جۇمساقتىق. بۇل قاسيەتتىڭ پايداسى
«مەن تابيعاتىمنان ۇياڭ اداممىن. اناۋ ايتقانداي ٶز-وزىمە سەنىمدى دە ەمەسپىن. سوندىقتان وزىنە تىم سەنىمدى، ٶز دەگەنىندە تۇرىپ الاتىن ادامداردىڭ قاسىندا ٶزىمدى جايسىز سەزىنەمىن. ال جۇمساق، كىشىپەيىل ادامدارمەن ٶزىمدى ەركىن ۇستايمىن. ولارعا اشىلىپ، ىشىمدەگىنىڭ ٴبارىن اقتارا الامىن، قيىندىقتارىمدى دا جاسىرمايمىن. مەنىڭ ەڭ جاقىن دوستارىم كىشىپەيىل ٵرى جۇمساق ادامدار»،— دەيدى سارا * ەسىمدى باۋىرلاس.
سارانىڭ سوزدەرىنەن اڭعارۋعا بولاتىنداي، جۇمساق ادامدارعا باسقالار تارتىلىپ تۇرادى. بۇل قاسيەت ەحوباعا دا ۇنايدى. ول ٶز سوزىندە ٴبىزدى: «جۇمساقتىق... قاسيەتىنە بولەنىڭدەر»،— دەپ شاقىرعان (قول. 3:12). جۇمساقتىق دەگەن نە؟ يسا قالاي جۇمساقتىق تانىتقان؟ بۇل قاسيەت ٴبىزدى قالاي باقىتتىراق ەتەدى؟
جۇمساقتىق دەگەن نە؟
جۇمساقتىق دەگەن — ىشكى سابىرلىق، جان دۇنيەنىڭ تىنىشتىعى. جۇمساق ادام وزگەلەرگە مەيىرىممەن قارايدى جانە اشۋعا تيەتىن جاعدايلاردا سابىر ساقتاپ، ۇستامدى بولادى.
جۇمساقتىق دەگەن — ادامنىڭ ىشتەي مىقتى بولۋى. كيەلى كىتاپتا «جۇمساقتىق» دەپ اۋدارىلعان گرەك ٴسوزى قولعا ۇيرەتىلگەن جابايى جىلقىعا قاتىستى قولدانىلعان. جىلقى قولعا ۇيرەتىلگەننەن مىقتىلىعىنان ايىرىلىپ، ٵلسىز بولىپ قالمايدى. قايتا، ول ٶزىنىڭ قارا كۇشىن جۇگەندەۋدى ۇيرەنەدى. تۋرا سول سياقتى، جۇمساق ادام ٵلسىز ادام دەگەندى بىلدىرمەيدى. كەرىسىنشە، مۇنداي ادام مىقتى كەلەدى. ويتكەنى ول كەمەلسىز بەيىمدىلىكتەرىن تىزگىندەي بىلەدى جانە وزگەلەرمەن تاتۋ بولادى.
بالكىم، «جۇمساقتىق ماعان ٴتان ەمەس» دەپ ويلارمىز. ٴبىز ٶز دەگەنىندە تۇرىپ الۋ جانە شىدامسىزدىق كەڭ تاراعان دۇنيەدە ٶمىر ٴسۇرىپ جاتقاندىقتان، جۇمساق بولۋ قيىنعا سوعۋى مۇمكىن (ريم. 7:19). راس، جۇمساقتىق قاسيەتىن دامىتۋ كوپ كۇش سالۋدى تالاپ ەتەدى. ٴبىراق ەحوبانىڭ كيەلى رۋحى بىزگە ماقساتىمىزعا ٵرى قاراي دا ۇمتىلا بەرۋگە كومەكتەسەدى (عال. 5:22، 23). نەلىكتەن جۇمساقتىق قاسيەتىن دامىتۋعا كۇش سالۋىمىز كەرەك؟
جۇمساقتىق — ادامداردى تارتاتىن قاسيەت. ماقالانىڭ باسىندا سارا ايتقانداي، ٴبىز جۇمساق ادامداردىڭ اراسىندا ٶزىمىزدى جايلى سەزىنەمىز. يسا جۇمساق تا مەيىرىمدى بولۋدىڭ تاماشا ۇلگىسىن قالدىرعان (قور. 2-ح. 10:1). ٴتىپتى يسانى جاقسى تانىماعان بالالاردىڭ ٶزى وعان تارتىلىپ تۇرعان (مار. 10:13—16).
