28-زەرتتەۋ ماقالاسى
نانىمدارىڭىزدىڭ شىندىق ەكەنىنە سەنىمدى بولىڭىز
«سەن ۇيرەنگەن ٵرى كوزىڭ جەتكەن نارسەلەردى بۇدان بىلاي دا ۇستانا بەر» (ٴتىم. 2-ح. 3:14).
56-ٵن شىندىق جولىن تاڭدا
اڭداتپا *
1. ٴبىز «شىندىق» دەگەندە نەنى ويدا تۇتامىز؟
«شىندىقتى قالاي تاپتىڭىز؟» «شىندىقتا ٶستىڭىز بە؟» «شىندىقتا جۇرگەنىڭىزگە قانشا ۋاقىت بولدى؟» وسى سياقتى سۇراقتاردى كوپ ەستىگەن شىعارسىز نە ٶزىڭىز قويعان بولارسىز. «شىندىق» دەگەندە ٴبىز نەنى ويدا تۇتامىز؟ جالپى، بۇل ٴسوزدى ٴبىز سەنىمىمىزدى، عيباداتىمىزدى جانە ٶمىر سالتىمىزدى سيپاتتاۋ ٷشىن قولدانامىز. «شىندىقتا» جۇرگەن ادامدار كيەلى كىتاپتىڭ نەگە ۇيرەتەتىنىن بىلەدى جانە سونداعى پرينسيپتەرگە ساي ٶمىر سۇرەدى. سونىڭ ارقاسىندا ولار جالعان ٴدىننىڭ قۇرساۋىنان ازات جانە كەمەلسىز ادام ٷشىن ەڭ مۇمكىن بولعان باقىتتى ٶمىردىڭ راقاتىن كورىپ ٴجۇر (جوح. 8:32).
2. جوحان 13:34، 35 كە ساي، العاشىندا شىندىق ادامعا نەسىمەن ۇناۋى مۇمكىن؟
2 العاشىندا شىندىق سىزگە نەسىمەن ۇنادى؟ بالكىم، قۇداي حالقىنىڭ جاقسى ٴجۇرىس-تۇرىسى ۇناعان شىعار (پەت. 1-ح. 2:12). يا بولماسا ولاردىڭ تانىتقان سۇيىسپەنشىلىگى ۇناعان بولار. جينالىسقا العاش كەلگەندەردىڭ كوبى ساحنادا ايتىلعانداردان گورى، سول جەردەگى سۇيىسپەنشىلىكتى ەرەكشە جادىندا ساقتاپ قالادى ەكەن. بۇل تاڭعالدىرمايدى، ويتكەنى يسا جۇرت ونىڭ شاكىرتتەرىن ٶزارا سۇيىسپەنشىلىكتەرىنەن تانيتىنىن ايتقان (جوحان 13:34، 35 وقىڭىز). ٴبىراق مىقتى سەنىمگە يە بولۋ ٷشىن بۇدان دا كوپ نارسە قاجەت.
3. ەگەر سەنىمىمىز تەك باۋىرلاستاردىڭ اراسىنداعى ماسىحشىلىك سۇيىسپەنشىلىككە عانا نەگىزدەلسە، نە بولۋى مۇمكىن؟
3 ٴبىزدىڭ سەنىمىمىز تەك قۇداي حالقىنىڭ اراسىنداعى ماسىحشىلىك سۇيىسپەنشىلىككە عانا نەگىزدەلمەۋ كەرەك. نەلىكتەن؟ ويتكەنى قانداي دا ٴبىر باۋىرلاس، ٴتىپتى اقساقال نە ٸزاشار، اۋىر كۇنا جاساسا، يا بولماسا ٴبىر باۋىرلاس ٴسىزدى رەنجىتىپ قويسا ريم. 12:2).
