قورشاۋ ا19
ەحوبانىڭ باتالارىنا تولى وزەندەر
ەحوبادان كەلەتىن باتالاردى سۋرەتتەۋ ٷشىن كيەلى كىتاپتا «وزەن» جانە «سۋ» دەگەن سوزدەر قولدانىلادى. قازىر سونىڭ بىرنەشەۋىنە توقتالايىق. ولاردى بىرگە الىپ قاراستىرعان كەزدە، ەحوبانىڭ بىزگە قالاي باتاسىن توگەتىنىن كورىپ، جىگەرىمىز جالىندايدى.
جوەل 3:18 بۇل پايعامبارلىقتا ەحوبانىڭ ۇيىنەن بۇلاق اعىپ شىققانى ايتىلادى. ول قۋاڭ اڭعارعا اعىپ، ونى سۋعارادى. جوەل دە، ەزەكيەل دە وزەننىڭ قۇرعاق، تاقىر جەرلەرگە تىرشىلىك دارىتقانىن كورگەن. ەكى جاعدايدا دا وزەن ەحوبانىڭ ۇيىنەن، ياعني عيباداتحانادان اققان.
زاكاريا 14:8 زاكاريا پايعامبار يەرۋساليمنەن «ٶمىر سۋلارى» اعىپ جاتقانىن كورگەن. سۋدىڭ ٴبىر جارتىسى شىعىستاعى ٶلى تەڭىزگە اقسا، ەكىنشى جارتىسى باتىستاعى جەرورتا تەڭىزىنە اققان. يەرۋساليم «ۇلى پاتشانىڭ قالاسى»، ياعني ەحوبانىڭ قالاسى بولاتىن (مات. 5:35). زاكاريانىڭ وسى قالانى اتاپ ٶتۋى ەحوبانىڭ بولاشاقتا بۇكىل جەرجۇزىنە بيلىك ەتەتىنىن ەسىمىزگە سالادى. بۇل پايعامبارلىقتاعى سۋلار جۇماقتا ەحوبا ادال ادامداردىڭ ەكى توبىنا: زور الاپاتتان وتكەندەرگە جانە قايتا تىرىلگەندەرگە باتاسىن توگەتىنىنە نۇسقايدى.
ايان 22:1، 2 ەلشى جوحاننىڭ كورگەن وزەنى ەزەكيەلدىڭ ايانىنداعى وزەنگە قاتتى ۇقسايدى. ٴبىراق ەكەۋىنىڭ اراسىندا كىشىگىرىم وزگەشەلىك بار: جوحان كورگەن وزەن عيباداتحانادان ەمەس، ەحوبانىڭ تاعىنان باستاۋ العان. زاكاريانىڭ ايانى سياقتى، بۇل ايان دا مىڭجىلدىقتا قۇدايدىڭ بيلىگى اكەلەتىن باتالارعا باسا نازار اۋدارسا كەرەك.
ەحوبانىڭ باتاسى تاقتان توگىلسە دە، عيباداتحانادان توگىلسە دە، باتالاردىڭ ٴبارى ەحوبادان كەلەدى ٵرى ولار ادال ادامداردىڭ بارىنە بىردەي توگىلەدى.
ٴزابۇر 46:4 وسى تارماقتا عيبادات تا، بيلىك تە قاتار ايتىلعانىنا نازار اۋدارىڭىزشى. وندا وزەننىڭ «قۇدايدىڭ قالاسىنا» (پاتشالىق پەن بيلىككە) جانە «اللا تاعالانىڭ كيەلى دە ۇلى شاتىرىنا» (تازا عيباداتقا) قۋانىش سيلايتىنى ايتىلعان.
وسى تارماقتاردىڭ ٴبارىن بىرگە الىپ قاراساق، ەحوبا ادال ادامدارعا ەكى جولمەن باتاسىن توگەتىنىن اڭعارامىز. ٴبىز 1) ەحوبانىڭ بيلىگى اكەلەتىن جانە 2) ەحوبانىڭ تازا عيبادات ٷشىن ورناتقان شاراسى اكەلەتىن يگىلىكتەردى ماڭگىلىك بويى كورەمىز. ەندەشە، ەحوبا قۇداي مەن ونىڭ ۇلى بەرىپ جاتقان «ٶمىر سۋىنان»، ياعني ولاردىڭ ماڭگىلىك ٶمىر ٴسۇرۋىمىز ٷشىن سۇيىسپەنشىلىكپەن جاساعان شارالارىنان قازىردەن باستاپ سۋسىنداي بەرەيىك! (ەرم. 2:13؛ جوح. 4:10).