34-زەرتتەۋ ماقالاسى
ەحوبانىڭ ىزگىلىگىنىڭ «دامىن تاتىڭىز»
«دامىن تاتىڭدار دا، ەحوبانىڭ ىزگىلىگىنە كوز جەتكىزىڭدەر؛ ودان پانا تاپقاندار باقىتتى» (ٴزاب. 34:8).
117-ٵن ىزگىلىك قاسيەتى
اڭداتپا *
1، 2. ٴزابۇر 34:8 گە ساي، ەحوبانىڭ ىزگى ەكەنىنە قالاي كوز جەتكىزسەك بولادى؟
ەلەستەتىپ كورىڭىزشى، الدىڭىزدا ٴسىز ەشقاشان جەپ كورمەگەن تاعام تۇر. ٴسىز ونىڭ تۇرىنە قارايسىز، ٴيىسىن يىسكەپ كورەسىز، ىشىنە نە قوسىلعانىن انىقتايسىز جانە وسى تاعامدى جەپ كورگەن ادامداردىڭ ويىن سۇرايسىز. ٴبىراق ٴسىز ول تاعامدى ٶزىڭىز جەپ كورگەننەن كەيىن عانا دامى قانداي ەكەنىن بىلە الاسىز.
2 ەحوبانىڭ ىزگىلىگىنە كەلەر بولساق، ول جايىندا كيەلى كىتاپتان، ادەبيەتتەرىمىزدەن، باۋىرلاستاردىڭ ەحوبانىڭ باتالارى جايلى ايتقان اڭگىمەلەرىنەن شامالى بىلە الامىز. الايدا ەحوبانىڭ قانشالىقتى ىزگى ەكەنىن ٶزىمىز «دامىن تاتىپ» كورگەندە عانا تولىق تۇسىنەمىز (ٴزابۇر 34:8 وقىڭىز). مىسالى، ٴسىز تولىق ۋاقىتتى قىزمەت ەتكىڭىز كەلەدى دەلىك. بۇل ٷشىن تۇرمىسىڭىزدى قاراپايىم ەتۋ كەرەكتىگىن تۇسىنەسىز. بۇعان دەيىن ٴسىز قۇداي پاتشالىعىن ٴبىرىنشى ورىنعا قوياتىنداردى ەحوبا مىندەتتى تۇردە ەڭ قاجەتىمەن قامدايدى دەگەن ۋادەنى كوپ ەستىگەنسىز (مات. 6:33). ٴبىراق ٶزىڭىز ەشقاشان بۇلاي ەتپەگەنسىز. الايدا يسا ايتقان سول ۋادەگە سەنگەندىكتەن، ٴسىز شىعىندارىڭىزدى ازايتاسىز، جۇمىسىڭىزدى قىسقارتاسىز جانە بار نازارىڭىزدى قىزمەتكە اۋداراسىز. ناتيجەسىندە، ەحوبا شىنىمەن دە قاجەتىڭىزبەن قامدايتىنىنا كوز جەتكىزىپ، ونىڭ ىزگىلىگىنىڭ «دامىن تاتاسىز».
3. ٴزابۇر 16:1، 2 دە ايتىلعانداي، ەحوبا كىمگە ىزگىلىك تانىتادى؟
3 ەحوبا بارلىق ادامدارعا، ٴتىپتى ونى بىلمەيتىندەرگە دە ىزگىلىك تانىتادى (ٴزاب. 145:9؛ مات. 5:45). ٴبىراق ول اسىرەسە ونى جاقسى كورىپ، وعان جان-تانىمەن قىزمەت ەتەتىندەرگە باتاسىن مولىنان توگەدى (ٴزابۇر 16:1، 2 وقىڭىز). قازىر ەحوبا بىزگە قالاي ىزگىلىك تانىتىپ جاتقانىن كورەيىك.
