«ول شارشاعانعا كۇش سىيلايدى»
2018-جىلدىڭ تارماعى: «ەحوباعا ٷمىت ارتاتىندار كۇش-قۋاتقا يە بولادى» (يشايا 40:31).
اندەر: 152، 67
1. ٴبىز قانداي قيىندىقتارعا ٴتوزىپ ٴجۇرمىز؟ ٴبىراق نەگە ەحوبا ادال قىزمەتشىلەرىنە رازى؟ (ماقالانىڭ باسىنداعى سۋرەتتەردى قاراڭىز.)
وسى دۇنيەدە ٶمىر ٴسۇرۋ وڭاي ەمەس. كوپتەگەن قىمباتتى باۋىرلاستارىمىز اۋىر دەرتتىڭ ازابىن تارتىپ ٴجۇر. ال كەيبىرى ەگدە جاستا بولسا دا، قارتايعان تۋىستارىن قامقورلاپ ٴجۇر. باسقا باۋىرلاستار ٷشىن وتباسىن اسىراۋ وڭايعا سوقپايدى. ال كوبىمىز وسى قيىندىقتاردىڭ ٴبىرىن عانا ەمەس، بىرنەشەۋىن كورىپ ٴجۇرمىز. بۇعان كوپ ۋاقىتىمىز، كۇشىمىز بەن قاراجاتىمىز كەتەدى. دەسە دە ٴسىز ەحوبانىڭ كومەكتەسەتىنىنە تولىق سەنىمدىسىز. جاعدايدىڭ وڭالاتىنىن دا بىلەسىز، ويتكەنى قۇداي سونى ۋادە ەتكەن. ٴسىزدىڭ سەنىمىڭىز ەحوباعا ۇنامدى ەكەنى ٴسوزسىز!
2. يشايا 40:29 داعى سوزدەر ٴبىزدى قالاي جىگەرلەندىرەدى؟ قانداي ۇلكەن قاتەلىك جاساپ قويۋىمىز مۇمكىن؟
2 ٴبىراق كەيدە قيىندىقتارىڭىزعا ٴتوزۋ تىم قيىن بولىپ كورىنە مە؟ ەگەر سولاي بولسا، ٴسىز جالعىز ەمەسسىز. قۇدايدىڭ ەجەلدەگى قىزمەتشىلەرىنىڭ كەيبىرى ٴدال وسىنداي كۇي كەشكەن (پاتشالار 1-جازبا 19:4؛ ٵيۇپ 7:7). ولارعا توزىمدىلىك تانىتۋعا نە كومەكتەستى؟ ەحوبانىڭ كۇش بەرەتىنىنە سەنىم ارتقاندارى. كيەلى كىتاپتا قۇداي «شارشاعانعا كۇش سىيلايتىنى» ايتىلعان (يشايا ). وكىنىشكە قاراي، بۇگىندە قۇدايدىڭ كەيبىر قىزمەتشىلەرى قيىندىقتارعا توتەپ بەرۋدىڭ ەڭ دۇرىس جولى — ەحوباعا قىزمەت ەتۋدى شامالى ۋاقىتقا دوعارا تۇرۋ دەپ ەسەپتەيدى. ولار ەحوباعا دەگەن قىزمەتتى باتا ەمەس، اۋىرتپالىق دەپ قاراستىرادى. سودان كيەلى كىتاپتى وقۋدى، قاۋىمعا بارۋدى جانە ۋاعىزداۋدى قويادى. شايتان بولسا ولاردان ٴدال وسىنى كۇتەدى. 40:29
3. ا) شايتان ٴبىزدى السىرەتپەس ٷشىن نە ىستەي الامىز؟ ٵ) بۇل ماقالادا نە تالقىلايمىز؟
3 ٸبىلىس ٴبىزدىڭ مىقتى بولعانىمىزدى قالامايدى. ەحوباعا دەگەن قىزمەتتەن قولىمىز بوساماسا، مىقتىراق بولا تۇسەتىنىمىزدى ول جاقسى بىلەدى. سوندىقتان تاندىك جانە ەموسيالىق جاعىنان دىڭكەڭىز قۇرىپ جۇرسە، ەحوبادان الىستاپ كەتپەڭىز. قايتا، وعان جاقىنداي ٴتۇسىڭىز. كيەلى كىتاپتا: «قۇدايدىڭ ٶزى... سەندەردى نىعايتىپ، كۇشەيتەدى»،— دەلىنگەن (پەتىردىڭ 1-حاتى 5:10؛ جاقىپ 4:8). ٴبىز بۇل ماقالادا يشايا 40:26—31 تارماقتاردى قاراستىرىپ، ەحوبانىڭ ٴبىزدى كۇشەيتە الاتىنىن بىلەمىز. سوسىن ەحوباعا دەگەن قىزمەتىمىزدىڭ قارقىنىن باسەڭدەتۋى مۇمكىن ەكى جاعدايدى تالقىلايمىز، سونداي-اق كيەلى كىتاپ پرينسيپتەرى توزۋگە قالاي كومەكتەسەتىنىن بىلەمىز.
