قورشاۋ ٵ10
«قۋراپ قالعان سۇيەكتەر» جانە «ەكى كۋاگەر». ولاردىڭ قانداي بايلانىسى بار؟
1919-جىلى ٴبىر-بىرىمەن بايلانىسى بار ەكى پايعامبارلىق ورىندالدى. ٴبىرىنشىسى، «قۋراپ قالعان سۇيەكتەر» جايلى، ەكىنشىسى، «ەكى كۋاگەر» تۋرالى. «قۋراپ قالعان سۇيەكتەر» جايلى ايان ۇزاق ۋاقىتقا نۇسقايدى. سان عاسىرعا جالعاسقان بۇل ۋاقىت ۇلكەن توپتان قۇرالعان قۇداي حالقىنىڭ «تىرىلۋىمەن» اياقتالادى (ەزەك. 37:2—4؛ ايان 11:1—3، 7—13). ال «ەكى كۋاگەر» جايلى پايعامبارلىق قىسقا ۋاقىتقا نۇسقايدى. 1914-جىلدىڭ اياعىنان باستاپ 1919-جىلدىڭ باسىنا دەيىن جالعاسقان بۇل ۋاقىت شاعىن توپتان قۇرالعان قۇداي قىزمەتشىلەرىنىڭ «تىرىلۋىمەن» اياقتالادى. بۇل ەكى پايعامبارلىقتا دا بەينەلى ماعىناداعى ٴتىرىلۋ تۋرالى ايتىلعان. ولاردىڭ ەكەۋى دە كەڭ كولەمدە 1919-جىلى ورىندالدى. سول جىلى قۇداي مايلانعان قىزمەتشىلەرىن «اياقتارىنا تۇرعىزدى»، ولاردى ۇلى بابىلدىڭ قۇرساۋىنان بوساتىپ، قالپىنا كەلگەن قاۋىمعا جينادى (ەزەك. 37:10).
الايدا بۇل ەكى پايعامبارلىقتىڭ ورىندالۋىندا ماڭىزدى ٴبىر ايىرماشىلىق بار. «قۋراپ قالعان سۇيەكتەر» جايلى پايعامبارلىق مايلانعان تامتىقتىڭ بارلىق مۇشەسى «تىرىلەتىنىنە» نۇسقايدى. ال «ەكى كۋاگەر» جايلى پايعامبارلىق مايلانعان تامتىقتىڭ كەيبىر مۇشەسى عانا — قۇداي ۇيىمىندا جەتەكشىلىك ەتكەن جانە «ادال دا اقىلدى قۇل» بولىپ تاعايىندالعان ادامدار عانا — «تىرىلەتىنىنە» نۇسقايدى (مات. 24:45؛ ايان 11:6) *.
«اڭعار سۇيەككە تولى ەكەن» (ەزەك. 37:1).
-
ب.ز. 100-جىلدان كەيىن
ب.ز. II عاسىرىنان باستاپ، ياعني مايلانعان ماسىحشىلەر قاۋىمى بەينەلى ماعىنادا ولتىرىلگەن كەزدەن باستاپ «اڭعار» سۇيەككە تولدى.
-
1919-جىلدىڭ باسى
1919-جىل: «قۋراپ قالعان سۇيەكتەر» ٴتىرىلدى، ياعني ەحوبا بۇكىل مايلانعان قىزمەتشىلەرىن ۇلى بابىلدىڭ قۇرساۋىنان بوساتتى جانە ولاردى قالپىنا كەلگەن قاۋىمعا جينادى.
«ەكى كۋاگەر» (ايان 11:3).
-
1914-جىلدىڭ اياعى
«ازالى كيىم كيىپ» ۋاعىزداۋ
1914-جىل: «ەكى كۋاگەر» ٷش جارىم جىل بويى «ازالى كيىم كيىپ» ۋاعىزدادى. وسى كەزەڭنىڭ اياعىندا ولار بەينەلى ماعىنادا ٶلتىرىلدى.
-
بەينەلى ٶلىم
-
1919-جىلدىڭ باسى
1919-جىل: «ەكى كۋاگەر» ٴتىرىلدى، ياعني ۇيىمدا جەتەكشىلىك ەتكەن مايلانعان ەر باۋىرلاستاردان تۇراتىن شاعىن توپ «ادال دا اقىلدى قۇل» بولىپ تاعايىندالدى.
^ 4-ابزاس 2016-جىلعى «كۇزەت مۇناراسىنىڭ» (حانزۇشا) ناۋرىز ايىنداعى سانىنان «وقىرمان ساۋالدارىن» قاراڭىز.