4. ەحوباعا جاقىنداي باستاعان جاندارعا ول ىزگىلىگىن قالاي كورسەتەدى؟
قول. 1:21). ال وعان ٶزىمىزدى باعىشتاپ، شومىلدىرۋ راسىمىنەن وتكەندە، ونىڭ ىزگىلىگىن مولىنان كورە باستادىق. ول بىزگە تاپ-تازا ار-ۇجدان سيلادى جانە ونىمەن جاقىن دوس بولۋىمىزعا جول اشتى (پەت. 1-ح. 3:21).
4 ەحوبادان ۇيرەنگەندەرىمىزدى قولدانعان سايىن ٴبىزدىڭ ٶمىرىمىز جاقسارا ٴتۇستى. مىسالى، ەحوبا تۋرالى ٴبىلىم الىپ، ونى جاقسى كورە باستاعاندا، ول بىزگە جامان ويلار مەن ىستەردەن ارىلۋعا كومەكتەستى (5. ۋاعىز ىسىندە ەحوبانىڭ ىزگىلىگىن قالاي كورىپ ٴجۇرمىز؟
5 ۋاعىز ىسىنە قاتىسا باستاعاندا دا ەحوبا بىزگە ىزگىلىگىن جاۋدىردى. ٴسىز تابيعاتىڭىزدان ۇيالشاق، ۇياڭ ادامسىز با؟ ەحوبانىڭ قىزمەتشىلەرىنىڭ كوبىسى سونداي. بالكىم، بۇرىن ٴسىز بەيتانىس ادامداردىڭ ەسىگىن قاعىپ، ولار ٷشىن ٴبىر بوتەن حاباردى ۋاعىزدايمىن دەپ ويلاماعان شىعارسىز. ٴبىراق ەحوبانىڭ كومەگىمەن قازىر ۋاعىز ٸسىن ٴسۇيىپ اتقاراسىز. ٴتىپتى بۇل ٸس ٴسىزدىڭ كۇندەلىكتى ىستەرىڭىزدىڭ ٴبىرى بولىپ كەتتى. سونداي-اق ەحوبا ٴسىزدى قىزمەتتە ٴتۇرلى جاعدايلاردا قولداپ كەلەدى. مىسالى، قارسىلىققا كەزىككەندە سابىر ساقتاۋعا، قاجەتتى تارماقتى ەسكە ٴتۇسىرىپ، ونى ىزگى حابارعا قىزىققان ادامعا وقىپ بەرۋگە، ۋچاسكەڭىزدەگى ادامدار تىڭداماسا دا، قىزمەتىڭىزدى جالعاستىرا بەرۋگە كومەكتەسىپ كەلەدى (ەرم. 20:7—9).
6. ەحوبانىڭ ىزگىلىگى تاعى نەدەن كورىنەدى؟
6 ەحوبا بىزگە قالاي قىزمەت ەتۋ كەرەكتىگىن ۇيرەتۋىمەن دە ىزگىلىك تانىتادى (جوح. 6:45). مىسالى، ٴبىز «ماسىحشىلىك ٶمىرىمىز بەن قىزمەتىمىز» كەزدەسۋىندە جاقسىلاپ ويلاستىرىپ جاسالعان پىكىرلەسۋ ۇلگىلەرىن تىڭدايمىز. ٴبىراق بۇعان دەيىن ولاي ۋاعىزداپ كورمەگەندىكتەن، باسىندا ولاردى قولدانۋدان تارتىنشاقتايتىن شىعارمىز. الايدا قولدانا كەلە، ونىڭ ٴبىزدىڭ اۋماق ٷشىن وتە ٴتيىمدى ەكەنىن بايقاپ جاتامىز. سونداي-اق كەزدەسۋلەر مەن كونگرەستەردە ەحوبا ٴبىزدى قىزمەتتىڭ باسقا دا تۇرلەرىنە قاتىسۋعا تالپىندىرادى. ٴبىز بۇدان دا تارتىنشاقتاپ، ۇيرەنىپ قالعان قىزمەت ٴتۇرىن اتقارا بەرگىمىز كەلەر. ٴبىراق قىزمەتتىڭ جاڭا ٴتۇرىن اتقارعاندا، ەحوبانىڭ بىزگە باتاسىن توگۋىنە مۇمكىندىك بەرەمىز. قازىرگى جاعدايىمىز قانداي بولسا دا، ەحوباعا بار جاقسىمىزدى بەرۋدىڭ جاڭا جولدارىن ىزدەسەك، ونىڭ كوپ باتاسىنا كەنەلەمىز. ەندەشە، قىزمەتىمىزدى كەڭەيتۋدىڭ قانداي جولدارى بار ەكەنىن كورەيىك.
