ەحوبا مەن يسانىڭ بىرلىكتە ەكەنىندەي، بارلىعىمىز دا بىرلىكتە بولايىق
«ولار ٷشىن... وتىنەمىن: بارلىعى بىرلىكتە بولسىن» (جوحان 17:20، 21).
اندەر: 107، 122
1، 2. ا) ەلشىلەرىمەن ايتقان سوڭعى دۇعاسىندا يسا نە جايلى سۇرادى؟ ٵ) يسا شاكىرتتەرىنىڭ اراسىنداعى بىرلىك جايلى نەگە ۋايىمداعان بولۋى مۇمكىن؟
يسا ەلشىلەرىمەن سوڭعى رەت اس ىشكەن كەزدە، ولاردىڭ بىرلىگى جايلى ۋايىمدادى. ولارمەن بىرگە ايتقان دۇعاسىندا ٶزى مەن اكەسىنىڭ بىرلىكتە بولعانىنداي، شاكىرتتەرىنىڭ دە بىرلىكتە بولۋىن سۇرادى (جوحان 17:20، 21 وقىڭىز). شاكىرتتەرىنىڭ اراسىندا بىرلىك بولسا، بۇل ەحوبانىڭ يسانى جەرگە جىبەرگەنىن وزگەلەرگە دالەلدەمەك ەدى. ادامدار يسانىڭ شىنايى شاكىرتتەرىن ٶزارا سۇيىسپەنشىلىكتەرىنەن تاني الماق-تىن. ال مۇنداي سۇيىسپەنشىلىك ولاردىڭ بىرلىگىن نىعايتا تۇسپەك ەدى (جوحان 13:34، 35).
2 سول كەشتە يسا بىرلىك جايلى نەگە كوپ ايتقانىن تۇسىنۋگە بولادى. ول ەلشىلەرىنىڭ تولىقتاي بىرلىكتە ەمەس ەكەنىن بايقاعان. ولار سول كەشتە «ارالارىندا ەڭ ۇلىسى كىم ەكەنىنە قاتىستى» تاعى دا داۋلاستى (لۇقا 22:24—27؛ مارقا 9:33، 34). باسقا ٴبىر جولى، جاقىپ پەن جوحان يسادان كوكتەگى پاتشالىقتا وزدەرىن ماڭىزدى ورىندارعا، ياعني ٴدال وزىنىڭ جانىنا وتىرعىزۋدى سۇراعان بولاتىن (مارقا 10:35—40).
3. يسانىڭ شاكىرتتەرىنە بىرلىكتە بولۋعا نە كەدەرگى ەتكەن بولۋى مۇمكىن؟ ٴبىز قانداي سۇراقتاردى قاراستىرامىز؟
3 يسانىڭ شاكىرتتەرىنىڭ ىنتىماعىن بۇزۋى مۇمكىن نارسە تەك بيلىككە دەگەن قۇشتارلىق قانا ەمەس ەدى. يسانىڭ كۇندەرىندەگى ادامدار الالاۋشىلىق پەن جەككورۋشىلىكتىڭ كەسىرىنەن جىككە بولىنەتىن. ونىڭ شاكىرتتەرى بولسا مۇنداي سەزىمدەرمەن كۇرەسۋ كەرەك-ٴتىن. وسى ماقالادا ٴبىز كەلەسىدەي سۇراقتاردى قاراستىرامىز: يسا الالاۋشىلىققا كەزىككەندە نە ىستەگەن؟ ول ٸزباسارلارىنا وزگەلەردى ٴبولىپ-جارماي، قايتا، بىرلىكتە بولۋدى قالاي ۇيرەتتى؟ يسانىڭ ۇلگىسى مەن ٴتالىمى بىزگە بىرلىگىمىزدى ساقتاۋعا قالاي كومەكتەسەدى؟
يساعا جانە شاكىرتتەرىنە دەگەن الالاۋشىلىق
4. يسا قانداي الالاۋشىلىق كورگەن؟ مىسالدار كەلتىرىڭىز.
