جىل سايىن كوپتەگەن باۋىرلاستار قاۋىمعا قايتا قابىلدانادى.‏ سوندا كوكتە نەتكەن قۋانىش بولادى دەسەڭىزشى!‏ (‏لۇقا 15:‏7،‏ 10‏)‏.‏ ٴ‌سىز قايتادان شىندىقتىڭ جاعىنا شىققاندا،‏ ەحوبانىڭ،‏ يسا مەن پەرىشتەلەردىڭ قۋانعانىندا ٴ‌سوز جوق.‏ ٴ‌بىراق ادام قاۋىمعا قايتا قابىلدانعاندا،‏ قيىندىقتارعا كەزىگۋى مۇمكىن.‏ سولاردىڭ كەيبىرى قانداي؟‏ ولاردى جەڭۋگە نە كومەكتەسەدى؟‏

قاۋىمعا قايتا قابىلدانعان كوپتەگەن باۋىرلاستار وزدەرىن ٴ‌داۋىت سياقتى سەزىنەدى.‏ ەحوبا ونى كەشىرسە دە،‏ ول:‏ «جاساعان كوپ كۇنالارىم مەنى انتالادى»،‏—‏ دەگەن (‏ٴ‌زاب.‏ 40:‏12؛‏ 65:‏3‏)‏.‏ كەيبىر باۋىرلاستار ەحوباعا قايتا ورالسا دا،‏ جىلدار بويى ار-‏ۇياتتارى مازالاپ،‏ وزدەرىن كىنالى سەزىنۋى مۇمكىن.‏ 20-‏جىلدان كەيىن قاۋىمعا قابىلدانعان يزابەل باۋىرلاس:‏ «ەحوبانىڭ مەنى كەشىرگەنىنە سەنە المادىم»،‏—‏ دەيدى *‏.‏ ٴ‌بىراق بۇنداي ويعا بەرىلسەڭىز،‏ قايتادان رۋحاني السىرەپ كەتۋىڭىز مۇمكىن (‏ناق.‏ س.‏ 24:‏10‏)‏.‏ سوندىقتان بۇعان جول بەرمەڭىز.‏

كەيبىرەۋلەر رۋحاني ىستەردى بۇرىنعىداي اتقارا الامىن با ەكەن دەپ ۋايىمدايدى.‏ «مەن كۋاگەر كەزىمدە اتقارعان ىستەرىمدى مۇلدەم ۇمىتىپ قالىپپىن»،‏—‏ دەيدى انتۋان.‏ وسىنداي كۇي كەشكەندىكتەن،‏ قاۋىمعا ورالعانداردىڭ كوبىسى رۋحاني ىستەرگە تولىعىمەن اتسالىسۋدان تارتىنادى.‏

مىناداي مىسال كەلتىرەيىك.‏ الدەبىرەۋدىڭ ٷيىن سەل شايىپ كەتسە،‏ ول سول ٷيدى قايتا تۇرعىزۋعا قانشا ۋاقىت پەن كۇش كەتەتىنىن ويلاپ ٴ‌تۇڭىلۋى مۇمكىن.‏ اۋىر كۇنا جاساپ،‏ ەحوبامەن قارىم-‏قاتىناسىن بۇزىپ العان ادامدى دا ٷيى قيراعان ادامعا تەڭەۋگە بولادى.‏ ول دا ەحوبامەن قارىم-‏قاتىناسىن قالپىنا كەلتىرۋگە قانشا كۇش كەتەتىنىن ويلاپ ۋايىمداۋى مۇمكىن.‏ ٴ‌بىراق مۇنداي ادام كومەكسىز قالمايدى.‏

ەحوبا سىزگە:‏ «كەل،‏ ماسەلەنى ورتاعا سالىپ،‏ شەشەيىك»،‏—‏ دەيدى (‏يشايا 1:‏18‏)‏.‏ ٴ‌سىز وعان ورالۋ ٷشىن راسىندا دا كوپ كۇش سالدىڭىز.‏  وسىلاي ەتكەنىڭىز ٷشىن ەحوبا ٴ‌سىزدى جاقسى كورەدى.‏ ٴ‌سىز وسى ارەكەتىڭىزبەن شايتاننىڭ جاپقان جالاسى قىپ-‏قىزىل وتىرىك ەكەنىن دالەلدەدىڭىز!‏ (‏ناق.‏ س.‏ 27:‏11‏)‏.‏