ەحوباعا سەنىم ارتقاندا توگىلەتىن باتالار
7. قىزمەت اياسىن كەڭەيتۋگە تالپىنساق، قانداي باتالارعا كەنەلەمىز؟
7 ەحوباعا جاقىن بولا تۇسەمىز. ايەلىمەن بىرگە كولۋمبيادا قىزمەت ەتەتىن سامۋەل * دەگەن اقساقالدىڭ مىسالىن قاراستىرايىق. بۇرىن ولار ٶز ەلدەرىندە ٸزاشار بولىپ قىزمەت ەتىپ جۇرگەن. ٴبىراق قىزمەت اياسىن كەڭەيتىپ، قاجەتتىلىك كوبىرەك قاۋىمعا كومەكتەسۋدى جوسپارلايدى. بۇل ٷشىن ەكەۋى ٴبىراز قۇرباندىققا بارادى. سامۋەل باۋىرلاس بىلاي دەيدى: «ٴبىز ماتاي 6:33 تەگى كەڭەسكە قۇلاق استىق. شىعىنداردى ازايتىپ، تەك ەڭ قاجەتتى نارسەلەرگە عانا اقشا جۇمسادىق. ٴبىراق ەڭ قيىنى — پاتەرىمىزدەن كوشۋ بولدى. ويتكەنى ول ٷي وزىمىزگە قاتتى ۇنايتىن، ٵرى ونىڭ ەشقانداي قارىزى جوق بولاتىن». ٴبىراق جاڭا قاۋىمعا اۋىسقاندا، ولار بۇرىنعى جالاقىلارىنىڭ نەبارى التىدان ٴبىر بولىگىنە ٶمىر سۇرە الاتىندارىن بايقايدى. سامۋەل ٴسوزىن بىلاي دەپ جالعادى: «ەحوبا ٵر قادامىمىزدى باعىتتاپ، دۇعامىزعا جاۋاپ بەرىپ وتىردى. ونىڭ رازىلىعى مەن سۇيىسپەنشىلىگىن بۇرىن-سوڭدى مۇنشالىقتى سەزىنبەپپىز». ٴسىز دە قىزمەتىڭىزدىڭ اياسىن كەڭەيتە الاسىز با؟ سولاي ەتسەڭىز، ەحوباعا جاقىن بولا تۇسەسىز جانە ول مىندەتتى تۇردە ٴسىزدى قاجەتىڭىزبەن قامدايدى (ٴزاب. 18:25).
8. يۆان مەن ۆيكتوريانىڭ سوزدەرىنەن نە ٴتۇيدىڭىز؟
8 قىزمەتىمىزدەن مول قۋانىش تابامىز. يۆان مەن ۆيكتوريا دەگەن جۇپ قۇرىلىس جوبالارى سياقتى قىزمەتتىڭ ٴتۇر-تۇرىنە اتسالىسۋدى قالاعاندىقتان، قاراپايىم ٶمىر ٴسۇرۋدى شەشەدى. يۆان بىلاي دەيدى: «ٴبىز كەز كەلگەن جوبانى جان-تانىمىزبەن اتقاراتىنبىز. كەشكە شارشاپ، دىڭكەمىز قۇرىپ قايتساق تا، بار كۇشىمىزدى پاتشالىق ىسىنە سالعانىمىزعا ريزا بولىپ، قاناعات الاتىنبىز. ادال دوستار تاپقانىمىزعا، كەرەمەت ەستەلىكتەر جيناعانىمىزعا دا وتە قۋانىشتىمىز» (مار. 10:29، 30). يۆان مەن ۆيكتوريا قازىر قىرعىزستاندا ٸزاشار بولىپ قىزمەت ەتەدى.
