اموس 1:1—15
1 تەكويادان+ شىققان قوي باعۋشى اموستىڭ* سوزدەرى. مۇنى ول ياھۋدا پاتشاسى ۇزياح+ پەن يسرايل پاتشاسى جوعاش+ ۇلى ەروبوعامنىڭ+ كۇندەرىندە، جەر سىلكىنىسىنەن+ ەكى جىل بۇرىن، يسرايل تۋرالى ايان كورگەندە العان بولاتىن.
2 ول بىلاي دەدى:
«ەحوبا* سيوننان ارىستانداي اقىراتىن بولادى،يەرۋساليمنەن ونىڭ داۋسى شىعادى.
قويشىلاردىڭ جايىلىمدارى قايعىرادى،كارميلدىڭ توبەسى دە قۇرعاپ قالادى+».
3 «ەحوبا مىنانى ايتادى:
—داماسكىنىڭ ٷش، ٴتىپتى ٴتورت بۇلىگى* ٷشىن ۇكىمىمدى وزگەرتپەيمىن،ويتكەنى ولار عالاقاتتى تەمىر استىق باستىرعىشپەن باستىردى+.
4 سول سەبەپتى مەن حازاەلدىڭ+ ۇيىنە وت جىبەرەمىن،ول بەن-حادادتىڭ بەكىنىس مۇنارالارىن جالماپ قويادى+.
5 داماسكىنىڭ+ قاقپا ىسىرمالارىن سىندىرامىن،بيقات-ابەننىڭ تۇرعىندارىن جويامىن،بەت-ەدەندە بيلىك ەتۋشىنىڭ كوزىن قۇرتامىن،سيريانىڭ حالقى كيرگە جەر اۋدارىلادى+،— دەيدى ەحوبا.
6 ەحوبا مىنانى ايتادى:
—گازانىڭ+ ٷش، ٴتىپتى ٴتورت بۇلىگى ٷشىن ۇكىمىمدى وزگەرتپەيمىن،ويتكەنى ولار كۇللى حالىقتى تۇتقىنعا الىپ+،ەدومنىڭ قولىنا بەردى.
7 سول سەبەپتەن گازانىڭ قابىرعالارىنا وت جىبەرەمىن+،ول بەكىنىس مۇنارالارىن جالماپ قويادى.
8 ازوتتىڭ تۇرعىندارىن جويامىن+،اشكەلوندا بيلىك ەتۋشىنىڭ كوزىن قۇرتامىن+.
قولىمدى ەكرونعا قارسى كوتەرىپ، جازالايمىن+،فىلىستىرلەردىڭ امان قالعاندارى قۇريدى+،— دەيدى الەمنىڭ ٵمىرشىسى ەحوبا.
9 ەحوبا مىنانى ايتادى:
—ٴتيردىڭ+ ٷش، ٴتىپتى ٴتورت بۇلىگى ٷشىن ۇكىمىمدى وزگەرتپەيمىن،ويتكەنى ولار تۇتقىنداردىڭ ٴبارىن ەدومنىڭ قولىنا بەردى،ولار باۋىرلاستىق كەلىسىمدى ەستەرىنە دە المادى+.
10 سول سەبەپتەن ٴتيردىڭ قابىرعالارىنا وت جىبەرەمىن،ول بەكىنىس مۇنارالارىن جالماپ قويادى+.
11 ەحوبا مىنانى ايتادى:
—ەدومنىڭ+ ٷش، ٴتىپتى ٴتورت بۇلىگى ٷشىن ۇكىمىمدى وزگەرتپەيمىن،ويتكەنى ول سەمسەر ۇستاپ، ٶز باۋىرىنىڭ سوڭىنان قۋدى+،ەش راقىمشىلىق كورسەتپەدى،اشۋ ۇستىندە ولاردى اياۋسىز پارشالاۋدا،ولارعا دەگەن اشۋ-ىزاسى قايتار ەمەس+.
12 سول سەبەپتەن تەمانعا+ وت جىبەرەمىن،ول بوسرانىڭ+ بەكىنىس مۇنارالارىن جالماپ قويادى.
13 ەحوبا مىنانى ايتادى:
—امموندىقتاردىڭ+ ٷش، ٴتىپتى ٴتورت بۇلىگى ٷشىن ۇكىمىمدى وزگەرتپەيمىن،ويتكەنى ولار ٶز ايماعىن كەڭەيتۋ ٷشىن+ عالاقاتتاعى جۇكتى ايەلدەردىڭ ٸشىن جاردى.
14 سول سەبەپتەن راببانىڭ قابىرعالارىنا وت قويامىن+،ول بەكىنىس مۇنارالارىن جالماپ قويادى،شايقاس كۇنى اتوي سالعان داۋىستار ەستىلەدى،داۋىل كۇنى الاي-تۇلەي بولادى.
15 ولاردىڭ پاتشاسى امىرشىلەرىمەن بىرگە جەر اۋدارىلىپ كەتەدى+،— دەيدى ەحوبا.
سىلتەمەلەر
^ ماعىناسى «جۇك بولۋ» نە «جۇك كوتەرۋ».
^ بۇل — قۇدايدىڭ ەسىمى. تۇسىندىرمەنى قاراڭىز.
^ نەمەسە «قىلمىسى».
