8-ساباق
جوسيانىڭ جاقسى دوستارى بولدى
دۇرىس نارسەنى ىستەۋ قيىن دەپ ويلايسىڭ با؟ ~ كوپ ادام قيىن دەپ ويلايدى. كيەلى كىتاپتا جوسيا دەگەن بالانىڭ وقيعاسى بار. وعان دۇرىس نارسەنى ىستەۋ وتە قيىن بولعان. ٴبىراق وعان كومەكتەسكەن جاقسى دوستارى بار ەدى. قازىر جوسيا مەن ونىڭ دوستارى جايىندا وقيىق.
جوسيانىڭ اكەسى امون ياھۋدانىڭ پاتشاسى بولاتىن. ول وتە جامان كىسى ەدى، ٵرى جالعان تاڭىرلەرگە تابىناتىن. اكەسى ولگەن سوڭ، جوسيا ياھۋدانىڭ پاتشاسى بولدى. سول كەزدە ول نەبارى سەگىز جاستا ەدى. جوسيا اكەسى سياقتى جامان ادام بولدى ما؟ ~ ونداي بولعان جوق!
سوفونيا حالىققا جالعان تاڭىرگە تابىنباۋ كەرەكتىگىن ەسكەرتتى
جوسيا وتە جاس بولسا دا، ەحوباعا مويىنسۇنعىسى كەلدى. سوندىقتان ول ەحوبانى جاقسى كورەتىن ادامدارمەن عانا دوستاستى. ولار جوسياعا دۇرىس نارسە ىستەۋگە كومەكتەستى. ونىڭ دوستارى كىم ەكەنىن بىلەيىكشى.
جوسيانىڭ ٴبىر دوسىنىڭ ەسىمى — سافونيا. ول پايعامبار ەدى. سافونيا يسرايلدىكتەرگە جالعان تاڭىرگە تابىنۋدى دوعارماسا، جاماندىققا ۇشىرايتىنىن ەسكەرتىپ ٴجۇردى. جوسيا سافونيانىڭ ايتقانىنا قۇلاق اسىپ، ەحوباعا سيىندى.
تاعى ٴبىر دوسىنىڭ ەسىمى — ەرەميا. ول جوسيانىڭ قۇرداسى ەدى. ولار ٴبىر-بىرىنە وتە جاقىن بولدى. سوندىقتان جوسيا ولگەندە، ەرەميا ونى قاتتى ساعىنىپ، وعان ارناپ ولەڭ شىعاردى. ەرەميا مەن جوسيا ٴبىر-بىرىنە دۇرىس ارەكەت ەتۋگە جانە ەحوبانىڭ ٴتىلىن الۋعا كومەكتەستى.
جوسيا مەن ەرەميا ٴبىر-بىرىنە دۇرىس ارەكەت ەتۋگە كومەكتەستى
جوسيادان سەن قانداي ۇلگى الاسىڭ؟ ~ جوسيا جاس بولسا دا، دۇرىس نارسەنى ىستەگىسى كەلدى. ول ەحوبانى جاقسى كورەتىن ادامدارمەن عانا دوستاسۋ كەرەك ەكەنىن ٴبىلدى. سەن دە دوستاردى ەحوبانى سۇيەتىن جانە ساعان دۇرىس ارەكەت ەتۋگە كومەكتەسەتىن ادامداردىڭ اراسىنان تاڭدا!
