45-زەرتتەۋ ماقالاسى
وزگەلەرگە ٴماسىحتىڭ بۇيىرعاندارىن ۇستانۋدى ۇيرەتىڭىز
«بارىڭدار دا... شاكىرتتەر دايىنداپ... مەن سەندەرگە بۇيىرعانداردىڭ ٴبارىن ۇستانۋدى ۇيرەتىڭدەر» (مات. 28:19، 20).
89-ٵن قۇدايعا قۇلاق اسىپ، باتاعا كەنەل
اڭداتپا *
1. ماتاي 28:18—20-تارماقتاردا يسا ٶزىنىڭ شاكىرتتەرىنە قانداي بۇيرىق بەردى؟
يسا قايتا تىرىلگەننەن كەيىن، عاليلەيادا جينالعان شاكىرتتەرىنە كورىندى. يسا ولارعا ماڭىزدى ٴبىر بۇيرىق بەردى. ول قانداي بۇيرىق؟ بۇل جايلى ماتاي 28:18—20 (وقىڭىز) تارماقتاردا جازىلعان.
2. ٴبىز قانداي سۇراقتاردى قاراستىراتىن بولامىز؟
2 يسانىڭ شاكىرت دايىنداۋ جايلى بۇيرىعى قۇدايدىڭ بۇگىندەگى ٵربىر قىزمەتشىسىنە دە قاتىستى. سوندىقتان يسانىڭ بىزگە بەرگەن تاپسىرماسىنا بايلانىستى ٷش سۇراقتى قاراستىرايىق. ٴبىرىنشىسى، جاڭادان شاكىرت بولعاندارعا قۇدايدىڭ تالاپتارىن ۇيرەتۋدەن بولەك، تاعى نە ىستەي الامىز؟ ەكىنشىسى، قاۋىمداعى ٵربىر جاريالاۋشى زەرتتەۋشىنىڭ رۋحاني وسۋىنە قالاي ۇلەس قوسا الادى؟ ٷشىنشىسى، ۋاعىزداماي جۇرگەن باۋىرلاستار شاكىرت دايىنداۋ ىسىنە قايتادان اتسالىسۋ ٷشىن، ولارعا قالاي كومەكتەسسەك بولادى؟
ولارعا ٴماسىحتىڭ بۇيىرعاندارىن ۇستانۋدى ۇيرەتىڭىز
3. يسا بۇيرىق بەرگەن كەزدە، قانداي ناقتى نۇسقاۋ ايتتى؟
3 يسا ناقتى نۇسقاۋ بەرگەن. ٴبىز ادامدارعا ونىڭ بۇيىرعاندارىن ۇيرەتۋىمىز كەرەك. ٴبىراق ٴبىز ماڭىزدى ٴبىر جايتتى ۇمىتپاۋىمىز قاجەت. يسا: «مەن سەندەرگە بۇيىرعانداردىڭ ٴبارىن ۇيرەتىڭدەر»،— دەمەگەن. ول: «مەن سەندەرگە بۇيىرعانداردىڭ ٴبارىن ۇستانۋدى ۇيرەتىڭدەر»،— دەگەن. وسى نۇسقاۋعا ساي ارەكەت ەتۋ ٷشىن، ٴبىز زەرتتەۋشىلەرگە ٴبىلىم بەرىپ قانا قويماي، ولارعا باعىت-باعدار دا بەرىپ وتىرۋىمىز كەرەك (ەل. ٸس. 8:31). نەلىكتەن بۇل ماڭىزدى؟
4. زەرتتەۋشىگە ٴماسىحتىڭ بۇيىرعاندارىنا مويىنسۇنۋدى قالاي ۇيرەتە الاتىنىمىزدى مىسالمەن ٴتۇسىندىرىڭىز.