4 يسانىڭ ٶزى دە الالاۋشىلىق كورگەن. ٴفىلىپ ناتانايىلعا ٴماسىحتى تاپقانىن ايتقاندا، ول: «سول نازارەتتەن نە جاقسىلىق شىعار دەيسىڭ؟»— دەگەن (جوحان 1:46). ناتانايىل ميحا 5:2-دەگى پايعامبارلىقتا ايتىلعانداي، ٴماسىحتىڭ بەتلەحەمدە تۋىلاتىنىن بىلسە كەرەك. ول «ماسىحتىڭ وسكەن جەرى بولاتىنداي، نازارەت قالاسى تىم قاراپايىم عوي» دەپ ويلاعان شىعار. بۇعان قوسا، ياھۋدەيا جەرىنەن شىققان جوعارى دارەجەلى كەيبىر كىسىلەر يسانى عاليلەيادان شىققانى ٷشىن كەمسىتكەن (جوحان 7:52). ياھۋدەيالىقتاردىڭ كوبىسى عاليلەيا جەرىنەن شىققان ادامداردى وزدەرىنەن تومەن سانايتىن. باسقا ياھۋديلەر يسانى قورلاعىسى كەلىپ، ونى «ساماريالىق» دەپ اتاعان (جوحان 8:48). ساماريالىقتاردىڭ ۇلتى باسقا ەدى، ٵرى ولار ياھۋديلەردىكىنەن وزگە ٴدىندى ۇستاناتىن. ياھۋدەيالىقتار دا، عاليلەيالىقتار دا ساماريالىقتاردى مەنسىنبەي، ولارعا جولامايتىن (جوحان 4:9).
5. يسانىڭ شاكىرتتەرى قانداي الالاۋشىلىق كورگەن؟
5 ياھۋديلەردىڭ ٴدىني جەتەكشىلەرى يسانىڭ شاكىرتتەرىن دە مەنسىنبەگەن. پارىزشىلدار ولاردى «قارعىس اتقان» ادامدار دەپ اتاعان (جوحان 7:47—49). ولار ياھۋديلەردىڭ ٴدىني مەكتەبىنەن ٴبىلىم الماعان، ولاردىڭ داستۇرلەرىن ۇستانباعان كەز كەلگەن ادامعا قاراپايىم، تۇككە تۇرعىسىز دەپ قارايتىن (ەلشىلەردىڭ ىستەرى 4:13، سىلتەمە). يسا مەن شاكىرتتەرىنىڭ الالاۋشىلىق كورگەن سەبەبى — سول زاماننىڭ ادامدارى وزدەرىنىڭ ٴدىنىن، قوعامداعى بەدەلى مەن ٴناسىلىن قاتتى ماقتان تۇتاتىن. مۇنداي الالاۋشىلىق شاكىرتتەرگە جانە ولاردىڭ وزگە ادامدارعا دەگەن كوزقاراسىنا ىقپال ەتكەن. سوندىقتان ارالارىنداعى بىرلىكتى ساقتاۋ ٷشىن ولار وي قالىپتارىن وزگەرتۋ قاجەت ەدى.
6. مىسالداردى قولدانىپ، الالاۋشىلىق بىزگە قالاي ىقپال ەتۋى مۇمكىن ەكەنىن ٴتۇسىندىرىڭىز.
