42 تاراۋ
نەگە ەڭبەك ەتۋىمىز قاجەت؟
سەن اسىرەسە نەنى جاقسى كورەسىڭ: ەڭبەك ەتۋدى مە، الدە ويىن ويناۋدى ما؟ ~ ارينە، ويناعان جاقسى. كيەلى كىتاپتا يەرۋساليمنىڭ كوشەلەرى ويناعان بالالار مەن قىزدارعا تولى بولعان دەپ جازىلعان (زاكاريا 8:5).
ۇلى ۇستاز ويناپ جۇرگەن بالالارعا قاراپ سۇيسىنەتىن. جەرگە كەلمەس بۇرىن ٶزىنىڭ نە ىستەگەنى جايلى ول: «[قۇدايدىڭ] قاسىندا شەبەر جۇمىسشى بولدىم... ونىڭ الدىندا ارقاشان قۋانىپ ٴجۇردىم»،— دەگەن. بايقاساڭ، يسا ەحوبامەن بىرگە كوكتە ەڭبەك ەتكەن. سونداي-اق ول كوكتەن «ادامدارعا قاراپ، قۋانعان». شىنىندا دا، ٶزىڭ بىلەتىندەي، ۇلى ۇستاز ٵر ادامعا، ٴتىپتى بالالارعا دا شىن ىقىلاسپەن كوڭىل بولگەن (ناقىل سوزدەر 8:30، 31).
قالاي ويلايسىڭ، يسا كىشكەنتاي كەزىندە ويناعان با؟ ~ ويناعان بولۋ كەرەك. كوكتە ٶمىر ماتاي 13:55؛ مارقا 6:3).
سۇرگەندە، ول «شەبەر جۇمىسشى» بولسا، جەرگە كەلگەندە ەڭبەك ەتتى مە؟ ~ ٴيا، ويتكەنى ونى جۇرت «اعاش ۇستاسىنىڭ ۇلى» دەگەن. ٴتىپتى كەيىن ٶزى دە «اعاش ۇستاسى» دەپ اتالىپ كەتتى. بۇدان ٴبىز نە بىلەمىز؟ ~ يسانى تۋعان ۇلىنداي وسىرگەن ٴجۇسىپ ونى ٶز كاسىبىنە ۇيرەتكەن. سوندىقتان يسا دا وسكەندە اعاش ۇستاسى بولعان (سەنىڭشە، يسا قانداي ۇستا بولعان؟ ~ ول كوكتە شەبەر جۇمىسشى بولسا، جەردە دە شەبەر ۇستا بولعان دەي الامىز با؟ ~ بىلەسىڭ بە، اعاش ۇستاسىنىڭ جۇمىسى وتە اۋىر ەدى. الدىمەن، ول ورمانعا بارىپ، اعاش شاباتىن. سوسىن، ونى ٴبولىپ-ٴبولىپ، ۇيىنە سۇيرەپ اكەلەتىن. كەيىن ولاردى تۇرلىشە ەتىپ كەسىپ، ۇستەلدەر، ورىندىقتار مەن باسقا دا بۇيىمدار جاسايتىن.
ەككلەسياست 3:22).
يسا وسى ىسىنەن قۋانىش العان با؟ ~ ەگەر سەن ادامدار ٷشىن جاقسى ۇستەل، ورىندىق نەمەسە باسقا زاتتار جاساي الاتىن بولساڭ، سوعان قۋانار ما ەدىڭ؟ ~ كيەلى كىتاپتا «ٶز ەڭبەگىنىڭ راقاتىن كورۋدىڭ» جاقسى ەكەنى ايتىلعان. ارينە، ويناعاننان سەن ٴماز-مەيرام بولاسىڭ، ٴبىراق ناعىز قۋانىشتى ەڭبەك ەتكەندە سەزىنەسىڭ (ەڭبەك ەتۋدىڭ ميىمىزعا دا، دەنەمىزگە دە پايداسى زور. ٴبىراق بۇگىندە بالالاردىڭ كوبى تەلەديدار كورىپ نەمەسە بەينەويىندار ويناپ، ٴبىر ورىندا قوزعالماي وتىرادى. سونىڭ كەسىرىنەن ولار سەمىرەدى، ٵرى ٵلسىز بولىپ قالادى. اقىر سوڭىندا وزدەرى دە ناعىز قۋانىشتى سەزىنبەيدى، وزگەلەردى دە قۋانتا الماي قالادى. ەندەشە، قۋانىشتى ٵرى باقىتتى بولۋ ٷشىن، نە ىستەۋ كەرەك دەپ ويلايسىڭ؟ ~
ٴبىز 17 تاراۋدان جاقسىلىق ىستەۋ مەن بەرۋ ارقىلى ادامداردى باقىتتى ەتۋگە بولاتىنىن بىلگەنبىز (ەلشىلەردىڭ ىستەرى 20:35). كيەلى كىتاپتا ەحوبانىڭ «باقىتتى قۇداي» ەكەنى ايتىلعان (تىموتەگە 1-حات 1:11). ال ناقىل سوزدەر كىتابىندا يسانىڭ دا قۇداي «الدىندا ارقاشان قۋانىپ جۇرگەنى» جازىلعان. يسانىڭ نەگە قۋانعانىن بىلەسىڭ بە؟ ~ مۇنىڭ ٴبىر سەبەبىن يسانىڭ ٶزى بىلاي دەپ تۇسىندىرگەن: «اكەم ەڭبەك ەتۋدى دوعارعان جوق، مەن دە ەڭبەك ەتۋدەمىن» (جوحان 5:17).
