20-زەرتتەۋ ماقالاسى
بۇگىندە «سولتۇستىك پاتشاسى» كىم؟
«ونىڭ سوڭى جەتىپ، وعان كومەكتەسەتىن ەشكىم بولمايدى» (دان. 11:45).
95-ٵن تاڭ شاپاعى جارقىراي تۇسۋدە
اڭداتپا *
1، 2. بۇل ماقالادا ٴبىز نە قاراستىرامىز؟
بۇگىندە سوڭعى كۇندەردىڭ اياعىندا ٶمىر ٴسۇرىپ جاتقانىمىزدى دالەلدەيتىن ايعاقتار بۇرىن-سوڭدى بولماعانداي كوپ. جۋىردا ەحوبا مەن يسا ٴماسىح پاتشالىققا قارسى شىققان ۇكىمەتتەردىڭ ٴبارىن جوياتىن بولادى. بۇل وقيعا ورىن العانعا دەيىن سولتۇستىك پاتشاسى مەن وڭتۇستىك پاتشاسى ٴبىر-بىرىنە جانە قۇداي حالقىنا قارسىلاسۋىن دوعارمايدى.
2 بۇل ماقالادا دانيال 11:40—12:1 تارماقتاردا جازىلعان پايعامبارلىقتى قاراستىرامىز. قازىرگى سولتۇستىك پاتشاسىنىڭ كىم ەكەنىن انىقتايمىز، ٵرى نەلىكتەن الداعى قيىندىقتاردى ۇرەيمەن ەمەس، سەنىممەن قارسى الا الاتىنىمىزدى بىلەمىز.
قايتا پايدا بولعان سولتۇستىك پاتشاسى
3، 4. بۇگىندە سولتۇستىك پاتشاسى كىم؟ ٴتۇسىندىرىڭىز.
3 1991-جىلى كەڭەس وداعى قۇلاعاننان كەيىن سول اۋقىمدى وڭىردەگى قۇداي حالقى ٴبىرشاما ۋاقىت ەركىندىكتە بولدى. دانيال بۇل ەركىندىكتى «شامالى كومەك» دەپ اتاعان (دان. 11:34). سونىڭ ارقاسىندا ولار ەركىن ۋاعىزداي الدى. كوپ ۇزاماي كەڭەس وداعىنا جاتقان ەلدەردەگى جاريالاۋشىلاردىڭ سانى ٴجۇز مىڭداپ كوبەيدى. ٴبىراق جىلدار وتە رەسەي مەن ونىڭ وداقتاستارى سولتۇستىك پاتشاسىنا اينالدى. وتكەن ماقالادا تالقىلاعانىمىزداي، قانداي دا ٴبىر ۇكىمەتتىڭ سولتۇستىك پاتشاسى نە وڭتۇستىك پاتشاسى ەكەنىن ٷش جايتتان بىلەمىز: 1) ولار قۇداي حالقىنا تىكەلەي ىقپال ەتەدى؛ 2) ارەكەتتەرىمەن ەحوبانىڭ جانە ونىڭ حالقىنىڭ جاۋى ەكەنىن كورسەتەدى؛ 3) ٶزارا باقتالاسادى.