وسىلاي ٴ‌سىز ەحوباعا جاقىندادىڭىز.‏ ول دا سىزگە جاقىنداۋدى ۋادە ەتەدى (‏جاق.‏ 4:‏8‏)‏.‏ ٴ‌سىز قاۋىمعا،‏ باۋىرلاستارىڭىزدىڭ اراسىنا قايتا ورالۋ ٷشىن ۇلكەن قادام جاسادىڭىز.‏ ٴ‌بىراق بۇنىمەن عانا شەكتەلمەي،‏ اكەڭىز جانە دوسىڭىز ەحوباعا دەگەن سۇيىسپەنشىلىگىڭىزدى نىعايتا بەرۋىڭىز كەرەك.‏ مۇنى قالاي ىستەۋگە بولادى؟‏

جەتە الاتىن ماقساتتار قويىڭىز.‏ ٴ‌سىز ەحوبا جايلى،‏ ونىڭ ۋادەلەرى جايلى نەگىزگى شىندىقتاردى ۇمىتپاعان شىعارسىز.‏ ٴ‌بىراق سىزگە ماسىحشىلەرگە ٴ‌تان ٶمىر سالتىنا قايتا ورالۋ كەرەك بولادى.‏ مىسالى،‏ جۇيەلى تۇردە ۋاعىزعا شىعۋ،‏ قاۋىم كەزدەسۋلەرىنەن قالماۋ جانە باۋىرلاستارمەن جاقىن ارالاسۋ سياقتى ىستەرگە.‏ كەلەسىدەي ماقساتتاردى قويساڭىز بولادى.‏

ەحوبامەن ٴ‌جيى سويلەسىڭىز.‏ ٶزىڭىزدى كىنالى سەزىنگەننەن دۇعا ايتۋعا قينالاتىنىڭىزدى ەحوبا اكەڭىز تۇسىنەدى (‏ريم.‏ 8:‏26‏)‏.‏ ٴ‌بىراق سوندا دا «ۇدايى دۇعا ەتىپ»،‏ ەحوبامەن قايتا دوستاسۋدى قاتتى قالايتىنىڭىزدى وعان ايتا بەرىڭىز (‏ريم.‏ 12:‏12‏)‏.‏ اندرەي باۋىرلاس بىلاي دەيدى:‏ «ماعان ار-‏ۇياتىم مازا بەرمەي،‏ ٶزىمدى جامان كىنالى سەزىنەتىنمىن.‏ ٴ‌بىراق دۇعا ايتقان سايىن بۇل سەزىمدەرىم باسىلاتىن».‏ ەگەر ەحوباعا دۇعادا نە ايتارىڭىزدى بىلمەسەڭىز،‏ كۇناسىنا وكىنگەن ٴ‌داۋىت پاتشانىڭ 51 مەن 65 ٸنشى ٴ‌زابۇر جىرلارىن وقىپ كورسەڭىز بولادى.‏

كيەلى كىتاپتى جۇيەلى تۇردە زەرتتەڭىز.‏ سوندا سەنىمىڭىز قاتايىپ،‏ ەحوباعا دەگەن سۇيىسپەنشىلىگىڭىز ارتادى (‏ٴ‌زاب.‏ 19:‏7—‏11‏)‏.‏ «مەن رۋحاني ىستەردى ومىرىمدە باستى ورىنعا قويماعانىمنىڭ كەسىرىنەن رۋحاني السىرەپ،‏ ەحوبانى رەنجىتىپ الدىم.‏ مەن بۇل قاتەلىكتى قايتادان قايتالامايمىن دەپ شەشتىم.‏ ٴ‌سۇيتىپ،‏ جۇيەلى تۇردە جەكە زەرتتەيتىن بولدىم»،‏—‏ دەيدى فيليپە.‏ ٴ‌سىز دە سولاي ەتىڭىز.‏ قانداي دا ٴ‌بىر تاقىرىپتى زەرتتەۋ جاعىنان كومەك قاجەت بولسا،‏ رۋحاني تولىسقان باۋىرلاستان سۇراساڭىز بولادى.‏

