانا بىلۋگە كومەكتەسۋىن سۇراۋىمىز قاجەت.
9 زەرتتەۋ جۇرگىزىپ، وي جۇگىرتكەندە، ەحوباعا مويىنسۇنۋعا جانە وعان ۇنامدى بولۋعا دەگەن ىستىق ىقىلاس دامىتۋدى كوزدەگەنىمىز ٴجون (ٴزابۇر 40:8؛ 119:97). سونداي-اق رۋحاني وسۋگە كەدەرگى جاسايتىن كەز كەلگەن نارسەدەن باس تارتۋىمىز كەرەك (تيتكە 2:11، 12).
10. رۋحاني ٶسۋ ٷشىن جاستار نە ىستەسە بولادى؟
10 جاستار، سەندەردە رۋحاني ماقساتتار بار ما؟ بەتەلدە قىزمەت ەتەتىن ٴبىر ەر باۋىرلاس اۋداندىق كونگرەستە شومىلدىرۋ راسىمىنەن وتكەلى جاتقان جاستارمەن سويلەسىپ، رۋحاني ماقساتتارى جايلى سۇرايدى ەكەن. ول كوپ جاستاردىڭ بولاشاقتا ەحوباعا قالاي قىزمەت ەتكىسى كەلەتىنى جايلى جاقسىلاپ ويلانعاندارىن بايقاعان. كەيبىرى تولىق ۋاقىتتى قىزمەتتى ماقسات ەتسە، كەيبىرى جاريالاۋشىلارعا قاجەتتىلىك بار جەرگە كوشكىسى كەلەدى. ٴبىراق كەيبىر جاستار ونىڭ سۇراعىنا نە دەپ جاۋاپ بەرەرىن بىلمەي جاتادى. سوندا ولار رۋحاني ماقساتتار قويۋدى ونشا ماڭىزدى ساناماعانى ما؟ جاس بولساڭ، ٶزىڭدى بىلاي دەپ تەكسەرىپ كورسەڭ بولادى: «قاۋىمعا جانە ۋاعىزعا اتا-انام قالاعاندىقتان عانا بارامىن با؟ الدە ەحوبامەن جەكە قارىم-قاتىناس دامىتتىم با؟» ارينە، جاس بولايىق، ۇلكەن بولايىق، بارىمىزگە دە رۋحاني ماقساتتار قويۋ قاجەت. ولار بىزگە رۋحاني وسە بەرۋگە قوزعاۋ سالادى (ۋاعىزداۋشى 12:1، 13).
11. ا) رۋحاني ٶسۋ ٷشىن نە ىستەۋىمىز قاجەت؟ ٵ) كيەلى كىتاپتاعى كىمنىڭ ۇلگىسىنە ەلىكتەسەك بولادى؟
11 جاقساراتىن جاقتارىمىزدى انىقتاعان سوڭ، ٶزگەرۋگە كىرىسۋىمىز كەرەك. مۇنىڭ ماڭىزدىلىعى سونشا — ٶمىر سۇرەتىنىمىز نە ولەتىنىمىز وسىعان بايلانىستى (ريمدىكتەرگە 8:6—8). ەحوبا بىزدەن كەمەلدىلىكتى تالاپ ەتپەيدى ارى ول بىزگە كومەكشى رەتىندە كيەلى رۋحىن بەرەدى. ٴبىراق ٶز تاراپىمىزدان دا بارىنشا تىرىسۋىمىز قاجەت. باسقارۋشى كەڭەستىڭ مۇشەسى بولعان جون بارر باۋىرلاس بىردە لۇقا 13:24 ٴتى ٴتۇسىندىرىپ جاتىپ بىلاي دەدى: «كوپ ادامنىڭ تار ەسىكتەن كىرە المايتىن سەبەبى — بەرىك بولۋ ٷشىن جەتكىلىكتى كۇش سالمايدى». ٴبىز پەرىشتەمەن كۇرەسىپ، باتانى المايىنشا ەش بەرىلمەگەن جاقىپقا ەلىكتەۋىمىز قاجەت (مۇسانىڭ 1-جازباسى 32:26—28). كيەلى كىتاپتى زەرتتەۋ بىزگە قاناعات اكەلە الادى، الايدا ول قىزىقتى اڭىز اڭگىمە سياقتى وقىلادى دەپ ويلاماۋىمىز كەرەك. ونىڭ ىشىنەن ٶزىمىزگە كومەك بولاتىن قۇندى شىندىقتاردى تابۋ ٷشىن كۇش سالۋىمىز قاجەت.