9. ٴبىر ايەل باۋىرلاس قيىن جاعدايىنا قاراماستان، قىزمەت اياسىن قالاي كەڭەيتتى جانە مۇنىڭ قانداي جەمىسىن كوردى؟
9 قازىرگى جاعدايىمىز قيىن بولسا دا، ٴبىز ەحوباعا قىزمەت ەتۋدەن قۋانىش تابا الامىز. بۇعان باتىس افريكادا تۇراتىن ميرا دەگەن جەسىر ايەل باۋىرلاسىمىزدىڭ مىسالى دالەل. ول دارىگەرلىك جۇمىسىنان زەينەتكە شىعىپ، ٸزاشارلىق قىزمەتتى باستايدى. ٴبىراق ونىڭ ۇدەپ بارا جاتقان ارتريت اۋرۋى بولعاندىقتان، ۇيدەن ۇيگە ٴبىر ساعاتتان ارتىق جۇرە المايدى. سوندىقتان ول كوبىنەسە كوپشىلىك ورىندارىندا قىزمەت ەتەدى. ميرا باۋىرلاستىڭ كوپتەگەن قايتا بارۋلارى مەن كيەلى كىتاپ زەرتتەۋ ساباقتارى بار. كەيبىرىمەن ول تەلەفون ارقىلى حابارلاسادى. ناشار دەنساۋلىعىنا قاراماستان، وسىلاي كوپ قىزمەت ەتۋگە ونى نە تالپىندىردى؟ «مەنىڭ ەحوباعا جانە يسا ماسىحكە دەگەن سۇيىسپەنشىلىگىم جۇرەگىمە سيماي بارادى. مەن ەحوباعا قايتا-قايتا دۇعا ايتىپ، بار كۇشىمدى سالىپ قىزمەت ەتۋىمە كومەكتەسشى دەپ سۇرايمىن»،— دەيدى ميرا باۋىرلاس (مات. 22:36، 37).
10. پەتىردىڭ 1-حاتى 5:10 عا ساي، ەحوباعا كوبىرەك قىزمەت ەتەتىندەر تاعى قانداي باتالارعا كەنەلەدى؟
10 ەحوبا قابىلەتتەرىمىز بەن قاسيەتتەرىمىزدى شىڭدايدى. ماۆريكييدە قىزمەت ەتەتىن كەنني دەگەن ىزاشاردىڭ مىسالى بۇعان دالەل. ول شىندىقتى بىلگەن سوڭ، ۋنيۆەرسيتەتتەن كەتەدى. سوسىن شومىلدىرۋ راسىمىنەن ٶتىپ، تولىق ۋاقىت قىزمەت ەتە باستايدى. «مەن يشايا پايعامباردىڭ «مەن بارمىن! مەنى جىبەر!» دەگەن سوزدەرىنە ساي ٶمىر سۇرگىم كەلدى»،— دەيدى كەنني (يشايا 6:8). ول تالاي قۇرىلىس جوبالارىنا قاتىستى جانە كيەلى كىتاپقا نەگىزدەلگەن ادەبيەتتەردى اۋدارۋعا كومەكتەستى. كەنني ٴسوزىن بىلاي دەپ جالعايدى: «تاعايىندالعان قىزمەتىمدى اتقارا الۋىم ٷشىن، باۋىرلاستار مەنى جان-جاقتى ۇيرەتتى، قابىلەتتەرىمدى شىڭداۋعا كومەكتەستى. الايدا مەن جۇمىسىمدى قالاي ىستەۋدى عانا ۇيرەنگەن جوقپىن. مەن قانداي شەكتەۋلەرىم بار ەكەنىن جانە ەحوباعا جاقسىراق قىزمەت ەتۋ ٷشىن قانداي قاسيەتتەر دامىتۋىم كەرەكتىگىن دە ٴتۇسىندىم» (پەتىردىڭ 1-حاتى 5:10 وقىڭىز). ەحوبا ٴسىزدى دە جان-جاقتى شىڭداۋ ٷشىن، ٶز جاعدايىڭىز تۋرالى ويلانىپ، قىزمەتىڭىزدە وزگەرىستەر جاساي الاسىز با؟
11. وڭتۇستىك كورەياداعى ايەل باۋىرلاستار قىزمەتكە قاتىسۋ ٷشىن نە ىستەدى جانە مۇنىڭ ناتيجەسى قانداي بولدى؟ (مۇقاباداعى سۋرەتتى قاراڭىز.)