4 قازىر رەسەي مەن ونىڭ وداقتاستارىنىڭ سولتۇستىك پاتشاسى ەكەنىن راستايتىن سەبەپتەرگە نازار اۋدارايىق. 1) ولار ۋاعىز ىسىنە تيىم
سالىپ، اۋماعىنداعى ٴجۇز مىڭنان اسا باۋىرلاستى قۋدالاۋىمەن قۇداي حالقىنا تىكەلەي سوققى بەردى. 2) بۇل ارەكەتتەرىمەن ەحوبا مەن ونىڭ حالقىن جەك كورەتىندەرىن كورسەتتى. 3) ولار وڭتۇستىك پاتشاسى انگلو-امەريكا دۇنيەجۇزىلىك دەرجاۆاسىمەن باقتالاسىپ كەلەدى. ەندەشە، رەسەي مەن ونىڭ وداقتاستارى نە ىستەگەنىنە جانە بۇل ونىڭ سولتۇستىك پاتشاسى ەكەنىن قالاي دالەلدەيتىنىنە توقتالايىق.سولتۇستىك پاتشاسى مەن وڭتۇستىك پاتشاسى ٵرى قاراي دا تەكەتىرەسۋدە
5. دانيال 11:40—43 تارماقتاردا قانداي كەزەڭ جايلى ايتىلعان جانە سول ۋاقىتتا نە بولادى؟
5 دانيال 11:40—43 وقىڭىز. پايعامبارلىقتىڭ وسى بولىگى اقىرعى ۋاقىت جايلى باياندايدى. بۇل ۇزىندىدە سولتۇستىك پاتشاسى مەن وڭتۇستىك پاتشاسىنىڭ ٶزارا وشتەسەتىنىنە نازار اۋدارىلادى. دانيال اقىرعى ۋاقىتتا وڭتۇستىك پاتشاسى سولتۇستىك پاتشاسىمەن «تەكەتىرەسەتىنىن» ايتقان (دان. 11:40).
6. ەكى پاتشانىڭ ٶزارا تەكەتىرەسىپ جاتقانىنا قانداي دالەلدەر بار؟
6 سولتۇستىك پاتشاسى مەن وڭتۇستىك پاتشاسى الەمدەگى ەڭ مىقتى ۇكىمەت بولۋ ٷشىن ٴبىر-بىرىمەن قاقتىعىسىپ كەلەدى. مىسالى، ەكىنشى دۇنيەجۇزىلىك سوعىستان كەيىن كەڭەس وداعى مەن ونىڭ وداقتاستارى ەۋروپانىڭ باسىم بولىگىنە ۇستەمدىك ەتە باستاعان كەزدە نە بولعانىن قاراستىرايىق. سولتۇستىك پاتشاسىنا قارسى تۇرۋ ٷشىن وڭتۇستىك پاتشاسى وزگە ەلدەرمەن بىرگە ناتو دەپ اتالاتىن اسكەري وداق قۇردى. سولتۇستىك پاتشاسى مەن وڭتۇستىك پاتشاسى اسكەري قۋاتىن كۇشەيتۋ جاعىنان ٴبىر-بىرىنەن اسىپ-ٴتۇسۋ ٷشىن قىرۋار اقشا جۇمساپ كەلەدى. كەزىندە سولتۇستىك پاتشاسى افريكا، ازيا، لاتىن امەريكاسىنداعى سوعىستار مەن قاقتىعىستار كەزىندە وڭتۇستىك پاتشاسىنىڭ جاۋلارىنا بولىسىپ، قولداۋ كورسەتتى. ال سوڭعى جىلدارى الەم بويىنشا رەسەي مەن ونىڭ وداقتاستارىنىڭ ۇستەمدىگى ايتارلىقتاي ارتتى. ولار وڭتۇستىك پاتشاسىمەن كيبەرسوعىس جۇرگىزىپ كەلەدى. وڭتۇستىك پاتشاسى مەن سولتۇستىك پاتشاسى ەلدەرىنىڭ ەكونوميكالىق جانە ساياسي جۇيەلەرىنە زاقىم كەلتىرۋ ٷشىن زياندى كومپيۋتەرلىك باعدارلامالار قولداندى دەپ ٴبىر-ٴبىرىن ايىپتايدى. بۇدان بولەك، دانيال پايعامبارلىق ەتكەندەي، سولتۇستىك پاتشاسى قۇداي حالقىنا شابۋىلداۋىن دوعارار ەمەس (دان. 11:41).
