اتا-انا، بالاڭىزعا «قۇتقارىلۋعا جەتكىزەتىن» دانالىققا يە بولۋعا كومەكتەسىڭىز
«كيەلى جازبالارمەن نارەستە كەزىڭنەن-اق تانىسسىڭ. وسى دانالىق... قۇتقارىلۋعا جەتكىزەدى» (تىموتەگە 2-حات 3:15).
اندەر: 130، 88
1، 2. بالالارى ەحوباعا باعىشتالىپ، شومىلدىرۋ راسىمىنەن وتكىسى كەلگەندە، كەيبىر اتا-انا نەگە ۋايىمداۋى مۇمكىن؟
جىل سايىن مىڭداعان كيەلى كىتاپ زەرتتەۋشىسى ەحوباعا باعىشتالىپ، شومىلدىرۋ راسىمىنەن وتەدى. ولاردىڭ اراسىندا شىندىقتا وسكەن جاستار كوپ. ولار ەڭ جاقسى ٶمىر جولىن تاڭداعان (ٴزابۇر 1:1—3). ٴماسىحشى اتا-انا بولساڭىز، ۇلىڭىزدىڭ نە قىزىڭىزدىڭ شومىلدىرۋ راسىمىنەن وتكەنىن كورۋگە اسىق شىعارسىز (جوحاننىڭ 3-حاتى 4 سالىستىرىڭىز).
2 دەگەنمەن بالاڭىز ٷشىن ۋايىمدايتىن بولارسىز. بالكىم، شومىلدىرۋ راسىمىنەن وتكەن كەيبىر جاستاردىڭ ۋاقىت وتە كەلە قۇدايدىڭ تالاپتارىمەن ٶمىر سۇرۋدىڭ پايدالى ەكەنىنە كۇماندانا باستاعانىن كورگەن شىعارسىز. كەيبىرى ٴتىپتى شىندىقتان كەتىپ تە قالعان بولار. سوندىقتان ٴسىزدىڭ دە بالاڭىز ەحوباعا قىزمەت ەتە باستاپ، ارتىنان شىندىققا دەگەن سۇيىسپەنشىلىگىن سۋىتىپ الماي ما دەپ قورقاتىن شىعارسىز. ول ٴبىرىنشى عاسىرداعى ەفەستىك ماسىحشىلەر سياقتى ايان 2:4). بالاڭىزعا سۇيىسپەنشىلىگىن بەرىك ساقتاۋعا جانە رۋحاني «ٶسىپ، قۇتقارىلۋعا» قالاي كومەكتەسە الاسىز؟ (پەتىردىڭ 1-حاتى 2:2). بۇل رەتتە تىموتەنىڭ مىسالىنان كوپ نارسەگە ۇيرەنسەك بولادى.
بولىپ كەتۋى مۇمكىن. يسا ولاردىڭ «العاشقى سۇيىسپەنشىلىگىن جوعالتىپ العانىن» ايتقان («كيەلى جازبالارمەن... تانىسۋ»
3. ا) تىموتە قالاي ٴماسىحشى بولدى جانە ول بىلگەندەرىن نە ىستەدى؟ ٵ) پاۋىل تىموتەگە ۇيرەنۋدىڭ قانداي ٷش قىرىن كورسەتتى؟
3 ەلشى پاۋىل ليسترا قالاسىنا العاش رەت ب.ز. 47-جىلى ساپارمەن كەلدى. وسى كەزدەرى، بالكىم، جاس ٶسپىرىم بولعان تىموتە يسانىڭ تالىمدەرىمەن تانىسقان بولسا كەرەك. ول بىلگەنىن ٸس جۇزىندە قولداندى جانە ەكى جىلدان كەيىن پاۋىلمەن ساپارعا شىعا باستادى. سودان 16 جىلداي ۋاقىت وتكەن سوڭ، پاۋىل تىموتەگە بىلاي دەپ جازدى: «سەن ۇيرەنگەن ٵرى كوزىڭ جەتكەن نارسەلەردى بۇدان بىلاي دا ۇستانا بەر، ويتكەنى كىمدەردەن ٴتالىم العانىڭدى بىلەسىڭ. سونىمەن قاتار ادامدى دانا ەتەتىن كيەلى جازبالارمەن [ەۆرەي جازبالارىمەن] نارەستە كەزىڭنەن-اق تانىسسىڭ. وسى دانالىق ٴماسىح يساعا دەگەن سەنىم ارقىلى قۇتقارىلۋعا جەتكىزەدى» (تىموتەگە 2-حات 3:14، 15). بايقاساق، پاۋىل تىموتەنىڭ 1) كيەلى جازبالارمەن تانىس بولعانىن؛ 2) بىلگەندەرىنە كوز جەتكىزگەنىن؛ 3) ٴماسىح يساعا دەگەن سەنىمى ارقىلى قۇتقارىلۋعا جەتكىزەتىن دانالىققا يە بولعانىن ايتقان.
