42-زەرتتەۋ ماقالاسى
كيەلى كىتاپتى زەرتتەۋشىگە رۋحاني وسۋگە كومەكتەسىڭىز (2-ٴبولىم)
«وزىڭە جانە بەرىپ جاتقان تالىمىڭە ٵردايىم دەن قوي» (ٴتىم. 1-ح. 4:16).
77-ٵن تۇنەكتى جارىپ شىققان نۇر
اڭداتپا *
1. شاكىرت دايىنداۋ ٸسىن نەگە ٶمىر قۇتقاراتىن ٸس دەي الامىز؟
شاكىرت دايىنداۋ ٸسى — ٶمىر قۇتقاراتىن ٸس. نەگە بۇلاي دەي الامىز؟ يسا ماتاي 28:19، 20 داعى نۇسقاۋدى ايتقاندا: «بارىڭدار دا... شاكىرتتەر دايىنداپ، ولاردى... شومىلدىرۋ راسىمىنەن وتكىزىڭدەر»،— دەگەن. شومىلدىرۋ راسىمىنەن ٶتۋ قانشالىقتى ماڭىزدى؟ بۇل — قۇتقارىلعىسى كەلەتىندەر ٷشىن قويىلاتىن تالاپ. شومىلدىرۋ راسىمىنەن وتكىسى كەلەتىندەر بۇل قۇتقارىلۋ يسانىڭ ٴبىز ٷشىن ٶلىپ، قايتا تىرىلگەنىنىڭ ارقاسىندا عانا مۇمكىن ەكەنىنە سەنۋ كەرەك. وسى سەبەپتەن دە ەلشى پەتىر ماسىحشىلەرگە: «[شومىلدىرۋ ٴراسىمى] سەندەردى يسا ٴماسىحتىڭ قايتا ٴتىرىلۋى ارقىلى قۇتقارىپ جاتىر»،— دەگەن (پەت. 1-ح. 3:21). دەمەك، ادام شومىلدىرۋ راسىمىنەن وتكەن كەزدە، قۇتقارىلۋعا ۇمىتتەنە الادى.
2. تىموتەگە 2-حات 4:1، 2 گە ساي، تالىمگەر رەتىندە ٴبىز نە ىستەۋىمىز كەرەك؟
2 شاكىرت دايىنداۋ ٷشىن، ٴبىز «ٴتالىم بەرۋ شەبەرلىگىمىزدى» ارتتىرۋىمىز كەرەك (تىموتەگە 2-حات 4:1، 2 وقىڭىز). نەگە؟ سەبەبى يسا: «بارىڭدار دا... شاكىرتتەر دايىنداپ، ولاردى... ۇيرەتىڭدەر»،— دەپ ايتقان. ەلشى پاۋىل دا: «بەرىپ جاتقان تالىمىڭە ٵردايىم دەن قوي. ۇدايى [ٴتالىم بەرە] بەر، سوندا ٶزىڭدى دە، تىڭداۋشىلارىڭدى دا قۇتقاراسىڭ»،— دەگەن (ٴتىم. 1-ح. 4:16). ٴتالىم بەرۋ شاكىرت دايىنداۋ ىسىمەن تىعىز بايلانىستى، سول سەبەپتى ٴبىز بارىنشا جاقسى تالىمگەر بولعىمىز كەلەدى.