ەحوباعا ٷمىت ارتاتىندار كۇش-قۋاتقا يە بولادى
4. يشايا 40:26 دان نە بىلەمىز؟
4 يشايا 40:26 وقىڭىز. ەشكىم عالامداعى بارلىق جۇلدىزدى ساناي المايدى. عالىمدار تەك «قۇس جولىنىڭ» وزىندە 400 ميلليارد جۇلدىز بار دەپ ەسەپتەيدى. جۇلدىزدار سونشاما كوپ بولسا دا، ەحوبا ولاردىڭ اربىرىنە ات بەرگەن. بۇدان ەحوبا جايلى نە بىلەمىز؟ ەگەر ول جانسىز جۇلدىزداردىڭ ٵرقايسىسىنا وسىلاي جەكە كوڭىل بولسە، سىزگە ەرەكشە كوڭىل بولەدى ەمەس پە؟! ٴسىز وعان ەرىكسىز مىندەتتى بولعاندىقتان ەمەس، ونى جاقسى كورگەندىكتەن قىزمەت ەتەسىز عوي (ٴزابۇر 19:1، 3، 14). كوكتەگى اكەمىز ٴسىز جايلى ٴبارىن بىلەدى. كيەلى كىتاپتا «باسىمىزداعى شاشتارىمىزدىڭ سانى دا وعان بەلگىلى» ەكەنى ايتىلعان (ماتاي 10:30). ەحوبا «كىناراتسىزداردىڭ ٶمىر جولىن بىلەتىنىن» ەستە ۇستاعانىمىزدى قالايدى (ٴزابۇر 37:18). ٴيا، ەحوبا ٴسىزدىڭ بارلىق قيىندىعىڭىزدى كورىپ تۇر ٵرى سولاردىڭ اربىرىنە ٴتوزۋ ٷشىن قاجەتتى كۇش دارىتا الادى.
5. ەحوبانىڭ كۇش-قۋات دارىتا الاتىنىنا نەگە سەنىمدى بولا الامىز؟
5 يشايا 40:28 وقىڭىز. ەحوبا — ەنەرگيا اتاۋلىنىڭ قاينارى. مىسالعا، ونىڭ كۇنگە بەرگەن قۋات مولشەرىن الايىق. دەۆيد بودانيس ەسىمدى عىلىمي جازۋشىنىڭ ايتۋىنشا، كۇننىڭ ٵر سەكۋند سايىن وندىرەتىن قۋاتى ميللياردتاعان اتوم بومباسىنىڭ قۋاتىنا بارابار ەكەن. باسقا ٴبىر زەرتتەۋشىنىڭ ەسەبى بويىنشا، كۇن ٵر سەكۋند سايىن دۇنيەدەگى بارلىق ادامزاتقا 200 000 جىلعا جەتەتىن قۋات شىعارادى ەكەن! البەتتە، كۇنگە قۋات بەرىپ وتىرعان ەحوبا بىزگە دە قيىندىققا توزۋگە قاجەتتى كۇش-قۋات بەرە الادى.
