22 تاراۋ
نەگە وتىرىك ايتپاۋ كەرەك؟
ۇيىنەن شىعىپ بارا جاتقان وقۋشى قىز: «جارايدى، ماما، ساباق بىتكەن سوڭ، بىردەن ۇيگە قايتامىن»،— دەپ ۋادە بەردى دەلىك. ٴبىراق ول ويناعىسى كەلىپ، دوستارىمەن قالىپ قويادى. ۇيگە كەلگەن سوڭ اناسىنا: «ساباقتان كەيىن ٴمۇعالىم ٴبىزدى ۇستاپ قالدى»،— دەپ ايتا سالسا، مۇنىسى دۇرىس بولا ما؟ ~
مىنا بالا نە ٴبۇلدىرىپ قويدى؟
يا بولماسا ٴبىر بالا اكەسىنە: «جوق، مەن ٷيدىڭ ىشىندە دوپ ويناعان جوقپىن»،— دەپ ايتادى. ٴبىراق ول شىنىمەن ويناعان بولسا، ونىڭ وسىلاي وتىرىك ايتقانى دۇرىس پا؟ ~
ۇلى ۇستازىمىز قالاي ارەكەت ەتۋ كەرەكتىگىن ٴتۇسىندىرىپ، بىلاي دەدى: «ٴيا» دەگەندەرىڭ «ٴيا»، ال «جوق» دەگەندەرىڭ «جوق» بولسىن. ال باسقاسىنىڭ ٴبارى زۇلىمنان» (ماتاي 5:37). مۇنىمەن يسا نە ايتقىسى كەلدى دەپ ويلايسىڭ؟ ~ ول ٸسىمىز سوزىمىزگە ساي بولۋ كەرەكتىگىن ايتتى.
كيەلى كىتاپتا شىندىقتى ايتۋ ماڭىزدى ەكەنىن كورسەتەتىن ٴبىر وقيعا جازىلعان. بۇل وقيعا وزدەرىن يسانىڭ شاكىرتىمىز دەپ ەسەپتەگەن ەكى ادام تۋرالى. كەل، سونى قاراستىرىپ كورەيىك.
يسانىڭ ولگەنىنە شامامەن ەكى اي ٶتتى. ياھۋديلەردىڭ ەلۋىنشى كۇن مەيرامىن تويلاۋ ٷشىن، يەرۋساليمگە جان-جاقتان كوپ ادام جينالدى. وسى مەيرامدا ەلشى پەتىر كەرەمەت بايانداما ايتتى. بايانداماسىندا ول يسانىڭ كىم ەكەنىن جانە ەحوبا ونى قالاي تىرىلتكەنىن ٴتۇسىندىردى. وسىلايشا باسقا جاقتان كەلگەندەردىڭ كوبى يسا تۋرالى العاش رەت ەستىدى. ٴبىراق ولاردىڭ بۇدان دا كوبىرەك بىلگىسى كەلدى. بۇل ٷشىن ولار نە ىستەيدى؟
ولار يەرۋساليمدە ويلاعاندارىنان دا ۇزاعىراق قالىپ قويادى. سودان كوپ ۇزاماي كەيبىرەۋلەردىڭ اقشاسى تاۋسىلىپ، تاماق ساتىپ الا الماي، مۇقتاجدىق كورە باستادى. سوندىقتان يەرۋساليمدەگى شاكىرتتەر قوناقتارعا جاردەم بەرگىسى كەلدى. ولاردىڭ كوبىسى مەنشىگىن ساتىپ، تۇسكەن اقشانى يسانىڭ ەلشىلەرىنە اكەپ بەردى. ال ەلشىلەر ونى مۇقتاجدارعا ۇلەستىردى.
