قۇداي پاتشالىعى جايلى اقيقات
يسا ٴماسىح شاكىرتتەرىنە بىلاي دەپ دۇعا ايتۋدى ۇيرەتتى: «كوكتەگى اكەمىز، سەنىڭ ەسىمىڭ كيەلى تۇتىلسىن! سەنىڭ پاتشالىعىڭ كەلسىن! سەنىڭ ەركىڭ كوكتەگىدەي جەر بەتىندە دە ورىندالسىن!» (ماتاي 6:9، 10). قۇداي پاتشالىعى دەگەن نە؟ ول نەنى ىسكە اسىرادى؟ نە ٷشىن دۇعادا «پاتشالىعىڭ كەلسىن» دەپ سۇراۋىمىز كەرەك؟
يسا — قۇداي پاتشالىعىنىڭ پاتشاسى
لۇقا 1:31—33: «ونىڭ اتىن يسا دەپ قوياسىڭ. ول اسا ۇلى بولادى، ٵرى قۇداي تاعالانىڭ ۇلى دەپ اتالادى. ەحوبا وعان ارعى اتاسى ٴداۋىتتىڭ تاعىن سيلايدى. ول جاقىپتىڭ اۋلەتىنە ماڭگىلىك بويى پاتشا رەتىندە بيلىك ەتەدى. ونىڭ پاتشالىعىنىڭ شەگى بولمايدى».
يسا قۇداي پاتشالىعى جايلى ۋاعىزداعان
ماتاي 9:35: «يسا بارلىق قالالار مەن اۋىلداردى ارالاي ٴجۇرىپ، ٴماجىلىسحانالاردا ٴتالىم بەردى، پاتشالىق تۋرالى ىزگى حاباردى ۋاعىزدادى، ٴتۇرلى اۋرۋ-سىرقاۋلاردى ساۋىقتىردى».
يسا شاكىرتتەرىنە پاتشالىقتىڭ كەلىپ قالعانىن قاي بەلگىدەن بىلەتىندەرىن ايتتى
ماتاي 24:7: «ۇلت ۇلتقا قارسى، مەملەكەت مەملەكەتكە قارسى اتتانادى، ٴتۇرلى جەرلەردە اشارشىلىق پەن جەر سىلكىنىستەرى بولادى».
يسانىڭ شاكىرتتەرى پاتشالىق جايلى جەر ٴجۇزى بويىنشا ۋاعىزداپ ٴجۇر
ماتاي 24:14: «پاتشالىق جايلى وسى ىزگى حابار بارلىق حالىقتار ەستۋ ٷشىن بۇكىل جەر بەتىندە ۋاعىزدالادى. سودان كەيىن وسى زاماننىڭ سوڭى كەلەدى».
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
قۇداي پاتشالىعى دەگەن نە؟
قۇداي پاتشالىعى نەگە ادامي ۇكىمەتتەردىڭ بارىنەن اسىپ تۇسەتىنى جايىندا ٴبىلىڭىز.
ESSENTIAL BIBLE TEACHINGS
قۇداي پاتشالىعى دەگەن نە؟
يسا پايعامبار جەردە بولعاندا، باسقا تاقىرىپتارعا قاراعاندا قۇداي پاتشالىعى جايلى وتە كوپ ٴتالىم بەرگەن.
