11-تاراۋ
«سەنى... كۇزەتشى ەتىپ تاعايىندادىم»
ويباعدار: ەحوبانىڭ كۇزەتشى تاعايىنداۋى جانە ونىڭ مىندەتىن ٴتۇسىندىرۋى
1. ەحوبانىڭ كۇزەتشى ەتىپ تاعايىنداعان پايعامبارلارى نە ىستەدى جانە ارتىنان قانداي جاعداي ورىن الدى؟
يەرۋساليمنىڭ قابىرعاسىنىڭ ۇستىندە تۇرعان كۇزەتشى ۇياسىنا باتىپ بارا جاتقان كۇننەن قولىمەن كوزىن قالقالاپ، الىسقا قاراپ تۇر. ٴبىر كەزدە ول جالما-جان قولىنا كەرنەيىن الدى دا، قوس وكپەسىن اۋاعا تولتىرىپ، دابىل قاعا باستادى. ويتكەنى قالاعا بابىل اسكەرى ٴتونىپ كەلە جاتتى! كۇزەتشى كەرنەيىن قانشا اڭىراتا تارتپاسىن، حالىقتىڭ قانداي دا ٴبىر شارا قولدانۋىنا تىم كەش ەدى. ەحوبانىڭ تاعايىنداعان كۇزەتشىلەرى، ياعني پايعامبارلارى وسى كۇننىڭ كەلەتىنىن ونداعان جىل بويى تالماي ەسكەرتىپ كەلگەن ەدى. ٴبىراق قالا تۇرعىندارى ولاردى مۇلدەم ەلەمەدى. ال ەندى، مىنە، يەرۋساليم جاۋدىڭ قورشاۋىندا قالدى. بابىلدىقتار قالانى كوپ اي قورشاۋدا ۇستاعان سوڭ، قابىرعانى بۇزىپ كىرىپ، عيباداتحانانىڭ كۇل-تالقانىن شىعاردى. ال سەنىمنەن جۇرداي تۇرعىندارىنىڭ كەيبىرىن قىرىپ تاستاپ، كەيبىرىن تۇتقىنعا اكەتتى.
2، 3. ا) جەر شارىنىڭ تۇرعىندارىن نە كۇتىپ تۇر جانە قازىر ولاردا قانداي مۇمكىندىك بار؟ ٵ) ٴبىز قانداي سۇراقتاردى قاراستىرامىز؟
2 ٴبىزدىڭ كۇندەرىمىزگە كەلسەك، ەحوبانىڭ كوكتەگى اسكەرى جۋىردا بۇكىل جەر شارىنىڭ سەنىمنەن جۇرداي تۇرعىندارىنا لاپ قويادى (ايان 17:12—14). بۇل سوعىس ادامزات تاريحىندا بۇرىن-سوڭدى بولماعان زور الاپاتتىڭ شارىقتاۋ شەگى بولماق (مات. 24:21). الايدا، ٴبىر قۋانىشتىسى، ەحوبا تاعايىنداعان كۇزەتشىلەردىڭ ەسكەرتۋىنە قۇلاق اسۋعا ٵلى دە مۇمكىندىك بار.
3 ەحوبانىڭ كۇزەتشىلەر تاعايىنداۋىنا قوزعاۋ بولعان نە؟ ولار قانداي حاباردى جاريالاعان؟ كۇزەتشىلەردىڭ مىندەتىن كىمدەر اتقارىپ كەلگەن جانە بۇل رەتتە ٴبىزدىڭ قوسار ۇلەسىمىز قانداي؟ قازىر وسى سۇراقتاردى قاراستىرىپ شىعايىق.
«ولارعا ەسكەرتۋىمدى جەتكىزۋگە ٴتيىسسىڭ»
4. ەحوبا كۇزەتشىلەردى نە ٷشىن تاعايىنداعان؟ (تاراۋدىڭ باسىنداعى سۋرەتتى قاراڭىز.)
