باتىل بولىپ، ىسكە كىرىسەيىك!
«باتىل دا، بەرىك بولىپ ىسكە كىرىس! ەش قورىقپا دا، ۇرەيلەنبە دە، ويتكەنى ەحوبا... ساعان جار» (شەجىرەلەر 1-جازبا 28:20).
اندەر: 60، 29
1، 2. ا) سۇلەيمەن قانداي ماڭىزدى تاپسىرما الدى؟ ٵ) نەگە ٴداۋىت سۇلەيمەندى ويلاپ ۋايىمدادى؟
سۇلەيمەنگە ەرەكشە ٸس تاپسىرىلدى. ەحوبا وعان يەرۋساليمدە تۇرعىزىلاتىن عيباداتحانانىڭ قۇرىلىسىن باسقارۋدى تاپسىردى. بۇل تاريحتاعى اسا ماڭىزدى قۇرىلىس جوبالارىنىڭ ٴبىرى ەدى! عيباداتحانا «بارىنشا ساۋلەتتى» ٵرى اسەمدىگىمەن تانىمال بولماق-تىن. بۇدان دا ماڭىزدىسى، بۇل «شىنايى قۇداي ەحوبانىڭ ٷيى» بولۋ كەرەك ەدى (شەجىرەلەر 1-جازبا 22:1، 5، 9—11).
2 ٴداۋىت پاتشا قۇدايدىڭ سۇلەيمەندى قولداپ-دەمەيتىنىنە سەنىمدى بولدى. ٴبىراق سۇلەيمەن «جاس ٵرى تاجىريبەسىز» ەدى. ەندەشە، عيباداتحانا سوعۋ تاپسىرماسىن قولعا الۋعا ونىڭ باتىلى جەتە مە؟ جوق الدە جاستىعى مەن تاجىريبەسىزدىگى توسقاۋىل بولا ما؟ بۇل ىستە جەتىستىككە جەتۋ ٷشىن سۇلەيمەنگە باتىل بولىپ، ىسكە كىرىسۋ قاجەت ەدى.
3. سۇلەيمەن اكەسىنىڭ باتىلدىعىنان نە ۇيرەنگەن بولۋى مۇمكىن؟
3 سۇلەيمەن اكەسى ٴداۋىتتىڭ باتىلدىعىنان كوپ نارسەگە ۇيرەنسە كەرەك. جاپ-جاس كەزىندە ٴداۋىت ٶز اكەسىنىڭ قويلارىنا شاپقان جابايى اڭداردى سۇلاتىپ سالعان (سامۋيلدىڭ 1-جازباسى 17:34، 35). بۇعان قوسا، ول كۇشتى دە قاھارلى سارباز بولعان الىپ عولياتپەن شايقاسىپ، زور باتىلدىق تانىتتى. ٴيا، قۇدايدىڭ كومەگىمەن جانە قولىنداعى جۇمىر تاسپەن ول عولياتتى جەڭىپ شىقتى (سامۋيلدىڭ 1-جازباسى 17:45، 49، 50).
4. نەگە سۇلەيمەنگە باتىلدىق قاجەت بولدى؟
4 ٴيا، سۇلەيمەندى باتىل بولىپ، عيباداتحانانى سوعۋعا تالپىندىرعان ادامنىڭ ٴداۋىت بولعانى وتە ورىندى ەدى (شەجىرەلەر 1-جازبا 28:20 وقىڭىز). ەگەر سۇلەيمەن باتىلدىق تانىتپاعاندا، بويىن قورقىنىش بيلەپ، ول ٸستى باستاماس تا ەدى. بۇنىسى قۇرىلىس ىسىندە ساتسىزدىككە ۇشىراعاننان دا جامان بولار ەدى.
5. نەگە بىزگە باتىلدىق قاجەت؟
5 سۇلەيمەن سياقتى باتىل بولىپ، تاپسىرىلعان ٸستى اتقارۋ ٷشىن ٴبىز دە ەحوبانىڭ كومەگىن قاجەت ەتەمىز. ولاي بولسا، بۇرىندارى باتىلدىق تانىتقان كەيبىر ادامداردىڭ مىسالىن قاراستىرايىق. سوسىن ٴبىز دە قالايشا باتىل بولىپ، ىسكە كىرىسە الاتىنىمىز جونىندە ويلانامىز.