6 بۇگىندە ٴبىزدى قورشاعان الەمدە الالاۋشىلىق كەڭ تاراعان. مىسالى، ادامدار ٴبىزدى الالاۋى مۇمكىن نە ٶزىمىز وزگەلەردى قانداي دا ٴبىر شامادا الالايتىن شىعارمىز. قازىر ٸزاشار بولىپ قىزمەت ەتەتىن اۆستراليالىق ٴبىر ايەل باۋىرلاس بىلاي دەيدى: «اۆستراليانىڭ بايىرعى تۇرعىندارىنا بۇرىن جاسالعان جانە قازىر دە جاسالىپ جاتقان ادىلەتسىزدىكتى ويلاي بەرگەندىكتەن، اق ٴناسىلدى ادامداردى بارعان سايىن جەك كورە بەردىم». كەيبىر اق ٴناسىلدى ادامداردان ٴجابىر كورگەنى دە ونىڭ جەككورىنىشىن ورشىتە تۇسكەن. كانادالىق ەر باۋىرلاس بولسا بۇرىن نە سەزىنگەنىن ايتىپ: «فرانسۋزشا سويلەيتىندەردى باسقالاردان جوعارى سانايتىنمىن»،— دەپ مويىندايدى. وسىنىڭ سالدارىنان ول اعىلشىنشا سويلەيتىن ادامداردى جاقتىرماعانىن ايتادى.
7. الالاۋشىلىققا كەزىككەندە يسا نە ىستەگەن؟
7 يسانىڭ كۇندەرىندەگىدەي، قازىرگى تاڭدا
دا كوبىسىندە الالاۋشىلىق سەزىمى قاتتى ورشىگەن، ٵرى ودان ارىلۋ وتە قيىن. ال يسا الالاۋشىلىققا كەزىككەندە نە ىستەگەن؟ بىرىنشىدەن، ول ەشقاشان الالاۋشىلىقتىڭ ىقپالىنا بەرىلمەگەن. ول ەشكىمدى دە ٴبولىپ-جارماعان. ول بايلارعا دا، كەدەيلەرگە دە، پارىزشىلدارعا دا، ساماريالىقتارعا دا، ٴتىپتى سالىق جيناۋشىلار مەن كۇناكارلارعا دا ۋاعىزداعان. ەكىنشىدەن، يسا شاكىرتتەرىنە وزگەلەرگە كۇدىكپەن قاراماۋ نە الالاماۋ كەرەكتىگىن ۇيرەتكەن، ٵرى مۇنى ٶز ۇلگىسىمەن دە كورسەتكەن.الالاۋشىلىقتى سۇيىسپەنشىلىكپەن جانە كىشىپەيىلدىلىكپەن جەڭۋ
8. بىرلىگىمىزدىڭ نەگىزى بولىپ تابىلاتىن ماڭىزدى پرينسيپ قانداي؟ ٴتۇسىندىرىڭىز.
8 يسا بىرلىگىمىزدىڭ نەگىزى بولىپ تابىلاتىن ماڭىزدى ٴپرينسيپتى ۇيرەتكەن. ول شاكىرتتەرىنە: «سەندەر ٶزارا باۋىرلاسسىڭدار»،— دەگەن (ماتاي 23:8، 9 وقىڭىز). ٴبىر جاعىنان، ٴبارىمىز ادام اتادان تاراعاندىقتان، ٴبىر-بىرىمىزگە باۋىرمىز (ەلشىلەردىڭ ىستەرى 17:26). يسا شاكىرتتەرىنىڭ ٴبارى ەحوبانى كوكتەگى اكە دەپ مويىندايتىندىقتان دا ٶزارا باۋىرلاس بولاتىندارىن ايتقان (ماتاي 12:50). سونداي-اق ولاردىڭ ٴبارى دە قۇداي وتباسىنىڭ مۇشەسى بولعان جانە ولاردى سۇيىسپەنشىلىكتەرى مەن سەنىمدەرى بىرىكتىرگەن. سوندىقتان دا ەلشىلەر قاۋىمدارعا جازعان حاتتارىندا ٴماسىحشىلەردى باۋىرلاستار دەپ اتاعان (ريمدىكتەرگە 1:13؛ پەتىردىڭ 1-حاتى 2:17؛ جوحاننىڭ 1-حاتى 3:13).