4 ەزەكيەل 33:7 وقىڭىز. ەجەلدە كۇزەتشىلەر قالا قابىرعاسىنىڭ ۇستىندە تۇرىپ، تۇرعىنداردىڭ قاۋىپسىزدىگىن كۇزەتكەن. وسىنداي شارانىڭ بولعانى قالا بيلەۋشىسى ٶز حالقىنىڭ اماندىعىن ويلايتىنىن كورسەتكەن. ارينە، كەرنەيدىڭ اڭىراعان داۋسى شىرت ۇيقىدا جاتقان جۇرتتى شوشىتۋى مۇمكىن ەدى، ٴبىراق وسى دابىلدىڭ ارقاسىندا ولار جاندارىن ساقتاپ قالا العان. تۋرا سول سياقتى، ەحوبانىڭ كۇزەتشىلەر تاعايىنداعان سەبەبى — ول يسرايلدىكتەردى ۇكىم حابارىمەن قورقىتقىسى كەلگەن جوق، كەرىسىنشە، ولاردىڭ قامىن ويلاپ، امان ساقتاپ قالعىسى كەلگەن.
5، 6. ەحوبانىڭ ادىلدىگىن كورسەتەتىن ٴبىرىنشى جايت قانداي؟
5 ەزەكيەلدى كۇزەتشى ەتىپ تاعايىنداعان كەزدە، ەحوبانىڭ بولمىسى اشىلا ٴتۇستى. قازىر ونىڭ جانىمىزدى جايلاندىراتىن ەكى قاسيەتىنە نازار اۋدارايىق.
6 ادىلدىك. ەحوبا ەشكىمدى الالاماي، اربىرىمىزگە دارا تۇلعا دەپ قارايدى. وسىدان ونىڭ ادىلدىگى انىق كورىنەدى. مىسالى، ەزەكيەلدىڭ حابارىن حالىقتىڭ كوپشىلىگى ەلەمەسە دە، ەحوبا يسرايلدىكتەردىڭ بارىنە بىردەي بۇلىكشىلەر دەپ قارامادى. ول ٵربىر جەكە ادامنىڭ حاباردى قالاي قابىلدايتىنىن كورگىسى كەلدى. ەزەكيەلگە ايتقان حابارىندا ەحوبا «زۇلىم ادام» جانە «ٵدىل ادام» دەگەن جەكەشە تۇردەگى سوزدەردى قايتا-قايتا قولدانعان. وسىدان ەحوبانىڭ ٵربىر ادامدى حابارعا قالاي قۇلاق اساتىنىنا قاراي سوتتايتىنىن كورەمىز (ەزەك. 33:8، 18—20).
7. ادامداردى سوتتاعان كەزدە ەحوبا نەنى ەسكەرەدى؟
7 ەحوبانىڭ ادىلدىگى ادامداردى قالاي سوتتايتىنىنان دا بايقالادى. ٵر ادام ٶزىنىڭ بۇرىنعى ىستەرى ٷشىن ەمەس، ەسكەرتۋلەرگە قازىر قالاي قۇلاق اسىپ جاتقانى ٷشىن جاۋاپ بەرەدى. ەحوبا ەزەكيەلگە: «ەگەر زۇلىم ادامعا «سەن ولەسىڭ!» دەسەم، ٴبىراق ول كۇنا جاساۋىن قويىپ، زاڭدى دا ٵدىل ارەكەت ەتە باستاسا... ول ولمەيدى، ٶمىر سۇرە بەرەدى»،— دەگەن. وسى سوزدەرىنەن كەيىن ەحوبا: «ونىڭ كۇنالارىنىڭ ەشقايسىسى ەسكە الىنبايدى»،— دەپ ماڭىزدى جايتقا نازار اۋداردى (ەزەك. 33:14—16). ال ادىلدىك جولىمەن ٴجۇرىپ كەلگەن ادام بولسا بۇرىننان مويىنسۇنعىش بولىپ كەلە جاتقانى قازىرگى كۇناسىن جۋىپ-شايادى دەپ ويلاماۋ كەرەك. ويتكەنى ەحوبا: «ەگەر مەن ٵدىل ادامعا «سەن ٶمىر سۇرەسىڭ!» دەسەم، ٴبىراق ول ادىلدىگىنە سەنىپ، جاماندىق جاساسا، ونىڭ ٵدىل ىستەرىنىڭ ەشقايسىسى ەسكە الىنبايدى، ول جاساعان جاماندىعى ٷشىن ولەدى»،— دەگەن (ەزەك. 33:13).