باتىلدىقتىڭ ۇلگىلەرى
6. ٴجۇسىپتىڭ باتىلدىعى ٴسىزدى نەسىمەن تاڭعالدىرادى؟
6 پوتيفاردىڭ ايەلى ونەگەسىز جىنىستىق قاتىناسقا ازعىرعاندا، ٴجۇسىپ باتىلدىق تانىتتى. ول بۇدان باس تارتار بولسا، ومىرىنە قاۋىپ ٴتونۋى مۇمكىن ەكەنىن تۇسىنسە كەرەك. ٴبىراق سوندا دا ول پوتيفاردىڭ ايەلىنە كونبەدى، قايتا، باتىل بولىپ، بىردەن باس تارتتى (مۇسانىڭ 1-جازباسى 39:10، 12).
7. راحاب قالاي باتىلدىق تانىتتى؟ (ماقالانىڭ باسىنداعى سۋرەتتى قاراڭىز.)
7 باتىلدىقتىڭ تاعى ٴبىر ۇلگىسى — راحاب. ونىڭ يەريحونداعى ۇيىنە يسرايلدىك تىڭشىلار كەلگەندە، ول قورقىنىشقا بوي الدىرىپ، كومەكتەسپەي قويۋىنا بولار ەدى. ٴبىراق ەحوباعا سەنىم ارتقاندىقتان، ول الگى ەكى كىسىنى جاسىرىپ، كەيىننەن امان-ەسەن قاشىپ كەتۋگە كومەكتەستى (ەشۋا 2:4، 5، 9، 12—16). راحاب ەحوبانىڭ شىنايى قۇداي ەكەنىنە سەندى جانە سول جەردى قالاي بولعاندا دا يسرايلدىكتەردىڭ يەلىگىنە بەرەتىنىنە كامىل سەنىمدى بولدى. ول باسقا ادامداردان، ٴتىپتى يەريحون پاتشاسى مەن ونىڭ ادامدارىنان دا قورىقپادى. ول ارەكەتسىز وتىرا بەرمەي، باتىلدىق تانىتىپ، ٶزىن جانە وتباسىن امان الىپ قالدى (ەشۋا 6:22، 23).
8. يسانىڭ باتىلدىعى ەلشىلەرگە قالاي اسەر ەتتى؟
8 يسانىڭ ادال ەلشىلەرى دە زور باتىلدىق تانىتقان. ولار يسانىڭ باتىلدىعىنىڭ كۋاسى بولعان، سونىڭ ارقاسىندا وزدەرى دە باتىل بولا الدى (ماتاي 8:28—32؛ جوحان 2:13—17؛ 18:3—5). ساددۋكەيلەر ولارعا يسا جايلى ٴتالىم بەرۋگە تىيىم سالسا دا، ەلشىلەر بۇل بۇيرىققا مويىنسۇنبادى (ەلشىلەردىڭ ىستەرى 5:17، 18، 27—29).
9. تىموتەگە 2-حات 1:7 گە ساي، باتىلدىق قايدان كەلەدى؟
9 ٴجۇسىپ، راحاب، يسا مەن ەلشىلەر دۇرىس نارسەنى ىستەۋگە نىق بەكىنگەن بولاتىن. ولار ٶز قابىلەتتەرىنە سەنىمدى بولعاندىقتان ەمەس، ەحوباعا ارقا سۇيەگەندىكتەن باتىل بولدى. كەيدە ٴبىز دە باتىلدىق تانىتۋىمىز كەرەك جاعدايعا كەزىگىپ جاتامىز، سوندايدا وزىمىزگە ەمەس، ەحوباعا ارقا سۇيەۋىمىز كەرەك (تىموتەگە 2-حات 1:7 وقىڭىز). قازىر ٶمىرىمىزدىڭ ەكى سالاسىندا، وتباسىمىزدا جانە قاۋىمدا، قالاي باتىل بولا الاتىنىمىزدى قاراستىرايىق.