سولتۇستىك پاتشاسى «كورىكتى جەرگە باسىپ كىرەدى»
7. «كورىكتى جەر» دەگەن نە؟
7 دانيال 11:41 دە سولتۇستىك پاتشاسىنىڭ «كورىكتى جەرگە باسىپ كىرەتىنى» ايتىلعان. بۇل قانداي جەر؟ ەجەلگى زاماندا يسرايل «جەر اتاۋلىنىڭ ەڭ شۇرايلىسى» بولعان (ەزەك. 20:6). حالىقتىڭ سول جەردە ەحوباعا عيبادات ەتكەنى بۇل جەردى اسىرەسە باعالى ەتتى. ٴبىراق ب.ز. 33-جىلى وتكەن ەلۋىنشى كۇن مەيرامىنان بەرى بۇل «كورىكتى جەر» قانداي دا ٴبىر ناقتى جەردى بىلدىرمەيدى. ويتكەنى قازىر ەحوبانىڭ حالقى جەردىڭ تۇكپىر-تۇكپىرىندە ٶمىر سۇرەدى. بۇگىندە «كورىكتى جەر» دەگەن قۇداي حالقى ەحوباعا عيبادات ەتەتىن رۋحاني ورتانى بىلدىرەدى. ولار وندا جينالىستار وتكىزۋ، ۋاعىز ىسىنە قاتىسۋ سياقتى ىستەر اتقارادى.
8. سولتۇستىك پاتشاسى «كورىكتى جەرگە» قالاي باسىپ كىردى؟
8 سوڭعى كۇندەر باستالعالى بەرى سولتۇستىك پاتشاسى «كورىكتى جەرگە» قايتا-قايتا باسىپ كىردى. مىسالى، ناسيستىك گەرمانيا سولتۇستىك پاتشاسى بولعاندا، اسىرەسە ەكىنشى
دۇنيەجۇزىلىك سوعىس كەزىندە، قۇداي حالقىن قۋدالاپ، ٴبىرازىن ٶلتىردى. وسىلاي ەتۋىمەن ول «كورىكتى جەرگە» باسىپ كىردى. ال ەكىنشى دۇنيەجۇزىلىك سوعىستان كەيىن كەڭەس وداعى سولتۇستىك پاتشاسىنا اينالعاندا، ول دا «كورىكتى جەرگە» باسىپ كىرىپ، قۇداي حالقىن قۋدالاپ، ولاردى جەر اۋدارتىپ جىبەردى.9. سوڭعى جىلدارى رەسەي مەن ونىڭ وداقتاستارى «كورىكتى جەرگە» قالاي باسىپ كىردى؟
9 سوڭعى جىلدارى رەسەي مەن ونىڭ وداقتاستارى دا «كورىكتى جەرگە» باسىپ كىردى. قالايشا؟ 2017-جىلى رەسەي قۇداي حالقىنىڭ ىسىنە تيىم سالىپ، باۋىرلاستارىمىزدىڭ كەيبىرىن تۇرمەگە جاپتى. سونداي-اق ادەبيەتتەرىمىزگە، سونىڭ ىشىندە «جاڭا دۇنيە اۋدارماسىنا» دا تيىم سالدى. ول ازداي، رەسەيدەگى فيليالىمىزدى جانە پاتشالىق سارايلارىمىز بەن كونگرەسس سارايلارىمىزدى تاركىلەدى. وسى جايتتاردان كەيىن، 2018-جىلى باسقارۋشى كەڭەس رەسەي مەن ونىڭ وداقتاستارىن سولتۇستىك پاتشاسى دەپ حابارلادى. ەحوبانىڭ حالقى قانشا جەردەن اياۋسىز قۋدالانسا دا، ۇكىمەتكە قارسى شىقپايدى جانە بيلىك باسىنداعىلاردى بيلىكتەن تۇسىرۋگە تىرىسپايدى. قايتا، ولار كيەلى كىتاپتا ايتىلعاندارعا قۇلاق اسىپ، «جوعارى دارەجەلى ادامدار ٷشىن»، اسىرەسە ولار ەركىن عيبادات ەتۋىمىزگە اسەرى تيەتىن شەشىمدەر قابىلداپ جاتقاندا، دۇعا ەتەدى (ٴتىم. 1-ح. 2:1، 2).
سولتۇستىك پاتشاسى وڭتۇستىك پاتشاسىن جەڭە مە؟
10. سولتۇستىك پاتشاسى وڭتۇستىك پاتشاسىن جەڭە مە؟ ٴتۇسىندىرىڭىز.
