18-تاراۋ
«مەنىڭ قاھارىم وتتاي لاۋلايدى»
ويباعدار: گوگتىڭ شابۋىلى ەحوبانىڭ قاھارىن وياتادى؛ ەحوبا ارماگەددون شايقاسىندا حالقىن قورعايدى
1—3. ا) ەحوبانىڭ «قاھارى وتتاي لاۋلاعان» كەزدە نە بولادى؟ (تاراۋدىڭ باسىنداعى سۋرەتتى قاراڭىز.) ٵ) بۇل تاراۋدا نە جايلى قاراستىرامىز؟
ەرلەر، ايەلدەر مەن بالالار جينالىپ، پاتشالىق ٵنىن شىرقاپ جاتىر. سوسىن ٴبىر اقساقال جالبارىنا دۇعا ايتىپ، ەحوبادان قورعان بولۋىن سۇرادى. ارينە، باۋىرلاستار ەحوبانىڭ ولاردى جالعىز قالدىرمايتىنىنا سەنىمدى. دەسە دە ولار ٵلى دە ونىڭ جۇبانىش بەرىپ، سەنىمدەرىن نىعايتۋىنا مۇقتاج. ٴبىر كەزدە سىرتتان سوعىسىپ جاتقان ادامداردىڭ شۋى ەستىلدى. ارماگەددون باستالدى! (ايان 16:14، 16).
2 ارماگەددون شايقاسىندا ەحوبا اشۋىنا ٴمىنىپ، ادامدارعا «قاھارىن وتتاي لاۋلاتادى» (ەزەكيەل 38:18 وقىڭىز). ول قاھارىن ٴبىر اسكەري توپقا نە ٴبىر حالىققا ەمەس، جەر بەتىندەگى كۇللى ادامزاتقا توگەدى. «سول كۇنى ەحوبانىڭ قولىنان ولگەندەر جەردىڭ ٴبىر شەتىنەن ەكىنشى شەتىنە دەيىن بولادى» (ەرم. 25:29، 33).
3 سۇيىسپەنشىلىگى مول، «مەيىرىمدى دە جاناشىر، اشۋلانۋعا اسىقپايتىن» قۇدايدىڭ وسىنشالىق «قاھارىن وتتاي لاۋلاتۋىنا» نە سەبەپ؟ (مۇس. 2-ج. 34:6؛ جوح. 1-ح. 4:16). بۇل سۇراقتىڭ جاۋابى بىزگە زور جۇبانىش بەرەدى، بويىمىزعا باتىلدىق دارىتادى جانە ىزگى حاباردى قۇلشىنا جاريالاۋعا قوزعاۋ سالادى. ەندەشە، ونىڭ جاۋابىن كورەيىك.
ەحوبانىڭ «قاھارىن وتتاي لاۋلاتاتىن» نە؟
4، 5. ەحوبانىڭ اشۋى مەن كۇناكار ادامداردىڭ اشۋىنىڭ ايىرماشىلىعى قانداي؟
4 ٴبىز الدىمەن، ەحوبانىڭ اشۋى مەن كۇناكار ادامداردىڭ اشۋى ەكى ٴتۇرلى ەكەنىن ٴتۇسىنۋىمىز كەرەك. اشۋعا بۋلىعىپ، قاتتى ىزالانعاندا، ادامدار ٴجيى نە ىستەپ، نە قويعاندارىن بىلمەي، ٴبىر پالەگە دۋشار بولىپ جاتادى. مىسالعا ادام اتانىڭ تۇڭعىش ۇلى قابىلدى الايىق. ەحوبا ونىڭ ەمەس، ٵبىلدىڭ قۇرباندىعىن قابىل العان كەزدە، ول «قاتتى اشۋلاندى». اقىرىندا، قابىل ٶزىنىڭ ٵدىل باۋىرىن ٶلتىرىپ تىندى (مۇس. 1-ج. 4:3—8؛ ەۆر. 11:4). ەندى قۇدايدىڭ كوڭىلىنەن شىققان قىزمەتشىسى ٴداۋىتتى الايىقشى (ەل. ٸس. 13:22). ول دا اۋىر قىلمىس جاساۋعا شاق قالعان. بىردە نابال دەگەن باي كىسى ٴداۋىت پەن ونىڭ قاسىنداعى جىگىتتەرىن قورلاپ، جامان سوزدەر ايتادى. مۇنى ەستىپ اشۋعا مىنگەن ولار «سەمسەرلەرىن بەلدەرىنە بايلاپ»، جاقسىلىقتى بىلمەيتىن نابالدىڭ ٶزىن دە، ونىڭ ٷي ىشىندەگى ەركەك اتاۋلىنىڭ ٴبارىن دە قىرىپ سالماقشى بولادى. باقىتقا وراي، نابالدىڭ ايەلى ابيگەل كەك الۋعا كەلگەن ٴداۋىت پەن ونىڭ جىگىتتەرىن رايىنان قايتارادى (سام. 1-ج. 25:9—14، 32، 33). ەحوبانىڭ جاقىپ ارقىلى بىزگە مىنا سوزدەردى جازىپ قالدىرعانى بەكەر ەمەس: «اشۋدىڭ جەتەگىندەگى ادام قۇدايدىڭ ادىلدىگىنە ساي ارەكەت ەتپەيدى» (جاق. 1:20).
ەحوبا اشۋىن ٵردايىم قاداعالايدى، ونىڭ اشۋىنىڭ سەبەبى دە ٵردايىم انىق
5 پەندەدەن ايىرماشىلىعى، ەحوبا ٵردايىم اشۋىن قاداعالاي بىلەدى، ٵرى ونىڭ اشۋىنىڭ سەبەبى دە ٵردايىم انىق كورىنىپ تۇرادى. ٴتىپتى قاھارى وتتاي لاۋلاپ تۇرعان كەزدە دە ول ٵدىل ارەكەت ەتەدى. جاۋلارىمەن شايقاسقان كەزدەرى ول ەشقاشان «ٵدىلدى جاۋىزبەن بىرگە قۇرتىپ» جىبەرمەيدى (مۇس. 1-ج. 18:22—25). ٵدىل قۇداي ەحوبانىڭ اشۋى تەك كەلەلى سەبەپ بولعاندا عانا تۇتانادى. قازىر وسىنداي ەكى سەبەپكە توقتالامىز جانە ولاردان نە ۇيرەنەتىنىمىزدى كورەمىز.
6. ەسىمىنىڭ قورلانۋى ەحوباعا قالاي اسەر ەتەدى؟
6 1-سەبەپ: ەحوبانىڭ ەسىمى قورلانعاندا. ەحوبانىڭ وكىلىمىز دەي تۇرا زۇلىم ىستەرىمەن ونىڭ ابىرويىن تۇسىرەتىندەر ونىڭ ٵدىل اشۋىن تۋدىرادى (ەزەك. 36:23). وسى باسىلىمنىڭ الدىڭعى تاراۋلارىنان يسرايل حالقى ەحوبانىڭ ەسىمىن اياقاستى ەتىپ قورلاعانى جايلى بىلگەن ەدىك. حالىقتىڭ تانىتقان وي قالپى مەن جاساعان ارەكەتتەرى ەحوبانىڭ قاھارىن تۋعىزدى. ٴبىراق ول ەشقاشان اشۋدىڭ جەتەگىندە كەتپەدى. ول حالقىن تيىسىنشە، ياعني قاجەت مولشەردە عانا جازالادى (ەرم. 30:11). ەحوبانىڭ اشۋى ٶز ماقساتىنا جەتكەننەن كەيىن ونىڭ بويىندا ەشقانداي ىزا دا، كەك تە قالمادى (ٴزاب. 103:9).
