اباقۇق 1:1—17
1 اباقۇق* پايعامباردىڭ اياندا العان حابارى:
2 ۋا، ەحوبا*، قاشانعى كومەك سۇرايمىن،ال سەن قۇلاق سالار ەمەسسىڭ+؟
قاشانعى زورلىق-زومبىلىقتان قورعاۋىڭدى سۇرايمىن،ال سەن اراشا تۇسەر ەمەسسىڭ+؟
3 نەگە مەنى زۇلىمدىقتى كورۋگە ٴماجبۇر ەتەسىڭ؟
نەگە قىسىمشىلىققا شىداپ وتىرسىڭ؟
نەگە كوز الدىمدا قىرىپ-جويۋ، زورلىق-زومبىلىق بولىپ جاتىر؟
نەگە ۇرىس-كەرىس پەن قاقتىعىس كوبەيىپ كەتتى؟
4 سوندىقتان زاڭنىڭ كۇشى جوق،ادىلدىك ەشقاشان جۇزەگە اسپايدى.
زۇلىمدار ٵدىل جاندارعا قىسىم كورسەتەدى،مىنە، سودان ادىلدىك بۇرمالانۋدا+.
5 «حالىقتارعا قاراپ، نازار اۋدارىڭدار!
تاڭعالا قاراپ، اڭتارىلىپ تۇرىپ قالىڭدار.
ويتكەنى سەندەردىڭ كۇندەرىڭدە ٴبىر جايت ورىن الادى،بۇل جايلى بىرەۋ ايتسا، سەنبەس ەدىڭدەر+.
6 مىنە، مەن حالدەيلەردى جىبەرەمىن+.
ولار — قاتىگەز ٵرى قىزبا حالىق.
وزگەلەردىڭ ۇيلەرىن باسىپ الۋ ٷشىن،ۇلان-عايىر جەرلەرمەن زىمىراپ وتە شىعادى+.
7 ولار — قورقىنىشتى دا ايبارلى،ٶز ادىلدىگى مەن بيلىگىن ورناتاتىن حالىق+.
8 اتتارى قابىلاننان دا جۇيرىك،تۇندە جورتقان قاسقىردان دا جاۋىز+.
تۇياقتارى جەرگە تيمەي،سوعىس اتتارى الىستان شاۋىپ كەلەدى.
ولار جەمتىگىنە شۇيلىككەن بۇركىتتەي زۋلايدى+.
9 ٴبارى دە زورلىق جاساۋعا بەل بۋعان+.
بىرىگىپ العا ۇمتىلعانى شىعىستىڭ جەلىندەي+،ولار تۇتقىنداردى قۇم كوسەپ العانداي جينايدى.
10 پاتشالاردى كەلەكە-مازاق ەتىپ،لاۋازىمدى ادامداردى كەلەمەجدەيدى+.
ٵربىر بەكىنىستىڭ ۇستىنەن كۇلىپ+،ٷيىندى جاساپ، ونى باسىپ الادى.
11 ولار سوققان جەلدەي وسى ەلدەن وتە شىعادى،ٴبىراق كۇش-قۋاتتارىن ٶز قۇدايىنا تەلىگەنى*+ ٷشىن ايىپتى بولادى+».
12 ۋا، ەحوبا، سەن ماڭگىلىكتەن كەلە جاتقان قۇداي+ ەمەسسىڭ بە؟
قۇدايىم، كيەلى قۇدايىم، سەن ەشقاشان ولمەيسىڭ*+.
ۋا، ەحوبا، ولاردى ۇكىمىڭدى ورىنداتۋ ٷشىن تاعايىندادىڭ.
جارتاسىم+ مەنىڭ، ولاردى ٴبىزدى جازالاۋ ٷشىن بەلگىلەدىڭ+.
13 سەنىڭ كوزىڭ تىم تازا، سوندىقتان وزبىرلىققا قاراپ تۇرا المايسىڭ،زۇلىمدىققا جانىڭ توزبەيدى+.
وندا نەگە وپاسىزدىققا توزۋدەسىڭ+؟
زۇلىم ادام وزىنەن الدەقايدا ٵدىل بىرەۋدى جۇتىپ جاتقاندا، نەگە ۇندەمەيسىڭ+؟
14 نەگە ادام بالاسىن تەڭىزدەگى بالىقتاي،باسشىسى جوق باۋىرىمەن جورعالاۋشىداي ەتتىڭ؟
15 جاۋ بۇلاردىڭ ٴبارىن قارماقپەن ٸلىپ،اۋ تاستاپ، ۇستاپ الۋدا.
بالىق اۋلايتىن تورعا جيناپ جاتىر.
سول سەبەپتەن دە ول ٴماز-مەيرام بولۋدا+.
16 سوندىقتان اۋىنا ارناپ قۇرباندىق شالادى،بالىق اۋلايتىن تورىنا ارناپ قۇرباندىق ۇسىنادى*.
ويتكەنى سولاردىڭ ارقاسىندا مول ولجاعا كەنەلىپ،ٴنارلى تاعام ٸشىپ-جەيدى.
17 سوندا قالاي، ول قايتا-قايتا اۋ سالىپ*،حالىقتاردى اياۋسىز قىرا بەرسىن بە+؟
سىلتەمەلەر
^ ماعىناسى «ىستىق قۇشاق» بولسا كەرەك.
^ بۇل — قۇدايدىڭ ەسىمى. تۇسىندىرمەنى قاراڭىز.
^ مۇمكىن: «كۇش-قۋاتتارىن ٶز قۇدايى ەتكەنى».
^ مۇمكىن: «ٴبىز ەشقاشان ولمەيمىز».
^ ەۆرەيدىڭ بۇل ٴسوزى حوش ٴيىستى زات تۇتەتۋدى دە ٴبىلدىرۋى مۇمكىن.
^ مۇمكىن: «سەمسەرىن سۋىرىپ».
