35-زەرتتەۋ ماقالاسى
ەحوبانىڭ قاۋىمىندا وزگەلەردىڭ ورنىن باعالاڭىز
«كوز قولعا: «ماعان كەرەگىڭ جوق»،— دەي المايدى. باس تا اياققا: «ماعان كەرەك ەمەسسىڭ»،— دەي المايدى» (قور. 1-ح. 12:21).
124-ٵن ٵردايىم ادالدىق تانىتايىق
اڭداتپا *
1. ەحوبا ٵربىر ادال قىزمەتشىسىنە نە بەردى؟
ەحوبا ٵربىر ادال قىزمەتشىسىنە ٶز قاۋىمىنان ورىن بەرگەن. ٵرقايسىسىمىز ٵرتۇرلى ٴرول اتقارساق تا، بارلىعىمىز باعالىمىز جانە ٴبىر-بىرىمىزگە قاجەتپىز. وسى ماڭىزدى جايتتى ەلشى پاۋىل جاقسى تۇسىندىرگەن. قالاي؟
2. ەفەستىكتەرگە 4:16 عا ساي، نەگە ٴبىز ٴبىر-ٴبىرىمىزدى باعالاۋىمىز جانە بىرلەسە قىزمەتتەسۋىمىز قاجەت؟
2 بۇگىنگى ماقالانىڭ نەگىزگى تارماعىندا پاۋىل ايتقانداي، ەشقايسىسىمىز ەحوبانىڭ وزگە قىزمەتشىسىنە: «ماعان كەرەك ەمەسسىڭ»،— دەپ ايتا المايمىز (قور. 1-ح. 12:21). قاۋىمنىڭ بىرلىكتە بولعانىن قالاساق، ٵرقايسىسىمىز ٴبىر-ٴبىرىمىزدى باعالاۋىمىز كەرەك جانە بىرگە قىزمەتتەسۋىمىز قاجەت (ەفەستىكتەرگە 4:16 وقىڭىز). ەگەر بىرلەسە قىزمەتتەسسەك، قاۋىمىمىز نىعايادى جانە ونداعى ٵربىر ادام ٶزىن كەرەك سەزىنەدى.
3. بۇل ماقالادان ٴبىز نە بىلەمىز؟
3 قاۋىمداعى وزگە باۋىرلاستاردى قۇرمەتتەيتىنىمىزدى قانداي جاعدايلاردا كورسەتە الامىز؟ بۇل ماقالادا ٴبىز الدىمەن اقساقالدار وزگە اقساقالداردى قۇرمەتتەيتىندەرىن قالاي كورسەتە الاتىنىن قاراستىرامىز. سودان كەيىن بارلىعىمىز سالتباستى باۋىرلاستاردى باعالايتىنىمىزدى، سونداي-اق ٴبىزدىڭ تىلىمىزدە ەركىن سويلەي المايتىن باۋىرلاستاردى قۇرمەتتەيتىنىمىزدى قالاي كورسەتە الاتىنىمىزدى تالقىلايمىز.
وزگە اقساقالدارعا قۇرمەت تانىتىڭىز
4. اقساقالدار پاۋىلدىڭ ريمدىكتەرگە 12:10 دا جازىلعان قانداي كەڭەسىنە قۇلاق اسۋ قاجەت؟
4 قاۋىمداعى بارلىق اقساقالدار ەحوبانىڭ كيەلى رۋحىمەن تاعايىندالعان. دەسە دە ولاردىڭ ارقايسىسىنىڭ قابىلەت-دارىندارى قور. 1-ح. 12:17، 18). اقساقالداردىڭ كەيبىرى جاڭادان تاعايىندالعان ٵرى تاجىريبەسى از بولۋى مۇمكىن. ال وزگەلەرىنىڭ قارتتىقتىڭ نە دەنساۋلىقتىڭ كەسىرىنەن مۇمكىندىكتەرى شەكتەۋلى شىعار. الايدا ەشبىر اقساقال وزگە اقساقالعا: «ماعان كەرەك ەمەسسىڭ»،— دەمەۋ كەرەك. قايتا، پاۋىلدىڭ ريمدىكتەرگە 12:10 دا (وقىڭىز) جازىلعان كەڭەسىنە قۇلاق اسۋى قاجەت.