7، 8. ەحوبانىڭ يسرايلدىكتەرگە قالاي قاراعانىنان نە ۇيرەنەمىز؟
7 ۇيرەنەرىمىز: ەحوبانىڭ يسرايلدىكتەرگە قالاي قاراعانى ٴبىز ٷشىن ەسكەرتۋ بولىپ تابىلادى. بۇل ەسكەرتۋگە جەڭىل-جەلپى قاراماعانىمىز دۇرىس. ەجەلگى يسرايل حالقى سياقتى ٴبىز دە ەحوبانىڭ ەسىمىن الىپ ٴجۇرۋ يشايا 43:10). ٴبىزدىڭ ايتقان سوزدەرىمىز بەن ارەكەتتەرىمىز وزگەلەردىڭ ەحوباعا دەگەن كوزقاراسىنا تىكەلەي اسەر ەتەدى. ٴبىز ەشقاشان ونىڭ ەسىمىنە كىر كەلتىرىپ، ادەيى جامان ىستەر جاساعىمىز كەلمەس ەدى! بۇلاي ەتەتىن ەكىجۇزدى ادام ەحوبانىڭ قاھارىن تۋعىزادى. ەحوبا ٶز ابىرويى ٷشىن ەرتەلى-كەش ارەكەت ەتەتىن بولادى (ەۆر. 3:13، 15؛ پەت. 2-ح. 2:1، 2).
مارتەبەسىنە يەمىز. ٴبىز ەحوبا كۋاگەرىمىز (8 ەحوبانىڭ «قاھارى وتتاي لاۋلايتىنى» ٴبىزدى ودان الشاقتاتۋ كەرەك پە؟ جوق، ارينە. ٴبىز ەحوبانىڭ شىدامدى دا كەشىرىمدى قۇداي ەكەنىن بىلەمىز (يشايا 55:7؛ ريم. 2:4). ٴبىراق ونىڭ شەكتەن تىس جۇمساق ەمەس، قاجەت كەزدە جونگە سالاتىن قۇداي ەكەنىن دە جاقسى بىلەمىز. ول كۇناكار جولىنان قايتپايتىندارعا قاھارىن توگەتىنى جانە ونداي ادامداردىڭ حالقىنىڭ اراسىندا جۇرە بەرۋىنە جول بەرمەيتىنى بويىمىزدا ورىندى قورقىنىش وياتادى (قور. 1-ح. 5:11—13). ەحوبا نە نارسە اشۋىن تۋعىزاتىنىن بىزگە اپ-ايقىن كورسەتكەن. سوندىقتان ٴبىز ونىڭ قاھارىنا ۇشىراتاتىن وي قالىپ پەن ٸس-ارەكەتتەن اۋلاق جۇرە الامىز (جوح. 3:36؛ ريم. 1:26—32؛ جاق. 4:8).
9، 10. ادال حالقىنا قاۋىپ تونگەندە، ەحوبا نە ىستەدى؟ مىسال كەلتىرىڭىز.
9 2-سەبەپ: ەحوبانىڭ ادال حالقىنا قاۋىپ تونگەندە. قاناتىنىڭ استىنان پانا ىزدەگەن ادال جاندارعا جاۋلارى شابۋىل جاساعان كەزدە، ەحوبانىڭ قاھارى ويانادى. مىسالى، يسرايلدىكتەر مىسىردان شىعىپ كەتكەندە، پەرعاۋىن مەن ونىڭ قۋاتتى قالىڭ اسكەرى قىزىل تەڭىزدىڭ الدىنا كەلىپ تىرەلگەن شاراسىز حالىققا تاپ بەرەمىز دەپ ويلاعان ەدى. حالىق قۇرعاعان تەڭىز تۇبىمەن ٶتىپ بارا جاتقاندا، مىسىرلىقتار ولاردىڭ سوڭدارىنان قۋا جونەلدى. سول كەزدە ەحوبا جاۋدىڭ سوعىس اربالارىنىڭ دوڭگەلەكتەرىن شىعارىپ تاستادى، ال وزدەرىن تەڭىز استىندا قالدىردى. «ولاردىڭ بىردە-ٴبىرى امان قالمادى» (مۇس. 2-ج. 14:25—28). ەحوبانىڭ مىسىرلىقتارعا قاھارىن توككەن سەبەبى — ول ٶزىنىڭ حالقىن «اينىماس سۇيىسپەنشىلىكپەن» ٴسۇيدى (مۇسانىڭ 2-جازباسى 15:9—13 وقىڭىز).
