قورشاۋ ٵ16
اھ ۇرىپ كۇرسىنۋ، تاڭبا قويۋ، شوقپارمەن قىرۋ. قاشان جانە قالاي ورىندالدى؟
ەزەكيەل كىتابىنىڭ 9-تاراۋىندا جازىلعان اياننىڭ ٴبىزدىڭ كەزىمىزگە دە قاتىسى بار. وقيعالاردىڭ قالاي ٶربيتىنىن بىلگەنىمىز وسى دۇنيەنىڭ اقىرىن زور سەنىمدىلىكپەن قارسى الۋعا كومەكتەسەدى.
«اھ ۇرىپ كۇرسىنۋ»
قاشان؟ سوڭعى كۇندەرى، زور الاپاتقا دەيىن.
قالاي؟ اقجۇرەك ادامدار وسى دۇنيەنىڭ زۇلىمدىعىن جەك كورەتىندەرىن سوزدەرىمەن دە، ىستەرىمەن دە كورسەتەدى. ولار جاريالانىپ جاتقان ىزگى حاباردى قابىلدايدى، ماسىحكە ٴتان جاڭا بولمىسقا يە بولادى، ەحوباعا باعىشتالىپ، شومىلدىرۋ راسىمىنەن وتەدى جانە ٴماسىحتىڭ باۋىرلارىن ادالدىقپەن قولدايدى.
«تاڭبا قويۋ»
قاشان؟ زور الاپات كەزىندە.
قالاي؟ حاتشىنىڭ سياساۋىتى بار كىسى بارلىق حالىقتاردى سوتتاۋ ٷشىن «ۇلىلىققا بولەنىپ كەلەتىن» يسا ٴماسىحتى بەينەلەيدى. «ۇلى جاماعاتقا» جاتاتىندار قوي رەتىندە تانىلادى، باسقاشا ايتقاندا، ولارعا تاڭبا قويىلادى. بۇل ولاردىڭ ارماگەددوننان امان وتەتىنىن بىلدىرەدى.
شوقپارمەن قىرۋ
قاشان؟ ارماگەددوندا.
قالاي؟ يسا كوكتەگى اسكەرىمەن، ياعني كيەلى پەرىشتەلەرمەن جانە وزىمەن بىرگە بيلىك ەتەتىن 144 000 مايلانعانمەن بىرگە وسى زۇلىم دۇنيەنى تۇپتامىرىمەن جويادى. ال تازا عيبادات ەتەتىندەردى قۇتقارىپ، ولاردى ادىلدىك ورناعان جاڭا دۇنيەگە باستاپ اپارادى.