11 تاجىريبەلى باۋىرلاستاردىڭ ٶزى جاڭا قىزمەت تۇرىنە قاتىسقاندا، جان-جاقتى شىڭدالا الادى. 19-COVID پاندەمياسى كەزىندە وڭتۇستىك كورەياداعى ٴبىر قاۋىمنىڭ اقساقالدارى بىلاي دەپ جازىپ جىبەردى: «ناشار دەنساۋلىقتىڭ كەسىرىنەن كەزىندە ۋاعىزعا شىعا الماعان كەيبىر باۋىرلاستار قازىر ۆيدەوكونفەرەنسيا ارقىلى قىزمەت ەتىپ ٴجۇر. مىسالى، جاستارى سەكسەننەن اسقان ٷش ايەل باۋىرلاسىمىز جاڭا تەحنولوگيانى مەڭگەرىپ الدى. قازىر ولار كۇن سايىن دەرلىك ۋاعىزدايدى» (ٴزاب. 92:14، 15). ٴسىز دە قىزمەت اياسىن كەڭەيتىپ، ەحوبانىڭ ىزگى ەكەنىنە ودان سايىن كوز جەتكىزگىڭىز كەلە مە؟ قازىر وسى ماقساتقا جەتۋگە كومەكتەسەتىن قادامداردى قاراستىرايىق.
كوبىرەك قىزمەت ەتكىم كەلەدى دەسەڭىز
12. ەحوباعا ارقا سۇيەيتىندەرگە ول نەنى ۋادە ەتەدى؟
12 ەحوباعا ارقا سۇيەڭىز. وعان ارقا سۇيەپ، وزدەرىندەگى ەڭ جاقسىلارىن بەرەتىندەرگە ەحوبا باتاسىن مولىنان جاۋدىراتىنىن ايتادى (مالح. 3:10). كولۋمبيادا تۇراتىن فابيولا باۋىرلاستىڭ جاعدايىندا ەحوبا وسى ۋادەسىندە تۇردى. ول شومىلدىرۋ راسىمىنەن وتكەننەن كەيىن، بىردەن تۇراقتى ٸزاشار بولعىسى كەلگەن. ٴبىراق ٷش بالاسى مەن كۇيەۋىن اسىراۋ ونىڭ موينىندا ەدى. كەيىن زەينەتكە شىعاتىن كەزىندە فابيولا ەحوباعا جالبارىنىپ دۇعا ەتەدى. ول بىلاي دەيدى: «ٴبىزدىڭ جاقتا زەينەتكە شىققاننان كەيىن، زەينەتاقىنى ۇزاق ۋاقىت كۇتەسىڭ. ٴبىراق مەن ونى ٴبىر ايدان كەيىن-اق الا باستادىم. بۇل ٴبىر كەرەمەت بولدى!» ال ەكى ايدان كەيىن ول ٸزاشارلىق قىزمەتىن باستادى. قازىر فابيولا باۋىرلاستىڭ جاسى جەتپىستەن اسقان. ٸزاشار بولىپ جۇرگەنىنە 20-جىلدان كوپ بولدى. وسى ۋاقىت ارالىعىندا ول 8 ادامعا شومىلدىرۋ راسىمىنەن وتۋگە كومەكتەستى. «كەيدە السىرەپ، كۇشىم بولمايتىن كەزدەر بولادى. ٴبىراق ەحوبا جوسپارىمدى ۇستانۋعا كۇن سايىن كومەكتەسىپ كەلەدى»،— دەيدى فابيولا.