10 ەزەكيا پاتشانىڭ تۇسىندا دا ەحوبا حالقىن جاقسى كورگەندىكتەن ارەكەت ەتتى. سول زامانداعى اتى شۋلى اسكەر، قۋاتتى دا جاۋىز اسسيريالىقتار، يەرۋساليم قالاسىنا قارسى جورىققا شىقتى. جاۋ ەحوبانىڭ ادال قىزمەتشىلەرىن قورقىتىپ، ولار قورشاۋعا الىنعان قالادا ازاپتى دا باياۋ ولىممەن ولەتىندەرىن ايتىپ ٴبوستى (پات. 2-ج. 18:27). سول كەزدە ەحوبا ٴبىر عانا پەرىشتەسىن جىبەرىپ، ول ٴبىر-اق ٴتۇننىڭ ىشىندە جاۋدىڭ 185 000 ساربازىن ٶلتىرىپ تاستادى! (پات. 2-ج. 19:34، 35). ەرتەسىنە تاڭەرتەڭ اسسيريالىقتاردىڭ قوسىنداعى جاعدايدى ەلەستەتىپ كورىڭىزشى. نايزالار، قالقاندار مەن قىلىشتار جاتقان جەرىندە جاتىر. كەرنەي تارتىپ ساربازداردى ەشكىم وياتپادى. اسكەردى اتتاندىراتىن ەشقانداي بۇيرىق تا بەرىلمەدى. قوستىڭ ٸشى تىم-تىرىس. شاتىرلاردىڭ بارىندە ٶلى دەنەلەر جاتىر!
11. حالقىنا قاۋىپ تونگەندە ەحوبانىڭ قالاي ارەكەت ەتەتىنى جايلى كيەلى كىتاپتاعى مىسالدار نەگە بىزگە جۇبانىش پەن باتىلدىق بەرەدى؟
ەۆر. 10:31). ٴدال وسى مىسالدار بىزگە، كەرىسىنشە، جۇبانىش بەرىپ، باتىلدىق دارىتادى. ەڭ باستى جاۋىمىز شايتاننىڭ جەڭىسكە جەتپەيتىنىن ٴبىلۋ — نەتكەن جۇبانىش! وعان بيلىك ەتۋگە بەرىلگەن از ۋاقىت جاقىندا بىتەدى (ايان 12:12). سول ۋاقىت كەلگەنشە، ٴبىز ەحوباعا باتىلدىقپەن قىزمەت ەتە بەرەمىز. ويتكەنى ەشقانداي ادام دا، ەشقانداي ۇيىم مەن ۇكىمەت تە قۇدايدىڭ ەركىن ورىنداۋعا كەدەرگى بولا المايتىنىنا سەنىمدىمىز (ٴزابۇر 118:6—9 وقىڭىز). وسى سەنىمدىلىگىمىزدى ەلشى پاۋىل رۋحتىڭ جەتەلەۋىمەن ٴدال جەتكىزگەن: «قۇداي بىزگە جاق بولسا، كىم بىزگە قارسى شىعا الادى؟» (ريم. 8:31).