4 بۇيىرعانداردى «ۇستانۋ» دەگەنىمىز ولارعا مويىنسۇنۋدى بىلدىرەدى. ادامعا ٴماسىحتىڭ بۇيىرعاندارىن ۇستانۋدى نە ولارعا مويىنسۇنۋدى قالاي
ۇيرەتۋ كەرەكتىگىن ٴتۇسىنۋ ٷشىن ٴبىر مىسال كەلتىرەيىك. وقىتۋشى كولىك جۇرگىزۋدى ۇيرەنگىسى كەلەتىن ادامعا جول ەرەجەلەرىن ۇستانۋدى قالاي ۇيرەتەدى؟ الدىمەن، ول سىنىپتا وتىرىپ جول ەرەجەلەرىن قاراستىرادى. ٴبىراق وقىتۋشى ادامعا وسى ەرەجەلەردى ۇستانۋدى ۇيرەتۋ ٷشىن، تاعى ٴبىر نارسە جاسايدى. ول سول اداممەن بىرگە جولعا شىعىپ، كولىك ايدايدى جانە وعان باعىت-باعدار بەرىپ، جول ەرەجەلەرىنە ساي ارەكەت ەتۋدى ۇيرەتەدى. ٴبىز بۇل مىسالدان نە نارسەگە ۇيرەنەمىز؟5. ا) جوحان 14:15 كە جانە جوحاننىڭ 1-حاتى 2:3 كە ساي، ٴبىز زەرتتەۋشىگە نە ىستەۋدى ۇيرەتۋىمىز كەرەك؟ ٵ) زەرتتەۋشىگە قالاي باعىت-باعدار بەرە الاتىنىمىزعا مىسال كەلتىرىڭىز.
5 اداممەن كيەلى كىتاپتى زەرتتەگەن كەزدە، وعان قۇدايدىڭ بىزدەن نەنى تالاپ ەتەتىنىن تۇسىندىرەمىز. ٴبىراق ٴبىز تەك مۇنىمەن عانا شەكتەلمەۋىمىز كەرەك. ٴبىز زەرتتەۋشىگە بىلگەندەرىن كۇندەلىكتى ومىردە قولدانۋدى ۇيرەتۋىمىز كەرەك (جوحان 14:15؛ جوحاننىڭ 1-حاتى 2:3 وقىڭىز). زەرتتەۋشىگە جازبالارداعى نەگىزگى پرينسيپتەردى مەكتەپتە، جۇمىستا، دەمالىستا قالاي قولدانۋعا بولاتىنىن ٶز ۇلگىمىزبەن كورسەتسەك بولادى. سونداي-اق وعان ومىرىمىزدەن وقيعالار كەلتىرىپ، كيەلى كىتاپتاعى كەڭەستىڭ ٴبىزدى جامان ارەكەتتەن قالاي ساقتاپ قالعانىن نەمەسە دانا شەشىمدەر قابىلداۋعا قالاي كومەكتەسكەنىن ايتىپ بەرسەك بولادى. زەرتتەۋشىنىڭ قاسىندا بولعان كەزدە، ەحوباعا دۇعا ەتىپ، وعان كيەلى رۋحىمەن باعىت-باعدار بەرۋىن ٶتىنىڭىز (جوح. 16:13).
