ەحوبا «توزىمدىلىكپەن ٶنىم بەرەتىندەردى» جاقسى كورەدى
«جاقسى توپىراققا تۇسكەندەرى... توزىمدىلىكپەن ٶنىم بەرەدى» (لۇقا 8:15).
اندەر: 98، 101
1، 2. ا) باۋىرلاستاردىڭ ادامدار تىڭداي بەرمەيتىن اۋماقتا قىزمەت ەتىپ جۇرگەندەرى نەگە ٴبىزدى جىگەرلەندىرەدى؟ (ماقالانىڭ باسىنداعى سۋرەتتى قاراڭىز.) ٵ) يسا «ٶز ەلىندە» ۋاعىزداۋعا قاتىستى نە ايتقان؟ (سىلتەمەنى قاراڭىز.)
سەردجو مەن وليندا ەسىمدى ەرلى-زايىپتى قۇراما شتاتتاردا ٸزاشار بولىپ قىزمەت ەتەدى. ەكەۋىنىڭ دە جاسى 80 نەن اسقان. اياقتارى اۋىراتىندىقتان، ٴجۇرىپ-تۇرۋلارى قيىن. سوندا دا ولار جىلدار بويعى ادەتتەرىنەن اينىماي، تاڭعى جەتىدە ادامدار كوپ جۇرەتىن قالا الاڭىنا قاراي شىعادى. ولار ايالدامانىڭ قاسىنا ورنالاسىپ، وتكەن-كەتكەندەرگە ادەبيەتتەرىمىزدى ۇسىنادى. كوبىسى ولارعا نازار اۋدارا بەرمەيدى. سويتسە دە سەردجو مەن وليندا ورىندارىنان تاپجىلماي، وزدەرىنە كوزى تۇسكەن ادامدارعا كۇلىمسىرەپ قارايدى. ال تۇستە جايلاپ ۇيلەرىنە قايتادى. كەلەسى كۇنى تاڭعى جەتىدە ەكەۋى ايالداماعا قايتىپ كەلەدى. وسىلاي ولار قىسى-جازى اپتاسىنا التى كۇن ۋاعىزدايدى.
2 سەردجو مەن وليندا سياقتى ادال باۋىرلاستارىمىز از ەمەس. ولار كوپ ادام تىڭدامايتىنىنا قاراماستان، ٶز ەلدەرىندە جىلدار بويى ۋاعىزداپ كەلەدى. بالكىم، ٴسىز دە سونداي اۋماقتا قىزمەت *! ٴسىزدىڭ ۇلگىڭىز كوپ باۋىرلاستى، ٴتىپتى تاجىريبەسى مول باۋىرلاستاردىڭ ٶزىن جىگەرلەندىرەدى. كەيبىر اۋداندىق باقىلاۋشىلار بىلاي دەيدى: «وسىنداي ادال باۋىرلاستارمەن قىزمەتتەسكەندە، ولاردىڭ ۇلگىسى ىنتا-جىگەرىمدى تاسىتىپ جىبەرەدى». «ولاردىڭ ادالدىعى قىزمەتىمدى تاباندىلىقپەن، باتىلدىقپەن اتقارا بەرۋگە تالپىندىرادى». «مۇنداي ۇلگىلى باۋىرلاستار جۇرەگىمدى جىلىتادى».
ەتەتىن شىعارسىز. قيىن بولعانىنا قاراماي، تاباندىلىقپەن ۋاعىزداپ جۇرگەنىڭىز ٷشىن جارايسىز3. قانداي ٷش سۇراقتى قاراستىرامىز جانە نەگە؟
3 وسى ماقالادا ٴبىز كەلەسى ٷش سۇراقتى قاراستىرامىز: نەگە كەيدە ٴبىزدىڭ ۇنجىرعامىز ٴتۇسۋى مۇمكىن؟ ٶنىم بەرۋ دەگەن نەنى بىلدىرەدى؟ بىزگە توزىمدىلىكپەن ٶنىم بەرە بەرۋگە نە كومەكتەسەدى؟ بۇل سۇراقتاردىڭ جاۋابىن بىلگەنىمىز يسا تاپسىرعان ۋاعىز ٸسىن جالعاستىرا بەرۋگە تالپىندىرادى.