13، 14. ەحوباعا ارقا سۇيەپ، قىزمەت اياسىن كەڭەيتۋگە قانداي ۇلگىلەر كومەكتەسەدى؟
ەۆر. 11:8). ال جاقىپ پەرىشتەمەن كۇرەسكەننەن كەيىن عانا ەحوبانىڭ باتاسىن الدى (مۇس. 1-ج. 32:24—30). ٴدىني قىزمەتكەرلەر ارناسىنان تاسىعان يوردان وزەنىنە اياق باسقاننان كەيىن عانا سۋ توقتاپ، حالىق ۋادە ەتىلگەن جەرگە ٶتتى (ەشۋا 3:14—16).
13 ەحوباعا ارقا سۇيەگەن جانداردى ۇلگى ەتىڭىز. كيەلى كىتاپتا ەحوباعا ايانباي قىزمەت ەتكەن ادامداردىڭ ۇلگىسى كوپ. كوپ جاعدايدا ولار ەحوباعا ارقا سۇيەيتىندەرىن كورسەتكەننەن كەيىن عانا ەحوبا ولارعا باتاسىن بەرگەن. مىسالى، ىبىرايىم «قايدا بارا جاتقانىن بىلمەسە دە»، ٷيىن تاستاپ كەتكەننەن كەيىن عانا ەحوبا ونى جارىلقادى (14 ٴسىز ەحوباعا ارقا سۇيەپ، قىزمەت اياسىن كەڭەيتكەن بۇگىندەگى كۋاگەرلەردەن دە ۇيرەنە الاسىز. مىسالى، پەيتون مەن ديانا سايتىمىزدان قىزمەت اياسىن كەڭەيتكەن باۋىرلاستاردىڭ وقيعالارىن وقىعاندى ۇناتادى ەكەن. ونداي وقيعالار «ولار دايىندىق رۋحىن تانىتتى» دەگەن ايداردا كوپ *. پەيتون بىلاي دەيدى: «وسىنداي وقيعالاردى وقىعاندا، تاماقتى سۇيسىنە جەپ وتىرعان ادامدى تاماشالاعانداي بولامىن. وعان قاراعان سايىن، ٶزىڭ دە ٴدامىن كورىپ، ەحوبانىڭ ىزگىلىگىنە كوز جەتكىزگىڭ كەلىپ كەتەدى». كەيىن پەيتون مەن ديانا قاجەتتىلىك بار جەرگە كوشىپ باردى. وسى ايدارداعى وقيعالاردى ٴسىز دە وقيسىز با؟ سونداي-اق سايتىمىزدا شىققان «قاجەتتىلىك بار جەردە قىزمەت ەتۋ. ماقساتتى جۇزەگە اسىرۋ» جانە «سوناۋ سىبىردەگى ۋاعىز ٸسى» دەگەن ۆيدەولاردى كورگەنسىز بە؟ بۇل مالىمەتتەر قىزمەتىڭىزدى كەڭەيتۋدىڭ جولدارىن كورۋگە كومەكتەسەدى.
15. قىزمەت اياسىن كەڭەيتكەندەرمەن ارالاسقاننىڭ قانداي پايداسى بار؟
15 قىزمەت اياسىن كەڭەيتكەندەرمەن ارالاسىڭىز. ٴبىز جاڭا تاعامدى قاي كەزدە جەپ كورۋگە اسىق بولامىز؟ سول تاماقتى ٴسۇيىپ جەيتىن ادامدارمەن بىرگە وتىرعاندا. سول سياقتى، قىزمەت دەسە ىشكەن اسىن جەرگە قوياتىن ادامدارمەن ارالاسساق، ٴبىز دە كوبىرەك قىزمەت ەتۋدىڭ جولدارىن ىزدەۋگە تالپىنامىز. كەنت پەن ۆەرونيكا دەگەن ەرلى-زايىپتىنىڭ جاعدايىندا وسىلاي بولعان. «دوستارىمىز بەن وتباسىمىز ٴبىزدى جاڭا قىزمەت ٴتۇرىنىڭ ٴدامىن تاتۋعا تالپىندىراتىن. قۇداي پاتشالىعىن ٴبىرىنشى ورىنعا قوياتىندارمەن ارالاسقان سايىن، جاڭا نارسەنى باستاۋعا دەگەن ىقىلاسىمىز دا، باتىلدىعىمىز دا ارتا ٴتۇستى»،— دەيدى كەنت. قازىر ولار سەربيادا ارنايى ٸزاشار بولىپ قىزمەت ەتەدى.