8. پايعامبارلاردىڭ ەسكەرتۋلەرىنەن ەحوبانىڭ ادىلدىگى جايلى نە بىلەمىز؟
ەرم. 6:17). سوندىقتان بابىلدىقتار ەحوبانىڭ ۇكىمىن جۇزەگە اسىرعاندا قازا بولعان ادامداردىڭ قانى ەحوبانىڭ دا، ونىڭ كۇزەتشىلەرىنىڭ دە موينىندا كەتكەن جوق.
8 ەحوبانىڭ ادىلدىگىنىڭ تاعى ٴبىر كورىنىسى — ول ۇكىمىن ىسكە اسىرماس بۇرىن الدىن الا ەسكەرتەدى. مىسالى، ەزەكيەل بابىلدىقتار يەرۋساليمدى جويماي تۇرىپ، التى جىلداي ۋاقىت بويى پايعامبارلىق ەتكەن. ٴبىراق قۇدايدىڭ حالقىن ەسكەرتكەن ٴبىرىنشى ادام ەزەكيەل ەمەس ەدى. وعان دەيىن دە ەحوبا يەرۋساليمنىڭ جويىلاتىنىن ەسكەرتۋ ٷشىن، وشيا، يشايا، ميحا، ودەد، ەرەميا پايعامبارلارىن جىبەرىپ، ولارعا كۇزەتشى مىندەتىن اتقارۋدى تاپسىرعان. ەحوبا يسرايلدىكتەرگە ەرەميا ارقىلى: «مەن كۇزەتشىلەر تاعايىندادىم، ولار: — ٴمۇيىز كەرنەيدىڭ داۋسىنا قۇلاق سالىڭدار!— دەپ جار سالدى»،— دەگەن (9. ەحوبا اينىماس سۇيىسپەنشىلىگىن قالاي تانىتتى؟
9 سۇيىسپەنشىلىك. ەحوبا كۇزەتشىلەرىن ادىلدەردى عانا ەمەس، زۇلىمداردى دا — ونىڭ جۇرەگىن اۋىرتىپ، اتىنا كىر كەلتىرگەندەردى دە — ەسكەرتۋ ٷشىن جىبەرگەن. وسىلاي ولارعا اينىماس سۇيىسپەنشىلىك تانىتقان. ويلاپ كورىڭىزشى، يسرايلدىكتەر ەحوبانىڭ ەسىمىن الىپ جۇرگەن حالىق بولاتىن. ٴبىراق ولار ەحوبادان قايتا-قايتا تەرىس اينالىپ، جالعان قۇدايلاردىڭ جەتەگىندە كەتتى! ەحوبا وپاسىز حالقىن كۇيەۋىنىڭ كوزىنە ٴشوپ سالعان ايەلگە تەڭەپ، جۇرەگىنىڭ قانشالىقتى سىزداعانىن كورسەتتى (ەزەك. 16:32). سويتسە دە ول حالقىنان بىردەن باس تارتىپ كەتپەدى. ەحوبا كەك الۋدى كوزدەپ، حالقىن ولىمگە كەسۋگە اسىقپادى، قايتا، تاتۋلاسۋدىڭ جولىن ىزدەدى. نەلىكتەن؟ ول ەزەكيەلگە: «مەن زۇلىم ادامنىڭ ولگەنىنە قۋانبايمىن، قايتا، تەرىس جولدان قايتىپ، ٶمىر سۇرگەنىنە قۋانامىن»،— دەگەن (ەزەك. 33:11). ەحوبا ٵلى دە وزگەرگەن جوق. ول بۇرىن قانداي بولعان بولسا، بۇگىندە دە ٴدال سونداي (مالح. 3:6).