10 دانيال 11:40—45 تارماقتاردا جازىلعان پايعامبارلىقتا كوبىنەسە سولتۇستىك پاتشاسىنا نازار اۋدارىلادى. بۇل ونىڭ وڭتۇستىك پاتشاسىن جەڭەتىنىن بىلدىرە مە؟ جوق. ويتكەنى ەحوبا مەن يسا بۇكىل ۇكىمەتتەردى ارماگەددون سوعىسىندا جويعان كەزدە، وڭتۇستىك پاتشاسى ٵلى دە بار بولادى (ايان 19:20). ٴبىز نەگە بۇعان سەنىمدىمىز؟ قازىر دانيال مەن ايان كىتابىنداعى پايعامبارلىقتارعا كوڭىل بۇرايىق.
11. دانيال 2:43—45 تارماقتارداعى پايعامبارلىق نەنى بىلدىرەدى؟ (مۇقاباداعى سۋرەتتى قاراڭىز.)
11 دانيال 2:43—45 وقىڭىز. دانيال پايعامبار قۇداي حالقىنا ىقپال ەتەتىن ٴبىرقاتار ۇكىمەتتەردى سيپاتتاعان. الىپ مۇسىننىڭ بەلگىلى ٴبىر بولىكتەرى وسى ۇكىمەتتەردىڭ ٵرقايسىسىن بىلدىرگەن. بۇل ۇكىمەتتەردىڭ سوڭعىسى مۇسىننىڭ تەمىر مەن سازدان تۇراتىن تابان جاعى رەتىندە سيپاتتالعان. مۇسىننىڭ تابان جاعى انگلو-امەريكا دۇنيەجۇزىلىك دەرجاۆاسىن بىلدىرەدى. بۇل پايعامبارلىقتان كورىنەتىندەي، قۇداي پاتشالىعى ادامداردىڭ ۇكىمەتتەرىن جوياتىن كەزدە انگلو-امەريكا دۇنيەجۇزىلىك دەرجاۆاسى ٵلى دە بيلىك ەتىپ تۇرادى.
12. جىرتقىش اڭنىڭ جەتىنشى باسى نەنى بەينەلەيدى جانە بۇل نەگە كوڭىل قويارلىق جايت؟
12 ەلشى جوحان دا ەحوبانىڭ حالقىنىڭ ۇستىنەن بيلىك جۇرگىزەتىن الەمدىك ۇكىمەتتەر جايلى ايتىپ كەتكەن. جوحان بۇل ۇكىمەتتەردى جەتى باستى جىرتقىش اڭ رەتىندە سۋرەتتەگەن. جىرتقىش اڭنىڭ جەتىنشى باسى انگلو-امەريكا دۇنيەجۇزىلىك دەرجاۆاسىن بەينەلەيدى. بۇل كوڭىل قويارلىق جايت، ويتكەنى اياندا جىرتقىش اڭنىڭ تاعى باسقا باستارى شىعىپ جاتقانى جايلى ايتىلمايدى. دەمەك، يسا مەن ونىڭ كوكتەگى اسكەرى جىرتقىش اڭنىڭ جەتىنشى باسى مەن ونىڭ ٶزىن تۇگەلىمەن جوياتىن كەزدە، جىرتقىش اڭنىڭ جەتىنشى باسى ٵلى دە بيلىك ەتىپ جاتادى * (ايان 13:1، 2؛ 17:13، 14).
سولتۇستىك پاتشاسى جاقىن بولاشاقتا نە ىستەيدى؟
13، 14. «ماگوگ جەرىندەگى گوگ» دەگەن كىم جانە ونىڭ قۇداي حالقىنا شابۋىل جاساۋىنا نە تۇرتكى بولادى؟
13 ەزەكيەل پايعامبار سولتۇستىك پاتشاسى مەن وڭتۇستىك پاتشاسى جويىلماس بۇرىن قانداي جاعداي بولۋى مۇمكىن ەكەنىن جازىپ كەتكەن. ەزەكيەل 38:10—23؛ دانيال 2:43—45؛ 11:44—12:1؛ ايان 16:13—16، 21 — وسى تارماقتاردىڭ بارىندە ٴبىر وقيعا جايلى ايتىلعان بولسا، وندا كەلەسى جاعدايلار ورىن الادى دەي الامىز.