3. بۇل ماقالادا كيەلى كىتاپتى زەرتتەۋ ساباعىن جۇرگىزۋگە قاتىستى نە بىلەمىز؟
3 بۇگىندە دۇنيەجۇزى بويىنشا ميلليونداعان زەرتتەۋ ساباقتارى جۇرگىزىلۋدە. وتكەن ماقالادا سول زەرتتەۋشىلەردىڭ باسىم بولىگىنە يسا ٴماسىحتىڭ شاكىرتى رەتىندە شومىلدىرۋ راسىمىنەن وتۋگە كومەكتەسۋ
ٷشىن نە ىستەي الاتىنىمىزدى بىلدىك. ال بۇل ماقالادا زەرتتەۋشى رۋحاني ٶسىپ، شومىلدىرۋ راسىمىنەن ٶتۋ ٷشىن، ٵربىر تالىمگەر ىستەۋى كەرەك تاعى بەس جايتتى قاراستىرامىز.ٴتالىمدى كيەلى كىتاپ بەرسىن
تاجىريبەلى جاريالاۋشىدان كيەلى كىتاپتى قولدانىپ ٴتالىم بەرۋ جاعىنان جاقسارۋعا كومەكتەسۋىن سۇراڭىز (4—6 ابزاستاردى قاراڭىز) *
4. نەگە زەرتتەۋ ساباعىن جۇرگىزگەندە تالىمگەر ۇستامدى بولۋ كەرەك؟ (سىلتەمەنى دە قاراڭىز.)
4 ٴبىز ادامدارعا بەرىپ جاتقان ٴتالىمىمىزدى قاتتى ۇناتامىز. سوندىقتان وزىمىزگە ۇنايتىن نارسە جايلى تىم كوپ سويلەپ كەتۋىمىز مۇمكىن. الايدا «كۇزەت مۇناراسىن» زەرتتەۋ بولسىن، قاۋىمدا كيەلى كىتاپتى زەرتتەۋ نە ٷي جاعدايىنداعى كيەلى كىتاپتى زەرتتەۋ ساباعى بولسىن، جۇرگىزۋشى كوپ سويلەمەۋ كەرەك. ادام ٴتالىمدى كيەلى كىتاپتان الۋ ٷشىن، تالىمگەر ۇستامدىلىق تانىتىپ، زەرتتەۋشىگە كيەلى كىتاپتاعى تارماق نە تاقىرىپ جايلى بار بىلگەنىن ايتۋعا تىرىسپاۋ كەرەك * (جوح. 16:12). ٶزىڭىزدىڭ شومىلدىرۋ راسىمىنەن وتكەن كەزدەگى ٴبىلىمىڭىز بەن قازىرگى ٴبىلىمىڭىزدى سالىستىرىپ كورىڭىزشى. سول كەزدە نەگىزگى شىندىقتاردى عانا تۇسىنسەڭىز كەرەك (ەۆر. 6:1). سىزگە قازىرگىدەي بىلىمگە يە بولۋ ٷشىن جىلدار كەتتى. سوندىقتان ٴسىز دە زەرتتەۋشىگە ٴبارىن بىردەن ۇيرەتۋگە تىرىسپاڭىز.
5. ا) سالونيكالىقتارعا 1-حات 2:13 كە ساي، زەرتتەۋشى العان تالىمدەرىنە قاتىستى نەنى ٴتۇسىنۋ كەرەك؟ ٵ) زەرتتەۋشىنى بىلگەندەرى جايلى ايتۋعا قالاي تالپىندىرساق بولادى؟
5 زەرتتەۋشىمىز بىزدەن ەمەس، قۇداي سوزىنەن ٴتالىم الىپ جاتقانىن ٴتۇسىنۋ كەرەك (سالونيكالىقتارعا 1-حات 2:13 وقىڭىز). ٴسىز بۇل ٷشىن نە ىستەي الاسىز؟ زەرتتەۋشىنى بىلگەندەرى جايلى ايتىپ بەرۋگە تالپىندىرىڭىز. كيەلى كىتاپتاعى تارماقتاردى ۇنەمى ٶزىڭىز تۇسىندىرە بەرمەي، ونىڭ وزىنەن دە تارماقتاردىڭ كەيبىرىن ٴتۇسىندىرىپ بەرۋىن سۇراڭىز. وعان كيەلى كىتاپتان بىلگەندەرىنىڭ جەكە وزىنە قانداي قاتىسى بار ەكەنىن كورۋگە كومەكتەسىڭىز. وقىلعان تارماقتارعا قاتىستى ويىن ايتۋعا كومەكتەسەتىن سۇراقتار قويىڭىز (لۇقا 10:25—28). مىسالى، وعان مىناداي سۇراقتار قويساڭىز بولادى: «بۇل تارماقتان ەحوبانىڭ قانداي قاسيەتىن كورۋگە بولادى؟ كيەلى كىتاپتاعى وسى شىندىقتىڭ ساعان قانداي پايداسى بار؟ وسى بىلگەندەرىڭ جايلى ٶزىڭ نە ويلايسىڭ؟» (ناق. س. 20:5). بارىنەن دە ماڭىزدىسى — زەرتتەۋشىڭىزدىڭ قانشالىقتى كوپ بىلەتىنى ەمەس، بىلگەندەرىن قانشالىقتى جاقسى كورىپ، قولداناتىنى.