10، 11. ەحوبانىڭ ٶز حالقىنا قالاي قاراعانىنان نە ۇيرەنەمىز؟
10 ەحوبانىڭ يسرايلدىكتەرگە ادىلدىكپەن، سۇيىسپەنشىلىكپەن قاراعانىنان نە ۇيرەنەمىز؟ بىرىنشىدەن، ٴبىز ۋاعىز قىزمەتىندە كەزدەستىرەتىن ادامداردى جالپى ٴبىر توپ ادام دەپ ەمەس، ٵرقايسىسىن دارا تۇلعا دەپ قاراستىرعانىمىز ٴجون. بىرەۋدىڭ بۇرىنعى جامان ىستەرىنە، ۇلتى مەن رۋىنا، تىلىنە، الەۋمەتتىك جاعدايىنا قاراپ، ول ادام ىزگى حاباردى ەستۋگە لايىق ەمەس دەپ ويلاساق، بۇل ۇلكەن قاتەلىك بولار ەدى! ەلشى پەتىر ەحوبانىڭ كومەگىمەن ٴبىزدىڭ كۇنىمىزگە دەيىن ماڭىزىن جوعالتپاعان ٴبىر جايتتى جاقسى تۇسىنگەن. ول: «قۇداي ەشكىمدى الالامايتىنىن ەندى شىنىمەن ٴبىلىپ الدىم. ول وزىنەن قورقاتىن جانە ٵدىل ارەكەت ەتەتىن ٵربىر ادامدى، قاي ۇلتتان شىقسا دا، قابىل الادى»،— دەگەن (ەل. ٸس. 10:34، 35).
11 ەكىنشىدەن، ٶزىمىزدىڭ دە وتە ساق بولعانىمىز ابزال. بۇرىن جاسالعان ٵدىل ىستەر قازىرگى كۇنانى جۋىپ-شايا المايدى. مىنانى ەستەن شىعارمايىق: ۋاعىزدا كەزىگەتىن ادامداردىكىندەي كۇناكار بەيىمدىلىكتەر وزىمىزدە دە بار. ەلشى پاۋىل قورىنتتاعى قاۋىمعا: «كىم نىق تۇرمىن دەپ ويلاسا، قۇلاپ قالۋدان ساق بولسىن! سەندەر كەزىگىپ جۇرگەن ازعىرۋلار وزگەلەردىكىنەن ەرەكشە ەمەس»،— دەپ كەڭەس بەرگەن (قور. 1-ح. 10:12، 13). بۇل سوزدەرگە ٴبىزدىڭ دە دەن قويعانىمىز ٴجون. دۇرىس ەمەس نارسە ىستەسەم ەشتەڭە بولمايدى، ويتكەنى جاقسى ىستەر دە جاساپ ٴجۇرمىن عوي دەپ، ٶز «ادىلدىگىمىزگە سەنىپ» كەتۋدەن اۋلاق بولايىق (ەزەك. 33:13). ەحوباعا قانشالىقتى ۇزاق قىزمەت ەتپەيىك، ٵرقاشان كىشىپەيىل دە مويىنسۇنعىش بولىپ قالا بەرگەنىمىز وتە ماڭىزدى.
12. بۇرىن اۋىر كۇنالار جاساعان بولساق، نەنى ەستە ۇستاعانىمىز ابزال؟
12 ال بۇرىن جاساعان اۋىر كۇنالارىمىز ٷشىن ار-ۇجدانىمىز ٵلى كۇنگە دەيىن مازا بەرمەسە شە؟ ەزەكيەل ايتقان حاباردان ەحوبا كۇناسىنا ەش وكىنبەيتىن ادامداردى جازالايتىنىن بىلدىك. بۇعان قوسا، ونىڭ ٴبىرىنشى كەزەكتە جازالاۋشى ەمەس، ٴسۇيۋشى قۇداي ەكەنىن دە بىلدىك (جوح. 1-ح. 4:8). شىن وكىنەتىنىمىزدى ٸس-ارەكەتىمىزبەن كورسەتىپ جۇرسەك، قۇدايدىڭ كەشىرىمىنە لايىق ەمەسپىن دەپ ويلاۋعا ەش نەگىز جوق (جاق. 5:14، 15). ەحوبا ەجەلدە يسرايلدىكتەردىڭ وپاسىزدىعىن كەشىرۋگە دايىن بولعانداي، ٴبىزدى دە كەشىرۋگە دايىن (ٴزاب. 86:5).