9، 10. ا) ياھۋديلەرگە ٶز ۇلتىن باسقالاردىكىنەن ارتىق ساناۋعا نەگە ەش سەبەپ جوق ەدى؟ ٵ) وزگە ۇلت ادامىن تومەن ساناۋ دۇرىس ەمەس ەكەنىن يسا قالاي ۇيرەتتى؟ (ماقالانىڭ باسىنداعى سۋرەتتى قاراڭىز.)
9 شاكىرتتەر ٴبىر-بىرىنە باۋىرلارداي قاراۋ كەرەكتىگىن ايتقاننان كەيىن، يسا ولارعا كىشىپەيىل بولۋ قاجەت ەكەنىن ەرەكشە اتاپ وتكەن (ماتاي 23:11، 12 وقىڭىز). جوعارىدا ايتىپ كەتكەنىمىزدەي، كەيدە ورىنسىز ماقتانىش ەلشىلەردىڭ اراسىنا ىرىتكى سالعان. يسانىڭ كۇندەرىندە ادامدار ٶز ۇلتىن قاتتى ماقتان تۇتاتىن. كوپتەگەن ياھۋديلەر وزدەرىن ىبىرايىمنىڭ ۇرپاعى بولعانى ٷشىن باسقالاردان ارتىق سانايتىن. ٴبىراق شومىلدىرۋ ٴراسىمىن جاساۋشى جاقيا ولارعا: «قۇداي مىنا تاستاردان دا ىبىرايىمعا ۇرپاق جاساپ بەرە الادى»،— دەگەن (لۇقا 3:8).
10 يسا ادامنىڭ ٶز ۇلتىمەن ماقتانعانى دۇرىس ەمەس دەپ ۇيرەتكەن. بۇل ونىڭ مۇسا زاڭىن جەتىك بىلەتىن كىسىگە ايتقان جاۋابىنان انىق كورىنەدى. ول يسادان: «مەن ناقتى كىمدى ٴسۇيۋىم كەرەك؟»— دەپ سۇرادى. سوندا يسا وعان مىناداي اڭگىمە ايتىپ بەردى: ۇرىلار جولدا ٴبىر ٴياھۋديدى ۇرىپ-سوعىپ، شالا-جانسار ەتىپ تاستاپ كەتەدى. ونىڭ قاسىنان بىرنەشە ياھۋدي وتسە دە، ەشقايسىسى ونى ەلەمەيدى. ٴبىراق ٴبىر ساماريالىق كىسىنىڭ وعان جانى اشىپ، كومەكتەسەدى. اڭگىمەسىنىڭ سوڭىندا يسا زاڭدى جەتىك بىلەتىن الگى كىسىگە وسى ساماريالىق سياقتى بولۋ كەرەكتىگىن ايتادى (لۇقا 10:25—37). وسىلاي يسا ياھۋديلەر وزگە ادامدى جاقسى كورۋدىڭ نە ەكەنىن ساماريالىق كىسىدەن ۇيرەنە الاتىندارىن كورسەتتى.