6. نە ٷشىن زەرتتەۋ ساباعىنا تاجىريبەلى جاريالاۋشىنى شاقىرعان دۇرىس؟
6 زەرتتەۋ ساباعىنا تاجىريبەلى جاريالاۋشىلاردى شاقىرىپ كورگەنسىز بە؟ ەگەر شاقىرساڭىز، زەرتتەۋ ساباعىن قالاي جۇرگىزەتىنىڭىزگە جانە كيەلى ەلشىلەردىڭ ىستەرى 18:24—26 سالىستىرىڭىز). تاجىريبەلى جاريالاۋشىدان زەرتتەۋشىڭىزدىڭ بىلگەندەرىن ٴتۇسىنىپ جاتقان-جاتپاعانىنا قاتىستى نە ويلايتىنىن سۇراپ كورىڭىز. ەگەر ٴبىر نە بىرنەشە اپتاعا باسقا جاققا كەتىپ جاتساڭىز، سول جاريالاۋشىدان ٴسىزدىڭ ورنىڭىزعا زەرتتەۋ ساباعىن جۇرگىزۋدى سۇراساڭىز بولادى. سوندا زەرتتەۋ ساباعى جۇيەلى تۇردە وتەدى جانە زەرتتەۋشىڭىز دە زەرتتەۋ ساباعىنىڭ ماڭىزدىلىعىن كورەدى. ەشقاشان «بۇل مەنىڭ زەرتتەۋ ساباعىم، مەنەن باسقا ەشكىم جۇرگىزە المايدى» دەپ ويلاماڭىز. نە دەگەنمەن، ٴسىز زەرتتەۋشىڭىز شىندىقتاردى ٴبىلىپ، رۋحاني وسە بەرۋ ٷشىن قولىڭىزدان كەلگەننىڭ ٴبارىن ىستەگىڭىز كەلەدى عوي!
كىتاپتى قانشالىقتى جاقسى قولداناتىنىڭىزعا قاتىستى ولاردىڭ پىكىرىن سۇراڭىز. ٴتالىم بەرۋ شەبەرلىگىڭىزدى ارتتىرعىڭىز كەلسە، كىشىپەيىل بولۋىڭىز كەرەك. (شابىتپەن جانە سەنىمدىلىكپەن ٴتالىم بەرىڭىز
زەرتتەۋشىڭىز كيەلى كىتاپ پرينسيپتەرىن قالاي قولدانۋعا بولاتىنىن كورۋ ٷشىن، ومىردە بولعان وقيعالاردى ايتىپ بەرىڭىز (7—9 ابزاستاردى قاراڭىز) *
7. زەرتتەۋشىڭىز بىلگەندەرىن جاقسى كورۋ ٷشىن نە ىستەسەڭىز بولادى؟
7 زەرتتەۋشىڭىز ٴسىزدىڭ كيەلى كىتاپتاعى شىندىقتاردى جاقسى كورەتىنىڭىزدى جانە ولارعا سەنەتىنىڭىزدى كورسىن (سال. 1-ح. 1:5). سوندا ول دا بىلگەندەرىن جاقسى كورىپ كەتۋى ابدەن مۇمكىن. رەتى كەلىپ جاتسا، كيەلى كىتاپ پرينسيپتەرىنە ساي ٶمىر ٴسۇرۋدىڭ قانداي پايداسىن كورىپ جۇرگەنىڭىزدى ايتىپ بەرىڭىز. سوندا ول كيەلى كىتاپتا وعان دا پايدالى بولاتىن نۇسقاۋلار بار ەكەنىن تۇسىنە باستايدى.