«حالقىڭنىڭ ۇلدارىنا مىنا حابارىمدى جەتكىز»
13، 14. ا) كۇزەتشىلەر قانداي ەكى ٴتۇرلى حابار ايتقان؟ ٵ) يشايا قانداي حابار جاريالاعان؟
13 ەزەكيەل 33:2، 3 وقىڭىز. ەحوبانىڭ كۇزەتشىلەرى قانداي حابار جاريالاعان؟ ولاردىڭ مىندەتىنە كوبىنە ەسكەرتۋلەر ايتۋ كىرگەن. دەگەنمەن كۇزەتشىلەر جاقسى حابار دا جاريالاعان. قازىر مۇنىڭ بىرەر مىسالىن كورەيىك.
14 شامامەن ب.ز.ب. 778—732-جىلدار ارالىعىندا قىزمەت ەتكەن يشايا پايعامبار بابىلدىقتار يەرۋساليمدى باسىپ الىپ، حالقىن جەر اۋدارتىپ جىبەرەتىنىن ەسكەرتكەن (يشايا 39:5—7). ٴبىراق ول رۋحتىڭ جەتەلەۋىمەن بىلاي دەپ تە جازعان: «تىڭداشى! كۇزەتشىلەرىڭ ايعايلاپ جاتىر، ٴبىر كىسىدەي قۋانا داۋىستاپ جاتىر. ولار سيون حالقىن ەحوبانىڭ قايتا جيناعانىن انىق كورەدى» (يشايا 52:8). يشايا وسىلاي ەڭ تاماشا حاباردى — شىنايى عيباداتتىڭ قالپىنا كەلەتىنىن جاريالاعان!
15. ەرەميا قانداي حابار ايتقان؟
15 ب.ز.ب. 647—580-جىلدارى قىزمەت ەتكەن ەرەميا پايعامباردى كەيبىرەۋلەر ادىلەتسىز تۇردە «اپات شاقىرۋشى» دەپ اتاپ جاتادى. راس، ول ەحوبانىڭ زۇلىم يسرايلدىكتەرگە اپاتتار توندىرگەلى جاتقانىن تالماي ەسكەرتكەن *. الايدا ەرەميا جاقسى حابار دا ايتقان. ول قۇداي حالقىنىڭ ٶز ەلدەرىنە ورالاتىنىن جانە وندا تازا عيبادات قالپىنا كەلەتىنىن پايعامبارلىق ەتكەن (ەرم. 29:10—14؛ 33:10، 11).
16. ەزەكيەلدىڭ حابارى بابىلداعى تۇتقىندارعا قانداي يگىلىك اكەلدى؟
16 ەزەكيەل كۇزەتشى بولىپ ب.ز.ب. 613-جىلى تاعايىندالدى. ول وسى قىزمەتىن شامامەن ب.ز.ب. 591-جىلعا دەيىن ادال اتقاردى. قولىمىزداعى كىتاپتىڭ 5، 6-تاراۋلارىنان بىلگەنىمىزدەي، ەزەكيەل يسرايل حالقىنا اپات تونگەلى تۇرعانىن جان سالا جاريالاعان. وسىلايشا جويىلاتىنداردىڭ ەشقايسىسىنىڭ قانى ونىڭ موينىندا كەتكەن جوق. ٴبىراق ەزەكيەل جەر اۋدارىلعان ياھۋديلەرگە ەحوبانىڭ يەرۋساليمدەگى جولدانتايۋشىلاردى جازالايتىنىن ەسكەرتىپ قانا قويمادى. ول بابىلدا جۇرگەن حالىققا ەحوبامەن اراقاتىناستارىن نىعايتۋعا كومەكتەسىپ، ولاردى الدا كۇتىپ تۇرعان ۇلكەن ىسكە دە دايىندادى. 70 جىلدىق تۇتقىندىقتان كەيىن ەحوبا تامتىقتى قالپىنا كەلگەن يسرايل جەرىنە اكەلمەك ەدى (ەزەك. 36:7—11). ولاردىڭ باسىم بولىگى ەزەكيەلگە قۇلاق قويعان ياھۋديلەردىڭ بالالارى مەن نەمەرەلەرى بولماق-تىن. وسى باسىلىمنىڭ 3-ٴبولىمىنىڭ باسقا دا تاراۋلارىندا ەزەكيەلدىڭ ايتقان كوپتەگەن ىزگى حابارى ايتىلادى. بۇل حابارلار يەرۋساليمدە تازا عيباداتتىڭ قالپىنا كەلەتىنىن شەگەلەي تۇسەدى.