ٵرتۇرلى (اقساقالدار مۇقيات تىڭداۋ ارقىلى ٴبىر-بىرىنە قۇرمەت تانىتادى (5، 6-ابزاستى قاراڭىز)
5. اقساقالدار وزگە اقساقالدارعا قالاي قۇرمەت تانىتا الادى جانە ولاي ەتكەندەرى نەگە ماڭىزدى؟
5 اقساقالدار ٴبىر-ٴبىرىن مۇقيات تىڭداۋ ارقىلى ٶزارا قۇرمەت تانىتا الادى. اسىرەسە ماڭىزدى ماسەلەلەردى شەشۋ ٷشىن باس قوسقاندا اقساقالداردىڭ وسىلاي ەتكەندەرى دۇرىس. نەلىكتەن؟ 1988-جىلعى «كۇزەت مۇناراسىنىڭ» 1-قازانىنداعى سانىندا (اع.) مىناداي سوزدەر بار: «اقساقالدار مىنانى جاقسى تۇسىنەدى: ٴماسىح كيەلى رۋح ارقىلى كەز كەلگەن اقساقالدىڭ ويىن باعىتتاي الادى، قانداي دا ٴبىر جاعدايدى نە قيىن ماسەلەنى شەشۋگە قاتىستى كيەلى كىتاپ ٴپرينسيپىن ەسىنە سالا الادى (ەل. ٸس. 15:6—15). كيەلى رۋح تەك ٴبىر اقساقالعا ەمەس، اقساقالداردىڭ بارلىعىنا اسەر ەتە الادى».
6. اقساقالدارعا بىرلىكتە قىزمەتتەسۋگە نە كومەكتەسەدى جانە ولار سولاي ەتكەندە قاۋىم مۇنىڭ قانداي پايداسىن كورەدى؟
6 وزگە اقساقالداردى قۇرمەتتەيتىن اقساقال اقساقالدار كەزدەسۋىندە ٵردايىم ٴبىرىنشى بولىپ سويلەۋگە تىرىسپايدى. ول ٶزى عانا سويلەي بەرمەيدى جانە ٶزىنىڭ عانا پىكىرى دۇرىس دەپ ەسەپتەمەيدى. قايتا، ول ويىن كىشىپەيىلدىلىكپەن، قاراپايىمدىلىقپەن جەتكىزەدى جانە وزگەلەردىڭ ويىن مۇقيات تىڭدايدى. ەڭ باستىسى، ول جازبالارداعى پرينسيپتەردى كورسەتۋگە جانە «ادال دا اقىلدى قۇلدىڭ» بەرگەن باسشىلىعىنا قۇلاق اسۋعا دايىن بولادى (مات. 24:45—47). اقساقالداردىڭ تالقىلاۋى سۇيىسپەنشىلىكپەن، قۇرمەتپەن وتەتىن بولسا، ولاردىڭ ارالارىندا كيەلى رۋح بولادى. ال كيەلى رۋح ولارعا قاۋىمدى نىعايتاتىن شەشىمدەر قابىلداۋعا باعىت بەرەدى (جاق. 3:17، 18).
نەكە قۇرماعان ماسىحشىلەرگە قۇرمەت تانىتىڭىز
7. يسا نەكە قۇرماعاندارعا قالاي قاراعان؟
7 قاۋىمىمىز ەرلى-زايىپتىلاردان جانە بالالى وتباسىلاردان قۇرالعان. سونداي-اق قاۋىمدا كوپتەگەن سالتباستى باۋىرلاستار دا بار. ٴبىز ولارعا قالاي قاراۋىمىز كەرەك؟ ٴبىز يسانىڭ كوزقاراسىنا ەلىكتەۋىمىز قاجەت. يسانىڭ ٶزى جەردە بولعاندا نەكە قۇرماعان. ول سالتباستى بولىپ قالىپ، بار ۋاقىتى مەن نازارىن قىزمەتكە اۋدارعان. ٴبىراق ول ەشقاشان ٴماسىحشى مىندەتتى تۇردە نەكە قۇرۋ كەرەك نە قۇرماۋ كەرەك دەپ ۇيرەتپەگەن. الايدا ول كەيبىر ماسىحشىلەردىڭ نەكە قۇرماۋدى شەشەتىنىن ايتقان (مات. 19:11، 12). يسا نەكە قۇرماعان سالتباستىلارعا قۇرمەتپەن قاراعان. ول ەشقاشان سالتباستىلاردى تومەن نە ٴبىر نارسەدەن قۇر قالعان ادامدار دەپ ساناماعان.