8. زەرتتەۋ ساباعىن وتۋدەن بولەك تاعى نە ىستەي الاسىز جانە نەگە ولاي ەتكەنىڭىز دۇرىس؟
8 زەرتتەۋ ساباعى كەزىندە زەرتتەۋشىڭىزگە ونىكىندەي قيىندىقتاردى جەڭە بىلگەن باۋىرلاستاردىڭ وقيعالارىن ايتىپ بەرىڭىز. باستان كەشكەن وقيعالارى زەرتتەۋشىڭىزگە پايدالى بولادى-اۋ دەگەن باۋىرلاستاردى زەرتتەۋگە شاقىرىڭىز نەمەسە jw.org تور بەكەتىندەگى «كيەلى كىتاپ ادام ٶمىرىن وزگەرتەدى» * دەگەن ايداردان جىگەر بەرەتىن وقيعالاردى كورسەتىڭىز. سونداعى ماقالالار مەن ۆيدەولار زەرتتەۋشىڭىزگە كيەلى كىتاپ پرينسيپتەرى ونىڭ ٶمىرىن جاقسى جاققا وزگەرتە الاتىنىن تۇسىنۋگە كومەكتەسەدى.
9. زەرتتەۋشىنى بىلگەندەرى جايلى وتباسى مەن دوستارىنا ايتۋعا قالاي تالپىندىرساڭىز بولادى؟
9 زەرتتەۋشىڭىزدىڭ جۇبايى بار بولسا، ول دا زەرتتەي مە؟ ەگەر زەرتتەمەسە، ونى دا زەرتتەۋ ساباعىنا قاتىسىپ كورۋگە شاقىرىڭىز. زەرتتەۋشىڭىزدى بىلگەندەرى جايلى وتباسى مەن جوح. 1:40—45). بۇنى قالاي ىستەي الاسىز؟ ودان: «مىنا شىندىقتى وتباسىڭا قالاي تۇسىندىرەر ەدىڭ؟ بۇنى دوسىڭا دالەلدەۋ ٷشىن قانداي تارماق قولدانار ەدىڭ؟»— دەپ سۇراپ كورسەڭىز بولادى. وسىلايشا زەرتتەۋشىڭىزدى تالىمگەر بولۋعا ۇيرەتەسىز. كەيىن ول تالاپتارعا ساي كەلگەندە، شومىلدىرۋ راسىمىنەن وتپەگەن جاريالاۋشى رەتىندە ۋاعىزعا شىعا الادى. زەرتتەۋشىڭىزدەن: «كيەلى كىتاپتى زەرتتەگىسى كەلەتىن بىرەۋدى بىلەسىڭ بە؟»— دەپ سۇراپ كورىڭىز. ەگەر بىلەتىن بولسا، سول ادامعا بىردەن حابارلاسىپ، وعان زەرتتەۋ ساباعىن ۇسىنىڭىز. سونداي-اق وعان «كيەلى كىتاپ زەرتتەۋ ساباعى قالاي وتەدى؟» * دەگەن بەينەروليكتى كورسەتىڭىز.