بالاڭىزعا قۇداي سوزىنە سەنىم دامىتۋعا كومەكتەسۋ ٷشىن سىزگە شىدامدىلىق قاجەت
4. كىشكەنتاي بالالارىڭىزعا كومەكتەسۋ ٷشىن قانداي قۇرالداردى قولداناسىز؟ (ماقالانىڭ باسىنداعى سۋرەتتى قاراڭىز.)
4 بۇگىندە كيەلى جازبالار ەۆرەي جازبالارى مەن ماسىحشىلەردىڭ گرەك جازبالارىن قامتيدى. ٴماسىحشى اتا-انا رەتىندە ٴسىز بالاڭىزدىڭ وسى جازبالاردى بىلگەنىن قالايتىنىڭىز ٴشۇباسىز. ٴتىپتى بالاقايلار دا كيەلى كىتاپتاعى كەيىپكەرلەر مەن وقيعالار تۋرالى بىلە الادى. اتا-انالار ەحوبانىڭ ۇيىمى قامتاماسىز ەتەتىن كوپتەگەن كىتاپتاردى، كىتاپشالاردى، بەينە كەسكىندەردى قولدانىپ، بالالارىنا كومەكتەسە الادى. وسىلاردىڭ قايسىسى ٴسىزدىڭ تىلىڭىزدە بار؟ بالاڭىز ەحوبامەن تىعىز قارىم-قاتىناس دامىتۋ ٷشىن كيەلى كىتاپتا نە جازىلعانىن ٴبىلۋى ٴتيىس.
«كوز جەتكىزۋ»
5. ا) تىموتەنىڭ نە نارسەگە «كوزى جەتتى»؟ ٵ) تىموتە يسا تۋرالى ىزگى حابارعا بەرىك سەنگەنىن قايدان بىلەمىز؟
5 بالاعا كيەلى كىتاپتا جازىلعان ادامدار مەن وقيعالار جايلى ٴتالىم بەرىپ قانا قويۋ جەتكىلىكسىز. ەسىمىزدە بولسا، تىموتە بىلگەندەرىنە «كوز جەتكىزگەن»، ياعني ولاردىڭ شىندىق ەكەنىنە بەرىك سەنگەن بولاتىن. ول ەۆرەي جازبالارىن «نارەستە كەزىنەن-اق»، كىشكەنتايىنان ٴبىلىپ وسكەن. ال كەيىن ول يسانىڭ ٴماسىح ەكەنىنە كوز جەتكىزدى. سەنىمى بەرىك بولعانى سونداي — ول شومىلدىرۋ راسىمىنەن ٶتىپ، پاۋىلمەن بىرگە ميسسيونەرلىك قىزمەت اتقاردى.
6. بالالارىڭىزعا قۇداي سوزىنە سەنىم دامىتۋعا قالاي كومەكتەسە الاسىز؟
ريمدىكتەرگە 12:1 وقىڭىز). اتا-اناسى رەتىندە ٴسىز بالالارىڭىزعا، اسىرەسە ولار سۇراقتار قويعاندا، سەنىم دامىتۋعا زور كومەگىڭىزدى تيگىزە الاسىز. ٴبىر اكەنىڭ ۇلگىسىنەن نەگە ۇيرەنە الاتىنىمىزدى كورەيىك.