8. قورىنتتىقتارعا 1-حات 7:7—9 تارماقتارعا ساي، ەلشى پاۋىل ماسىحشىلەردى نە جايلى ويلانۋعا تالپىندىرعان؟
8 يسا سياقتى، ەلشى پاۋىل دا سالتباستى بولىپ قىزمەت ەتكەن. پاۋىل ٴماسىحشىنىڭ نەكە قۇرعانى دۇرىس ەمەس دەپ ەشقاشان ۇيرەتپەگەن. بۇل ٵر ادامنىڭ جەكە شەشىمى ەكەنىن تۇسىنگەن. دەسە دە پاۋىل ماسىحشىلەردى ەحوباعا سالتباستى بولىپ قىزمەت ەتۋ جايلى ويلانىپ كورۋگە شاقىرعان (قورىنتتىقتارعا 1-حات 7:7—9 وقىڭىز). پاۋىل سالتباستى ماسىحشىلەردى تومەن ساناماعان دەپ انىق ايتا الامىز. ويتكەنى ول ماڭىزدى جاۋاپكەرشىلىكتەردى جاس ٵرى سالتباستى تىموتەگە تاپسىرعان * (ٴفىلىپ. 2:19—22). سوندىقتان ەر باۋىرلاستىڭ قانداي دا ٴبىر جاۋاپكەرشىلىككە لايىقتى بولۋى ونىڭ ۇيلەنگەن-ۇيلەنبەگەنىنە بايلانىستى دەپ ويلاۋ دۇرىس ەمەس (قور. 1-ح. 7:32—35، 38).
9. ٴبىز نەكە مەن سالتباستىلىق جايلى نە دەي الامىز؟
9 يسا دا، پاۋىل دا ماسىحشىلەر مىندەتتى تۇردە نەكە قۇرۋ كەرەك نەمەسە سالتباستى بولۋ كەرەك دەپ ۇيرەتپەگەن. ولاي بولسا، نەكە مەن سالتباستىلىق جايلى نە دەي الامىز؟ بۇل جايلى 2012-جىلعى «كۇزەت مۇناراسىنىڭ» 1-قازانىنداعى سانىندا بىلاي دەلىنگەن: «شىن مانىندە بۇل ەكەۋىن دە [نەكە مەن سالتباستىلىقتى] قۇدايدىڭ سيى دەپ قاراستىرعانىمىز ٴجون... سالتباستىلىقتى ەحوبا ادامدى ماسقارا ەتەتىن نەمەسە قاسىرەتكە قالدىراتىن جاعداي دەپ قاراستىرمايدى».