11 ۇيرەنەرىمىز: ادال حالقىنا قاۋىپ تونگەندە ەحوبانىڭ نە ىستەيتىنىن كورسەتەتىن بۇل مىسالدار ٴبىزدىڭ دۇشپاندارىمىزعا ەسكەرتۋ بولىپ تابىلادى: قاھارى لاۋلاعان «ٴتىرى قۇدايدىڭ قولىنا ٴتۇسىپ، جازالانۋ قانداي قورقىنىشتى!» (12. ەحوبا زور الاپاتتا قاھارىن نە ٷشىن وتتاي لاۋلاتادى؟
12 مىسىرلىقتار يسرايلدىكتەردى تۇزاققا ٴتۇسىرىپ، ال اسسيريالىقتار يەرۋساليمدەگى ياھۋديلەردى قورشاۋعا العاندا، ەحوبا ٶز حالقىن قالاي قورعاپ قالعان بولسا، ٴبىزدى دە زور الاپاتتا ٴدال سولاي قورعايدى. ول ٴبىزدى قاتتى زاك. 2:8، 9). سوندا جەر بەتىندە ەشقاشان بولىپ كورمەگەن قيان-كەسكى قانتوگىس ورىن الادى. ٴبىراق ەحوبا قاھارىنىڭ تيەگىن اعىتقان كەزدە، جاۋلارىنىڭ بۇعان تاڭعالاتىنداي كەلەلى سەبەپتەرى بولمايدى. نەگە؟
سۇيگەندىكتەن، كوزىمىزدى جويعىسى كەلەتىن جاۋلارىمىزعا قاھارىن وتتاي لاۋلاتادى. اقىماقتىقپەن بىزگە شابۋىلداۋعا ٴداتى باراتىندار ەحوبانىڭ كوزىنىڭ قاراشىعىنا تيگەندەي بولادى. سول كەزدە ەحوبا بىردەن ارەكەت ەتىپ، جويقىن سوققى بەرەدى! (ەحوبا ادامداردى نە جايىندا ەسكەرتۋدە؟
13. ەحوبا ادامداردى نە جايلى ەسكەرتكەن؟
13 «اشۋلانۋعا اسىقپايتىن» ەحوبا وعان قارسى شىعاتىنداردى جانە حالقىنا قاۋىپ توندىرەتىندەردى جوياتىنىن تالماي ەسكەرتىپ كەلەدى (مۇس. 2-ج. 34:6، 7). الدا بولاتىن ۇلى سوعىس جايىندا ول ەرەميا، ەزەكيەل، دانيال، يسا ٴماسىح سياقتى پايعامبارلار ارقىلى، سونداي-اق پەتىر، پاۋىل، جوحان سياقتى ەلشىلەر ارقىلى ەسكەرتكەن («ەحوبانىڭ الداعى ۇلى سوعىس جايىنداعى ەسكەرتۋلەرى» دەگەن قورشاۋدى قاراڭىز).
14، 15. ەحوبا قانداي ىستەر جاسادى جانە نەگە؟
ساف. 1:14؛ ٴزاب. 2:10—12؛ 110:3). سونداي-اق حالقى ەحوبانىڭ قوزعاۋ سالۋىمەن كيەلى كىتاپتى زەرتتەۋگە ارنالعان ادەبيەتتەردى جۇزدەگەن تىلگە اۋدارادى جانە جىل سايىن ميللياردتان اسا ساعاتتارىن ونىڭ ۋادەلەرى مەن ەسكەرتۋلەرى جايلى ايتۋعا جۇمسايدى.
14 ەحوبا بۇل ەسكەرتۋلەردى ٶزىنىڭ ٴسوزى كيەلى كىتاپتا جازىپ قالدىرعان. ول وسى كىتاپتىڭ وتە كوپ تىلگە اۋدارىلىپ، دۇنيەجۇزى بويىنشا كەڭ كولەمدە تارالۋىنا قام جاسادى. تاعى ەحوبا جەرجۇزى بويىنشا ەرىكتىلەردەن تۇراتىن قالىڭ قول جينادى. ولار ادامدارعا قۇدايمەن تاتۋلاسۋعا كومەكتەسەدى جانە «ەحوبانىڭ ۇلى كۇنى» جايلى ەسكەرتەدى (15 ەحوبانىڭ وسى ٸستىڭ ٴبارىن جاساپ جۇرگەن سەبەبى — «ول بىردە-ٴبىر ادامنىڭ جويىلماي، ٴبارىنىڭ وكىنگەنىن قالايدى» (پەت. 2-ح. 3:9). سۇيىسپەنشىلىگى مەن شىدامى مول وسىنداي قۇدايدىڭ وكىلى بولىپ، ونىڭ حابارىن تاراتۋعا كىشكەنە دە بولسا ٶز ۇلەسىمىزدى قوسۋ — نەتكەن مارتەبە! ٴبىراق جاقىندا مۇنداي ەسكەرتۋ ايتاتىن ۋاقىت بىتەدى. وعان قۇلاق قويماعاندارعا بۇدان باسقا مۇمكىندىك بەرىلمەيدى.