6 سىزدىڭ دە بالالارىڭىز بىلگەندەرىنە تىموتە سياقتى «كوز جەتكىزۋ» ٷشىن، ولارعا سەنىم دامىتۋعا قالاي كومەكتەسە الاسىز؟ ەڭ الدىمەن، شىدامدى بولىڭىز. مىقتى سەنىم دامىتۋ ٷشىن ۋاقىت كەرەك. ٴسىز ٴبىر نارسەگە سەنسەڭىز، بۇل بالاڭىز دا سوعان ويلانباستان سەنە سالادى دەگەن ٴسوز ەمەس. كيەلى كىتاپقا دەگەن سەنىمى ارتۋى ٷشىن ٵر بالا ٶزىنىڭ «اقىل-ويىن» ىسكە قوسۋى قاجەت (7، 8. ا) ٴبىر ٴماسىحشى اكە قىزىنا ٴتالىم بەرگەندە قالايشا شىدامدىلىق تانىتادى؟ ٵ) سىزگە قاي كەزدە بالاڭىزعا شىدامدىلىق تانىتۋ قاجەت بولادى؟
7 توماس 11 جاسار قىزىنىڭ ارا-تۇرا وعان كەلەسىدەي سۇراقتار قوياتىنىن ايتادى: «ەحوبا تىرشىلىكتى جاراتتى ما؟ الدە وزدىگنەن دامىدى ما؟» نەمەسە «نەگە ٴبىز جەر بەتىندەگى جاعدايدى جاقسارتۋ ٷشىن سايلاۋ سياقتى قوعامدىق ىستەرگە قاتىسپايمىز؟» وسىندايدا توماس وڭاي جولدى ىزدەپ، قىزىنا نە نارسەگە سەنۋ قاجەتتىگىن تىكەلەي ايتا سالماۋعا تىرىسادى. سەبەبى ول مىنا جايتتى بىلەدى: ٴبىر نارسەنىڭ راستىعىنا ادامنىڭ كوزىن جەتكىزۋ ٷشىن ٴبىر ۇلكەن شىندىقتى ەمەس، كوپتەگەن كىشىگىرىم دالەلدەردى كەلتىرۋ قاجەت.
8 توماس ٴتالىم بەرۋ ىسىندە شىدامدىلىقتىڭ قاجەت ەكەنىن بىلەدى. نەگىزىندە، ماسىحشىلەردىڭ بارلىعى شىدامدىلىق تانىتقانى ٴجون (قولوستىقتارعا 3:12). قىزىنا سەنىم دامىتۋعا كومەكتەسۋ ٷشىن توماس ٴبىراز ۋاقىت كەتەتىنىن جانە ونىمەن كوپ اڭگىمەلەسۋ قاجەت بولاتىنىن تۇسىنەدى. ول قىزىمەن بىرگە كيەلى كىتاپتا جازىلعاندار جايلى وي جۇگىرتۋى كەرەكتىگىن بىلەدى. توماس بىلاي دەيدى: «اسىرەسە ماڭىزدى تاقىرىپتارعا كەلگەندە، ايەلىم ەكەۋمىز قىزىمىزدىڭ بۇعان شىن مانىندە سەنەتىنىنە، جاقسى تۇسىنەتىنىنە كوز جەتكىزىپ العىمىز كەلەدى. قىزىمىز سۇراق قويسا، قۋانامىز. ال ەگەر سۇراق قويماستان بارىنە كەلىسە بەرسە، مەن ۋايىمدار ەدىم».