6. قاي ماعىنادا يسانىڭ مويىنتۇرىعى ىڭعايلى جانە بۇنى بىلگەنىڭىز سىزگە قالاي اسەر ەتەدى؟
6 يشايا 40:29 وقىڭىز. ەحوباعا قىزمەت ەتۋ زور قۋانىش سىيلايدى. يسا شاكىرتتەرىنە: «مويىنتۇرىعىمدى الىڭدار»،— دەگەن. ارتىنان بىلاي دەپ قوستى: «سوندا جاندارىڭ سەرگيدى. سەبەبى مويىنتۇرىعىم ىڭعايلى، جۇگىم جەڭىل» (ماتاي 11:28—30). بۇل شىنىندا دا سولاي! كەيدە شارشاعانىمىز سونشا، قاۋىمعا نە ۋاعىزعا ۇيدەن ٶزىمىزدى سۇيرەپ شىعاراتىن شىعارمىز. ٴبىراق قايتىپ كەلە جاتقاندا قانداي سەزىمدە بولامىز؟ جانىمىز سەرگىپ، قيىندىعىمىزبەن كۇرەسۋگە قاجەتتى كۇش الامىز. راسىندا دا، يسانىڭ مويىنتۇرىعى جانعا جايلى.
7. ماتاي 11:28—30 داعى سوزدەردىڭ راستىعىن كورسەتەتىن وقيعانى كەلتىرىڭىز.
7 ٴبىر ايەل باۋىرلاسىمىزدىڭ جاعدايىن قاراستىرايىقشى. ول سوزىلمالى شارشاۋ مەن جان كۇيزەلىسىنە شالدىققان، قالا بەرسە، باسى قاتتى اۋىرادى. سوندىقتان كەيدە ول ٷشىن قاۋىمعا بارۋ قيىننىڭ قيىنى. الايدا ٴبىر كۇنى بار كۇشىن سالىپ قاۋىمعا بارعاننان كەيىن، ول بىلاي دەپ جازدى: «سول كۇنى قاۋىمدا ايتىلعان بايانداما جابىرقاۋ جايلى بولدى. بايانداماشى مالىمەتىن جاناشىرلىقپەن جەتكىزگەنى سونشا، كوزىمە ەرىكسىز جاس كەلدى. سودان قاۋىم كەزدەسۋلەرىنە بارۋدىڭ ماعان قانشالىقتى قاجەت ەكەنىن ٴتۇسىندىم». قاۋىمعا بارۋعا بار كۇشىن سالعانىنا ول قاتتى قۋاندى!
8، 9. ەلشى پاۋىلدىڭ «ٵلسىز كەزىمدە كۇشتىمىن» دەگەن سوزدەرى نەنى بىلدىرەدى؟
8 يشايا 40:30 وقىڭىز. ٴبىزدىڭ قولىمىزدان كوپ ٸس كەلەتىن شىعار، ٴبىراق كۇشىمىز شەكتەۋلى. مۇنى ٴبارىمىز دە مويىنداۋىمىز قاجەت. ەلشى پاۋىل كوپ ٸس اتقارۋعا قابىلەتتى بولعان، ٴبىراق ىستەگىسى كەلگەنىنىڭ ٴبارىن ىستەي الماعان. سودان ەحوباعا وسى ىشكى سەزىمىن بىلدىرگەندە، ەحوبا وعان بىلاي دەدى: «ٵلسىز كەزىڭدە مەنىڭ قۇدىرەتىمە تولىق يە بولاسىڭ». پاۋىل ەحوبانىڭ سوزدەرىنىڭ ٴمانىن ٴتۇسىندى. سول سەبەپتى ول: «ٵلسىز كەزىمدە كۇشتىمىن»،— دەدى (قورىنتتىقتارعا 2-حات 12:7—10). مۇنىمەن پاۋىل نە ايتقىسى كەلدى؟
9 پاۋىل شاماسى جەتەتىن نارسەلەردىڭ شەكتەۋلى ەكەنىن تۇسىنگەن. سوندىقتان اسا كۇشتى بىرەۋدىڭ كومەگىنە مۇقتاج بولدى. قۇدايدىڭ كيەلى رۋحى پاۋىلعا السىرەپ قالعان كەزدە كۇش بەرە الدى. بۇعان قوسا، كيەلى رۋحتىڭ ارقاسىندا پاۋىل ٴتىپتى ٶز كۇشىمەن اتقارا المايتىن ىستەردى دە اتقارا الدى. بىزبەن دە سولاي بولا الادى. ەحوبا كيەلى رۋحىن بەرگەن كەزدە ٴبىز شىنىندا دا كۇشتى بولامىز!