16. لۇقا 12:16—21-تارماقتارداعى يسانىڭ مىسالىن ەسكەرەر بولساق، نەگە قۇرباندىقتارعا بارۋعا دايىن بولۋىمىز كەرەك؟
16 قۇرباندىقتارعا بارىڭىز. ەحوباعا ۇنامدى بولۋ — وزىمىزگە ۇنايتىن نارسەنىڭ ٴبارىن قۇربان ەتۋ دەگەن ٴسوز ەمەس، ارينە (ۋاع. 5:19، 20). الايدا قۇرباندىقتارعا بارعىمىز كەلمەگەندىكتەن، ەحوباعا كوبىرەك قىزمەت ەتۋدەن تارتىنساق، يسانىڭ مىسالىنداعى باي كىسىگە ۇقساپ قالامىز. بۇل باي كىسى وزىنە جايلى ٶمىر جاساپ، ال قۇدايدى ەش ەلەمەدى (لۇقا 12:16—21 وقىڭىز). فرانسيادا تۇراتىن كريستەن باۋىرلاس بىلاي دەيدى: «مەن ۋاقىتىم مەن كۇشىمدى نەگىزىنەن باسقا نارسەلەرگە ارناپ، ەحوبا مەن وتباسىما تەك قالدىعىن عانا جۇمسايتىنمىن». ٴبىراق كەيىن ول ايەلى ەكەۋى ٸزاشار بولۋدى شەشتى. بۇل ٷشىن ولارعا جۇمىستارىنان كەتۋگە تۋرا كەلدى. ٴسۇيتىپ، ولار ۇيلەر مەن وفيستەردى تازالاپ كۇن كوردى جانە باردى قاناعات ەتۋدى ۇيرەندى. وسى قۇرباندىقتارىنىڭ ناتيجەسى قانداي بولدى؟ كريستەن بىلاي دەيدى: «قازىر قىزمەتىمىز بىزگە كوپ قاناعات سيلايدى. زەرتتەۋشىلەر مەن قايتا بارۋلاردىڭ ەحوبا قۇداي جايلى ٴبىلىم الىپ جاتقانىن كورىپ قاتتى قۋانامىز».
17. قىزمەتتىڭ جاڭا تۇرىنە قاتىسۋعا بىزگە نە كەدەرگى بولۋى مۇمكىن؟
17 قىزمەتتىڭ جاڭا تۇرىنە قاتىسۋعا ىقىلاستى بولىڭىز (ەل. ٸس. 17:16، 17؛ 20:20، 21). قۇراما شتاتتاردا تۇراتىن شەرلي دەگەن ٸزاشار 19-COVID پاندەمياسى كەزىندە باسقاشا ۋاعىزداۋدى ۇيرەندى. باسىندا ونىڭ تەلەفونمەن ۋاعىزداۋعا باتىلى بارمايتىن. كەيىن اۋداندىق باقىلاۋشىنىڭ ساپارى كەزىندە ٴبىراز تاجىريبە جيناپ، قازىر ول بۇل قىزمەت تۇرىنە جۇيەلى تۇردە قاتىسادى. شەرلي بىلاي دەيدى: «باسىندا مەن تەلەفوندى ۇستاعاننان-اق قورقىپ دىرىلدەيتىنمىن. ٴبىراق قازىر بۇل ماعان قاتتى ۇنايدى. ٴبىر قىزىعى، قازىر ٴبىز ۇيمە-ٷي جۇرگەن كەزدەگىدەن دە كوپ اداممەن سويلەسەمىز».