11. يسانىڭ شاكىرتتەرى نەگە ەشكىمدى ٴبولىپ-جارماۋ كەرەك ەدى جانە يسا ولارعا مۇنى تۇسىنۋگە قالاي كومەكتەستى؟
11 يسا كوككە كەتپەس بۇرىن شاكىرتتەرىنە «بۇكىل ياھۋدەيا مەن ساماريادا جانە جەردىڭ قيىر شەتىنە دەيىن» ۋاعىزداۋدى تاپسىردى (ەلشىلەردىڭ ىستەرى 1:8). بۇل تاپسىرمانى ورىنداۋ ٷشىن شاكىرتتەر ورىنسىز ماقتانىش پەن الالاۋشىلىق سەزىمىنەن ارىلۋ كەرەك-ٴتىن. يسا وزگە ۇلت ادامدارىنىڭ جاقسى قاسيەتتەرىن ٴجيى ايتىپ وتىراتىن. وسىنىڭ ارقاسىندا شاكىرتتەرى بارلىق حالىقتارعا ۋاعىزداۋعا دايىن بولدى. مىسالى، يسا وزگە ۇلتتان شىققان ٴجۇزباسىن تاماشا سەنىمى ٷشىن ماقتاعان (ماتاي 8:5—10). ال وسكەن قالاسى نازارەتتە ول ەحوبانىڭ جاتجەرلىكتەرگە، مىسالى سارەپتاداعى فينيكيالىق ايەلگە جانە الاپەسپەن اۋىرعان سيريالىق ناعىمانعا، قالاي كومەكتەسكەنىن ايتىپ بەرگەن (لۇقا 4:25—27). بۇعان قوسا، يسا ساماريالىق ايەلگە ۋاعىزداعان. ول ٴتىپتى ساماريالىقتاردىڭ قالاسىندا ەكى كۇنگە توقتاعان، ويتكەنى ولار ونىڭ حابارىن ۇيىپ تىڭداعان (جوحان 4:21—24، 40).
العاشقى ٴماسىحشىلەر الالاۋشىلىقپەن كۇرەسكەن
12، 13. ا) يسانىڭ ساماريالىق ايەلگە ۋاعىزداعانى ەلشىلەرگە قالاي اسەر ەتتى؟ (ماقالانىڭ باسىنداعى سۋرەتتى قاراڭىز.) ٵ) جاقىپ پەن جوحان يسانىڭ ۇيرەتكىسى كەلگەن ماڭىزدى ساباعىن تولىق تۇسىنبەگەنى نەدەن كورىنەدى؟
12 ەلشىلەرگە الالاۋشىلىق سەزىمىنەن ارىلۋ وڭاي بولعان جوق. ولار يسانىڭ ساماريالىق ايەلگە ٴتالىم بەرگىسى كەلەتىنىن كورگەندە، قاتتى تاڭعالعان (جوحان 4:9، 27). ياھۋدي ٴدىني جەتەكشىلەرى جۇرتتىڭ كوزىنشە ايەلدەرمەن، اسىرەسە جامان اتى شىققان ساماريالىق ايەلمەن سويلەسپەس ەدى. بالكىم، ولار وسى سەبەپتى دە تاڭعالعان شىعار. سوسىن ەلشىلەر يسادان تاماقتانىپ الۋدى ٶتىندى. ٴبىراق ونىڭ ساماريالىق ايەلمەن جاقسى اڭگىمەلەسكەنى سونشا — ول تاماققا دا قارامادى. قۇداي يسانىڭ ۋاعىزداعانىن قالادى. سوندىقتان يسا ٷشىن اكەسىنىڭ ەركىن ورىنداۋ، ٴتىپتى ساماريالىق ايەلگە ۋاعىزداۋ دا، تاماق جەگەنمەن بىردەي بولدى (جوحان 4:31—34).
13 جاقىپ پەن جوحان يسانىڭ ۇيرەتكىسى كەلگەن ماڭىزدى ساباعىن تۇسىنبەدى. بىردە شاكىرتتەر يسامەن ساماريا ارقىلى ٴجۇرىپ بارا جاتقاندا، ولاردىڭ اۋىلىنان تۇنەپ شىعاتىن ورىن ىزدەدى. ٴبىراق ساماريالىقتار تۇنەۋگە رۇقسات ەتپەدى. سوندا اشۋعا بۋلىققان جاقىپ پەن جوحان يسادان: «كوكتەن وت ٴتۇسىپ، ولاردى جويسىن دەپ بۇيىرعانىمىزدى قالايسىز با؟»— دەپ سۇرادى. يسا ولارعا قاتاڭ تىيىم سالدى (لۇقا 9:51—56). ەگەر بۇل جاعداي ٶز جەرلەرى عاليلەيادا بولسا، بالكىم، ولار مۇنشالىقتى اشۋلانباس پا ەدى. ولاردىڭ اشۋلانۋىنا الالاۋشىلىق سەزىمى تۇرتكى بولعان شىعار. كەيىن جوحان ساماريالىقتارعا ۋاعىزداعان كەزدە، كوپشىلىگى وعان قۇلاق اسقان. سول كەزدە ول بۇرىنعى تانىتقان كوزقاراسى ٷشىن ۇيالعان شىعار (ەلشىلەردىڭ ىستەرى 8:14، 25).