نەمەسە جولدان تايىپ، «بۇل شىندىق ەمەس» دەپ شىقسا، ٴسىز بۇعان ٴسۇرىنىپ، ەحوباعا قىزمەت ەتپەي قويۋىڭىز مۇمكىن. بۇدان مىناداي ٴتۇيىن شىعارۋعا بولادى: ەگەر قۇدايعا دەگەن سەنىمىڭىز ونىمەن قارىم-قاتىناسىڭىزعا ەمەس، تەك وزگەلەردىڭ ارەكەتىنە نەگىزدەلسە، سەنىمىڭىز بولاتتاي بەرىك بولمايدى. سەنىمدى ۇيگە تەڭەۋگە بولادى. ونى سوعۋ ٷشىن تەك سەزىمدەر مەن ەموسيالار سياقتى جۇمساق ماتەريالدار عانا ەمەس، ناقتى ايعاقتار مەن دالەلدەر سياقتى قاتتى ماتەريالدار دا قاجەت. ٴسىز كيەلى كىتاپتا ەحوبا جايلى شىندىقتار جازىلعانىنا ٶزىڭىز كوز جەتكىزىپ الۋىڭىز كەرەك (4. ماتاي 13:3—6، 20، 21 گە ساي، سىناقتار كەيبىرەۋلەردىڭ سەنىمدەرىنە قالاي اسەر ەتەدى؟
4 يسا كەيبىرەۋلەردىڭ شىندىقتى «قۋانا قابىلدايتىنىن»، ٴبىراق سىناق كەزىندە سەنىمدەرى قۋراپ قالاتىنىن ايتقان (ماتاي 13:3—6، 20، 21 وقىڭىز). ولار يسانىڭ سوڭىنان ەرگەندەر قيىندىقتارعا كەزىگەتىنىن تۇسىنبەگەن بولسا كەرەك (مات. 16:24). يا بولماسا ماسىحشىلىك ٶمىردى تەك قانا باتالاردان تۇراتىن، قيىندىقسىز ٶمىر دەپ ەلەستەتكەن بولۋى مۇمكىن. ٴبىراق وسى كەمەلسىز دۇنيەدە قيىندىقتارسىز بولمايدى. كەيدە كوڭىلىمىزگە قاياۋ تۇسىرەتىن جاعدايلار بولىپ تۇرادى (ٴزاب. 6:6؛ ۋاع. 9:11).
5. كوپتەگەن باۋىرلاستار نانىمدارىنىڭ شىندىق ەكەنىنە تولىق سەنىمدى ەكەندەرىن قالاي دالەلدەپ ٴجۇر؟
5 باۋىرلاستارىمىزدىڭ باسىم بولىگى نانىمدارىنىڭ شىندىق ەكەنىنە تولىقتاي سەنەتىندەرىن دالەلدەپ ٴجۇر. قالايشا؟ قانداي دا ٴبىر باۋىرلاس رەنجىتكەندە نە ونىڭ ٴجۇرىس-تۇرىسى ماسىحشىلەرگە ساي كەلمەگەندە، ولاردىڭ سەنىمدەرى ەش شايقالمايدى (ٴزاب. 119:165). سىناقتارعا كەزىككەن سايىن، ولاردىڭ سەنىمدەرى السىرەمەيدى، كەرىسىنشە، مىقتى بولا تۇسەدى (جاق. 1:2—4). وسىنداي مىقتى سەنىمگە قالاي قول جەتكىزە الامىز؟
«قۇداي جايلى تۋرا ٴبىلىم» الىڭىز
6. ٴبىرىنشى عاسىرداعى شاكىرتتەر سەنىمدەرىن نە نارسەگە نەگىزدەدى؟
6 ٴبىرىنسى عاسىرداعى شاكىرتتەر وزدەرىنىڭ سەنىمدەرىن جازبالارداعى بىلىمگە جانە يسا ٴماسىحتىڭ ىلىمدەرىنە، ياعني «ىزگى حاباردىڭ شىندىعىنا» نەگىزدەگەن (عال. 2:5). بۇل شىندىق ماسىحشىلەردىڭ ىلىمدەرىن تۇگەل قامتىعان، ونىڭ ىشىندە يسانىڭ تولەم قۇرباندىعى مەن ونىڭ قايتا ٴتىرىلۋى جايلى ىلىمدەر دە بار. ەلشى پاۋىل بۇل ىلىمدەردىڭ شىندىق ەكەنىنە سەنىمدى بولعان. بۇنى قايدان بىلەمىز؟ ول جازبالاردى قولدانىپ، «ٴماسىحتىڭ ازاپ شەگۋى جانە قايتا ٴتىرىلۋى كەرەك بولعانىن» دالەلدەگەن (ەل. ٸس. 17:2، 3). I عاسىرداعى شاكىرتتەر وسى ىلىمدەردى قابىلدادى جانە قۇداي ٴسوزىن ٴتۇسىنۋ ٷشىن كيەلى رۋحقا جۇگىندى. ولار وسى ىلىمدەردىڭ جازبالارعا نەگىزدەلگەنىنە كوزدەرىن جەتكىزىپ الدى (ەل. ٸس. 17:11، 12؛ ەۆر. 5:14). ولار ٶز سەنىمدەرىن تەك سەزىمدەر مەن ەموسيالارعا نەگىزدەمەدى جانە ولاردىڭ ەحوباعا قىزمەت ەتۋىنە باۋىرلاستارمەن ارالاسۋدى ۇناتقاندارى عانا سەبەپ بولعان جوق. قايتا، ولاردىڭ سەنىمدەرى «قۇداي جايلى تۋرا بىلىمگە» نەگىزدەلدى (قول. 1:9، 10).