وسىنى ويدا ۇستاپ، ٴبىز قاۋىمداعى سالتباستى باۋىرلاستاردى قۇرمەتتەۋىمىز قاجەت.سالتباستى باۋىرلاستاردىڭ سەزىمىن قۇرمەتتەسەك، نە ىستەۋدەن اۋلاق بولامىز؟ (10-ابزاستى قاراڭىز)
10. سالتباستى باۋىرلاستاردى قۇرمەتتەيتىنىمىزدى قالاي كورسەتە الامىز؟
10 ٴبىز سالتباستى باۋىرلاستاردىڭ سەزىمدەرىن قۇرمەتتەيتىنىمىزدى قالاي كورسەتە الامىز؟ ٴبىز ولاردىڭ سالتباستى بولۋلارىنىڭ سەبەپتەرى ٵرتۇرلى ەكەنىن ەستە ۇستاۋىمىز قاجەت. مىسالى، كەيبىر ماسىحشىلەر نەكە قۇرماۋدى وزدەرى شەشكەن. ال وزگەلەرى نەكە قۇرعىلارى كەلەدى، ٴبىراق ٶز ادامىن ٵلى تاپپاعان. ال وزگەلەردىڭ جۇبايى قايتىس بولعان بولۋى مۇمكىن. ولاي بولسا، قاۋىمداعى باۋىرلاستاردىڭ ولاردان نە ٷشىن نەكە قۇرماعانىن سۇراعاندارى نەمەسە جار تابۋعا كومەك ۇسىنعاندارى ورىندى بولا ما؟ ارينە، كەيبىر سالتباستى ماسىحشىلەر وزدەرى كومەك سۇراۋلارى مۇمكىن. ال ەگەر ەشقانداي كومەك سۇراماسا دا، وزگەلەردىڭ كومەكتەسۋگە تىرىسقانى ولارعا قالاي اسەر ەتەدى؟ (سال. 1-ح. 4:11؛ ٴتىم. 1-ح. 5:13). ال قازىر كەيبىر سالتباستى باۋىرلاستاردىڭ ايتقان سوزدەرىنە نازار اۋدارايىق.
11، 12. اباي بولماساق، سالتباستى باۋىرلاستاردى قالاي رەنجىتىپ الۋىمىز مۇمكىن؟
11 قىزمەتىن جاقسى اتقارىپ جۇرگەن ٴبىر سالتباستى اۋداندىق باقىلاۋشى سالتباستى بولۋدىڭ كوپ پايداسى بار دەپ ەسەپتەيدى. ٴبىراق ول باۋىرلاستاردىڭ يگى نيەتپەن: «وسى سەن نەگە ۇيلەنبەيسىڭ؟»— دەيتىندەرى كەيدە كوڭىلىنە ٴتيىپ جاتاتىنىن ايتتى. ال بەتەلدە قىزمەت ەتەتىن ٴبىر سالتباستى ەر باۋىرلاس بىلاي دەيدى: «كەيدە باۋىرلاستار سالتباستى باۋىرلاستارعا اياۋشىلىقپەن قارايتىنداي كورىنەدى. بۇل سالتباستىلىق سي ەمەس، اۋىرتپالىق دەگەندەي سەزىم تۋدىرادى».
12 بەتەلدە قىزمەت ەتەتىن ٴبىر سالتباستى قىز باۋىرلاس بىلاي دەيدى: «كەيبىر جاريالاۋشىلار سالتباستى باۋىرلاستاردىڭ بارلىعى وزدەرىنە جار ىزدەپ جۇرەدى دەپ ويلايدى. يا بولماسا بارلىق سالتباستى باۋىرلاستار كەز كەلگەن وتىرىستى جار تابۋدىڭ مۇمكىندىگى دەپ قاراستىرادى دەگەن ويدا. بىردە مەن بەتەلدىك تاپسىرمامەن باسقا قالاعا باردىم. مەن بارعان كۇنى قاۋىم بولادى ەكەن. مەنى قوناق ەتكەن ايەل باۋىرلاس قاۋىمدارىندا مەنىمەن جاستى ەكى ەر باۋىرلاستىڭ بار ەكەنىن ايتتى. ٴبىراق ول «سەنى بىرەۋمەن قوسايىن دەگەن ويىم جوق» دەسە دە، پاتشالىق سارايىنا كىرگەن بويدا مەنى جاڭاعى ەكى ەر باۋىرلاسقا سۇيرەپ الىپ باردى. ٴسۇيتىپ، ۇشەۋمىز دە ٴبىرتۇرلى جاعدايعا قالدىق».