6. وزگەلەرگە يسانىڭ بۇيىرعاندارىن ۇستانۋدى ۇيرەتۋگە تاعى نە كىرەدى؟
6 وزگەلەرگە يسانىڭ بۇيىرعاندارىن ۇستانۋدى ۇيرەتۋگە تاعى نە كىرەدى؟ ٴبىز زەرتتەۋشىلەردىڭ شاكىرت دايىنداۋعا دەگەن ىقىلاسىن وياتۋىمىز كەرەك. كەيبىر زەرتتەۋشىلەر ۋاعىزداۋ دەگەن ويدىڭ وزىنەن شوشۋى مۇمكىن. زەرتتەۋشى تۇسىنىگى بىرتە-بىرتە تەرەڭدەپ، بىلگەندەرى جۇرەگىنە جەتىپ، ٶزى ۋاعىزداۋعا تالپىنۋ ٷشىن، شىدامدى بولۋىمىز قاجەت. زەرتتەۋشىنىڭ بويىندا ىزگى حاباردى ايتۋعا دەگەن ىقىلاس وياتۋ ٷشىن نە ىستەسەك بولادى؟
7. زەرتتەۋشىنىڭ بويىندا ىزگى حاباردى ۋاعىزداۋعا دەگەن ىقىلاس وياتۋ ٷشىن نە ىستەي الاسىز؟
7 زەرتتەۋشىڭىزگە مىناداي سۇراقتار قويىپ كورىڭىز: «پاتشالىق جايلى ىزگى حابار ٶمىرىڭدى قاي جاعىنان جاقسارتىپ جاتىر؟ وسى ىزگى حاباردى باسقالار دا ەستۋ كەرەك دەپ ويلايسىڭ با؟ ولارعا سەن قالاي كومەكتەسە الاسىڭ؟» (ناق. س. 3:27؛ مات. 9:37، 38). وعان «ٴتالىم بەرۋ قۇرالدارىنىڭ» ىشىنەن بۋكلەتتەردى كورسەتىڭىز. سوسىن، ونىڭ تۋىستارىنا، دوستارىنا، ارىپتەستەرىنە قىزىقتى بولادى-اۋ دەگەندەرىن تاڭداتىڭىز. كەيىن بۋكلەتتى قالاي ىلتيپاتتىلىقپەن ۇسىنۋعا بولاتىنىن كورسەتىپ، بىرگە جاتتىعىڭىز. ارينە، زەرتتەۋشىڭىز شومىلدىرۋ راسىمىنەن وتپەگەن جاريالاۋشى بولعان كەزدە، ٶزىڭىز ونىمەن بىرگە ۋاعىزعا شىعىپ، قاسىندا باعىت-باعدار بەرىپ جۇرەسىز (ۋاع. 4:9، 10؛ لۇقا 6:40).
قاۋىمداعىلار زەرتتەۋشىنىڭ رۋحاني وسۋىنە ۇلەس قوسا الادى
8. زەرتتەۋشىلەردىڭ قۇدايعا جانە وزگەلەرگە تەرەڭ سۇيىسپەنشىلىك دامىتقانى نەلىكتەن ماڭىزدى؟ (« زەرتتەۋشىڭىزگە قۇدايدى جاقسى كورە تۇسۋگە كومەكتەسىڭىز» دەگەن قورشاۋدى دا قاراڭىز.)
8 ەسىمىزدە بولسا، يسا وزگەلەرگە ول بۇيىرعانداردىڭ «ٴبارىن ۇستانۋدى ۇيرەتۋىمىز» كەرەكتىگىن ايتقان. ارينە، بۇعان قۇدايدى جانە وزگەلەردى سۇيۋگە قاتىستى ەڭ باستى ەكى زاڭ دا كىرەدى. بۇل ەكى زاڭ ۋاعىزداۋمەن جانە شاكىرت دايىنداۋ ىسىمەن تىعىز بايلانىستى (مات. 22:37—39). قالاي؟ قۇدايعا جانە وزگەلەرگە دەگەن سۇيىسپەنشىلىك بويىمىزدا ۋاعىزداۋعا دەگەن ىقىلاس وياتادى. ارينە، كەيبىر زەرتتەۋشىلەر ۋاعىزداۋعا قورقۋى مۇمكىن. ٴبىراق ٴبىز ولاردىڭ بويىنا سەنىمدىلىك ۇيالاتىپ، ەحوبانىڭ كومەگىمەن ادام الدىنداعى قورقىنىشتان بىرتە-بىرتە ارىلا الاتىندارىن ايتۋىمىز كەرەك (ٴزاب. 18:1—3؛ ناق. س. 29:25). وسى ماقالاداعى قورشاۋدا زەرتتەۋشى قۇدايدى جاقسى كورە ٴتۇسۋ ٷشىن ٴبىز قانداي قادامدار جاساۋىمىز كەرەكتىگى ايتىلعان. بۇعان قوسا، قاۋىمداعىلار دا جاڭادان شاكىرت بولعان ادامنىڭ قۇدايعا جانە وزگەلەرگە دەگەن سۇيىسپەنشىلىگىن ارتتىرۋعا كومەكتەسە الادى. قالاي؟
9. كولىك جۇرگىزۋدى ۇيرەنىپ جۇرگەن ادام ماڭىزدى جايتتاردى قالاي ۇيرەنەدى؟
9 كولىك جۇرگىزۋدى ۇيرەنىپ جۇرگەن ادام جايلى مىسالعا قايتا ورالايىق. ٶزىنىڭ وقىتۋشىسىمەن بىرگە جولدا كولىك ايداعان كەزدە، ول وقىتۋشىسىن تىڭداۋ ارقىلى جانە وزگە ادەپتى جۇرگىزۋشىلەردى باقىلاۋ ارقىلى ماڭىزدى جايتتاردى ۇيرەنەدى. مىسالى، وقىتۋشى الدىنداعى كولىككە ىزەتپەن جول بەرىپ جاتقان جۇرگىزۋشىنى كورسەتۋى مۇمكىن. يا بولماسا باسقا جۇرگىزۋشىلەردىڭ كوزىنە جارىق قاتتى تۇسپەس ٷشىن، كولىگىنىڭ جارىعىن باسەڭدەتىپ جاتقان جۇرگىزۋشىگە نازار اۋدارۋى مۇمكىن. وسىلايشا ادام كولىك جۇرگىزگەندە قولدانۋعا بولاتىن ماڭىزدى جايتتاردى ٴتۇيىپ وتىرادى.
10. زەرتتەۋشىگە رۋحاني وسۋگە نە كومەكتەسەدى؟
10 سول سياقتى، ٶمىر جولىنا اياق باسقان زەرتتەۋشى ٶزىنىڭ تالىمگەرىنەن عانا ەمەس، ەحوبانىڭ وزگە دە قىزمەتشىلەرىنەن كوپ نارسەگە ۇيرەنە الادى. ەندەشە، زەرتتەۋشىنىڭ رۋحاني وسۋىنە نە نارسە زور كومەك بولادى؟ قاۋىم كەزدەسۋلەرىنە بارۋ. نەگە ولاي دەيمىز؟ قاۋىم كەزدەسۋىندە بىلگەندەرى ونىڭ ٴبىلىمىن تەرەڭدەتەدى، سەنىمىن نىعايتادى جانە قۇدايعا دەگەن سۇيىسپەنشىلىگىن ارتتىرادى (ەل. ٸس. 15:30—32). ونىڭ ۇستىنە، تالىمگەر قاۋىمدا زەرتتەۋشىسىن ونىمەن ورتاق نارسەلەرى كوپ باۋىرلاستارمەن تانىستىرا الادى. زەرتتەۋشى قاۋىمدا سۇيىسپەنشىلىك تانىتىپ جۇرگەن باۋىرلاستاردى كورەدى. قازىر كەلەسى جاعدايلارعا نازار اۋدارايىق.