14 زور الاپات باستالعاننان كەيىن كوپ ۇزاماي «جەرجۇزىنىڭ پاتشالارى» بىرىگىپ، وداقتاسقان حالىقتار قۇرادى (ايان 16:13، 14؛ 19:19). كيەلى جازبالاردا بۇل وداق «ماگوگ جەرىندەگى گوگ» دەپ اتالادى (ەزەك. 38:2). وداقتاسقان حالىقتار قۇداي حالقىن تولىعىمەن جويۋ ٷشىن جاپپاي شابۋىل جاسايدى. ولاردىڭ بۇلاي ەتۋىنە نە تۇرتكى بولادى؟ وسى ۋاقىت جايلى ايتقاندا، ەلشى جوحان قۇدايدىڭ جاۋلارىنا ۇلكەن-ۇلكەن بۇرشاق جاۋعانىن كورگەن. بۇل بەينەلى بۇرشاق ەحوبانىڭ حالقى جاريالايتىن وتە اۋىر ۇكىم حابارىن بىلدىرسە كەرەك. ماگوگ جەرىندەگى گوگتىڭ قۇداي حالقىن ٴتۇپ-تامىرىمەن جويۋ ٷشىن شابۋىل جاساۋىنا ٴدال وسى حابار تۇرتكى بولاتىن كورىنەدى (ايان 16:21).
15، 16. ا) دانيال 11:44، 45 تە جازىلعاندار قانداي وقيعالارعا نۇسقاسا كەرەك؟ ٵ) سولتۇستىك پاتشاسى مەن ماگوگ جەرىندەگى گوگتى قۇرايتىن باسقا حالىقتارمەن نە بولادى؟
15 دانيال 11:44، 45 تە (وقىڭىز) جازىلعاندار دا اۋىر حابار مەن قۇدايدىڭ جاۋلارى جاسايتىن سوڭعى شابۋىلعا نۇسقاسا كەرەك. دانيال «شىعىس پەن سولتۇستىكتەن كەلگەن حابارلار» سولتۇستىك پاتشاسىنىڭ مازاسىن الاتىنىن جانە «ول زور قاھارىنا مىنەتىنىن» ايتقان. سولتۇستىك پاتشاسى «كوپتىڭ كوزىن قۇرتىپ، جويۋ ٷشىن اتتانادى». مۇنداعى «كوپ» دەگەن ٴسوز ەحوبانىڭ حالقىنا نۇسقاۋى مۇمكىن. دانيال مۇندا قۇداي حالقىنا جاسالاتىن سوڭعى شابۋىلدى سيپاتتاسا كەرەك *.
ايان 16:14، 16). سول كەزدە سولتۇستىك پاتشاسى ماگوگ جەرىندەگى گوگتى قۇرايتىن باسقا حالىقتارمەن بىرگە جويىلادى، ٵرى «وعان كومەكتەسەتىن ەشكىم بولمايدى» (دان. 11:45).
16 سولتۇستىك پاتشاسى مەن وزگە دە ۇكىمەتتەردىڭ بۇل شابۋىلى قۇدىرەتى شەكسىز قۇدايدىڭ قاھارىن تۋعىزادى. ٴسۇيتىپ، ارماگەددون سوعىسى باستالادى (17. دانيال 12:1 دە ۇلى ٵمىرشى دەپ اتالعان ميكايل دەگەن كىم جانە ول قازىر نە ىستەپ جاتىر، ال بولاشاقتا نە ىستەيدى؟
17 دانيال 12:1 وقىڭىز. بۇل تارماقتان سولتۇستىك پاتشاسى مەن ونىڭ وداقتاستارى قالاي جويىلاتىنىن، ال ٴبىزدىڭ قالاي قۇتقارىلاتىنىمىز جايلى كوبىرەك بىلە الامىز. تارماقتاعى سوزدەر نەنى بىلدىرەدى؟ ميكايل — قازىر بيلىك ەتىپ جاتقان پاتشامىز ٴماسىح يسانىڭ باسقاشا اتى. 1914-جىلى پاتشالىق كوكتە ورناعالى بەرى ول قۇداي حالقىنىڭ «مۇددەسىن قورعاپ» كەلەدى. جۋىردا ول ارماگەددون سوعىسىندا «ارەكەت ەتەتىن بولادى»، ياعني جاۋلارىن جويادى. بۇل سوعىس دانيال ايتىپ كەتكەن بۇرىن-سوڭدى بولماعان «قيىن-قىستاۋ ۋاقىتتىڭ» سوڭعى وقيعاسى بولادى. ال ايان كىتابىنداعى جوحاننىڭ پايعامبارلىعىندا وسى سوعىس پەن وعان دەيىنگى ۋاقىتتى قامتيتىن كەزەڭ «زور الاپات» دەپ اتالادى (ايان 6:2؛ 7:14).