13. باۋىرلاستاردىڭ قانداي ۇلگىسى ٴبىر سالتباستى قىز باۋىرلاستى جىگەرلەندىردى؟
13 بەتەلدە قىزمەت ەتەتىن تاعى ٴبىر سالتباستى قىز باۋىرلاس بىلاي دەيدى: «مەن قاۋىمدا كوپ جىلدان بەرى سالتباستى بولىپ جۇرگەن ٸزاشار باۋىرلاستاردى بىلەمىن. ولار وتە تولىسقان، ناقتى ماقساتتارى بار، جانقيار، قىزمەتتەرىنەن قاناعات الادى. مۇنداي باۋىرلاستاردىڭ قاۋىمعا تيگىزەر پايدالارى كوپ. ولار بايسالدى كوزقاراس تانىتادى. سالتباستى بولعاندىقتان، وزدەرىن وزگەلەردەن جوعارى ساناپ كەتپەيدى نەمەسە جارلارى نە بالالارى بولماعاندىقتان، وزدەرىن وزگەلەردەن كەم سانامايدى». ٵربىر ادامدى قۇرمەتتەپ، باعالايتىن قاۋىمعا نە جەتسىن! مۇنداي ورتادا ەشكىم ەشكىمگە اياۋشىلىقپەن نە قىزعانىشپەن قارامايدى، ەلەمەي كەتۋ نە جوعارى ساناۋ دەگەن دە بولمايدى. بارلىعى ٴبىر-ٴبىرىن جاقسى كورەدى.
14. ٴبىز سالتباستى باۋىرلاستارعا قالاي قۇرمەت كورسەتە الامىز؟
14 سالتباستى باۋىرلاستاردى نەكە قۇرعان-قۇرماعانىنا قاراپ ەمەس، جاقسى قاسيەتتەرىنە قاراپ قۇرمەتتەسەك، بۇل ولاردى قاتتى قۋانتادى. ولارعا اياۋشىلىقپەن قور. 1-ح. 12:21). قايتا، ٴبىز ولاردى قۇرمەتتەيتىنىمىزدى، قاۋىمداعى ورىندارىن باعالايتىنىمىزدى بىلەتىن بولادى.
قاراماي، قايتا، ادالدىقتارى ٷشىن باعالايىق. سوندا سالتباستى باۋىرلاستارىمىز ٴبىز ولارعا «ماعان كەرەك ەمەسسىڭ» دەپ جاتىرمىز دەپ ويلامايدى (ٴسىزدىڭ تىلىڭىزدە ەركىن سويلەمەيتىندەرگە قۇرمەت تانىتىڭىز
15. كەيبىر باۋىرلاستار قىزمەت اياسىن كەڭەيتۋ ٷشىن قانداي وزگەرىستەر جاساعان؟
15 سوڭعى جىلدارى كوپتەگەن جاريالاۋشىلار قىزمەت اياسىن كەڭەيتۋ ٷشىن وزگە ٴتىلدى ۇيرەنۋدى ماقسات ەتكەن. بۇل ٷشىن ولار كوپتەگەن وزگەرىستەر جاسادى. ولار ٶز قاۋىمدارىن تاستاپ، جاريالاۋشىلار قاجەت شەت ٴتىلدى قاۋىمدارعا كوشىپ باردى (ەل. ٸس. 16:9). بۇل — سول باۋىرلاستاردىڭ ەحوباعا كوبىرەك قىزمەت ەتۋ ٷشىن قابىلداعان جەكە شەشىمدەرى. ولار جاڭا تىلدە ەركىن سويلەگەنشە، ٴبىراز جىل ٶتۋى مۇمكىن. دەسە دە ولاردىڭ قاۋىمعا تيگىزەر پايداسى كوپ. ولاردىڭ جاقسى قاسيەتتەرى مەن تاجىريبەلەرى قاۋىمدى نىعايتادى. ٴبىز بۇنداي جانقيار باۋىرلاستاردى قاتتى باعالايمىز!