نەگە ۇنجىرعامىز ٴتۇسۋى مۇمكىن؟
4. ا) ياھۋديلەردىڭ تاراپىنان قارسىلىق كورگەندە، پاۋىل ٶزىن قالاي سەزىنگەن؟ ٵ) پاۋىل نەگە بۇنداي كۇي كەشكەن؟
4 اۋماعىڭىزداعى ادامدار پاتشالىق جايلى حابارعا قۇلاق اسپاعاندا، ۇنجىرعاڭىز تۇسكەن كەز بولعان با؟ بولعان بولسا، ەلشى پاۋىلدىڭ سەزىمدەرىن تۇسىنەرسىز. ول شامامەن 30 جىل بويى ۋاعىزداپ، كوپ ادامعا ٴماسىحشى بولۋعا كومەكتەسكەن (ەلشىلەردىڭ ىستەرى 14:21؛ قورىنتتىقتارعا 2-حات 3:2، 3). دەسە دە ولاردىڭ ىشىندە ياھۋديلەر از ەدى. ياھۋديلەردىڭ كوبىسى پاۋىلدى تىڭداۋدان باس تارتتى، كەيبىرى ٴتىپتى قۋدالادى (ەلشىلەردىڭ ىستەرى 14:19؛ 17:1، 4، 5، 13). وسىنداي قارسىلىقتار كورگەندە، پاۋىل ٶزىن قالاي سەزىنگەن؟ «قاسىرەتىم زور، جۇرەگىم سىزداپ قويمايدى»،— دەگەن ول (ريمدىكتەرگە 9:1—3). پاۋىل نەگە بۇنداي كۇي كەشكەن؟ ويتكەنى ول ۋاعىزداۋدى جانە ادامداردى قاتتى جاقسى كورگەن. ول ياھۋديلەردىڭ قامىن شىنىمەن ويلاعان. سوندىقتان ولاردىڭ قۇداي راقىمىنان باس تارتقانىنا قاتتى كوڭىلى تۇسكەن.
5. ا) ٴبىزدى ۋاعىزداۋعا نە تالپىندىرادى؟ ٵ) كەيدە ۇنجىرعامىزدىڭ تۇسەتىنى نەگە تۇسىنىكتى جاعداي؟
5 پاۋىل سياقتى، ٴبىز دە ادامداردى جاقسى كورگەندىكتەن ٵرى ولارعا كومەكتەسكىمىز كەلگەندىكتەن ۋاعىزدايمىز (ماتاي 22:39؛ قورىنتتىقتارعا 1-حات 11:1). ٴبىز ەحوباعا قىزمەت ەتۋ ەڭ جاقسى ٶمىر جولى ەكەنىن ٶز تاجىريبەمىزدەن كورىپ ٴجۇرمىز. باسقالار دا ٶز ومىرلەرىن جاقسارتا الاتىندارىن بىلسە ەكەن دەيمىز! سول سەبەپتەن ٴبىز ولاردى ەحوبا جايلى شىندىقتى جانە ونىڭ ادامزاتقا قاتىستى نيەتىن بىلۋگە تالماي شاقىرامىز. مۇندايدا ٴبىز ولارعا ادەمى سىيلىق ۇسىنىپ: «مىنانى الىڭىزشى»،— دەپ وتىنگەندەي بولامىز. سوندىقتان ولار بۇل سىيلىقتان باس تارتقاندا، پاۋىل سياقتى، ٴبىزدىڭ دە «جۇرەگىمىز سىزدايتىنى» تۇسىنىكتى جاعداي. جۇرەگىمىز سەنىمىمىز ٵلسىز بولعاندىقتان ەمەس، ادامداردى شىن جاقسى كورگەندىكتەن سىزدايدى. سوندىقتان كەيدە ۇنجىرعامىز تۇسسە دە، ارى قاراي ۋاعىزداي بەرەمىز. 25 جىلدان اسا ۋاقىت ٸزاشار بولىپ جۇرگەن ەلەنانىڭ مىنا سوزدەرىمەن كەلىسەتىن شىعارمىز: «ۋاعىزداۋ ماعان قيىنعا سوعادى. ٴبىراق مەن ٷشىن بۇدان ارتىق ٸس جوق».