باتىلدىق تانىتۋ كەرەك جاعدايلار
10. نەگە جاس ماسىحشىلەرگە باتىلدىق قاجەت؟
10 جاس ماسىحشىلەر ەحوباعا دەگەن قىزمەتتەرىندە باتىلدىقتى تالاپ ەتەتىن ناقىل سوزدەر 27:11). مىسالى، دوس تاڭداۋ، كوڭىل كوتەرۋ، ونەگەلىك تازالىق ساقتاۋ، شومىلدىرۋ راسىمىنەن ٶتۋ سياقتى ماسەلەلەردە دانا شەشىمدەر قابىلداۋ ٷشىن باتىلدىق قاجەت. راسىندا دا، جاستارعا باتىلدىق قاجەت، ويتكەنى ولار قۇداي مەن ونىڭ تالاپتارىنا ٴتىل تيگىزگەن شايتاننىڭ ەركىنە قارسى شىققالى تۇر.
كوپتەگەن جاعدايلارعا كەزىگىپ جاتادى. ولار باتىلدىق تانىتقان سۇلەيمەننەن ۇيرەنىپ، سونىڭ ۇلگىسىنە ەلىكتەي الادى. ول عيباداتحانا قۇرىلىسىن اياقتاۋ ٷشىن دانا شەشىمدەر قابىلداۋىمەن باتىل بولدى. ارينە، جاستار ٷشىن اتا-اناسى باعىت-باعدار بەرەدى جانە بەرۋى كەرەك تە. ٴبىراق كەيبىر ماڭىزدى شەشىمدەردى جاستاردىڭ وزدەرى قابىلداۋى ٴتيىس (11، 12. ا) مۇسا قالاي باتىلدىق تانىتتى؟ ٵ) جاستار مۇساعا قالاي ەلىكتەي الادى؟
11 جاستاردىڭ قابىلداۋى قاجەت ماڭىزدى شەشىمدەرىنىڭ ٴبىرى — الدارىنا قانداي ماقسات قوياتىندارى. كەي ەلدەردە جاستار جوعارى ٴبىلىم الىپ، كوپ اقى تولەنەتىن جۇمىسقا ۇمتىلۋ كەرەك دەگەن قىسىمعا ۇشىرايدى. ال ەكونوميكالىق جاعدايى قيىن ەلدەردەگى جاستار ٶز وتباسىما كومەكتەسۋ ٷشىن بار كۇشىمدى جۇمىسقا ارناۋىم كەرەك دەپ ويلايدى. سەنىڭ جاعدايىڭ قانداي بولماسىن، مۇسانىڭ مىسالى جايلى ويلانىپ كورشى. ول پەرعاۋىننىڭ قىزىنىڭ قولىندا ٶستى، سوندىقتان بايلىق جيناۋدى نە اتاق-دارەجەنى كوزدەي الار ەدى. مۇسا مىسىرلىق وتباسىنىڭ، مۇعالىمدەرى مەن كەڭەسشىلەرىنىڭ تاراپىنان قاتتى قىسىمعا ۇشىراعان شىعار. ٴبىراق ول باتىل بولىپ، ەحوبانىڭ حالقىمەن بىرگە بولۋدى تاڭدادى. مىسىر مەن ونداعى بايلىقتى تاستاعان سوڭ، ول ەحوباعا تولىق ارقا سۇيەدى (ەۆرەيلەرگە 11:24—26). ناتيجەسىندە ەحوبا ونى مولىنان جارىلقادى، ال بولاشاقتا جاۋدىراتىن باتاسى ودان دا كوپ بولماق.
12 جاستار دا رۋحاني ماقساتتارعا باتىلدىقپەن ۇمتىلسا ٵرى پاتشالىقتىڭ مۇددەسىن ٴبىرىنشى ورىنعا قويسا، مول باتاعا كەنەلەدى. قۇداي ولارعا ٶز جانۇياسىن قامتاماسىز ەتۋگە كومەكتەسەدى. ٴبىرىنشى عاسىردا جاس تىموتە ٶمىرىن قۇدايعا قىزمەت ەتۋگە ارناعان، سەن دە سولاي ەتە الاسىڭ! * (فىلىپىلىكتەرگە 2:19—22 وقىڭىز).