11. زەرتتەۋشىلەر قاۋىمدا قانداي باۋىرلاستاردى كەزدەستىرەدى جانە بۇل ولارعا قالاي اسەر ەتەدى؟
11 كيەلى كىتاپتى زەرتتەپ جۇرگەن جالعىزباستى انا قاۋىمدا بالالارىن جالعىز تاربيەلەپ جۇرگەن ايەل باۋىرلاستى كورەدى. سول باۋىرلاستىڭ كىشكەنتاي بالالارىمەن بىرگە پاتشالىق سارايىنا كەلۋ ٷشىن سونشالىقتى كوپ كۇش سالاتىنى زەرتتەۋشىگە قاتتى اسەر ەتەدى. تەمەكىسىن تاستاي الماي جۇرگەن تاعى ٴبىر زەرتتەۋشى قاۋىمدا وسى ادەتىن جەڭگەن ەر باۋىرلاسپەن تانىسادى. باۋىرلاس وعان ەحوباعا دەگەن سۇيىسپەنشىلىگى ارتقان كەزدە، بۇل ونى قۇدايدىڭ زاڭدارىن ورىنداۋعا تالپىندىرعانىن ايتىپ بەرەدى (قور. 2-ح. 7:1؛ ٴفىلىپ. 4:13). باۋىرلاس ٶزىنىڭ وقيعاسىن ايتىپ بەرگەننەن كەيىن، زەرتتەۋشىگە: «تەمەكىنى تاستاۋ سەنىڭ دە قولىڭنان كەلەدى!»— دەيدى. بۇل سوزدەر زەرتتەۋشىگە جىگەر بەرىپ، بويىنا سەنىمدىلىك ۇيالاتادى. ال كيەلى كىتاپتى زەرتتەپ جۇرگەن جاس قىز قاۋىمدا ماسىحشىلىك ومىرىنەن شىن قۋانىش الىپ جۇرگەن جانە وزگەلەرگە كومەكتەسۋگە دايىن جاس قىز باۋىرلاستى بايقايدى. سوندا زەرتتەۋشى بۇل قىز باۋىرلاستىڭ قۋانىشتى بولىپ ٴجۇرۋىنىڭ سەبەبىن بىلگىسى كەلىپ كەتەدى.
12. نەلىكتەن قاۋىمداعى ٵربىر باۋىرلاس زەرتتەۋشىگە كومەكتەسە الادى دەي الامىز؟
12 قاۋىمدا ٵرتۇرلى ادال باۋىرلاستاردى جاقىن تانىعان كەزدە، زەرتتەۋشى ولاردىڭ ۇلگىسىنە قاراپ، قۇداي مەن وزگەلەردى ٴسۇيۋ تۋرالى ٴماسىحتىڭ بۇيرىعىنا مويىنسۇنۋدىڭ نە ەكەنىن تۇسىنەدى (جوح. 13:35؛ ٴتىم. 1-ح. 4:12). بۇعان قوسا، جوعارىدا ايتىپ كەتكەنىمىزدەي، زەرتتەۋشى وزىنىكىندەي قيىندىقتاردى باستان كەشكەن باۋىرلاستاردان كوپ نارسەگە ۇيرەنە الادى. زەرتتەۋشى سول باۋىرلاستاردىڭ ۇلگىسىنە قاراپ، ٴماسىحتىڭ شاكىرتى بولۋ ٷشىن قاجەتتى وزگەرىستەردى جاساۋ ونىڭ دا قولىنان كەلەتىنىن تۇسىنەدى (مۇس. 5-ج. 30:11). قاۋىمدا ٵر باۋىرلاس زەرتتەۋشىنىڭ رۋحاني وسۋىنە ٴتۇرلى جولمەن ۇلەس قوسا الادى (مات. 5:16). ال ٴسىز قاۋىمىڭىزعا كەلىپ جۇرگەن زەرتتەۋشىنى جىگەرلەندىرۋ ٷشىن ٶز تاراپىڭىزدان نە ىستەپ ٴجۇرسىز؟
ۋاعىزداماي جۇرگەندەرگە قايتادان ۋاعىزداۋعا كومەكتەسىڭىز
13، 14. جىگەرلەرى جاسىعان ەلشىلەرىنە يسا قالاي قارادى؟
13 ٴبىز ۋاعىزداماي جۇرگەن باۋىرلاستارعا كومەكتەسكىمىز كەلەدى. ولاردىڭ قايتادان ٴماسىحتىڭ شاكىرت دايىنداۋ تۋرالى بۇيرىعىن ورىنداي باستاعانىن قالايمىز. جىگەرى جاسىعان ەلشىلەرىنە يسانىڭ قالاي قاراعانى — بۇگىندە ٴبىز ٷشىن جاقسى ۇلگى.