ٶنىم بەرۋ دەگەن نەنى بىلدىرەدى؟
6. قازىر قاي سۇراقتى قاراستىرامىز؟
6 قاي جەردە ۋاعىزداساق تا، قىزمەتتە جەمىستى بولا الامىز. بۇعان نەگە سەنىمدى بولساق بولادى؟ بۇل سۇراقتىڭ جاۋابىن الۋ ٷشىن، يسانىڭ «ٶنىم بەرۋ» تۋرالى ەكى مىسالىن قاراستىرايىق (ماتاي 13:23). ٴبىرىنشىسى — ٴجۇزىم بۇتاسى جايلى مىسال.
7. ا) يسانىڭ مىسالىنداعى «ٴجۇزىمشى»، «ٴجۇزىم بۇتاسى»، «ساباقتار» كىمدەردى بەينەلەيدى؟ ٵ) ٴبىز ٵلى قاي سۇراقتىڭ جاۋابىن ٴبىلۋىمىز قاجەت؟
7 جوحان 15:1—5، 8 وقىڭىز. يسا تۇسىندىرگەندەي، بۇل مىسالدا «ٴجۇزىمشى» ەحوبانى، «ٴجۇزىم بۇتاسى» يسانىڭ ٶزىن، ال «ساباقتار» شاكىرتتەرىن بەينەلەيدى *. سوسىن يسا ەلشىلەرىنە بىلاي دەدى: «مول جەمىس بەرىپ، ٵرى مەنىڭ شاكىرتتەرىم ەكەندەرىڭدى دالەلدەسەڭدەر، اكەم ماداقتالادى». سوندا ٶنىم نەمەسە جەمىس بەرۋ دەگەن نەنى بىلدىرەدى؟ وسى مىسالدا يسا ٶنىمنىڭ ناقتى نە ەكەنىن ايتپاعان، ٴبىراق ونى انىقتاۋعا كومەكتەسەتىن ٴبىر جايتتى كەلتىرگەن.
8. ا) يسانىڭ مىسالىنداعى «جەمىس بەرۋ» دەگەن ٴسوز نەگە شاكىرت دايىنداۋدى ٴبىلدىرۋى مۇمكىن ەمەس؟ ٵ) ەحوبانىڭ بىزگە قوياتىن تالاپتارىنىڭ ٴبارى قانداي؟
8 يسا اكەسى جايلى: «ول مەندەگى جەمىس بەرمەيتىن ٵربىر ساباقتى كەسىپ تاستايدى»،— دەگەن. باسقاشا ايتقاندا، ٴبىز جەمىس بەرسەك قانا، ەحوبانىڭ قىزمەتشىسى بولا الامىز (ماتاي 13:23؛ 21:43). دەمەك، بۇل مىسالدا جەمىس بەرۋ دەگەن شاكىرت دايىنداۋدى ٴبىلدىرۋى مۇمكىن ەمەس (ماتاي 28:19). ەگەر سونى بىلدىرسە، ەشكىمدى يسانىڭ شاكىرتى ەتە الماعان ادال باۋىرلاستار جەمىس بەرمەيتىن ساباقتار ٴتارىزدى بولار ەدى. ٴبىراق بۇل ولاي ەمەس! نەگە؟ ويتكەنى ٴبىز ادامداردى ماجبۇرلەپ شاكىرت ەتە المايمىز. ەحوبا — سۇيىسپەنشىلىگى مول قۇداي. ول قولىمىزدان كەلمەيتىن نارسەنى بىزدەن ەشقاشان تالاپ ەتپەيدى. ول ٴبىز ورىنداي الاتىن نارسەنى عانا تالاپ ەتەدى (مۇسانىڭ 5-جازباسى 30:11—14).