7. كيەلى كىتاپ شىندىقتارىنا نەگىزدەلگەن سەنىمنىڭ ٴبىز ٷشىن قانداي پايداسى بار؟
7 قۇداي سوزىندەگى شىندىقتار ەشقاشان وزگەرمەيدى (ٴزاب. 119:160). قانداي دا ٴبىر باۋىرلاس ٴبىزدى رەنجىتسە دە، كۇنا جاساسا دا، نە ٶزىمىز قيىندىققا كەزىكسەك تە، شىندىق ەش وزگەرمەيدى. سوندىقتان ٴبىز كيەلى كىتاپ ىلىمدەرىن وتە جاقسى ٴبىلۋىمىز كەرەك جانە ولاردىڭ شىندىق ەكەنىنە سەنىمدى بولۋىمىز قاجەت. دۇلەي داۋىلداردا زاكىردىڭ قايىقتى ۇستاپ تۇراتىنى سياقتى، كيەلى كىتاپ شىندىقتارىنا نەگىزدەلگەن بەرىك سەنىم دە سىناقتاردا شايقالماۋعا كومەكتەسەدى. ٴسىز نانىمدارىڭىزدىڭ شىندىق ەكەنىنە دەگەن سەنىمدىلىگىڭىزدى قالاي نىعايتا الاسىز؟
«اقىل-ويىڭىزدى ىسكە قوسىڭىز»
8. تىموتەگە 2-حات 3:14، 15 تەن كورىنەتىندەي، نانىمدارىنىڭ شىندىق ەكەنىنە تىموتەنىڭ كوزىن نە جەتكىزدى؟
8 تىموتە نانىمدارىنىڭ شىندىق ەكەنىنە سەنىمدى بولدى. ول مۇنداي سەنىمگە قالاي قول جەتكىزدى؟ (تىموتەگە 2-حات 3:14، 15 وقىڭىز). تىموتە «كيەلى جازبالارداعى» شىندىقتار جايلى العاش رەت اناسى مەن اجەسىنەن بىلگەن. ٴبىراق ونىڭ ٶزى دە سول جازبالاردى زەرتتەۋگە ۋاقىت پەن كۇش جۇمساعانى ٴشۇباسىز. زەرتتەپ-بىلگەندەرى جازبالاردا جازىلعانداردىڭ شىندىق ەكەنىنە تىموتەنىڭ كوزىن جەتكىزدى. كەيىنىرەك، ونىڭ ٶزى دە، اناسى مەن اجەسى دە ماسىحشىلەردىڭ ىلىمدەرى جايلى ٴبىلدى. كۇمان جوق، تىموتە يسانىڭ ٸزباسارلارىنىڭ تانىتقان سۇيىسپەنشىلىگىنە ٴتانتى بولعان، ٵرى ول سول باۋىرلاستارمەن ارالاسىپ، ولارعا قامقورلىق كورسەتكىسى كەلگەن (ٴفىلىپ. 2:19، 20). الايدا ونىڭ سەنىمى ادامدارعا دەگەن سۇيىسپەنشىلىككە ەمەس، ونى ەحوباعا جاقىنداتىپ تارتقان شىندىقتارعا نەگىزدەلدى. ٴسىز دە كيەلى كىتاپتى زەرتتەپ، ەحوبا جايلى بىلگەندەرىڭىزدى اقىل-ويمەن سارالاۋىڭىز قاجەت.