9. بالالارىڭىزعا قۇداي سوزىنە سەنىم ارتۋعا قالاي كومەكتەسە الاسىز؟
9 اتا-انالارى شىدامدىلىقپەن ٴتالىم بەرگەننىڭ ارقاسىندا بالالارى ۋاقىت وتە شىندىقتىڭ «ۇزىندىعى مەن ەنىن، بيىكتىگى مەن تەرەڭدىگىن» ۇعا باستايدى (ەفەستىكتەرگە 3:18). ٴتالىم بەرگەندە، ولاردىڭ جاسى مەن ويلاۋ قابىلەتىن ەسكەرگەنىمىز دۇرىس. وقىپ بىلگەندەرىنە سەنىمدەرى ارتقان سايىن، باسقالاردىڭ، مىسالى سىنىپتاستارىنىڭ الدىندا، سەنىمدەرىن قورعاۋ ولار ٷشىن وڭاي بولادى (پەتىردىڭ 1-حاتى 3:15). مىسالى، بالالارىڭىز ولگەن سوڭ اداممەن نە بولاتىنىن كيەلى كىتاپتىڭ كومەگىمەن ٴتۇسىندىرىپ بەرە الا ما؟ وندا جازىلعانداردى وزدەرى جاقسى تۇسىنە مە؟ * بالالارىڭىزعا قۇدايدىڭ سوزىنە سەنىم دامىتۋعا كومەكتەسۋ ٷشىن شىدامدىلىق قاجەت ەكەنىن ەستە ۇستاڭىز. ٴبىراق ٴسىز بۇعان ەش وكىنبەيتىن بولاسىز (مۇسانىڭ 5-جازباسى 6:6، 7).
10. ٴتالىم بەرۋدىڭ تاعى قانداي ماڭىزدى قىرى بار؟
10 بالالارىڭىزعا سەنىم دامىتۋعا كومەكتەسۋ ٷشىن، وزىڭىزدىڭ دە ۇلگى كورسەتكەنىڭىز ماڭىزدى. ٷش قىزدىڭ اناسى ستەفاني بىلاي دەيدى: «بالالارىم تيتتەي كەزىنەن باستاپ ۇنەمى بىلاي ويلاناتىنمىن: «بالالارىما ەحوبانىڭ بار ەكەنىنە، ٴبىزدى سۇيەتىنىنە جانە جولدارىنىڭ دۇرىستىعىنا ٶزىم نەلىكتەن سەنىمدى ەكەنىمدى ايتىپ وتىرامىن با؟ مەنىڭ ەحوبانى شىن سۇيەتىنىمدى ولار انىق كورىپ ٴجۇر مە؟ ٶزىم بەرىك سەنبەسەم، بالالارىم قالاي سەنەدى؟!»
«قۇتقارىلۋعا جەتكىزەتىن» دانالىققا يە بولۋ
11، 12. دانالىق دەگەن نە جانە ول ادامنىڭ جاسىنا بايلانىستى ەمەستىگىن قايدان بىلەمىز؟
11 ٴبىز تىموتەنىڭ 1)جازبالاردى بىلگەنىن جانە 2)ۇيرەنگەندەرىنە نىق سەنگەنىن بىلدىك. ال كيەلى جازبالارداعى دانالىق تىموتەنى «قۇتقارىلۋعا جەتكىزەتىنىن» ايتقاندا، پاۋىل نە دەگىسى كەلدى؟
12 «كيەلى جازبالاردى ٴتۇسىنۋ» كىتابىنىڭ 2-تومىندا جازىلعانداي، كيەلى كىتاپتاعى دانالىق دەگەن ٴسوزدىڭ ماعىناسىنا «العان ٴبىلىمىمىز بەن تۇسىنىگىمىزدى قيىندىقتاردى شەشۋ ٷشىن، قاۋىپتىڭ الدىن الىپ، ودان قاشىق بولۋ ٷشىن جانە بەلگىلى ٴبىر ماقساتتارعا قول جەتكىزىپ، وزگەلەرگە دە سولاي ەتۋگە كومەكتەسۋ ٷشىن قولدانا ٴبىلۋ كىرەدى. ول — اقىماقتىققا قاراما-قايشى قاسيەت». كيەلى كىتاپتا «بالانىڭ جۇرەگىندە اقىماقتىق بار» ەكەنى ايتىلعان (ناقىل سوزدەر 22:15). ال دانالىق اقىماقتىققا كەرەعار قاسيەت بولعاندىقتان، ول تولىسقاندىقتىڭ ٴبىر بەلگىسى بولىپ تابىلادى. رۋحاني تولىسقان ادام دەپ ەحوبادان قورقاتىن ٵرى وعان مويىنسۇناتىن ادامدى ايتامىز. تولىسۋ ادامنىڭ جاس شاماسىنا عانا بايلانىستى ەمەس (ٴزابۇر 111:10 وقىڭىز).