12، 13. ا) ريمدىكتەرگە 15:5 ٴتى ٸس جۇزىندە قولدانۋعا بىزگە نە كومەكتەسەدى؟ ٵ) پەتىردىڭ ۇلگىسى مەن كەڭەسى بىزگە قالاي كومەكتەسەدى؟ ب) رۋحاني مىقتى بولۋ ٷشىن نە ىستەي الاسىز؟ (« رۋحاني وسۋگە كومەكتەسەتىن قادامدار» دەگەن قورشاۋدى قاراڭىز.)
12 رۋحاني ٶسۋ ٷشىن كۇش سالعاندا، كيەلى رۋح وي قالپىمىزدى ٶزگەرتۋگە كومەكتەسەدى. سونىڭ ارقاسىندا بىرتە-بىرتە ٴماسىح سياقتى ويلاۋدى ۇيرەنەمىز (ريمدىكتەرگە 15:5). كيەلى رۋح بۇرىس قالاۋلارىمىزدان ارىلۋعا جانە قۇدايعا ۇنامدى قاسيەتتەر دامىتۋعا كومەكتەسەدى (عالاتتىقتارعا 5:16، 22، 23). ويىمىز دۇنيە-مۇلىككە نە كوڭىل كوتەرۋگە اۋىپ كەتكەنىن اڭعارساق، سالىمىز سۋعا كەتپەسىن. ەحوبادان ويىمىزدى دۇرىس نارسەگە باعىتتاۋعا كومەكتەسۋىن تالماي سۇراي بەرەيىك (لۇقا 11:13). ەلشى پەتىردىڭ مىسالىن ەسكە الايىقشى. ول بارلىق جاعدايدا ٴماسىح سياقتى ويلاماعان (ماتاي 16:22، 23؛ لۇقا 22:34، 54—62؛ عالاتتىقتارعا 2:11—14). ٴبىراق ول ەش بەرىلمەدى ارى ەحوبا وعان كومەكتەستى. ۋاقىت وتە پەتىر يسانىكىندەي وي قالىپ تانىتۋدى ۇيرەندى. ٴبىز دە ۇيرەنە الامىز.
13 كەيىنىرەك پەتىر بىزگە كومەك بولاتىن قاسيەتتەردى ناقتى اتاپ وتكەن (پەتىردىڭ 2-حاتى 1:5—8 وقىڭىز). ۇستامدىلىق، تاباندىلىق، باۋىرلاستىق سۇيىسپەنشىلىك جانە باسقا دا قاسيەتتەردى دامىتۋ ٷشىن كوپ تەر توگۋىمىز كەرەك. ٵر كۇنى بىلاي دەپ ويلانايىق: «رۋحاني كۇشەيە ٴتۇسۋ ٷشىن بۇگىن قانداي قاسيەتتى شىڭداسام بولادى؟»
كۇندەلىكتى ٶمىردە كيەلى كىتاپ پرينسيپتەرىن قولدانىڭىز
14. رۋحاني ادام بولعانىمىز ٶمىرىمىزگە قالاي اسەر ەتەدى؟
14 ٴماسىح سياقتى ويلاعانىمىز جۇمىستا نە مەكتەپتە قالاي ٴجۇرىپ-تۇراتىنىمىزعا، قالاي سويلەيتىنىمىزگە جانە ٵر كۇنى قانداي شىشىمدەر قابىلدايتىنىمىزعا اسەر ەتەدى. شىشىمدەرىمىز ٴماسىحكە ەلىكتەۋگە تىرىسىپ جاتقانىمىزدى كورسەتەدى. رۋحاني ادام بولعاندىقتان، ەش نارسەنىڭ ەحوبامەن قارىم-قاتىناسىمىزعا نۇقسان كەلتىرگەنىن قالامايمىز. بۇرىس ىستەرگە ەلىكتىرىلگەندە، رۋحاني مىقتى بولعانىمىز ازعىرۋعا قارسى تۇرۋعا كومەكتەسەدى. قانداي دا ٴبىر شىشىم قابىلداماس بۇرىن، ٴبىز ٴسال كىدىرىپ، بىلاي ويلاناتىن بولامىز: «وسى ورايدا كيەلى كىتاپتىڭ قانداي پرينسيپتەرى ماعان كومەك بولادى؟ بۇل جاعدايدا ٴماسىح نە ىستەر ەدى؟ قانداي شىشىم ەحوباعا ۇنامدى بولادى؟» ٴبىز وسىلاي وي جۇگىرتۋگە داعدىلانۋىمىز كەرەك. قازىر ٶمىردە كەزىگۋىمىز مۇمكىن بىرنەشە جاعدايدى الايىق. ٵر جاعدايدا دانا شىشىم قابىلداۋعا كومەكتەسەتىن كيەلى كىتاپ ٴپرينسيپىن تالقىلايىق.
15، 16. ٴماسىح سياقتى ويلاعانىمىز كەلەسى جاعدايلاردا دۇرىس شىشىم قابىلداۋعا قالاي كومەكتەسەدى: ا) جار تاڭداعاندا؟ ٵ) دوستار تاڭداعاندا؟
15 جار تاڭداۋ. قورىنتتىقتارعا 2-حات 6:14، 15 تە (وقىڭىز) جازىلعان كيەلى كىتاپ ٴپرينسيپىن الايىق. پاۋىل رۋحاني ادام مەن تاندىك ادامنىڭ كوزقاراسى ەكى بولەك بولاتىنىن انىق كورسەتتى. بۇل پرينسيپ ٶمىرلىك جار تاڭداۋعا قالاي كومەكتەسەدى؟
16 دوستار تاڭداۋ. قورىنتتىقتارعا 1-حات 15:33 تە (وقىڭىز) جازىلعان كيەلى كىتاپ ٴپرينسيپىن الايىق. رۋحاني ادام سەنىمىن السىرەتۋى مۇمكىن اداممەن دوس بولمايدى. ەندەشە، بۇل ٴپرينسيپتى ٴتۇرلى جاعدايدا قالاي قولدانۋعا بولاتىنى جايلى ويلانىڭىزشى. مىسالى، الەۋمەتتىك جەلىنى قولدانۋعا بايلانىستى شىشىم قابىلداعاندا بۇل پرينسيپ قالاي كومەكتەسەدى؟ تورداعى ويىنداردى بەيتانىس اداممەن ويناۋ-ويناماۋدى شىشكەندە شى؟
شەشىمدەرىم رۋحاني وسۋگە كومەكتەسە مە؟ (17-ابزاستى قاراڭىز)
17—19. رۋحاني ادام بولعانىمىز كەلەسى جاعدايلاردا قالاي كومەكتەسەدى: ا) ەش پايداسى جوق ىستەردەن اۋلاق بولۋعا؟ ٵ) جاقسى ماقساتتار قويۋعا؟ ب) كەلىسپەۋشىلىكتەردى شىشكەندە؟