جۇمساقتىق ٶزىمىزدى دە، وزگەلەردى دە قورعايدى. جۇمساق بولساق، ۇنجىرعامىز تەز تۇسە ناق. س. 16:32). سوندا باسقالاردىڭ، اسىرەسە جاقىن ادامدارىمىزدىڭ جانىن جارالاپ، ارتىنان وكىنىپ جاتپايمىز. قاسىمىزداعى ادامدار دا جۇگەنسىز مىنەزىمىزدىڭ سالدارىنان جاپا شەكپەيدى.
قويمايدى جانە بىردەن اشۋلانىپ كەتپەيمىز (جۇمساقتىقتىڭ كەمەلدى ۇلگىسى
يسا ۋاقىتى تىعىز، اتقاراتىن مىندەتتەرى كوپ بولسا دا، بارىنە جۇمساقتىق تانىتقان. ونىڭ كۇندەرىندە بەينەت شەگىپ، ەڭسەلەرىن اۋىر جۇك باسقان ادامدار كوپ بولعان. ولار يسانىڭ: «ماعان كەلىڭدەر، مەن جاندارىڭدى سەرگىتەمىن... مەن جۇمساق ٵرى كىشىپەيىلمىن»،— دەگەن سوزدەرىن ەستىگەندە، جاندارى جادىراپ قالسا كەرەك (مات. 11:28، 29).
يسا سياقتى جۇمساق بولۋدى قالاي ۇيرەنسەك بولادى؟ ول ٷشىن قۇداي ٴسوزىن زەرتتەپ، يسانىڭ ادامدارمەن قالاي ارالاسقانىن جانە قيىن كەزدەردە قالاي ارەكەت ەتكەنى جايلى بىلە الامىز. سولاي ەتسەك، جۇمساقتىعىمىزدى سىنعا الاتىن جاعدايلاردا يسا سياقتى ارەكەت ەتۋگە تىرىساتىن بولامىز (پەت. 1-ح. 2:21). قازىر يساعا جۇمساق بولۋعا كومەكتەسكەن ٷش جايتتى كورەيىك.
يسا كىشىپەيىل بولعان. يسا ٶزىنىڭ «جۇمساق ٵرى كىشىپەيىل» ەكەنىن ايتقان (مات. 11:29). كيەلى كىتاپتا بۇل ەكى قاسيەتتىڭ قاتار ايتىلاتىن سەبەبى — جۇمساقتىق كىشىپەيىلدىلىكپەن تىعىز بايلانىستى (ەفەس. 4:1—3). نەگە ولاي دەيمىز؟
كىشىپەيىلدىلىك بىزگە ٶزىمىزدى تىم ماڭىزدى ساناۋدان جانە شەكتەن تىس سەزىمتال بولۋدان ساقتايدى. يسا ٶزىن «تاماق جەپ، شاراپ ٸشۋدى جاقسى كورەدى» دەپ ورىنسىز ايىپتاعاندارعا قالاي قارادى؟ بۇل سوزدەردىڭ جالعان ەكەنىن ول ٶزىنىڭ ارەكەتىمەن كورسەتىپ، جۇمساقتىقپەن: «دانالىق ىستەرىمەن دالەلدەنەدى»،— دەدى (مات. 11:19).
بىرەۋ ۇلتىڭىز، جىنىسىڭىز نە شىققان ورتاڭىز جايلى كوڭىلىڭىزگە تيەتىن بىردەڭە ايتسا، مۇندايدا نەگە جۇمساقتىقپەن ارەكەت ەتپەسكە؟! وڭتۇستىك افريكاداعى قاۋىمدا قىزمەت ەتەتىن پيتەر ەسىمدى اقساقال بىلاي دەيدى: «بىرەۋدىڭ ٴسوزىن كوڭىلىمە الىپ قالسام، «مۇندايدا يسا قالاي ارەكەت ەتەر ەدى؟» دەپ ويلانامىن. مەن ٶزىم جايلى تىم جوعارى ويدا بولماۋدى ۇيرەندىم».
يسا ادامداردىڭ كەمەلسىز ەكەنىن تۇسىنگەن. يسانىڭ شاكىرتتەرىنىڭ نيەتتەرى جاقسى بولعان، ٴبىراق كەيدە كەمەلسىز بولمىستارى نيەتتەرىن جۇزەگە اسىرۋعا كەدەرگى ەتكەن. مىسالى، يسا ولەر الدىنداعى ٴتۇنى پەتىر، جاقىپ پەن جوحاننان جانىنا مەدەۋ بولۋىن سۇراعان ەدى. ٴبىراق ولار ونىڭ ٶتىنىشىن ورىنداي المادى. يسا «رۋح دايىن، ٴبىراق ٴتان ٵلسىز» ەكەنىن جاقسى ٴتۇسىندى (مات. 26:40، 41). ول جاعدايدى تۇسىنە بىلگەنىنىڭ ارقاسىندا ەلشىلەرىنە اشۋلانبادى.