13. قۇتقارىلۋعا جەتكىزەتىن دانالىققا يە ەكەنىن جاستار قالاي كورسەتە الادى؟
13 قانداي دا ٴبىر دەڭگەيدە رۋحاني تولىسقان جاستار «جەل ايداپ، تولقىن قۋعان قايىق» سياقتى ەمەس. ولار ٶز قۇمارلىقتارىنا نە باسقا جاستاردىڭ اسەرىنە ەلىگىپ كەتپەيدى (ەفەستىكتەرگە 4:14). قايتا، «ٴتۇيسىنۋ قابىلەتىن» «جامان مەن جاقسىنى اجىراتا الاتىنداي» ەتىپ ماشىقتاندىرۋدا (ەۆرەيلەرگە 5:14). سونىڭ ارقاسىندا ولار اتا-اناسى نە باسقا ەرەسەك كىسىلەر كورمەي تۇرعاندا دا دانا شەشىمدەر قابىلدايدى (فىلىپىلىكتەرگە 2:12). مۇنداي دانالىق قۇتقارىلۋ ٷشىن اسا قاجەت (ناقىل سوزدەر 24:14 وقىڭىز). ەندەشە بالالارىڭىزعا دانالىققا يە بولۋعا قالاي كومەكتەسە الاسىز؟ سوزىڭىزبەن دە، ىسىڭىزبەن دە كيەلى كىتاپتاعى قۇندىلىقتاردى ۇستاناتىنىڭىزدى كورسەتىڭىز. قۇداي سوزىندەگى نورمالارعا ساي ٶمىر سۇرۋگە تىرىسىپ جاتقانىڭىز بالالارىڭىزعا انىق كورىنۋ كەرەك (ريمدىكتەرگە 2:21—23).
اتا-انانىڭ تالماي كۇش سالعانى نەگە ماڭىزدى؟ (14—18 ابزاستاردى قاراڭىز)
14، 15. ا) شومىلدىرۋ راسىمىنەن وتكىسى كەلەتىن جاستار نە جايلى ويلانعانى ٴجون؟ ٵ) بالاڭىزعا قۇداي زاڭدارىنىڭ اكەلەر باتالارى جايلى وي جۇگىرتۋگە قالاي كومەكتەسە الاسىز؟
14 الايدا بالالارىڭىزعا سەنىم دامىتۋعا كومەكتەسۋ ٷشىن، نەنىڭ دۇرىس، ال نەنىڭ بۇرىس ەكەنىن ايتىپ قانا قويۋ جەتكىلىكسىز. ولارمەن بىرگە مىنا سۇراقتار جايلى وي جۇگىرتكەنىڭىز ٴجون: «قىزىقتى بولىپ كورىنەتىن نارسەلەرگە كيەلى كىتاپتا نەگە تىيىم سالىنادى؟ كيەلى كىتاپتاعى تالاپتاردىڭ مەن ٷشىن قاشاندا پايدالى ەكەنىنە نەگە سەنىمدى بولۋىم كەرەك؟» (يشايا 48:17، 18).