ەحوبانىڭ قاھارى قاشان «وتتاي لاۋلايدى»؟
16، 17. حالقىنا قاشان شابۋىل جاسالاتىنىن ەحوبا قايدان بىلەدى؟
16 ەحوبا شەشۋشى شايقاس بولاتىن كۇندى بەلگىلەپ قويعان. ويتكەنى جاۋلارى ونىڭ حالقىنا قاشان شابۋىل جاسايتىنىن ول ناقتى بىلەدى (مات. 24:36). ٴبىراق ول مۇنى قايدان بىلەدى؟
17 وسى باسىلىمنىڭ الدىڭعى تاراۋىندا ايتىلعانداي، ەحوبا گوگقا: «مەن سەنىڭ... جاق سۇيەگىڭە قارماق سالامىن»،— دەگەن. ەحوبا الداعى ۋاقىتتا حالىقتاردى اقىرعى شايقاسقا جەتەلەيتىن بولادى (ەزەك. 38:4). ٴبىراق بۇل سوعىستى ەحوبانىڭ ٶزى تۇتاندىرادى، يا بولماسا قارسىلاستارىن تاڭداۋ ەركىندىگىنەن ايىرىپ، ولاردى ماجبۇرلەيدى دەگەندى بىلدىرمەيدى. بۇل ەحوبا ادامداردىڭ جۇرەگىندە نە بارىن وقي الاتىنىن جانە ورايى كەلگەندە جاۋلارى قالاي ارەكەت ەتەتىنىن جاقسى بىلەتىنىن كورسەتەدى (ٴزاب. 94:11؛ يشايا 46:9، 10؛ ەرم. 17:10).
18. جۇمىر باستى پەندەلەر قالايشا قۇدىرەتتى قۇدايدىڭ وزىنە قارسى اتتانادى؟
18 ەگەر سوعىستى ەحوبا تۇتاندىرماسا، جاۋلارىن سوعىسۋعا ماجبۇرلەمەسە، وندا جۇمىر باستى پەندەلەردىڭ قۇدىرەتتى قۇدايدىڭ وزىنە قارسى اتتانۋىنا نە سەبەپ بولادى؟ سول ۋاقىتتا ولار قۇداي جوق دەگەنگە نەمەسە قۇداي ايان 17:16، 17).
ادامداردىڭ ىسىنە ارالاسپايدى دەگەنگە سەنۋى مۇمكىن. بۇعان جالعان دىندەردىڭ ٴبارىن جەر بەتىنەن جوق قىلا العاندارى سەبەپ بولار. ولار «قۇداي بار بولسا، ونىڭ وكىلىمىز دەپ جۇرگەن ٴدىني ۇيىمداردى قورعاپ قالار ەدى عوي» دەپ ويلايتىن شىعار. ٴبىراق ادامداردى ابدەن اداستىرىپ كەلگەن دىندەردى جويۋدى «جۇرەكتەرىنە سالعان» قۇدايدىڭ ٶزى ەكەنى ولاردىڭ ويلارىنا دا كىرىپ شىقپايدى (19. جالعان دىندەر جويىلعاننان كەيىن نە بولادى؟
19 جالعان دىندەر جويىلعاننان كەيىن بىرەر ۋاقىت وتكەن سوڭ، ەحوبا ٶزىنىڭ حالقىنا اۋىر حابار جاريالاۋدى تاپسىرادى. ايان كىتابىندا بۇل حاباردىڭ جاۋعان بۇرشاقتاي ەكەنى ٵرى ٵر بۇرشاقتىڭ «سالماعى 20 كيلوگرامداي» ەكەنى ايتىلعان (ايان 16:21). بۇل حابار ساياسي جۇيە مەن ساۋدا-ساتتىق جۇيەسىنىڭ قۇرىپ جوق بولاتىنى جايلى حابار بولسا كەرەك. ەستىگەندەرى ادامدارعا اۋىر تيەتىنى سونشا — ولار قۇدايدى قورلاي باستايدى. «ۇندەرىن ٴبىرجولاتا وشىرەمىز» دەپ حالىقتاردىڭ بىزگە جاپپاي شابۋىل جاساۋىنا ٴدال وسى حابار تۇرتكى بولاتىنعا ۇقسايدى. ٴبىز ولارعا قورعانسىز، لەزدە-اق قۇرتىپ جىبەرۋگە بولاتىن وڭاي ولجاداي كورىنەمىز. ٴبىراق بۇلارى ۇلكەن قاتەلىك بولادى!
