89-تاراۋ
پەرەيادان ياھۋدەياعا بارا جاتقان جولدا
لۇقا 17:1—10 جوحان 11:1—16
-
بىرەۋدى سەنىمنەن تايدىرۋ قاۋىپتى
-
كەشىرىمشىل بولۋ جانە سەنۋ
يسا ٴبىراز ۋاقىت يورداننىڭ ارعى بەتىندەگى پەرەيا ايماعىندا بولعان (جوحان 10:40). قازىر وڭتۇستىككە بەت الىپ، يەرۋساليمگە كەلە جاتىر.
ول جالعىز ەمەس. قاسىندا شاكىرتتەرى مەن قالىڭ جۇرت ەرىپ كەلەدى، ارالارىندا سالىقشىلار مەن كۇناكارلار دا بار (لۇقا 14:25؛ 15:1). يسانىڭ ايتقاندارى مەن ىستەگەندەرىن جاقتىرماعان پارىزشىلدار جانە ٴدىن مۇعالىمدەرى دە سول توپتىڭ ىشىندە. ولار جوعالعان قوي، اداسقان ۇل، باي كىسى مەن ەلازار تۋرالى استارلى اڭگىمەنى ەستىگەندىكتەن، ويلاناتىن نارسەلەرى كوپ (لۇقا 15:2؛ 16:14).
قارسىلاستارىنىڭ كەلەكە-مازاق ەتىپ، كۇڭكىلدەگەنى يسانىڭ ەسىندە بولسا كەرەك. ول ەندىگى ٴسوزىن شاكىرتتەرىنە ارناپ، عاليلەيادا ايتقان بىرنەشە ويعا قايتا ورالدى.
يسا بىلاي دەدى: «ادامداردى سەنىمنەن تايدىراتىن جايتتاردىڭ ورىن الارى ٴسوزسىز. ٴبىراق ولار كىمنىڭ كەسىرىنەن بولسا، سول قاسىرەتكە قالادى!.. وزدەرىڭە ساق بولىڭدار! باۋىرلاسىڭ ساعان قارسى كۇنا جاساسا، وعان ەسكەرت. ەگەر كۇناسىنا وكىنسە، ونى كەشىر. ول ٴتىپتى ساعان قارسى كۇنىنە جەتى رەت كۇنا جاساپ، جەتى رەت كەلىپ: — كۇناما وكىنەمىن،— دەسە، سەن كەشىرۋگە ٴتيىسسىڭ» (لۇقا 17:1—4). بۇل سوزدەر پەتىردىڭ ەسىنە كەشىرۋگە قاتىستى سۇراعىن تۇسىرسە كەرەك (ماتاي 18:21).
شاكىرتتەر يسانىڭ سوزدەرىنە ساي ارەكەت ەتە الار ما ەكەن؟ ولار يساعا: «سەنىمىمىزدى نىعايتا كورىڭىز»،— دەپ وتىنگەندە، ول: «ەگەر قىشا دانىندەي سەنىمدەرىڭ بولىپ، مىنا تۇت اعاشىنا: — تامىرىڭمەن جۇلىنىپ، تەڭىزگە وتىرعىزىل،— دەسەڭدەر، بۇل سولاي بولادى»،— دەدى (لۇقا 17:5، 6). دەمەك، از عانا سەنىممەن ادام ۇلكەن ٸس اتقارا الادى.
سوسىن يسا كىشىپەيىل بولۋدىڭ جانە ٶزى جايلى تىم جوعارى ويلاماۋدىڭ ماڭىزدىلىعىن ٴتۇسىندىرۋ ٷشىن، ەلشىلەرىنە بىلاي دەدى: «قايسىسىڭ جەر جىرتىپ نە مال باعىپ دالادان قايتقان قۇلىڭا: — كەل، تەزىرەك داستارقان باسىنا جانتاي،— دەيسىڭ؟ كەرىسىنشە، وعان: — ماعان كەشكى اس دايىنداپ، مەن ٸشىپ-جەپ بولعانشا، الجاپقىشىڭدى بايلاپ الىپ، قىزمەت كورسەت. سودان كەيىن ٶزىڭ ٸشىپ-جەيسىڭ،— دەيسىڭ عوي. ول تەك ٶز مىندەتىن اتقاردى، بۇل ٷشىن قوجايىنى وعان العىس ايتپايدى، سولاي ەمەس پە؟ سەندەر دە وزدەرىڭە تاپسىرىلعان ٸستىڭ ٴبارىن اتقارعان سوڭ: — ٴبىز نەبارى تۇككە تۇرعىسىز قۇلمىز، ىستەۋگە ٴتيىستىنى عانا ىستەدىك،— دەڭدەر» (لۇقا 17:7—10).