دوستارىڭىزبەن قايتا ارالاسىڭىز.‏ قاۋىمعا قايتا ورالعان باۋىرلاستاردىڭ كوبىسى «باسقالار مەنى جاقتىرمايتىن شىعار» دەپ ويلايدى.‏ لاريسا دەگەن باۋىرلاس بىلاي دەيدى:‏ «مەن ۇياتتان باۋىرلاستاردىڭ بەتىنە قاراي المايتىنمىن.‏ سەبەبى قاۋىمدى ساتىپ كەتكەندەي سەزىنەتىنمىن.‏ ٴ‌بىراز ۋاقىت بويى وسى ويلار ماعان مازا بەرمەي قويدى».‏ ٴ‌بىراق اقساقالدار مەن تولىسقان باۋىرلاستار رۋحاني كۇيىڭىزدى قالپىنا كەلتىرۋگە كومەكتەسۋگە دايىن.‏ وسىعان سەنىمدى بولىڭىز (‏«‏ اقساقالداردىڭ كومەگى‏» دەگەن قورشاۋدى قاراڭىز)‏.‏ ولار ٴ‌سىزدىڭ قاۋىمعا قايتقانىڭىزعا قاتتى قۋانادى جانە ٴ‌سىزدىڭ باقىتتى بولعانىڭىزدى قالايدى!‏ (‏ناق.‏ س.‏ 17:‏17‏)‏.‏

قاۋىمعا جاقىنداي تۇسۋگە سىزگە نە كومەكتەسەدى؟‏ باۋىرلاستارىڭىزبەن بىرگە رۋحاني ىستەرگە بارىنشا اتسالىسىڭىز.‏ قاۋىم كەزدەسۋلەرىنەن قالماڭىز.‏ جۇيەلى تۇردە ۋاعىز ىسىنە قاتىسىڭىز.‏ بۇنىڭ قانداي پايداسى بار؟‏ فەليكس بىلاي دەيدى:‏ «باۋىرلاستار مەنى قايتا ورالادى دەپ كۇتكەن ەكەن.‏ سونى بىلگەندە،‏ ٶزىمنىڭ قاۋىمعا كەرەك ەكەنىمدى سەزىندىم.‏ باۋىرلاستارىمنىڭ ارقاسىندا قايتادان رۋحاني وتباسىمنىڭ ٴ‌بىر بولىگى بولدىم.‏ ەحوبانىڭ مەنى كەشىرگەنىن ٴ‌تۇسىنىپ،‏ العا قاراي ۇمتىلا بەردىم» (‏«‏ ىسكە كوشىڭىز‏» دەگەن قورشاۋدى قاراڭىز)‏.‏

شايتان ەحوبامەن قارىم-‏قاتىناسىڭىزدى قالپىنا كەلتىرۋگە كەدەرگى جاساۋ ٷشىن نەشە ٴ‌تۇرلى سەل جىبەرۋى مۇمكىن (‏لۇقا 4:‏13‏)‏.‏ سوندىقتان قازىردەن باستاپ رۋحاني ٷيىڭىزدى مىقتاپ سوعا بەرىڭىز.‏

ەحوبا قويلارىنا قاتىستى مىناداي ۋادە بەرەدى:‏ «جوعالعانىن ىزدەيمىن،‏ اداسقانىن قايتارامىن،‏ مەرتىككەندەرىنىڭ جاراسىن تاڭىپ،‏ السىزدەرىن نىعايتامىن» (‏ەزەك.‏ 34:‏16‏)‏.‏ ەحوبا كوپتەگەن قىزمەتشىلەرىنە رۋحاني كۇيلەرىن تۇزەۋگە كومەكتەسكەن.‏ ول سىزگە دە رۋحاني كۇيىڭىزدى نىعايتۋعا قۋانا كومەكتەسەدى!‏