9. ا) جەمىس بەرۋ دەگەن نەنى بىلدىرەدى؟ ٵ) قازىر قانداي مىسالدى قاراستىرامىز؟
9 سونىمەن، جەمىس بەرۋ دەگەن نەنى بىلدىرەدى؟ بۇل ٴبارىمىزدىڭ قولىمىزدان كەلەتىن ٸس بولۋى ٴتيىس. ەحوبا بارشا قىزمەتشىلەرىنە قانداي ٸس تاپسىرعان؟ قۇداي پاتشالىعى جايلى ىزگى حاباردى ۋاعىزداۋ * (ماتاي 24:14). يسانىڭ ديقان تۋرالى مىسالىنان بۇل انىق كورىنەدى. قازىر سول مىسالدى قاراستىرايىق.
10. ا) يسانىڭ مىسالىنداعى تۇقىم مەن توپىراق نەنى بىلدىرەدى؟ ٵ) ٴبيداي ساباعى قانداي ٶنىم بەرەدى؟
10 لۇقا 8:5—8، 11—15 وقىڭىز. ديقان تۋرالى مىسالىندا يسا تۇقىمنىڭ «قۇداي ٴسوزىن»، ياعني قۇداي پاتشالىعى تۋرالى حاباردى بىلدىرەتىنىن ايتقان. ال توپىراق ادامنىڭ جۇرەگىن بىلدىرەدى. جاقسى توپىراققا تۇسكەن تۇقىم تامىر جايىپ، كوكتەپ شىعادى. كەيىن ول «ٴجۇز ەسەدەن ٶنىم بەرەدى». ەگەر تۇقىمنان ٴبيداي ساباعى كوكتەپ شىقسا، ول قانداي ٶنىم بەرەدى؟ كىشكەنتاي ٴبيداي ساباقتارىن با؟ جوق، ول كوپ ٴدان، ياعني تۇقىم بەرەدى. كەيىن سول تۇقىمداردان دا ٴبيداي ساباقتارى ٶسىپ شىعادى. اتالمىش مىسالدا ٴبىر تۇقىم 100 تۇقىمنان ٶنىم بەردى. بۇدان قىزمەتىمىزگە قاتىستى نە بىلۋگە بولادى؟
11. ا) ديقان جايلى مىسالدان قىزمەتىمىزگە قاتىستى نە بىلەمىز؟ ٵ) ٴبىز قالاي جاڭا تۇقىم بەرەمىز؟
11 ٴماسىحشى اتا-انامىز نە باسقا كۋاگەرلەر العاش رەت بىزگە قۇداي پاتشالىعى تۋرالى ۇيرەتكەندە، جاقسى توپىراققا تۇقىم سەپكەندەي بولدى. ولار ٴبىزدىڭ حابارعا قۇلاق اسقانىمىزعا قاتتى قۋاندى. سول تۇقىم ٶسىپ-جەتىلىپ، تۇبىندە ٶنىم بەرۋگە دايىن بولدى. جوعارىدا ايتىلىپ كەتكەن ٴبيداي ساباعى ٶنىم رەتىندە جاڭا ساباقتار ەمەس، تۇقىم بەرەدى. سول سياقتى، ٴبىز بەرەتىن ٶنىم — جاڭا شاكىرتتەر ەمەس، جاڭا تۇقىم *. بۇل قالاي بولادى؟ ادامدارعا قۇداي پاتشالىعى تۋرالى ايتقان سايىن، ٴبىز جۇرەگىمىزگە ەگىلگەن تۇقىمدى كوبەيتىپ، سەۋىپ جاتقانداي بولامىز (لۇقا 6:45؛ 8:1). دەمەك، قۇداي پاتشالىعى جايلى حاباردى ۋاعىزداي بەرەر بولساق، «توزىمدىلىكپەن ٶنىم بەرگەنىمىز».