دوستارىنا ايتۋعا تالپىندىرىڭىز (زەرتتەۋشىنى قاۋىمنان دوستار تابۋعا تالپىندىرىڭىز
زەرتتەۋشىڭىزدى قاۋىمنان دوستار تابۋعا تالپىندىرىڭىز (10، 11-ابزاستى قاراڭىز) *
10. سالونيكالىقتارعا 1-حات 2:7، 8 گە ساي، تالىمگەر پاۋىلدىڭ ۇلگىسىنە قالاي ەلىكتەي الادى؟
10 تالىمگەر زەرتتەۋشىلەرىنە جەكە قىزىعۋشىلىق تانىتىپ، قامدارىن ويلاۋى قاجەت. سونداي-اق ولارعا بولاشاق باۋىرلاستار رەتىندە قاراۋ كەرەك (سالونيكالىقتارعا 1-حات 2:7، 8 وقىڭىز). زەرتتەۋشىلەرگە وسى دۇنيەدەگى دوستارىمەن قارىم-قاتىناسىن ٷزۋ جانە ەحوباعا قىزمەت ەتۋ ٷشىن بارلىق قاجەتتى وزگەرىستەردى جاساۋ وڭاي ەمەس. سوندىقتان ٴبىز ولارعا قاۋىمنان شىنايى دوستار تابۋعا كومەكتەسۋىمىز كەرەك. زەرتتەۋشىڭىزبەن دوس بولىپ، ونىمەن زەرتتەۋ ساباعىندا عانا ەمەس، باسقا كەزدەردە دە بىرگە ۋاقىت وتكىزىڭىز. زەرتتەۋ ساباقتارىنىڭ اراسىندا وعان قوڭىراۋ شالساڭىز، حابارلاما جازىپ نە ۇيىنە كىرىپ-شىقساڭىز، ونىڭ قامىن ويلايتىنىڭىزدى كورسەتەسىز.
11. نەگە زەرتتەۋشىلەرىمىزگە قاۋىمنان دوستار تابۋعا كومەكتەسۋىمىز كەرەك؟
11 «اعايىنعا قاراپ، بالا وسەر، قاراعايعا قاراپ، تال وسەر» دەمەكشى، «قاۋىمعا قاراپ، شاكىرت وسەر». وسى سەبەپتەن دە شەبەر تالىمگەرلەر زەرتتەۋشىلەرىن قاۋىمداعى باۋىرلاستارمەن تانىستىرادى. سوندا زەرتتەۋشىلەر قۇداي حالقىمەن ارالاسىپ، ولاردان رۋحاني جانە ەموسيالىق جاعىنان قولداۋ كورە الادى. ٴبىز ٵربىر زەرتتەۋشى ٶزىن قاۋىمىمىزدىڭ جانە رۋحاني وتباسىمىزدىڭ ٴبىر بولىگىندەي سەزىنسە ەكەن دەيمىز. ٴبىز ولاردىڭ سۇيىسپەنشىلىك پەن جىلۋلىق ەسكەن رۋحاني باۋىرلاستىعىمىزعا تارتىلىپ تۇرعانىن قالايمىز. سوندا ولارعا ەحوبانى سۇيۋگە تالپىندىرمايتىن دوستارىمەن قارىم-قاتىناستارىن ٷزۋ وڭايىراق بولادى (ناق. س. 13:20). بۇرىنعى دوستارى تەرىس اينالىپ جاتسا، ولار ەحوبانىڭ ۇيىمىنان شىنايى دوستار تابا الاتىنىن بىلەتىن بولادى (مار. 10:29، 30؛ پەت. 1-ح. 4:4).
