وقىرمان ساۋالدارى
ەگەر نەكەگە تۇرماعان ەر مەن ايەل كەلەلى سەبەپسىز ٴبىر ۇيدە جالعىز وزدەرى تۇنەپ شىقسا، بۇل ولاردىڭ كۇنا جاساعانىنا دالەل بولىپ، سوت كوميتەتى قۇرىلۋ كەرەك پە؟
ٴيا. كەلەلى سەبەپسىز جالعىز وزدەرى ٴبىر ۇيدە تۇنەپ شىققاندارى ولاردىڭ جىنىستىق ونەگەسىزدىك جاساعانىنا سالماقتى دالەل بولىپ تابىلادى. سوندىقتان ەسكەرەتىن كەلەلى سەبەپتەر شىقپاسا، سوت كوميتەتى قۇرىلۋى ٴتيىس (قورىنتتىقتارعا 1-حات 6:18).
اقساقالدار كەڭەسى سوت كوميتەتىن قۇرۋ قاجەت پە، جوق پا — سونى انىقتاۋ ٷشىن ٵر جاعدايدى مۇقيات قاراستىرادى. مىسالى، كەلەسى جايتتاردى انىقتايدى: ەكەۋىنىڭ اراسىندا رومانتيكالىق قارىم-قاتىناس بار ما ەدى؟ ەكەۋىنىڭ قارىم-قاتىناسىنا قاتىستى اقساقالدار ولارعا بۇرىن كەڭەس بەرگەن بە ەدى؟ ٴبىر ۇيدە تۇنەپ شىعۋىنا نە سەبەپ بولدى؟ بۇلاي ەتۋدى الدىن الا جوسپارلادى ما؟ ولاردىڭ باسقا امالى بولدى ما؟ يا بولماسا كۇتپەگەن وقيعا نە توتەنشە جاعداي سياقتى جايتتاردىڭ كەسىرىنەن ٴبىر ۇيدە تۇنەپ شىعۋدان باسقا امالدارى بولمادى ما؟ (ۋاعىزداۋشى 9:11). ولار ۇيدىڭ قاي جەرىندە ۇيىقتادى؟ ٵر جاعداي ٵرتۇرلى، سوندىقتان اقساقالداردىڭ شەشىمىنە اسەر ەتەتىن باسقا دا جايتتار بولۋى مۇمكىن.
اقساقالدار كەڭەسى بارلىق جايتتاردى قاراستىرعان سوڭ، سوت كوميتەتىن قۇرۋ-قۇرماۋدى شەشەدى.