14. الالاۋشىلىق ماسەلەسى قالاي شەشىلدى؟
14 33 جىلعى ەلۋىنشى كۇن مەيرامىنان كەيىن كوپ ۇزاماي قاۋىمدا الالاۋشىلىق ورىن الدى. باۋىرلاستار مۇقتاج جەسىرلەرگە اس ۇلەستىرگەن كەزدە، گرەكشە سويلەيتىن جەسىرلەردى ەلەۋسىز قالدىرىپ ٴجۇردى (ەلشىلەردىڭ ىستەرى 6:1). بۇل جاعداي تىلگە قاتىستى الالاۋشىلىقتىڭ سالدارىنان ورىن العان بولۋى مۇمكىن. ەلشىلەر بۇل ماسەلەنى تەز ارادا شەشتى. ولار استى ٵدىل ۇلەستىرۋ ٷشىن لايىقتى جەتى ەر باۋىرلاستى تاعايىندادى. ولاردىڭ بارلىعىنىڭ ەسىمدەرى گرەكشە ەدى. بۇل نارازى بولعان جەسىرلەردىڭ كوڭىلىن ورنىقتىرسا كەرەك.
15. پەتىر ەشكىمدى الالاماۋدى قالاي ۇيرەندى؟ (ماقالانىڭ باسىنداعى سۋرەتتى قاراڭىز.)
15 36 جىلى يسانىڭ شاكىرتتەرى بارلىق ۇلتتىڭ ادامدارىنا ۋاعىزداي باستادى. بۇعان دەيىن ەلشى پەتىر ادەتتە ياھۋديلەرمەن عانا ارالاساتىن. كەيىن قۇداي وعان ٴماسىحشىلەر ەشكىمدى ٴبولىپ-جارماۋ كەرەكتىگىن انىق كورسەتتى. ٴسۇيتىپ، پەتىر ريمدىك ٴجۇزباسى ەلشىلەردىڭ ىستەرى 10:28، 34، 35 وقىڭىز). سودان كەيىن پەتىر ياھۋدي ەمەس ٴماسىحشىلەرمەن ارالاسىپ، بىرگە تاماقتانىپ ٴجۇردى. ٴبىراق بىرنەشە جىلدان كەيىن، ول انتيوحيا قالاسىندا ياھۋدي ەمەس ٴماسىحشىلەرمەن بىرگە تاماقتانۋىن قويدى (عالاتتىقتارعا 2:11—14). پاۋىل وسى ٷشىن پەتىردى تۇزەتكەندە، ول تۇزەتۋدى قابىل الدى. ٴبىز مۇنى قايدان بىلەمىز؟ پەتىر كىشى ازياداعى ياھۋدي جانە ياھۋدي ەمەس ٴماسىحشىلەرگە ٴبىرىنشى حاتىن جازعاندا، بارلىق باۋىرلاستاردى جاقسى كورۋدىڭ قانشالىقتى ماڭىزدى ەكەنىنە نازار اۋدارعان (پەتىردىڭ 1-حاتى 1:1؛ 2:17).