13. ٴبىر جاس قىز باۋىرلاسىمىزعا ٶز ماقساتتارىنا قول جەتكىزۋگە باتىلدىق قالاي كومەكتەستى؟
13 ا ق ش-تىڭ الاباما شتاتىندا تۇراتىن ٴبىر قىز باۋىرلاسقا رۋحاني ماقساتتار قويىپ، ولارعا ۇمتىلۋ ٷشىن باتىلدىق قاجەت بولدى. ول بىلاي دەپ جازدى: «مەن جاستايىمنان قاتتى ۇيالشاق بولدىم. بوتەن ادامداردىڭ ۇيىنە بارىپ، ەسىكتەرىن توقىلداتپاق تۇگىلى، پاتشالىق سارايىندا ادامدارمەن سويلەسۋدىڭ وزىنە قينالاتىنمىن». اتا-اناسىنىڭ جانە باۋىرلاستاردىڭ دەمەۋىمەن بۇل جاس باۋىرلاس تۇراقتى ٸزاشار بولامىن دەگەن ماقساتىنا قول جەتكىزدى. «شايتاننىڭ الەمى جوعارى ٴبىلىم الۋدى، اتاقتى بولۋدى، اقشا مەن دۇنيە-مۇلىك جيناۋدى قويۋعا تۇرارلىق ماقسات دەپ ناسيحاتتايدى»،— دەيدى ول. ٴبىراق ول كوپشىلىكتىڭ مۇنداي ماقسات-مۇراتىنا جەتە الماي، تۇبىندە كۇيزەلىسكە ۇشىراپ، باقىتسىز كۇي كەشەتىنىن بايقاعان. ٴسوزىن جالعاپ ول بىلاي دەيدى: «ال ەحوباعا قىزمەت ەتكەنىم ماعان قۋانىش سىيلايدى ٵرى جەتىستىككە قول جەتكىزگەنىمدى سەزىنەمىن».
14. ٴماسىحشى اتا-انالارعا قاي كەزدە باتىلدىق قاجەت؟
14 ٴماسىحشى اتا-انالارعا دا باتىلدىق قاجەت. مىسالى، جۇمىستا باستىعىڭىز ۇنەمى سىزدەن قوسىمشا جۇمىس ىستەۋدى سۇرايتىن شىعار. ال ول كۇندەرى ٴسىز وتباسىلىق عيباداتتى، ۋاعىز قىزمەتىن نە قاۋىم كەزدەسۋلەرىن جوسپارلاپ قويعانسىز. وسىنداي كەزدە بالالارىڭىزعا جاقسى ۇلگى كورسەتىپ، باستىعىڭىزدىڭ وتىنىشىنەن باس تارتۋ ٷشىن سىزگە باتىلدىق قاجەت. تاعى ٴبىر جاعداي: ٴسىز بالالارىڭىزعا كەيبىر نارسەلەردى رۇقسات ەتپەيسىز، ٴبىراق قاۋىمداعى كەيبىر اتا-انالار ٶز بالالارىنا رۇقسات ەتە بەرەتىن شىعار. ەگەر سول اتا-انالار سىزدەن نەگە بۇلاي ەتەتىنىڭىزدى سۇراعاندا، باتىل بولىپ، سەبەبىن ىلتيپاتتىلىقپەن ٴتۇسىندىرىپ بەرە الاسىز با؟
15. اتا-انالارعا ٴزابۇر 37:25 جانە ەۆرەيلەرگە 13:5 قالاي كومەكتەسە الادى؟