17. ەحوبا كۇزەتشىلەردى قاي كەزدەرى تاعايىنداپ وتىرعان؟
17 ب.ز.ب. 607-جىلدىڭ، ياعني يەرۋساليم قيراعان جىلدىڭ تۇسىندا قىزمەت ەتكەن وسى پايعامبارلار عانا كۇزەتشىنىڭ مىندەتىن اتقارعان با؟ جوق. نيەتى جۇزەگە اساتىن ەلەۋلى وقيعا بولار الدىندا، ەحوبا ۇنەمى كۇزەتشىلەر تاعايىنداپ، ولارعا زۇلىمداردى ەسكەرتۋدى دە، جاقسى حابار ايتۋدى دا تاپسىرىپ وتىرعان.
ٴبىرىنشى عاسىرداعى كۇزەتشىلەر
18. شومىلدىرۋ ٴراسىمىن جاساۋشى جاقيا قانداي قىزمەت اتقاردى؟
18 ب.ز. I عاسىرىندا كۇزەتشى مىندەتىن شومىلدىرۋ ٴراسىمىن جاساۋشى جاقيا اتقاردى. ول يسرايل ۇيىنە قۇداي جاقىندا ولاردان باس تارتاتىنىن ەسكەرتتى (مات. 3:1، 2، 9—11). الايدا ونىڭ قىزمەتى مۇنىمەن شەكتەلمەدى. يسا جاقيانىڭ، پايعامبارلىقتا ايتىلعانداي، ماسىحكە جول دايىندايتىن «حابارشى» ەكەنىن ايتقان (مالح. 3:1؛ مات. 11:7—10). جاقيانىڭ قىزمەتىنە ىزگى حاباردى، ياعني «قۇدايدىڭ توقتىسى» يسا كەلگەنىن ٵرى ول «دۇنيەنى كۇنادان ارىلتاتىنىن» جاريالاۋ دا كىردى (جوح. 1:29، 30).
19، 20. يسا مەن ونىڭ شاكىرتتەرى قالايشا كۇزەتشىلەر مىندەتىن اتقاردى؟
19 الايدا كۇزەتشىلەردىڭ ىشىندەگى ەڭ ۇلىسى يسا بولعان. ول دا ەزەكيەل سياقتى «يسرايل ۇيىنە» جىبەرىلدى (ەزەك. 3:17؛ مات. 15:24). يسا ەحوبانىڭ جاقىندا «يسرايل ۇيىنەن» باس تارتاتىنىن جانە يەرۋساليمنىڭ جويىلاتىنىن ەسكەرتتى (مات. 23:37، 38؛ 24:1، 2؛ لۇقا 21:20—24). ٴبىراق ونىڭ نەگىزگى قىزمەتى ىزگى حابار جاريالاۋ ەدى (لۇقا 4:17—21).
20 جەردە جۇرگەن كەزىندە يسا شاكىرتتەرىنە كۇزەتشىنىڭ مىندەتىن جۇكتەپ، ولارعا: «سەرگەك بولىڭدار!»— دەدى (مات. 24:42). ولار يسانىڭ وسى بۇيرىعىنا مويىنسۇنىپ، ەحوبا «يسرايل ۇيىنەن» جانە جەردەگى يەرۋساليم قالاسىنان باس تارتقانىن ايتىپ ٴجۇردى (ريم. 9:6—8؛ عال. 4:25، 26). وزدەرىنە دەيىنگى كۇزەتشىلەر سياقتى، يسانىڭ شاكىرتتەرى دە ىزگى حابار جاريالادى. ولاردىڭ حابارى مىنا ٴبىر وتە ەرەكشە جايتتى قامتىدى: رۋحپەن مايلانعان قۇدايدىڭ يسرايلىنە ەندى وزگە ۇلت ادامدارى دا قوسىلىپ، ماسىحپەن بىرگە جەردە تازا عيباداتتى قالپىنا كەلتىرمەك ەدى (ەل. ٸس. 15:14؛ عال. 6:15، 16؛ ايان 5:9، 10).