شومىلدىرۋ ٴراسىمى جايلى ۇنەمى ايتىپ وتىرىڭىز
اقجۇرەكتى زەرتتەۋشى شومىلدىرۋ راسىمىنەن ٶتۋ ٷشىن بىرتە-بىرتە قادامدار جاسايدى (12، 13-ابزاستى قاراڭىز)
12. نەگە باعىشتالىپ، شومىلدىرۋ راسىمىنەن ٶتۋ جايلى زەرتتەۋشىگە ايتىپ وتىرۋىمىز كەرەك؟
12 زەرتتەۋشىڭىزگە ادامنىڭ ەحوباعا ٶمىرىن باعىشتاپ، شومىلدىرۋ راسىمىنەن وتكەنى قانشالىقتى ماڭىزدى ەكەنىن اشىق ايتىپ وتىرىڭىز. نە دەگەنمەن، زەرتتەۋ ساباعىن جۇرگىزگەندەگى ماقساتىمىز — ادامعا ەحوباعا قىزمەت ەتىپ، شومىلدىرۋ راسىمىنەن وتۋگە كومەكتەسۋ! ەگەر زەرتتەۋشى بىرنەشە ايدان بەرى جۇيەلى تۇردە زەرتتەپ جۇرگەن بولسا، ونىڭ ۇستىنە، قاۋىمعا كەلىپ جۇرسە، ول زەرتتەۋ ساباعىنىڭ ماقساتى ادامعا ەحوبا كۋاگەرى بولۋعا كومەكتەسۋ ەكەنىن ٴتۇسىنۋ كەرەك.
13. زەرتتەۋشى شومىلدىرۋ راسىمىنەن ٶتۋ ٷشىن قانداي قادامدار جاسايدى؟
13 اقجۇرەكتى زەرتتەۋشى شومىلدىرۋ راسىمىنەن ٶتۋ ٷشىن بىرتە-بىرتە قادامدار جاسايدى. الدىمەن، ول ەحوبانى تانىپ-ٴبىلىپ، ونى جاقسى كورەدى جانە وعان سەنەدى (جوح. 3:16؛ 17:3). سوسىن، ەحوبامەن قارىم-قاتىناس دامىتادى جانە قاۋىمداعى باۋىرلاستارمەن ارالاسا باستايدى (ەۆر. 10:24، 25؛ جاق. 4:8). كەيىن كۇنالارىنا وكىنىپ، جامان ادەتتەرىن تاستايدى (ەل. ٸس. 3:19). سونداي-اق سەنىمى ونى شىندىق جايلى وزگەلەرگە ايتۋعا تالپىندىرادى (قور. 2-ح. 4:13). كەيىن زەرتتەۋشى ەحوباعا باعىشتالىپ، مۇنى شومىلدىرۋ راسىمىنەن ٶتۋ ارقىلى كورسەتەدى (پەت. 1-ح. 3:21؛ 4:2). بۇل ٵربىرىمىز ٷشىن نەتكەن قۋانىشتى كۇن بولماق! زەرتتەۋشىڭىزدى ماقساتىنا قاراي جاساعان ٵربىر قادامى ٷشىن جومارتتىقپەن ٵرى شىن جۇرەكتەن ماقتاپ وتىرىڭىز جانە العان بەتىنەن قايتپاۋعا تالپىندىرىڭىز.