18. قىزمەت اياسىن كەڭەيتۋگە كەدەرگىلەر شىققاندا بىزگە نە كومەكتەسەدى؟
18 ماقساتتارىڭىزدى جازىپ، ولارعا جەتۋگە تىرىسىڭىز. ٴبىز قيىندىققا كەزىككەندە، ەحوبادان دانالىق سۇراپ، سول قيىندىقتى قالاي شەشۋگە بولاتىنى جايلى ويلانامىز (ناق. س. 3:21). ەۋروپادا سىعان تىلىندەگى توپتا قىزمەت ەتەتىن سونيا دەگەن ٸزاشار بىلاي دەيدى: «مەن العا قويعان ماقساتتارىمدى قاعاز بەتىنە ٴتۇسىرىپ، كورىنەتىن جەرگە ٸلىپ قويعاندى جاقسى كورەمىن. ۇستەلىمنىڭ ۇستىندە ەكى باعىتقا اپاراتىن جولايرىقتىڭ سۋرەتى بار. قانداي دا ٴبىر شەشىم قابىلداماس بۇرىن، مەن سول سۋرەتكە قاراپ، قابىلدايتىن شەشىمىم ماقساتىما جەتكىزە مە، الدە ودان الىستاتا ما دەپ ويلانامىن». سونيا قيىنشىلىقتاردا وڭ كوزقاراس ساقتاۋعا تىرىسادى. ول بىلاي دەيدى: «تۋىنداعان كەز كەلگەن جاعداي ماعان بوگەت بولاتىن دۋال نەمەسە ماقساتىما جەتكىزەتىن كوپىر بولا الادى. بارلىعى مەنىڭ كوزقاراسىما بايلانىستى».
19. ٴبىز نە ىستەۋگە بەل بۋۋىمىز كەرەك؟
19 ەحوبا بىزگە سان ٴتۇرلى جولمەن باتاسىن جاۋدىرادى. ال ٴبىز وسى باتالاردى باعالاعاندىقتان، ونى ماداقتاۋعا بار كۇشىمىزدى سالامىز (ەۆر. 13:15). مىسالى، قىزمەت اياسىن كەڭەيتۋدىڭ جاڭا جولدارىن ىزدەيمىز. سوندا ەحوباعا بۇدان دا كوپ باتا بەرۋىنە جول اشامىز. ەندەشە، كۇن سايىن «دامىن تاتىپ، ەحوبانىڭ ىزگىلىگىنە كوز جەتكىزۋدىڭ» مۇمكىندىگىن جىبەرمەيىك. سوندا «مەنىڭ تاماعىم — ٶزىمدى جىبەرگەن قۇدايدىڭ ەركىن ورىنداۋ جانە ونىڭ تاپسىرعان ٸسىن اياقتاۋ» دەپ ايتقان يساعا ۇقسايتىن بولامىز (جوح. 4:34).
80-ٵن «دامىن تاتىڭدار دا، ەحوبانىڭ ىزگىلىگىنە كوز جەتكىزىڭدەر»
^ 5-ابزاس ەحوبا — ىزگىلىكتىڭ قاينارى. ونىڭ ىزگىلىگىن جاقسى ادامدار دا، جامان ادامدار دا كورىپ ٴجۇر. ٴبىراق ەحوبا اسىرەسە ادال قىزمەتشىلەرىنە ىزگىلىك كورسەتكىسى كەلەدى. ولارعا قالاي ىزگىلىك كورسەتەتىنىن وسى ماقالادان بىلەمىز. سونداي-اق قىزمەت اياسىن كەڭەيتەتىندەر ەحوبانىڭ ىزگىلىگىنە ەرەكشە جولمەن كوز جەتكىزەتىنىن دە بىلەمىز.
^ 7-ابزاس كەيبىر ەسىمدەر وزگەرتىلگەن.
^ 14-ابزاس بۇل ايدار بۇعان دەيىن «كۇزەت مۇناراسىندا» جارىق كورەتىن. ەندى ولاردى jw.org سايتىندا ٴبىز جونىندە > وقيعالار > رۋحاني ماقساتتارعا قول جەتكىزۋ دەگەن جەردەن وقي الاسىز.