ومىرگە دەگەن سي-قۇرمەت قايدا قالدى؟
ٶمىردى قۇرمەتتەۋ نەگە ماڭىزدى؟
ٶزىمىزدىڭ نە وزگەلەردىڭ دەنساۋلىعىنا نە ومىرىنە قاۋىپ توندىرگەنىمىز — ٶزىمىزدىڭ دە، وزگەلەردىڭ دە ٶمىرىن قۇرمەتتەمەگەنىمىز.
-
تەمەكى شەگۋ قاتەرلى ىسىك تۋعىزىپ قانا قويماي، اعزانىڭ سول دەرتپەن كۇرەسۋىن دە قيىنداتادى. وكپەنىڭ قاتەرلى ىسىگىنە شالدىققان ادامداردىڭ 90 پايىزى وزدەرى نە قاسىنداعى ادامدار تەمەكى شەككەننەن وسى دەرتكە شالدىققان.
-
جاپپاي وق اتۋعا ۇشىراعان ادامدار جىلدار بويى جان كۇيزەلىسىنەن قينالىپ جۇرەدى. ستەنفورد ۋنيۆەرسيتەتىنىڭ ٴبىر ەسەبىندە بىلاي دەلىنگەن: «جۇرگىزىلگەن زەرتتەۋگە ساي، ادام [مەكتەپتەگى] اتىستان امان قالسا دا، جان دۇنيەسىنە سالىنعان جارادان جىلدار بويى ارىلماۋى مۇمكىن».
-
ٸشىپ الىپ نە ەسىرتكى قابىلداپ كولىك ايدايتىن ادامدار جولاۋشىلاردىڭ عانا ەمەس، جاياۋ جۇرگىنشىلەردىڭ دە ومىرىنە قاۋىپ توندىرەدى. ومىرگە دەگەن وسىنداي قۇرمەتسىزدىكتەن ٴجيى جازىقسىز ادامدار جاپا شەگىپ جاتادى.
بىلاي ەتىپ كورىڭىز
دەنساۋلىعىڭىزدى كۇتىڭىز. تەمەكى نە ۆەيپ شەگۋ، ەسىرتكى قابىلداۋ، ىشىمدىكتى شامادان تىس ٸشۋ سياقتى جامان ادەتتەردەن ارىلۋ ەشقاشان دا كەش ەمەس. مۇنداي ادەتتەرىڭىز بولسا، ٶز ومىرىڭىزگە زيان كەلتىرەسىز ٵرى اينالاڭىزداعى ادامداردىڭ دا، وتباسىڭىزدىڭ دا ٶمىرىن قۇرمەتتەمەيتىنىڭىزدى كورسەتەسىز.
ٶزىڭىزدىڭ دە، وزگەلەردىڭ دە قاۋىپسىزدىگىن ويلاڭىز. وقىس جاعدايدى بولدىرماس ٷشىن، ۇيىڭىزگە ۋاقىتىلى جوندەۋ جۇمىستارىن جاساپ تۇرىڭىز. كولىكتى ابايلاپ ايداپ، ونى ٴجيى تەكسەرىپ ٴجۇرىڭىز. بىرەۋ دەنساۋلىعىڭىزعا نە ومىرىڭىزگە قاۋىپ توندىرەتىن ىسپەن اينالىسۋعا قىسپاقتاسا، كونبەڭىز.
مەيىرىمدى بولىڭىز. ٶمىردى قۇرمەتتەۋ دەگەن بارلىق ادامعا — قانداي ناسىلدەن، ۇلتتان شىقپاسىن، جاعدايى مەن ٴبىلىم دەڭگەيى قانداي بولماسىن — مەيىرىمدى بولۋدى بىلدىرەدى. تۇپتەپ كەلگەندە، دۇنيەدە بولىپ جاتقان قاتىگەزدىك پەن سوعىستاردىڭ نەگىزگى سەبەبى — الالاۋشىلىق پەن جەككورۋشىلىك.
ٴبىزدىڭ قوسىپ جۇرگەن ۇلەسىمىز
ەحوبا كۋاگەرلەرى سالاۋاتتى ٶمىر سالتىن ۇستانۋعا شاقىرادى. ٴبىزدىڭ كيەلى كىتاپتان ٴبىلىم بەرۋ باعدارلامامىزدىڭ ارقاسىندا كوپتەگەن ادامدار تاۋەلدىلىكتەرىنەن جانە جامان ادەتتەرىنەن ارىلدى.
قۇرىلىستا ەڭ جوعارعى قاۋىپسىزدىك شارالارىن ۇستانامىز. ٴبىزدىڭ عيبادات ەتەتىن ورىندارىمىزدى نە باسقا دا عيماراتتارىمىزدى سوعۋعا اتسالىساتىن ەرىكتى قىزمەتشىلەر وقىس جاعدايلاردىڭ الدىن الۋ ٷشىن ارنايى جاتتىعۋدان وتەدى. قاۋىپسىزدىك ەرەجەلەرىنە ساي كەلۋ ٷشىن عيماراتتارىمىز جۇيەلى تۇردە تەكسەرىستەن ٶتىپ تۇرادى.
ادامدارعا گۋمانيتارلىق كومەك كورسەتەمىز. 2022-جىلى دۇنيەجۇزى بويىنشا 200 دەي اپاتتان زارداپ شەككەن ادامدارعا كومەك كورسەتتىك. بۇل ىسكە ەرىكتى ساداقادان 12 ميلليون دوللارداي قاراجات جۇمسالدى.
باتىس افريكادا (2014-جىلى) جانە كونگو دەموكراتيالىق رەسپۋبليكاسىندا (2018-جىلى) ەبولا ۆيرۋسى ادامداردىڭ ٶمىرىن جالماپ جاتقاندا، ٴبىز كوپشىلىككە ۆيرۋستىڭ تارالۋىن توقتاتۋ ٷشىن نە ىستەۋ كەرەكتىگىن ۇيرەتتىك. بۇل ٷشىن وكىلدەرىمىزدى جىبەرىپ، «مويىنسۇنۋشىلىق ٶمىردى ساقتايدى» دەگەن تاقىرىپتا ترەنينگ وتكىزدىك. بۇعان قوسا، بارلىق عيبادات ورىندارىمىزدىڭ كىرەبەرىسىنە قولجۋعىشتار ورناتىپ قويدىق. قول جۋۋ مەن باسقا دا قورعانۋ شارالارىنىڭ ماڭىزدىلىعىن ۇنەمى ادامداردىڭ ەسىنە سالىپ وتىردىق.
سەررا-لەونەدە ٴبىز كۋاگەر جانە كۋاگەر ەمەس ادامدارعا ەبولا ۆيرۋسىنان قورعانۋعا كومەكتەسكەنىمىز ٷشىن راديو ارقىلى ماقتاۋ سوزدەر ەستىدىك.
ەبولا ۆيرۋسى كەزىندە پاتشالىق سارايىنىڭ الدىنا قويىلعان قولجۋعىش (ليبەريا، 2014 جىل)
a بۇل زاڭ ەجەلگى تاياۋ شىعىستا ٷي ىشىندەگىلەر مەن باسقا دا ادامداردىڭ قاۋىپسىزدىگىن ويلاپ ٴجۇرۋ قانشالىقتى ماڭىزدى بولعانىن كورسەتەدى.
