ەسىڭىزدە مە؟
«كۇزەت مۇناراسىنىڭ» سوڭعى ساندارىن مۇقيات وقىدىڭىز با؟ ولاي بولسا، كەلەسى سۇراقتارعا جاۋاپ بەرىپ كورىڭىز:
ەحوبامەن سويلەسىپ، ونى تىڭداپ جانە ول تۋرالى ويلاناتىن بولساق، قانداي باتالارعا كەنەلەمىز؟
ٴبىز دۇرىس شەشىمدەر قابىلدايتىن بولامىز، جاقسى تالىمگەر بولۋدى ۇيرەنەمىز جانە سەنىمىمىز ٶسىپ، ەحوباعا دەگەن سۇيىسپەنشىلىگىمىز تەرەڭدەيدى (كم22.01، 30، 31-ب.).
ەحوباعا جانە ونىڭ تاعايىندالعان وكىلدەرىنە سەنىم ارتىپ ۇيرەنسەك، قانداي پايداسىن كورەمىز؟
قازىر ەحوبانىڭ شەشىمدەرىنە كۇماندانباي، سەنىم ارتۋدى ۇيرەنەتىن ۋاقىت. ٴبىز مۇنى اقساقالدار بەرگەن باسشىلىقتارعا مويىنسۇنىپ، قابىلداعان شەشىمدەرىن تولىقتاي قولداۋ ارقىلى كورسەتەمىز. سوندا زور الاپاتتا اقىلعا قونىمسىز، ٴبىرتۇرلى كورىنەتىن نۇسقاۋلار الىپ جاتساق، ولارعا مويىنسۇنۋ قيىن بولمايدى (كم22.02، 4—6 ب.).
پەرىشتەنىڭ ٵمىرشى «زوروبابەلدىڭ قولىنداعى تىكتەۋىش» تۋرالى ايتقان سوزدەرى نەنى بىلدىرەدى؟ (زاك. 4:8—10)
بۇل ايان عيباداتحانا قانشالىقتى قاراپايىم كورىنبەسىن، ول سوڭىنا دەيىن سالىنىپ بىتەتىنىن جانە ەحوبانىڭ نورمالارىنا ساي بولاتىنىن كورسەتتى (كم22.03، 16، 17-ب.).
قالايشا ٴبىز «سوزىمىزبەن» وزگەلەرگە ۇلگى بولا الامىز؟ (ٴتىم. 1-ح. 4:12)
ٴبىز قىزمەتتە ىزەتپەن جانە ىلتيپاتپەن سويلەيمىز، قاۋىمدا شىن جۇرەكتەن ٵن ايتامىز، جۇيەلى تۇردە تۇسىنىكتەمە بەرەمىز جانە ارقاشان شىندىقتى ايتىپ، وزگەلەردى قورلايتىن ەمەس، جىگەرلەندىرەتىن سوزدەر ايتامىز (كم22.04، 6—9 ب.).
نەگە دانيال 7-تاراۋداعى 4-اڭنىڭ (4-پاتشالىقتىڭ) سيپاتتامالارى ايان 13:1، 2 دە ٴبىر-اق اڭنىڭ بويىندا كەزدەسەدى؟
ايان 13-تاراۋداعى اڭ ريم سياقتى ٴبىر عانا پاتشالىقتى بىلدىرمەيدى. قايتا، ادامزاتقا ۇستەمدىك ەتىپ كەلە جاتقان بارلىق ساياسي كۇشتەردى بەينەلەيدى (كم22.05، 9-ب.).
قۇدايدىڭ ادىلدىگىنە سەنىم ارتاتىنىمىزدى كورسەتۋدىڭ ەڭ نەگىزگى جولى قانداي؟
بىرەۋ ٴبىزدى رەنجىتسە، قورلاسا نە بىزگە قارسى كۇنا جاساسا، بارلىعىن ەحوبانىڭ قولىنا تاپسىرىپ، بويىمىزدا اشۋ نە كەك ساقتامايمىز. ەحوبا كەمەلسىزدىكتىڭ كەسىرىنەن بولعان بارلىق جاماندىقتىڭ ورنىن تولتىرادى (كم22.06، 10، 11-ب.).
قاۋىمدا دۇعا ايتاتىن ەر باۋىرلاس نەنى ۇمىتپاۋ كەرەك؟
دۇعا قاۋىمعا كەڭەس بەرۋ ٷشىن نە حابارلاندىرۋلار جاساۋ ٷشىن ايتىلمايدى. دۇعا ايتاتىن ەر باۋىرلاس اسىرەسە كەزدەسۋدىڭ باسىندا «كوپ ٴسوز» ايتۋدان اۋلاق بولعانى ٴجون (مات. 6:7) (كم22.07، 24، 25-ب.).
قاي ماعىنادا «زۇلىمدىق جاساعاندار سوتتالۋ ٷشىن تىرىلەدى؟» (جوح. 5:29)
ولار ولگەنگە دەيىنگى ومىرلەرىنە قاراي سوتتالمايدى. ولاردىڭ بولاشاقتارى تىرىلگەننەن كەيىنگى ىستەرى مەن كوزقاراستارىنا قاراي شەشىلەدى (كم22.09، 18-ب.).
1922-جىلدىڭ قىركۇيەك ايىندا بولعان كونگرەستە دج. ف. رۋتەرفورد باۋىرلاس دەلەگاتتاردى قانداي ماڭىزدى ىسكە ۇندەدى؟
سيدار-پوينتتا (وگايو، اقش) وتكەن كونگرەستە ول: «قاراڭدار، پاتشامىز بيلىك ەتۋدە! ال سەندەر ونىڭ وكىلدەرىسىڭدەر. سول سەبەپتى پاتشا مەن ونىڭ پاتشالىعىن جاريالاڭدار، جاريالاڭدار، جاريالاڭدار!»— دەدى (كم22.10، 3—5 ب.).
يشايا 30-تاراۋدا ايتىلعانداي، ەحوبا قيىندىقتارعا توتەپ بەرۋىمىزگە قانداي ٷش جولمەن كومەكتەسەدى؟
بۇل تاراۋدا ەحوبا 1) دۇعامىزدى تىڭداپ، جاۋاپ بەرەتىنى، 2) ٴبىزدى باعىتتايتىنى، 3) قازىر جانە بولاشاقتا باتاسىن توگەتىنى جايلى ايتىلادى (كم22.11، 9-ب.).
نەگە ٴزابۇر 37:10، 11، 29 داعى سوزدەر ەجەلدە ورىندالدى جانە بولاشاقتا دا ورىندالادى دەي الامىز؟
ٴداۋىتتىڭ بۇل سوزدەرى يسرايل ەلىندەگى كەرەمەت جاعدايعا، مىسالى سۇلەيمەننىڭ تۇسىنداعى بەيبىت زامانعا نۇسقايدى. يسا بولسا 11-تارماقتى كەلتىرىپ، بولاشاقتاعى جۇماققا نۇسقاعان (مات. 5:5؛ لۇقا 23:43) (كم22.12، 8—10، 14-ب.).