15 بالاڭىز شومىلدىرۋ راسىمىنەن وتۋگە مارقا 10:29، 30). وسى جايتتار جايلى شومىلدىرۋ راسىمىنەن وتپەس بۇرىن ويلانعان وتە ماڭىزدى. بالاڭىزعا مويىنسۇنۋشىلىقتىڭ اكەلەر باتالارى مەن تىلازارلىقتىڭ تيگىزەر كەسىرى جايلى ويلانۋعا كومەكتەسىڭىز. سوندا ونىڭ كيەلى كىتاپتىڭ تالاپتارىنا ساي ٶمىر ٴسۇرۋ ٵردايىم پايدالى ەكەنىنە كوزى جەتۋى ابدەن مۇمكىن (مۇسانىڭ 5-جازباسى 30:19، 20).
نيەت بىلدىرسە، ونى بۇل قادامنىڭ قانداي جاۋاپكەرشىلىك جۇكتەيتىنىن جاقسىلاپ ويلانۋعا تالپىندىرىڭىز. ول وسى جاۋاپكەرشىلىكتەرگە قالاي قارايدى؟ بۇل قادامنىڭ اكەلەر باتالارى قانداي؟ قانداي قيىندىقتارى بار؟ باتالارى قيىندىعىنان اسىپ تۇسەدى دەپ نەگە ايتا الامىز؟ (شومىلدىرۋ راسىمىنەن وتكەن جاس ٴماسىحشىنىڭ كوكەيىنە كۇمان ۇيالاعاندا
16. شومىلدىرۋ راسىمىنەن وتكەن بالانىڭ سەنىمى شايقالا باستاسا، اتا-اناسى نە ىستەۋى قاجەت؟
16 بالاڭىز شومىلدىرۋ راسىمىنەن وتكەننەن كەيىن شىندىققا كۇماندانا باستاسا، نە ىستەۋىڭىزگە بولادى؟ بالكىم، ۇلىڭىز نە قىزىڭىز وسى دۇنيەدەگى نارسەلەرگە قىزىعىپ جۇرگەن شىعار. يا بولماسا، كيەلى كىتاپ پرينسيپتەرىنە ساي ٴجۇرىپ-تۇرۋ ەڭ دۇرىس ٶمىر جولى ەكەنىنە كۇماندانا باستاعان بولار (ٴزابۇر 73:1—3، 12، 13). وسىندايدا ٴسىزدىڭ قالاي ارەكەت ەتەتىنىڭىز بالاڭىزدىڭ ارى قاراي ەحوباعا قىزمەت ەتۋ-ەتپەۋىنە اسەر ەتۋى مۇمكىن. بالاڭىز ٵلى كىشكەنتاي نە جاس ٶسپىرىم بولسىن، وسى ماسەلەگە بولا ۇرىس شىعارماۋعا تىرىسىڭىز. قايتا، ونى قاتتى جاقسى كورەتىنىڭىزدى جانە كومەكتەسكىڭىز كەلەتىنىن ٴبىلدىرىڭىز.
17، 18. جاس ٴماسىحشىنىڭ كۇمانى بولسا، اتا-انا وعان قالاي كومەكتەسە الادى؟
17 شومىلدىرۋ راسىمىنەن وتكەن جاس ٴماسىحشى ٶزىن ەحوباعا باعىشتادى. ەحوباعا باعىشتالعاندا، ونى بارىنەن ارتىق جاقسى كورۋدى جانە وعان دەگەن قىزمەتتى بارلىعىنان جوعارى قويۋدى ۋادە ەتتى (مارقا 12:30 وقىڭىز). ەحوبا باعىشتالۋدى وتە ماڭىزدى ۋادە دەپ سانايدى، ٴبىز دە وعان ٴدال سولاي قاراۋعا ٴتيىسپىز (ۋاعىزداۋشى 5:4، 5). وسىنى بالاڭىزدىڭ ەسىنە سالىڭىز. ٴبىراق الدىمەن، ەحوبانىڭ ۇيىمى اتا-انالارعا ارناپ شىعارىپ جاتقان ادەبيەتتەردى وقىپ، زەرتتەڭىز. سوسىن جۇمساق مانەردە جانە قولايلى ۋاقىتتى تاڭداپ، بالاڭىزعا ەحوباعا باعىشتالىپ، شومىلدىرۋ راسىمىنەن وتۋىمەن وتە ماڭىزدى قادام جاساعانىن، ٴبىراق ونىڭ اعىل-تەگىل باتالار اكەلەتىنىن ايتىڭىز.