يسا جەرگە كەلگەندە، ٶمىرىنىڭ سوڭىنا دەيىن اعاش ۇستاسى بولعان جوق. ويتكەنى ەحوبا قۇداي وعان ەرەكشە جۇمىس بەرگەن ەدى. ايتشى، بۇل قانداي جۇمىس؟ ~ يسا بىلاي دەگەن: «قۇداي پاتشالىعى تۋرالى ىزگى حاباردى باسقا قالالاردا دا جاريالاۋىم كەرەك. ويتكەنى مەن سول ٷشىن جىبەرىلدىم» (لۇقا 4:43). يسانىڭ ۋاعىزىن تىڭداعان كەيبىر ادامدار وعان سەنىپ، وزدەرى دە سول حاباردى باسقالارعا ايتا باستاعان. سونداي ادامداردىڭ ٴبىرى — سۋرەتتەگى ساماريالىق ايەل (جوحان 4:7—15، 27—30).
يسا قۇداي تاپسىرعان ىسكە قالاي قارادى؟ ونى ىستەگىسى كەلدى مە، قالاي ويلايسىڭ؟ ~ مۇنى ونىڭ ٶز سوزدەرىنەن جوحان 4:34). سەن ەڭ جاقسى كورەتىن تاماعىڭدى راقاتتانىپ جەيسىڭ بە؟ ~ ٴدال سولاي، يسا دا قۇداي تاپسىرعان ٸستى قۋانىشپەن اتقارعان.
بىلەمىز. ول: «مەنىڭ تاماعىم — ٶزىمدى جىبەرگەننىڭ ەركىن ورىنداۋ جانە ونىڭ تاپسىرعان ٸسىن اياقتاۋ»،— دەگەن (ٴبىز ەڭبەك ەتۋدى ۇيرەنگەندە، قۋانىشقا بولەنەمىز. ويتكەنى قۇداي ٴبىزدى سولاي جاراتقان. ادامداردىڭ «ەڭبەكتەن قۋانىش العانى» — قۇدايدىڭ بەرگەن ٴبىر سيى. دەمەك، سەن دە جاس كەزىڭنەن ەڭبەك ەتۋگە داعدىلانساڭ، وسكەندە بۇكىل ٶمىرىڭ الدەقايدا قۋانىشتى بولادى (ەككلەسياست 5:19).
ٴبىراق بالالار ۇلكەندەر سياقتى جۇمىس ىستەي المايدى. سوندا دا ولار كەيبىر ىستەردى جاساي الادى. بالكىم، سەنىڭ اتا-اناڭ اقشا تابۋ ٷشىن كۇندە جۇمىسقا باراتىن شىعار. تۇراتىن ٷي، ىشەتىن تاماق بولۋ ٷشىن، ولار كوپ ەڭبەك ەتەدى. الايدا ۇيدە دە جۇمىس كوپ. ٷيدىڭ ٸشى مەن اۋلاسى تازا ٵرى ۇقىپتى بولۋ ٷشىن كوپ ەڭبەك ەتۋ كەرەك ەكەنىن ٶزىڭ دە بىلەتىن شىعارسىڭ.