قۇدايدىڭ ٵربىر قىزمەتشىسى ەڭ الدىمەن قۇدايدىڭ ەركىن ورىنداۋ ماڭىزدى ەكەنىن ٴتۇسىنۋ كەرەك. ونىڭ ۇستىنە، ۇيىمنىڭ ٴبىر مۇشەسى رەتىندە قۇدايعا عيبادات ەتۋدىڭ زور مارتەبە ەكەنىن ۇمىتپاعانى ٴجون.
كوپ ۇزاماي يساعا ٴماريام مەن مارتادان حابارشى كەلدى. ولار ياھۋدەياداعى بەتانيا اۋىلىندا تۇراتىن ەلازاردىڭ اپكەلەرى. ولار يساعا: «يەم، جاقسى كورەتىن دوسىڭىز اۋىرىپ جاتىر»،— دەگەن حابار جىبەردى (جوحان 11:1—3).
دوسى ەلازاردىڭ ٶلىم اۋزىندا جاتقانى جايلى حابار يساعا ٴجاي تۇسكەندەي بولعان جوق. كەرىسىنشە: «بۇل اۋرۋدىڭ سوڭى ولىمگە اپارمايدى، قايتا، قۇدايعا داڭق اكەلەدى، ٵرى سول ارقىلى قۇداي ۇلى داڭقتالادى»،— دەدى. سوسىن ەكى كۇننەن كەيىن شاكىرتتەرىنە: «ياھۋدەياعا قايتا بارايىق»،— دەگەندە، ولار: «ۇستاز، ياھۋديلەر ٴسىزدى جاقىندا عانا تاسپەن ۇرىپ ولتىرمەك بولدى ەمەس پە، سول جاققا تاعى باراسىز با؟»— دەپ قارسىلىق ٴبىلدىردى (جوحان 11:4، 7، 8).
سوندا يسا: «كۇندىزگى ۋاقىت 12 ساعاتقا سوزىلماي ما؟ كۇندىز جۇرگەن ادام ەشتەڭەگە سۇرىنبەيدى، ويتكەنى وسى دۇنيەنىڭ جارىعىن كورەدى. ال تۇندە جۇرگەن جوحان 11:9، 10). مۇنىمەن ول جەردەگى قىزمەتىنە قۇداي بەلگىلەنگەن ۋاقىتتىڭ ٵلى بىتپەگەنىن ايتسا كەرەك. سوندىقتان قالعان از ۋاقىتىن بارىنشا پايدالانىپ قالماق.
ادام سۇرىنەدى، سەبەبى ونىڭ باعىت بەرەر جارىعى جوق»،— دەپ جاۋاپ قايىردى (سوسىن يسا: «دوسىمىز ەلازار ۇيىقتاپ جاتىر، ال مەن ونى وياتۋعا بارامىن»،— دەپ قوستى. الايدا شاكىرتتەر ەلازار اۋىرىپ جاتىر ٵرى كوپ ۇزاماي جازىلىپ كەتەدى دەپ ويلاسا كەرەك. سوندىقتان: «يەم، ۇيىقتاپ جاتسا، وندا جازىلادى»،— دەدى. سوندا يسا: «ەلازار قايتىس بولدى... ال ەندى ەلازارعا بارايىق»،— دەپ اشىعىن ايتتى (جوحان 11:11—15).
ياھۋدەيادا قارسىلاستارى يسانى ٶلتىرۋى مۇمكىن ەكەنىن تۇسىنگەن توما وعان قولداۋ كورسەتكىسى كەلدى. سول سەبەپتى باسقا شاكىرتتەرگە: «ٴبىز دە يەمىزبەن بارىپ، ونىمەن بىرگە ولەيىك»،— دەدى (جوحان 11:16).