15 بالالارىمىزعا رۋحاني ماقساتتار قويىپ، سوعان قول جەتكىزۋلەرىنە كومەكتەسۋ ٷشىن دە باتىلدىق كەرەك. ماسەلەن، كەيبىر اتا-انالار بالالارىن ٸزاشارلىق قىزمەتتى ومىرلىك ٸسى ەتۋگە، مۇقتاجدىق بار جەردە قىزمەت ەتۋگە، بەتەلدىك قىزمەتكە، يا بولماسا پاتشالىق سارايلارى مەن كونگرەسس سارايلارىنىڭ قۇرىلىسىنا قاتىسۋعا تالپىندىرايىن دەسە، قورقاقتاۋى مۇمكىن. بالكىم، ولار قارتايعان شاقتارىندا وزدەرىنە قارايتىن ادام بولماي قالادى دەپ قورقاتىن شىعار. ٴبىراق دانا اتا-انالار باتىلدىق تانىتىپ، ەحوبانىڭ ٶز ۋادەلەرىنە بەرىك ەكەنىنە سەنەدى (ٴزابۇر 37:25؛ ەۆرەيلەرگە 13:5 وقىڭىز). وسىلاي ەتەتىن اتا-انالار ٶز بالالارىن دا باتىل بولىپ، ەحوباعا ارقا سۇيەۋگە تالپىندىرادى (سامۋيلدىڭ 1-جازباسى 1:27، 28؛ تىموتەگە 2-حات 3:14، 15).
16. كەيبىر اتا-انالار بالالارىنا رۋحاني ماقساتتار قويۋعا قالاي كومەكتەسكەن جانە بالالارى مۇنىڭ قانداي پايداسىن كورۋدە؟
16 قۇراما شتاتتاردا تۇراتىن ٴبىر ەرلى-زايىپتى بالالارىنا ەحوباعا قىزمەت ەتۋدى باستى ورىنعا قويۋعا كومەكتەسكەن. اكەلەرى بىلاي دەيدى: «بالالارىمىز ٵلى ٴتاي-ٴتاي باسپاي، ٴتىلى شىقپاي تۇرعاندا-اق، ٴبىز ولارعا ٸزاشارلىق قىزمەتتىڭ جانە قاۋىمعا قىزمەت ەتۋدىڭ قانداي قۋانىش سىيلايتىنىن ايتىپ وتىراتىنبىز. قازىر ولار وسىعان ۇمتىلۋدا». بالالارى وسىنداي ماقساتتار قويىپ، ولارعا قول جەتكىزگەندەرىنىڭ ارقاسىندا شايتاننىڭ دۇنيەسىندەگى ازعىرۋلارعا قارسى تۇرىپ، ەحوباعا قىزمەت ەتۋدى باستى ماقسات ەتە العان. ەكى بالاسى بار وزگە ٴبىر ەر باۋىرلاس بولسا بىلاي دەدى: «كوپ اتا-انا بالالارىنىڭ سپورت، ٴبىلىم جانە ويىن-ساۋىق سياقتى سالالاردا جەتىستىككە جەتۋلەرى ٷشىن كۇشى مەن قاراجاتىن ايامايدى. ٴبىراق سول كۇش پەن قاراجاتتى بالالارىمىزعا رۋحاني ماقساتتارعا جەتۋگە كومەكتەسۋ ٷشىن جۇمساعانىمىز اناعۇرلىم اقىلعا جاتادى. سونىڭ ارقاسىندا ولار ەحوبانىڭ الدىندا جاقساتتى بولادى. بالالارىمىزدىڭ رۋحاني ماقساتتارعا قول جەتكىزگەنىن كورىپ قانا قويماي، وسىعان ٶز ۇلەسىمىزدى دە قوسا العانىمىز ٷشىن زور قاناعات سەزىنەمىز». بالالارىنا رۋحاني ماقساتتار قويىپ، ولارعا قول جەتكىزۋگە كومەكتەسەتىن اتا-انالار قۇدايدىڭ ىقىلاسىنا يە ەكەنى ٴسوزسىز.
قاۋىمدا تانىتىلاتىن باتىلدىق
17. قاۋىمدا باتىلدىق تانىتۋ كەرەك جاعدايلاردى اتاپ ٶتىڭىز.
