اموس 2:1—16
2 ەحوبا مىنانى ايتادى:
—موابتىڭ+ ٷش، ٴتىپتى ٴتورت بۇلىگى* ٷشىن ۇكىمىمدى وزگەرتپەيمىن،ويتكەنى ول ەدوم پاتشاسىنىڭ سۇيەگىن ورتەپ، اك جاسادى.
2 سول سەبەپتەن موابقا وت جىبەرەمىن،
ول كەريوتتىڭ+ بەكىنىس مۇنارالارىن جالماپ قويادى.
مواب ايقاي-شۋدىڭ ورتاسىندا،اتويلاعان داۋىس پەن ٴمۇيىز كەرنەي ٷنىنىڭ اراسىندا كۇيرەيدى+.
3 ونىڭ اراسىنداعى بيلەۋشىسىن قۇرتامىن،ونىمەن بىرگە كۇللى ٵمىرشىسىن ولتىرەمىن+،— دەيدى ەحوبا.
4 ەحوبا مىنانى ايتادى:
—ياھۋدانىڭ+ ٷش، ٴتىپتى ٴتورت بۇلىگى ٷشىن ۇكىمىمدى وزگەرتپەيمىن،ويتكەنى ولار ەحوبانىڭ زاڭدارىنان باس تارتتى،ونىڭ ەرەجەلەرىن ورىندامادى+.
اتا-بابالارىن اداستىرعان وتىرىكتەر ولاردى دا اداستىردى+.
5 سول سەبەپتەن ياھۋداعا وت جىبەرەمىن،ول يەرۋساليمنىڭ بەكىنىس مۇنارالارىن جالماپ قويادى+.
6 ەحوبا مىنانى ايتادى:
—يسرايلدىڭ+ ٷش، ٴتىپتى ٴتورت بۇلىگى ٷشىن ۇكىمىمدى وزگەرتپەيمىن،ويتكەنى ولار ٵدىل جاندى كۇمىسكە،كەدەيدى ٴبىر جۇپ ساندالعا ساتادى+.
7 ولار بەيشارانىڭ باسىن جەرگە تىعادى+،مومىننىڭ جولىنا توسقاۋىل قويادى+،اكەسى دە، ۇلى دا ٴبىر ايەلگە بارىپ،كيەلى ەسىمىمدى قورلايدى.
8 كەپىلدىككە العان كيىمدى+ ٵربىر قۇرباندىق ورنىنىڭ+ جانىندا توسەپ جاتادى،بىرەۋگە تولەتكەن ايىپپۇلعا شاراپ الىپ، قۇدايلارىنىڭ ۇيىندە ىشەدى.
9 كەزىندە حالقىم ٷشىن امورلىقتاردى قۇرتقان مەن ەدىم+،ولار قاراعايداي بيىك، ەمەندەي مىقتى بولاتىن،مەن ونىڭ توبەسىندەگى جەمىسى مەن تۇبىندەگى تامىرىن جويعانمىن+.
10 امورلىقتاردىڭ جەرىنە يە بولسىن دەپ،سەندەردى مىسىردان الىپ شىعىپ+،قىرىق جىل بويى ٴشول دالادا ەرتىپ ٴجۇردىم+.
11 ۇلدارىڭنىڭ كەيبىرىن پايعامبار+،جاس جىگىتتەرىڭنىڭ كەيبىرىن نازير ەتتىم+.
سولاي ەمەس پە، ۋا، يسرايل حالقى؟— دەيدى ەحوبا.
12 الايدا نازيرلەرگە شاراپ ىشكىزۋدى قويمادىڭدار+،پايعامبارلارعا «پايعامبارلىق ەتپە!» دەپ تيىم سالدىڭدار+.
13 سوندىقتان استىق ارتىلعان اربا استىنداعىسىن جانشىعانداي،سەنى دە ٶز ورنىڭدا جانشيمىن.
14 جۇيرىك قاشاتىن جەر تاپپاي قالادى+،مىقتى ٶز كۇشىنەن ايىرىلادى،جاۋىنگەر دە جانىن ساقتاي المايدى.
15 ساداقشى تويتارىس بەرە المايدى،جەلاياق قاشىپ قۇتىلمايدى،سالت اتتى جانىن ساقتاپ قالا المايدى.
16 ەڭ باتىل دەگەن ساربازداردىڭ ٶزىسول كۇنى جالاڭاش قاشا جونەلەدى+،— دەيدى ەحوبا».
سىلتەمەلەر
^ نەمەسە «قىلمىسى».