12. ا) يسانىڭ ٴجۇزىم بۇتاسى مەن ديقان جايلى مىسالدارىنان نەگە ۇيرەنەمىز؟ ٵ) وسىنى بىلگەنىڭىز ٴسىزدى قانداي سەزىمگە بولەيدى؟
12 يسانىڭ ٴجۇزىم بۇتاسى مەن ديقان جايلى مىسالدارىنان نەگە ۇيرەنەمىز؟ «ٶنىم بەرۋ» دەگەن ادام ىزگى حابارعا قۇلاق اسا ما، اسپاي ما — وعان بايلانىستى ەمەس. بۇل ٴبىز ارى قاراي دا ۋاعىزداي بەرەمىز بە، جوق پا — سوعان بايلانىستى. پاۋىل دا وسىعان ۇقساس وي ايتىپ: «ٵرقايسىسى ەڭبەگىنە قاراي ٶز سىيىن الادى»،— دەگەن قورىنتتىقتارعا 1-حات 3:8). ەحوبا ەڭبەگىمىزدىڭ ناتيجەسى ٷشىن ەمەس، ەڭبەگىمىزدىڭ ٶزى ٷشىن سىي بەرەدى. 20 جىلدان بەرى ٸزاشار بولىپ كەلە جاتقان ماتيلدا بىلاي دەيدى: «ەحوبانىڭ ٴبىزدى اتقارعان جۇمىسىمىز ٷشىن جارىلقايتىنىنا قۋانامىن».
(توزىمدىلىكپەن ٶنىم بەرۋ ٷشىن نە ىستەۋىمىز كەرەك؟
13، 14. ريمدىكتەرگە 10:1، 2 گە ساي، پاۋىل قانداي سەبەپتەرمەن ۋاعىزداۋدى ەش دوعارماعان؟
13 «توزىمدىلىكپەن ٶنىم بەرۋگە» بىزگە نە كومەكتەسەدى؟ پاۋىلدىڭ جاعدايىن تەرەڭىرەك قاراستىرىپ كورەيىك. بىلگەنىمىزدەي، ياھۋديلەردىڭ پاتشالىق جايلى حابارعا قۇلاق اسپاعاندارىنا پاۋىلدىڭ كوڭىلى تۇسكەن ەدى. ٴبىراق بۇل حالىققا ۋاعىزداۋدى ول ەشقاشان توقتاتپاعان. ولارعا دەگەن كوزقاراسىن پاۋىل بىلاي دەپ ٴبىلدىردى: «جۇرەك قالاۋىم دا، قۇدايدان جالبارىنىپ سۇرايتىنىم دا — يسرايلدىكتەردىڭ قۇتقارىلۋى. مەن ولاردىڭ قۇدايعا قۇلشىنا قىزمەت ەتىپ جۇرگەندەرىن راستاي الامىن، ٴبىراق بۇلارى تۋرا بىلىمگە نەگىزدەلمەگەن» (ريمدىكتەرگە 10:1، 2). دەمەك، پاۋىل ۋاعىزداۋىن نە سەبەپتى دوعارماعان؟
14 بىرىنشىدەن، پاۋىل ياھۋديلەرگە ۋاعىزداۋعا «جۇرەك قالاۋى» تالپىندىرعانىن ايتقان. ولاردىڭ قۇتقارىلعانىن ول جان-تانىمەن قالاعان (ريمدىكتەرگە 11:13، 14). ەكىنشىدەن، پاۋىل ولار ٷشىن «قۇدايدان جالبارىنىپ سۇراعان». ول ياھۋديلەردىڭ كەيبىرى بولسا دا پاتشالىق جايلى حاباردى قابىل السا ەكەن دەپ ەحوباعا جالىنعان. ۇشىنشىدەن، پاۋىل ولاردىڭ «قۇدايعا قۇلشىنا قىزمەت ەتىپ جۇرگەندەرىن» ايتقان. ول ادامداردىڭ جاقسى جاقتارىن بايقاپ، ولاردى ەحوبانىڭ بولاشاق قىزمەتشىسى رەتىندە كورگەن. پاۋىل ولاردىڭ دا، ٶزى سياقتى، ٴماسىحتىڭ قۇلشىنىستى شاكىرتتەرى بولا الاتىنىن بىلگەن.
