نەگە ەحوبا كۋاگەرلەرىنىڭ باسىلىمدارىن باسقا سايتتارعا نە الەۋمەتتىك مەدياعا سالۋ ەشكىمگە رۇقسات ەتىلمەيدى؟‏

ٴ‌بىزدىڭ باسىلىمدارىمىز اقىسىز بەرىلەتىندىكتەن،‏ كەيبىر ادامدار ولاردى باسقا سايتتارعا نە الەۋمەتتىك مەدياعا دا جۇكتەۋگە بولادى دەپ ويلايدى.‏ ٴ‌بىراق بۇل ۇلكەن قيىندىقتار تۋعىزۋى م‍ۇمكىن،‏ ٵرى ٴ‌بىزدىڭ سايتتارىمىزدىڭ پايدالانۋ تارتىبىنە * قايشى كەلەدى.‏ سول پايدالانۋ تارتىبىندە «سايتتىڭ مالىمەتتەرىن عالامتورعا (‏كەز كەلگەن سايتقا،‏ فايل الماستىرۋ سەرۆيستەرىنە،‏ ۆيدەو الماستىرۋ سەرۆيستەرىنە،‏ نەمەسە الەۋمەتتىك جەلىلەرگە)‏ سالۋ» ەشكىمگە رۇقسات ەتىلمەيتىنى انىق ايتىلعان.‏ ال سايتىمىزدىڭ مالىمەتتەرىنە نە كىرەدى؟‏ سۋرەتتەر،‏ ەلەكتروندى ادەبيەتتەر،‏ ساۋدا تاڭبالارى،‏ اۋەندەر،‏ فوتوسۋرەتتەر،‏ ماتىندەر مەن بەينەروليكتەر.‏ مۇنداي ەرەجەلەر نە ٷشىن قاجەت؟‏

ٴ‌بىزدىڭ سايتتارىمىزداعى بارلىق مالىمەتتەردىڭ اۆتورلىق قۇقىعى بار،‏ ياعني ولاردىڭ ٴ‌بارى زاڭمەن قورعالعان.‏ بۇل —‏ ماڭىزدى شارا،‏ ويتكەنى مالىمەتتەردى زاڭسىز قولدانىستان ساقتايدى.‏ جولدان تايعاندار مەن ٴ‌بىزدىڭ ٸس-‏شارامىزعا زيان كەلتىرگىسى كەلەتىن ادامدار باسىلىمدارىمىزدى كەيدە وزدەرىنىڭ سايتتارىنا سالىپ جاتادى.‏ سونداعى ماقساتى —‏ ەحوبا كۋاگەرلەرى مەن باسقا دا ادامداردى سايتتارىنا نازار اۋدارتۋ.‏ ٴ‌بىراق ولار سايتتارىنا ادامعا كۇمان ۇيالاتاتىن باسقا دا مالىمەتتەر سالىپ قويادى (‏ٴ‌زابۇر 26:‏4؛‏ ناقىل سوزدەر 22:‏5‏)‏.‏ سونداي-‏اق ٴ‌بىزدىڭ مالىمەتتەرىمىزدى يا jw.org لوگوتيپىمىزدى وزدەرىنىڭ جارنامالارىنا،‏ ٴ‌موبيلدى قوسىمشالارىنا نەمەسە ساتاتىن تاۋارلارىنا ورنالاستىرىپ قوياتىندار دا بار.‏ ٴ‌بىراق مالىمەتتەرىمىز بەن لوگوتيپىمىز زاڭمەن قورعالعاندىقتان،‏ ٴ‌بىز سوتقا جۇگىنىپ،‏ ولاردى جاۋاپقا تارتا الامىز (‏ناقىل سوزدەر 27:‏12‏)‏.‏ الايدا كەي ادامدارعا،‏ ٴ‌تىپتى باۋىرلاستارعا دا،‏ باسىلىمدارىمىزدى باسقا سايتتارعا سالۋعا نە jw.org لوگوتيپىمىزدى ساۋدا-‏ساتتىق ٷشىن قولدانۋعا رۇقسات بەرسەك،‏ سوت ٴ‌بىزدىڭ قۇقىعىمىزدى قورعاماۋى م‍ۇمكىن.‏