ەحوبا قاھارىن قالاي لاۋلاتادى؟
20، 21. گوگ دەگەن كىم جانە ونىمەن نە بولادى؟
20 وسى باسىلىمنىڭ 17-تاراۋىنان كورگەنىمىزدەي، ەزەكيەلدىڭ پايعامبارلىعىندا ايتىلعان «ماگوگ جەرىندەگى گوگ» بىزگە شابۋىلدايتىن وداقتاسقان حالىقتاردى بىلدىرەدى (ەزەك. 38:2). بۇل حالىقتار تەك سىرت كوزگە عانا بىرلەسكەن وداق بولىپ كورىنەدى. ال ىشىندە باقتالاستىق، كوكىرەكتىك پەن ۇلتشىلدىق رۋحى باياعىداي قايناپ جاتادى. سوندىقتان ەحوباعا ولاردىڭ «سەمسەرلەرىن ٴبىر-بىرىنە قارسى قويۋ» تيتتەي دە قيىندىق تۋدىرمايدى (ەزەك. 38:21). الايدا حالىقتاردىڭ جويىلۋى ادامنىڭ قولىمەن بولمايدى.
21 جويىلار الدىندا جاۋلارىمىز «ادام ۇلىنىڭ بەلگىسىن» ٶز كوزدەرىمەن كورەدى. بۇل ەحوبا مەن يسانىڭ قۇدىرەتىن پاش ەتەتىن تابيعاتتان تىس قۇبىلىستار بولسا كەرەك (مات. 24:30). وسى كورگەندەرى دۇشپانداردىڭ ابدەن ەسىن شىعارادى. يسا الدىن الا ايتقانداي، «ادامدار جەر بەتىندە نە بولار ەكەن دەپ كۇتىپ، بويلارىن ۇرەي بيلەپ ەسەڭگىرەپ قالادى» (لۇقا 21:25—27). ولار ەحوبانىڭ حالقىنا شابۋىلداپ وڭباي قاتەلەسكەندەرىن تۇسىنگەندە، زارە-قۇتتارى قالمايدى. سوندا ولار جاراتۋشى قۇدايدى مويىنداۋعا ٴماجبۇر بولادى، ٵرى ول كوكتەگى قالىڭ اسكەرىن باستاعان «اسكەرباسى ەحوبا» ەكەنىن بىلەتىن بولادى (ٴزاب. 46:6—11؛ ەزەك. 38:23). كۇمان جوق، ەحوبا كوكتەگى اسكەرى مەن تابيعات كۇشتەرىن ادال قىزمەتشىلەرى امان قالىپ، ال جاۋلارى جويىلاتىنداي ەتىپ قولدانادى (پەتىردىڭ 2-حاتى 2:9 وقىڭىز).
22، 23. قۇداي حالقىن كىمدەر قورعايدى جانە بۇل تاپسىرما ولاردى قانداي سەزىمگە بولەيدى؟
ەحوبانىڭ كۇنى جايلى بىلگەنىمىز ٴبىزدى نە ىستەۋگە تالپىندىرادى؟
22 يسا قۇدايدىڭ جاۋلارىمەن شايقاسۋعا جانە ونىڭ اكەسىن جاقسى كورەتىن ٵرى وعان قىزمەت ەتەتىن ادامداردى قورعاۋعا قانشالىقتى اسىق دەسەڭىزشى! ايان 17:12—14). مايلانعانداردىڭ كوبىسى سوڭعى كۇندەردە باسقا قويلارمەن يىق تىرەسە قىزمەت ەتىپ، ولارمەن جاقىن دوس بولىپ كەتكەندەرى ٴسوزسىز. قيىن شاقتارىندا ادالدىقپەن قولداۋ كورسەتكەن جانداردى ارماگەددون شايقاسىندا قورعاۋعا ولاردىڭ بيلىگى دە، كۇشى دە جەتەتىن بولادى (مات. 25:31—40).