15. ٴبىز پاۋىلعا قالاي ەلىكتەي الامىز؟ مىسالدار كەلتىرىڭىز.
15 ٴبىز پاۋىلعا قالاي ەلىكتەي الامىز؟ بىرىنشىدەن، ٴبىزدىڭ «ماڭگى ومىرگە ىڭعاي تانىتقانداردى» تابۋعا دەگەن ىستىق ىقىلاسىمىز بولۋ كەرەك. ەكىنشىدەن، اق جۇرەكتى ادامدار ۋاعىزىمىزدى تىڭداسا ەكەن دەپ ەحوباعا جالبارىنامىز (ەلشىلەردىڭ ىستەرى 13:48؛ 16:14). شامامەن 30 جىل ٸزاشار بولىپ جۇرگەن سيلۆانا سولاي ەتەدى. ول: «ۋاعىزداۋ اۋماعىنداعى ٵر ۇيگە كىرمەس بۇرىن ەحوباعا دۇعا ەتىپ، وڭ كوزقاراس ساقتاۋعا كومەكتەسۋىن سۇرايمىن»،— دەيدى. سونداي-اق ٴبىز پەرىشتەلەر ۋاعىزىمىزعا قۇلاق اسۋعا دايىن ادامداردى تابۋعا كومەكتەسسىنشى دەپ دۇعا ەتەمىز (ماتاي 10:11—13؛ ايان 14:6). 30 جىلدان اسا ۋاقىت بويى ٸزاشار بولىپ جۇرگەن روبەرت ەسىمدى باۋىرلاس بىلاي دەيدى: «تۇرعىنداردىڭ ومىرىندە نە بولىپ جاتقانىن جاقسى بىلەتىن پەرىشتەلەرمەن قىزمەتتەسۋ ەرەكشە سەزىمگە بولەيدى». ۇشىنشىدەن، ٴبىز ادامداردىڭ جاقسى جاقتارىن بايقاپ، ولاردى ەحوبانىڭ بولاشاق قىزمەتشىسى رەتىندە كورۋگە تىرىسامىز. شومىلدىرۋ راسىمىنەن وتكەنىنە 50 جىلدان اسقان كارل ەسىمدى اقساقال بىلاي دەيدى: «ادامنىڭ اق جۇرەكتى ەكەندىگىنىڭ كىشكەنتاي دا بولسا نىشانىن، مىسالى كۇلىمدەگەنىن، جىلى ٴجۇزىن نە شىن جۇرەكتەن سۇراق قويعانىن بايقاۋعا تىرىسامىن». وسىلاي ەتسەك، پاۋىل سياقتى، ٴبىز دە «توزىمدىلىكپەن ٶنىم بەرە» الامىز.
«قولىڭىز تىنىم تاپپاسىن»
16، 17. ا) ۋاعىزداۋشى 11:6 داعى سوزدەردەن قانداي ساباق الامىز؟ ٵ) ٴبىزدى كورىپ جۇرگەن ادامدارعا ۋاعىزداپ جۇرگەنىمىز قالاي اسەر ەتۋى مۇمكىن؟
16 ادامدار ٴبىزدى تىڭدامايتىنداي كورىنسە دە، ۋاعىزداپ جۇرگەنىمىز ولارعا قانشالىقتى اسەر ەتۋى مۇمكىن ەكەنىن ەشقاشان ەستەن شىعارماۋىمىز كەرەك (ۋاعىزداۋشى 11:6 وقىڭىز). ٴبىز جۇرتتىڭ نازارىندامىز. ولار ٴبىزدىڭ ۇقىپتى سىرت كورىنىسىمىزدى، سىپايىلىعىمىز بەن دوستىق پەيىلىمىزدى بايقايدى. ۋاقىت وتە بۇل ولارعا قاتتى اسەر ەتۋى مۇمكىن. ٴتىپتى ٴبىز جايلى جاعىمسىز پىكىردە بولعان ادامداردىڭ كوزقاراسى جاقسى جاققا وزگەرە باستاۋى دا عاجاپ ەمەس. سەردجو مەن وليندا مۇنىڭ راستىعىنا كوز جەتكىزگەن.