سەن بۇكىل وتباسىڭا پايدالى بولاتىن قانداي ٸس جاساي الاسىڭ؟ ~ مىسالى، سەن داستارقان جايۋعا جانە ىدىس-اياق جۋۋعا كومەكتەسە الاسىڭ، سونداي-اق قوقىس شىعارۋىڭا، بولمەڭدى تازالاۋىڭا، ويىنشىقتاردى جيناستىرۋىڭا بولادى. وسىلاردىڭ كەيبىرىن ىستەپ تە جۇرگەن شىعارسىڭ. بۇل ىستەر وتباسىڭ ٷشىن وتە پايدالى.
ەندى مۇنداي ىستەردىڭ نەلىكتەن پايدالى ەكەنىن كورەيىك. ويىنشىقتارمەن ويناپ بولعان سوڭ، ولاردى جيناپ قويۋ كەرەك. مۇنىڭ نەگە ماڭىزدى ەكەنىن بىلەسىڭ بە؟ ~ ٷيدىڭ ٸشى جيناقى ٵرى قاۋىپسىز بولادى. ال ەگەر ويىنشىقتار شاشىلىپ جاتسا، قولىندا ٴبىر نارسە كوتەرىپ كەلە جاتقان اناڭ ولارعا ٴسۇرىنىپ، قۇلاپ قالۋى مۇمكىن. ول ٴبىر جەرىن اۋىرتىپ السا نەمەسە ٴتىپتى جاراقاتتانىپ، اۋرۋحاناعا بارۋىنا تۋرا كەلسە، قانداي وكىنىشتى بولار ەدى، سولاي ەمەس پە؟ ~ وندا ويناپ بولعان سوڭ، ويىنشىقتارىڭدى جيناپ قويعانىڭ دۇرىس.
سونداي-اق بالالارعا مەكتەپتە وقۋ كەرەك. بۇل دا — ەڭبەك. مەكتەپتە سەن ٵرىپ تانىپ، وقۋدى ۇيرەنەسىڭ. كەيبىر بالالارعا كىتاپ وقۋ وڭاي بولسا، باسقالارىنا قيىن. العاشىندا ساعان وقۋ قيىن بولىپ كورىنەر، ٴبىراق ۇيرەنىپ العان سوڭ، بۇعان قۋاناتىنىڭ ٴسوزسىز. ويتكەنى وقي الاتىن بولعاندا، سەن كوپ قىزىقتى نارسەلەردى ۇيرەنەسىڭ. ٴتىپتى قۇدايدىڭ كىتابىن ٶز بەتىڭشە وقيسىڭ. سوندىقتان مەكتەپتە جاقسى وقى. مۇنىڭ كوپ پايداسى بار، سولاي عوي؟ ~
كەيبىرەۋلەر جۇمىس ىستەۋدەن قاشادى. بالكىم، سەن سونداي ادامدى بىلەتىن شىعارسىڭ. ٴبىراق قۇداي ٴبىزدى ەڭبەك ەتۋ ٷشىن جاراتقاندىقتان، ەڭبەكتى جاقسى كورۋدى ۇيرەنگەنىمىز ٴجون. ۇلى ۇستاز ٶز تاپسىرماسىن قانشالىقتى جاقسى كورىپ ەدى؟ ~ سۇيىكتى تاماعىنداي جاقسى كورگەن. بۇل قانداي تاپسىرما ەدى؟ ~ ادامدارعا ەحوبا قۇداي جايلى جانە ماڭگى ٶمىر ٴسۇرۋ ٷشىن نە ىستەۋ كەرەك ەكەنىن ايتۋ.
ەڭبەك ەتۋدى جاقسى كورىپ، ودان قۋانىش الۋعا مىنا جايت كومەكتەسەدى. الدىمەن، بۇل جۇمىستى نە ٷشىن ىستەۋ كەرەك ەكەنىن ٴبىلىپ ال. ونىڭ ماڭىزدى ەكەنىن تۇسىنگەندە، جۇمىستى ىستەۋ وڭايىراق بولادى. بۇل جۇمىس كىشىگىرىم بولسا دا، ۇلكەن بولسا دا، جاقسىلاپ ورىنداۋعا تىرىس. سوندا ۇلى ۇستاز سياقتى، سەن دە ٶز ىسىڭنەن قۋانىش الاتىن بولاسىڭ.
كيەلى كىتاپ بىزگە ەڭبەكقور بولۋعا كومەكتەسەتىنىن كەلەسى تارماقتاردان كورەمىز: ناقىل سوزدەر 10:4؛ 22:29؛ ەككلەسياست 3:12، 13 جانە قولوستىقتارعا 3:23.