16. اقساقالدار ەر باۋىرلاستىڭ اقساقال نە قىزمەت كومەكشىسى بولۋعا لايىقتى ەكەنىن قالاي انىقتايدى؟
16 اقساقالدار كەڭەسى ٴتىلدى جاقسى بىلمەيتىن قانداي دا ٴبىر ەر باۋىرلاستى اقساقال نە قىزمەت كومەكشىسى بولۋعا ۇسىنۋدان تارتىنباۋ كەرەك. اقساقالدار ەر باۋىرلاستىڭ بۇل قىزمەتكە ساي كەلەتىن-كەلمەيتىنىن جەرگىلىكتى ٴتىلدى قانشالىقتى بىلەتىنىنە قاراپ ەمەس، جازبالارداعى تالاپتارعا قاراپ انىقتايدى (ٴتىم. 1-ح. 3:1—10، 12، 13؛ تيت. 1:5—9).
17. وزگە ەلگە كوشىپ بارعان وتباسىلار نەنى شەشىپ الۋلارى قاجەت؟
17 كەيبىر ٴماسىحشى وتباسىلار پانا تابۋ ٷشىن نە جۇمىس ىستەۋ ٷشىن وزگە ەلگە كوشىپ بارۋى مۇمكىن. بۇنداي جاعدايدا ولاردىڭ بالالارى سول ەلدىڭ نەگىزگى تىلىندە ٴبىلىم الاتىن شىعار. اتا-انالارىنا دا جۇمىس تابۋ ٷشىن سول ەلدىڭ ٴتىلىن ۇيرەنۋ قاجەت بولۋى مۇمكىن. ال ەگەر سول ەلدە ولاردىڭ انا تىلىندە وتەتىن توپ نە قاۋىم بار بولسا، مۇندايدا ولار نە ىستەۋ كەرەك؟ انا تىلىندەگى قاۋىمعا بارۋ كەرەك پە، الدە سول ەلدىڭ نەگىزگى تىلىندە وتەتىن قاۋىمعا بارعاندارى دۇرىس پا؟
18. عالاتتىقتارعا 6:5 كە ساي، ٴبىز وتاعاسىنىڭ قابىلداعان شەشىمىنە قالاي قۇرمەت تانىتا الامىز؟
18 وتاعاسى * ٶز وتباسى ٷشىن نەنىڭ دۇرىس بولاتىنىن انىقتاپ، وتباسىنىڭ قاي قاۋىمعا باراتىنىن شەشىپ الۋ كەرەك (عالاتتىقتارعا 6:5 وقىڭىز). بۇل اركىمنىڭ جەكە ٸسى بولعاندىقتان، ٴبىز وتاعاسىنىڭ شەشىمىنە قۇرمەتپەن قاراۋىمىز كەرەك. وتاعاسى قانداي شەشىم قابىلداماسىن، ٴبىز سول وتباسىن قاۋىمىمىزدىڭ ٴبىر بولىگى رەتىندە قۇشاق جايا قارسى الايىق (ريم. 15:7).
19. وتاعالارى دۇعا ەتە وتىرىپ نەنى شەشۋلەرى قاجەت؟
19 كەيبىر وتباسىلار ٶز انا تىلدەرىندە وتەتىن قاۋىمعا بارۋى مۇمكىن. ٴبىراق بالالارى اتا-اناسىنىڭ تىلىندە ەركىن سويلەمەيتىن شىعار. ەگەر ولاردىڭ قاۋىمى ورنالاسقان جەردە حالىق جەرگىلىكتى تىلدە سويلەيتىن بولسا، بالالارىنا اتا-اناسىنىڭ تىلىندەگى قاۋىم كەزدەسۋىن ٴتۇسىنۋ جانە رۋحاني ٶسۋ قيىن بولۋى مۇمكىن. نەگە؟ ويتكەنى بالالارى اتا-اناسىنىڭ تىلىندەگى ەمەس، جەرگىلىكتى تىلدەگى مەكتەپكە بارىپ جۇرگەن بولۋى مۇمكىن. مۇنداي جاعدايلاردا وتاعالارى دۇعا ەتىپ، بالالارىنا ەحوباعا جانە ونىڭ حالقىنا جاقىن بولۋعا قالاي كومەكتەسە الاتىندارىن شەشۋلەرى قاجەت. ولارعا بالالارىنا ٶز انا تىلدەرىن ۇيرەتۋ قاجەت بولادى، يا بولماسا بالالارى تۇسىنەتىن تىلدەگى قاۋىمعا اۋىسۋ كەرەك بولادى. وتاعالارى نە شەشپەسىن، ولار بارىپ جۇرگەن قاۋىمداعىلار بۇل وتباسىن قۇرمەتتەپ، باعالاۋى قاجەت.