21. پاۋىل قانداي ۇلگى قالدىرعان؟
21 ٴبىرىنشى عاسىرداعى كۇزەتشىلەردىڭ ىشىندە ەلشى پاۋىل ەرەكشە ۇلگى قالدىرعان. ول ٶز مىندەتىنە اسقان جاۋاپكەرشىلىكپەن قاراعان. ادامداردىڭ قانى موينىندا كەتپەس ٷشىن، ول دا ەزەكيەل سياقتى مىندەتىن تىڭعىلىقتى اتقارۋ كەرەكتىگىن تۇسىنگەن (ەل. ٸس. 20:26، 27). پاۋىل وزگە كۇزەتشىلەر سەكىلدى، ادامدارعا ەسكەرتۋ ايتىپ قانا قويماي، ولارعا ىزگى حاباردى دا جەتكىزگەن (ەل. ٸس. 15:35؛ ريم. 1:1—4). كيەلى رۋحتىڭ جەتەلەۋىمەن ول يشايانىڭ: «تاۋ اسىپ ىزگى حابار اكەلە جاتقان جاريالاۋشى قانداي كەرەمەت!»— دەگەن پايعامبارلىعىن كەلتىرىپ، مۇنى قۇداي پاتشالىعىن ۋاعىزداپ جۇرگەن ٴماسىحتىڭ ٸزباسارلارىنا قاتىستىرعان (يشايا 52:7، 8؛ ريم. 10:13—15).
22. ەلشىلەردىڭ ولىمىنەن كەيىن نە بولدى؟
22 الدىن الا ايتىلىپ كەتكەندەي، ەلشىلەردىڭ ولىمىنەن كەيىن ماسىحشىلەر قاۋىمىندا جولدانتايۋشىلىق بەلەڭ الدى (ەل. ٸس. 20:29، 30؛ سال. 2-ح. 2:3—8). بيداي مەن ارامشوپ قاتار وسكەن ۇزاق ۋاقىت ارالىعىندا جالعان ماسىحشىلەردىڭ سانى يسانىڭ ادال ٸزباسارلارىنىڭ سانىنان الدەقايدا باسىم بولىپ كەتتى. جالعان ىلىمدەر بولسا قۇداي پاتشالىعى جايلى ىزگى حاباردى تۇمشالاپ تاستادى (مات. 13:36—43). الايدا ەحوبانىڭ ادامزاتتىڭ ىسىنە ارالاساتىن ۋاقىتى كەلگەندە، ول قايتادان كۇزەتشىلەر تاعايىنداپ، سۇيىسپەنشىلىگى مەن ادىلدىگىن تاعى ٴبىر رەت پاش ەتتى. بۇل كۇزەتشىلەر دە ەسكەرتۋمەن قاتار ىزگى حابار ايتتى. ولار كىمدەر؟
ەحوبا قايتادان كۇزەتشىلەر تاعايىندادى
23. چارلز تەيز راسسەلل مەن ونىڭ سەرىكتەستەرى قانداي مىندەت اتقاردى؟
23 1914-جىلعا تاياۋ جىلدارى چارلز تەيز راسسەلل مەن ونىڭ سەرىكتەستەرى «حابارشى» مىندەتىن اتقاردى. ولار ٴماسىح پاتشالىعىنىڭ الدىندا «جول * (مالح. 3:1). سونىمەن قاتار بۇل توپ كۇزەتشى مىندەتىن دە اتقاردى. ولار «سيون كۇزەت مۇناراسى» جۋرنالىن قولدانىپ، ادامداردى قۇدايدىڭ ۇكىمى جايلى ەسكەرتتى جانە قۇداي پاتشالىعى جايلى ىزگى حاباردى جاريالادى.
دايىندادى»24. ا) قالاي ادال دا اقىلدى قۇل كۇزەتشى مىندەتىن اتقارىپ كەلەدى؟ ٵ) بۇرىنعى كۇزەتشىلەردىڭ ۇلگىسىنەن نە ۇيرەندىڭىز؟ («ۇلگى بولعان كۇزەتشىلەر» دەگەن قورشاۋدى قاراڭىز.)