9. ٴسىز قانداي نەگىزگى ٷش شىندىققا كوز جەتكىزۋىڭىز كەرەك؟
9 الدىمەن كەم دەگەندە مىنا ٷش نەگىزگى شىندىققا كوز جەتكىزىپ، ولارعا سەنىمدى بولۋىڭىز كەرەك: بىرىنشىدەن، ەحوبا قۇداي بارلىق نارسەگە باستاۋ بەرگەن جاراتۋشى ەكەنىنە (مۇس. 2-ج. 3:14، 15؛ ەۆر. 3:4؛ ايان 4:11)؛ ەكىنشىدەن، كيەلى كىتاپتىڭ قۇدايدىڭ ادامزاتقا جىبەرگەن حابارى ەكەنىنە (ٴتىم. 2-ح. 3:16، 17)؛ ۇشىنشىدەن، ەحوبا ٴماسىحتىڭ قول استىندا وزىنە عيبادات ەتەتىن حالىقتى ۇيىمداستىرعانىنا جانە سول حالىقتىڭ ەحوبا كۋاگەرلەرى ەكەنىنە سەنىمدى بولۋىڭىز كەرەك (يشايا 43:10—12؛ جوح. 14:6؛ ەل. ٸس. 15:14). وسى ٷش نەگىزگى شىندىققا كوز جەتكىزۋ كيەلى كىتاپتى ەگجەي-تەگجەيلى ٴبىلۋ كەرەك دەگەن ٴسوز ەمەس. ٴسىزدىڭ ماقساتىڭىز «اقىل-ويىڭىزدى ىسكە قوسىپ»، نانىمدارىڭىزدىڭ شىندىق ەكەنىنە دەگەن سەنىمدىلىگىڭىزدى نىعايتۋ بولۋ كەرەك (ريم. 12:1).
وزگەلەرگە سەنىمدىلىكتەرىن نىعايتۋعا كومەكتەسىڭىز
10. شىندىقتاردى بىلۋدەن بولەك، تاعى نە ىستەۋىمىز كەرەك؟
10 قۇداي جايلى، كيەلى كىتاپ پەن قۇداي حالقى جايلى نەگىزگى شىندىقتارعا كوزىڭىز جەتكەن سوڭ، بۇل شىندىقتاردى وزگەلەرگە دالەلدەۋ ٷشىن جازبالاردى قولدانا ٴبىلۋىڭىز قاجەت. نەلىكتەن؟ ويتكەنى ماسىحشىلەر رەتىندە بىزگە ٴبىر جاۋاپكەرشىلىك جۇكتەلگەن: ٴبىز ٶزىمىز بىلگەن شىندىقتاردى تىڭداۋشىلارىمىزعا ۇيرەتۋىمىز قاجەت * (ٴتىم. 1-ح. 4:16). كيەلى كىتاپتاعى شىندىقتارعا وزگەلەردىڭ كوزدەرىن جەتكىزگەن كەزدە، ٶزىمىزدىڭ دە سول شىندىقتارعا دەگەن سەنىمدىلىگىمىز نىعايادى.
11. ەلشى پاۋىل ٴتالىم بەرۋگە قاتىستى قانداي ۇلگى كورسەتتى؟
11 ەلشى پاۋىل ادامدارعا ٴتالىم بەرگەندە، يسا جايلى شىندىققا ولاردىڭ كوزىن جەتكىزۋ ٷشىن، «مۇسا زاڭى مەن پايعامبارلار جازبالارىن قولدانعان» (ەل. ٸس. 28:23). وزگەلەرگە شىندىقتى ۇيرەتكەندە، پاۋىلعا قالاي ەلىكتەسەك بولادى؟ ٴبىز كيەلى كىتاپتاعى شىندىقتاردى اۋىزشا ايتىپ قانا قويا سالماۋىمىز كەرەك. زەرتتەۋشىلەرىمىز ەحوباعا جاقىنداي ٴتۇسۋ ٷشىن ٴبىز ولارعا جازبالاردى زەرتتەۋگە جانە بىلگەندەرى جايلى مۇقيات ويلانۋعا كومەكتەسۋىمىز قاجەت. ٴبىز ولاردىڭ شىندىقتى بىزگە ٴتانتى بولعاندىقتان ەمەس، ٴسۇيۋشى قۇدايىمىز تۋرالى بىلگەندەرىنە كوزدەرى جەتكەندىكتەن قابىلداعانىن قالايمىز.