ٴسىزدىڭ ەسىمىڭىز «كىتاپقا جازىلا» ما؟
18. نەگە ٴبىز بولاشاقتى ۇرەيمەن ەمەس، سەنىممەن قارسى الساق بولادى؟
18 ٴبىز بولاشاقتا بولاتىن وقيعالاردى سەنىممەن قارسى الا الامىز. ويتكەنى دانيال دا، جوحان دا ەحوبا مەن يساعا قىزمەت ەتەتىندەردىڭ ٴبارى بۇرىن-سوڭدى بولماعان قيىن-قىستاۋ ۋاقىتتان امان قالاتىنىن ايتقان. دانيال ەسىمدەرى «كىتاپتا جازىلعاندار» عانا قۇتقارىلاتىنىن ايتقان (دان. 12:1). ال ەسىمىمىز سول كىتاپقا جازىلۋ ٷشىن نە ىستەۋىمىز كەرەك؟ ول ٷشىن ٴبىز قۇدايدىڭ توقتىسى يساعا سەنەتىنىمىزدى دالەلدەۋىمىز قاجەت (جوح. 1:29). قۇدايعا ٶمىرىمىزدى باعىشتاپ، شومىلدىرۋ راسىمىنەن ٶتۋىمىز كەرەك (پەت. 1-ح. 3:21). سونداي-اق قولىمىزدان كەلگەنشە وزگەلەرگە ەحوبا جايلى بىلۋگە كومەكتەسۋ ارقىلى قۇداي پاتشالىعىن قولداۋىمىز قاجەت.
19. قازىر نە ىستەۋىمىز كەرەك جانە نەگە؟
19 قازىر ەحوباعا جانە ونىڭ ادال قىزمەتشىلەرىنەن تۇراتىن ۇيىمىنا دەگەن سەنىمىمىزدى نىعايتاتىن جانە قۇداي پاتشالىعىن قولدايتىن ۋاقىت. وسىلاي ەتەر بولساق، قۇداي پاتشالىعى سولتۇستىك پاتشاسى مەن وڭتۇستىك پاتشاسىن جويعاندا، ٴبىز امان قالامىز.
149-ٵن جەڭىس ٵنى
^ 5-ابزاس بۇگىندە «سولتۇستىك پاتشاسى» كىم جانە ول قالاي جويىلادى؟ بۇنىڭ جاۋابىن بىلگەنىمىز سەنىمىمىزدى نىعايتادى، ٵرى جاقىن ارادا بولاتىن سىناقتارعا دايىن بولۋعا كومەكتەسەدى.
^ 12-ابزاس دانيال 2:36—45 تارماقتارداعى جانە ايان 13:1، 2 دەگى پايعامبارلىقتار جايلى كوبىرەك ٴبىلۋ ٷشىن، «كۇزەت مۇناراسىن» (حانزۇشا) قاراڭىز (2012-جىل، 15-ماۋسىم، 7—19 بەتتەر).
^ 15-ابزاس كوبىرەك ٴبىلۋ ٷشىن، 2015-جىلعى «كۇزەت مۇناراسىنىڭ» (حانزۇشا) 15-مامىرداعى سانىنىڭ 29، 30-بەتىن قاراڭىز.