24 قۇداي پاتشالىعى ورناعاننان كەيىن، يسا شاعىن توپتى قۇراعان ەر ادامداردى ادال دا اقىلدى قۇل ەتىپ تاعايىندادى (مات. 24:45—47). سودان بەرى وسى ادال قۇل، ياعني قازىرگى باسقارۋشى كەڭەس، كۇزەتشى مىندەتىن اتقارىپ كەلەدى. ولار «قۇدايدىڭ كەك الاتىن كۇنى» جايلى ەسكەرتىپ قانا قويماي، «ەحوبانىڭ ىقىلاس تۇسىرەتىن جىلى» تۋرالى دا جاريالاپ ٴجۇر (يشايا 61:2؛ قورىنتتىقتارعا 2-حات 6:1، 2 ٴنى دە قاراڭىز).
25، 26. ا) يسا ٸزباسارلارىنا نەنى بۇيىرعان جانە ولار مۇنى قالاي ورىنداپ ٴجۇر؟ ٵ) كەلەسى تاراۋدا نە قاراستىرىلادى؟
25 بۇگىندە كۇزەتشى مىندەتىن اتقارىپ جۇرگەن ادال دا اقىلدى قۇل وتە «سەرگەك». الايدا يسا ٸزباسارلارىنىڭ «بارىنە» سەرگەك بولۋدى بۇيىرعان (مارقا 13:33—37). ٴبىز رۋحاني سەرگەكتىك ساقتاپ، بۇگىندەگى كۇزەتشىنى ادالدىقپەن قولدايتىن بولساق، يسانىڭ وسى بۇيرىعىن ورىندايتىنىمىزدى كورسەتەمىز. ال رۋحاني سەرگەك ەكەنىمىزدى ۋاعىزداۋ مىندەتىمىزدى اتقارۋ ارقىلى دالەلدەيمىز (ٴتىم. 2-ح. 4:2). مۇنى ىستەۋگە بىزگە نە قوزعاۋ سالادى؟ ٴبىز ادامداردىڭ قۇتقارىلعانىن قالايمىز (ٴتىم. 1-ح. 4:16). ويتكەنى بۇگىندەگى كۇزەتشىنىڭ ەسكەرتۋىن ەلەمەگەن ادامدار جۋىردا سان مىڭداپ ومىرلەرىنەن ايىرىلادى (ەزەك. 3:19). دەسە دە ۋاعىزداۋىمىزدىڭ باستى سەبەبى — ٴبىز ەڭ تاماشا حاباردى، ياعني تازا عيباداتتىڭ قالپىنا كەلگەنىن جاريالاۋعا اسىقپىز! «ەحوبانىڭ ىقىلاس تۇسىرەتىن جىلى»، ياعني قازىرگى ۋاقىتتا ادامدارعا ٵلى دە ەسىك اشىق. ولاردىڭ بىزبەن بىرگە ٵدىل دە ٴسۇيۋشى قۇدايىمىز ەحوباعا عيبادات ەتۋگە ٵلى دە مۇمكىندىكتەرى بار. جاقىندا وسى زۇلىم دۇنيەنىڭ جويىلۋىنان امان قالعانداردىڭ ٴبارى قۇداي ۇلى يسا ٴماسىحتىڭ مەيىرىممەن جۇرگىزەتىن بيلىگىنىڭ يگىلىگىن كورەدى. ەندەشە، بۇگىندەگى كۇزەتشىنى قولداپ، ىزگى حاباردى جاريالاۋدان ەش ايانىپ قالمايىق! (مات. 24:14).
26 ٴتىپتى وسى زۇلىم دۇنيەنىڭ وزىندە-اق ەحوبا حالقىن عاجايىپ تۇردە بىرىكتىردى. وسىنى جاقسى سۋرەتتەيتىن ەكى تاياق جايلى پايعامبارلىقتى كەلەسى تاراۋدا قاراستىراتىن بولامىز.
^ 15-ابزاس ەرەميا كىتابىندا «اپات» دەگەن ٴسوز شامامەن 70 رەت كەزدەسەدى.
^ 23-ابزاس بۇل پايعامبارلىق پەن ونىڭ ورىندالۋى جايلى تولىعىراق ٴبىلۋ ٷشىن، «قۇداي پاتشالىعى بيلىك ەتۋدە!» (حانزۇشا) كىتابىنىڭ «كوكتە قۇداي پاتشالىعى ورنادى!» دەپ اتالاتىن 2-تاراۋىن قاراڭىز.