زەرتتەۋشىنىڭ رۋحاني ٶسىپ جاتقانىنا كوز جەتكىزىپ وتىرىڭىز
14. زەرتتەۋشىنىڭ رۋحاني ٶسىپ جاتقانىنا قالاي كوز جەتكىزسەك بولادى؟
14 زەرتتەۋشىمىزگە رۋحاني ٶسىپ، شومىلدىرۋ راسىمىنەن وتۋگە كومەكتەسۋ ٷشىن، شىدامدى بولۋىمىز كەرەك. ٴبىراق ارا-تۇرا زەرتتەۋشىمىزدىڭ ەحوباعا قىزمەت ەتۋگە ىقىلاسى بار-جوعىنا كوز جەتكىزىپ وتىرۋىمىز دا قاجەت. ودان يسانىڭ نۇسقاۋلارىنا مويىنسۇنۋعا تىرىساتىنى بايقالا ما؟ الدە ول جاي عانا كيەلى كىتاپتان ٴبىلىم العىسى كەلە مە؟
15. زەرتتەۋشىنىڭ العا باسىپ جاتقانى نەدەن كورىنەدى؟
15 زەرتتەۋشىڭىزدىڭ قانداي جەتىستىكتەرگە جەتىپ جاتقانىن جۇيەلى تۇردە سارالاپ-سالماقتاپ وتىرىڭىز. مىسالى، ول ەحوباعا دەگەن سەزىمدەرى ٴزاب. 116:1، 2). كيەلى كىتاپتى وقىعاندى ۇناتا ما؟ (ٴزاب. 119:97). قاۋىم كەزدەسۋلەرىنە جۇيەلى تۇردە بارا ما؟ (ٴزاب. 22:22). ومىرىندە قانداي دا ٴبىر وزگەرىستەر جاسادى ما؟ (ٴزاب. 119:112). بىلگەندەرى جايلى وتباسى مەن دوستارىنا ايتا باستادى ما؟ (ٴزاب. 9:1). ەڭ ماڭىزدىسى، ول ەحوبا كۋاگەرى بولعىسى كەلە مە؟ (ٴزاب. 40:8). زەرتتەۋشىڭىز بۇلاردىڭ ەشقايسىسىن جاساماعان بولسا، مۇنىڭ سەبەبىن ىلتيپاتپەن سۇراپ كورىڭىز. وعان رۋحاني وسۋگە نە كەدەرگى بولىپ جاتقانىن بىلگەننەن كەيىن، ونىمەن وسى جايلى جۇمساق ٵرى اشىق تۇردە سويلەسىڭىز *.
جايلى ايتا ما؟ ەحوباعا دۇعا ەتە مە؟ (16. زەرتتەۋ ساباعىن قاي كەزدە توقتاتۋ كەرەك؟
16 بەلگىلى ٴبىر ۋاقىت سايىن «زەرتتەۋدى جالعاستىرۋدىڭ ٴمانى بار ما؟» دەپ ويلانىپ تۇرىڭىز. بۇل ٷشىن وزىڭىزدەن بىلاي دەپ سۇراڭىز: «زەرتتەۋشى زەرتتەۋ ساباعىنا دايىندالا ما؟ قاۋىمعا بارعاندى ۇناتا ما؟ جامان ادەتتەرىنەن ارىلىپ جاتىر ما؟ جالعان دىنمەن بايلانىسىن ٷزدى مە؟» ەگەر بۇل سۇراقتاردىڭ بارىنە «جوق» دەپ جاۋاپ بەرسەڭىز، وندا بۇنداي اداممەن زەرتتەۋدى جالعاستىرۋ ٷستىن سۋ قىلعىسى كەلمەيتىن ادامعا ٴجۇزۋدى ۇيرەتۋمەن تەڭ. ەگەر زەرتتەۋشى بىلگەندەرىن جاقسى كورمەسە جانە وزگەرىستەر جاساعىسى كەلمەسە، مۇنداي اداممەن زەرتتەۋ ساباعىن جالعاستىرۋدىڭ نە ٴمانى بار؟!