جاڭا ٴتىلدى ۇيرەنىپ جۇرگەن باۋىرلاستاردى باعالايتىنىمىزدى قالاي كورسەتە الامىز؟ (20-ابزاستى قاراڭىز)
20. جاڭا ٴتىلدى ۇيرەنىپ جۇرگەن باۋىرلاستاردى قۇرمەتتەيتىنىمىزدى قالاي كورسەتەمىز؟
20 وسى قاراستىرىلعان سەبەپتەرمەن كوپتەگەن قاۋىمداردا جاڭا ٴتىلدى ۇيرەنۋگە قينالىپ جۇرگەن باۋىرلاستار بار. ولارعا ٶز ويلارىن جەتكىزۋ قيىن بولۋى مۇمكىن. ٴبىراق ٴبىز ولاردىڭ قالاي سويلەيتىنىنە قادالىپ قالماي، ەحوباعا دەگەن سۇيىسپەنشىلىكتەرى مەن وعان قىزمەت ەتۋگە دەگەن ىقىلاستارىن كورە ٴبىلۋىمىز قاجەت. ەگەر بۇل باۋىرلاستارىمىزدىڭ وسىنداي ادەمى قاسيەتتەرىن كورە بىلسەك، ولارعا دەگەن قۇرمەتىمىز ارتادى. سوندا ٴبىز ولارعا ٴتىلدى بىلمەگەندەرىنە بولا، «ماعان كەرەك ەمەسسىڭ» دەگەندەي بولمايمىز.
ٴبىز ەحوبا ٷشىن باعالىمىز
21، 22. ەحوبا ٴبىزدى قانداي قۇرمەتكە بولەدى؟
21 ەحوبا بىزگە ٶز قاۋىمىنان ورىن بەرىپ، ٴبىزدى كەرەمەت قۇرمەتكە بولەدى. ەرلەر دە، ايەلدەر دە، سالتباستىلار دا، نەكە قۇرعاندار دا، جاستار دا، قارتتار دا، قانداي دا ٴبىر تىلدە جاقسى سويلەيتىندەر دە، جاقسى سويلەمەيتىندەر دە — بارلىعىمىز ەحوبا ٷشىن جانە ٴبىر-ٴبىرىمىز ٷشىن اسا باعالىمىز (ريم. 12:4، 5؛ قول. 3:10، 11).
22 پاۋىلدىڭ ادامنىڭ دەنەسى جايلى كەرەمەت مىسالىنان ۇيرەنگەندەرىمىزدى قولدانا بەرەيىك. سوندا ەحوبانىڭ قاۋىمىندا ٶزىمىزدىڭ جانە وزگەلەردىڭ ورنىن باعالاۋدىڭ بۇدان دا كوپ جولدارىن تابامىز.
90-ٵن ٴبىر-ٴبىرىمىزدى جىگەرلەندىرەيىك
^ 5-ابزاس ەحوبانىڭ حالقى ٵرتۇرلى ورتادان شىققان جانە قاۋىمدا ٵرتۇرلى ٴرول اتقارادى. بۇل ماقالادا ٴبىز ەحوبانىڭ وتباسىنىڭ ٵربىر مۇشەسىن قۇرمەتتەگەنىمىز نەگە ماڭىزدى ەكەنىن كورەمىز.
^ 8-ابزاس ٴبىز تىموتە ەشقاشان ۇيلەنبەگەن دەپ ناقتى ايتا المايمىز.
^ 18-ابزاس مۇنداعى «وتاعاسى» دەگەن ٴسوز كۇيەۋلەرى ٴماسىحشى ەمەس انالارعا دا قاتىستى ايتىلعان.