10. ەحوبا داۋىتكە قيىندىققا توزۋگە قالاي كومەكتەسكەن؟
10 ٴزابۇر جىرشىسى ٴداۋىت قۇدايدىڭ كيەلى رۋحىنىڭ كۇشىن تالاي رەت سەزىنگەن. ول بىلاي دەپ جىرلاعان: «سەنىڭ كومەگىڭمەن ٴبىر توپ قاراقشىعا دا قارسى تۇرامىن، قۇدايىمنىڭ كۇشىمەن دۋالعا دا شىعامىن» (ٴزابۇر 18:29). بيىك دۋالعا ورمەلەپ شىعۋ مۇمكىن ەمەس سياقتى، كەيدە قيىندىقتارىمىزدىڭ ۇلكەن بولاتىنى سونشا، ولاردى ٶز كۇشىمىزبەن شەشە المايمىز. مۇنداي كەزدە ەحوبانىڭ كومەگى قاجەت.
11. كيەلى رۋح قيىندىقتارعا توزۋگە قالاي كومەكتەسەدى؟
11 يشايا 40:31 وقىڭىز. قىران اۋادا قالىقتاعاندا، ٶز كۇشىن عانا قولدانبايدى. قىراندى جىلى اۋا اعىنىنىڭ كۇشى اسپاندا ۇستاپ تۇرادى. وسىنىڭ ارقاسىندا ولار ۇزاق قاشىقتىققا ۇشىپ بارا الادى ٵرى كۇش-قۋاتىن ۇنەمدەيدى. سوندىقتان مازاڭىزدى الاتىن قيىندىققا كەزىككەندە، قىراندار جايلى ويلانىپ كورىڭىز. ەحوبادان «كومەكشى» كيەلى رۋح ارقىلى كوبىرەك كۇش بەرۋىن جالىنىپ سۇراڭىز (جوحان 14:26). ٴبىز كيەلى رۋحتى ەحوبادان كەز كەلگەن ۋاقىتتا، تاۋلىگىنە 24 ساعات بويى، سۇراي الامىز. ەحوبانىڭ كومەگىن قاۋىمداعى ٴبىر باۋىرلاسپەن كەلىسپەۋشىلىك تۋىنداعاندا اسا قاجەت ەتۋىمىز مۇمكىن. ال كەلىسپەۋشىلىكتەر نە سەبەپتى تۋىندايدى؟
12، 13. ا) نەگە كەي كەزدە ماسىحشىلەردىڭ اراسىندا كەلىسپەۋشىلىكتەر تۋىندايدى؟ ٵ) ٴجۇسىپتىڭ ومىرىنەن ەحوبا جايلى نە بىلەمىز؟
12 كەلىسپەۋشىلىكتەردىڭ تۋىندايتىن سەبەبى — ٴبارىمىز دە كەمەلسىزبىز. كەيدە بىرەۋدىڭ ايتقان ٴسوزى نە ىستەگەن ٸسى قيتىعىمىزعا ٴتييۋى مۇمكىن، يا بولماسا ٶزىمىز دە بىرەۋدىڭ قيتىعىنا تيەتىن شىعارمىز. بۇل قيىن سىناق بولۋى مۇمكىن. ٴبىراق سونىڭ ارقاسىندا ەحوباعا ادال ەكەنىمىزدى كورسەتە الامىز. قالايشا؟ باۋىرلاستارىمىزبەن بىرلىكتە قىزمەتتەسۋدى ۇيرەنۋ ارقىلى. ەحوبا ولاردى كەمەلسىزدىكتەرىنە قاراماستان جاقسى كورەدى، سوندىقتان ٴبىز دە ولاردى جاقسى كورۋگە ٴتيىسپىز.