18 ماسەلەن، «جاستاردىڭ ساۋالدارى. پايدالى كەڭەستەر» كىتابىنىڭ 1-تومىنىڭ (حانزۋشا) سوڭعى بەتتەرىندەگى «اتا-انالاردىڭ ساۋالدارى» قوسىمشاسىنان جاقسى كەڭەستەردى تابارسىز. وندا اتا-انالار جاس ٶسپىرىم بالالارى شىندىقتان باس تارتتى دەپ ۇيعارۋعا اسىقپاي، قايتا ماسەلەنىڭ ٴتۇيىنىن تابۋعا تىرىسۋى كەرەكتىگى ايتىلعان. بالكىم، بالا قۇرداستاردىڭ قىسىمىنا كەزىگىپ نە جالعىزدىق سەزىمىمەن كۇرەسىپ جۇرگەن بولار. نە باسقا جاستارعا قاراپ، ولار سياقتى ەحوباعا كوپ قىزمەت ەتپەيمىن دەپ ويلاپ جۇرگەن شىعار. اتالمىش قوسىمشادا جازىلعانداي، بالانىڭ وسىنداي قيىندىقتارى بولسا، ول مىندەتتى تۇردە نانىمدارىڭىزبەن كەلىسپەيدى دەگەندى بىلدىرمەيدى. ادەتتە وسىنداي قيىندىقتار ونىڭ باسىنان ٶتىپ جاتقان باسقا ٴبىر قيىن جاعدايدىڭ سالدارىنان بولادى. سونداي-اق قوسىمشادا اتا-انانىڭ شىندىققا كۇمانداناتىن بالاسىنا قالاي كومەكتەسە الاتىنىنا قاتىستى كەڭەستەر بەرىلگەن.
19. اتا-انالار بالالارىنا «قۇتقارىلۋعا جەتكىزەتىن» دانالىققا يە بولۋعا قالاي كومەكتەسە الادى؟
19 اتا-انا بولعاندىقتان، ٴسىز بالالارىڭىزدى «ەحوبا ايتقانداي تاربيەلەپ، ونىڭ اقىل-كەڭەسىن بەرىپ ٶسىرۋىڭىز» قاجەت. بۇل — ۇلكەن جاۋاپكەرشىلىك ٵرى مارتەبە (ەفەستىكتەرگە 6:4). بىلگەنىمىزدەي، اتا-انا بالالارىنا كيەلى كىتاپتا جازىلعانداردى ۇيرەتۋى جانە وقىپ-بىلگەندەرىنە كوز جەتكىزۋگە كومەكتەسۋى كەرەك. ال سەنىمدەرى قاتايعاندا، ولار وزدەرىن ەحوباعا باعىشتاپ، شومىلدىرۋ راسىمىنەن وتۋگە تالپىناتىن بولادى. ولاي بولسا، ەحوبانىڭ ٴسوزى مەن رۋحىنىڭ جانە سىزدەردىڭ ەڭبەگىڭىزدىڭ ارقاسىندا بالالارىڭىز «قۇتقارىلۋعا جەتكىزەتىن» دانالىققا يە بولعاي!
^ 9-ابزاس «كيەلى كىتاپ شىن مانىندە نەگە ۇيرەتەدى؟» كىتابىنا ارنالعان ىزدەنىس قۇرالدارى جاستارعا دا، ۇلكەندەرگە دە كيەلى كىتاپ شىندىقتارىن وزدەرى دە ٴتۇسىنىپ، وزگەلەرگە دە ٴتۇسىندىرىپ بەرۋگە جاقسى كومەكتەسەدى. ٴسىز ولاردى jw.org تور بەكەتىنەن كوپتەگەن تىلدە تابا الاسىز. كيەلى كىتاپ تالىمدەرى\كيەلى كىتاپتى زەرتتەۋ قۇرالدارى دەگەن جەردى قاراڭىز.