يەرۋساليمدەگى ماسىحشىلەر قاۋىمىنىڭ مۇشەلەرى اناني مەن ايەلى ٴزاپيرا دا كومەك بەرۋ ٷشىن ٶز جەرلەرىن ساتتى. بۇعان ولاردى ەشكىم ماجبۇرلەگەن جوق. بۇل ولاردىڭ ٶز شەشىمدەرى بولاتىن. ٴبىراق ولار مۇنى يسانىڭ شاكىرتتەرىن جاقسى كورگەندىكتەن ەمەس، جومارت بولىپ كورىنۋ ٷشىن ىستەگەن ەدى. سوندىقتان ولار قوناقتارعا جاردەم رەتىندە بار اقشانى بەرىپ جاتىرمىز دەپ ايتۋدى شەشتى. ٴبىراق ولار شىن مانىسىندە اقشانىڭ ٴبىر بولىگىن عانا بەرمەكشى ەدى. ولاردىڭ وسى ارەكەتى جايلى نە ويلايسىڭ؟ ~
اناني ەلشىلەرگە كەلىپ، جەردىڭ اقشاسىن الدارىنا قويدى. ارينە، قۇداي ٵنانيدىڭ اقشانى تۇگەل بەرمەگەنىن كورىپ تۇردى. سوندىقتان قۇداي ونىڭ ارامدىق جاساپ تۇرعانىن ەلشى پەتىرگە ٴبىلدىردى.
اناني پەتىرگە قانداي وتىرىك ايتىپ جاتىر؟
سوندا پەتىر بىلاي دەدى: «اناني، نەگە شايتاننىڭ ىقپالىنا بەرىلدىڭ؟ جەر سەنىكى ەدى عوي. ونى سات دەپ ەشكىم سەنى ماجبۇرلەگەن جوق. ساتساڭ دا، اقشانىڭ يەسى — سەنسىڭ جانە ونى قالاي جۇمسايمىن دەسەڭ، ٶز ەركىڭدە. نەگە اقشانىڭ ٴبىر بولىگىن بەرىپ تۇرىپ، تۇگەل بەردىم دەپ الدادىڭ؟ سەن بىزگە عانا ەمەس، قۇدايعا دا وتىرىك ايتتىڭ!»
بۇل وتە جامان ٸس ەدى. اناني جالعان سويلەدى! ول ىستەمەگەن نارسەسىن ىستەدىم دەپ، شىندىقتى بۇرمالادى. ٵرى قاراي نە بولدى؟ كيەلى كىتاپتا بىلاي دەلىنگەن: «پەتىردىڭ سوزدەرىن ەستي سالا اناني قۇلاپ ٴتۇسىپ، ٶلىپ قالدى». قۇداي ونى وسىلاي جازالادى. سوسىن، ونىڭ ٴمايىتىن ادامدار سىرتقا اپارىپ جەرلەدى.
وتىرىك ايتقانى ٷشىن انانيمەن نە بولدى؟
شامامەن ٷش ساعاتتان سوڭ ٴزاپيرا كەلدى. ول كۇيەۋىمەن نە بولعانىن بىلمەگەن ەدى. سوندىقتان پەتىر ودان: «جەردى ساتۋدان تۇسكەن بار اقشا وسى ما، ايتشى؟»— دەپ سۇرادى.
ٴزاپيرا: «ٴيا، جەردى وسىنشاما اقشاعا ساتتىق»،— دەپ جاۋاپ بەردى. وسىلاي ول دا وتىرىك ايتتى. جەردى ساتۋدان تۇسكەن اقشانىڭ ٴبىر بولىگىن الىپ قالعانىن جاسىردى. سوندىقتان قۇداي ٴزاپيرانى دا ولىمگە كەستى (ەلشىلەردىڭ ىستەرى 5:1—11).