ەحوبا ٴجۇسىپتى تاستاعان ەمەس، ٴسىزدى دە ەش تاستامايدى (13-ابزاستى قاراڭىز)
13 ەحوبا ٶز قىزمەتشىلەرىنىڭ سىنالۋىنا توسقاۋىل قويمايدى. بۇعان ٴجۇسىپتىڭ ٶمىرى دالەل. ەرجەتكەن كەزىندە باۋىرلارى وعان ىشتارلىق تانىتتى. ولار ونى قۇلدىققا ساتىپ جىبەردى، سودان ٴجۇسىپ مىسىرعا اكەتىلدى (مۇسانىڭ 1-جازباسى 37:28). ەحوبا بولىپ جاتقان جاعدايدىڭ ٴبارىن، ٶزىنىڭ دوسى ٵرى ادال قىزمەتشىسى جۇسىپكە ادامداردىڭ قانشالىقتى جامان قاراعانىن كورىپ تۇردى. ايتسە دە ول بۇعان بوگەت بولعان جوق. كەيىنىرەك ٴجۇسىپ پوتيفاردىڭ ايەلىن زورلاماقشى بولدى دەگەن ايىپپەن تۇرمەگە تاستالعان كەزدە دە، ەحوبا ٴجۇسىپتى قۇتقارعان جوق. ٴبىراق قۇدايدىڭ ٴجۇسىپتى تاستاپ كەتكەن كەزى بولدى ما؟ جوق. كيەلى كىتاپتا: «ەحوبا وعان جار بولدى جانە ەحوبا ونىڭ بارلىق ٸسىن وڭعارىپ وتىردى»،— دەلىنگەن (مۇسانىڭ 1-جازباسى 39:21—23).
14. اشۋلانباۋدىڭ قانداي پايداسى بار؟
14 ٴداۋىتتىڭ دە مىسالىن قاراستىرايىق. كوپ ادام ٴداۋىت كورگەن قورلىقتى ەشقاشان كورمەگەن. ايتسە دە قۇدايدىڭ وسى دوسى اشۋ-ىزانىڭ وزەگىن ورتەۋىنە جول بەرمەدى. ول بىلاي دەپ جازدى: «اشۋلانبا، قاھارلانبا دا، زۇلىمدىققا بارماس ٷشىن، ىزاعا بوي الدىرما» (ٴزابۇر 37:8). اشۋلانباۋدىڭ ەڭ ماڭىزدى سەبەبى — ٴبىز ەحوباعا ەلىكتەگىمىز كەلەدى. ول «ٴبىزدى كۇنالارىمىزعا قاراپ جازالامايدى»، كەرىسىنشە، كەشىرەدى (ٴزابۇر 103:10). اشۋعا بەرىلمەۋدىڭ باسقا دا پايداسى بار. مىسالى، اشۋدىڭ كەسىرىنەن ادامنىڭ قان قىسىمى كوتەرىلۋى نە تىنىس الۋى قيىنداۋى مۇمكىن. باۋىر مەن ۇيقى بەزىنىڭ كۇيى ناشارلاپ، اس قورىتۋ قيىندىقتارى تۋىنداپ جاتادى. بۇعان قوسا، اشۋلانىپ تۇرعاندا دۇرىستاپ ويلانا المايمىز. بىرەۋدى سوزىمىزبەن يا ىسىمىزبەن جارالاپ قويۋىمىز عاجاپ ەمەس، ال بۇنىڭ كەسىرىنەن ٶزىمىز ۇزاق ۋاقىت بويى ٴتۇڭىلىپ ٴجۇرۋىمىز مۇمكىن. سوندىقتان سابىرلىق ساقتاعانىمىز اناعۇرلىم جاقسى. كيەلى كىتاپتا: «جۇرەكتەگى تىنىشتىق تانگە شيپا بولار»،— دەلىنگەن (ناقىل سوزدەر 14:30). ەندەشە، وزگەلەر ٴبىزدىڭ سەزىمىمىزدى جارالاسا نە ىستەي الامىز جانە رەنجىتكەن باۋىرلاسىمىزبەن قالاي تاتۋلىق ساقتاۋعا بولادى؟ مۇندايدا كيەلى كىتاپتاعى دانا كەڭەستى قولدانعان ٴجون.
باۋىرلاسىمىز كوڭىلىمىزدى قالدىرسا
15، 16. الدەكىم ٴبىزدى رەنجىتىپ قويسا، نە ىستەۋىمىز قاجەت؟
15 ەفەستىكتەرگە 4:26 وقىڭىز. ەگەر ەحوباعا قىزمەت ەتپەيتىن ادامدار كوڭىلىمىزگە تيەتىن ارەكەتتەر جاساسا، ٴبىز بۇعان تاڭعالمايمىز. ٴبىراق ٴماسىحشى باۋىرلاسىمىز يا وتباسىمىزداعى بىرەۋ رەنجىتەتىن ٴسوز ايتسا نە ٸس جاساسا، قاتتى كوڭىلىمىز تۇسەتىن شىعار. وسىنداي كەزدە بولعان جايتتى ەش ۇمىتا الماساق شى؟ سول اشۋ-ىزادان ارىلماي، ٴتىپتى جىلدار بويى ساقتاپ جۇرەمىز بە؟ جوق الدە ماسەلەنى تەز ارادا شەشۋگە شاقىراتىن كيەلى كىتاپتاعى دانا كەڭەسكە قۇلاق اسامىز با؟ ول اداممەن سويلەسۋدى كەيىنگە قالدىرا بەرەر بولساق، تاتۋلاسۋ دا قيىنداي بەرەدى.