14 يسانىڭ جەردەگى قىزمەتى اياقتالىپ، ولەتىن شاعى تاياپ قالعاندا، ەلشىلەردىڭ «ٴبارى ونى تاستاپ، قاشىپ» كەتتى (مار. 14:50؛ جوح. 16:32). ۋاقىتشا السىزدىككە بوي الدىرعان ەلشىلەرىنە يسا قالاي قارادى؟ قايتا تىرىلگەننەن كەيىن كوپ ۇزاماي يسا كەيبىر ٸزباسارلارىنا: «قورىقپاڭدار! باۋىرلاستارىما بارىپ، [قايتا تىرىلگەنىمدى] جەتكىزىڭدەر»،— دەگەن (مات. 28:10ا). يسا ٶزىنىڭ ەلشىلەرىنەن تەرىس اينالمادى. ٶزىن تاستاپ كەتسە دە، يسا ولاردى «باۋىرلاستارىم» دەپ اتادى. ەحوبا سياقتى، يسا دا مەيىرىمدى ٵرى كەشىرىمدى بولدى (پات. 2-ج. 13:23).
15. ٴبىزدىڭ ۋاعىزداماي كەتكەن باۋىرلاستارعا دەگەن كوزقاراسىمىز قانداي؟
15 ٴبىز دە قاۋىمدا ۋاعىزداماي كەتكەن جاندار ٷشىن قام جەيمىز. ولار ٴبىزدىڭ باۋىرلاستارىمىز. ٴبىز ولاردى جاقسى كورەمىز. سول باۋىرلاستاردىڭ بۇرىندا سۇيىسپەنشىلىكپەن اتقارعان ەڭبەكتەرى ٵلى ەسىمىزدە، ولاردىڭ كەيبىرى ونداعان جىلدار بويى ەڭبەك ەتكەن (ەۆر. 6:10). ٴبىز ولاردى قاتتى ساعىنىپ ٴجۇرمىز! (لۇقا 15:4—7). يساعا ەلىكتەي وتىرىپ، وسى باۋىرلاستار ٷشىن قام جەيتىنىمىزدى قانداي جولدارمەن كورسەتسەك بولادى؟
16. ۋاعىزداماي جۇرگەن باۋىرلاستار ٷشىن قام جەيتىنىمىزدى قالاي كورسەتسەك بولادى؟
16 ولاردى شىن جۇرەكتەن شاقىرىڭىز. ۋاعىزداماي جۇرگەن باۋىرلاستاردى جىگەرلەندىرۋدىڭ ٴبىر جولى — ولاردى قاۋىم كەزدەسۋلەرىنە شاقىرۋ. يسا دا جىگەرى جاسىعان ەلشىلەرىنىڭ رۋحىن كوتەرۋ ٷشىن ولاردى كەزدەسۋگە شاقىرعان (مات. 28:10ٵ؛ قور. 1-ح. 15:6). ارينە، ٴبىز بۇل باۋىرلاستار قاۋىم كەزدەسۋىنە كەلۋ ٷشىن، ولاردى بىرنەشە رەت شاقىرۋ قاجەت بولۋى مۇمكىن ەكەنىن تۇسىنەمىز. ولار قاۋىمعا كەلگەندە، قۋانىشىمىزدا شەك بولمايدى! ەلشىلەرى شاقىرۋىن قابىل العاندا، يسانىڭ دا قۋانعانىندا داۋ جوق (ماتاي 28:16 جانە لۇقا 15:6 سالىستىرىڭىز).