مەندي ەسىمدى ايەل باۋىرلاس بۇرىن ٴبارىن سىناپ-مىنەپ جۇرەتىن. ٴبىراق قازىر ول يسانىڭ جۇمساقتىعىنا ەلىكتەۋگە بارىنشا تىرىسادى. ول بىلاي دەيدى: «مەن كەز كەلگەن ادامنىڭ كەمەلسىز ەكەنىن ەستە ۇستاۋعا جانە ادامداردىڭ جاقسى جاقتارىن، ٴدال ەحوبا بايقاعان قاسيەتتەرىن، بايقاۋعا تىرىسامىن». يسانىڭ كەمەلسىز ادامدارعا تۇسىنىكپەن قاراعانى ٴسىزدى وزگەلەرگە جۇمساقتىقپەن قاراۋعا تالپىندىرا ما؟
يسا ٴبارىن قۇدايعا تاپسىرعان. يسا جەردە بولعاندا كوپ ادىلەتسىزدىك كورگەن. ونى ادامدار تۇسىنبەدى، كەمسىتىپ، قورلادى. سوندا دا يسا جۇمساق بولىپ قالا بەردى. ويتكەنى ول «ٶزىن ٵدىل سوتتاۋشىعا سەنىپ تاپسىردى» (پەت. 1-ح. 2:23). يسا كوكتەگى اكەسى ونىڭ قامىن ويلايتىنىن جانە ۋاقىتى كەلگەندە ادىلدىك ورناتاتىنىن بىلگەن.
ادىلەتسىزدىككە كەزىككەن كەزدە اشۋمەن ارەكەت ەتەتىن بولساق، وپ-وڭاي شەكتەن شىعىپ، جاعدايدى ودان سايىن ۋشىقتىرىپ جىبەرۋىمىز مۇمكىن. سوندىقتان دا كيەلى كىتاپتا: «اشۋدىڭ جەتەگىندەگى ادام قۇدايدىڭ ادىلدىگىنە ساي ارەكەت ەتپەيدى»،— دەگەن ەسكەرتۋ بار (جاق. 1:20). ٴتىپتى اشۋىمىز ورىندى بولعان كۇندە دە، كەمەلسىزدىگىمىز ٴبىزدى دۇرىس ەمەس ارەكەتكە باعىتتاۋى مۇمكىن.
گەرمانيادا تۇراتىن كەتي ەسىمدى باۋىرلاس بۇرىن «ەگەر ٶز-ٶزىڭدى قورعاماساڭ، ەشكىم سەنى قورعامايدى» دەگەن ويدا بولعان ەكەن. ٴبىراق كەيىن ول ەحوباعا سەنىم ارتۋدى ۇيرەنىپ، كوزقاراسىن وزگەرتتى. «مەن ەندى بۇرىنعىداي ٶز-ٶزىمدى قورعاۋعا دايىن تۇرمايمىن. ەشبىر جايت ەحوبانىڭ نازارىنان تىس قالمايتىنىن بىلگەندىكتەن، ەش نارسەنى ۋايىمداماي، جۇمساقتىقپەن ارەكەت ەتە بەرەمىن»،— دەيدى ول. ادىلەتسىزدىكتىڭ قۇربانى
بولساڭىز، يساعا ەلىكتەپ ەحوباعا سەنىم ارتىڭىز. بۇل سىزگە جۇمساق بولىپ قالا بەرۋگە كومەكتەسەدى.«جۇمساق ادامدار باقىتتى»
قيىن جاعدايلاردا جۇمساقتىق بىزگە قالاي كومەكتەسەدى؟
يسا باقىتتى بولۋىمىز ٷشىن جۇمساقتىقتىڭ ماڭىزدى ەكەنىن ايتقان. ول: «جۇمساق ادامدار باقىتتى»،— دەگەن (مات. 5:5، ٴسىلت.). قازىر جۇمساقتىق كەلەسى جاعدايلاردا قالاي كومەكتەسەتىنىن كورەيىك.