16 ەگەر باۋىرلاسىڭىزعا دەگەن رەنىشىڭىزدى ەش ۇمىتا الماي، ول جايلى قايتا-قايتا ويلانا بەرسەڭىز شى؟ تاتۋلىق ساقتاۋ ٷشىن نە ىستەي الاسىز؟ بىرىنشىدەن، ەحوباعا دۇعا ەتە الاسىز. باۋىرلاسىڭىزبەن ٴتىل تابىسىپ سويلەسۋ ٷشىن، قۇدايدان كومەك سۇراپ جالبارىنىڭىز. ول دا ەحوبانىڭ دوسى ەكەنىن ەستە ۇستاڭىز (ٴزابۇر 25:14). قۇداي ونى جاقسى كورەدى. ەحوبا ٶز دوستارىنا مەيىرىمدىلىكپەن قارايدى، ٵرى وسىنى بىزدەن دە كۇتەدى (ناقىل سوزدەر 15:23؛ ماتاي 7:12؛ قولوستىقتارعا 4:6). ەكىنشىدەن، باۋىرلاسىڭىزعا نە دەيتىنىڭىزدى جاقسىلاپ ويلانىپ الىڭىز. ول ادەيى كوڭىلىڭىزگە تيگىسى كەلدى دەپ پايىمداماڭىز. بالكىم، ول قاتەلەسكەن بولار، يا بولماسا ٴسىز جاعدايدى بۇرىس ٴتۇسىنىپ قالعان بولارسىز. تۋىنداعان ماسەلەدە ٴسىزدىڭ دە كىناڭىز بولۋى مۇمكىن ەكەنىن مويىنداۋعا دايىن بولىڭىز. اڭگىمەنى شامامەن بىلاي دەپ باستاساڭىز بولادى: «بالكىم، مەن تىم سەزىمتال شىعارمىن، ٴبىراق كەشە ايتقان سوزدەرىڭ ماعان...» بۇل اڭگىمەدەن ەشتەڭە شىقپاسا دا، تاتۋلىق ساقتاۋعا ۇمتىلا بەرىڭىز. باۋىرلاسىڭىز ٷشىن دۇعا ايتىڭىز. ەحوبا وعان باتاسىن بەرسىن دەپ سۇراڭىز، ونىڭ جاقسى قاسيەتتەرىنە باسا كوڭىل بولۋگە كومەك سۇراڭىز. قۇدايدىڭ دوسى بولىپ تابىلاتىن باۋىرلاسىڭىزبەن تاتۋلاسۋعا شىن جۇرەكتەن تىرىسىپ جاتقانىڭىز ەحوباعا ۇنايتىنىنا سەنىمدى بولىڭىز.