كورنەلگە ۋاعىزدادى (16. العاشقى ٴماسىحشىلەر نەسىمەن تانىلعان؟
16 ەلشىلەر «ٵرتۇرلى ادامداردى» جاقسى كورۋدى يسادان ۇيرەنگەنى انىق (جوحان 12:32؛ تىموتەگە 1-حات 4:10). ٴبىراز ۋاقىتتى تالاپ ەتسە دە، ولار وزدەرىنىڭ ادامدارعا دەگەن كوزقاراستارىن وزگەرتكەن. العاشقى ٴماسىحشىلەر ٴتىپتى ٴبىر-ٴبىرىن جاقسى كورەتىندەرىمەن تانىمال بولعان. شامامەن 200-جىلى تەرتۋلليان ەسىمدى جازۋشى ادامداردىڭ ٴماسىحشىلەر جايلى ايتقان كەلەسى سوزدەرىن كەلتىرگەن: «ولار ٴبىر-ٴبىرىن جاقسى كورەدى». «ولار ٴبىر-ٴبىرى ٷشىن ولۋگە دە دايىن». بۇل ٴماسىحشىلەر «جاڭا بولمىسقا يە بولعاندىقتان»، قۇدايعا ەلىكتەپ، ادامداردىڭ بارىنە بىردەي قاراۋدى ۇيرەندى (قولوستىقتارعا 3:10، 11).
17. كەز كەلگەن الالاۋشىلىق سەزىمىنەن قالاي ارىلا الامىز؟ مىسالدار كەلتىرىڭىز.
17 بۇگىندە بىزگە دە قانداي دا ٴبىر الالاۋشىلىق سەزىمىنەن ارىلۋ ٷشىن ۋاقىت قاجەت بولۋى مۇمكىن. فرانسياداعى ٴبىر ايەل باۋىرلاس مۇنىڭ قانشالىقتى قيىنعا سوققانىن ايتىپ، بىلاي دەدى: «ەحوبا ماعان ٴسۇيۋدىڭ، ٴبولىسۋدىڭ، ٵرتۇرلى ادامداردى جاقسى كورۋدىڭ نە ەكەنىن ۇيرەتتى. ٴبىراق مەن وزگەلەردى الالاماۋدى ٵلى دە ۇيرەنىپ جاتىرمىن. بۇل ۇنەمى وڭاي بولا بەرمەيدى. سول ٷشىن وسى جايلى دۇعا ەتە بەرەمىن». يسپانيادا تۇراتىن ٴبىر ايەل باۋىرلاس
بولسا كەيدە بەلگىلى ٴبىر ناسىلگە دەگەن جاعىمسىز سەزىمىمەن كۇرەسەتىنىن ايتتى. ول بىلاي دەيدى: «كوپ جاعدايدا بۇل سەزىمىمدى جەڭەمىن. ٴبىراق ونىمەن ٵرى قاراي دا كۇرەسە بەرۋىم كەرەكتىگىن تۇسىنەمىن. ەحوبانىڭ ارقاسىندا بىرلىگى جاراسقان وتباسىنىڭ ٴبىر مۇشەسى بولعانىم ٷشىن شەكسىز ريزامىن». ٴبارىمىز دە ىشكى سەزىمدەرىمىزدى مۇقيات تەكسەرۋىمىز كەرەك. بىزگە دە قانداي دا ٴبىر الالاۋشىلىق سەزىمىنەن ارىلۋ قاجەت ەمەس پە ەكەن؟سۇيىسپەنشىلىك ارتسا، الالاۋشىلىق جوعالادى
18، 19. ا) ادامداردىڭ بارلىعىن قابىلداۋعا بىزدە قانداي سەبەپتەر بار؟ ٵ) بۇنى قالاي ىستەي الامىز؟
18 مىنانى ەستەن شىعارمايىق: كەزىندە ٴبارىمىز قۇدايدان الىس بولدىق (ەفەستىكتەرگە 2:12). ٴبىراق ەحوبا سۇيىسپەنشىلىگىمەن ٴبىزدى وزىنە جاقىنداتىپ تارتتى (وشيا 11:4؛ جوحان 6:44). ٴماسىح تە ٴبىزدى قۋانا قابىلدادى. ول ٴبىزدىڭ قۇداي وتباسىنىڭ مۇشەسى بولۋىمىزعا جول اشتى (ريمدىكتەرگە 15:7 وقىڭىز). كەمەلسىز پەندە بولعانىمىزعا قاراماستان، يسا ٴبىزدى مەيىرىممەن قابىلدادى. سوندىقتان ٴبىز وزگەلەردىڭ كەۋدەسىنەن يتەرۋدى ٴتىپتى ويعا دا الماۋىمىز كەرەك!