اتا-انالار، بالالارىڭىزعا «قۇدايدىڭ تەرەڭ دانالىعىن» ۇيرەتىپ، سەنىمدەرىن شىڭداۋعا كومەكتەسىڭىزدەر (12، 13-ابزاستى قاراڭىز) *
12، 13. اتا-انالار بالالارىنىڭ شىندىقتا قالۋىنا قالاي كومەكتەسە الادى؟
12 اتا-انالار، سىزدەر بالالارىڭىزدىڭ شىندىقتا قالعانىن قالايسىزدار، بۇعان كۇمان جوق. سىزدەر بالالارىڭىز قاۋىمدا جاقسى ورتامەن ارالاسسا، رۋحاني وسەدى دەپ ويلاۋلارىڭىز مۇمكىن. الايدا بالالارىڭىز نانىمدارىنىڭ شىندىق ەكەنىنە سەنىمدى بولۋ ٷشىن، جاقسى دوستاردىڭ بولعانى جەتكىلىكسىز. ولاردىڭ قۇدايمەن جەكە قارىم-قاتىناستارى بولۋى قاجەت جانە كيەلى كىتاپتىڭ ۇيرەتەتىندەرى شىندىق ەكەنىنە سەنىمدى بولۋلارى كەرەك.
13 ەگەر اتا-انالار بالالارىنا قۇداي جايلى شىندىقتى ۇيرەتۋدى قالاسا، كيەلى كىتاپتى زەرتتەۋدە وزدەرى جاقسى ۇلگى كورسەتۋلەرى كەرەك. ولار ۋاقىت ٴبولىپ، بىلگەندەرى جايلى وي جۇگىرتۋلەرى قاجەت. سوندا ولار بالالارىنا دا سولاي ەتۋدى ۇيرەتە الادى. اتا-انالار زەرتتەۋشىلەرىنە ۇيرەتەتىندەرى سياقتى، بالالارىنا دا كيەلى كىتاپتى زەرتتەۋگە كومەكتەسەتىن «ىزدەنىس قۇرالى»، «كۇزەت مۇناراسىنىڭ ونلاين كىتاپحاناسى» سياقتى قۇرالداردى قولدانۋدى ۇيرەتۋلەرى قاجەت. وسىلايشا ولار بالالارىنا ەحوبانى جاقسى كورۋدى جانە ونىڭ بىزگە رۋحاني اس-سۋدى دايىنداپ مات. 24:45—47). اتا-انالار، بالالارىڭىزعا كيەلى كىتاپتىڭ نەگىزگى شىندىقتارىن ۇيرەتۋمەن عانا شەكتەلمەڭىزدەر. ولارعا جاسى مەن قابىلەتتەرىنە قاراي، «قۇدايدىڭ تەرەڭ دانالىعىن» ۇيرەتىپ، مىقتى سەنىم دامىتۋعا كومەكتەسىڭىز (قور. 1-ح. 2:10).
جاتقان ارناسىنا، ياعني «ادال دا اقىلدى قۇلعا» سەنىم ارتۋدى ۇيرەتەدى (پايعامبارلىقتاردى زەرتتەڭىز
14. نەگە كيەلى كىتاپ پايعامبارلىقتارىن زەرتتەۋىمىز كەرەك؟ (« مىنا پايعامبارلىقتاردى تۇسىندىرە الاسىز با؟» دەگەن قورشاۋدى دا قاراڭىز.)
14 پايعامبارلىقتار — قۇداي ٴسوزىنىڭ ماڭىزدى بولىگى. ولار ٴبىزدىڭ ەحوباعا دەگەن سەنىمىمىزدىڭ مىقتى بولۋىنا كومەكتەسەدى. ٴسىزدىڭ سەنىمىڭىزدى قانداي پايعامبارلىقتار نىعايتقان؟ بالكىم، ٴسىز «سوڭعى كۇندەر» جايلى پايعامبارلىقتار دەرسىز (ٴتىم. 2-ح. 3:1—5؛ مات. 24:3، 7). سەنىمدىلىگىڭىزدى نىعايتۋعا تاعى قانداي پايعامبارلىقتار كومەكتەسەدى؟ مىسالى، دانيالدىڭ 2 ٴنشى جانە 11 ٸنشى تاراۋىندا جازىلعان پايعامبارلىقتاردىڭ بۇرىن قالاي ورىندالعانىن جانە قازىر قالاي ورىندالىپ جاتقانىن ايتىپ بەرە الاسىز با؟ * ەگەر سەنىمىڭىز كيەلى كىتاپقا نىق قالانسا، ونى ەشتەڭە شايقالتا المايدى. ەكىنشى دۇنيەجۇزىلىك سوعىس كەزىندە گەرمانيادا اياۋسىز قۋعىنعا ۇشىراعان باۋىرلاستارىمىزدىڭ مىسالىن الىپ كورەيىكشى. ولار كيەلى كىتاپتاعى سوڭعى كۇندەرگە قاتىستى پايعامبارلىقتاردى تولىق تۇسىنبەسە دە، ولاردىڭ قۇداي سوزىنە دەگەن سەنىمدەرى بەرىك بولعان.
