قورشاۋ ا2
ەزەكيەلدىڭ پايعامبارلىقتارىن ٴتۇسىنۋ
پايعامبارلىق دەگەن نە؟
كيەلى كىتاپتا ناۆا دەگەن ەۆرەي ەتىستىگىنەن اۋدارىلعان «پايعامبارلىق ەتۋ» دەگەن تىركەس قۇدايدان كەلگەن حاباردى، ونەگەلىلىك ٴتالىم-تاربيەنى، ۇكىم مەن بۇيرىقتى جاريالاۋدى بىلدىرەدى. سونداي-اق قۇدايدىڭ اتىنان بولاشاقتاعى جايتتاردى جەتكىزۋدى بىلدىرەدى. ەزەكيەلدىڭ پايعامبارلىقتارىندا وسىنىڭ ٴبارى كەزدەسەدى (ەزەك. 3:10، 11؛ 11:4—8؛ 14:6، 7؛ 37:9، 10؛ 38:1—4).
جەتكىزىلۋ جولدارى
-
اياندار
-
مىسالدار
-
قويىلىمدار
ەزەكيەل كىتابىندا اياندار، مىسالدار، استارلى اڭگىمەلەر مەن قويىلىم تۇرىندە جەتكىزىلگەن پايعامبارلىق حابارلار بار.
ورىندالۋى
ەزەكيەل جازعان كەيبىر پايعامبارلىقتاردىڭ بىرنەشە ورىندالۋى بار. مىسالى، تازا عيباداتتىڭ قالپىنا كەلۋى تۋرالى پايعامبارلىقتار قۇداي حالقى ۋادە ەتىلگەن جەرگە ورالعاندا شەكتەۋلى كولەمدە جۇزەگە استى. ٴبىراق بۇل پايعامبارلىقتاردىڭ كوبىسى ٴبىزدىڭ كەزىمىزدە دە ورىندالۋدا، ٵرى بولاشاقتا تاعى ٴبىر مارتە ورىندالادى. بۇل جايىندا وسى كىتاپتىڭ 9-تاراۋىندا كوبىرەك ايتىلادى.
بۇرىنىراقتا ٴبىز ەزەكيەل پايعامبارلىقتارىنىڭ كەيبىر تۇستارىن تۇپبەينە مەن بەينە دەپ قاراستىرعانبىز. الايدا بۇل باسىلىمدا، جازبالاردىڭ وزىندە ناقتى نەگىز بولماسا، قانداي دا ٴبىر كەيىپكەر، زات، جەر يا وقيعا ٴبىزدىڭ زامانىمىزدا ورىندالۋى بار تۇپبەينە دەپ قاراستىرىلمايدى *. ونىڭ ورنىنا، ٴبىز ەزەكيەل جازعان پايعامبارلىقتاردىڭ كەڭ كولەمدە ورىندالۋىنا نازار اۋدارامىز. سونداي-اق ەزەكيەل كىتابىنداعى حاباردىڭ، كەيىپكەرلەردىڭ، جەرلەر مەن وقيعالاردىڭ تاعىلىمدى تۇستارىنا ٴمان بەرەمىز.
^ 12-ابزاس تۇپبەينەلەر مەن بەينەلەر تۋرالى 2015-جىلعى «كۇزەت مۇناراسىنىڭ» (حانزۇشا) 15-ناۋرىزداعى سانىنان (9—11-ب.، 7—12-ابز.) جانە سول جۋرنالدىڭ «وقىرمان ساۋالدارىنان» (17، 18-ب.) قاراڭىز.