ال مايلانعانداردىڭ سول ۋاقىتتا قانداي سەزىمدە بولاتىنىن ويلاپ كورىڭىزشى. 144 000 مايلانعاننىڭ ٴبارى يسامەن بىرگە شايقاسقا اتتاناتىن بولادى. بۇل ٷشىن جەردە قالعان مايلانعاندار ارماگەددون باستالار الدىندا قايتىس بولىپ، كوككە تىرىلەدى (23 يسانىڭ كوكتەگى اسكەرىنىڭ قۇرامىندا پەرىشتەلەر دە بولادى (سال. 2-ح. 1:7؛ ايان 19:14). ولار بۇعان دەيىن دە يساعا شايتان مەن ونىڭ جىن-پەرىلەرىن كوكتەن قۋىپ شىعۋعا كومەكتەسكەن ەدى (ايان 12:7—9). ولار جەر بەتىندە ەحوباعا عيبادات ەتكىسى كەلەتىندەردى جيناۋعا دا اتسالىسقان (ايان 14:6، 7). پەرىشتەلەر وسى ادال جانداردى قورعاۋعا قانشالىقتى اسىق دەسەڭىزشى! وسى ورايدا ەحوبانىڭ سول پەرىشتەلەردى قولداناتىنى قانداي تاماشا! سويتسە دە كوكتەگى اسكەردىڭ قۇرامىنداعىلاردىڭ ٴبارى ٷشىن ەڭ ماڭىزدىسى — ەحوبانىڭ ەسىمىنىڭ كيەلى تۇتىلۋى مەن اقتالۋى. ەحوبانىڭ جاۋلارىن جويۋعا جانە ونىڭ اتىن كيەلى ەتۋگە اتسالىسۋدى ولار زور مارتەبە سانايدى (مات. 6:9، 10).
24. باسقا قويلاردان تۇراتىن ۇلى جاماعات قالاي ارەكەت ەتەدى؟
24 قۇدىرەتى دە جەتەتىن، ىنتاسى دا زور قالىڭ اسكەر قورعاپ تۇرعاندا، ۇلى جاماعاتتىڭ قورقۋىنا ەش سەبەپ جوق. «قۇتقارىلۋلارى جاقىن» بولعاندىقتان، ولار «ەڭسەلەرىن تۇزەپ، باستارىن كوتەرىپ» تۇراتىن بولادى (لۇقا 21:28). ەندەشە، ەحوبانىڭ كۇنى كەلگەنشە، مۇمكىندىگىنشە كوپ ادامعا ٴسۇيۋشى دە مەيىرىمدى، قورعاۋعا دايىن اكەمىز جايلى بىلۋگە كومەكتەسكەنىمىز قانشالىقتى ماڭىزدى دەسەڭىزشى! (سافونيا 2:2، 3 وقىڭىز).
25. كەلەسى تاراۋدا نە قاراستىرامىز؟
25 ادامدار جۇرگىزگەن سوعىستىڭ ارتى تەك بەيبەرەكەتتىك پەن ازاپقا اكەپ سوقتىرادى. ال ارماگەددون شايقاسىنان كەيىن، كەرىسىنشە، جەر بەتىندە ٴتارتىپ ورناپ، ادامدار باقىتقا بولەنەدى. ەحوبانىڭ اشۋى تارقاپ، ساربازدارى سەمسەرلەرىن قىنابىنا سالىپ، شايقاستىڭ شۋى سايابىرسىعاندا نە بولاتىنىن ەلەستەتىپ كورىڭىزشى! وسى ٴبىر عاجايىپ بولاشاق جايلى ٴبىز كەلەسى تاراۋدا قاراستىراتىن بولامىز.