17. تىموتەگە 1-حات 4:16 عا ساي، ٵربىر تالىمگەر نە ىستەۋ كەرەك؟
17 ٴبىز شاكىرت دايىنداۋ جاۋاپكەرشىلىگىنە وتە ىقتياتتىلىقپەن قارايمىز جانە زەرتتەۋشىلەرىمىزگە رۋحاني ٶسىپ، شومىلدىرۋ راسىمىنەن وتۋگە كومەكتەسكىمىز كەلەدى. سوندىقتان دا ٴبىز كيەلى كىتاپتىڭ وزىنە ٴتالىم بەرۋگە جول بەرەمىز جانە شابىتپەن ٵرى سەنىمدىلىكپەن ٴتالىم بەرەمىز. زەرتتەۋشىمىزدى قاۋىمنان دوستار تابۋعا تالپىندىرامىز. باعىشتالۋ مەن شومىلدىرۋ ٴراسىمى جايلى ۇنەمى ايتامىز جانە زەرتتەۋشىمىزدىڭ رۋحاني ٶسىپ جاتقانىنا كوز جەتكىزىپ وتىرامىز. (« تالىمگەر زەرتتەۋشىسى رۋحاني ٶسىپ، شومىلدىرۋ راسىمىنەن ٶتۋ ٷشىن نە ىستەيدى؟» دەگەن قورشاۋدى قاراڭىز.) ٴبىزدىڭ ٶمىر قۇتقاراتىن ىسكە اتسالىسىپ جاتقانىمىز نەتكەن عانيبەت! ەندەشە، زەرتتەۋشىلەرىمىزگە رۋحاني ٶسىپ، شومىلدىرۋ راسىمىنەن وتۋگە كومەكتەسۋ ٷشىن بارىمىزدى سالايىق.
79-ٵن ولارعا بەرىك تۇرۋدى ۇيرەتىڭدەر
^ 5-ابزاس ەحوبا بىزگە ەرەكشە سي بەردى: ٴبىز ادامدارمەن كيەلى كىتاپتى زەرتتەگەندە، ولارعا ەحوبا قالاعانداي ويلانۋدى، سەزىنۋدى جانە ارەكەت ەتۋدى ۇيرەتەمىز. بۇل ماقالادا ٴتالىم بەرۋ شەبەرلىگىمىزدى تاعى قالاي جاقسارتا الاتىنىمىزدى قاراستىرامىز.
^ 4-ابزاس 2016-جىلدىڭ قىركۇيەك ايىنداعى «ٶمىرىمىز بەن قىزمەتىمىز» جۇمىس داپتەرىنەن «كيەلى كىتاپ ساباعىن وتكىزگەندە اۋلاق بولۋ كەرەك جايتتار» (حانزۇشا) دەگەن ماقالانى قاراڭىز.
^ 8-ابزاس ٴبىز جونىندە > وقيعالار دەگەن جەردى قاراڭىز.
^ 9-ابزاس ®JW Library قوسىمشاسىنان مەديا > كەزدەسۋلەرىمەز بەن قىزمەتىمىز > قىزمەتكە ارنالعان قۇرالدار دەگەن جەردى قاراڭىز.
^ 15-ابزاس 2020-جىلعى «كۇزەت مۇناراسىنىڭ» ناۋرىز ايىنداعى سانىنان «ەحوباعا دەگەن سۇيىسپەنشىلىك شومىلدىرۋ راسىمىنەن وتۋگە تالپىندىرادى» جانە «شومىلدىرۋ راسىمىنەن وتۋگە دايىنسىز با؟» دەگەن ماقالالاردى قاراڭىز.
^ 77-ابزاس سۋرەتتەر سيپاتتاماسى: زەرتتەۋ ساباعىنان كەيىن، تاجىريبەلى ايەل باۋىرلاس زەرتتەۋدى جۇرگىزگەن باۋىرلاسقا زەرتتەۋ ساباعى كەزىندە كوپ سويلەمەۋ جايلى ايتىپ جاتىر.
^ 79-ابزاس سۋرەتتەر سيپاتتاماسى: زەرتتەۋ ساباعى كەزىندە زەرتتەۋشى قالاي جاقسى ايەل بولۋ كەرەكتىگىن ۇيرەنىپ جاتىر. كەيىن ول بىلگەندەرى جايلى كۇيەۋىنە ايتىپ بەرىپ جاتىر.
^ 81-ابزاس سۋرەتتەر سيپاتتاماسى: زەرتتەۋشى پاتشالىق سارايىندا تانىسقان باۋىرلاستىڭ ۇيىندە كۇيەۋىمەن بىرگە قوناقتا وتىر.