17 رۋحاني كۇيىمىزگە نۇقسان كەلتىرەتىن ىستەر. ەۆرەيلەرگە 6:1 دە (وقىڭىز) ماڭىزدى ەسكەرتۋدى وقيمىز. تارماقتا جازىلعان اۋلاق بولۋىمىز كەرەك «ٶلى ىستەرگە» نە جاتادى؟ بۇل رۋحاني وسۋىمىزگە ەش سەپتىگىن تيگىزبەيتىن پايداسىز بوس ىستەر. وسى ەسكەرتۋ كەلەسىدەي سۇراقتارعا جاۋاپ بەرۋىمىزگە كومەكتەسەدى: بۇل ٸس پايدالى ما، الدە «ٶلى ىسكە» جاتا ما؟ اقشا تابۋعا بايلانىستى وسى ۇسىنىستى قابىلداۋىم كەرەك پە؟ نەگە دۇنيەنىڭ جاعدايىن ٶزگەرتۋگە تىرىسىپ جۇرگەن وسى دۇنيەلىك توپتارعا قوسىلماۋىم كەرەك؟
شەشىمدەرىم رۋحاني ماقساتتار قويۋعا كومەكتەسە مە؟ (18-ابزاستى قاراڭىز)
18 رۋحاني ماقساتتار. تاۋداعى ۋاعىزىندا يسا ماقساتتار قويۋعا قاتىستى جاقسى كەڭەس بەرگەن (ماتاي 6:33). رۋحاني ادام پاتشالىقتى ٶمىرىندە ٴبىرىنشى ورىنعا قويادى. وسى پرينسيپ مىنانداي سۇراقتارعا جاۋاپ بەرۋگە كومەكتەسەدى: ورتا ٴبىلىمدى العان سوڭ، جوعارى وقۋ ورنىنا ٴتۇسۋىم كەرەك پە؟ ۇسىنىلىپ جاتقان جۇمىسقا تۇرعانىم دۇرىس بولا ما؟
شەشىمدەرىم باسقالارمەن تاتۋ بولۋعا كومەكتەسە مە؟ (19-ابزاستى قاراڭىز)
19 كەلىسپەۋشىلىكتەر. باسقالارمەن كيكىلجىڭ تۋىنداعاندا، پاۋىلدىڭ ريمدەگى ٴماسىحشىلەرگە بەرگەن كەڭەسى كومەك بولادى (ريمدىكتەرگە 12:18). ٴماسىحكە ەلىكتەگەندىكتەن، ٴبىز «بارلىق ادامدارمەن تاتۋ بولۋعا» تىرىسامىز. بىرەۋمەن ارادا كەلىسپەۋشىلىك تۋىنداعاندا، قالاي ارەكەت ەتەمىز؟ باسقانىڭ وي-پىكىرىن ەسكەرۋ ٴبىز ٷشىن قيىن با؟ الدە باسقالار ٴبىزدى تاتۋلىق ساقتاۋعا تىرىساتىن ادام رەتىندە بىلە مە؟ (جاقىپ 3:18).
20. نەگە رۋحاني العا باسقىڭىز كەلەدى؟
20 بۇل مىسالداردان بىلەتىنىمىز — كيەلى كىتاپ پرينسيپتەرى قۇداي رۋحىنىڭ جەتەلەۋىمەن جۇرەتىنىمىزدى كورسەتەتىن شىشىمدەر قابىلداۋعا كومەكتەسەدى. رۋحاني ادام بولساق، باقىتتى دا ماعىنالى ٶمىر سۇرەمىز. ماقالانىڭ باسىندا ايتىلىپ كەتكەن روبەرت بىلاي دەيدى: «ەحوبامەن شىنايى قارىم-قاتىناس دامىتقاننىڭ ارقاسىندا جاقسى كۇيەۋ، جاقسى اكە بولدىم. قاناعات پەن باقىت سەزىندىم». رۋحاني ادام رەتىندە العا باسۋ ٷشىن قولدان كەلگەننىڭ ٴبارىن جاساساق، مۇنىڭ كوپ پايداسىن كورەمىز. قازىردىڭ ٶزىندە باقىتتى ٶمىر كەشەمىز، ال بولاشاقتا «شىنايى ٶمىرگە» يە بولامىز (تىموتەگە 1-حات 6:19).