اناني مەن ٴزاپيرانىڭ وقيعاسىنان نە بىلدىك؟ ~ ٴيا، قۇداي وتىرىكشىلەردى جەك كورەدى. ول ارقاشان شىن سويلەگەنىمىزدى قالايدى. الايدا كوپ ادام وتىرىك ايتۋدىڭ ەش جاماندىعى جوق دەيدى. بۇل دۇرىس پا، قالاي ويلايسىڭ؟ ~ سەن اۋرۋ-سىرقاۋ، قايعى-قاسىرەت جانە ٶلىم اتاۋلى وتىرىكتىڭ سالدارى ەكەنىن بىلەسىڭ بە؟ ~
يسانىڭ ايتۋىنشا، العاشقى وتىرىكتى ايتقان كىم جانە سول وتىرىكتىڭ سالدارى قانداي بولدى؟
ەسىڭدە بولسا، ٸبىلىس حاۋا انانى الداعان ەدى. ول حاۋاعا قۇدايدىڭ ٴتىلىن الماي، تيىم سالىنعان جەمىستى جەسەڭ، ولمەيسىڭ دەپ وتىرىك ايتتى. حاۋا انا ىبىلىسكە سەنىپ قالىپ، جەمىستى جەدى. كەيىن ادام اتاعا بەردى، ول دا جەدى. سودان ەكەۋى كۇناكار بولدى، بالالارى دا كۇناكار بولىپ تۋىلدى. ولاردان تاراعان ۇرپاق تا قاسىرەت شەگىپ، ٶلىپ جاتىر. سونىمەن، قيىنشىلىقتىڭ ٴبارى نەدەن باستالىپتى؟ ~ ٴيا، وتىرىك ايتۋدان باستالعان.
يسانىڭ ٸبىلىستى «وتىرىكشى ٵرى وتىرىكتىڭ اكەسى» دەپ اتاعانى ٴبىزدى تاڭعالدىرمايدى. ويتكەنى العاش رەت وتىرىكتى ايتقان سول ەدى. كىمدە-كىم وتىرىك سويلەسە، ٸبىلىستىڭ ٸسىن قايتالايدى. سوندىقتان وتىرىك ايتا سالعىمىز كەلگەندە، وسىنى ەستە ۇستاۋىمىز كەرەك (جوحان 8:44).
سەنىڭ وتىرىك ايتقىڭ كەلگەن بە؟ ~ اسىرەسە ٴبىر نارسەنى ٴبۇلدىرىپ قويعاندا، وتىرىك ايتقىڭ كەلگەن شىعار، ٴيا؟ ~ مىسالى، ابايسىزدا ٴبىر زاتتى سىندىرىپ الساڭ، بىرەۋ سەنەن: «مۇنى كىم ىستەدى؟»— دەپ سۇرايدى. سوندا كىنانى ىنىڭە نەمەسە سىڭلىڭە جابا سالۋ دۇرىس پا؟ الدە ەشتەڭەنى بىلمەگەندەي تۇرا بەرۋ كەرەك پە؟ ~
قاي كەزدە وتىرىك ايتا سالعىڭ كەلەدى؟
تاعى ٴبىر مىسال كەلتىرەيىك. ەگەر سەن ساباعىڭدى جارتىلاي عانا ورىنداپ، ال اناڭا تۇگەل ورىنداپ قويدىم دەسەڭ، بۇل دۇرىس بولا ما؟ ~ وسىنداي كەزدەرى اناني مەن ٴزاپيرانىڭ وقيعاسى بىردەن ەسىمىزگە ٴتۇسۋ كەرەك. ولار شىندىقتى جارتىلاي عانا ايتقان ەدى. ٴبىراق قۇداي مۇنىڭ دۇرىس ەمەس ەكەنىن كورسەتىپ، ولاردى جازالادى.
نە ىستەپ قويساق تا، شىندىقتى ايتۋىمىز كەرەك. ايتپەسە جاعدايىمىز قيىنداي تۇسەدى. شىندىقتى جارتىلاي ايتۋ دا دۇرىس ەمەس. كيەلى كىتاپتا بىزگە: «شىندىقتى ايتىڭدار»،— دەلىنگەن. سونداي-اق: «ٴبىر-بىرىڭە وتىرىك ايتپاڭدار!»— دەپ جازىلعان. ەحوبا ارقاشان شىندىقتى ايتادى، سوندىقتان ول ٴبىزدىڭ دە شىندىقتى ايتقانىمىزدى قالايدى (ەفەستىكتەرگە 4:25؛ قولوستىقتارعا 3:9).
ارقاشان شىندىقتى ايتۋىمىز كەرەك. مۇنى كەلەسى تارماقتار راستايدى: مىسىردان شىعۋ 20:16؛ ناقىل سوزدەر 6:16—19؛ 12:19؛ 14:5؛ 16:6 جانە ەۆرەيلەرگە 4:13.