17 سەردجو بىلاي دەيدى: «اۋىرىپ قالعاندىقتان، ٴبىراز ۋاقىت قالا الاڭىنا شىعا المادىق. كەيىن قايتىپ كەلگەنىمىزدە، ارى-بەرى وتكەندەر: «نەگە كورىنبەي كەتتىڭدەر؟ ساعىنىپ قالدىق قوي»،— دەپ جاتتى». ال وليندا كۇلىمدەپ بىلاي دەدى: «اۆتوبۋس جۇرگىزۋشىلەرى قول بۇلعاپ، كەيبىرى: «جارايسىڭدار!»— دەپ ايعايلادى. ولار ٴتىپتى جۋرنالدارىمىزدى سۇرادى». ٴبىر كىسى ادەبيەت ارباسىنىڭ قاسىنا كەلىپ، گۇل شوعىن سىيلاپ، اتقارىپ جاتقان ىستەرى ٷشىن راحىمەت ايتقاندا، سەردجو مەن وليندا قاتتى تاڭعالعان.
18. نەگە ٴسىز «توزىمدىلىكپەن ٶنىم بەرۋگە» بەل بۋدىڭىز؟
18 قۇداي پاتشالىعى جايلى وزگەلەرگە ۋاعىزداۋدان «قولىڭىز تىنىم تاپپاسا»، «بارلىق حالىقتارعا» ۋاعىزداۋ ىسىنە زور ۇلەسىڭىزدى قوساسىز (ماتاي 24:14). ەڭ ماڭىزدىسى، ەحوبانىڭ جۇرەگىن قۋانتاسىز، ال بۇل ٴسىزدى زور شاتتىققا بولەيدى. ول «توزىمدىلىكپەن ٶنىم بەرەتىندەردىڭ» ٴبارىن دە قاتتى جاقسى كورەدى!
^ 2-ابزاس ٴتىپتى يسا دا «ٶز ەلىندە» ۋاعىزداۋدىڭ قيىن بولعانىن ايتقان. بۇل ونىڭ قىزمەتى جايلى ٴتورت كىتاپتا دا جازىلىپ كەتكەن (ماتاي 13:57؛ مارقا 6:4؛ لۇقا 4:24؛ جوحان 4:44).
^ 7-ابزاس وسى مىسالداعى «ساباقتار» كوكتە ٶمىر سۇرۋگە ۇمىتتەنەتىن ماسىحشىلەردى بىلدىرگەنىمەن، بارلىق قۇداي قىزمەتشىلەرىنىڭ بۇل مىسالدان ۇيرەنەرى بار.
^ 9-ابزاس «جەمىس بەرۋ» دەگەن تىركەس «كيەلى رۋحتىڭ جەمىسىنە» دە نۇسقاۋى مۇمكىن. ٴبىراق وسى جانە كەلەسى ماقالادا ٴبىز ەحوبانى ماداقتاپ، پاتشالىق حابارىن ۋاعىزداۋ ارقىلى جەمىس بەرۋگە نازار اۋدارامىز (عالاتتىقتارعا 5:22، 23؛ ەۆرەيلەرگە 13:15).
^ 11-ابزاس باسقا كەزدەرى يسا ەگىن ەگۋ مەن جيناۋ جايلى مىسالدارىن شاكىرت دايىنداۋعا قاتىستى ايتقان (ماتاي 9:37؛ جوحان 4:35—38).