كيەلى كىتاپتى، سونىڭ ىشىندە پايعامبارلىقتاردى زەرتتەگەنىمىز سىناق كەزىندە سەنىمىمىزدىڭ شايقالماۋىنا كومەكتەسەدى (15—17 ابزاستاردى قاراڭىز) *
15—17. ناسيستىك رەجيم كەزىندە قۋعىن كورگەن باۋىرلاستارعا تاباندى بولۋعا نە كومەكتەستى؟
15 ناسيستىك گەرمانيانىڭ بيلىگى كەزىندە مىڭداعان باۋىرلاسىمىز كونسلاگەرلەرگە ايدالدى. گيتلەر مەن سس باسشىسى گەنريح گيمملەر ەحوبا كۋاگەرلەرىن جەك كوردى. ٴبىر ايەل باۋىرلاستىڭ ايتۋىنشا، گيمملەر كونسلاگەردەگى ٴبىر توپ ايەل باۋىرلاسقا بىلاي دەگەن ەكەن: «سەندەردىڭ ەحوبالارىڭ بيلىك ەتسە، كوكتە بيلىك ەتەتىن شىعار، ٴبىراق جەردە ٴبىز بيلەۋشىمىز! كورەيىك، كىم قالار ەكەن، سەندەر مە، ٴبىز بە!»
ەحوبانىڭ حالقىنا سەنىمدەرىندە بەرىك تۇرۋعا نە كومەكتەستى؟16 كيەلى كىتاپ زەرتتەۋشىلەرى قۇداي پاتشالىعى 1914-جىلدان باستاپ بيلىك ەتىپ جاتقانىن بىلەتىن. ولار وزدەرىنىڭ وسىنداي قاتتى قۋعىنعا ۇشىراعانىنا ەش تاڭعالمادى. ولار قۇداي ەركىنىڭ جۇزەگە اسۋىنا ەشقانداي ادامي ۇكىمەت كەدەرگى بولا المايتىنىنا سەنىمدى بولدى. تازا عيباداتتى جوق قىلۋ، قۇداي پاتشالىعىنان ۇستەم ۇكىمەت ورناتۋ گيتلەردىڭ قولىنان كەلمەدى. ٴبىزدىڭ باۋىرلاستارىمىز كۇندەردىڭ كۇنىندە گيتلەردىڭ بيلىگى اياقتالاتىنىنا سەنىمدى ەدى.
17 بۇل باۋىرلاستاردىڭ سەنىمدەرى اقتالدى. ناسيستىك رەجيم قۇلار الدىندا «جەردە ٴبىز بيلەۋشىمىز!» دەپ بوسكەن گەنريح گيمملەر باسساۋعالاپ، قاشۋعا ٴماجبۇر بولدى. قاشىپ جۇرگەنىندە ول ليۋبكە دەگەن ەر باۋىرلاستى كەزدەستىرىپ قالادى. ول ليۋبكەنىڭ كونسلاگەردەگى كۋاگەرلەردىڭ ٴبىرى بولعانىن بىلەتىن. ابدەن ەڭسەسى تۇسكەن گيمملەر ليۋبكە باۋىرلاسقا: «سونىمەن، كيەلى كىتاپ زەرتتەۋشىسى، ەندى نە بولادى؟»— دەپ سۇرادى. سوندا باۋىرلاسىمىز ەحوبا كۋاگەرلەرى ناسيستىك رەجيمنىڭ قۇلايتىنىن جانە وزدەرى ازات بولاتىنىن و باستان بىلگەندەرىن ايتتى. ٴسۇيتىپ، ەحوبا كۋاگەرلەرى جايلى جاعىمسىز كوپ نارسە ايتقان گيمملەردىڭ اۋزىنا قۇم قۇيىلدى. كوپ ۇزاماي ول ٶز-وزىنە قول جۇمسادى. بۇل جاعدايدان قانداي ساباق الامىز؟ كيەلى كىتاپتى، سونىڭ ىشىندە پايعامبارلىقتاردى زەرتتەگەنىمىز قۇدايعا دەگەن سەنىمىمىزدىڭ قامالداي بەرىك بولۋىنا جانە سىناق كەزىندە سەنىمىمىزدىڭ شايقالماۋىنا كومەكتەسەدى (پەت. 2-ح. 1:19—21).