17. ۋاعىزداماي جۇرگەن باۋىرلاس پاتشالىق سارايىنا كەلگەن كەزدە نە ىستەۋىمىز كەرەك؟
17 ولاردى قۇشاق جايا قارسى الىڭىز. شاكىرتتەرىمەن كەزدەسكەن كەزدە، يسا ولاردىڭ وزدەرىن جايلى سەزىنۋىنە جاعداي جاسادى، ول شاكىرتتەرىنە ٴبىرىنشى بولىپ سويلەدى (مات. 28:18). ۋاعىزداماي جۇرگەن باۋىرلاس پاتشالىق سارايىنا كەلگەن كەزدە نە ىستەۋىمىز كەرەك؟ ٴبىز ٴبىرىنشى بولىپ قادام جاساپ، ونى جىلى قارسى الۋىمىز كەرەك. باسىندا وعان نە ايتامىن دەپ ۋايىمدايتىن شىعارمىز. ٴبىراق جاي عانا ونى كورۋگە قۋانىشتى ەكەنىمىزدى ايتساق بولادى. دەسە دە مۇنى ول ىڭعايسىز جاعدايعا قالمايتىنداي ەتىپ ىستەۋىمىز قاجەت.
18. ۋاعىزداماي جۇرگەن باۋىرلاستاردىڭ بويىنا قالاي سەنىمدىلىك ۇيالاتا الامىز؟
18 ولاردىڭ بويلارىنا سەنىمدىلىك ۇيالاتىڭىز. بالكىم، يسانىڭ شاكىرتتەرى «بۇكىل دۇنيەجۇزىندە ۋاعىزداۋ تۋرالى تاپسىرمانى ورىنداي المايمىز» دەپ ۋايىمداعان شىعار. يسا ٶزىنىڭ مات. 28:20). بۇل سوزدەر ولارعا كومەكتەستى مە؟ ٴيا. ولار كوپ ۇزاماي «ىزگى حاباردى جاريالاۋعا جانە ٴتالىم بەرۋگە» قۇلشىنا كىرىسىپ كەتتى (ەل. ٸس. 5:42). ٴبىز دە ۋاعىزداماي جۇرگەن جاريالاۋشىلاردىڭ بويىنا سەنىمدىلىك ۇيالاتۋىمىز كەرەك. ولار قايتادان ۋاعىز ىسىنە قاتىسۋدان تارتىنشاقتاۋى مۇمكىن. ٴبىز سول باۋىرلاستارعا ولاردىڭ جالعىز ۋاعىزدامايتىنىن ايتايىق. كەيىن ولار قايتادان ۋاعىزداي باستاعان كەزدە، ولارمەن بىرگە قىزمەتكە شىقساق بولادى. قايتادان ىزگى حاباردى ۋاعىزداي باستاعان كەزدە قاستارىنان تابىلعانىمىز ٷشىن ولاردىڭ ريزا بولاتىنىندا داۋ جوق. ۋاعىزداماي كەتكەن جاريالاۋشىلارعا باۋىرلاستارىمىز دەپ قاراساق، ولار قاۋىمعا قايتا ورالىپ، بۇكىل قاۋىمعا قۋانىش سيلاۋى مۇمكىن.