«كوكتەن كەلگەن دانالىققا» ۇمتىلاتىندىقتان، ارامىزدا سۇيىسپەنشىلىك پەن بىرلىك ورناعان (19-ابزاستى قاراڭىز)
19 وسى زۇلىم دۇنيەنىڭ اقىرى جاقىنداعان سايىن، ادامدار اراسىندا جىككە بولىنۋشىلىك، الالاۋشىلىق پەن جەككورۋشىلىك ٶرشي بەرمەك (عالاتتىقتارعا 5:19—21؛ تىموتەگە 2-حات 3:13). ٴبىراق قۇدايدىڭ حالقى رەتىندە ٴبىز «كوكتەن كەلگەن دانالىققا» ۇمتىلامىز. ويتكەنى بۇل دانالىق بىزگە ەشكىمدى الالاماي، تاتۋ بولۋعا كومەكتەسەدى (جاقىپ 3:17، 18). ٴبىز ٵرتۇرلى ەلدىڭ ادامدارىمەن دوس بولۋعا، ادەت-عۇرىپتارىن قۇرمەتتەۋگە، كەيدە ٴتىپتى تىلدەرىن ۇيرەنۋگە قۋانىشتىمىز. سولاي ەتسەك، «وزەندەي» تىنىشتىقتىڭ جانە «تەڭىز تولقىندارىنداي» ادىلدىكتىڭ يگىلىگىن كورەمىز (يشايا 48:17، 18).
20. سۇيىسپەنشىلىك ويىمىز بەن سەزىمدەرىمىزدى وزگەرتكەندە، ناتيجەسى قانداي بولادى؟
20 اۆسترالياداعى ايەل باۋىرلاس كيەلى كىتاپتى زەرتتەگەنىنىڭ ارقاسىندا جۇرەگىندە ورشىگەن الالاۋشىلىق پەن جەككورىنىش سەزىمىنەن بىرتە-بىرتە ارىلدى. سۇيىسپەنشىلىك ونىڭ ويى مەن سەزىمدەرىن وزگەرتتى. ال كاناداداعى فرانسۋزشا سويلەيتىن ەر باۋىرلاس بولسا قازىر مىنا جايتتى جاقسى تۇسىنەتىنىن ايتادى: «ادامداردىڭ وزگەلەردى جەك كورۋىنىڭ سەبەبى — ولار بار-جوعى وزگەلەردى جاقسى بىلمەيدى». سونداي-اق ول ادامنىڭ بويىنداعى قاسيەتتەر ونىڭ قاي جەردە تۋىلعانىنا بايلانىستى ەمەس ەكەنىن تۇسىنگەن. ول ٴتىپتى اعىلشىنشا سويلەيتىن باۋىرلاسقا ۇيلەنگەن! وسى باۋىرلاستاردىڭ ۇلگىسى سۇيىسپەنشىلىك الالاۋشىلىقتى جەڭىپ شىعاتىنىن دالەلدەيدى. سۇيىسپەنشىلىك ٴبىزدى تولىقتاي بىرىكتىرەدى جانە مۇنداي بىرلىكتى ەشكىم دە، ەشتەڭە دە بۇزا المايدى! (قولوستىقتارعا 3:14).