ەلەكتروندى تەحنيكانىڭ دوستىققا اسەرى
تەحنيكا قارىشتاپ دامىعان زاماندا ادامداردىڭ ٴبىر-بىرىمەن ارالاسۋى ايتارلىقتاي جەڭىلدەدى. ٴتىپتى مۇحيتتىڭ ارعى جاعىندا تۇرسا دا، ولار ٴبىر-بىرىمەن حات-حابار الىسىپ، ۆيدەو ارقىلى كورىسىپ، الەۋمەتتىك جەلىدە پىكىرلەسىپ جاتادى. قۇلتەمىر ادامعا قىزمەت ەتەدى دەگەن وسى بولار.
ٴبىراق اباي بولماساق، قۇلتەمىر ادامعا ەمەس، ادام قۇلتەمىرگە قىزمەت قىلا باستاۋى مۇمكىن. ال بۇدان مىناداي قيىندىقتار تۋىنداپ جاتادى:
-
دوستارىن تۇسىنۋدەن قالادى؛
-
جالعىزسىراپ، جابىرقايدى؛
-
وزگەنى ەمەس، ٶز باسىن كوپ ويلايدى.
بىلگەن ٴجون
جاناشىرلىق
بىرەۋدىڭ جانىن بىردەن ٴتۇسىنىپ كەتە المايسىڭ. بۇل ٷشىن ۋاقىت تاۋىپ، ول ادام جايلى ويلانۋ كەرەك. ال ەگەر بار ۋاقىتىمىز حابارلاما جازۋعا، الەۋمەتتىك جەلىدە وتىرۋعا كەتىپ جاتسا، باسقانىڭ سەزىمىن قايدان تۇسىنەمىز؟!
ەلەكتروندى قۇرىلعىنىڭ قۇلى بولىپ كەتسەڭىز، دوستارىڭىزدىڭ حابارلامالارىنا جەڭىل-جەلپى قاراپ كەتۋىڭىز ابدەن مۇمكىن. وندا بار ويىڭىز مۇقتاج دوسىڭىزعا كومەكتەسۋ ەمەس، كەلگەن حابارلامالارعا جاۋاپ بەرىپ، تەز-تەز قۇتىلۋ بولادى.
ويتارازى: دوستارىڭىزعا حابارلاما جىبەرگەندە، ولاردى شىن ويلايتىنىڭىزدى قالاي كورسەتە الاسىز؟ (پەتىردىڭ 1-حاتى 3:8).
جابىرقاۋشىلىق
ٴبىر زەرتتەۋدىڭ ناتيجەسى بويىنشا، الەۋمەتتىك جەلىدە وتىرعاننان كەيىن كوپ ادامنىڭ كوڭىل-كۇيى ٴتۇسىپ كەتەتىنى بايقالعان. زەرتتەۋشىلەردىڭ ايتۋىنشا، ولار جۇرتتىڭ پاراقشاسىنان سۋرەتتەرىن، نەمەن اينالىسىپ جاتقاندارىن كورگەندە، ٶز ومىرلەرى تەككە ٶتىپ جاتقانداي سەزىمدە قالادى.
ودان قالسا، باسقالاردىڭ كۇشتى سۋرەتتەرىن كورىپ الىپ، وزدەرىن ولارمەن سالىستىرا باستايدى. بۇلاي سالىستىرعاننان ولار ۇتىلماسا، ەشتەڭە ۇتپايدى. قايتا، «ولاردىڭ ٶمىرى — ٶمىر، ال مەنىكى قارا كومىر ەكەن عوي» دەگەن جاعىمسىز ويدا قالادى.
ويتارازى: الەۋمەتتىك جەلىدە وتىرعاندا، ٶزىڭىزدى وزگەلەرمەن سالىستىرماۋعا نە كومەكتەسەدى؟ (عالاتتىقتارعا 6:4).
تەك ٶزىن ويلاۋشىلىق
ٴبىر مۇعاليمانىڭ بايقاۋىنشا، شاكىرتتەرىنىڭ كەيبىرى ٶز پايداسى ٷشىن عانا دوس بولادى ەكەن. ولار ٴبىرىنشى كەزەكتە «دوسىمنان قانداي پايدا كورسەم ەكەن؟» دەپ ويلايدى. ولار ٷشىن دوستارى ٴموبيلدى قوسىمشالار سياقتى، كەرەك كەزدە پايدالانادى، كەرەك ەمەس كەزدە ٶشىرىپ تاستايدى.
ويتارازى: الەۋمەتتىك جەلىلەرگە سۋرەتىڭىزدى قانداي نيەتپەن سالاسىز: بىرەۋمەن باقتالاسۋ ٷشىن بە، الدە ٶزىڭىزدى كورسەتۋ ٷشىن بە؟ (عالاتتىقتارعا 5:26).
نە ىستەي الاسىز؟
ٶزىڭىزدى تەكسەرىڭىز
ٴسىز ەلەكتروندى قۇرىلعىلارعا ەمەس، ولار سىزگە قىزمەت ەتەتىن بولسا، جورا-جولداستارىڭىزبەن ارالاسىپ، ولارمەن دوستىعىڭىز بەكي تۇسەدى.
كيەلى كىتاپ قاعيداسى: «سۇيىسپەنشىلىك ٶزىمشىل ەمەس» (قورىنتتىقتارعا 1-حات 13:4، 5).
ورىنداعىڭىز كەلەتىن كەڭەستى بەلگىلەڭىز نەمەسە ٶز ۇسىنىسىڭىزدى جازىڭىز.
-
ادامدارمەن تەك حابارلاما ارقىلى ەمەس، جۇزبە-ٴجۇز سويلەسۋ.
-
بىرەۋمەن سويلەسىپ جاتقاندا، تەلەفونىڭىزدى باسقا جەرگە الىپ قويۋ نە داۋىسىن ٶشىرىپ قويۋ.
-
الەۋمەتتىك جەلىدە سۋرەتتەر كورۋگە، پوستتاردى وقۋعا جۇمسايتىن ۋاقىتتى ازايتۋ.
-
ادامداردى زەيىنمەن تىڭداۋدى ۇيرەنۋ.
-
قيىندىقتا جۇرگەن دوسىڭىزبەن حابارلاسۋ.
قىزىقتى بولار مالىمەتتەر
جاستاردىڭ ساۋالدارى
الەۋمەتتىك جەلىگە سۋرەت سالۋ جايىندا نەنى بىلگەنىم ٴجون؟
الەۋمەتتىك جەلىگە سۋرەت سالۋ ارقىلى دوستارىمىزبەن، وتباسىمىزبەن ۇنەمى بايلانىستا بولا الامىز. ٴبىراق سۋرەت سالۋدىڭ قاۋىپتى جاعى دا بار.