18. جوحان 6:67، 68 دەن كورىنەتىندەي، نەگە ٴبىز پاۋىل ايتقان «تۋرا ٴبىلىم مەن تۇسىنىككە» يە بولۋىمىز كەرەك؟
18 شىنايى ماسىحشىلەردى ەرەكشەلەندىرەتىن سۇيىسپەنشىلىك قاسيەتىن ٵرقايسىسىمىز تانىتۋىمىز قاجەت. ٴبىراق ٴبىز «تۋرا ٴبىلىم مەن تۇسىنىككە» دە يە بولۋىمىز كەرەك (ٴفىلىپ. 1:9). ايتپەسە «ادامداردىڭ الداپ-ارباۋىنان تۋعان ىلىمدەردىڭ» ىقپالىنا بەرىلىپ قالۋىمىز مۇمكىن، ونداي ادامداردىڭ اراسىندا جولدان تايعاندار دا بار (ەفەس. 4:14). شاكىرتتەردىڭ كوبىسى يسانىڭ سوڭىنان ەرۋدى دوعارعاندا، ەلشى پەتىردىڭ «ماڭگىلىك ومىرگە جەتكىزەتىن سوزدەردىڭ» يسادا ەكەنىنە سەنىمدى بولعانى كورىندى (جوحان 6:67، 68 وقىڭىز). پەتىر يسانىڭ ىلىمدەرىن تولىق تۇسىنبەسە دە، ادال بولىپ قالدى، ويتكەنى ٴماسىح جايلى شىندىققا كوزى جەتكەن ەدى. ٴسىز دە كيەلى كىتاپ ىلىمدەرىنە دەگەن سەنىمدىلىگىڭىزدى بەرىك ەتە الاسىز. سولاي ەتسەڭىز، سىناق كەزىندە ٶزىڭىزدىڭ دە سەنىمىڭىز شايقالمايدى جانە وزگەلەرگە دە سەنىمدەرىن مىقتى ەتۋگە كومەكتەسەسىز (جوح. 2-ح. 1، 2).
72-ٵن پاتشالىق تۋرالى شىندىقتى جاريالايىق
^ 5-ابزاس بۇل ماقالا كيەلى كىتاپتاعى شىندىقتىڭ وتە ماڭىزدى ەكەنىن تۇسىنۋگە كومەكتەسەدى. سونداي-اق بۇل ماقالادا نانىمدارىمىزدىڭ شىندىق ەكەنىنە قالاي تولىق سەنىمدى بولا الاتىنىمىزدى تالقىلايمىز.
^ 10-ابزاس 2012—2015 جىلدارى «كۇزەت مۇناراسىندا» (حانزۇشا) باسىلىپ وتىرعان «كيەلى كىتاپقا نەگىزدەپ اڭگىمەلەسۋ» ايدارى وزگەلەرمەن كيەلى كىتاپ ىلىمدەرى جايلى پىكىر الىسۋعا كومەك بولادى. وندا «ەحوبا كۋاگەرلەرى يسانى قۇداي دەپ ساناي ما؟» «قۇدايدىڭ ادامداردى توزاق وتىندا ازاپتايتىنى راس پا؟» «قۇداي پاتشالىعى قاشان بيلىك ەتە باستادى؟» دەگەن سياقتى تاقىرىپتار بار.
^ 14-ابزاس بۇل پايعامبارلىقتار جايلى ٴبىلۋ ٷشىن «كۇزەت مۇناراسىنىڭ» 2012-جىلىنىڭ 15-ماۋسىم ايىنداعى (حانزۇشا) جانە 2020-جىلىنىڭ مامىر ايىنداعى سانىن قاراڭىز.
^ 60-ابزاس سۋرەت سيپاتتاماسى: ٴبىر اتا-انا وتباسىلىق عيبادات كەزىندە بالالارىمەن زور الاپات جايلى پايعامبارلىقتاردى زەرتتەپ جاتىر.
^ 62-ابزاس سۋرەت سيپاتتاماسى: زور الاپات كەزىندە ٴدال سول وتباسى بولىپ جاتقان جاعدايلارعا تاڭعالىپ جاتقان جوق.