اباقۇق 3:1—19
3 اباقۇق پايعامباردىڭ قايعىلى جىر رەتىندە ايتقان دۇعاسى:
2 ۋا، ەحوبا، سەن تۋرالى حابار ەستىدىم.
ۋا، ەحوبا، جاساعان ىستەرىڭ بويىمدا قاستەرلى سەزىم وياتتى.
وسى جىلدار ىشىندە* سولارىڭدى قايتا جاساي كور!
وسى جىلدار ىشىندە* سولارىڭدى پاش ەتە كور!
الاساپىران كەزدە مەيىرىم كورسەتۋدى ۇمىتا كورمە+!
3 قۇداي تەماننان،قاسيەتتى قۇداي پاران تاۋىنان كەلدى+. (سەلا)*
ونىڭ سالتاناتى كۇللى اسپاندى جاپتى+،ال داڭقى بۇكىل جەر بەتىنە جايىلدى.
4 ونىڭ نۇرى كۇندەي جارقىراپ تۇردى+،قولىنان ەكى ساۋلە شاشىراپ تۇردى،قولىندا ونىڭ قۇدىرەتى جاسىرىنعان ەدى.
5 ونىڭ الدىنان ىندەت ٴجۇرىپ وتىردى+،ال سوڭىنا قاۋىپتى دەرت* ىلەستى.
6 ول ورنىندا تۇرىپ، جەردى سىلكىندىردى+.
ول قاراعاندا، حالىقتار قالشىلدادى+.
ەجەلگى تاۋلار وپىرىلىپ قۇلادى،بايىرعى توبەلەر شوگىپ قالدى+.
كونە زاماننان جولدارى ونىڭ وسىنداي.
7 قۇشتىڭ شاتىرلارىنداعى ابىرجۋدى كوردىم.
ماديان جەرىنىڭ شاتىر جابىندارى ٴدىرىل قاقتى+.
8 ۋا، ەحوبا، وزەندەرگە اشۋلاندىڭ با؟
سولارعا قاھارىڭ لاۋلادى ما؟
الدە تەڭىزگە اشۋىڭ كەلدى مە+؟
سەن اتتارىڭا ٴمىنىپ شاپتىڭ+،سوعىس اربالارىڭ جەڭىپ شىقتى*+.
9 ساداعىڭ قابىنان شىعارىلىپ، دايىن تۇر.
تاياقتار* انتپەن تاعايىندالۋدا*.
سەن جەردى وزەندەرمەن ٴبولدىڭ.
10 سەنى كورگەندە، تاۋلار اۋىرسىنىپ بۇراتىلدى+،نوسەر ٴبارىن شايىپ كەتتى،تەرەڭدەگى سۋلار گۇرىلدەپ+،اسپانعا قاراي اتقىلادى.
11 كۇن مەن اي بيىكتەگى تۇراعىندا تۇرىپ قالدى+.
سەنىڭ جەبەلەرىڭ جارقىلداي ۇشتى+،نايزاڭ نايزاعايداي جارق-جۇرق ەتتى.
12 اشۋلانا جەر بەتىمەن ٴجۇرىپ ٶتتىڭ،ىزالانا حالىقتاردى تاپتادىڭ.
13 سەن ٶز حالقىڭدى ازات ەتۋ ٷشىن،مايلانعانىڭدى* قۇتقارۋ ٷشىن شىقتىڭ.
زۇلىمنىڭ ۇيىندەگى باسشىنى كۇيرەتتىڭ.
ول توبەسىنەن ىرگەتاسىنا دەيىن جالاڭاشتالدى. (سەلا)
14 ساربازدارى مەنى شاشپاق بولىپ داۋىلداي سوققاندا،ولاردىڭ باسىنا ٶز قارۋلارىڭدى سۇعىپ الدىڭ.
ولار تاسادان بەيشاراعا تاپ بەرىپ،جالماعانىنا ٴماز بولعان ەدى.
15 اتتارىڭمەن تەڭىزدى،بۋىرقانعان عالامات سۋلاردى باسىپ وتە شىقتىڭ.
16 مۇنى ەستىگەندە، تۇلا بويىم تۇرشىكتى،بۇل حاباردان ەرىندەرىم دىرىلدەدى،سۇيەكتەرىمە شىرىك ٴتۇستى+،اياقتارىم قالتىرادى.
ٴبىراق مەن اپات كۇنىن ۇندەمەي كۇتەمىن+،ويتكەنى ول بىزگە شابۋىلداعان حالىقتىڭ باسىنا تۇسپەك.
17 ٸنجىر اعاشى گۇلدەمەسە دە،ٴجۇزىم بۇتاسى جەمىس سالماسا دا،ٴزايتۇن اعاشى ٶنىم بەرمەسە دە،ەگىستىكتە استىق شىقپاسا دا،قورادا قوي قالماسا دا،مالقورادا ٸرى قارا بولماسا دا،
18 مەن ٴبارىبىر ەحوباعا شاتتانامىن،قۇتقارۋشى قۇدايىما قۋانامىن+.
19 الەمنىڭ ٵمىرشىسى ەحوبا — مەنىڭ كۇش-قۋاتىم+،ول اياعىمدى كيىكتىكىندەي جۇيرىك قىلادى،ماعان بيىك جەرلەردى تاپتاتادى+.
سىلتەمەلەر
^ مۇمكىن: «ٴبىزدىڭ ۋاقىتىمىزدا».
^ مۇمكىن: «ٴبىزدىڭ ۋاقىتىمىزدا».
^ تۇسىندىرمەنى قاراڭىز.
^ نەمەسە «دەنە قىزۋىن كوتەرەتىن دەرت».
^ نەمەسە «قۇتقاردى».
^ مۇمكىن: «جەبەلەر».
^ مۇمكىن: «رۋلار انتتار بەرۋدە».
^ تۇسىندىرمەنى قاراڭىز.