وتكەنگە دەگەن وكىنىشتەن ارىلا الماعاندا
17. كۇنا جاساعاندا ەحوبا بىزگە وزىمەن قارىم-قاتىناستى تۇزەتۋگە قالاي كومەكتەسەدى جانە نە سەبەپتى بۇل كومەكتى قابىلداۋىمىز كەرەك؟
17 كەيبىر باۋىرلاستار اۋىر كۇنا جاساپ قويعاندىقتان، وزدەرىن ەحوباعا قىزمەت ەتۋگە لايىقسىز سەزىنەدى. كىنانىڭ ٴزىلى جانتىنىشتىعىنان، قۋانىشتان جانە كۇش-قۋاتىمىزدان ايىرۋى مۇمكىن. ەڭسەسىن ٴزابۇر 32:3—5). ەگەر اۋىر كۇنا جاساپ قويساڭىز، ەحوبا ٴسىزدى كەشىرۋگە دايىن. ول سىزگە وزىمەن قارىم-قاتىناسىڭىزدى تۇزەتۋگە كومەكتەسكىسى كەلەدى. ٴبىراق بۇل ٷشىن ونىڭ اقساقالدار ارقىلى بەرەتىن كومەگىن قابىل الۋىڭىز قاجەت (ناقىل سوزدەر 24:16؛ جاقىپ 5:13—15). سوندىقتان كەشەۋىلدەتپەڭىز! ٴسىزدىڭ ماڭگىلىك ٶمىرىڭىز وسىعان بايلانىستى. ٴبىراق كۇناڭىز كەشىرىلگەننەن كەيىن دە ٶزىڭىزدى كىنالى سەزىنە بەرسەڭىز شى؟ مۇندايدا نە ىستەۋ كەرەك؟
كىنانىڭ جۇگى باسقان ٴداۋىت پاتشا بىلاي دەگەن: «كۇنامدى ايتپاي ٷنسىز جۇرگەنىمدە، كۇنى بويى ىڭقىلداپ، ابدەن دىڭكەلەدىم. سەبەبى كۇنى-ٴتۇنى سەنىڭ قولىڭ زىلدەي بوپ ۇستىمدە جاتتى». قۋانىشقا وراي، ەحوبانىڭ ٶز قىزمەتشىلەرىنە قويعان تالابىنا ساي ارەكەت ەتۋگە ٴداۋىتتىڭ باتىلى جەتتى. «اقىرىندا مەن كۇنامدى اشىق مويىندادىم،— دەپ جازدى ول.— سوندا سەن قاتەلىگىمدى دە، كۇنالارىمدى دا كەشىردىڭ» (18. ٶزىن ەحوباعا قىزمەت ەتۋگە لايىقسىز سەزىنەتىن ادامعا پاۋىلدىڭ مىسالى قالاي كومەكتەسەدى؟
18 ەلشى پاۋىل بۇرىندا جاساعان كۇنالارى جايلى ويلاپ ۇنجىرعاسى تۇسكەن. ول بىلاي دەگەن: «مەن ەلشىلەردىڭ ەڭ كىشىسىمىن، ەلشى دەپ اتالۋعا دا تۇرمايمىن، سەبەبى قۇداي قاۋىمىن قۋدالادىم». ٴبىراق ارتىنان بىلاي دەپ قوستى: «قۇدايدىڭ راقىمىمەن وسىنداي دارەجەگە يە بولدىم» (قورىنتتىقتارعا 1-حات 15:9، 10). ەحوبا پاۋىلدىڭ كەمەلسىز ەكەنىن بىلگەن. ٴبىراق ول ونى بۇرىنعى قاتەلىكتەرىنە قاراماستان قابىل الدى ٵرى وسىعان پاۋىلدىڭ سەنىمدى بولعانىن قالادى. ەگەر جاساعان كۇناڭىزعا شىن وكىنىپ، ەحوباعا جانە قاجەت بولسا اقساقالدارعا ايتساڭىز، ەحوبا ٴسىزدى مىندەتتى تۇردە كەشىرەدى. ەحوبانىڭ كەشىرگەنىنە سەنىڭىز جانە سونى مويىنداڭىز! (يشايا 55:6، 7).
19. 2018-جىلدىڭ تارماعى قانداي جانە ول نەگە قاجەتتى تارماق؟
19 وسى دۇنيەنىڭ سوڭىنا جاقىنداعان سايىن، قيىندىقتارىمىز كوبەيە تۇسەدى. ٴبىراق «شارشاعانعا كۇش سىيلايتىن، السىرەگەنگە مول قۋات دارىتاتىن» ەحوبا قۇدايدىڭ سىزگە ادالدىقپەن قىزمەت ەتە بەرۋ ٷشىن كەرەكتىنىڭ بارىمەن قامتاماسىز ەتەتىنىن ۇمىتپاڭىز (يشايا 40:29؛ ٴزابۇر 55:22؛ 68:19). پاتشالىق سارايىنا كەزدەسۋگە كەلىپ، 2018-جىلدىڭ تارماعىن كورگەن سايىن، ٴبىز وسى ماڭىزدى شىندىقتى جىل بويى ەستە تۇتاتىن بولامىز: «ەحوباعا ٷمىت ارتاتىندار كۇش-قۋاتقا يە بولادى» (يشايا 40:31).