اباقۇق 2:1—20
2 مەن كۇزەت ورنىمدا دايىن تۇرامىن+،قورعاننىڭ ۇستىنە شىعامىن،ونىڭ مەن ارقىلى نە ايتاتىنىن كورۋ ٷشىن،مەنى تۇزەتكەندە، قالاي جاۋاپ بەرەتىنىمدى ٴبىلۋ ٷشىن سەرگەك بولامىن.
2 ەحوبا ماعان بىلاي دەپ جاۋاپ قاتتى:
«بۇل اياندى تاقتاشالارعا انىق ەتىپ جازىپ قوي+،داۋىستاپ وقيتىن ادام ونى وڭاي وقي السىن+.
3 سەبەبى بۇل اياننىڭ ورىندالاتىن* ۋاقىتى بار،سول ۋاقىت جىلدام جاقىنداپ كەلەدى،ول وتىرىك بولىپ شىقپايدى.
ٴتىپتى كىدىرگەندەي كورىنسە دە، ونى كۇت*+!
ول مىندەتتى تۇردە ورىندالادى.
ەش كەشىكپەيدى!
4 كەۋدەسىن كەرگەن ادامعا قاراشى،ونىڭ جان دۇنيەسى بۇزىلعان.
ال ٵدىل ادام ادالدىعىنىڭ* ارقاسىندا ٶمىر سۇرەدى+.
5 راسىندا دا، شاراپ وپاسىز بولعاندىقتان،تاكاپپار ادام ماقساتىنا جەتپەيدى.
ونىڭ ارانى كور* سياقتى كەڭىنەن اشىق.
ول ٶلىم سياقتى تويىمسىز.
وزىنە بارلىق ۇلتتاردى جيناۋدا،كۇللى حالىقتاردى قولعا تۇسىرۋدە+.
6 سولاردىڭ ٴبارى وعان قارسى ناقىلداپ+،استارلاپ، جۇمباقتاپ سويلەمەي مە؟
ولار بىلاي دەيتىن بولادى:
«وزىنە تيەسىلى ەمەس دۇنيەنى قاشانعى جيناي بەرمەك؟
ول قاسىرەتكە قالادى، سەبەبى ٶزىنىڭ قارىزىن كوبەيتۋدە!
7 قارىز بەرۋشىلەرىڭ كەنەتتەن ساعان قارسى كوتەرىلمەي مە؟
ولار ويانىپ، اياۋسىز جۇلقىلاپ،سەنى تالان-تاراجعا سالادى+.
8 سەن كوپتەگەن حالىقتاردى توناعاندىقتان،سولاردان قالعان ادامدار ٶزىڭدى تونايتىن بولادى+.
ويتكەنى ادام قانىن توكتىڭ،جەرگە قيانات جاسادىڭ،قالالاردى تۇرعىندارىمەن قوسا ويراندادىڭ+.
9 اپاتتان قۇتىلۋ ٷشىن،ۇياسىن قياعا سالماق بولىپ،ۇيىنە ارام پايدا اكەلەتىن ادام قاسىرەتكە قالادى!
10 ٶز ٷيىڭدى ماسقارا ەتەتىن ٸس ويلاستىردىڭ.
كوپتەگەن حالىقتاردى قىرىپ، ٶز جانىڭا قارسى كۇنا جاسادىڭ+.
11 قابىرعاداعى تاس ايقاي سالادى،توبەدەگى بەلاعاش وعان جاۋاپ قاتادى.
12 قانتوگىسپەن قالا تۇرعىزعان،ادىلەتسىزدىكپەن قالا سوققان ادام قاسىرەتكە قالادى!
13 حالىقتاردىڭ وتقا جاعۋ ٷشىن اۋىر ەڭبەكتەنەتىنى،ۇلتتاردىڭ ٶز-وزدەرىن بوسقا شارشاتاتىنىاسكەرباسى ەحوبادان ەمەس پە+؟
14 تەڭىزدىڭ سۋعا تولى بولعانىنداي،جەر بەتى دە ەحوبانىڭ داڭقى جايلى بىلىمگە تولى بولادى+.
15 ماس قىلىپ، جالاڭاش ٴتانىن كورۋ ٷشىن،ىشىمدىككە اشۋ مەن قاھار قوسىپ،جولداستارىنا بەرەتىن ادام قاسىرەتكە قالادى!
16 سەن اتاق-داڭققا ەمەس، ماسقارالىققا باتاسىڭ.
سەن دە ٸشىپ، سۇندەتتەلمەگەن* كۇيىڭدى كورسەت.
ەحوبانىڭ وڭ قولىنداعى شاراپقا تولى توستاعان ساعان دا جەتىپ+،اتاق-داڭقىڭ ماسقارالىقتىڭ استىندا قالادى.
17 ليۆانعا جاساعان زورلىعىڭ ٶز باسىڭا كەلەدى،قىرىپ-جويىپ، اڭداردى شوشىتقانىڭ ٶز باسىڭا تۇسەدى.
ويتكەنى ادام قانىن توكتىڭ، جەرگە قيانات جاسادىڭ،قالالاردى تۇرعىندارىمەن قوسا ويراندادىڭ+.
18 ٴتاڭىر بەينەسىنەن نە پايدا،ونى ويىپ جاساعان جاي پەندە ەمەس پە؟
تەمىر مۇسىننەن، جالعان تالىمگەردەن نە پايدا؟
ادامنىڭ سويلەي المايتىن پايداسىز پۇت جاساپ،وعان سەنىم ارتقانىنان نە پايدا+؟
19 اعاشقا: «ويان!»— دەيتىن،مىلقاۋ تاسقا: «ويان! بىزگە ٴتالىم بەر!»— دەيتىن ادام قاسىرەتكە قالادى.
التىن-كۇمىسپەن قاپتالعانمەن+، ونىڭ بويىندا دەمى جوق+.
20 ال ەحوبا ٶزىنىڭ كيەلى عيباداتحاناسىندا+.
بۇكىل جەر بەتى، ونىڭ الدىندا ٷن شىعارما+!»
سىلتەمەلەر
^ نەمەسە «بەلگىلەنگەن».
^ نەمەسە «شىداممەن كۇت؛ قاتتى كۇت».
^ مۇمكىن: «سەنىمىنىڭ».
^ ەۆرەيشە «شەول». تۇسىندىرمەنى قاراڭىز.
^ مۇمكىن: «تەڭسەلگەن».