جۇمساقتىق نەكەدەگى قيىن جاعدايلاردى جاقسارتادى. «مەن ايەلىمنىڭ جۇرەگىن اۋىرتىپ، ايتام دەپ ويلاماعان اۋىر سوزدەردى ايتاتىنمىن. ٴبىراق جاي اشۋ ۇستىندە ايتتىم عوي دەپ تۇك بولماعانداي جۇرە المايسىڭ. سوزدەرىم ايەلىمدى قالاي جارالاعانىن كورگەندە، ٶزىمدى قويارعا جەر تاپپايتىنمىن»،— دەيدى اۆستراليادا تۇراتىن ٴبىر ەر باۋىرلاس.
سويلەگەندە «ٴبارىمىز دە كوپ سۇرىنەمىز» جانە ويلانباي ايتقان سوزدەرىمىز نەكەمىزدىڭ شىرقىن بۇزۋى مۇمكىن (جاق. 3:2). وسىنداي جاعدايلاردا جۇمساقتىق سابىر ساقتاۋعا ٵرى سوزدەرىمىزدى قاداعالاۋعا كومەكتەسەدى (ناق. س. 17:27).
روبەرت سابىرلى ٵرى ۇستامدى بولۋ ٷشىن كوپ كۇش سالعان. بۇنىڭ ناتيجەسى قانداي بولدى؟ ول بىلاي دەيدى: «بۇگىندە ارامىزدا تۇسىنىسپەۋشىلىك تۋىنداعاندا ايەلىمدى مۇقيات تىڭداۋعا، جۇمساق سويلەۋگە جانە اشۋلانىپ كەتپەۋگە سانالى تۇردە كۇش سالامىن. قازىر ايەلىممەن قارىم-قاتىناسىم اناعۇرلىم جاقسى».
جۇمساقتىق وزگەلەرمەن جاقسى ٴتىل تابىسۋعا كومەكتەسەدى. ادەتتە تەز رەنجىگىش ادام كوپ دوستارىنان ايىرىلىپ قالادى. ال جۇمساقتىق قاسيەتى بىزگە «تاتۋ بولىپ... بىرلىكتى ساقتاپ قالۋعا» كومەكتەسەدى (ەفەس. 4:2، 3). جوعارىدا كەلتىرىلگەن كەتي بىلاي دەيدى: «جۇمساقتىق ماعان وزگە اداممەن كەزدەسىپ قالعان كەزدە، سول ٴساتتى كىشكەنە دە بولسا جاعىمدى ەتۋگە كومەكتەسەدى. ٴتىپتى ٴتىل تابىسۋ قيىنعا سوعاتىن ادامدارمەن كەزدەسكەن كەزدە دە سولاي ەتۋگە تىرىسامىن».
جۇمساقتىق جانتىنىشتىعىنا بولەيدى. كيەلى كىتاپتا جۇمساقتىق پەن تاتۋلىق «كوكتەن كەلگەن دانالىقپەن» بايلانىستىرىلادى (جاق. 3:13، 17). جۇمساق ادامنىڭ «جۇرەگى تىنىش» بولادى (ناق. س. 14:30). جۇمساقتىق قاسيەتىن دامىتۋ ٷشىن كوپ كۇش سالعان مارتين بىلاي دەيدى: «قازىر مەن بۇرىنعىعا قاراعاندا بەيىمدەلگىشپىن جانە اشۋعا تەز بەرىلمەيمىن، جانىم دا تىنىش، ٵرى ٶزىمدى باقىتتى سەزىنەمىن».
راس، جۇمساق بولۋ كوپ كۇش سالۋدى تالاپ ەتۋى مۇمكىن. ٴبىر ەر باۋىرلاس: «شىنىمدى ايتسام، زىعىردانىم قاينايتىن كەزدەر بولىپ تۇرادى»،— دەيدى. بۇل ورايدا ٴبىزدى جۇمساق بولۋعا تالپىندىرىپ جاتقان ەحوبانىڭ ٶزى بىزگە ەش بەرىلمەۋگە كومەكتەسەدى (يشايا 41:10؛ ٴتىم. 1-ح. 6:11). ول «ٴتالىمىمىزدى اقىرىنا دەيىن جەتكىزىپ، ٴبىزدى نىعايتا» الادى (پەت. 1-ح. 5:10). سوندا ٴبىز دە ەلشى پاۋىل سياقتى «ماسىحكە ٴتان جۇمساقتىق جانە مەيىرىم» تانىتا الامىز (قور. 2-ح. 10:1).
^ 2-ابزاس كەيبىر ەسىمدەر وزگەرتىلگەن.