ٸزباسارلارىنا سەنىمدىلىك بەرىپ: «ٵر كۇنى سەندەرمەن بىرگەمىن»،— دەگەن (وزىمىزگە سەنىپ تاپسىرىلعان ٸستى اياقتاعىمىز كەلەدى
19. ٴبىز نە ىستەۋگە بەل بۋدىق جانە نەگە؟
19 ٴبىز شاكىرت دايىنداۋ ٸسىن قاشانعا دەيىن اتقارامىز؟ زاماننىڭ اقىرى كەلگەنگە دەيىن (مات. 28:20؛ «زاماننىڭ اقىرى» دەگەن تۇسىندىرمەنى قاراڭىز). ٴبىز يسانىڭ تاپسىرعان ٸسىن سول ۋاقىت كەلگەنشە اتقارا الامىز با؟ ٴيا! ٴبىز سولاي ەتۋگە بەل بۋعانبىز. «ماڭگى ومىرگە ىڭعاي تانىتقانداردى» تابۋ ٷشىن ۋاقىتىمىزدى، كۇشىمىزدى، قاراجاتىمىزدى قۇربان ەتۋگە دايىنبىز (ەل. ٸس. 13:48). وسىلاي ٴبىز يسانىڭ ۇلگىسىنە ەلىكتەيمىز. ول: «مەنىڭ تاماعىم — ٶزىمدى جىبەرگەن قۇدايدىڭ ەركىن ورىنداۋ جانە ونىڭ تاپسىرعان ٸسىن اياقتاۋ»،— دەگەن (جوح. 4:34؛ 17:4). بۇل — ٴبىزدىڭ دە قالاۋىمىز. ٴبىز وزىمىزگە سەنىپ تاپسىرىلعان ٸستى اياقتاعىمىز كەلەدى (جوح. 20:21). ٴبىز وزگەلەردىڭ دە، سونىڭ ىشىندە ۋاعىزداماي جۇرگەن باۋىرلاستاردىڭ دا، وسى ٸستى بىزبەن بىرگە تاباندىلىقپەن اتقارعانىن قالايمىز (مات. 24:13).
20. فىلىپىلىكتەرگە 4:13 كە ساي، نەگە يسانىڭ تاپسىرعان ٸسىن اتقارۋ قولىمىزدان كەلەدى دەي الامىز؟
20 ارينە، يسانىڭ تاپسىرعان عالامات ٸسىن اتقارۋ وڭاي ەمەس. ٴبىراق ٴبىز جالعىز ەمەسپىز. يسا ٵر كۇنى بىزبەن بىرگە بولاتىنىن ۋادە ەتكەن. ونىڭ ۇستىنە، شاكىرت دايىنداۋ ٸسىن اتقارعان كەزدە، ٴبىز «قۇدايمەن قىزمەتتەس» بولامىز (قور. 1-ح. 3:9). سوندىقتان بۇل ٸستى اتقارۋ قولىمىزدان كەلەدى. ٴبىز بۇل ٸستى اتقارۋدى جانە ونى وزگەلەرگە دە اتقارۋعا كومەكتەسۋدى زور مارتەبە سانايمىز، ٵرى سودان قۋانىش الامىز (فىلىپىلىكتەرگە 4:13 وقىڭىز).
79-ٵن ولارعا بەرىك تۇرۋدى ۇيرەتىڭدەر
^ 5-ابزاس يسا ٶزىنىڭ ٸزباسارلارىنا شاكىرتتەر دايىنداپ، ولارعا ٶزىنىڭ بۇيىرعاندارىن ۇستانۋدى ۇيرەتۋ جايلى نۇسقاۋ بەرگەن. بۇل ماقالادا ٴبىز يسانىڭ وسى نۇسقاۋىن قالاي ورىنداي الاتىنىمىزدى قاراستىرامىز. بۇل ماقالاداعى مالىمەتتەر 2004-جىلعى «كۇزەت مۇناراسىنىڭ» 1-شىلدەدەگى سانىندا جارىق كورگەن ماقالاعا نەگىزدەلگەن (14—19-ب.).
^ 66-ابزاس سۋرەتتەر سيپاتتاماسى: زەرتتەۋ ساباعىن جۇرگىزىپ جاتقان ايەل باۋىرلاس زەرتتەۋشىسىنە قۇدايعا دەگەن تەرەڭ سۇيىسپەنشىلىك دامىتۋ ٷشىن نە ىستەۋ كەرەكتىگىن ٴتۇسىندىرىپ جاتىر. كەيىن زەرتتەۋشى تالىمگەرىنىڭ كەڭەسىنە قۇلاق اسىپ، سول ٷش قادامدى جاساپ جاتىر.