17 ٴبىز قاۋىمدا دا باتىلدىق تانىتۋىمىز كەرەك. مىسالى، اۋىر كۇنا جاساپ قويعان الدەكىمنىڭ ماسەلەسىن شەشكەندە نەمەسە جەدەل مەديسينالىق جاردەمدى قاجەت ەتىپ، ٶمىرى قىل ۇستىندە تۇرعان باۋىرلاسقا كومەكتەسكەندە، اقساقالدارعا باتىلدىق قاجەت. كەي اقساقالدار تۇرمەلەرگە بارىپ، قىزىعۋشىلىق بىلدىرگەن ادامدارمەن زەرتتەۋ ساباقتارىن وتكىزەدى يا بولماسا قاۋىم كەزدەسۋلەرىن جۇرگىزەدى. ال تۇرمىس قۇرماعان قىز باۋىرلاستار جايلى نە دەۋگە بولادى؟ ولاردا باتىلدىقپەن ەحوباعا قىزمەت ەتۋدىڭ مۇمكىندىكتەرى كوپ. ٸزاشار بولىپ قىزمەت ەتە الادى، مۇقتاجدىق كوبىرەك جەرلەرگە كوشە الادى، جەرگىلىكتى جوبالاۋ جانە قۇرىلىس باعدارلاماسىنا قاتىناسا الادى جانە پاتشالىقتى جاريالاۋشىلارعا ارنالعان مەكتەپتە وقۋعا ٶتىنىش جازا الادى. ٴتىپتى كەيبىرى عالاقات مەكتەبىنە شاقىرىلىپ جاتادى.
18. ۇلكەن جاستاعى ايەل باۋىرلاستار قالاي باتىلدىق كورسەتەدى؟
18 ٴبىز قاۋىمدا ۇلكەن جاستاعى ايەل باۋىرلاستاردىڭ بارىنا قۋانامىز ٵرى ولاردى قاتتى جاقسى كورەمىز! ولار قۇدايعا قىزمەت ەتۋدە بۇرىنعىداي كوپ ٸس اتقارا المايتىن شىعار، ٴبىراق ولار ٵلى دە باتىل بولىپ، ىسكە كىرىسە الادى (تيتكە 2:3—5 وقىڭىز). مىسالى، اقساقالدار ۇلكەن جاستاعى ايەل باۋىرلاستان جاستاۋ قىز باۋىرلاسپەن قاراپايىم كيىنۋ جايلى سويلەسىپ كورۋدى وتىنسە، وعان باتىلدىق قاجەت بولادى. ول جاس باۋىرلاستى كيىمى ٷشىن ۇرىسپايدى، قايتا مەيىرىمدىلىكپەن ونىڭ سىرت كورىنىسى باسقالارعا قالاي اسەر ەتۋى مۇمكىن ەكەنى جايلى ويلانۋعا تالپىندىرادى (تىموتەگە 1-حات 2:9، 10). ۇلكەن جاستاعى باۋىرلاستار وسىنداي سۇيىسپەنشىلىكتەرىمەن قاۋىمدى نىعايتا الادى.