باسىلىمدارىمىزدى jw.org تور بەكەتىنەن ەمەس،‏ باسقا جاقتاردان جۇكتەيتىن بولساق،‏ بۇل قاۋىپتى بولۋى م‍ۇمكىن‏.‏ ەحوبا رۋحاني اس-‏سۋدى تەك «ادال دا اقىلدى قۇل» ارقىلى بەرەدى (‏ماتاي 24:‏45‏)‏.‏ ال «ادال دا اقىلدى قۇل» بۇل ٷشىن كەلەسى رەسمي سايتتاردى عانا قولدانادى:‏ www.pr418.com‏،‏ tv.pr418.com جانا wol.pr418.com ٴ‌موبيلدى قۇرىلعىعا ارنالعان رەسمي قوسىمشالارىمىز دا ۇشەۋ-‏اق،‏ بۇلار ^®JW Language‏،‏ ^®JW Library جانە ^®JW Library Sign Language‏.‏ اتالمىش سايتتار مەن قوسىمشالاردا ەشقانداي جارناما دا،‏ شايتان دۇنيەسىنىڭ ەشتەڭەسى دە جوق.‏ ال ەگەر باسىلىمدارىمىزدى باسقا سايتتان نە قوسىمشادان جۇكتەيتىن بولساق،‏ بۇل قاۋىپتى،‏ ويتكەنى ونداعى مالىمەت قانداي دا ٴ‌بىر جولمەن وزگەرتىلۋى م‍ۇمكىن (‏ٴ‌زابۇر 18:‏26؛‏ 19:‏8‏)‏.‏

ەگەر باسىلىمدارىمىزدى پىكىرلەر قالدىرۋعا بولاتىن سايتتارعا جۇكتەپ سالساق،‏ جولدان تايعاندار مەن وزگە دە ادامدار مۇنى پايدالانىپ،‏ ەحوبانىڭ ۇيىمىن سىناپ-‏مىنەۋدەن تايىنبايدى.‏ ال كەيىن باۋىرلاستاردىڭ كەيبىرى سول ادامدارمەن داۋلاسا باستاپ،‏ ناتيجەسىندە ەحوبانىڭ اتى ودان بەتەر قارالانۋى م‍ۇمكىن.‏ عالامتورداعى مۇنداي ايتىس-‏تارتىس الدەكىمنىڭ كوزقاراسىن تۇزەتىپ،‏ شىندىقتى تۇسىندىرۋگە كومەكتەسەتىن ٴ‌جوندى ٵدىس ەمەس (‏تىموتەگە 1-‏حات 6:‏3—‏5؛‏ تىموتەگە 2-‏حات 2:‏23—‏25‏)‏.‏ ال كەي ادامدار ۇيىمنىڭ اتىنان يا باسقارۋشى كەڭەستىڭ قۇرامىنداعى باۋىرلاستاردىڭ اتىنان دەپ،‏ سايتتار مەن الەۋمەتتىك مەديادا تىركەۋ جازبالارىن (‏اككاۋنت)‏ اشادى.‏ ٴ‌بىراق بۇل وتىرىك.‏ باسقارۋشى كەڭەستىڭ ەشبىر م‍ۇشەسىندە جەكە ٶزىنىڭ ۆەب-‏پاراقشاسى يا الەۋمەتتىك مەديادا تىركەۋ جازباسى جوق.‏

ادامداردىڭ نازارىن jw.org تور بەكەتىنە اۋدارعاندا،‏ «ىزگى حاباردىڭ» ۋاعىزدالۋىنا ۇلەس قوسامىز ‏(‏ماتاي 24:‏14‏)‏.‏ ٴ‌بىزدىڭ سايتتارىمىز بەن قوسىمشالارىمىز جاقسارعان ۇستىنە جاقسارۋدا.‏ ٴ‌بىز ٵر ادام سولاردىڭ يگىلىگىن كورسە ەكەن دەيمىز.‏ سوندىقتان باسىلىمدارىمىزدىڭ ٴ‌بىر داناسىن ەلەكتروندى حات ارقىلى جىبەرۋگە يا بولماسا سايتىمىزدىڭ سىلتەمەسىن جىبەرۋگە رۇقسات بەرەمىز.‏ وسىلايشا ٴ‌بىز ادامداردى رۋحاني اس-‏سۋدىڭ جالعىز ارناسىنا،‏ «ادال دا اقىلدى قۇلعا» باعىتتايمىز.‏