19. ا) شومىلدىرۋ راسىمىنەن وتكەن ەر باۋىرلاستار قالاي باتىل بولا الادى؟ ٵ) ەر باۋىرلاستارعا فىلىپىلىكتەرگە 2:13 پەن 4:13 باتىل بولۋعا قالاي كومەكتەسەدى؟
تىموتەگە 1-حات 3:1). ٴبىراق كەيبىر باۋىرلاستار بۇلاي ەتۋدەن تارتىنشاقتاۋى مۇمكىن. بالكىم، بۇرىندارى قاتەلىكتەر جاساعان بولار، سوندىقتان قازىر ٶزىن قىزمەت كومەكشىسى يا اقساقال بولۋعا لايىقسىزبىن دەپ ويلايتىن شىعار. ال باسقا بىرەۋى بۇل قىزمەتكە قاجەتتى قابىلەتىم جوق دەۋى مۇمكىن. ەگەر وسىنداي ويدا بولساڭىز، ەحوبا سىزگە باتىل بولۋعا كومەكتەسە الادى (فىلىپىلىكتەرگە 2:13؛ 4:13 وقىڭىز). مۇسانىڭ مىسالىن ەستە ۇستاڭىز. ول ەحوبانىڭ تاپسىرماسىن ورىنداۋ قولىمنان كەلمەيدى دەپ ويلادى (مۇسانىڭ 2-جازباسى 3:11). ٴبىراق ەحوبا وعان باتىل بولۋعا جانە قاجەتتى ٸستى اتقارۋعا كومەكتەستى. شومىلدىرۋ راسىمىنەن وتكەن ەر باۋىرلاس وسىنداي باتىلدىققا قالاي يە بولا الادى؟ بۇل ٷشىن ەحوبانىڭ كومەگىن سۇراپ دۇعا ايتقانى جانە كيەلى كىتاپتى كۇنىگە وقىعانى ٴجون. باتىلدىق تانىتقان كيەلى كىتاپ كەيىپكەرلەرىنىڭ مىسالى جايلى وي جۇگىرتكەنى دە پايدالى. سونداي-اق كىشىپەيىلدىلىكپەن اقساقالداردان ٶزىن ۇيرەتۋدى سۇراپ، قاۋىمداعى كەز كەلگەن ىستە ٶز كومەگىن ۇسىنا الادى. ٴبىز شومىلدىرۋ راسىمىنەن وتكەن بارلىق ەر باۋىرلاستاردى باتىل بولىپ، قاۋىمنىڭ ىسىندە ايانباي تەر توگۋگە شاقىرامىز!
19 شومىلدىرۋ راسىمىنەن وتكەن ەر باۋىرلاستارعا باتىل بولىپ، ىسكە كىرىسۋ قاجەت. ەگەر ولار قىزمەت كومەكشىسى جانە اقساقال بولىپ قىزمەت ەتۋگە دايىن بولسا، قاۋىمعا زور پايداسىن تيگىزەدى («ەحوبا... ساعان جار»
20، 21. ا) ٴداۋىت سۇلەيمەنگە نەنى ەستە ۇستاۋدى ايتتى؟ ٵ) بىزدە قانداي سەنىمدىلىك بار؟
20 ٴداۋىت پاتشا سۇلەيمەنگە عيباداتحانا قۇرىلىسىنىڭ سوڭىنا دەيىن ەحوبا وعان جار بولاتىنىن ەسىنە سالدى (شەجىرەلەر 1-جازبا 28:20). سۇلەيمەن وسى سوزدەر جايلى ويلانىپ-تولعانعانى ٴسوزسىز. وعان جاستىعى مەن تاجىريبەسىزدىگى ىسكە كىرىسۋگە كەدەرگى ەتپەدى. قايتا، زور باتىلدىق تانىتقانىنىڭ جانە ەحوبانىڭ كومەگىنىڭ ارقاسىندا ول ساۋلەتتى عيباداتحانانى جەتى جارىم جىلدىڭ ىشىندە سوعىپ ٴبىتتى.
21 ەحوبا سۇلەيمەنگە كومەكتەسكەنىندەي، بىزگە دە باتىل بولۋعا جانە وتباسىمىز بەن قاۋىمىمىزداعى ىستەردى اتقارۋعا كومەكتەسە الادى (يشايا 41:10، 13). ەحوباعا دەگەن قىزمەتىمىزدە باتىلدىق تانىتساق، قازىر دە، بولاشاقتا دا ونىڭ باتاسىنا كەنەلەتىنىمىزگە سەنىمدى بولا الامىز. ولاي بولسا، «باتىل بولىپ، ىسكە كىرىسەيىك»!
^ 12-ابزاس قىزمەتتە قانداي ماقساتتار قويۋعا بولاتىنىنا قاتىستى كەيبىر كەڭەستەردى «كۇزەت مۇناراسىنداعى» (ور.) «جاراتۋشىڭدى دارىپتەۋ ٷشىن رۋحاني ماقساتتارعا ۇمتىل» دەپ اتالاتىن ماقالادان تابا الاسىڭ: 15-شىلدە، 2004-جىل.